ﻣﻨﻮ ﺍﻟﻘﺎﻝ ﻟﻴﻚ ﺑﺤﺒﻚ ﺑﺲ .. ؟؟؟
ﺑﺤﺒﻚ ﻣﻮﺕ ﻭﺑﺸﺘﺎﻕ ﻟﻴﻚ
ﻻﻧﻚ ﻓﻲ ﺿﻠﻮﻋﻲ ﻧﻔﺲ ..
ﻷﻧﻚ ﺇﻧﺖ ﺭﻭﺡ ﺍﻟﺮﻭﺡ
ﻭﻓﻲ ﺟﻮﻑ ﺍﻟﻠﻴﺎﻟﻲ ﻗﺒﺲ ..
ﺑﺮﻳﺪﻙ ﻣﺎ ﻛﻼﻡ ﺷﺎﻋﺮ
ﻭﻻ ﺷﻮﻗﺎً ﻛﺘﺒﺘﻮ ﺃﻣﺲ ..
ﺭﺳﻤﺘﻚ ﻓﻲ ﺣﻴﺎﺗﻲ ﺩﻟﻴﻞ
ﻛﺘﺒﺘﻚ ﻓﻲ ﺩﻓﺎﺗﺮﻱ ﺩﺭﺱ ..
ﺃﺭﺍﺟﻌﻚ ﻛﺎﻥ ﻏﻠﺒﻨﻲ ﺍﻟﺸﻮﻕ
ﻭﺃﻗﺸﻘﺶ ﻓﻲ ﺩﻣﻮﻋﻲ ﻭﺃﺩﺱ ..
ﻭﻛﺬﺍﺏ ﻗﻠﺒﻲ ﻛﺎﻥ ﻳﻨﺴﺎﻙ
ﻻﻧﻚ ﻓﻲ ﺷﻌﻮﺭﻱ ﺍﻟﺤــﺲ ..

اصبحتي كيف يابهجتي
وكيفن صباحك ابتدأ
ياشايله من نفس الصباح
عطر البنفسج والندي
سرب الحنين جواي بيك
غرد علي الاحساس شدا
نامت عيوني علي صفاك
والشوق عينيك اتوسدا
مديت عليك شوف الخيال
ناديت عليك جاني الصدا
شميت في النسمه الصباح
زهرات نديه مفرهدة
كانت معطرة من شفاك
مكسيه رقه مورده
وسرحت في ضي وجنتيك
ماقدرت زاتي احددا
تاهت مشاعري معاك حنين
وافكاري زاتا مشرده
يابت مساحات من فرح
مابين دواخلي ممدا
كل المناخات والفصول
جواك طقوس متعددة
ومابين مقايس الرسم
ماقدرت صورتك احددا
انتي الصباحات تبدأ بيك
والليل علي اكتافك بدأ
وانتي النجوم الفي سماي
بي ضيك القمر اهتدأ
انفاسي ببن شهقه وزفير
بيك انتي ديمه بجددا
لوماصباحك ياصباح
احسن اضوق طعم الردي

دنيا وبقت مابتتلحق ..
عمر الزمن ممحوق محق..
اليوم يمر زي البرق ..
وبين اللي فات..
والبكره جاي ..
مافيش فرق !
والناس علي درب الرزق..
يوماتي جاريه بتستبق..
وغول الشقا..
ناصب حبال المشنقه..
وفوق الرقاب نازل خنق..
ياحليل زمان ..
وايام زمان..
واصحاب زمان..
بين المضوا وھسع ..فرق..!!
كنا في زمان ..
طالعين سوى ..
ونازلين سوى..
الھم سوى ..
والجيب سوى..
ماكنا لحظة بنفترق..
ومهما المشارب تختلف..
نختصم او نتفق..
مابينا مويه بتندفق..
كان الزمن مليان دفا..
ونخوة ووفا..
وإلفة وصدق..
عايشين بما قل وكفى..
في الدنيا زي باقي الخلق..
وجانا المحل..
والخير رحل..
ومن غير ابالغ واختلق..
صاحبي المعاي..
الفاكرو كنت حبيب قساي..
وستري وغطاي..
درعى ومرق..
بقى حتى ..(ھو)؟
بقى شوكة في جوه الحلق!!!
لابتنبلع لا بتنمرق...
ايام تمر وسنين تدور..
ولافي البيوت ..
صمت القبور..
بين الحبايب والأھل..
إتحطمت كل الجسور..
لا يطل عليك عابر سبيل..
ولا جار يزور..
واصبحت من ظلم القراب..
والخوفة من غدر الصحاب..
في الغربة عايش في اغتراب..
قفلت باب بيتك عليك..
شاحد الكريم رافع ايديك..
ياالله يارب الخلق..
والنطفة قبال تنخلق..
رجعنا للزمن القبيل..
للطيبة والناس الحنان..
دنيا التراحم والامان..
قبال يفوت فينا الاوان..
والزمنا ياربي الصبر..
مھما بلغ بينا الامر..
خلينا لي اخر العمر..
قابضين علي لھب الجمر..
مھما الانامل تنحرق..
شمعات علي طول الطريق ..
لي غيرھا تضوي وتحترق..

امي
الحان الشاعر .. أداء الفنان كمال ترباس
أمى .. الله يسلمك
ويديكى لى طول العمر..
وفى الدنيا يوم ما يألمك ..
امى .. الله يسلمك ..
أمى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى .. الله يسلمك
خيرك على بالحيل كتير ،
يا مرضعانى الطيبة بالصبر الجميل ،
سا سعد أيامى وهناى
لو درتى قلبى ، أسلمك.
أمى .. الله يسلمك
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
يا الليا .. الله يسلمك ..
ويديكى لى طول العمر
وفى الدنيا يوم ما يألمك ..
أمى .. الله يسلمك ..

