انا بتحداك..
وبتحدي الزمن الدسه هواك
واتحدي عيونك ومابهتم
بكره الريد بلقاهو براك
قايل غيرك مافي محنه
اصلك واهم يامغرور
دنيا الريد مليانه عواطف
وانا خليتك مامجبور
اصلك ظالم وناكر وجاير
لا بطراك لا ليكا بزور
ولو سامحتك وجيتك تاني
زيد في غرورك زي ماتدور
ريد الظالم ليهو نهايه
مصيرك تلقي جزاك آلام
ياالبتبيع الريد بالدرهم
وقلبك عايش في الاوهام
مااتخيلت تفوت من عشك
تنسي حبايبك ياخي حرام
الله يسامحك ويغفر ذنبك
انت بطبعك زول لوام ..
فوت في طريقك الله معاك
انسي بإنك كنت حبيب..
لا الآهات بترجع ماضي
لا الدمعات للفات بتجيب
رغم الريد العندي مستف
لقيت في هواك ما لي نصيب
خلاص خليتك امشي وسافر
اوعه تقرب مني قريب ..!!

جمالك انتي زي لمعان
النجوم في سوادة
والجمال العندك انتي
مقيم ولابساهو قلادة
طعمك انتي عسل و
في العسل زايد زيادة
شبيهك ما اتوجد رقم
ازدياد عدد الولادة
انتي للمرضان طبيب و
علاج ما بيحتاج لي عيادة
كنت متوجع وطبت لمن
ختيتي يدك لي وسادة
ان شاءالله تتهني ي
الليكي كل الخلق نادة
سبحان الله الخلق
صورتك و اجادة
لا بدورلي عمارة فخمة
و لا بتمنى السيادة
بتمنى القي الراحة
وتنفتح ابواب السعادة
ي طعم السعاده
حبك بقى لي عادة
ريدي ليك معروف
ما محتاج لي افادة

زاد أذاي ياصاحي …. من عيون شعر الحقيبة ، شاعرها كتب العديد من غناء الحقيبة ، ولكنه عاصر الفنانين الجدد فكتب لهم أيضا ، أنه الشاعر الراحل والأكثر شهرة ، عبيد عبدالرحمن ، إبن حي العرب بأم درمان ، وهو حي يفيض بالمبدعين ـ والأغنية هذه يؤديها فنانو الحقيبة منذ زمان بعيد ، غير أن الراحل المقيم الفنان هاشم ميرغني قد أضاف لها سحرا في ادائها بصوته التطريبي المهول ، كما يؤديها ايضا الراحل عبدالمنعم الخالدي ، وحتي جيل الشابة ريماز ميرغني .

ولنا أن نعيش مضامين تلك الأغنية بمفرداتها التي تشع جمالاً وتنطق سحراً ، وتتحدي كل الأزمنة :

زاد أذاي يا صاحي واعتراني نحول
طرفي دامع وصاحي وبالسهاد مكحول
****
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول

***
العلي ما بزول

والأنين يابدري والحنين مابزول
الجسيم مهزول
منيتي وآمالي ونومي فيه النول

*
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنو أقبّل المعسول

*
لا قــُصر لا طول

ربعه قامتو وحسنو
وصفو شرحو يطول

****
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول

*
الكتيف مهدول
بعضو نام في بعضو

تقول حرير مجدول

*
ايه يفيد القول
وايه يفيد من شعري فيه مهما أقول
منو حالمه عقول
الوصول للبدر ياخي ما معقول

*
زاد أذاي يا صاحي واعتراني نحول
طرفي دامع وصاحي وبالسهاد مكحول

*قصة أغنية فرتاق أم لبوس*

شاعرتها هي بكرة بنت مكابر إبنة مك الجعليين المكابراب .. وهي مرثية في زوجها علي بن عثمان بن عجيب المانجلك..
و عند مقتله كانت حامل منه و سبب مقتله إنها كانت مطلقة و كانت متزوجه من قبله من عبد الدائم ود عدﻻن (جعلي) لا ينجب ..
و عندما تزوجها علي بن عثمان و حملت منه، لم يرض زوجها السابق و أهله .. فكمنوا لي علي بن عثمان و قتلوه غدراً في منطقة خور الهود..(وادي الهواد) ناحية كبوشية و عندما سمع أخيه حمد السميح قولاي بمقتل أخيه .. جاء الى قري و أستلم الحكم و حكم عام 1698 ..
و نسبة للعلاقات الإستراتيجية بين العبدﻻب و الجعليين ..لم يتحرك العبدﻻب بشأن مقتل علي بن عثمان ..و لكن ا
إستفزت أبيات القصيدة السميح قوﻻي و حركت مشاعره عندما سمع أبيات القصيدة..
فسعى و تعرف علي القتلة و طلب من مك الجعليين تسليم القتلة لكنه رفض ذلك ..فحاربه قوﻻي و قتله .. فتدخل الجموعية أيضا فحاربهم و هزمهم .. و بسببها تم عزله من الملك مع أبناء عمه .. و عند مقتل علي بن عثمان .. كانت زوجته حامل في الشهور الأخيرة فولدت مولود سمته علي أبيه (علي) .. وهو أيضا مقصود في المرثية .. و نسله موجود الآن في منطقة الحاوية جبل أم علي .. جوار قلعة عجيب .. يسمونهم العثمن ..

