لو بتعرف

لو بتعرف يا حبيبي ..
قدر ايه عينيك بريده
كلمات حنانك يا حناني..
كلمه كلمه براي بعيده..
عيوني في حبك مساهره..
مشتاقه حاضنه الليل وحيده..
لو تغيب عن عيني لحظه
اللحظه تصبح لي بعيده..
ولما احكي مشاعري ليك..
واشيل حنان الريد وأجيك
بلقى ريدتك ديمه باينه
ولهفة الشوق في عينيك..
ما فرحنا إنت....
وريدنا إنت...
وعز هنانا كلو بيك..
لو بتعرف.....!!
ااه يا ريـــت..
اريتنا لو نجمين بعاد
أو بسمه في ثغر القمر..
أو كنا زي نسمة دعاش ..
راحلين مع الغيم والمطر
أو كنا زي زهرة ربيع..
او نغمه في قلب الوتر ..
ااه يا ريـــت ...
كنت العمر أهديته ليك
يا ريته لو يكفي العمر .

ذوالنون بشرى

فيك رايح بالي
تفداك الروح
أظهر ولا تبالي
يا غزال الروض

في دجاك يا ليل
كم طيب أقبل هبالي
ده الجنن قيس
وكثير قبالي
متي لي يعود
عقلي ويصفالي
يرد الروح
في الجسم البالي

طيفك في النوم
لو كان يصفالي
أتغزل فيهو
ينظر لحالي
متي مني يفيق
عقلي ويصفالي
رحيق مختوم
في لهيجو الحالي

يا الفاطرك نور
وفاهك عسالي
جننت ألوف
عشاق أمثالي
في حبك أضيع
ولهواك ما سالي
بس قصدي دوام
يا جميل تطراني

حبك يمزج
أعضاي إجمالي
لو كنت يمين
يهواك شمالي
يا بديع ليه فيك
ضاعت آمالي
كان مالو هواك
يا مدلل ومالي

يا أنيس الصيد
الحاجو هلالي
كان مالو هواك
يا مدلل ومالي
لا أسمع فيك
أقوال عزالي
أسمع وأطيع
أمرك يا غزالي

داير اكتب فيكي تاني
وداير ابدع في الاغاني..
لما شفتك مرة اولي
قلت ما بلقاكي تاني..
الا كنت مصر اشوفك
والله حقق لي الاماني..
داير اكتب فيكي تاني...
زولة بي لون الفرح
من بعيد تملاك سعادة..
وتبعد الهم والترح
دي البنية ال الله رادة..
خلت القلب انشرح
داير اكتب فيكي تاني...
داير اكتب فيك واقول..
الجمال الشايفو فيكي
الله ما اداهو زول..
انتي بس يانبرسة
زهرة في نص الحقول..
يوم نشوفك يبقى عيدنا
وننتظر جيتك تطول..
وبرضو ما بنقدر نفوتك
وانتي زي فرح الوصول..
داير اكتب فيكي تاني...
داير استوعب ملامحك
ليه ملامحك بس فريدة..
انتي ما انسانة زينا!؟
ولا جيتي الكون جديدة..
يعني من الجنة جيتي
ولا من افاق بعيدة!؟..
ولا زول غناكي مرة
وجيتي شاردة من القصيدة..
داير اعرف وداير اكتب
وداير الكون كلو يعرف
انتي من وين جيتي لينا؟..
زولة زي طعم السعادة
قشت الهم من عنينا..
خلت الاحلام تقرب
تبقي اقرب من مشينا..
بكرة بكتب فيك تاني
بس كوني طيبة واسمعينا.