لقصة الكاملة لأغنية ( اندريا ) التي تتغنى بها نانسي عجاج..
=============================
اغنية اندريا.. أو (( حلاوة القرطاس ))..
للحكامة الكردفانية الشهيرة ( بلدوسه ابراهيم بنداس )..
ﺫﻫﺐ البعض ﺇﻟﻰ ﺃﻥ ﺃﻧﺪﺭﻳﺎ ﻫﻮ ﺃﻏﺮﻳﻘﻰ الأصل ﻛﺎﻥ ﻳﺠﻮﺏ ﻣﻨﻄﻘﺔ ﺣﻤﺮ بكردفان ﻭﻗﺎﻝ ﺁﺧﺮﻭﻥ ﺑﺄﻧﻪ ﻛﺎﻥ ﻣﻮﻇﻔﺎً ﺑﺸﺮﻛﺔ ﺷﻞ ﻭﻫﻨﺎﻟﻚ ﻣﻦ ﻗﺎﻝ ﺃﻧﻪ ﻫﻤﺒﺎﺗﻰ ﻣﺸﻬﻮﺭ ﺑﻤﻨﻄﻘﺔ ﻣﺮﻛﺐ ﺃﺳﻤﻪ ﺍﻟﺤﻘﻴﻘﻰ ﺍﻟﻤﺮﺿﻰ ﻛﺎﻥ ﻋﻠﻰ ﻋﻼﻗﺔ ﺣﺐ ﺑﻔﺘﺎﺗﻴﻦ ﺇﺣﺪﺍﻫﻤﺎ ﻣﻦ ﻣﺮﻛﺐ ﻭﺍﻷﺧﺮﻱ ﻣﻦ ﺧﻤﺎﺱ ﻭﻟﻤﺎ ﺷﺎﻫﺪﻧﻪ ﻭﺃﻋﺠﺒﻦ ﺑﻪ ﺃﻟﻔﻦ ﺗﻠﻚ ﺍﻟﻘﺼﻴﺪﺓ ﻫﺬﺍ ﺇﻟﻰ ﺟﺎﻧﺐ ﻣﺰﺍﻋﻢ ﺃﺧﺮﻱ ﻋﻦ ﺃﻧﺪﺭﻳﺎ ﻇﻠﺖ ﺗﺘﺮﻯ ﻣﻦ ﺍﻟﺒﺎﺣﺜﻴﻦ..
ﻭﻟﻤﺎ ﻛﺎﻥ ﺍﻟﺠﺮﺍﺭﻱ ﻣﻦ ﺍﻷﻏﻨﻴﺎﺕ ﻭﺍﻟﺮﻗﺼﺎﺕ ﺍﻟﺸﻌﺒﻴﺔ ﺍﻟﺘﻰ ﺗﺠﺪ ﻗﺒﻮﻻً ﻭﺍﺳﻌﺎً ﻓﻰ ﻛﺜﻴﺮ ﻣﻦ ﻣﻨﺎﻃﻖ ﺣﻤﺮ ﺍﻟﺮﻳﻔﻴﺔ ﺧﺎﺻﺔ ﻭﺃﻥ ﻏﻨﺎﺀﻩ ﻭﺭﻗﺼﻪ ﻭﺍﻟﺼﻔﻘﺔ ﻓﻴﻪ ﺗﻜﻮﻥ ﻣﻦ ﻧﺼﻴﺐ ﺍﻟﻨﺴﺎﺀ ﻭﻳﻜﻮﻥ ﺍﻟﻤﻄﻠﻮﺏ ﻣﻦ ﺍﻟﺸﺒﺎﻥ ﺍﻟﻜﺮﻳﺮ ﻭﺍﻟﺬﻯ ﻫﻮ ﻋﺒﺎﺭﻩ ﻋﻦ ﺻﻮﺕ ﺍﻟﺤﻠﻖ ﺍﻟﺬﻯ ﻳﺨﺮﺝ ﺗﻤﻮﻳﻬﺎﺕ ﺻﻮﺗﻴﺔ ﺗﻨﺒﻌﺚ ﻣﻦ ﺍﻟﺼﺪﺭ ﻭﺍﻟﺤﻠﻖ ﺃﺷﺒﻪ ﺑﻬﺪﻳﻞ ﺍﻟﺤﻤﺎﻡ ﻭﺃﺣﻴﺎﻧﺎً ﺻﻮﺕ ﺍﻟﻔﺤﻞ ﻭﺍﻟﻜﺮﻳﺮ ﻭﻟﻜﻦ ﻣﻦ ﻧﺎﺣﻴﺔ ﺍﻷﺛﺮ ﺍﻟﺘﺎﺭﻳﺨﻰ ﻻ ﻧﺠﺪ ﻟﻪ ﻣﺜﻴﻼً ﻓﻰ ﺍﻟﺘﺮﺍﺙ ﺍﻟﻌﺮﺑﻰ ﺃﻭﺍﻷﻓﺮﻳﻘﻰ ﻣﻤﺎ ﻳﺒﻠﻮﺭ ﻓﻜﺮﺓ ﻧﺸﺄﺗﻪ ﺍﻟﻤﺤﻠﻴﺔ ﻟﺬﻟﻚ ﻫﻮ ﺃﻗﺮﺏ ﻟﻠﺤﺮﻛﺔ ﺍﻟﺪﻳﻨﻴﺔ ﻭﺍﻟﺼﻮﻓﻴﺔ ﺧﺎﺻﺔ ﺍﻟﻤﺘﺼﻮﻓﻪ ﻭﻫﻮ ﻋﺎﺩﺓً ﻣﺎ ﻧﺠﺪﻩ ﻓﻰ ﺣﻠﻘﺎﺕ الذكر
ﻭﻫﻮ ﻏﻨﺎﺀ ﺗﺮﺍﺛﻰ ﻳﺘﻨﺎﻭﻝ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺑﺎﻟﻤﻨﻄﻘﺔ..
ﺃﻟﻔﺖ ﺍﻟﺤﻜﺎﻣﻪ ﺑﻠﺪﻭﺳﻪ ﺇﺑﺮﺍﻫﻴﻢ ﺑﻨﺪﺍﺱ ﻣﻦ ﻗﺮﻳﺔ ﺍﻟﺸﺮﺍﺗﻰ ﺷﻤﺎﻝ ﺍﻟﻨﻬﻮﺩ ﺃﻏﻨﻴﺔ (ﺣﻼﻭﺓ ﺍﻟﻘﺮﻃﺎﺱ) ﻭﺍﻟﺘﻰ ﻟﺰﻣﺘﻬﺎ ﺍﻟﻤﻮﺳﻴﻘﻴﺔ ( ﺃﻧﺪﺭﻳﺎ ) ﻭﺫﻟﻚ ﻋﻨﺪﻣﺎ ﺯﺍﻉ ﺻﻴﺖ ﺃﻧﺪﺭﻳﺎ ( السوداني ﺍﻟﺠﻨﻮﺑﻰ ) ﻭﺍﻟﺬﻱ ﻛﺎﻥ ﺳﺎﺋﻘﺎً ﻟﻌﺮﺑﺔ ﺍﻟﺠﻴﻮﻟﻮﺟﻴﺎ ﻓﻰ ﺳﺘﻴﻨﻴﺎﺕ ﺍﻟﻘﺮﻥ ﺍﻟﻤﺎﺿﻰ ﻭﻛﺎﻥ ﻳﺠﻮﺏ ﺗﻠﻚ ﺍﻟﻤﻨﻄﻘﺔ ﻣﻊ ﺭﻓﻘﺎﺀﻩ ﻟﺤﻔﺮ ﺍﻵﺑﺎﺭ ﺛﻢ ﺃﺻﺒﺢ ﺑﻌﺪ ﺫﻟﻚ ﺳﺎﺋﻘﺎً ﻟﺘﻨﻜﺮ ﻣﺎﺀ ﺗﻨﺘﻈﺮﻩ ﺣﺘﻰ ﺍﻟﻨﻌﻢ ﻟﺘﺸﺮﺏ ﻣﻦ ﻧﻘﺎﻁ ﻣﺎﺀﻩ ﻻ ﺳﻴﻤﺎ ﻭﺃﻥ ﺗﻠﻚ ﺍﻟﻤﻨﻄﻘﺔ ﻣﻦ ﺍﻟﻌﻄﺶ ﺍﻟﺸﺪﻳﺪ ﻛﺎﻧﻮﺍ ﻳﺒﺪﻟﻮﻥ ﻓﻴﻬﺎ ﺻﻔﻴﺤﺔ ﺍﻟﻤﺎﺀ ﺑﺼﻔﻴﺤﺔ ﻣﻦ ﺍﻟﺼﻤﻎ ﺍﻟﻌﺮﺑﻰ ﻭﻟﻤﺎ ﻛﺎﻥ ﺃﻧﺪﺭﻳﺎ ﻳﻘﻮﻡ ﺑﺪﻭﺭٍ ﺇﻧﺴﺎﻧﻲ ﻋﻈﻴﻢ ﺣﻴﺚ ﻳﺤﻤﻞ ﺍﻟﺮﺳﺎﺋﻞ ﺑﻴﻦ ﺗﻠﻚ ﺍﻟﻤﻨﺎﻃﻖ ﻭﺣﻮﺍﻻﺕ ﺍﻟﻄﻠﺒﺔ ﻭﺇﺣﻀﺎﺭ ﺍﻟﺪﻭﺍﺀ ﻭﺧﻼﻓﻪ ﻟﺬﻟﻚ ﺗﻌﺎﻇﻢ ﺩﻭﺭﻩ ﻋﻨﺪﻫﻢ ﻭﺃﺻﺒﺢ ﻻﺯﻣﻪ ﻣﻮﺳﻴﻘﻴﻪ ﻟﻐﻨﺎﺀ ﺃﻫﻞ ﺗﻠﻚ ﺍﻟﻤﻨﻄﻘﺔ ﻻ ﺳﻴﻤﺎ ﻭﺃﻥ ﺃﻫﻞ ﺍﻟﺒﺎﺩﻳﺔ ﻳﻮﻧﺴﻬﻢ ﻏﺮﺿﻬﻢ ﻭ ( ﺩﺭﺏ ﺍﻟﻌﻴﺸﻪ ﻣﺎ ﻓﻴﻬﻮ ﻧﺒﻴﺸﻪ ) ﻛﻤﺎ ﻳﻘﻮﻟﻮﻥ .
ﻭﻋﻨﺪﻣﺎ ﺃﺻﺒﺢ ﺍﻧﺪﺭﻳﺎ ﻣﺸﻬﻮﺭﺍً ﻓﻰ ﺍﻟﻤﻨﻄﻘﺔ ﺍﺻﺒﺢ ﻟﺰﻣﻪ ﻣﻮﺳﻴﻘﻴﻪ ﺣﻴﺚ ﺗﻨﺎﻭﻟﺘﻪ ﺭﻓﻴﻘﺔ ﺍﻟﺸﺎﻋﺮﻩ ﺑﻠﺪﻭﺳﻪ ﻣﻦ ﻗﺮﻳﺔ ﺍﻟﺸﺮﺍﺗﻲ ﻭﺗﺴﻤﻲ ﺑ(ﻘﺴﻢ ﺍﻟﻠﻪ ﺑﺖ ﺑﻮﺭﻩ) ﻭﺍﻟﺘﻰ ﺃﻟﻔﺖ ﺃﻏﻨﻴﻪ ﺭﺍﺋﻌﺔ ﻗﺎﻟﺖ ﻓﻴﻬﺎ :
ﻳﻤﻪ ﺍﻧﺪﺭﻳﺎ ﺟﻲ // ﻳﻤﻪ ﻳﺴﻘﻴﻨﻰ ﻣﻰ
ﻛﺎﻥ ﻣﺎ ﺑﺨﺎﻑ ﻋﻠﻰ // ﻳﺴﻮﻗﻨﻰ ﻟﻰ ﺍﻡ ﺩﻭﺩﻟﻰ
و ﺃﻡ ﺩﻭﺩﻟﻰ ﻫﻰ ( ﻗﺮﻳﺔ ﻓﻰ ﻣﻨﺎﻃﻖ ﺣﻤﺮ ) ﻭﻛﺬﻟﻚ ﻗﺎﻟﺖ ﺣﻜﺎﻣﻪ ﺃﺧﺮﻯ ﻓﻰ ﺍﻧﺪﺭﻳﺎ:
ﺍﻟﻮﺍﺩﻯ ﺍﻹﺿﻠﻴﻢ ﺩﻯ ﺍﻧﺪﺭﻳﺎ // ﺟﻘﻠﻪ ﺍﻡ ﺣﻨﻴﻦ
ﺟﺎﺕ ﺑﻴﻪ ﺍﻧﺪﺭﻳﺎ // ﻟﻮ ﻋﻤﺮﻙ ﺧﺎﻳﻒ ﻟﻰ ﺍﻧﺪﺭﻳﺎ
ﻫﺎﻙ ﻋﻤﺮﻯ ﺍﺳﺮﺡ ﺑﻴﻪ ﺍﻧﺪﺭﻳﺎ
و ﻣﻨﻄﻘﺔ ﺍﻟﺸﺮﺍﺗﻰ ﺑﻬﺎ ﻣﺠﻤﻮﻋﺔ ﻣﻦ ﺍﻟﺤﻜﺎﻣﺎﺕ ﻭﺍﻟﻤﻐﻨﻴﺎﺕ ﻣﻨﻬﻦ ( ﺍﻡ ﺟﻮﺭ ﺑﺖ ﻋﻤﺮ ﻭﺍﻟﺸﻴﻜﻪ ﺑﺖ ﻣﺤﻤﻮﺩ ﻭﻗﺴﻢ ﺍﻟﻠﻪ ﺑﺖ ﺑﻮﺭﻩ ) ﺍﻟﻰ ﺟﺎﻧﺐ (ﺑﻠﺪﻭﺳﻪ ابراهيم بنداس ) ﻭﺍﻟﺘﻰ ﻋﻨﺪﻣﺎ ﺗﻌﺮﺿﺖ ﻟﻤﻮﻗﻒ ﻋﺼﻴﺐ ﺣﻴﺚ ﻛﺎﻧﺖ ﺗﺮﻳﺪ ﺍﻟﺰﻭﺍﺝ ﻣﻦ ﺇﺑﻦ ﻋﻤﻬﺎ ﻓﻴﻤﺎ ﻛﺎﻥ ﻳﺮﻳﺪ ﻭﺍﻟﺪﻫﺎ ﺍﻥ ﺗﺘﺰﻭﺝ ﺑﺸﺨﺺ ﺍﺧﺮ ﻭﻋﻨﺪﻣﺎ ﺗﻤﻨﻌﺖ ﻭﺍﺳﺘﻄﺎﻋﺖ ﺗﺤﻘﻴﻖ ﻫﺪﻓﻬﺎ ﺑﻌﺪﻣﺎ ﺳﺎﻋﺪﻫﺎ ﺧﻄﻴﺒﻬﺎ ﺍﻷﻭﻝ ﻭﺳﺎﻫﻢ ﻓﻰ ﺗﺴﻠﻴﻚ ﺍﻷﻣﻮﺭ ﺑﻴﻨﻬﺎ ﻭﺑﻴﻦ ﻋﺸﻴﻘﻬﺎ ﺍﻟﺬﻯ ﺃﺣﺲ ﺑﻤﻮﻗﻔﻬﺎ ﻣﻤﺎ ﻭﻟﺪ ﻓﻴﻬﺎ ﺍﻟﺸﺠﻦ ﻭﺍﻟﺴﻠﻮﻯ ﻓﺄﻟﻔﺖ ﺗﻠﻚ ﺍﻟﻘﺼﻴﺪﺓ ﺍﻟﺮﺍﺋﻌﺔ ( ﺣﻼﻭﺓ ﺍﻟﻘﺮﻃﺎﺱ ) ﻭﺍﻟﺘﻰ ﻟﺰﻣﺘﻬﺎ ﺍﻟﻤﻮﺳﻴﻘﻴﺔ ﺍﻧﺪﺭﻳﺎ ﺣﻴﺚ ﺗﺘﻄﺎﺑﻖ ﺃﻏﻠﺐ ﺍﻟﻤﻔﺮﺩﺍﺕ ﺑﻴﻨﻬﺎ ﻭﺑﻴﻦ ﻣﺎ ﺗﻐﻨﻴﻪ ﺍﻟﻤﻄﺮﺑﻪ ﻧﺎﻧﺴﻲ ﻋﺠﺎﺝ ﻣﻊ ﺍﺧﺘﻼﻑ ﻃﻔﻴﻒ ﻭﻗﺪ ﻗﺎﻟﺖ ﺑﻠﺪﻭﺳﻪ ﻓﻰ ﻗﺼﻴﺪﺗﻬﺎ الكاملة:
ﻳﺎﻟﻔﻘﺮﺍ ﺍﻟﺤﺮﺍﺱ ﺍﻧﺪﺭﻳﺎ // ﻧﺸﻴﻠﻜﻢ ﻓﻮﻕ ﺍﻟﺮﺃﺱ ﺍﻧﺪﺭﻳﺎ