نص القصيدة

فرتاق أم لبوس لويعة الفرسان
الليل بابلي عنزة و قرونها سنان
الكوراك ضرب مرقن جراقدة أنداد
أنداد النصارى الكلهم بولاد
الكرار علي كبّر عليهم زاد
سيفك في غضاريف الرجال صياد

متين يا علي تكبر تشيل حملي
إياك يا علي الخلاك أبوي دخري
للجار و العشير الكان أبوك بدي
للغني و الفقير الكان أبوك حامي
يسولب من العلج الحرير و أكسي
لا تعاين الوجوه ضربك بي اليمن سوي
و سيفك في غضاريف الرجال أروي

جابولنا الكرامة و صبحنا فرحانين
ضربوا دنقرن جوني العيال مارقين
بسأل عن علي الفارس البقود تسعين
هو اللدر العلي ضهرو الخبوب و الطين
ما بيأكل الضعيف و ما بسولب المسكين
إلا شيمته الأسد أب قبضتا هين

ما دايرة لك الميتة أم رماداً شح
دايراك يوم لقا بي دماك تتوشح
الميت مسولب و العجاج يكتح
حي يا علي سيفو البسوي التح

حارساهو الفراسة تركة من الجد
ختين الدولو يا ماشي وارد عد
ولد ود عجيب حاشه ما بنخض

▪️ *أم لبوس* : هى الحرب ..
▪️ *فرتاق* : من فرتق.. أي شتت ..
قبضتا هين .. بكلتا يديه

يا ناسينا .. يا ناسينا

إلاما البين إلاما

متين الموج يرسّينا

على بر السلامة


******


يا ناسينا

وكيف الشوق يطرّيك الخوالي

ليالينا المضت

يا ريت تعود لينا الليالي

وكيف تنسانا

وانت الما نسيناك

وتسلونا وتجفونا

وحبّك إنتا دنيانا ودنياك



يا ناسينا .. يا ناسينا



******



يا ناسينا

وزاد الهمّ مباكينا بذكراك

ونحن الكم ذكرناك

وطريناك

وانت بعيد

سعيد بي قلبك القاسي

وقلبي وحيد شقيت

بين كاسي وين ناسي

ناس في المرّة جافونا

وبكرة الحلوة بتجينا



******

#منو_القال_الكيف ....في البن والشاي ,,,,
الكيف لما اجيب سيرتك في جواي ,,,,,
الكيف لما اتزكر همسك وحنك وروعة اسمك ,,,,,,,
الكيف في الدنيا معاي بقي مربوط بشخصك ,,,,,,
وكل الحولك وشاف بس حرفك وشم عطرك ,,,,,,,,
وشال انسام من طعمك وريحتك ساي ,,,,
منو القال ليك الكيف بالسطله ياخ من سيرتك ,,,,,
دوام بتسطل ومن همساتك بشرب كاسات وبسكر منك ,,,,,
وبتخدر لما حرف من حروفك يجي في لساني ,,,,,,,
ولما طيفك يمر برواي ,,,,,,
ولما نسيمك يجي في هواي ,,,,
ايوه بتزكر وماني الزول البنسي الكيف الكارب فيك,,,,
ياخ يازول منقوش بالحب جواي ,,,,
انا بتكيف من سيرتك ساي ,,,
بالجد بسمع صوتك وصورتك منحوته جواي ,,,
انا بتزكر حبك وعشقك ببقاك فرح في دنياي ,,,
يازول مرسوم من نقوش الماضي وكل الحاضر ,,,
انا بتزكر روعة اسمك ودقة قلبك ونبرة صوتك ,,,
اللسه عايشه وساكنه سماي ,,,,
يازول جواي انا مجنونك ورقم ظروفي ,,,,
عشت معاك كل حيلتي واديتك كل شبابي ,,,
بس اقدل ساي وابقي الكيف المنوا كفاي ,,,
وانا زولك وعاشق روحك يازول منسوج ,,,,,
ومرسوم في لوحه بس جواي ,,,,

حاجه فيك
تقطع نفس خيل القصائد
تشده اجراس المعابد
توهتني .. تعبتني .. جننتني
جننت حرف الكلام
وبرضو ادتني السلام
حاجه في شرف المداين
وفي غرف كل السفاين
جوه في عمق المناجم والعيون
حاجه زي ما تكون محلق في العواصف
فجأة تهبط في السكون
حاجة زي نقر الاصابع
لما ترتاح للموسيقي
حاجه زي اخبار تناغم من جريدة
حاجه زي وتر المواني
لما يصدح لي سفينة
حاجه فيـك لا بتبتدي
لا بتنتهي
خلتني ارجع للقلم
واتحدى بالحرف الالم
واضحك مع الزمن العريض
وانسف متاريس الطريق
واعرف متين ابقي المطر
وافهم متين اصبح حريق