حيران في الحب

حيران في الحب أنا اعشق مين

اميل شمال ام اميل

أصبحت حائر بين اتنين

بين اخضر ساحر العينين

وبين اسمر خاطف لونين

أقول اهوا دا واترك دا

ضميري يقول لي برضو كدا

ما دمت تميل طاوعني وميل

على كل جميل جمال طبيعي

وطبعو رزين .........

آآآآآآآآآآآآآآآآه كل واحد ليهو لون

وليهو في الاسحار فنون

واحد يسحر بالعيون

وواحد يجذب الخدود

في قلبي الهوي لعب ادوار

اعابن هنا اشوف انوار

وانظر هنا اجد نوار

الدنيا ورود باسمة وازهار

جمال مرآها يسر العين

صغيرة حبي

في ايام صباهو صغير قلبي حباهو

وكيف اعشق بلاهو صغير قلبي حباهو

من شدة إباهو وصال الناس اباهو

قال الداير يشوفو يجدو بالروح جباهو

ومن رقة شعورو كل ما جيت ازور

يتلقاني باسم ويلقي علي زهور

اسمر خمري لون وجذابات عيونو

ساكن فلبي طيفو وفي امدرمان سكونو

أنا بقى لي عادة حب ليل وسعادا

محبوبتي الجميلة هي رمز السعادة

وكيف اعشق براهو حبيب قلبي حباهو

ممكون وصابر

ممكون وصابر لكن حبييبي ما اظنو خابر

وجمالو ساحر لقلبي آسر علمني حبو وبقيت احبو

لكن نصيبي من وصلو نادر

طولت ساهر باكيات عيوني وإصفر لوني

وزادت شجوني لا تظلمنوني

انا حبي طاهر باطن وظاهر

طول الفراق زادني اشتياق

لمتين يا ربي يوم التلاقي

لمتين اشوفو او حتى طيفو

لي قلبي آسر .