ﻗﺼﺔ ﺍﻣﻴﻤﺔ ﻭﺍﺣﻤﺪ ﻫﻴﻨﻪ ﺣﺘﻲ ﻛﻤﺎﻥ
ﻣﺄﺳﺎﺓ ﺣﺴﺎﻥ
ﻟﻮ ﻟﻤﻮﻫﻦ ﻣﺎ ﺣﻴﺴﺎﻭﻥ ﻧﺺ ﻣﺄﺳﺎﺗﻚ ﻳﺎ
ﻋﺜﻤﺎﻥ
ﻗﺼﺘﻮ ﻛﺎﻥ ﻗﺼﺔ ﺭﻳﺪ ﺣﻠﻮﺓ ﺑﻴﻨﻮ ﺑﻴﻦ
ﻣﺤﺒﻮﺑﺘﻮ ﺍﺣﺴﺎﻥ
ﻋﺎﺷﻮ ﺍﻟﺤﺐ ﺻﺎﻧﻮﻫﺎ ﺍﻟﺮﻳﺪﻩ ﻟﻤﺎ ﺍﻧﺰﻓﻮ
ﻋﺪﻳﻞ ﻋﺮﺳﺎﻥ
ﺑﻴﻨﻬﻢ ﻛﺎﻥ ﻓﻲ ﻣﻮﺩﻩ ﻭﺭﺣﻤﺔ ﻳﻨﻘﺼﻮ
ﺑﺲ ﻣﺎ ﻭﻟﺪﻭ ﺑﻄﺎﻥ
ﺯﺍﺩ ﺍﻟﺮﻳﺪ ﺍﻟﻜﺎﻥ ﺑﻴﻨﺎﺗﻬﻢ ﺗﻢ ﺍﻟﺪﻳﻦ ﻛﻢ ﺯﺍﺩﻭ
ﻣﺘﺎﻥ
ﻣﺮﺕ ﺳﺘﻪ ﺳﻨﻴﻦ ﻣﺎ ﻭﻟﺪﻭ ﻣﺎﻓﻴﻬﻢ ﺯﻭﻻ
ﻏﻠﻄﺎﻥ
ﻭﻛﺎﻥ ﺑﺎﻟﻘﺴﻤﻪ ﺭﺿﺎﻫﻢ ﺑﺎﻳﻦ ﺭﺍﺟﻲ ﺍﻟﺮﺏ
ﻣﺎﻋﺎﺩ ﺧﺴﺮﺍﻥ
ﻟﻜﻦ ﺍﻣﻮ ﺗﻨﻘﻨﻖ ﺩﻳﻤﻪ ﻛﻞ ﺻﺒﺎﺡ ﺗﻘﺮﺍﻟﻮ
ﺑﻴﺎﻥ
ﻣﺎﻋﺎﻓﻴﺎﻟﻚ ﻟﺒﻨﻲ ﺍﻟﻀﻘﺘﻮ ﻗﻠﺒﻲ ﻗﺪﺭ ﻣﺎ
ﺍﺩﺍﻙ ﺣﻨﺎﻥ
ﻋﺮﺱ ﻓﻮﻗﻬﺎ ﻭﺭﻳﻨﻲ ﻭﻟﻴﺪﻙ ﻛﺎﻥ ﻏﻠﺒﻚ
ﻃﻠﻴﻘﻬﺎ ﻛﻤﺎﻥ
ﻭﻛﺎﻥ ﺍﻟﺮﺩ ﻣﻦ ﻋﻴﻨﻮ ﻳﺠﻴﻬﺎ ﻓﻮﻕ ﺍﻟﺨﺪ
ﺭﻳﻘﺎﻥ ﺭﻳﻘﺎﻥ
ﻣﺎﺑﻴﻦ ﺍﻣﻮ ﻭﺣﺒﻮ ﻳﻨﺎﺿﻞ ﻟﻴﻠﻮ ﻭﻧﻬﺎﺭﻭ
ﺍﺻﺒﺢ ﻋﻴﺎﻥ
ﻻ ﻓﻲ ﺍﻳﺪﻭ ﺍﻟﻘﺴﻤﺔ ﻳﺠﻴﺒﻬﺎ ﻭﻻ ﻛﻤﺎﻥ
ﻳﺠﺮﺡ ﺍﺣﺴﺎﻥ
ﻛﺎﻥ ﻣﺎﺳﺎﺗﻮ ﺍﻣﻮ ﺍﻟﻌﻴﺎﻧﻪ ﻗﻠﺒﻮ ﻋﻠﻴﻬﺎ ﻭﻓﻲ
ﻭﺷﻔﻘﺎﻥ
ﺍﻟﺪﻛﺘﻮﺭ ﻭﺻﺎﻫﻮ ﻋﻠﻴﻬﺎ ﺗﻔﺮﺡ ﺗﺤﺰﻥ
ﻣﻮﺗﻬﺎ ﺿﻤﺎﻥ
ﻛﻞ ﺍﻟﺤﺎﺻﻞ ﺍﻧﻮ ﺣﻴﺎﺗﻮ ﺻﺒﺤﺖ ﻓﻲ ﻛﻔﺔ
ﻣﻴﺰﺍﻥ
ﺳﺪﺕ ﻓﻮﻕ ﻋﻴﻨﻴﻬﻮ ﺗﺨﺎﻳﺎ ﻗﻠﺒﻮ ﺍﺗﻘﻄﻊ
ﺑﺎﻻﺣﺰﺍﻥ
ﺍﺻﺒﺢ ﻳﻀﺤﻚ ﻭﺩﻣﻌﺘﻮ ﺟﺎﺭﻳﺔ ﻻ
ﺍﻟﻤﺠﻨﻮﻥ ﻻﻫﻮ ﺍﻟﻔﺮﺣﺎﻥ
ﻻﻫﻮ ﺍﻟﻤﻴﺖ ﺗﺮﺳﻲ ﺗﺪﻓﻨﻮ ﻻﻫﻮ ﺍﻟﺤﻲ
ﻋﺎﻳﺶ ﻓﻲ ﺍﻣﺎﻥ
ﻭﺩﺍﻳﺮﻱ ﺍﺩﻳﻚ ﺳﺮﺍ ﺟﻮﺍﻳﺎ ﻭﻋﺪﻙ ﻟﻲ ﻳﺒﻘﻲ
ﺍﻟﻜﺘﻤﺎﻥ
ﻳﻮﻡ ﻋﺜﻤﺎﻥ ﺭﺍﻗﺪ ﻣﺴﺘﺸﻔﻲ ﺍﻟﺪﻛﺘﻮﺭ
ﻭﺭﻳﺘﻮ ﻛﻤﺎﻥ
ﺍﻧﻮ ﻳﺸﻮﻑ ﻋﺪﻡ ﺍﻟﺠﻨﻰ ﻣﻨﻲ ﻭﻻ ﺣﻜﺎﻳﺔ
ﻓﻲ ﻋﺜﻤﺎﻥ
ﻭﺟﺎ ﺍﻟﺪﻛﺘﻮﺭ ﻗﺎﻝ ﻟﻲ ﻣﺎ ﻣﻨﻚ ﻣﻦ ﻋﺜﻤﺎﻥ
ﺭﺍﺟﻞ ﻋﻘﻤﺎﻥ
ﻗﺼﺪﻱ ﺍﺣﺎﻓﻆ ﻟﻠﺒﻴﻨﺎﺗﻨﺎ ﻭﺍﻣﻮ ﺍﺣﻞ
ﺍﺷﻜﺎﻟﻬﺎ ﻛﻤﺎﻥ
ﻓﻲ ﻳﻮﻡ ﺿﺎﻉ ﻓﻲ ﺍﻟﻠﺠﺔ ﺿﻤﻴﺮﻱ ﻗﻤﺖ
ﺗﺒﻊ ﻳﻮﻡ ﺍﻟﺸﻴﻄﺎﻥ
ﺑﺪﻭﻥ ﻣﺎ ﺍﺩﺭﻱ ﻟﻘﻴﺖ ﻓﻲ ﺑﻄﻨﻲ ﻃﻔﻼ
ﺷﺐ ﺑﻼ ﺍﺳﺘﺌﺬﺍﻥ
ﺗﺴﻌﻪ ﺷﻬﻮﺭ ﻣﺮﺕ ﺑﻲ ﺳﺮﻋﻪ ﻳﻮﻡ
ﻭﻟﺪﻭﻫﻦ ﻛﺎﻥ ﺗﻴﻤﺎﻥ ﻣﻦ
ﺍﻟﻔﺮﺣﻪ ﺍﻟﻔﺮﺣﺘﻬﺎ ﺍﻣﻮ ﻛﺎﻥ ﺩﻗﻴﻨﺎ ﺍﺗﻨﻴﻦ
ﺻﻴﻮﺍﻥ
ﺍﻣﻮ ﺍﻟﻤﺎﺗﺖ ﻭﻛﺎﻥ ﺑﺘﺰﻏﺮﺩ ﺣﺴﺮﺓ ﻋﻠﻴﻬﺎ
ﻫﻠﻚ ﻋﺜﻤﺎﻥ

