لمات اغنية اصطفيت جرحك براك - مصطفى سيد احمد

إصطفيت جرحك
د. طلال دفع الله
وإصطفيت جرحك براك
وتر إنتباهك والنغم
ضفة تزرع فى الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند فى صدى الليل
الهياج الإحتضار
صاح إنتباهك فى الزمن
لما أصطفاك
قدر العصافير .. الرحيل
غدر الشِباك شوك المتاهات .. الدوار
تحتك نسيج الليل .. طويل
الأناشيد الماخدة من حِزم الشعاع
نار البدايات البتول
للسحابات التلوِّح قوس قزح
بُشْرَة هطول
ولى ضِيا القمر المقرّح
ضد قوانين الأفول
ليك يا آخر الخيول
فرس الرِهان الما كبا
وهج الشموس الإشتعال ..
وإنكسار المستحيل
شقيتو بى سيل الحروف
الطالعة دابا من الصدف .. مجرى البحر
تيارو والموج الرجوع
أديتو حيل مدّو الزمان كان إنحسر
غيرت فى الزمن الملامح
طعم الكلام .. لون الغُنا
وطبع البذور .. كيميا التراب
طقس المطر
صاح إنتباهك فى المكان
زهو السنابل بالقموح
وإجتراحك لى لسان لغة الجموح
وكتين يتوه بين السكات
وسيف القيود .. الإرتهان
شمس الحقيقة .. ال .. آه ..
بقت منفى ونزوح
وأقتباسك للصبر لغة اليقين
بإنقسامك فى الزمن
وإنصهارك
وإقتسام الآهة بينك والمحن
وإنتصارك لى صباحاً بكرة طالع
من مدارات الصهيل
يا صباحك
لما تنداح ضفة جراحك .. بالشجن
وتقلِد الزمن العديل
يا جراحك
لما تفرد غيم جناحك
فوق عذابات الوطن

كلمات اغنية فتر حنيني - مصطفى سيد احمد

زهرة بخيلة
مدنى النخلى
لو متلى هداك الحزن
او غاب حبيب عن موعدك
لو عشت افراحك سراب
وابت الظروف ما تسعدك
كان يوم عرفتى ضنى الجرح
جوايا وكتين افتقدك
يا زهرة بخلت بالاريج
الليلة مات فينى الاجيج
وفتر حنينى الكان زمان
عودت كالنوم فى العيون
وسهرت محزون ما بنوم
لو ليلى من بعدك حزين
العشتو جنبك كان هموم
لا بقيت انا الراجى السراب
لا الرامىاملو على الغيوم
الليلة مات فينى الاجيج
وفتر حنينى الكان زمان
ياما الترقب طال وزاد
والزاد مواعيد فى الخيال
والليلة فى درب السلامة
من الاسى وليل المحال
ارتحت من شوق الغمامة
الياما عانت ارتحال
الليلة مات فينى الاجيج
وفتر حنينى الكان زمان
جيتك معاى جانى الزمان
كل المشاعروالمنى
تقدر ترجع ليك خطاى
العايدة من درب الضنى
لا الشوق فتر فى ليل اساى
يقدر يعيد ليك الهنا
الليلة مات فينى الاجيج
وفتر حنينى الكان زمان

كلمات اغنية ادفقى - مصطفى سيد احمد

ادفقى
ماتكونى رقراق
ابقى ياضل ياشموس
غطى المساحات بالوضوح
استنهضى الشوق الجلوس
وهجك شوارع ذاتى فى ليل اليباب
ماتخافى من دم الغروب
لو رتش اللوحة الضباب
مادام ضميرنا الفينا حى
مادام عريق العشق حى
ملحوقة يامدن السراب
ماتشفقى
العطش الرحيل
النيل ركيز
ودمعة الاحباب سحاب
ادفقى
فيضان عمار
اتربعى وفجى الوجع
دمع الالام.....مايدفقك
ماخاب غناك
فارسك رجع
اتوهجى وانتى الشمس
اتلهجى ونورك سطع
نور بوادينا الكساح
لاقصت مزامير الصباح
مبكية قرية وقنبلة
متكية دمعة وسنبلة
الليلة فى ايدنا السلاح
ريشة وكدنكة ومطرقة
نبنيكى احسن ياظروف
مخضرة دانية القطوف
نطوى المسافات نسبقا
ادفقى
بلدك فداك
اتوهطى
ورى البنيات العديل
محمية بى عرق الترابلة
ونغمتك مسقية بالريد العتيق
انغام ربابتك تشيل
معزوفة الريد والرفيق
ماتصغرى
تكبر امانى السنبلة
هى اكبرى
تصغر معانى القنبلة
ماتصغرى
ماترجعى الصد للمداين والفرى
شيلى الشحوب والاصفرار
ادى البويتات منظرا
ادفقى
فى كل شارع وكل بيت
فى روابينا المحنة
وفى ضمايرنا السهول
ادفقى
فى كل حتة وكل زول
ابقى شان تبقى الفصول