ممكون وصابر لكن حبيبي ما اظنو خابر

ليتني انساك

ليتني انساك وانسى آلامي

انسى ما ألقاه والهوى السامي

انسى حبي إليك وانسى أنغامي

انسى ما بالروح انسى الهامي

ليتني يا روح ليتني أنساك

يبرا الوجدان من هوايا معاك

أنسى أحلامي أنسى ما معناك

قول لمن قساك يوم نسيت مضناك

ليتني يا ملاك ليتني أنساك

ليتني انساك وانسى كل الكون

أخمد النيران في قلبي المحزون

انت لم تعد يا حياتي حنون

قول لمن قساك يوم نسيت مضناك

ليتني انساك ليتني انساك

قد تركت بكاي ومللت هواي

قد عرفت الحب أقصى
من دنيايا

فاتركي روضي انت يا سلواى

علني أنسى ما جنته يداي

آه ما اقساك ليتني انساك

حبي والالم الجوى وشقاي

الليلة أسعد ليلة



الليلة أسعد ليلة الدنيا حلوة جميلة

أشرق جمالها علينا والدنيا بسمت لينا

قول للعزول واشينا خليك بعيد متجينا

بعد التجافي صفينا حنينا لي ماضينا

والحب شبك قلبينا وزاد الوداد البينا

حول الزهور في خميلة والنسمة ماره عليله

قضينا ساعة جميلة في جلسة مافي مثيله

كلك جمال ونضاره رقة وشعور وطهارة

زانت خدودك امارة فيها العقول محتارة

بهجة حياتي



يا بهجة حياتي وصالك ساعتو ياتي

حبيبي يا باسم يا أملي وسروري

يازهر المواسم شوفتك لي ضروري

شفتك يا مرامي وقلبي يزيد جراحو

يا اول غرامي خلاص عزالي راحو

سبت العاتبوني عشان راحة ضميري

مهما قالو عنك بحبك يا سميري

شفت القمري طاير رف علي جناحو

قال لي ياخي سيبك ديل عزالي راحو

شفت البان مميل وتحتو الصيد مقيل

يا دمعي المسيل لي أم ثغرا منيل

اسمر خمري لونو وجذابات عيونو

ساكن قلبي طيفو محل ما يكون سكونو

لي من شوفتو مدة حبيبي نسى المودة

أسمر خمري لونو حبيب في خديدو فصده

حبك لا ابالي مقسوم لي هواك

يا الحيرة بالي محال اعشق سواكَ

راحة الضمير



راحة الضمير انت السمير

القلبي برتاح ليك كتير

راحة الفؤاد ليك شوقي زاد

عطفك أفاد قلبي الكثير

لأنو في حبك أسير

زينة الشباب في العمراب

انا قلبي ذاب

أيه سببو غير

شبابك الغض النضير

طبعك وديع شكلك بديع

زهر الربيع منك بغير

يا الفي الجمال ما ليك نظير

وحياة هواك ان طال نواك

أبدا سواك لا استخير

ختمت بيك حبي الاخير

سحروك

سحروك ولا مالك بقيت تحرم عيوني من رؤية جمالك

سحروك يا وسيم آه يا ليتني كنت في حيك نسيم

ادخل في ديارك وانعم بي جوارك

بين باسمات زهورك وبين يانعات ثمارك

اجدك نصب عيني تجلس عن يميني واجلس عن شمالك

بقيت دايما تغيب اظنك انت خايف من عين الرقيب

وإلا يا حبيب كيف موعد زيارتي عن بالك يغيب

وكيف خاطرك يطيب تبعد عن عيوني مع انك قريب

لو هذا الدلال في شرعك حلال

فكر في وفانا

وتذكر صفانا

ولا تحرمنا دايما

من طلعت هلالاك

ولا ولا حبيبي ليه لا

عشاق



ما بنساك في قلبي دايما ذكراك

يا حاسدين كفاي سهاد

يا هاجرين كفاي بعاد

لي سنين داير وداد

لي سنين قولولي وين حبيبي وين

ألقي المنى بعد الخصام

يا ساهرين مع النجوم

يا حايرين مع الهموم

يا عاشقين بين اللهيب

يا راحلين شوفتو الحبيب

ياراحلين دلوني وين اشوف مناي واحكي الغرام

يا وديع زي الحمام

يا بديع رمز السلام

يا ربيع في الكون دوام

إن تغيب حافظ هواك

إن جفيت برضك ملاك

إن جفيت بقول دا وين حياتي وين سائل عليك كل الأنام

ليلة الذكرى



تعالي واسمعي في الليل نجوان

تعالي فالربا غنت للقيانا

ورف الطير في الاغصان نشوان

وعودي قد كفي هجر

بقرب الجدول السحري

وتحت جداول الزهر

تعالي يا مني عمري نجدد ليلة الذكري

وحين يذوب ضوء البدر في النهر

وتسري نفحة الازهار للناظر

تعالي لنسكر من شذي الورد

ونسبح في سماء الود

وعودي وأطفئ وجدي وجددي ليلة الذكرى

يا الوشك في الضلمه بيأخد لمعه
فيك ملامح الصيد والقمر مجتمعه
يا الكفلك شبيه الخيل ولونك شمعه
لي شوفتك فرحت ومني نزلت دمعه

دايمآ في الرجال اختار ونقي رفيقك
خاوي البقيف واتعب معاك يوم ضيقك
ماتخاوي الخصيص مهما نصفتو بعيقك
خاوي القلبو ابيض متل اخوك وشقيقك

الدنيا فيها بتلاقي الخصيص والكارب
فيها المعاك طيبين وفي ضهرك عقارب
فيها الديمه تابع الناس وللنجاح بتحارب
وفيها الفوق عروض الغير بقيف وبضارب

انا مكتول عيونك ياالمعلا قفاكي
والفلجة المضوية في الضلمة ثناكي
وحات الريدة ياست الحسان بهواكي
بحلم بيك ويسعد يوم تكون رؤياكي

انا يازينة السمحات هلكني غرامك
بقت العلة منك والعلاج في سلامك
اكيد اللامني فيكي وفي غيابك لامك
ماشمة الدعاش وكتين اجيب نسامك

الشاعر: عبد الله حمد شوراني
اللقب : ود شوراني
المولد والنشأة : ولد بقرية أم شديدة بالبطانة(70 كيلو متر جنوب شرق الدامر) في العام 1923م تقريباً
المهنة : شيخ قبيلة
القبيلة : من قبيلة الكواهلة فرع المرغماب
الحالة الإجتماعية : متزوج وله زوجتان الأولى من المغاربة والثانية من المرغماب وله بنتان وولد وهو الآن شيخ قبيلة المرغماب
- عاش ود شوراني محبوباً بين الناس ومشهوراً بشعره الرصين ويشار إليه بالبنان عندما يذكر الشعر القومي بالسودان .
- توفي بمستشفى الدامر في 14/1/1989م
- صدر له ديوان واحد يحمل إسمه في عام 2000

ود شوراني بقول في الغزل
نومي الليلة يا أبو جنح إشارات عدمو
أمسو ربيطة عُربان أم خدود الهدمو
ماخد البلجة حالي الفِطرة مبتور قدمو
جاهلاً سدرو بي عقود الفلايت ردمو
(2)
قلبي الكان تايب وخاشعاً متـطوِّع
أمسى الليلة دافر مركبو ومــتنوع
الخلاني فاقد الفوق وسادتو مكوِّع
تاتاي الفلو وقدم الحمام مـــا ببوِّع
(3)
يا بدوي البنوح عدد الليالي مـــــــــــريضو
أسمع من جنا الصيد والصهل عنــــــد سيدو
عاشق البي الحبوب الغالية مرصوص جيدو
دهبو اللابسو ما خلا َّلو فجة يزيـــــــــــــــدو
(4)
أنا يا أب (تِلة) ساجعة العشا البتقوقــــــــي
قـُتلها أكـُرسي نومي وضِيفي سهرك فوقي
من بُريّب وأريل وأب طعم معشوقــــــــي
صديت تاني لي مضغ الغـُنا وحيروقـــــي
(5)
شبه الفوق كرايد الريل عِلن شارفات
شفتو الليلة في العند الظهور عاطفات
السادة المسرَّح شال قلوبنا وفــــــــات
أب توباً منوَّع زولو أضمن مـــــــــات
(6)
بين الحلة والخلوة وبنٍيْة الشيخ
شاهد ظبية الرَّدن مالق الفــيخ
الهسرروا نحيِّر كبده مو ردِّيخ
الحركة القليلة تجبلها المـــليـَِّخ
(7)
تيلاد الولي الفاز بالكرم تاريخـــــــــــو
غفـَّرني النجم ظاهرو وخفـّي ومــريخو
منها قام بنا البي البوهية مضروب سيخو
عندها شارد الكيعان بخيل تنويخـــــــــو
(8)
جاهل ظرفي لكن برضي عارف ظرفو
وقلبي وقلبو ما بين الحصل يعترفـــــــو
ريدي أنا ليهو لو دَرَسو وقراهو وعرفو
زي شيك البنوك في أي لحظة يصـُرفـو
(9)
الريد إن كِتر لا بد يضيِّع سيــــــــدو
وإن نصحوه ما اظن النصيحة تفيدو
الزول التريدو لو سالَمَك بي إيــــــدو
تبقى شربت من لبن الحليب مــو نيدو
(10)
ديسك ريش نعام كاجا الجفل بي شروقــو
ووجهك خدو ما اسمح جرت الموس فـوقو
ريقك جرعة العسل البيشرق ضوقــــــــــو
بهدلتيني مختار الله في مخلوقــــــــــــــــــو
(11)
جاهلاً همو ظروفو وما عرفت قــــــبايلو
لافح قرمصيص لابس تياب النــــــــايلو
شفتو الديسو لاعند الفنايد طــــــــــــايلو
بكرو يحن ومطرو تصب ومادّة رحايلو

