ابو صلاح ...
سبعة زينة الدنيا وسعوده
مني فارق يا ربي عوده
القماري الفي الجو صعوده
بالنشايد غنت لي عوده
في الارايك قيامه وقعوده
والسحائب تضحك رعوده
لي عيوني الباخل هجوده
والدموع الفرقني جوده
ليك شعور اتوفر وجوده
في قديمك فرضا سجوده
الكتوف لي ردفك حسوده
برضو درعك يعلا ويسوده
يا الغزاله الجارحه الاسوده
بالعيون المكحوله سوده
بالنظر تتباعد شروده
في فؤادي صدوره وروده
النسايم البند بروده
من روائح سبعه الفروده
القلوب القاسيه الجلوده
ليها طاعت من يوم ولوده
لو طفش شمعون من بلوده
في قليبه تاكد خلوده
العوارض معرض خدوده
والضفيره الدرعين حدوده
والبريق الفي العتمه دوده
نور سناها ولمعة خدوده
يتني جيده الهضليم يقوده
في المبنى الرجح رقوده
والثنايا البجهر وقوده
نور مُخلص من در عقوده
في كلاي جلوسه ومهوده
دمعي مورد موية رهوده
لو دموعي تكذب شهوده
قلبي يسجن في حق نهوده

فرع البانه البرنع يقود..
نظم افكاري ولبسن عقود..
=
فوقك عهود..
برا، وطه، ويس، وهود..
لي شلاخك وقفن شهود..
واثمر فرعك جوز النهود..
=
جدي الخدور..
بخلاف شوفتك انا شن بدور؟..
وسطك رق وقلع الصدر..
شعرك ظلمه ومحيك بدر..
=
جدي السراح..
عقلي وفكري ونوم عيني راح..
من نغماتك ريحان وراح..
مرهم عرقك يبري الجراح..
=
عقلي انفقد..
طلق اشواقي وللنوم عقد..
خدك يلمع شلخك وقد..
فوق اردافك خصرك رقد..
=
طيبك عبق..
سنك براقه يسوي بق..
ترنع تشبه مهر السبق..
فوق اردافه صدير إنطبق..
=
حاجبك وتر..>
لسهام نشاب عينك نتر..
من اردافك خصرك فتر..
ولي اقدامك شعرك ستر..
=
منع الوسان..
أفرز رمشك نشابو سان..
كيف لا اغلب زملاي لسان..
وانت تفوقي الحور الحسان....

