اصلك بت عزاز واهلك قبيلي زعامه
لا بتعرفي شين ولا افتراء ولا جعامه
إن قلت الجسم فات الحرير في نعامه
لاكن بختصار البت دي طاعمه طعامه

اخى بس شوفو الكلام دا كيف والما بقدر يعبر بس يتغط اعجاب
..
بغير عليك
من الدموع لو تلقى غيري يجففا
بغير عليك
من ناس تسالمك في إيديك وماتكون محدده موقفا
بغير عليك
من التراب لمن تمتعو بالجفا
بغير عليك
من الحروف تلمس سنونك وتولفا
بغير عليك
من صوت قلب ساكن دواخلك بالخفا
بغير عليك
لمن تكون سرحان وفي لحظة صفا
انا بغير عليك
من السنين ياريتني أقدر اوقفا
بغير عليك
من الحنان لكني مابرضى الجفا
أنا غيرتي أكبر من غناي قول لي كيفن أوصفا

*ﻗﺼﺔ أﻏﻨﻴﺔ (ﺍﻟﻨﻬﺎﻳة)*

ﻛﻠﻤﺎﺕ: ﺍﻟﺸﺎﻋﺮ ﺍﻟﻤﺮﻫﻒ/ ﻫﺎﺷﻢ ﺻﺪﻳﻖ
ﻟﺤﻦ ﻭأﺩﺍﺀ: الفنان/ ﺳﻴﺪ ﺧﻠﻴﻔة

🌹🌹🌹🌹🌹

ﻟﻬﺬﻩ ﺍلأﻏﻨﻴﺔ ﻗﺼﺔ ﻭﺍﻗﻌﻴة ﺣﺪﺛﺖ بأﻣﺪﺭﻣﺎﻥ ... فى أحد أﺣﻴﺎﺋﻬﺎ ﺍﻟﻌﺮﻳﻘة .. وﺑﻄﻞ ﻫﺬﻩ ﺍﻟﻘﺼة ﻫﻮ ﺍﻟﺸﺎﺏ ﺁﻧﺬﺍﻙ ﻭﺍﻟﻤﻤﺜﻞ ﺍﻟﻘﺪﻳﺮ ﻭﺍﻟﺪﺭﺍﻣﻲ ﺍﻟﻜﺒﻴﺮ ﻣﻜﻲ ﺳﻨﺎﺩة ..أما ﺑﻄﻠﺘﻬﺎ فهى إﺣﺪﻱ ﺣﺴﻨﺎﻭﺍﺕ أﻡ ﺩﺭﻣﺎﻥ .. ﺣﻴﺚ ﻋﺎش ﺍلإثنان ﻗﺼﺔ ﻏﺮﺍﻡ ﺻﺎﺩﻗة ﺍﻟﻤﺸﺎﻋﺮ ﻭﺍﻻﺣﺎﺳﻴﺲ ... ﻭﺍﺳﺘﻤﺮﺕ ﺍﻟﺮﻳﺪة ﺑﻴﻨﻬﻤﺎ ليتقدم ﻟﺨﻄﺒﺘﻬﺎ ﻣﻦ أﻫﻠﻬﺎ ..
ﻭﻫﻨﺎ ﻛﺎﻧﺖ ﺍﻟﻄﺎﻣة ﺍﻟﻜﺒﺮﻱ إﺫ ﺗﻢ ﺣﺒﺴﻬﺎ ﻭﻣُﻨﻌﺖ ﻣﻦ ﺍﻟﺨﺮﻭﺝ ﻟﺸﻬﻮﺭ عديدة .. ﻭﻟﻢ ﻳﻌﻮﺩا ﻳﻠﺘﻘﻴﺎﻥ ....
وﺗﻘﺪﻡ ﻟﻬﺎ واﺣﺪ من ﺷﺒﺎﺏ ﺍلأﺳﺮ ﺍﻟﻌﺮﻳﻘة بأﻡ ﺩﺭﻣﺎﻥ ووﺍﻓﻖ أﻫﻠﻬﺎ ﻋﻠﻴﻪ ﻭﺗﺮﻛﻮﻫﺎ أﻣﺎﻡ ﺍﻻﻣﺮ ﺍﻟﻮﺍﻗﻊ .. إﻣﺎ أن ﺗﻮﺍﻓﻖ أﻭ أن ﺗﻮﺍﻓﻖ .. ﻭﻋﻠﻲ ﻣﻀﺾ ﻭﺍﻓﻘﺖ !!!