مسدار شلل
(1)
الضيـِّر عدَّا فوق بدري اللتيمة شـِتاهو
من الشلخه لامـِن يا بـِس العيش جاهـو
البـَعـَد الرُباط رايح يعودلو شقاهـــــــو
شتلاً مويتو حازماهو وغفيرو أسقاهــو
(2)
قـُت للرابطو قــلِلـُّو العلوق الضيــِّر
ماشي عليهو سفراً قاسي زولو بغير
خـَلـَفنا الوعد طوَّلنا فــــــــي التأخير
من المجلـِس الممتاز وليــــــلو أخير
(3)
البارح مساهـِر ومايقي نومــو جفالو
لامِن بـَهـْرَج الفرَّاع وَضـَح شـَهـْلالو
ما دام معدن الزوق القلب هـــــــفــَّالو
كيفن مـِقـْدِر القود العزيز برتالـــــــــو
<< برتالو = أشفق عليه>>
(4)
بعد قفلن قهاوي منازل العزَّابــــــــــه
قمت رسنتو حليلو السخي البتشابـــــه
وزَرُو الليلة ود الهـِبـْرِم الضـَـــرَّابــه
أنا والسيف ومخلوفتو البـِصـِر كرَّابه
(5)
حبوبه أم أبو جدو العـُزاز أنسابــــــــــه
من فرَّط نياق ود حامد الصهــَّــابــــــــه
علي السمحة وعفيفة وفايقه عابده شبابه
بـَتـْعـِبْ شالـِق الربوة الشــّرع كلا َّبـــــه
(6)
شديت سرجو فوقو عملو كـَربو متالت
غــُردة ومـَحـْقـَبة ولببو دوايراً جالـــت
سـِت حد الصبا الفيها الملابس خالـــت
بتعبو عليها فارط القود بعد تتفالـــــــت
(7)
ختـِّيت فوقو قام بي من بركِكتو مشمــِّم
ناطح الفرقو خلاَّ الجو علـّي متســـــمـِّم
الأمياقو تجرح غير سلاح وتــــــــدمــِّم
ما خلاَّنا نطمع في كتير ونمـــــــــــــيــِّم
(8)
شب فوق أم مرى صارف زوله الوادي
ناطح الكان مشاهد وعندو منو مبـــــادي
قـُت للضيــِّر بعيد النارو حارقه فــــؤادي
قال لي عليها بوريك للرسانه عنــــــادي
(9)
جيت شاق المـَحـَلْ يا أبو كفة ً فجــَّاجــه
مشروع صيد كلابو وراهو ليها عجاجه
علي المن فرقو الضيـِّر المـُقـَل لجــَّاجـه
أركـِز للتعب سرجك وِسارو إتناجـــــــه
(10)
وخـَّر ود كـُوَه وسيت الخبيب طريم
جفل يا اللريل الشاتيك جايب غــــيم
واغل بي اللتيب الحـِملو جاب دُغـيم
شبه الريل ردِف شبه الحمامة قـِــدِّيم
(11)
جرى طالع النقير راحـــــل فضلو يطير
رسنو مـِوتـِّرو ومـَخـَلوفـــتو ليها صرير
أبوك جاب النصـُر زمن الجمع في الجير
إت واغل الظبي الــراد قفر أبو صـِفـِـيفير
(12)
يا أب لبه الختاك ظرف الـرشيدي الجلا َّ
داك شرف أ/ مصارين في الرهاب إتعلا َّ
لتيباً في السماك نزلن تـِعــــــــــولو وتلا َّ
غـَرْدّك يا المشمــِّم دونو مــــــــــا بـِنحلا َّ
(13)
اللـِّي سرجو ما بـِنـــْــكاس بعيراً غيـــر
فات حدبات قصيرة ونــــــوَّى بالقـُنجير
علي خد الجدي وشبه الخيــــــول تـُبــِّير
زاغ ماغي الرسن سوى الخبيب هــُبــِّير
(14)
وخـّرت الفروخ جاتك مشقــَّه وبونه
واغل العِندها أرواح الخلوق مرهونه
ما دام فوقنا عـَوَّاية الصـِقوط مقرونه
شمس الليل يا العنافي لا تغيب دونه
(15)
جملي الوركي ما ضاغط عليهو ولاح
سرعو خفيفه من الطير نقاصو جنــــاح
علي القــُت ليهو حـَتــِّم عندها الـمرواح
منع التوب ولمسة التـِّفنه والأصـــــــفاح
(16)
داك شرف أب نديب بان يا الكتيوي السابح
جيتو مخلــِّـي سرجك فوق سراتك نابـــــــح
بـُريبة قـِصـَيرة اللــِّي السعين بتصابـــــــــح
عليها الليلة يا لـَعنا في باعك شابـــــــــــــــح
(17)
يا الضيــِّير في البراد شقــِّيق مراعي أم زَور
وخـَّرت التلاته وسِيت رحيلك فـــــــــــــــور
علي هجوم دِكـَة الشتله السقاها التــَّــــــــــــور
جريك أزعجبو سيدك والفرش والكـَــــــــــور
(18)
يا الضيــِّر الخـِوِّيرات شــَرْفـَهــِن دانيتو
عجلك بيهو يا دوب الـــــــــهـُرُب فـَنــِّيتو
علي سـِت الصبا الفايقة الغــــــُنا الغنـــِّيتو
سرجـَك صاح وجبدك للرســـــــن شنـــِّيتو
(19)
داك شرْف الطلــِّيح مرعى النـِعم والصيد
يا الضيــِّر جيتو في غاية الزعــــل والغيد
علي الجريحو نـِحــِّيرة ْ كبده مــــو فـِرِّيض
نـَفــْضــَك للسرج جاب في البتــات قـُرِّيض
(20)
هجــَّام دِكة السمــــــــــِح القلــِبنا بــِحِـبـْلــُّو
فات علو شينكو والــمريود بعيدو قِـَرِبــْــلو
جفيل ربد النعام بــــــــعد الكياقي يـَهـِبــْــلو
ساهو الجايي من مـُلـــــــكاً سـَبـَاريت إبـْــلو
(21)
يا لِص المسافات أبْ حـِفــــــــــــافة ً ناديه
واغل النفسي من ملعــــــوبه مي مـِتهاديه
وين الخلــَّت النـــــــــــوم والمقل مـِتعاديه
سمحه وفاهمه ماخده من الحضر والباديه
(22)
الضيــِّر المحنــَّّك وشـــــوحْ وسمحة قـَنـَفـْتو
في القـُود مافي طول غاربو وقـُصر مردفتو
علي هجوم دِكـَّة الفوقا الشـِــــــــــــعِر ألــَّفتو
لوبَــع وكفو كضــَّب أبو الصــِّقير فــي كـَفـِتو
(23)
جملي الدمو بالجري والتــــــــعب نشــَّفتو
منسول من حرارة َ اللــِّي الرفيق بـِتلــَفتو
الخلاني بالمصرف عليهــــــــــــــو عنفتو
فاهماً منو دارسين الجـُلــــوس يـــَســْتــَفــْتو
(24)
الضيــِّر السبق دِوِي عمري وأولاد عابد
أُمو وجـَـدَّتو نـِعامات ولـــــــــونــِـن رابد
دخــَل