كلمات اغنية النفس طالع نازل - مصطفى سيد احمد

سميت المدن النايمة المدن التصحى قي حين
تتلقى خطى العمال اصوات الفلاحين
صلوات الغبش القايمة في الدغش امين يا امين سميت عصفورا راجع لعيالو المريوقين
الناس التنطح سكر تتجرع مرو سنيين
التبني قصور للقيصر تتقاسم حوش الطين
الناس ام عرقا يجهر السرها يوم حيبيين
يا موج البحر الاحمر سميتكم قاسم امين
قتلوك الناس القصر الناس المعفونيين
الناس الفالة مغطى الساسة المبيوعيين
قتلوك خدم الراسمال يا زول يا عادي زين
الفرحو الامريكان والربحو تجار الدين
قتلوك وكان قاصدين في زاتك ناس تانيين
الناس ام عرقا يجهر السرها يوم حيبيين
يا عادي كمالعمال والريح الحينا بحيين
يا صاحب كل امال في عيون المحروميين
ماشيين في السكة نمد من سيرتك للجايين
شايفنك ماشي تسد وردية يا قاسم امين

كلمات اغنية الزمن الأليم - مصطفى سيد احمد

ياجرح عزة هوانا
الساكنة فى حرف الكتابة
فى زمان الفرقة...... والخوف والرتابة
انكتم نبض الاغانى
وانبهم حس المعانى
وانجرح خاطر المهابة
جيتنى فى الزمن الاليم
وقلبى مثخن بجراحات الهوى
وعمرى ضايع فى متاهات النعيم
فى دروب الغربة لاتاب لاقوى
كان عيونك فيهن الوصف القديم
مغنى الحب انطوى
وضاع معاك زمن الوسامه
واختفى الفرح العلامه
ولسه ياحزن الملامة
من سنين دربك سلامه

كلمات اغنية علمي عيوني السفر - مصطفى سيد احمد

علمى عيونى السفر ما البسافر فى عيونك سكتو تبقى سلامه ينسى احزانو
ويعرف الدنيا جنبك ابتسامه الشقى اللازمنى مده فى يوم يفوت والفرحه تبقى
مابقول فارقنى عده عشان بخاف ترحل عيونك وتنهزم فينى الاغانى وبى اساه
وبى شقاه تانى يتوسد ذمانى اصلو غير عينيك وحاتك مافى للافراح معانى
جينا ليك شوق فى عيونا وفى عيونك شوق يناقم الشجون باكر بترحل
والذمن يصفى ويسالم والحلم يصبح حقيقه وتنهزم فينى الاغانى

صغيرتي
الشاعر/ عوض أحمد خليفة
أو تذكرين صغيرتي أو ربما لا تذكرين؟ !
الخمسة الأعوام قد مرت ، ومازال الحنين
الشوق والأحلام ،ما زالت تؤرق ، والسنين
هل كان حباً يا ترى أم كان وهم الواهمين؟
هل كان حباً لاهيًا أم كان شيئاً كاليقين؟
هل كنت تعنين الذي لي تدعين؟
ما زلت أذكر خصلةً عربيدةً فوق الجبين
ما زلت أقرأ في السطور فأستبين البعض أو لا أستبين
والعطر والآنسام تغمرني بفيض الياسمين
منديلك المنقوش جانبه أو تذكرين؟ .. وتذكرين
ما كان قصدي أن أبوح وربما قد تصفحين!
ــــــــــــــــــــــــــــــــــ
همسات من ضمير الغيب تشجى مسمعي
وخيالات الأماني رفرفت في مضجعي
وأنا .. بين ضلوعي .. لا أعي
عربدت بي هاجسات الشوق إذ طال النوى
وتوالت ذكرياتي .. عطرات ... بالهوى
كان لي في عالم الغيب غرام ... و أنطوى
ــــــــــــــــــــــــــــــــــــــ
كان لي في الأمس أحلامُ وشوق وحبيب
كان للجرح طبيب ... لا يدانيه طبيب
كان ... ما كان ... وبتنا كلنا ناء غريب
ـــــــــــــــــــــــــــــ
سكر السمّار ...و الخمّار في حان الغرام
وأنا الصاحي أرى في النور أشباح الظلام
وغدت كأسى على راحتي ... بقايا من حطام
ـــــــــــــــــــــــــــــــ
عادني الوجد إلى ليلى ... وكأسى المترع
وسعير الحب يشقيني... ويشقى مضجعي
ولهيب الشوق يدعوني فهل أنت معي؟
ـــــــــــــــــــــــــــــــــ
أو تذكرين صغيرتي أو ربما لا تذكرين؟!
الخمسة الأعوام قد مرت ، ومازال الحنين
الشوق والأحلام ،ما زالت تؤرق ، والسنين
هل كان حباً يا ترى أم كان وهم الواهمين؟
هل كان حباً لاهياً أم كان شيئا كاليقين؟
هل كنت تعنين الذي لي تدعين؟
ما زلت أذكر خصلةً عربيدةً فوق الجبين
ما زلت أقرا في السطور فأستبين البعض أو لا أستبين
والعطر والآنسام تغمرني بفيض الياسمين
منديلك المنقوش جانبه أو تذكرين ؟ ..
وتذكرين ما كان قصدي أن أبوح وربما قد تصفحين..