ﻭﻓﻲ ﺫﺍﺕ ﻣﺴﺎﺀ ﺣﺰﻳﻦ ﻭأﺧﻮﻧﺎ ﻣﻜﻲ ﻓﻲ ﻃﺮﻳﻘﻪ ﻟﻤﻨﺰﻟﻪ ﺑﺤﻲ ﺍﻟﺴﻴﺪ ﺍﻟﻤﻜﻲ ﻟﻤﺢ ﺻﻴﻮﺍﻥ ﺍﻟﻔﺮﺡ
ﻣﻨﺼﻮﺑﺎً أﻣﺎﻡ ﻣﻨﺰﻝ ﺣﺒﻴﺒﺘﻪ ﻓﺨﺎﺭﺕ ﻗﻮﺍﻩ ... ﻭﺗﻮﺟﻪ إﻟﻲ ﺍﻟﺼﻴﻮﺍﻥ ليتأﻛﺪ ﻣﻦ ﺍﻟﺤﺪﺙ ..فإﺫﺍ ﺑﻪ ﻳﺠﺪ ﺍﻟﻌﺮﻭﺱ ﻓﻲ ﻋﺮﺵ ﺍﻟﺼﻴﻮﺍﻥ أﻭ ﺗﺎﺝ ﺍﻟﺤﺰﻥ ﻛﻤﺎ ﻭﺻﻔﻪ ﺍﻟﺸﺎﻋﺮ .. فإﺳﻮﺩﺕ ﺍﻟﺪﻧﻴﺎ ﻓﻲ ﻋﻴﻨﻴﻪ ﻭﻫﺰ ﺍﻻﻟﻢ ﺿﻠﻮﻋﻪ ﻭﺩﺧﻞ ﺍﻟﺸﺎﺏ ﻣﻜﻲ ﺳﻨﺎﺩة ﻓﻲ ﻛﻮﻣﺔ ﺣﺰﻥ ٍٍ ﻋﻤﻴﻖ ﻭأﺳﻲ ﺑﺎﻟﻎ ﻟﻔﻘﺪﻩ ﻣﺤﺒﻮﺑﺘﻪ ﻭﻇﻞ ﻋﻠﻲ ﻫﺬﻩ ﺍﻟﺤﺎﻟة ﺍﻟﺤﺰﻳﻨة ﺻﺒﺤﺎ ﻭﻣﺴﺎﺀ ..

تأثر ﺻﺪﻳﻖ ﻋﻤﺮﻩ ﻭﺯﻣﻴﻠﻪ ﻓﻲ ﺍﻟﻌﻤﻞ ﻭﻣﺴﺘﻮﺩﻉ أﺳﺮﺍﺭﻩ ﻓﻲ ﺍﻟﺤﻴﺎﺓ ﺍﻟﺸﺎﻋﺮ ﺍﻟﻜﺒﻴﺮ/ ﻫﺎﺷﻢ ﺻﺪﻳﻖ لحال صديقه .. فجاﺩﺕ ﻗﺮيحته بأﺑﻴﺎﺕ أﻏﻨﻴﺔ *(ﺍﻟﻨﻬﺎية)* ﻭﺍﻟﺘﻲ كانت أﻭﻝ ﻋﻤﻞ ﻳﺴﺠﻞ ﻟﻠﺸﺎﻋﺮ ﺑﺎﻻﺫﺍﻋة ﻭﺑﺼﻮﺕ ﺍﻟﻔﻨﺎﻥ ﺍﻟﻘﺎﻣة ﺳﻴﺪ ﺧﻠﻴﻔة ﺍﻟﺬﻱ بدوره ﺗﺮﺟﻢ ﺣﺮﻭﻑ ﺍﻻﻟﻢ ﻓﻲ ﺍﻟﻘﺼﻴدة ﻓﺰﺍﺩ ﺍﻟﺤﺮﻭﻑ أﻟﻤﺎً ﻭﺣﺰﻧﺎً .. ﻭﺑﺼﻮﺕ ﺣﺰﻳﻦ ﻳﺌﻦ ﻟﻪ ﻗﻠﺐ ﻛﻞ ﻣﻦ ﻋﺎﺵ ﻫﺬﺍ ﺍﻟﻠﺤﻦ .. ﻭﺗﺠﺴﺪﺕ ﻣﺄﺳﺎﺓ ﻣﻜﻲ ﺳﻨﺎﺩة ﺣﺮﻭﻓﺎً ﻭلحناً ﻭﺻﻮﺗﺎً ﻭﺍﺩﺍﺀً ...