حاجبك وتر..
لسهام نشاب عينك نتر..
من اردافك خصرك فتر..
ولي اقدامك شعرك ستر

(1) جافي المنام لاسعني حي
لو يانسيم مريت عشي
قبل فويطـــــرات الرشي
قوليهو قط مابي شى
الا الغرام شـاويني شى
(2) النسيم المار بالخميله
يانسيم لاترتعد
اصفي زور شادن بعيد
كتفو في الدرعين قعيد
رنا سهمو للالام يعيد
(3) يانسايم اتعطري
من روائح الزهر الطري
زوري مالكي واقري السلام
يانسائم بي اخطري
واكتبي الشفتي وسطري
من روايحك بفهم كلام
(4) يا سمير
يا نسيم نومي قل وزاد عناد
إستعد اصبح عليك الإستناد
إجتهد في السرعه زي قدح الزناد
تلقى سياف لحظو صاحي وطرفو ناد
إحتفلبو و لفو بي توب الندى
(5) وسطاً ضمر واتهادا
هجــم النســـيم كالعاده
بالبوســـته فــي ميعــاده
قالت له جسمي اتعـاده
من نــــارك الوعـــــــــاده
راسل النســـيم زي داده
للجاهـــله بيـــــــن انداده
يلقاهــا في استعـــــداده
ويقــرأ العلــــي بي وداده
(6) عيني ساهرة وقلا اصطباره
النسايم جابت أماره
من روايحك تحي الغماره
دمت وهبه وليك الاماره
تجني فل الروضه وثمارا
(7) سبعة ام صدراً علا
يا نسيم الروض قابلا
بالتحيه ان كان تقبلا
اوع حاسب لا تقبلا
تبقي عاشق والغي بلا
(8) مستلمه القليب
ارسلت النسيم السابق البالون
ورد لي الروايح جابها غير نولون
من الجسمو يلصف نور ويرنع لون
والخد بالجمال كل ساعه يقلب لون
يا صافي النسيم روقت كل ذهون
لي خمسيني روح و القاسيه بيك تهون
لاعب لي المضفر و بالمسك مدهون
حل قلبي المقيد بالعشق مرهون
(9) أرى الطيور غردت ثميله
يانسيم الفروع ظليله
تطوف بي روحك العليله
تلاعب ازهارها كل ليله
رسن بستاتينا ام خليله
يانسيم اخطر عني حيله
وطوف بي حي ظبيتي الكحيله
صرت روح بين عظام نحيله
وغمضه اجفاني مستحيله
(10) صيدة الأراك
رق يانسيم حن وابكي وانتكيلا
في شوقي بالعلي لما تحكيلا
مرجح صديرا ولاتاكيلا
وارجع لي زيد نار الغرام كيلا
(11)هنده في الهجران كفاكي
النسيم أسرع اتاكي
مر بين طبقات غطاكي
تقلو في لينك عتاكي
وضمه في خصرك يتاكي
(12) الحواري الظهرت جديدة
الروايح عبقت شديده
والنسيم بي كؤوسه بيدير
والظبيه اللامع خديدا
تلولي فوق رمان الصدير
(13) يا نسيم بلغ الأحباب
يانسيم ارجوك بلغ الاحباب
بي اذاي وارجع وضح الاسباب
يانسيم وصفك حير الالباب
لايحوشك حيط لاحجاب لاباب
لي خداري تقيف بي ادب هباب
(14) من رايت الفدعة في وريدا
انتي عرتي البانه تاويده
وانتي فقتي الرانعه في هويده
والنسايم ديمه تعويده
من روايحك شايله تزويده
(15) يانسايم الليل حصلي
في العليفون الشوق وصلي
طلسم الاسحار ابطلي
بالرشيم والخد الطلي
والنسيم بتعطلي
بي روايح الطيب تسطلي
(16) ظبي رامه
ياخلاصه نور كل زمان وعصور
في اللحاظ يبرق سيفك المنصور
النسيم ميل خصرك المحصور
بين عناب فاهك خندريس معصور
(17) يانسيم مالي اراك
يانسيم مالي اراك
دايما بالليل مسراك
مابين خزام واراك
يانسيم جيب لي نباك
من روضي الما بيغباك
ياناعس العين في خباك
في هواك عيون تتباك
يانسيم لو حباك
وناجاكا سريع لباك
اتمتع بين رباك
وليك روحي هديه جباك
(18) ان ورد بروايحك نسام
ان ورد بروايحك نسام
تنتعش ارواح ياليلي واجسام
دمعي مالو اتحلل وانسام؟
لاح بريق ولافاطرك بسام؟
قلبي مالو اتقطع اقسام؟
ديل رشارش عينيك يا ام خد ولا حسام
(19) البساتين
هب يانسيم زهر الرياض ليك مبتزل
والنزهه ليك غير شك مسطره في الازل
مابين اكمام البساتين لم تزل
تلتف بين اوراقا تلتمس الغزل
روح يانسيم داخل الربوع رايق وسل
جاذب فؤادي الليهو دون امري ارتسل
قول ليه عاشقك للامر طاع وامتثل
وجيب رد خطابو الاحلي من صافي العسل
(20) يوم نظرتك لي عيد
يانسيم لاترتعد
اصفي زور شادن بعيد
كتفو في الدرعين قعيد
رنا سهمو للالام يعيد
(21) في النسايم شاكي
فيدي مين افتاكي
ترمي قلبي سهام لحظك الفتاك
تقلعي الرمان والصدير يعتاكي
والنسيم المار لي قوامك تاكي
(22) يا قميريه
عد نسيم عاطر
ماهب في يوم ماطر
السلام مني ليكي يا ام فاطر
(23) عيني والمنام في معانده
النسيم كتب اشواقي وردا
للوحيده في جيلا مفرده
هب مسكو فاح سبب الرده
كم جروح برت تاني جددا
(24) قلبي همالو
الفريع السيل دمعي سحــــــــالو
يا نسيم ارجوك شوفو كيف حالـــو
(25) الطريف الشـايل سيف رمـش جـرّاح
النســيم المسـكر للغصـون رنّـاح
جيب لي روح مسكية وزوّد الامناح
يابلـيـبـل طيـبة ويالهـزار النـاح
ليك اصير متشكر لو تعيرني جناح
النســيم المـروي البـالروائح فـاح
هـبّ جمر اشواقي الملّتو الاصفاح
جـلّي صبري ودوّر في القـلوب لفّاح
اصل اذاي عنّـابه وطبي في التفاح
يالنسـيم الغصن المـن مـرورك ماح
صدّ ليـه واطلب من تنـيه سماح
الفـويطـر يقـدح والبـريـق لمّـاح
حـلل امـطر دمعي الاندفق طمّاح
(26) أضيع في هواك
رقيق خصرو سادل عليه الغمام
يجاذبو النسيم في المرور كالزمام
يميل بالشمال والجنوب والامام
يكاد ان يرك فوق غصنو الحمام
(27) رشا يا كحيل
هبتلي روايح داهشـــــــاني
يا نسيم عقب وعود علشاني
قول ليه غرامك اغشـــــاني
وأدركني الدمــــع الرشـــاني
الجمال شأنك والحب شاني