ﻣﻨﺎﺳﺒﺔ ﺍﻟﻘﺼﻴﺪﺓ ﺃﻥ ﺍﻟﺸﺎﻋﺮ ﺍﻟﺤﺎﺝ ﺳﺮ ﺍﻟﺨﺘﻢ
ﻛﺎﻥ ﺃﺳﺘﺎﺫ ﻭﻣﺮﺍﻗﺒﺎً ﻓﻲ ﺇﺣﺪﻯ
ﻣﺪﺍﺭﺱ ﺍﻟﺒﻨﺎﺕ ﻻﻣﺘﺤﺎﻥ
ﺍﻟﺸﻬﺎﺩﺓ ﺍﻟﺴﻮﺩﺍﻧﻴﺔ ، ﻭﻛﺎﻧﺖ
ﺍﻟﺠﻠﺴﺔ ﻣﺎﺩﺓ ﺭﻳﺎﺿﻴﺎﺕ ، ﻭﺍﻟﺒﻨﺖ
ﺍﻟﺘﻲ ﻗِﻴﻠﺖ ﻓﻴﻬﺎ ﺍﻟﻘﺼﻴﺪﺓ ﻛﺎﻧﺖ
ﺗﺠﻠﺲ ﻓﻲ ﺍﻟﺼﻒ ﺍﻷﻭﻝ ﻭﻛﺎﻧﺖ
ﺗﺒﻜﻲ ﻣﻦ ﺻﻌﻮﺑﺔ ﺍﻻﻣﺘﺤﺎﻥ
ﻭﺗﻌُﺾ ﺷﻔﺘﻬﺎ ﺑﺄﺳﻨﺎﻧﻬﺎ ﻣﻤﺎ
ﺯﺍﺩﻫﺎ ﺟﻤﺎﻻً ﻓﻲ ﺟﻤﺎﻟﻬﺎ ، ﻓﺘﺮﻙ
ﺻﺎﺣﺒﻨﺎ ﻣﻮﺿﻮﻉ ﺍﻟﻤﺮﺍﻗﺒﺔ ﻭﺑﻘﻰ
ﻳﺮﺍﻗﺐ ﻓﻲ ﻫﺬﺍ ﺍﻟﺠﻤﺎﻝ ، ﻭﻛﺘﺐ
ﺍﻟﻘﺼﻴﺪﺓ ﺃﺩﻧﺎﻩ ..
ﺭﺑﻚ ﻳﻬﻮﻥ ﻛﻞ ﻗﺎﺳﻲ ﻋﻠﻴﻚ
ﻟﻮ ﻛﺎﻥ ﻣﺴﺘﺤﻴﻞ ﻻ ﺗﺒﻜﻲ
ﺃﺭﺟﻮﻙ ﻳﺎ ﺟﻤﻴﻞ
ﻳﺎ ﺃﺧﻲ ﺍﻟﺪﻣﻮﻉ ﺃﻧﺎ ﺑﻜﺮﻫﻦ
ﻟﻮ ﻛﺎﻧﻮﺍ ﻣﻦ ﻃﺮﻓﺎً ﻛﺤﻴﻞ
ﻭﻣﺎ ﺑﺮﺿﻰ ﻓﻴﻚ ﻗﺴﻢ
ﻓﺪ ﺩﻣﻌﺔ ﻓﻮﻕ ﺧﺪﻙ ﺗﺴﻴﻞ
ﻣﺎ ﺇﻧﺖ ﺣﻘﻚ ﺗﺒﺘﺴﻢ
ﺗﻀﺤﻚ ﺗﻤﻠﻲ ﻧﻬﺎﺭ ﻭﻟﻴﻞ
ﺷﺎﻥ ﺇﻧﺘﺎ ﻣﺎ ﺷﺒﻪ ﺍﻟﺪﻣﻮﻉ
ﺗﺒﻜﻲ ﺇﻧﺘﺎ ، ﺷﻦ ﺑﻴﺴﻮﺍ ﺩﻳﻞ ؟
ﺍﻻﻣﺘﺤﺎﻥ ﻟﻮ ﻗﻠﺖ ﺣﺎﺭ
ﻣﺎ ﺗﻨﺴﻰ ﺭﺑﻚ ﺑﻴﻚ ﻛﻔﻴﻞ
ﻣﺎ ﺇﻧﺘﺎ ﺫﺍﺗﻚ ﺣﺎﺭ
ﻭﻫُﻢ ﻣﻦ ﺣﺮﻙ ﺃﺩﻭﻫﻮ ﺍﻟﻘﻠﻴﻞ
ﻣﺎ ﺇﻧﺘﺎ ﻧﺎﺟﺢ ﻓﻲ ﺍﻟﺠﻤﺎﻝ
ﻭﺍﻟﻨﺎﺱ ﻣﺤﺒﺘﻬﺎ ﻟﻴﻚ ﺩﻟﻴﻞ
ﺍﻟﺤﻜﻤﺔ ﻧﺎﺟﺢ ﻣﻦ ﺯﻣﺎﻥ
ﻳﻮﻡ ﺍﺗﻮﻟﺪﺗﺎ ﺑﻼ ﻣﺜﻴﻞ
ﻳﻮﻡ ﺍﻟﺠﻤﺎﻝ ﺟﺎﺑﻮﻫﻮﺍ ﻟﻴﻚ
ﻗﺎﻟﻮﻟﻚ ﺃﻋﺰﻝ ﻣﻨﻪ ﺷﻴﻞ
ﺃﺩﻭﻙ ﺳﺒﻴﺐ ﺃﺳﻮﺩ ﻃﻮﺍﻝ
ﺳﻮّﺩ ﻋﻠﻲ ﻟﻴﻠﻲ ﺍﻟﻄﻮﻳﻞ
ﻓﻚّ ﺍﻟﺮﺑﺎﻁ ﺑﻲ ﺻﻔﺤﺔ ﺳﺎﻝ
ﺷﻮﻑ ﻋﻴﻨﻲ ﻗﺮﺏ ﻟﻠﻜﻔﻴﻞ
ﻭﺃﺩﻭﻙ ﻋﻴﻮﻥ ﻓﻴﻬﻦ ﺭﻣﻮﺵ
ﺭﺍﻣﺎﻧﻲ ﺿﻠﻬﺎ ﻟﻠﻤﻘﻴﻞ
ﻭﺃﺩﻭﻙ ﻗﻮﺍﻡ ﻣﻦ ﺧﻴﺰﺭﺍﻥ
ﻟﻮ ﺩﺍﻋﺒﻮ ﺍﻟﻬﺒﺎﺏ ﻳﻤﻴﻞ
ﻭﻣﻨﻚ ﻋﺒﻴﺮ ﺷﻤﻴﺘﻮ ﻓﺎﺡ
ﻣﺴّﺦ ﻋﻠّﻰ ﺭﻳﺤﺔ ﺍﻟﻔﺘﻴﻞ
ﺃﻣﺎ ﺍﻟﻀﻤﻴﺮ ﻗﺮّﺏ ﻳﺮﻭﺡ
ﺑﺎﻟﺠﻮﻉ ﻗﻀﺎﻙ ﺑﻘﻴﺖ ﻧﺤﻴﻞ
ﻭﻓﻮﻗﻮ ﺍﻟﺤﺰﺍﻡ ﺧﻂ ﺍﺳﺘﻮﺍﺀ
ﻗﺎﺳﻤﻚ ﺷﻤﺎﻝ ﻭﺟﻨﻮﺏ ﻋﺪﻳﻞ
ﻭﺃﺩﻭﻙ ﻗﺪﻳﻢ ﺧﻄﻮﺓ ﺣﻤﺎﻡ
ﻭﺣﻼﻧﻲ ﻓﻲ ﺍﻟﺘﺎﺗﺎﻱ ﻋﻄﻴﻞ
ﻓﻮﻕ ﺍﻟﺒﻼﻁ ﺑﻴﻦ ﺍﻟﻔﺼﻮﻝ
ﺩﺍﻳﺮﻟﻮ صاج ﻭﺗﺮﺱ ﺗﻘﻴﻞ
ﺃﻧﺎ ﻻﻧﻲ ﺟﺎﺭﻛﻢ ﻭﻻﻧﻲ ﺃﺧﻮﻙ
ﺑﺎﻟﺼﺪﻓﺔ ﺟﻴﺖ ﻋﺎﺑﺮ ﺳﺒﻴﻞ
ﻣﻦ ﺃﻫﻠﻨﺎ ﺟﻴﺘﻜﻢ ﺷﺤﺺ ﺳﻠﻴﻢ
ﻛﻴﻒ ﺗﺮﺿﻰ ﺇﻧﻲ ﺃﻓﻮﺕ ﻋﻠﻴﻞ
ﻃﻠﺒﻲ ﺍﻟﻮﺣﻴﺪ ﺑﺲ ﺗﺒﺘﺴﻢ
ﺗﻄﺮﺡ ﻭﺷﻴﻚ ﻣﺘﻞ ﻗﺒﻴﻞ
ﻭﺍﻗﻊ ﻭﺭﺍﻙ ﻻ ﺗﻘﻮﻝ ﺃﺑﻴﺖ
ﺍﻟﻨﺎﺱ ﻳﻘﻮﻟﻮﺍ ﻋﻠﻴﻚ ﺑﺨﻴﻞ