ﺗﻘﻮﻝ ﺣﺮﻭﻑ ﺍﻻﻏﻨﻴة:

*ﻳﻮﻡ ﻓﻲ ﻳﻮﻡ ﻏﺮﻳﺐ ﻓﻴﻬﻮ ﺍﻟﺸﻤﺲ*
*ﻟﻤﺖ ﻏﺮﻭﺑﻬﺎ ﻭﺳﺎﻓﺮﺕ ...*

*ﺑﺎﻧﺖ ﻧﺠﻮﻡ ﻣﺘﻔﺮﻗة ﺯﻱ ﺍﻟﺪﻣﻮﻉ*
*ﻓﻲ ﺧﺪ ﺣﺒﻴﺐ ﻭﺩﻉ ﺣﺒﻴﺘﻮ ﺍﻟﺴﺎﻓﺮﺕ ...*

*ﻭﺍلليل ﺿﻔﺎﺋﺮ ﺣﺰﻧﻮ ﻣﺪﺍﻫﺎ الأﻟﻢ*
*ﺯﻱ ﺍﻟﺘﻘﻮﻝ ﻋﺎﺭﻑ ﺍﻟﻨﻬﺎﻳة ﺍﻟﻘﺎﺭﺑﺖ ...*

*ﻭﺍﻟﻜﻮﻥ ﺣﺰﻳﻦ ﺧﺎﻳﻒ ﺍﻟﻬﺠﻴﺮ*
*ﺷﺎﻑ ﺍﻟﺮﺑﻴﻊ ﻏﺎﺑﺖ ﺷﻬﻮﺭﻭ ﻭﻫﺎﺟﺮﺕ ...*
................................................................

*شفت ﺍﻟﻔﺮﻳﻖ ﺿﺎﻣﻲ ﺍﻟﻔﺮﺡ*
*ﻓﻲ ﺩﺍﺭ ﺣﺒﻴﺐ ﺿﻤﻴﺘﻮ ﻓﻲ ﻗﻠﺒﻲ ﺍﻟﺤﺰﻳﻦ ...*

*ﻣﺎﺗﺖ ﺧﻄﺎﻱ ﺿﺎﻉ ﺍﻻﻣﻞ*
*ﻭﺍﺣﺘﺮﺗﺎ ﻓﻲ ﺧﻮﻓﻲ ﺍﻟﺪﻓﻴﻦ ...*

*ﻋﺎﻳﻨﺖ ﻟﻘﻴﺖ ﺍﻟﺤﺒﻴﺐ*
*ﻓﻲ ﻋﺮﺷﻮ ﻓﻲ ﺗﺎﺟﻮ ﺍﻟﺤﺰﻳﻦ ...*

*ﺣﻮﻟﻮ ﺍﻟﻌﻴﻮﻥ ﻓﻴﻬﺎ ﺍﻟﻔﺮﺡ*
*ﺑﺲ ﺍﻟﻔﺮﺡ ﻓﻲ ﻋﻴﻮﻧﻮ ﻣﺎ ﻗﺎﺩﺭ ﻳﺒﻴﻦ ...*

*ﻭﺍﻟﺪﻣﻌة ﻓﻲ ﻋﻴﻨﻲ ﺗﻮﺩﻉ*
*ﻃﻴﻒ ﺣﺒﻴﺐ ﺧﻼﻫﻮ ﻟﻲ ﻏﺪﺭ ﺍﻟﺴﻨﻴﻦ ...*
...............................................................