ﺣﻼﻭﺓ ﺍﻟﻘﺮﻃﺎﺱ ﺍﻧﺪﺭﻳﺎ // ﺍﻟﻔﻰ ﺍﻟﺨﺸﻴﻢ ﺗﻨﻤﺎﺹ ﺍﻧﺪﺭﻳﺎ
ﻧﺰﺭﻉ ﺍﻟﺰﻫﻮﺭ ﺍﻧﺪﺭﻳﺎ // ﻧﺮﻭﻳﻪ ﺑﺎﻟﺒﺎﺑﻮﺭ ﺍﻧﺪﺭﻳﺎ
ﺟﻨﻪ ﻭﻋﻠﻴﻬﺎ ﻗﺼﻮﺭ ﺍﻧﺪﺭﻳﺎ // ﻣﺸﺘﻮﻟﻪ ﻓﻰ ﺍﻟﻤﺠﺮﻭﺭ ﺍﻧﺪﺭﻳﺎ
ﺍﻟﺼﻨﺪﻝ ﺍﻟﺒﺨﻮﺭ ﺍﻧﺪﺭﻳﺎ // ﺭﺍﺷﻴﻨﺎ ﺑﺎﻟﻌﻄﻮﺭ ﺍﻧﺪﺭﻳﺎ
ﺍﻟﺘﻤﺮ ﺍﻟﺮﻣﻪ ﺍﻧﺪﺭﻳﺎ // ﻣﻨﺪﻧﻘﺮ ﻣﻨﺨﻮﻣﻪ ﺍﻧﺪﺭﻳﺎ
ﺍﻟﻔﺮﻳﺪ ﻋﻨﺪ ﺍﻣﻪ ﺍﻧﺪﺭﻳﺎ // ﺗﻴﺮﺍﺑﻪ ﻣﻨﻀﻤﻪ ﺍﻧﺪﺭﻳﺎ
ﺧﺸﻤﻚ ﺍﻟﺤﻠﻴﺐ ﺍﻧﺪﺭﻳﺎ // ﻣﺎ ﺷﻮﻓﺘﻪ ﻓﻰ ﻏﺮﻳﺐ ﺍﻧﺪﺭﻳﺎ
ﻓﺮﺍﻗﻚ ﻧﺎﺭ ﻟﻬﻴﺐ ﺍﻧﺪﺭﻳﺎ // ﺭﺍﺟﺎﻙ ﻟﻰ ﻧﺼﻴﺐ ﺍﻧﺪﺭﻳﺎ
ﻫﺠﻴﻨﻚ ﺍﻟﻤﺠﺒﻮﺭ ﺍﻧﺪﺭﻳﺎ // ﺷﺎﺩﻳﻨﺎ ﺑﺎﻟﺒﺎﺻﻮﺭ ﺍﻧﺪﺭﻳﺎ
ﺗﺎﻫﻤﻴﻨﻰ ﺑﻴﻚ ﺍﻟﺰﻭﺭ ﺍﻧﺪﺭﻳﺎ // ﻳﺎ ﻋﺴﻞ ﺍﺑﻮ ﺯﻣﺒﻮﺭ ﺍﻧﺪﺭﻳﺎ
ﺻنقعت ﻟﻲ ﺍﻟﺴﺤﺎﺏ ﺍﻧﺪﺭﻳﺎ // ﻭﺩﻧﻘﺮﺕ ﻟﻰ ﺍﻟﺘﺮﺍﺏ ﺍﻧﺪﺭﻳﺎ
ﻟﻘﻴﺖ ﻧﺠﻴﻤﻲ ﺍﻟﻐﺎﺏ ﺍﻧﺪﺭﻳﺎ // ﻓﻰ ﺍﻡ ﺩﺭﻭﺗﻪ ﻓﺎﺗﺢ ﺑﺎﺏ ﺍﻧﺪﺭﻳﺎ
ﻳﺎ ﺭﻭﺣﻰ ﺷﻦ ﺻﺎﺑﻚ ﺍﻧﺪﺭﻳﺎ // ﻭﺍﻟﺨﺪﺭﺓ ﺍﺳﺒﺎﺑﻚ ﺍﻧﺪﺭﻳﺎ
ﻟﻤﻮﺍ ﺍﻟﻜﺒﺎﺭ ﺟﻮﻧﻰ ﺍﻧﺪﺭﻳﺎ // ﺑﺎﻟﺠﻤﻠﺔ ﻓﺎﺩﻭﻧﻰ ﺍﻧﺪﺭﻳﺎ
ﺍﻟﺮﻗﻴﻖ ﺑﺴﻄﻮﻧﻰ ﺍﻧﺪﺭﻳﺎ // ﻫﻤﻚ ﻗﻠﺐ ﻟﻮﻧﻰ ﺍﻧﺪﺭﻳﺎ
ﺍﻟﺪﻛﺘﻮﺭ ﻋﻠﻰ ﻛﺸﻒ ﺍﻧﺪﺭﻳﺎ // ﻋﻼﺟﻰ ﻣﺎ ﺍﻧﻌﺮﻑ ﺍﻧﺪﺭﻳﺎ
ﺍﺑﻮ ﻣﺼﺎﺑﻌﺎً ﻟﻒ ﺍﻧﺪﺭﻳﺎ // ﻓﻰ ﺭﺍﺳﻲ ﺭﻛﺐ ﺳﻠﻒ ﺍﻧﺪﺭﻳﺎ
ﻛﻞ ﻣﺎ ﻧﺘﻠﻔﺖ ﻏﺮﺏ ﺍﻧﺪﺭﻳﺎ // ﻣﻨﺮﺍﻋﻰ ﻧﻴﻞ ﺍﻟﺸﺐ ﺍﻧﺪﺭﻳﺎ
* ﻳﺎ ﺩﺭﻫﻢ ﺍﻟﺪﻫﺐ ﺍﻧﺪﺭﻳﺎ // ﻣﺎﻟﻚ ﺷﺮﻛﻨﺘﺎ ﺍﻟﻘﻠﺐ ﺍﻧﺪﺭﻳﺎ
ﺍﻟﺴﺎﻛﻮ ﺑﻴﺲ ﺧﻔﻴﻒ ﺍﻧﺪﺭﻳﺎ // ﻛﺴﻮﻳﺔ ﺍﻟﻈﺮﻳﻒ ﺍﻧﺪﺭﻳﺎ
ﻳﺎ ﻋﺒﺪ ﺍﻟﺮﺣﻤﻦ ﺍﻗﻴﻒ ﺍﻧﺪﺭﻳﺎ // ﻟﻰ ﺍﻟﺒﺮﺩﻡ ﻋﻴﺶ ﺍﻟﺮﻳﻒ ﺍﻧﺪﺭﻳﺎ
ﺍﻟﻘﻤﺮﻯ ﻗﻮﻗﺎ ﻭﻃﺎﺭ ﺍﻧﺪﺭﻳﺎ // ﺧﻼ ﺍﻟﺪﺑﺎﺱ ﻓﻰ ﺍﻟﺪﺍﺭ ﺍﻧﺪﺭﻳﺎ
ﺧﻼﻧﻰ ﻟﻸﻓﻜﺎﺭ ﺍﻧﺪﺭﻳﺎ // ﺑﺎﻟﻜﺒﺮﻯ ﺷﺎﺷﺎ ﻭﻃﺎﺭ ﺍﻧﺪﺭﻳﺎ
ﺯﺍﺭﻋﻴﻨﺎ ﻓﻰ ﺍﻟﺼﺮﻳﻒ ﺍﻧﺪﺭﻳﺎ // ﺳﺎﻗﻴﻨﺎ ﺑﻼ ﺧﺮﻳﻒ ﺍﻧﺪﺭﻳﺎ
ﻛﺎﻥ ﻣﺎ ﺍﻟﺼﺒﺮ ﺗﻜﻠﻴﻒ ﺍﻧﺪﺭﻳﺎ // ﻣﻦ ﺑﻴﺘﻜﻢ ﻣﺎ ﺑﻨﻘﻴﻒ ﺍﻧﺪﺭﻳﺎ
ﺍﻟﻠﻮﺭﻯ ﺟﻰ ﻣﻨﻘﻞ // ﺷﺎﻳﻞ ﻗﺰﺍﺯ ﺍﻟﺨﻞ ﺍﻧﺪﺭﻳﺎ
ﻧﻤﻮﺕ ﻭﻳﺪﻓﻨﻮﻧﻰ ﺃﻧﺪﺭﻳﺎ // ﻗﺪﺍﻡ ﻟﺸﺮﻛﺔ ﺷﻞ ﺍﻧﺪﺭﻳﺎ
ﻭﻟﻜﻦ ﺑﻌﺾ ﻣﻔﺮﺩﺍﺕ ﺍﻷﻏﻨﻴﺔ ﺍﻟﺘﻰ ﺗﻨﺎﻭﻟﺘﻬﺎ ﺑﺎﻟﻐﻨﺎﺀ ﻧﺎﻧﺴﻰ ﻋ