كلمات والحان الاستاذ سيداحمد عبد الحميد
اداء الفنان محمد مضوي

ﺃﻧﺴﺎﻫﺎ ﻛﻴﻒ ﻫﻲ ﻣﻌﺎﻳﺎ ﻓﻲ ﺍﻟﺼﺤﺎ
ﻭﺍﻟﻤﻨﺎﻡ
ﻫﻲ ﺃﺳﺒﺎﺏ ﻗﻮﺍﻓﻴﺎ ﺍﻟﻤﺪﻭﺯﻧﺔ ﻭﺍﻟﻜﻼﻡ
ﺃﻧﺴﺎﻫﺎ ﻛﻴﻒ ﺟﺎﺕ ﻣﺎﺭﻱ ﺻﺒﺢ ﺍﻟﻠﻴﻠﻲ
ﻣﺎﺑﻴﻦ ﺍﻟﺘﺸﻬﺪ ﻭﺍﻟﺴﻼﻡ ..
ﺃﻧﺴﺎﻫﺎ ﻛﻴﻒ ﺯﻱ ﻧﺴﻤﺔ ﻣﺎﺭﻱ ﻋﻠﻲ
ﺍﻟﻮﺭﻭﺩ
ﺭﻏﻢ ﺇﻧﻮ ﻣﺎ ﻭﻓﺖ ﺍﻟﻌﻬﻮﺩ
ﻭﺍﻧﺴﺎﻫﺎ ﻛﻴﻒ ﻭﻛﻴﻒ ﻳﺴﺘﻘﻴﻢ ﺍﻟﻈﻞ
ﺇﺫﺍ
ﺍﻟﻌﻮﺩ ﻣﺎ ﺇﺳﺘﻘﺎﻡ ..
ﻃﺎﺭﻳﻬﺎ ﻛﻞ ﻣﺎ ﺟﻦ ﻟﻴﻞ
ﻭﺃﻧﺎ ﺩﺍﺟﻲ ﺃﺭﺩﺩ ﻳﺎ ﺣﻠﻴﻞ
ﻛﻞ ﻣﺎﻭﺗﺮ ﻃﻨﺒﻮﺭﻧﺎ ﺭﺟﻊ ﻟﻲ ﺍﻟﻘﺒﻴﻞ
ﺑﻌﺮﻑ ﺟﻤﻴﻞ ﺃﻟﺤﺎﻧﻲ ﻓﻲ ﺍﻟﻤﻘﻞ
ﺍﻟﺴﻘﺎﻡ ..
ﻋﺎﻓﻴﻼ ﻛﻞ ﺷﻘﺎﻳﺎ ﻋﺎﺫﺭﺍ ﻣﺎﻣﻼﻡ
ﻭﺍﻟﺪﺱ ﺑﻴﻨﺎﺗﻨﺎ ﺍﻟﺴﻤﻮﻡ ﺃﻭ ﺷﺎﻝ ﺑﺬﻭﺭ
ﺍﻟﻔﺘﻨﺔ ﺣﺎﻡ
ﺧﻠﻴﺘﻮ ﻟﻠﺨﻠﻖ ﺍﻟﻨﺠﻮﻡ ﻭﺍﻟﻠﻪ ﻋﺰﻳﺰ ﺫﻭ
ﺇﻧﺘﻘﺎﻡ

مطلوب اغاني للباشكاتب

سمحه وسمريه
محبوبتي ولفتاته غزاله
خضره ومسقيه
جنب النيل مشتوله الناله
بهواك ي بنيه كتبتو قصيد وبقولو مقاله