*إﺷﺘﻘﺘﺎ ﻟﻲ ﻃﻴﻒﺍﻟﺪﻣﻮﻉ*
*ﻭﻣﺸﻴﺖ ﻃﺮﻳﻖ إسمو ﺍﻟﻤﺼﻴﺮ ...*

*ﻭﺩﻋﺘﺎ ﺯﻫﺮﺍﺕ ﺍﻻﻣﻞ*
*ﻭﺭﺟﻌﺖ ﻟﻲ أﻟﻤﻲ ﺍﻟﻜﺒﻴﺮ ...*

*ﺣﺴﻴﺖ ﺷﻌﻮﺭ ﺍﻟﺮﺍﻫﺐ ﺍﻟﺴﺎﺭ*
*ﺳﻨﻴﻦ ﻣﺸﺘﺎﻕ ﻳﻔﺘﺶ ﻟﻴﻬﻮ ﺩﻳﺮ ...*

*ﻟﻤﺎﻥ ﺗﻌﺐ ﺳﺎﻟﺖ ﺩﻣﻮﻋﻮ ﻋﻠﻲ ﺍﻟﺪﺭﺏ*
*ﺧﺎﻑ ﺍلأﻣﻞ .. ﻛِﺮﻩ ﺍﻟﻤﺴﻴﺮ ...*
..............................................................

*ﻳﺎ ﺣﻠﻤﻲ ﻋﻴﺶ .. ﻳﺎ ﺣﺒﻲ ﻋﻴﺶ*
*ﻛﻠﻤﺎﺕ ﺧﻄﺎﺏ ﻣﻦ ﺍﻟﺤﺒﻴﺐ إﺧﺘﺎﺭ ﺍﻟﻨﻬﺎﻳة ...*

*ﺣﺮﻓﻮ ﺍﻟﺪﻣﻮﻉ ﻭﺳﻄﺮﻭ ﺍﻟﻨﺤﻴﺐ*
*ﻭﺍلحسرة ﻛﺎﻧﺖ ﻓﻴﻬﻮ ﻏﺎية ...*

*ﺧﻼﻧﻲ أﻏﺮﻕ ﻓﻲ ﺍﻟﻤﺼﻴﺮ*
*ﻭأﻧﺎ ﻟﺴﻪ ﻋﺎﻳﺶ ﻓﻲ ﺍﻟﺒﺪﺍﻳة ...*

*ﻭأﻧﺪﻡ ﻋﻠﻲ ﺍﻟﺤﻠﻢ ﺍﻟﻠﻲ ﺭﺍﺡ*
*ﻭﺃﻃﻔﻲ ﺍﻟﺸﻤﻮﻉ .. ﻭأﺑﻜﻲ ﺍﻟﻨﻬﺎﻳة ...*
_________________________

ﺗﺄﻣﻠﻮﺍ ﻫﺬﺍ ﺍﻻﺑﺪﺍﻉ ﺍﻟﺰﺍﺧﺮ ﺑﺎﻟﻤﻌﺎﻧﻲ العميقة ﻭﺍﻟﺼﺪﻕ ﺍﻟﻜﺒﻴﺮ ﻓﻲ ﺍﻟﺼﺪﻳﻖ ﺍﻟﺸﺎﻋﺮ ﺍﻟﺬﻱ ﺗﺄﻟﻢ لأﻟﻢ ﺻﺪﻳﻘﻪ ﻓﺨﻠﺪﻩ ﺑﻬﺬﺍ ﺍﻟﻨﺺ ﺍﻟﺤﺰﻳﻦ ﻭﺧﻠﺪ ﻟﻪ ﻗﺼﺘﻪ ﻟﻨﺮﻭﻳﻬﺎ ﻧﺤﻦ ﻟﻼﺟﻴﺎﻝ ..
ﻭﻻ ﺯﺍﻝ أﺑﻄﺎﻝ ﻫﺬﻩ ﺍﻟﻘﺼة ﺍﻟﻮﺍﻗﻌﻴو أﺣﻴﺎﺀ إﻻ أننا ﻓﻘﺪﻧﺎ ﻓﻨﺎﻥ ﺍﻟﺸﻌﺐ ﻭﺍلآﻫﺎﺕ ﺍلأﻟﻴﻤة: ﺳﻴﺪ ﺧﻠﻴﻔة
ﻋﻠﻴﻪ ﺭﺣﻤﺔ ﺍﻟله ....