يا نسيم روح بلغ واغشـــاني
(28) شوف العين قالت ده لالا
النســــام جــــاب الرســـــــالا
وفي التوضيــــح روق رســـــالا
ذكرنــــي الرطــب العســــــالا
وزاد الشـــــــوق والدمعه سالا
يا نســـــام وضـــــح جمــــــالا
والقامــــه السيــــــــــرك امالا
واصف لي احـــــــــــوال كمالا
وقول لي ام خد هاجراني مالا
(29) رياض توتي
للنسيم بساتين يعاشره
وكل روضه لا شك يباشره
طيبه ليها بيع والقلوب شره
وفي روايحه اخباره ناشره
يا نسيم رياضك موازره
والزهور تخوض في مغازره
تحضن الرياحين تفزره
جد عشيقه ولا بتهازره
(30) شقيقة البدري
طيبك بالنســـائم يســـرى
شـــم نفحاته يجبر كسرى
قابل بى غرامي وحسري
بس بى موتى عاد لا تجسري
(31) صدر المحافل
لي طيفك مالقيت وسائل
غير بسط النسمات رسائل
أغرب شي واعجب مسائل
حلم الصاحي ودمعو سايل
لو شكيت في أمري سائل
البدرين كونك مثيله
(32) ياحمام ورق الخدور
ياحمام ورق الخدور
من غناك اسمعني دور
غني ذكرني البدور
المحجبه في الخدور
النسيم بالند يدور
يسقي رمان الصدور
(33) يا الفي حبك ظالمانا
رسل النسمات تغشانا
بي طيبك جات راشانا
نرجاها صباح وعشانا
وخاصمنا النوم علشانا
(34) بدور القلعه
هل خليل نسـى أم لي طــرا -- يا ام شلوخــــاً عشره مسطرا
النسايــــــم بالند عطرا -- ده الدفق لدمــــوعي وامطرا
نماذج من الدوبيت
سرَى صافى النسيم رقص فروع الديره
كم ميل ضمير (ستين) وهذا صديره
مرّ على الرياض حضن الرُخص في خديره
وفي النواره تقول شايله خُمره يديره
نفحات النسيم إحترتا في تعبيره
سكران صاحي زي شاربلي قُنطار بيره
بالحال العلي يا بنيه إنتي خبيره
لو أرسلتي النسيم منك يكون تصبيره
يطربني النسيم المن بلادك بادي
أنشق منه طيباً فيه راحة أكبادي
وأعشق إسمكم في حاضرا أو بادي
ويلعب قلبي كل ما يبرق العبادي

وصف الخنتيله
🍀🍀
صالح عبد السيد (ابو صلاح)
🍀🍀🍀
ﻭﺻﻒ ﺍﻟﺨﻨﺘﻴﻠﺔ
ﺟﻤﺎﻝ ﺗﺎﺟﻮﺝ ﺍﻟﻤﺎﻓﻰ ﻣﺜﻴﻼ
ﻭﻫﺎﻙ ﻳﺎ ﺯﻣﻴﻞ
ﺭﻭﻳﺤـﺘﻰ ﻛـﺘـﻴـﻠﺔ
ﻗﻠﻴﺒﻰ ﻳﺸﺎﺑﻰ ﺣﺴﺐ ﺗﺮﺗﻴﻼ
ﺻﺪﻳﺮ ﻫﺰﺍﺯ
ﺿﻤﻴﺮﺍ ﻓﺘﻴﻞ
ﻭﻟﻴﻬﺎ ﻋﻴﻮﻥ ﺃﺭﻳﻞ ﻓﻰ ﻧﺘﻴﻠﺔ
ﻭﻫﺎﻙ ﻳﺎ ﺯﻣﻴﻞ
ﻋﻘﻮﻟﻨﺎ ﻫﺰﻳﻠﺔ
ﻗﻠﻮﺑﻨﺎ ﻋﻠﻴﻜﻰ ﻛﺘﺮ ﺯﻟﺰﻳﻼ
ﻭﺷﻮﻓﺔ ﻋﺎﺭﺿﻚ ﻧﻐﻤﺔ ﺟﺰﻳﻠﺔ
ﺗﺮﺩ ﺍﻟﺮﻭﺡ ﻭﺍﻟﻐﻤﺔ ﺗﺰﻳﻼ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﻭﺿﻴـﺒﺎ ﺯﻣﻴـﻼ
ﻳﻘﻮﺩﺍ ﻳﺘﺎﻛﻰ ﺍﻟﻘﺎﻣﺔ ﻳﻤـــﻴﻼ
ﺟﺒﻴﻨﺎ ﺗﻠﻮﺡ ﺍﻧﻮﺍﺭﻭ ﺟﻤـﻴﻠﺔ
ﻳﻔﻮﻕ ﺍﻟﻘﻤﺮﺓ ﺑﻌﺪ ﺗﻜﻤﻴـﻼ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﺧـﺪﻭﺩﺍ ﺃﺳــﻴـﻠﺔ
ﺳﻨﺎﻫﺎ ﻳﻔﻮﻕ ﻏﻴﻤﺎﺗﻮ ﻋﺴﻴﻠﺔ
ﻛﺘﻴﻔﺎ ﻧﺰﻝ ﻃﺎﻭﻉ ﺗﻮﺳﻴﻼ
ﻣﻦ ﺍﻷﺭﺩﺍﻑ ﻣﺎ ﻻﻗﻰ ﻭﺳﻴﻠﺔ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﺧـﺪﻳﺮﺍ ﻛﺤﻴﻠﺔ
ﺿﻬﻴﺮﺍ ﺭﻧﻊ ﻏــﺎﻟﺒﺎﻫﻮ ﺍﻟﺤﻴﻠﺔ
ﺿﻤﻴﺮﺍ ﺍﻟﻬﻴﻒ ﺻﻔﺤﺎﺗﻮ ﻧﺤﻴﻠﺔ
ﺻﺪﻳﺮ ﻳﺮﺟﺢ ﻭﺍﺭﺩﺍﻓﻮ ﺭﺣﻴﻠﺔ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﺧﺪﺭﺗﻚ ﺍﺻﻴﻠﺔ
ﻋﻠﻰ ﺍﻟﻨﺮﺟﺲ ﻳﻌﻈﻢ ﺗﻔﺼﻴﻼ
ﻋﻴﻮﻧﻰ ﻧﺠﻮﻡ ﺍﻟﻠﻴﻞ ﺗﺤﺼﻴﻼ
ﻣﻘﺎﻃﻊ ﺍﻟﻨﻮﻡ ﺍﺭﺟﻮﻙ ﺗﻮﺻﻴﻠﺔ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﺍﻟﺮﻭﺿﺔ ﻇﻠﻴﻠﺔ
ﻃﺎﻳﻠﺔ ﻣﻌﺘﻤﺔ ﻻﺧﻤﺔ ﺩﻟﻴﻼ
ﻭﻟﻮﻻ ﻗﻤﺮ ﻣﺤﻴﺎﻙ ﻫﺎﺍﻟﻠﻴﻠﺔ
ﻟﻜﻨﺎ ﻧﺘﻮﻩ ﻓﻰ ﻇﻠﻤﺔ ﻟﻴﻞ
ﻭﻫﺎﻙ ﻳﺎ ﺯﻣﻴﻞ
ﻭﺻـﻒ ﺍﻟﺨﻨﺘﻴﻠﺔ
ﺍﻟﻠﻴﻬﺎ ﻧﻔﻴﻠﺔ
ﺗﻌﻮﻡ ﻭﺍﻛﺘﺎﻓﺎ ﻳﻼﺯﻣﻮﺍ ﻛﻔﻴﻼ
ﻭﻟﻴﻬﺎ ﻃﺒﺎﻉ ﺍﻟﺼﻴﺪ ﻭﺟﻔﻴﻼ
ﻋﻠﻴﻬﺎ ﺍﻟﻘﺎﻓﻴﺔ ﻭﺟﺐ ﺗﻘﻔﻴﻼ
ﻭﻫﺎﻙ ﻳﺎ ﺯﻣﻴﻞ
ﻭﺻـف الخنتيله .