لمـــرنوعة -
كلـــمات محمد ود الـــرضى
***
المَرْنُوعَة زَىْ شَمْس الغَمَامْ فِى طِلُوعَه
إتْنَينْ
المَفْدُوعَة رُخْصَة وبَالوَضِيبْ مَرْدُوعَه
البَى سَنَاهَا مَى مَخْدُوعَة عِنْد الصَّالِحَاتْ مَودُوعَه
بَانَه وَبُرْتُكَانَه قُطَيْفَه مُهْرَة وَعَسْجَدَة وَخُشَيْفَه
تَابْرَه وَهَادْلَة فَاقْلَة وَهَيْفَا يَانُسَيْم الصَّبَا الفِى الصَّيْفَ
متبورة القدوم ما رهيفة باخلة الزورة لو فى الطيفا
فى بيتا من الحيا كالضيفا عزز ان امثل كيفا
مَتْبُورَة الجِّدَلْ مَلْفُوفَه أنْعَمْ مِنْ قَطِيفَة كِفُوفَه
بِى الهَيْبَة أمْ عَفَافْ مَحْفُوفَه تَتَلَونْ بِلَونْ شَفُوفَه
مما ربنا انشاها ما بات بى غبينة حشاها
عطف الامهات راشاها ماقالولا تب حاشاها
كَالعِهْن النُفِشْ قَدَمَاهَا بَى مَسُّه الحَرِيرْ أدْمَاهَا
تُوبْ الحُسْنِ رَاقْ عَمَّاهَا مُرْنَاعَة الرِّدِفْ هَمَّاهَا
كَالمُوزَة المِوَرْشِلْ مَاهَا بَوَّظْ للِقِلُوبْ مَرْمَاهَا
حِصُونْ صَبْر العِبَادْ هَادْمَاهَا الصَّادَة النِّفُوسْ صَادْمَاهَا
جَلَّ الصَّانِعْ الرَّيَّاهَا هَفْهَفَها صَفِّى لُونْ زَيَّاهَا
هَدَّمَا ورَدَّمَا ونَيَّاهَا إيَّاهَا الفَرِيدَة إيَّاهَا
نَاضِرْ لُونَه زَايْنَا الحِفْلَه هِىَّ المَاخْدَاهو كَاسْ الحَفْلَه
بِالرُّوعْ والرُّعُبْ مِكْتَفْلَه دِى البَيهَا البِدَايَة وَقَفْلَه
شُوفْ لَيكْ يَا حَبِيبِى طِفَيلَه رَاسَه مِوَسِّدَاهو كِفَيلَه
نَاصْلَه الكَتْفْ مِنْ سِنْ فِيلَه شَرَفْ الأمَّهّاتْ تَنْفِيلَه
غَاصَّة وقَاضِى بَصْبَاصْ عَينَه والفَاطِرْ برَيقْ العَينَه
تَمْشِى الرَّنْعَه مِنْ دِرْعَينَه قَاصْدَه هَلاَكْنَا الله يَعِينَه
تَتْرَنَّعْ تَفَنِّنْ دَيرَه فُوقْ للعَيبَه جَادْعَه بِدَيرَه
زَىْ المُوجْ تَلاَعْبُه صِدَيرَه إسْمَ الله عَلَيكْ يَا بِدَيرَه

مسابقة .......... شرح الاغنية من الاسم ..المرنوعه والمفدوعه . تابره وهادله قافله وهيفا .. متبورة القدم

كلمات اغنية يا ريت -

سألوني عن حبي أنكرتا ماقريت
شافوهو متخفي في عيون تقول ياريت
ياريت
لو كان حبيبي أباح وأعلن هواهو طرح
كان الفؤاد إرتاح وأنا كنتا ليهو مشيت
ياريت
حاولتا أكتب ليهو وأصور الأحساس
أقول كلام فيك من النجوم والفال
تعبت... ألقى حروف ما
شلتا الكلام وجيت تاني أقول ياريت
ياريت
يارتني أقدر أبوح وأقولو ياعمري
في عمري إنتا الحبيب للروح
لكن خايف أقول . يزعل ومني يروح
عشان كده إستكفيت.كفايه إني هويت
لما الحنين فاض بي من الحنين غنيت
ياريت

للتنويع
ولروعة الحدث😍😍



🌕🌕
شاهدوه غدا.. القمر الوردي العملاق ينير سماء الوطن العربي

انتم على موعد مع مشاهدة القمر العملاق.
مساء غدا الثلاثاء
15 رمضان 1442
27 أبريل 2021

والقمر العملاق ظاهرة يقترن خلالها طور القمر (البدر) مع اقتراب القمر من الأرض أثناء دورته حولها.



هواة التصوير 📸 📷 شدوا حيلكم ومتعونا بتصويركم😉👌