يا طيـــــــــــبه
يارزينة ... وصي عينيك الحنينه
ترسم الفرح المهاجر ... في عيون كل المدينة
سيبي أحزانك تعالي .... نحضن القمر البلالي
فوق نجيمات الليالي
في الصباحات والأصائل .............
والرياحين و الخمائل ............
للرياح الهابة نحكي .... وللنجيمة
للغيوم نهدي التحايا ... غيمة ... غيمة
للقمر ضوا في جبنيك ..... وللنجيمة
العيون كيفنها .... خلي بالك منها
والحزن فارقنا أمسه ... والنسيم يطربنا همسه
والصباح الطلة جانا ... فوق جبينك شارقة شمسه

يتنى زهر
كلمات \ أ. مبارك المغربى

أنا ليتني زهر في خده الزاهي
أنا ليتني طير في روضه لاهي
أنا ليتني نهر تنساب أمواجي
يحلو تلاقينا من غير أكدار
ويرف وادينا ويغني مزماري
أنا ليتني عود في صدرك الحاني
دنياي تغريد من عذب ألحاني
والفن محفوظ بقلب فنان
في خفقة القلب
تنساب أوتاري
بالشعر والحب
بالشهد والنار
أنا ليتني أنتي
في عالم الحس
أشتاق في صمت
وأحب في همس
وأعود ان عدتي
للمعبد القدس
حيث الهوى السامي
يسمو بأفكاري
وتطيب أيامي
من نبعه الجاري

🔹الشاعر الكبير محمد ود الرضي كان عندو خلاف مع مرتو في أواخر أربعينات القرن الماضي!!!
والتي تغزل فيها كثيرا خاااصة بقصيدة "نسيم السحر" حينما قال:-!!!

مرى يا نسيم السحر جيب لي من شاطئ البحر!!!

طوف الخبا وجيب لي من "أمدر" عبير ذات النحر!!!
🔹 "أم در" هو إسم الدلع بتاع مرتو وليس أمدرمان كما يعتقد غالبية الناس!!!

🔹إستمر هذا الخلاف فترة من الزمن ووصل الى أسماع أصدقائه وزملائه الشعراء فأتفقوا على الذهاب إليه بمنزله بأم ضوا بان وإصلاح ذات البين!!!

🔹وصل إلى أم ضواً بان، الشاعر إبراهيم العبادي والشاعر أحمد حسين العمرابى والشاعر عبيد عبدالرحمن والفنان عبد الله الماحى يقودهم إبن خالته وخله الوفي الفنان مبارك حسن بركات!!!

🔹 بعد واجب الضيافه سألوا ود الرضي عن الأمر فحكى لهم بالتفصيل الممل فطلبوا منه مقابلة الوليى وسماعها!!!

🔹جلسوا معها قليلاً ثم حضروا لود الرضي وبشروه خيراً وقالوا له:-!!!
🔹أدينا حاجه نشترى ليها رضوة "يعني حق توب أو فستان أو فتيل ريحة أو أى حاجة"!!!

🔹 عندها قال لهم عبقري زمانه:-!!!

كدي خلوهو التوب وفتيل الريحة إنتو بس أمشوا أدوها القصيدة دى وتعالوا أقعدوا جمبي هنا!!!
فكانت أروع مشاعر صادقة كتبها ود الرضي في حياته ألا وهي قصيدة ست البيت!!!

🔹 شرع على الفور خله الوفي مبارك حسن بركات في تلحينها أمام الشعراء "قطع أخدر يعني"!!!

سِـتْ البَيتْ بَرِيدَه بَرَاهَــا تَرْتَاحْ رُوحِى كُلْ مَا أَطْـرَاهَا

قَــالَتْ جَـــارَتَـه مِجَاوْرَاهَـا تَجى شَـايْلَه وتَجِى مِزَاوْرَاهَا
تَلْحَـظْ إِحْتِيَـــاجْنَا بَرَاهَـا ونَشْكُرْ سَـعْيَهَا بِــوَرَاها

مِمَّـا رَبَّنَـا أَنْشَـاهَا مَا بَاتْ بَى غَبينَـة حَشَـاهَا
حَاشَى الرِّيبَة مَابتَغَشَـاهَا مَا قَــالُوا لَه بِسْ حَاشَـاهَا

ربنـــا بالجَّمَـــالْ كَـافَاهَـــا لَمَّــنْ قَالْ قَوَامَه كَفَاهَا
المَسْــرُورَة مِى تَفَّـــاهَــــه يَا حَـــلاَةْ الكَـــــلاَمْ فِى فَــــاهَا