ليه بتسأل
ﺩﻳﻤﻪ ﺑﺘﺄﻣﻞ ﻋﻴﻮﻧﻚ ﻳﺎﻋﻴﻮﻧﻲ
ﻓﻲ ﻋﻴﻮﻧﻚ ﺑﺎﻗﺔ ﻣﻦ ﺫﻛﺮﺍﻱ
ﺑﺘﻌﻄﺮ ﻓﻨﻮﻧﻲ
ﺑﺎﻗﺔ ﻣﻦ ﺇﺷﺮﺍﻕ ﺻﺒﺎﻳﺎ
ﻓﻴﻬﺎ ﺣﺒﺎﻧﻲ ﺍﻟﻨﺴﻮﻧﻲ
ﻓﻴﻬﺎ ﻟﻴﻼﺕ ﺍﻟﻔﺮﺡ
ﻭﺍﻷﻣﺎﺳﻲ ﺍﻟﺒﻲ ﺍﻟﺴﻨﻴﻦ
ﻏﺎﺑﻦ ﻭﺿﺎﻋﻦ ﻓﻲ ﺳﻨﻴﻨﻲ
ﺷﻦ ﺍﺳﻮﻱ ﻏﻴﺮ ﺃﻋﺎﻳﻦ
ﻏﻴﺮ ﺃﻃﻴﻞ ﺍﻟﻨﻈﺮﻩ
ﺃﺗﻮﻧﺲ ﻭ ﺃﻭﺍﻧﺲ
ﻓﻲ ﺍﻟﻌﻴﻮﻥ ﺍﻟﺪﻳﻤﻪ ﺑﺘﻔﺘﺢ ﻋﻴﻮﻧﻲ
ﺩﺍ ﺍﻟﺒﺠﻨﻦ ﺷﻮﻗﻨﺎ ﻓﻴﻨﺎ
ﺇﻧﻮ ﻓﻲ ﻋﻴﻨﻴﻚ ﺯﻣﺎﻥ ﺑﺤﺎﻟﻮ ﺳﺎﺟﺪ
ﻭﺍﻟﻔﺮﺡ ﺍﻟﻜﺎﻥ ﺑﻌﺎﻧﻖ ﻓﻴﻨﺎ ﺃﻳﺎﻡ ﺍﻟﻔﺮﺡ
ﺗﻠﻘﺎﻫﻮ ﺳﺎﺟﺪ
ﻭﺍﻟﺒﺮﺍﺀﻩ ﺍﻟﻜﺎﻥ ﺑﺘﻮﺷﺢ ﻃﻔﻮﻟﺘﻨﺎ ﻭﺗﻨﺎﻫﺪ
ﻭﺍﻟﺴﻬﺮ ﺃﻧﺴﻨﺎ ﻓﻴﻬﻮ ﺍﻟﻠﻴﻠﻪ
ﻓﻴﻬﺎ ﺍﻟﻠﻴﻠﻪ ﺃﺗﻬﺠﺪ ﻣﺴﺎﻫﺮ
ﺳﺎﻭﻱ ﻓﻲ ﻋﻴﻨﻴﻚ ﻣﻌﺎﺑﺪ
ﺿﺎﻭﻱ ﻓﻲ ﻋﻴﻨﻴﻚ ﻣﻌﺎﺑﺪ
ﻳﺎﻋﻴﻮﻥ ﻧﺸﺘﺎﻕ ﻧﻌﺎﻧﺪ ﻓﻴﻬﺎ
ﺗﺘﻠﻮﻥ ﺗﻠﻮﻧﺎ ﻭﺗﻌﺎﻧﺪ
ﻭﺑﺮﺿﻮ ﺗﺴﺄﻝ ﺩﻳﻤﻪ ﺑﺘﺎﻣﻞ ﻋﻴﻮﻧﻚ
ﻳﺎﻋﻴﻮﻧﻲ

وضاحــــــة
ازهري محمد علي

مصطفي سيداحمد

الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

*******

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف

******

لا الســكة بيكى بتنتهى

ولا مـعــاك مــلّيت طـــــواف

ياريتنى لو أقــدر أطولك

وضّـــاحة يا فجـــــــر المشارق

وأمطرت لؤلؤا من نرجس وسقت وردا.
وعضت علي العناب بالبرد.

اعتبره الأدباء إنه أبلغ بيتا بالعربية حيث انه اشتمل علي ستة تصاوير خيالية وامتزج فيه الطباق والجناس والتشبيه.
وهو بيت من قصيدة طويلة للشاعرالخليفة الأموي /يزيد بن معاوية.

نالت على يدهـا مالـم تنلـه يـدي ،،،،
نقشاً على معصمٍ أوهت بـه جلـدي
كأنـهُ طُـرْقُ نمـلٍ فـي أناملهـا ،،،،
أو روضةٌ رصعتها السُحْبُ بالبـردِ

وقوسُ حاجبهـا مِـنْ كُـلِّ ناحيـةٍ ،،،،
وَنَبْـلُ مُقْلَتِهـا ترمـي بـه كبـدي

مدتْ مَوَاشِطها فـي كفهـا شَرَكـاً ،،،،
تَصِيدُ قلبي بها مِـنْ داخـل الجسـد
إنسيةٌ لو رأتها الشمسُ مـا طلعـتْ ،،،،
من بعدِ رُؤيَتها يومـاً علـى أحـدِ
سَألْتُها الوصل قالتْ :لا تَغُـرَّ بِنـا ،،،،
من رام مِنا وِصـالاً مَـاتَ بِالكمـد
ِ
فَكَم قَتِيلٍ لَنا بالحـبِ مـاتَ جَـوَىً ،،،،
من الغرامِ ، ولم يُبْـدِئ ولـم يعـدِ
فقلتُ : استغفرُ الرحمنَ مِـنْ زَلَـلٍ ،،،،
إن المحـبَّ قليـل الصبـر والجلـدِ

قد خَلفتنـي طرِيحـاً وهـي قائلـةٌ ،،،،
تَأملوا كيف فِعْـلُ الظبـيِ بالأسـدِ
قالتْ:لطيف خيالٍ زارنـي ومضـى ،،،،
بالله صِفهُ ولا تنقـص ولا تَـزِدِ

فقال:خَلَّفتُهُ لـو مـات مِـنْ ظمَـأٍ ،،،،
وقلتُ :قف عن ورود الماء لم يرِدِ
قالتْ:صَدَقْتَ الوفا في الحبِّ شِيمتُهُ ،،،،
يا بَردَ ذاكَ الذي قالتْ علـى كبـدي

واسترجعتْ سألتْ عَني ، فقيل لهـا ،،،،
ما فيه من رمقٍ .. و دقـتْ يـداً بِيَـدِ
وأمطرتْ لُؤلؤاً من نرجسٍ وسقتْ ،،،،
ورداً ، وعضتْ على العِنابِ بِالبـردِ
وأنشـدتْ بِلِسـان الحـالِ قائـلـةً ،،،،
مِنْ غيرِ كُرْهٍ ولا مَطْـلٍ ولا مـددِ
واللهِ مـا حزنـتْ أخـتٌ لِفقـدِ أخٍ ،،،،
حُزنـي عليـه ولا أمٌ علـى ولـدِ