الشاعر ابوصلاح
غناء رحمة الله الشيخ
ناس اللغة العربية الطباق والجناس في اجمل الروائع

شوف العين قالت ده لا لا و صدت من تيها و دلالا
ريدتك ساكنه الجوف خلالا و الاعضاء امتزجت خلالا
و براق سنك شق لا لا و لحظك صاب احشائي قلالا
خالي الحب لو فات قبالا يمرض قبالي ترمي بالا
و طرف العين لو كان صحالا يجهر من ضربة نبالا
اسباب الغي و العلالا ضمرته و الصدر العلالا
نور دون نور يا ذو الجلالا خدا باللمعه انجلالا
و البي تعلمي انتي حالا بين الاعضاء و انتحالا
دائي الغي و دواي محالا و دا الهلك الاعضاء و محالا
نظرة عينه اخضر خالا بين طبقات رمش الرخالا
نظرة تجاوب من يخالا معنى العفة الدون بخالا
دي العفة الهلكت رجالا يا ام شلاخ تعب الرجالا
ليك خدين نايرات خجالا و عين هلكت فرسان مجالا
في التضمير ما ليك مثالا و علمت الغصن الرتالا
و شوفتك كل عاشق اتالا صار مضروب سهام قتالا
النسام جاب الرسالا و في التوضيح روق رسالا
ذكرني الرطب العسالا و زاد الشوق و الدمع سالا
يا نسام وضح جمالا و القامة السيرك امالا
واصف لي احوال كمالا و قول لي ام خد هاجراني مالا
قال ست محياه نوره هلالا و فوق لخدود جيده البهالا
و الصدر الرجح ..... ازالا و الاعطاف زايد هزالا
و روبته كاسيه وريد غزاله و في الارداف عملت نزالا
نار الغي زاد اشتعالا و الافكار دائما زعالا
في الهجران انظر فعاله يا نسام و ارجع تعالا