ﺠﺎﺝ ﻟﻢ ﺗﻮﺭﺩﻫﺎ ﺑﻠﺪﻭﺳﻪ ﻣﻤﺎ ﻳﺮﺟﺢ ﺑﺄﻧﻬﺎ ﺃﺿﻴﻔﺖ ﻟﻸﻏﻨﻴﺔ ﻛﺸﺄﻥ ﺃﻏﻨﻴﺎﺕ ﺍﻟﺠﺮﺍﺭﻱ ﺩﺍﺋﻤﺎً ﻭﺫﻟﻚ ﻣﺜﻞ : -
ﻛﺎﻥ ﻣﺎ ﻛﻼﻡ ﺍﻟﻨﺎﺱ ﺃﻧﺪﺭﻳﺎ // ﺑﺮﺣﻞ ﻣﻌﺎﻙ ﺧﻤﺎﺱ ﺃﻧﺪﺭﻳﺎ
ﻣﻨﺸﻠﻌﻮ ﻭﻣﻨﺒﻨﻲ ﺍﻧﺪﺭﻳﺎ // ﻣﺎ ﺗﻘﻮﻟﻮ ﻋﺎﺟﺒﻨﻰ ﺍﻧﺪﺭﻳﺎ
ﻫﻤﻚ ﻃﺎﺭﺩﻧﻰ ﺍﻧﺪﺭﻳﺎ // ﺗﻔﺴﻴﺮﻙ ﻏﺎﻟﺒﻨﻰ ﺍﻧﺪﺭﻳﺎ..
ﻋﻠﻤﺎً ﺑﺄﻥ ﺍﻷﻏﻨﻴﺔ ﺑﺪﺃﺕ ﺑﺎﻟﻨﺪﻳﻬة للفقراء الصلاح ﻛﻤﺎ ﺍﻥ ﺍﻷﻏﻨﻴﺔ ﺗﺎﻫﺖ ﺑﻴﻦ ﻣﻨﺎﻃﻖ ﺣﻤﺮ ﻓﻰ ﻗﺮﻯ ( ﺧﻤﺎﺱ ﻭﺍﻟﺸﺮﺍﺗﻰ ﻭﺍﻡ ﺩﺭﻭﺗﻪ ﻭﻣﺠﺮﻭﺭ و غيرها )
ﺍﻟﺴﺎﺋﻖ ﺍﻧﺪﺭﻳﺎ ﻋﺎﺩ ﻟﻤﺪﻳﻨﺔ ﺍﻷﺑﻴﺾ ﻭﻋﻤﻞ ﻓﻰ ﻣﻜﺎﻓﺤﺔ ﺍﻟﻌﻄﺶ ﻣﻦ ﺧﻼﻝ ﻗﻴﺎﺩﺗﻪ ﻟﻌﺮﺑﺔ ﺑﻬﺎ ﺗﻨﻜﺮ ﻣﺎﺀ ﻭﻋﻨﺪﻣﺎ ﺑﻠﻎ ﻣﻦ ﺍﻟﻜﺒﺮ ﻋﺘﻴﺎ ﺃﺻﺒﺢ ﻳﻌﻤﻞ ﻣﻴﻜﺎﻧﻴﻜﻴﺎً ﺑﺎﻟﻤﻨﻄﻘﺔ ﺍﻟﺼﻨﺎﻋﻴﺔ ﺑﺎﻹﺑﻴﺾ ﻭﻟﻜﻦ ﻟﻸﺳﻒ ﻏﺎﺩﺭ ﻟﺠﻨﻮﺏ ﺍﻟسودان ﻓﻰ ﺭﺣﻠﺔ ﻧﺨﺸﻰ ﺍﻥ ﺗﻜﻮﻥ ﻧﻬﺎﺋﻴﺔ ﻭﻛﻞ ﻣﺎ ﻧﺮﺟﻮﻩ ﺍﻥ ﻳﻜﻮﻥ ﺇﻣﺘﺪﺍﺩﺍً ﻟﻠﺘﻮﺍﺻﻞ ﻭﺍﻟﺘﻮﺍﻓﻖ ﺑين شمالنا و جنوبنا...