إن يحسدوني على موتي ، فَوَا أسفي ،،،،
حتى على الموتِ لا أخلو مِنَ الحسـد

وبينك شوق عمر لا نام ولا مده انحسر البيني وبينك لا الشعر قادر يقولو ولا الوتر

اﻟﺨﺎﻭﺍﻧﺎ ﻓﻮﻕ ﻟﻠــــﺨﻮﺓ ﺗــﺎﻧﻲ ﻧـــﻌﺰﻭ
ﻭﺍﻟﻌﺎﺩﺍﻧــﺎ ﻓـﻲ ﻧـﺎﺭ ﺍﻟـــﺠﺤﻴﻢ ﺑﻨــــﻠﺰﻭ
ﻧﺤﻨﺎ ﺍﻟﻌﻨﺪﻧﺎ ﺟــﺒﻞ ﺍﻟﻄــﻮﺭ ﻫﻴﻴﻦ ﻫــــﺰﻭ
ﻣﻦ ﻣﻜﺎﻧﻮ ﻧﺸﻴﻠﻮ ﻓﻲ ﺍﻟﺴﻮﺩﺍﻥ ﻧﺠﻴﺒﻮ ﻧﻐـﺰﻭ
ﻧﺤﻨﺎ ﺍﻟﻄــﺎﻣﺔ ﻭﺍﻟﺼــﺎﻗﻌﺔ ﺍﻟﺘــﻬﺰ ﺍﻻﺭﺽ
ﻭﻧﺤﻨﺎ ﺍﻟﻨﺠﺪﺓ ﻟﻠــﺪﺭﻛـــﺎﻥ ﻃـــﻮﻵ ﻭﻋﺮﺽ
ﺍﻟﺨـﺎﻭﺍﻧﺎ ﺑﻨـــﻌﺰﻭ ﻛـﺎﻟـــﺴـﻨﻦ ﻭﺍﻟﻔــﺮﺽ
ﻭﺍﻟﻌﺎﺩﺍﻧﺎ ﻣـــﻦ ﺍﻟﺪﻧــﻴﺎ ﻧــﻘـﺮﺿﻮ ﻗــﺮﺽ

قالت؟
ضلك دايره لي ضروه و بيستر حالي
إسمك دايره لي عزه و بشيلو عيالي
أيا المسختا غيرك و كلمتك تحلالي
قدر ما يجيبو إسمك النضم بحلالي
قلت . لها؟
قشاع الظلام الفي سماه يلالي
مسخت البيلصف وفي حداكا بلالي
وحات العندي رفعك يالهواك علالي
مابتغيبي من عيني وحواسي وبالي
...........
وقالت لي بلاك طعم السرور مفقود
لا عيد لا فرح فاه الضحك مسـدود
وحات خالقنا والماليه شريك معبود
قدر ما أصلي بسـال ربي لينا تعود
..........
وقُتلا يا أم ضمير ست العيون السود
و يا ست الغفار نايرة جبين و خدود
طيفك لي بزاور و في صحاي موجود
وحات البينا شوقك كالمحيط ممدود
قالت .لي.
بعدك مسخت الدنيا و طعامة الفوز
وضوق الزاد مسيخ طعم الشهد واللوز
كان ما طموحنا تربايت العوين والفوز
كُت بشكيلك الفرقه و دموعي الجوز
قلت .لها.
فيك ثبات يا ملكه فيك محروز
وفيك محريه يابت العمارهم حوز
فيك عين المها وجيد الظبي المحزوز
ومن تبيتي فيك سيف العفاف مغروز
................
قالت لي جوارك بلقا فيه سكوني
بهجد وأنغمس جمبك وتهدا شجوني
وحاتك يالتفوق فوق الغلاوه عيوني
عضيت بالنواجز عهدي بيك بسنوني
..........
قلتلا يالملكتي أعضاي وكل شجوني
رغم الغربه إنتي غناي و كل فنوني
جمبك بستريح بقفل دريبا جنوني
بنسى الدنيا ياروحي وهواي وعيوني
.عبدألله عباس.

شفتا الديسو إتاحت فنايدو
وشفتا الحاكت العرجون جرايدو
شفتا السدرو جوز رمان وقايدو
و شفتا المن صغير فايت ندايدو
عبدالله عباس-

من أنت يا حلم الصبا
****
كلمات عبد المنعم عبدالحي
*
غناء : سيد خليفة
من انت..؟! يا حلم الصبا..
من انت..؟! يا امل الشباب..؟؟
من انت..؟ من رحت انشده
و لكن لا اجاب
ارنو لصورتك الحبيبة
بين اطياف الضباب
فى الارض فى الانهار
فى الشفق المنور فى السحاب..
من انت..؟! ياا حلم الصبا
من انت..؟! ياا امل الشباب..؟؟
**
و احسها فى خاطرى
نور تدفق فى انسياب
بالسحر بالامال بالانغام
بالعطر المذاب...
بالورد بالأزهار ..... بالكأس المتوج بالحباب
من انت..؟! ياا حلم الصبا
من انت..؟! ياا امل الشباب..؟؟
****
وأكاد أسمع في دمي صوت تضمخ من شذاه
حتى متى أبقى على الدرب الطويل ولا أراه
من وحي أوهامي خلقتك رغم آلام الحياه
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاه
شفتاك من ورق الورود ... وآه من تلك الشفاه
خداك من شفق المغيب .... و آه من خديك آه
وعيناك يكمن فيهما ليل تسربل من دجاه
من انت..؟! ياا حلم الصبا
من انت..؟! ياا امل الشباب..؟؟
****
إلى متى أدعوك لهفان الجناح
حتي متي ابقي علي الدرب الطويل بلا مراح
أبدا اسير مخيرا بين الروابي ... والبطاح
ويكاد يحرقني الظمأ وتكاد تسحقني الرياح
من انت..؟! يا نفح المنى
من انت..؟! يا نور الصباح..؟؟؟