صالح عبد السيد ابو صلاح "كلمات أغنية الليل الليل ياجمال الليل
الليل الليل ..يا جمال الليل
وطيبك عبق
وهوي يا جاهله وطيبك عبق
سنك براقا يسوي بق
وترنعي تشبهي مهر السبق
وبين اكتافها صديرها انطبق
الليل الليل ..يا جمال الليل
وفوقك عهود
وهوي يا جاهلة وفوقك عهود
براءة و طه وياسين وهود
لي شلاخك وقفن شهود
ازهر فرعك جوز النهود
الليل الليل ..يا جمال الليل
تتفدعي ....
وهوي يا حبيبة وتتفدعي
فوق لدروعك تتجدعي
بجيوش شامك لي تفجعي
في يوم توب صدري تمزعي
الليل الليل ..يا جمال الليل
طرفك كحيل.....
وهوي يا حبيبي وطرفك كحيل
صدرك عالي وخصرك نحيل
من اردافك دائما محيل
تحكي سحيب الضحى في الرحيل
الليل الليل ..يا جمال الليل
محياك قمر....
وهوي يا حبيبي ومحياك قمر
ميل فرعك شال الثمر
طايل ديسك يندح خمر
من العلقم هجرك امر
الليل الليل ..يا جمال الليل
يا نسيم الروض قابلا
بالتحية ان كان تقبلا
قال لي حاسب لا تقبلا
تبقى عاشق والغيبة لا
الليل الليل ..يا جمال الليل
جدية الخدور.....
وهوي يا حبيبة جدية الخدور
بخلاف شوفتك انا شن بدور
وصفك رق وقلع الصدر
شعرك ظلمة ومحياك بدر
الليل الليل ..يا جمال الليل
تتجلى نار.....
هوي يا حبيبي و تتجلى نار
قنديل وجهك يطفى الفنار
ساكنة قليبي وما ليكي جار
سكني روحي معاك بالايجار
الليل الليل ..يا جمال الليل
يا خفيف الروح يا الرزان
فرعك المصقول خيرزان
انت كالميزان كاللبان
الليل الليل ..يا جمال الليل
المهر الوحيل
ما مشية المهر الوحيل
ما السحاب ما الظل في الرحيل
اصلو غير يتنى النحيل
يمشي خطوة اتنين مستحيل
الليل الليل ..يا جمال الليل
ربما تحتوي الصورة على: ‌‏شخص أو أكثر‌‏