ياسلام لو اي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
زول تفتش ليو روحك
لما تحتار تمشي ليهو
ولما تمرق من دواخلك
او تضيع منك مداخلك
تبقى مارق شان تجيهو
زول بيشيلك في ودارك
يبني بالحنيه دارك
ويوم تلهلب فيك نارك
يطفي جمرك بي ايديهو
ولو حصل ضاق بيك مكانك
او زمانك مرة خانك
برضو بفتح ليك حته
بين رموشو وبين عينيهو
وتسوى ايه الدنيا من غير
زول يحسك .....
يبقى عايش في كيانك
شان يحرك ليك حسك
وتبقى مليان انت بيهو
وايه تكون السكه من غير
زول رفيقك ...
يمشي بيناتك ويسرع
شان يسهل ليك طريقك
ولو كمان السكه صعبت
تلقى في دربك مشيهو
وياسلام لو اي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
كلمات د. ياسر حسن عبدالله الحسن
يتغنى بها الفنان علي السقيد

يا الخـافية الجمال مكتـفيه بيهــو براك
نقابــك خــلفو عينيــن لحــظهن فتـاك
قرمتي السندوتشي وباقي شلتي معاك
وكــباية العـــصير ضــاقت حلاوة فـاك

رمشك طولو اظن بوصتين وحاجبك غير
سواد عينــيكي بـهدل وجهجه الكـاشير
ساعة قلتي دايرة عصـير وقال لك خيــر
طلقوا بخور وشـغلوا غـــنية الخديــــــر