ﻳﻘﺎﻝ ﺃﻥ ﻧﺎﻇﺮ ﺍﻟﻌﺒﻴﺪﻳﺔ ﻣﺨﺘﺎﺭ ﻛﺎﻥ ﺭﺍﻛﺐ ﻓﻲ ﺍﻟﻘﻄﺮ ﻭﺍﻟﻘﻄﺮ ﺯﺣﻤﺔ ﺷﺪﻳﺪ ﻭﻛﺎﻧﺖ ﺭﺍﻛﺒﺔ ﻗﺮﻳﺐ ﻣﻨﻮ ﻣﺮﺍ (ﺍﻣﺮﺃﺓ ) ﺍﻟﻈﺎﻫﺮ ﻣﺎ ﻋﺮﻓﺘﻮ . ﻓﺠﺎﺓ ﻓﻲ ﺣﺮﺍﻣﻲ ﻧﺸﻞ ﺍﻟﻤﺮﺍ ﻣﺒﻠﻎ ﻛﺒﻴﺮ ﻣﻦ ﺍﻟﻤﺎﻟﻲ ﻓﻲ ﺫﺍﻙ ﺍﻟﺰﻣﻦ..... ﺍﻟﻤﺮﺍ ﺑﻜﺖ ﻭﻛﻮﺭﻛﺖ ﻭﺍﻟﻨﺎﺱ ﺍﺗﻠﻤﻮﺍ .. ﻗﺎﻟﻮﺍ ﻟﻴﻬﺎ ﺍﻟﻨﺸﻠﻚ ﻣﻨﻮ؟؟؟ ﻗﺎﻟﺖ ﻟﻴﻬﻮ ﺍﻟﺮﺍﺟﻞ ﺍﺑﻌﻤﺔ ﺩﺍ.. ﻭﺳﺄﻟﻬﺎ ﻧﺎﻇﺮﺍﻟﻌﺒﻴﺪﻳﺔ ﻗﺎﻝ ﻟﻴﻬﺎ ﻗﺮﻭﺷﻚ ﻛﻢ؟ ﻗﺎﻟﺖ 20 ﺟﻨﻴﻪ (ﻭﻛﺎﻥ ﻣﺒﻠﻎ ﻛﺒﻴﺮ ) ﻃﻮﺍﻟﻲ ﺭﺍﺡ ﻣﻄﻠﻊ ﻟﻴﻬﺎ ﻋﺸﺮﻳﻦ ﺟﻨﻴﻪ. ﺍﻟﻤﺮﺍ: ﺭﻓﻌﺖ ﺣﺴﻬﺎ ﻭﺑﻘﺖ ﺗﺸﺘﻢ - ﺯﻭﻝ ﻗﺪﺭ ﺩﺍ ﺗﻨﺸﻞ ﻗﺮﻭﺷﻲ - ﺩﻱ ﻗﺮﻭﺵ ﺍﻟﺸﻬﺮ ﻛﻠﻮ ﻭﺃﺻﻠﻬﺎ ﻣﺎ ﺳﻜﺘﺖ.. ﻭﺯﻭﻟﻨﺎ ﺧﺸﻤﻮﺍ ﻣﺎ ﻓﺘﺤﻮ.. - ﻭﺃﺛﻨﺎﺀ ﻣﺎ ﻫﻲ ﺑﺘﻜﻮﺭﻙ ﻭﺗﻬﺮﺝ ﻣﻊ ﺍﻟﻌﻤﺪﺓ ﻣﺨﺘﺎﺭ... ﺟﺎ ﺍﻟﺒﻮﻟﻴﺲ ﺳﺎﻳﻖ ﻟﻴﻬﻮ ﻭﺍﺣﺪ ﺑﻴﺴﺎﻝ ﻓﻴﻬﻮ : (ﺍﻟﻤﺮﺍ ﺍﻟﻨﺸﻠﺘﻬﺎ ﻭﻳﻨﺎ ﻓﻲ ﺩﻳﻞ ) ﺍﻟﺤﺮﺍﻣﻲ ﻗﺎﻝ ﻟﻴﻬﻮ ﻳﺎﻫﺎ ﺩﻳﻴﻴﻴﻴﻴﻚ. ﻭﺟﺎ ﺍﻟﻌﺴﻜﺮﻱ ﺭﺟﻊ ﻟﻠﻤﺮﺍ ﺍﻟﻌﺸﺮﻳﻦ ﺟﻨﻴﻪ. - ﺍﻟﻤﺮﺍ (ﺧﺠﻠﺖ ﻣﻦ ﻧﻔﺴﻬﺎ ﺷﺪﻳﺪ ) ﻭﺑﺪﺃﺕ ﺗﻌﺘﺬﺭ ﻭﺷﺎﻟﺖ ﺍﻟﻌﺸﺮﻳﻦ ﺟﻨﻴﻪ ﻋﺎﻳﺰﻩ ﺗﺮﺟﻌﻬﺎ ﻟﻴﻬﻮ .. ﻭﻣﺨﺘﺎﺭ ﺣﻠﻒ ﻣﺎ ﻳﺸﻴﻞ ﺍﻟﻘﺮﻭﺵ ﻣﺮﺓ ﺗﺎﻧﻴﺔ. ﻭﻋﻨﺪﻫﺎ ﻋﺮﻓﺖ ﺍﻟﻤﺮﺃﺓ ﺍﻥ ﺫﻟﻚ ﺍﻟﺸﺨﺺ ﻫﻮ ﻋﻤﺪﺓ ﺍﻟﻌﺒﻴﺪﻳﺔ (ﻣﺨﺘﺎﺭ ﻭﺩ ﺭﺣﻤﺔ ) ﺯﻋﻴﻢ ﺍﻟﻤﻴﺮﻓﺎﺏ. ﻓﻜﺘﺒﺖ ﻓﻲ ﺣﻘﻪ ﻫﺬﻩ ﺍﻷﻏﻨﻴﺔ ....سفر