كيف يتسنى لإنسي من جنسنا ان يكتب شعراً قافيته (شَدَّة)
ااااايي الشدة الواحدة دي
لكن عندما نعلم انه ابو صلاح تنتفي اسباب الاستغراب
و لا اظن احمد شوقي اطلق عليه الاسم الذي ستطالعونه في اخر المنشور عن فراغ
شغلتني كغيري من المحبين لجمال الكلمة ورصانة المعنى أغانيات الحقيبة ولا تزال تشغلني وتستحوذ على وجداني .. ربما لا أحسن التأمل لكنني أشارككم ما أحسه واجده محفورا في وجداني ولعل أن كثيراً من الباحثين في هذا المجال قد كتبوا كثيراً ولا أجدني مزاحماً لهم في شئ اذ أن تأملي من باب المتعة البواح والتذوق والتشبه بالجميلين اذ في ذاك فلاحٌ دون شك.
لا أعتقد أن هناك ( تراتيبية ) ملزمة للتأمل حتى أتقافز في هذه الحديقة الغناء متى ما أسعفتني الكلمات ودعني اعبر اليكم من باب صالح عبدالسيد أبو صلاح ذاك الباب الفسيح ..
جافي المنام لاسعني حي
الحان وغناء كروان السودان كرومة:
جافي المنام لاسعني حي
ام زاد غـرام ضـاوي المحـي
قالب الدرع يقدل ضحي
طال جيدو فـاق ظبـي السحـي
قال لي تطوف بي كل حي
كيف تبقي عاشق وانت حـي
لـو يانسيـم مريـت عُشـي
قبـل فويطـرات الرُشـي
قول ليـه قـط مابـي شـئ
الا الغـرام شاوينـي شـي
خليك خفيـف رايـق بُنـي
لاتتنـي قامـة الدابـو نـي
املد خصـر خاتـي التُنـي
حـق نهـدو يلعبـو التُنـي
ياللردف خصرك تكـي
انـا مـن هـواك دايمـاً شكـي
فاطرك وقد في البسمـة كـي
يشوينـي لايكوينـي كـي
عينيك متل عين الظبي
السارحـة بـي شويـدن الربـي
كم بالدعج هلكـن صبـي
جاهلابـو زي ماجاهلـة بـي
نورتـي يالخـد الجلـي
تخفـي الجـواهـر والحـلـي
خبرني ياب صـدراً عُلـي
البرتكـان ليـك والـلا لـي
قال لي دا لااتباع لاشـري
احسبلـو فـوق نجـم التـري
لسه رخيـص ناعـم طـري
خمـر الـدلال باقيلـو ري
سائـل حميمـات الـودي
بالـزمـة يغـشـن للـجـدي
يردن ذلال فاهـو النـدي
عـن نيلـو قصـرن ساعـدي
يا قلبي كون بالحب رضي
انا لي رضاك ماشايف لي ضي
علينا ونحن نقرأ هذه التحفة التي لا اجد حرجاً في تسميتها ( معلقة ) اذ تستحق أن تقارن بمعلقات العرب ذات السيط والشهرة .. أقول علينا أن نستصحب حالة التصغير البديعة التي نسجت بها هذه التحفة الباذخة الروعة .. !!
ثم أنك لن تجد ( حسبما أشار الشاعر اللواء أبو قرون ) لن تجد من قام بتصغير النسيم في الشعر العربي خلا أبو صلاح حين قال :
لـو يانسيـم مريـت عُشـي
قبـل فويطـرات الرُشـي
وأتلمس معه هذه العبارة فتنسكب فينا ألقاً بهياً اذ خاطب النسيم ان ساقته الأمسيات هناك أن يقبل ( فويطرات ) الرشي .. !!
ان تصغير ( فاطر ) الذي قصد به ثغر محبوبته المتبسم كثغر ( الرشا ) يجعلك لا تستريح إلا وأنت فاغراً فاك دهشةً وصبابة .. !!
ويمضي محدثاً عن نفسه سائلاً أن تصل كلماته اليها وتخبرها أنه لا شئ فيه سوى أن غرامها قد ( شواه شي ) .. استدارك في غاية البهاء اذ نفى عن نفسه كل عارض وكل أذى .. اللهم إلا غرامها الذي استجمر على نار اللهفة والأمنيات .. !!
ثم على ذات النهج يمضي في وصفه الفجيعة حتى اذا ما الشوق اتسق قال في غير كلفة :
ياللردف خصرك تِكـي
انـا مـن هـواك دايمـاً شِكـي
فاطرك وقد في البسمـة كـي
يشوينـي لايكوينـي كـي
مهما أوتينا من بصيرة لا أظن أننا قادرين على أن نسوي بنان هذا القول البديع كيف لا وهو يطلب من محبوبته أن ( تشويه ) ولا تكتفي بالكي .. اذ في حال الشواء .. لا تترك جانباً إلا وغشيته من نارها لفحة .. !!
ثم في عتابٍ عجيب يزفر قوله :
كم بالدعج هلكـن صبـي
جاهلابـو زي ماجاهلـة بـي
اذ أنها تجهل الذين صرعتهم لحاظها ذات اشراق مهلك ولا يمشي كثيراً في قوله حتى يغازل صدرها المكور في عشمٍ عجيب وافتتانٍ لا ينتهي :
خبرني ياب صـدراً عُلـي
البرتكـان ليـك والـلا لـي
لا احسبن مفرداتنا للتأمل في هكذا ملاطفة إلا واستعصت علينا الأقاويل .. لا سيما ان تأملنا كيف تخيل ردها له :
قال لي دا لااتباع لاشـري
احسبلـو فـوق نجـم التـري
لسه رخيـص ناعـم طـري
خمـر الـدلال باقيلـو ري
وها هو يسأل ( حميمات ) الوادي .. الذي أعتقده ويشاركني فيه الكثير من الناس أن الحمام أصله رقيقاً ومليحاً وتصغيره من ( أبي صلاح ) زاده رقةً ولطافة هو وواديه الذي يغطيه بجناحيه الوريفتين .. !!
*قال لي تطوف بي كل حي*
*كيف تبقى عاشق وانت حي*
كانني به يمسك الدهشة من تلابيبها على بقاء العاشق على قيد الحياة ذلك ان العشق عنده يفنى فيه العاشق في معشوقه
وفي ظني ان ذاك من أروع ما قرأت من شعر .. ولا أجد دهشةً في أن أمير الشعراء أحمد شوقي قد هام بهذه القصيدة حسبما يذكر الباحثون في تراث الحقيبة وأنه ( أمير الشعراء ) كتب معلقاً علي ديوانه الذي أهداه لإبي صلاح :
من أعظم شعراء مصر الى أعظم شعراء السودان .. أو هكذا كان تعليقهكيف يتسنى لإنسي من جنسنا ان يكتب شعراً قافيته (شَدَّة)
ااااايي الشدة الواحدة دي
لكن عندما نعلم انه ابو صلاح تنتفي اسباب الاستغراب