خافيــة الروعـة ما دايــرانا نحن نشوفك
وغير الروعة هــيجتي القــلوب بكسوفك
ما تهــتمي بينا واكــلي مـشي ظروفك
بنخاف ليــكي حر الصيف وراسك إدوشك

عارفــه الديــن ومــلتزمة بجــميع ادابو
وعمرك لـسه فـي العشرين مفـرهد دابو
عــصير البرتــكان الفــيو شــفايفك دابو
اكــان ادونــي فرصة أكان شـربت عقابو

أحلى حاجه فيكـ وفي خواطري وعايز اقوله
إنو فيكـ براءة نادرة وفيكـ لمسات الطفوله
وفيكـ طيبه وفيكـ عفه واحلى حاجه كمان خجوله
وفيكـ بسمه وفيكـ ضحكه وفيكـ حاجات ما بقوله
ملطووووووووووش من الفيس

شبهك وين يا النادره حــلاتك
مـــــا تحرمنا جمــال جياتك
أحـلى عيون في الدنيا عـيونك
وأحــلى كلام تتقال كلــــماتك
وصبـــاحكم زين

ديوان ابومؤيد للشعر السوداني
منوعات .كلمات اغانى سودانية .شعر سوداني .دوبيت سوداني.
https://t.me/Diwansha3r

سلام لكل الشباب ....
بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر
بلقاك في فيض الأماني الذايبة في رنة وتر
في لمحة الطيف البعربد مرة بالخاطر عبر
ورعشة الأمل البفوح يتلاشى زي لون السحر
مطوية في حضنو المسير مخفية في صدف البحر
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة

حِجَـازيَّـة العَينَيـن مَكيَّـةُ الحَشَـا... عِرَاقِيَّـةُ الأَطـرَافِ رُومِيَّـةُ الكَفَـلْ

تِهـامِيَّـةَ الأَبـدانِ عَبسِيَّـةُ اللَمَـى... خُـزَاعِيَّـة الأَسنَـانِ دُرِّيَّـة القبَـلْ

وقُلـتُ لَهـا أَيُّ القَبـائِـل تُنسَبـى... لَعَلِّي بَينَ النَّـاسِ فِي الشِّعرِ كَي أُسَـلْ

فَقالـت أَنَـا كِنـدِيَّـةٌ عَـرَبِـيَّـةٌ... فَقُلـتُ لَها حَاشَا وكَلاَّ وهَـل وبَـلْ

فقَالـت أَنَـا رُومِـيَّـةٌ عَجَـمِـيَّـة... فقُلتُ لَهَا ورخِيز بِباخُـوشَ مِن قُـزَلْ

فَلَـمَّا تَـلاقَينـا وجَـدتُ بَنـانَهـا... مُخَضّبَةً تَحْكِـي الشَوَاعِـلَ بِالشُّعَـلْ

ولاعَبتُها الشِّطرَنـج خَيلـى تَرَادَفَـت... ورُخّى عَليـها دارَ بِالشـاهِ بالعَجَـلْ

فَقَالَـت ومَا هَـذا شَطَـارَة لاعِـبٍ... ولكِن قَتلَ الشَّاهِ بالفِيـلِ هُـوَ الأَجَـلْ

فَنَاصَبتُها مَنصُـوبَ بِالفِيـلِ عَاجِـلا... مِنَ اثنَينِ فِي تِسعٍ بِسُـرعٍ فَلَـم أَمَـلْ