ﻋﺮﺵ ﺩﻭﺩ ﻣﺮﺍﻗﺪ ﺍﻟﺴﺎﺭ
ﻟﻲ ﺍﻟﻤﻮ ﻓﺸﺎﺭ
ﺧﺎﻳﻠﺔ ﺍﻟﻤﻠﻜﻪ ﻓﻮﻕ ﻣﺨﺘﺎﺭ
********
ﺳﻴﺪ ﺍﻷﺑﻴﺾ ﺍﻟﻨﻬﺎﺭ
ﺳﻴﺪ ﺍﻟﻤﻬﺮﻩ ﻭﺍﻟﻘﺮﻗﺎﺭ
ﺍﻳﺪﻙ ﺍﻟﻤﺎ ﺑﺘﺨﻮﻥ ﺍﻟﺠﺎﺭ
ﺍﻳﺪﻙ ﺗﺮﺟﻢ ﺍﻟﺤﻔﺎﺭ
ﻟﻲ ﺍﻟﻤﻮ ﻓﺸﺎﺭ
*******
ﻋﺮﺵ ﺯﻯ ﺃﺑﻮﻙ ﻳﺎ ﺩﻭﺩ
ﺍﺣﺴﺐ ﻟﻲ ﺗﻤﺎﻧﻴﻪ ﺟﺪﻭﺩ
ﺍﺕ ﻓﻮﻕ ﺍﻟﺮﺟﺎﻝ ﺑﺎﻟﻌﻮﺩ
ﺿﺮﺑﻚ ﺟﻠﻪ ﻣﻮ ﺑﺎﺭﻭﺩ
*********
ﻗﺎﻟﺖ ﺍﻣﻮ ﺟﻴﺪ ﻟﻰ
ﻟﻲ ﻧﺎﻇﺮ ﺍﻟﻌﺒﻴﺪﻳﻪ
ﺟﺪﻙ ﻳﻐﻔﺮ ﺍﻟﺴﻴﺌﺔ
ﻭﺧﺎﻟﻒ ﻟﻠﺮﺟﺎﻝ ﻛﻴﻪ
********
ﻣﺎ ﺑﻴﺪﻯ ﻭﻳﻘﻮﻝ ﺃﺩﻳﺖ
ﻣﺎ ﺍﺗﻔﺸﺮ ﻭﻗﺎﻝ ﺳﻮﻳﺖ
ﺍﻟﻘﻨﺪﻳﻞ ﺳﺮﺍﺝ ﺍﻟﺒﻴﺖ
ﺣﻤﺪ ﻟﻠﻪ ﺳﻼﻣﺘﻚ ﺟﻴﺖ
********
ﺍﻟﻌﻨﺘﻴﻞ ﺟﺎﺀ ﻳﺘﻘﻨﺖ
ﻣﻦ ﺷﻮﻓﺘﻮ ﺍﻟﺮﺟﺎﻝ ﺟﻨﺖ
ﻋﺮﺵّ ﻓﻮﻗﻦ ﺃﺗﻌﻨﺖ
ﻭﻣﺎ ﺑﺨﻴﺐ ﺭﺟﺎﺀ ﺍﻟﻈﻨﺖ
*******
ﻣﻴﺮﻑ ﻭﺩ ﻣﻠﻮﻙ ﺑﺮﺑﺮ
ﺧﺖ ﺍﻟﻜﺮﺳﻲ ﻭﺍﺗﺤﻜﺮ
ﻗﺎﻝ ﻟﻠﻤﺴﺘﺮ ﺃﺗﺬﻛﺮ
ﻣﻚ ﻓﻲ ﺩﺍﺭﻧﺎ ﻣﺎ ﺑﺘﻈﻬﺮ
**********
ﻳﺎ ﺍﻟﻤﺎﺳﻚ ﺍﻟﺪﺭﻳﺐ ﻃﻠﺶ
ﺩﻳﻞ ﻧﺎﺱ ﺭﺣﻤﻪ ﻻ ﺗﻨﻐﺶ
ﺿﺮﺑﻚ ﺟﻠﻪ ﻣﻮ ﺑﺎﻟﺮﺵ
ﺷﻦ ﺟﺎﺏ ﺍﻟﺤﺪﻳﺪ ﻟﻠﻘﺶ

ﺷﺮﺡ ﺍﻟﺘﻌﺎﺑﻴﺮ
1/ ﻓﺸّﺎﺭ:ﺍﻟﻔﺸﺎﺭ ﻫﻮ ﻛﺜﻴﺮ ﺍﻹﻓﺘﺨﺎﺭ ﺑﻨﻔﺴﻪ
ﻭﻫﻮ ﻣﻦ ﻳﺤﺎﻭﻝ ﺩﺍﺋﻤﺎً ﺇﻇﻬﺎﺭ ﻣﺤﺎﺳﻨﻪ
ﺣﺘﻲ ﻳﺨﻔﻲ ﻋﻴﻮﺑﻪ.
2/ ﺍﻟﻘﺮﻗﺎﺭ:ﺍﻟﻘﺮﻗﺎﺭ ﻫﻮ ﺍﻟﺠﻤﻞ ﻋﻨﺪ ﻗﺒﻴﻠﺔ
ﺍﻟﺮﺑﺎﻃﺎﺏ ﺣﺴﺐ ﻣﺎ ﺟﺎﺀ ﻓﻲ ﻗﺎﻣﻮﺱ
ﺍﻟﻌﺎﻣﻴﺔ ﻓﻲ ﺍﻟﺴﻮﺩﺍﻥ ﻟﻠﺪﻛﺘﻮﺭ ﻋﻮﻥ
ﺍﻟﺸﺮﻳﻒ ﻭﺍﻟﺬﻱ ﺃﺧﺬﺕ ﻣﻨﻪ ﺃﻏﻠﺐ ﻣﻌﺎﻧﻲ
ﺍﻟﻤﻔﺮﺩﺍﺕ ﺍﻟﻮﺍﺭﺩﻩ ﻓﻲ ﻫﺬﺍ ﺍﻟﺒﻮﺳﺖ.
3/ ﺍﻟﻌﻨﺘﻴﻞ: ﺍﻟﻘﻮﻱ ﺍﻟﺼﻠﺐ ﺍﻟﺸﺪﻳﺪ.
4/ ﻳﺘﻘﻨﺖ: ﻳﺸﻤﻲ ﻣﺸﻴﺔ ﺗﻈﻬﺮ ﺃﻧﻪ ﻗﻮﻱ
ﺻﻠﺐ.
5/ ﻣﻴﺮﻑ:ﺍﻟﻤﻴﺮﻑ ﺇﺑﺮﺓ ﻛﺒﻴﺮﺓ ﺍﻟﺤﺠﻢ
ﺗﺴﺘﺨﺪﻡ ﻟﺤﻴﺎﻛﺔ ﺍﻷﺷﻴﺎﺀ ﺍﻟﻜﺒﻴﺮﺓ ﻣﺜﻞ
ﺍﻟﺠﻠﻮﺩ ﻭﺍﻟﺸﻮﺍﻻﺕ ﻭﺍﻹﺳﺘﺨﺪﺍﻡ ﻫﻨﺎ ﻣﺠﺎﺯﻱ
ﻭﻳﻘﺼﺪ ﺑﻪ ﺃﻧﻪ ﻳﺮﺑﻂ ﺃﻧﺴﺎﺏ ﻣﻠﻮﻙ ﺑﺮﺑﺮ
ﺑﺒﻌﻀﻬﻢ ﺭﺑﺎﻃﺎً ﻗﻮﻳﺎً.
6/ ﻃﻠﺶ: ﺍﻟﻄﻠﺶ ﻫﻮ ﺍﻟﺒﻼﻫﺔ ﻭﻗﺎﺓ
ﺍﻟﻌﻘﻞ ﻭﺗﻘﺼﺪ ﺍﻟﺸﺎﻋﺮﺓ ﺃﻥ ﻣﻦ ﻣﺸﻲ
ﺩﺭﺏ ﻏﻴﺮ ﺩﺭﺏ ﺃﻭﻻﺩ ﺭﺣﻤﺔ ﺗﺎﻩ ﻭﻓﻲ ﻫﺬﺍ
ﺇﺷﺎﺭﺓ ﻟﺘﻮﻫﺎﻧﻬﺎ ﺣﻴﻦ ﺍﺗﻬﻤﺖ ﺍﻟﺮﺟﻞ
ﺑﺎﻟﺴﺮﻗﺔ