و لا اظن احمد شوقي اطلق عليه الاسم الذي ستطالعونه في اخر المنشور عن فراغ
شغلتني كغيري من المحبين لجمال الكلمة ورصانة المعنى أغانيات الحقيبة ولا تزال تشغلني وتستحوذ على وجداني .. ربما لا أحسن التأمل لكنني أشارككم ما أحسه واجده محفورا في وجداني ولعل أن كثيراً من الباحثين في هذا المجال قد كتبوا كثيراً ولا أجدني مزاحماً لهم في شئ اذ أن تأملي من باب المتعة البواح والتذوق والتشبه بالجميلين اذ في ذاك فلاحٌ دون شك.
لا أعتقد أن هناك ( تراتيبية ) ملزمة للتأمل حتى أتقافز في هذه الحديقة الغناء متى ما أسعفتني الكلمات ودعني اعبر اليكم من باب صالح عبدالسيد أبو صلاح ذاك الباب الفسيح ..
جافي المنام لاسعني حي
الحان وغناء كروان السودان كرومة:
جافي المنام لاسعني حي
ام زاد غـرام ضـاوي المحـي
قالب الدرع يقدل ضحي
طال جيدو فـاق ظبـي السحـي
قال لي تطوف بي كل حي
كيف تبقي عاشق وانت حـي
لـو يانسيـم مريـت عُشـي
قبـل فويطـرات الرُشـي
قول ليـه قـط مابـي شـئ
الا الغـرام شاوينـي شـي
خليك خفيـف رايـق بُنـي
لاتتنـي قامـة الدابـو نـي
املد خصـر خاتـي التُنـي
حـق نهـدو يلعبـو التُنـي
ياللردف خصرك تكـي
انـا مـن هـواك دايمـاً شكـي
فاطرك وقد في البسمـة كـي
يشوينـي لايكوينـي كـي
عينيك متل عين الظبي
السارحـة بـي شويـدن الربـي
كم بالدعج هلكـن صبـي
جاهلابـو زي ماجاهلـة بـي
نورتـي يالخـد الجلـي
تخفـي الجـواهـر والحـلـي
خبرني ياب صـدراً عُلـي
البرتكـان ليـك والـلا لـي
قال لي دا لااتباع لاشـري
احسبلـو فـوق نجـم التـري
لسه رخيـص ناعـم طـري
خمـر الـدلال باقيلـو ري
سائـل حميمـات الـودي
بالـزمـة يغـشـن للـجـدي
يردن ذلال فاهـو النـدي
عـن نيلـو قصـرن ساعـدي
يا قلبي كون بالحب رضي
انا لي رضاك ماشايف لي ضي
علينا ونحن نقرأ هذه التحفة التي لا اجد حرجاً في تسميتها ( معلقة ) اذ تستحق أن تقارن بمعلقات العرب ذات السيط والشهرة .. أقول علينا أن نستصحب حالة التصغير البديعة التي نسجت بها هذه التحفة الباذخة الروعة .. !!
ثم أنك لن تجد ( حسبما أشار الشاعر اللواء أبو قرون ) لن تجد من قام بتصغير النسيم في الشعر العربي خلا أبو صلاح حين قال :
لـو يانسيـم مريـت عُشـي
قبـل فويطـرات الرُشـي
وأتلمس معه هذه العبارة فتنسكب فينا ألقاً بهياً اذ خاطب النسيم ان ساقته الأمسيات هناك أن يقبل ( فويطرات ) الرشي .. !!
ان تصغير ( فاطر ) الذي قصد به ثغر محبوبته المتبسم كثغر ( الرشا ) يجعلك لا تستريح إلا وأنت فاغراً فاك دهشةً وصبابة .. !!
ويمضي محدثاً عن نفسه سائلاً أن تصل كلماته اليها وتخبرها أنه لا شئ فيه سوى أن غرامها قد ( شواه شي ) .. استدارك في غاية البهاء اذ نفى عن نفسه كل عارض وكل أذى .. اللهم إلا غرامها الذي استجمر على نار اللهفة والأمنيات .. !!
ثم على ذات النهج يمضي في وصفه الفجيعة حتى اذا ما الشوق اتسق قال في غير كلفة :
ياللردف خصرك تِكـي
انـا مـن هـواك دايمـاً شِكـي
فاطرك وقد في البسمـة كـي
يشوينـي لايكوينـي كـي
مهما أوتينا من بصيرة لا أظن أننا قادرين على أن نسوي بنان هذا القول البديع كيف لا وهو يطلب من محبوبته أن ( تشويه ) ولا تكتفي بالكي .. اذ في حال الشواء .. لا تترك جانباً إلا وغشيته من نارها لفحة .. !!
ثم في عتابٍ عجيب يزفر قوله :
كم بالدعج هلكـن صبـي
جاهلابـو زي ماجاهلـة بـي
اذ أنها تجهل الذين صرعتهم لحاظها ذات اشراق مهلك ولا يمشي كثيراً في قوله حتى يغازل صدرها المكور في عشمٍ عجيب وافتتانٍ لا ينتهي :
خبرني ياب صـدراً عُلـي
البرتكـان ليـك والـلا لـي
لا احسبن مفرداتنا للتأمل في هكذا ملاطفة إلا واستعصت علينا الأقاويل .. لا سيما ان تأملنا كيف تخيل ردها له :
قال لي دا لااتباع لاشـري
احسبلـو فـوق نجـم التـري
لسه رخيـص ناعـم طـري
خمـر الـدلال باقيلـو ري
وها هو يسأل ( حميمات ) الوادي .. الذي أعتقده ويشاركني فيه الكثير من الناس أن الحمام أصله رقيقاً ومليحاً وتصغيره من ( أبي صلاح ) زاده رقةً ولطافة هو وواديه الذي يغطيه بجناحيه الوريفتين .. !!
*قال لي تطوف بي كل حي*
*كيف تبقى عاشق وانت حي*
كانني به يمسك الدهشة من تلابيبها على بقاء العاشق على قيد الحياة ذلك ان العشق عنده يفنى فيه العاشق في معشوقه
وفي ظني ان ذاك من أروع ما قرأت من شعر .. ولا أجد دهشةً في أن أمير الشعراء أحمد شوقي قد هام بهذه القصيدة حسبما يذكر الباحثون في تراث الحقيبة وأنه ( أمير الشعراء ) كتب معلقاً علي ديوانه الذي أهداه لإبي صلاح :
من أعظم شعراء مصر الى أعظم شعراء السودان