وقَد كَانَ لَعِبِـي كُـلَّ دَسـتٍ بِقُبلَـةٍ... أُقَـبِّـلُ ثَغـراً كَالـهِـلالِ إِذَا أَفَـلْ

فَقَبَّلتُـهَا تِسعـاً وتِسعِيـنَ قُـبـلَـةً... ووَاحِدَةً أُخـرَى وكُنـتُ عَلَى عَجَـلْ

وعَانَقتُهَا حَتَّى تَقَطَّـعَ عِقدُهَـا وحَتَّـى... فَصُوصُ الطَّـوقِ مِن جِيدِهَـا انفَصَـلْ

كأَنَّ فُصُوصَ الطَـوقِ لَمَّـا تَنَاثَـرَت... ضِيَاءُ مَصابِيـحٍ تَطَايَـرنَ عَـن شَعَـلْ
#امرؤ_القيس#

بغير عليك
من الدموع لو تلقى غيري يجففا
بغير عليك
من ناس تسالمك في إيديك وماتكون محدده موقفا
بغير عليك
من التراب لمن تمتعو بالجفا
بغير عليك
من الحروف تلمس سنونك وتولفا
بغير عليك
من صوت قلب ساكن دواخلك بالخفا
بغير عليك
لمن تكون سرحان وفي لحظة صفا
انا بغير عليك
من السنين ياريتني أقدر اوقفا
بغير عليك
من الحنان لكني مابرضى الجفا
أنا غيرتي أكبر من غناي قول لي كيفن أوصفا

عسل سوداني

الجنزير في النجوم :

كتبت هذه القصيدة الحاجه : زينب بت عبد المجيد

مناسبتها :
كان عبدالرحمن النجومي شقيق الشاعره زينب يشكل خطرا علي المستعمر الانجليزي
لانه لم ينصاع الي أوامرهم . و طلب المفتش من الجنود إعتقال النجومي قائد الراية الحمراء في المهدية.
وهو من الجعليين النافعاب و أمه زينب بنت عبدالرحمن إبنة الشيخ خوجلي، لُقِب جده بأبو الجاز، نسبةً لبنته الكبرى الجاز .. وبود ضوة نسبةً لأمه ضوة.. و الملقب أيضاً بأزرق توتي و المدفون بحلة خوجلي بالخرطوم بحري،
ودخلوا أم مغد في وقت الظهيره و وجدوا النجومي جالسا داخل المنزل و تم وضع الكلبشات علي يديه والتي كانت آنذاك تصنع من الجنزير العادي .. و عندما رأت زينب هذا المنظر كتبت:

الجنزير .. في النجوم
زي الشولق المنظوم
ما بخاف في المحاصة دموم

غنيلو يا أم رشوم
دابى الروم شرابو سموم
ما بخاف في المحاصة دموم

إنت .... يافرنيب
جازم مابتجيب لي عيب
إسمك في الرجال عمسيب
و انت لي الضرس عرديب

العيشتو مي عوايل
وجدك بضبح الشايل
أضرب كفك الطايل
ما تراه الجنزير سمح و خايل
مابخاف في المحاصة دموم

غنيت بجر قولو
كضبو القالو بتنولو
هو التلب العرك زولو
ما تراه الخصيم قصر طولو
مابخاف في المحاصة دموم.
—————
الفنان المرهف الكابلي تغنى - وبمزاج - بهذه الكلمات .. وحينما يغني الكابلي بمزاج يبدع أيما إبداع . 🌴

نطق صمتك وقف باب الامل مفتوح
رجع حبك سكن بين الفؤاد والروح
ضحك قلبك فرح عمرى الكتير مجروح
.....................
صباحكم فل الفل

نظرة يا السمحة أم عجن 

لو كان قليل تبرى الشجن 

أعرف صفا الأيام أفيقن 

أنظر جمال تلك الوجن 


دولات صدودك ماوعن 

الامى وبى اتدرعن 

ابكى واصيح متضرعاً 

يا ناس دموع عينى ترعاً 


ارحمونى مارضنى الظعن 

أمالى جور لى قاطعن 

أحشاي هديل أتقطعن 

وبالفرقة نشابك طعن 

يا منبع النور والفطن 

يا الفقتى يعرب والرطن 

فى جوفى من حبك قطن 

يا جاهلة مليون ألف طن 


كيف أسلى عينيك والوجن 

يالبسمتك نور الدجن 

جسمك حرير ناسجة العجن 

ناضر وباللون انعجن 


الضاوية زى خديك من 

فى الدنيا يا نور الزمن 

أرواح نسائمك لى رمن 

نرجس مزج لى مسك اليمن 


ما احلاك يا الجيدك شدن 

يالعمرى فيك ضائع سدىً

انا عندى شوفتك يا اللدن 

أحسن من الروح فى البدن 


يا منبع الذوق آه يا من 

حبك غرز فى الجوف كمن 

يا غالية قط ما ليك تمن 

إن هب او جار الزمن 


ليك السلام ما ولعن 

خديك بالنور يلمعن 

بدون اسم:
حلاااة الدنيا
فوق محبوبتي❤
كان بسمت
حلاااة الدنيا
كان قامت😍
مشت رسمت
حلاااة القدله💃🏻
كان مالت
و انقسمت
حلاااة الدنيا
في خديها☺
اتحسمت
تموووت كل 😌
المواجع فيك
كان همست
تقوول موسيقي👨‍❤️‍👨
فيك سرت
و كان صنت
و كان رقدت
و كان هجست👰🏻
حلااااة الدنيا
بين يديها
انحصرت❤
ايا ربي
سلالته نور🤔
ام انها حور🙄
حلااوته دي😋
و طيبتا فيها
اتغرست
تكوون لي
براي
في الدنيا
اتقسمت😌
لانو الدنيا
بيها بقت
ومنها
كل سعادتي
بدت

ايه التطبيق الأمثل لقراءة القرآن الكريم
رؤية ورعاية مركز تفسير للدراسات القرآني