يا حمام بلغ لي الشكيه
للمولع في قلبي كيه
=
إن وصلت الروح الزكيه
لا تغرك شهقه وبكيه
أما نادره وأغرب حكيه
قلبي ليهن أصبح تكيه
=
لو تكرم ورد التحيه
روحي ليهو ودمي الضحيه
قل له عاشقك لاسعاه حيه
أصلو ميت بس نارو حيه
=
حالتو ظاهره ومنك غبيه
ماهو سالم بي حق نبيا
أنظريه اليوم يا ظبيه
بي هواك وحسنك وبيه
=
عشقو صادق مافيه ريه
وإنتي ليك خدود جوهريه
يا المسيكه الحاليه وطريه
يا فليوة الكجر الضريه
=
ما بثينه وما العامريه
وما سعاده وزينب وريا
أدري حسنك لو ماك دريه
إنتي قدرك فوق الثريا
=
أما فاطرك زودني غيه
من خلاصة الدرر النقيه
شايله قلبي الواقع لقيه
تلعبيبو وحارقه البقيه
=
لي أذايا وسبب الجنيه
في المبيسم نظرت عينيه
شفتو يوقد أنوار سنيه
وتحتو راميه الرطب الجنيه
=
إنتي لينه ونارك قويه
يا فريع البانه الرويه
يا وزينة القمره الضويه
ومن جمالك تنقص شويه

ما أظن في الكون يتلقي متيله
صيدة الأراك الضامره خنتيله
قلع صديره الباطنه فتيله
ترفعو تميل تتنى رتيله
مفدوعه والأرداف تتاتيله
قالبه الدروع فوق جيده زي تيله
زاد السدير للقامه تحميله
واكتافه فوق اردافه ترميله
جل المصور حكمتو جميله
خلقه بتمييل وللا الهوا بميله
يلعب ضميره الخصرتو نحيله
وداعجات عيونه دارتا كحيله
الصيده ساعة ما نظرتا تحيله
ترمي الإسود لا قدره لاحيله
المن خيال أشعاري خجيله
الساده فاقت سيدات جيله
يا العينك بيسحر جوز فناجيله
ليك روحي أنا وارجوك تعجيله
فوق الجمال ماعندها عديله
وشرع الغرام لا يرضى تبديله
خلقه العرق بالمسك ينديله
وتلصف خدوده الضاوي قنديله
ماتعيد لي طيب يانسيم ليله
واغشاها الخدور المرهفه ضليله
قل لها كم هي أيام الحياه قليله
ليش أجسامنا بس بالهجر تقلي له
لي جوفي نار لخديده تصقيله
لي قلبي فر لي نهيده تنقيله
لي فكري غي للخصره تفقيله
وما ذنبي يا ريحانة القيله
رق يانسيم حن ابكي واشكي له.
وفي أشواقي بالغ لما تحكي له.
لا ترجح صديره ولا تتاكي له
وارجع لي زيد نار الغرام كيله

مطلوب اداري للدوبيت

نفسي في داخلك اعاين
أروي روحي واشوف منابعك
الصحراء في عيني تتواثب جناين
ماخذة صوتك من جداول
وشايلة صورتك من كهارب
مولدآ ميدانو حافل
كل مايصبح تجيهو الناس جحافل
ياسﻻم
لما تعبري في الشوارع
شوفي كيف الناس تصارع
ناس تطفر وناس تدفر
في البشابي علي نجومك
وفي البخب كايستخومك
وكل زول من عند سﻻفك
ﻻ ﻻ قال دايرلو كاس
مرة طربان شلت صوتك
شان اغني وقلت آه يالليل وآه
إنت اول
وإنت ثاني
وإنت ثالث
وإنت رابع
نافرة زي صيد الخﻻ
وساقية زي نبع المنابع
وقلتي لي غناي خﻻص
حلوه عينيك زي صحابي
عنيده كيف؟
تشبه شريحتين من شبابي
زي عنب طول معتق في الخوابي
وسمحه زي ماتقول ضيوفآ دقو بابي
فرحي بيهم سال مﻻ حتى الكبابي

سالت جارو عن راحتو وهناهو
قال لى ده جاهل امو معجناهو
وحيات صبابتك لو تسمع غناهو
تقول ده بلبل ناح فاقد جناهو
مرات في الحديقه يكون جالس براهو
الازهار امامو .. والانهار وراهو
بالورد والياسمين عامل ضراهو
ده محجب .. ده نافر.. الزول كيف يراهو

جمال القدمو تابر ونقرن خلخالو↳
كفلو بجابد التوب قدرما أتراخالو↳
هايف و صدرو طامح كالسبيكه تخالو↳
أدعج وفاطرو افلج وقيرو لي ماخالو

اوصف ديسك اليموح مع النسيم و يشابك
ولااصف قفاكي المردوم متل الجلي المتشابك
السبب الخلانى نطاوع في الخيال ونشابك
مزاج الجسم يلف يدور والليلة أصبح شابك

السبب الهلكنى انا مره شفتها غافله
واقع توبها مرهقه ناهده ضامره وكافله
اتلفتت علي شافتنى قامت جافله
من هاالساعه سهران قايمن لا النافله