أَبَدَاً مَــا بَرَى لَه طَـــــريدَه كُــــــلَّ الفِى جَـــــوَارَه برِيدَه
هِــىَّ الفِى فُـــؤَادِى فَـــــرِيدَه كَمَــــانْ العَلَّمَتــــــْنِى أَرِيـــدَه

لَيهْ مَا أَشَــــــكِّرَه مِطَــاوْعَــــانِى حَافْظـه مُتْعَتِى وحَافْــــــظَانِى
حَــاوْيَه مِنْ الانُـــوثَه مَعَــــــــانِى مَهْمَــــا أَبْقَى مُـــرْ بَالْعَــــانِى

مَا بِتَحْبْ عـــــَلَىْ كُلِّيــــَّـه وتَكْـــــــــــرِمْ كُلَّ مَنْسُـــوبْ لَيَّ
أَشْــــفَقْ مِنْ جَنَــاىَ عَلـــــــَيَّ وأَطْـــوَعْ مِنْ بَنَــــانِى إِلَيَّ

لَوْ كَانْ يُــــومْ حَبيبْ وَاصَـلْ لِى الكَــــرَمْ العَــرِيضْ يَوْصَـلْ لِى
مِنْهَا خِلاَفْ فَقَطْ مِا حَصَـلْ لِى غَــــيرْ لاَخْمَانِى بَى قُومْ صَــلِّى

مِى شَــــهَّايَه مِـــى طَمَّــاعَـه لَى قُـــــــولْ قَالُـــــوا مِى سَـــمَّاعَه
لَــــوْ كَانْ يُومْ شَكَيتْ يَاجَمَـاعَه بَى عَــــرْض العِيُـــــونْ دَمَّـاعَـــه

إذَا صَـــابَحْتَهَــــا ومَــاسـيتَــه طَـاعْمَه ونَاعْمَه إنْ مَسَّيتَه
مَاقَـــاسَــتْنِى مَاقَاسَـــيتَــــه تَشْكُرْ فَــــضْلِى كُلْ مَا كَسـيتَــه

حَشِــــيمَه سَكُوتَه مِنْ مَيـــــــلاَدَه مُو سُــــكَاةً تَنُـــوبَه بَــــــلاَدَه
نُضــافْ ومَنَظَّمِــــــينْ أَوْلاَدَه دَايْمَـاً عِـــنْـــدِى حِلْـــوَه جَـــــلاَدَه

تَتْــــلاصَفْ سِــرُورْ وَجَــــنَـاتَه الرَّفَّـــايَه الكُتَـــارْ حَسَـــــنَاتَه 1
طَيْبَـــــة عُشْــــرَة مِى غَــالاَتَه مَا سَـــابْتَ الشَّــــبَابْ لَبَنَـــــاتَه

مِى العَــزَّايَه دَايْمَـــاً سَــــادَّه مِى الغَبْشَـه المَغَـــبَّـرَه حَـــــادَّه
مِى اللَّهْفَـــانَه بَى وَرَاءَ المَــادَّة أَلْ للْبُــوخَـــه دِيمــه مـــوَادَّه

مَا قَــالَتْ بِقِـــيتْ حَبــُّـوبَه وتَرَكَــتْ بُوخَتَـه المَحَـبــُوبَه
لَوْ جَاتَـــكْ مِنْ رِيَاحَه هَبُـوبَة تَحْـىِ عِرُوقَــكْ المَحَبُـــوبُة

سِــتْ البَيتْ تَزِيــــلْ الغُّـــمَّه نُــورْ البَـــتْ بَرَاهَــــــاـلْمَّه
أحْتَرَمَـــه وكَمَـــانْ بَالــذِّمَّة أحْتَـــرَمْ العَلَيهَــا مَسـمــَّى

💓المفاجأة!!!

عند سماعها للقصيدة بصوت مبارك حسن بركات من "التكل" الكانت فيهو "أم در ست البيت"!!!

يقول محدثي:-!!!

حرررررم يا ود الخاتم جاتهم تقدل وترقص بصينية وكفتيرتها وشاهيها وختو قدامهم ومضت في خجل وحبور!!!

🔹عندها إبتسم ود الرضي مطالباً الحضور بجلابية وعمة جديدة، فكان له ما أراد.

إدارة القناة تهنئ الأعضاء الكرام بعيد الفطر المبارك اعاده الله علينا وعليكم بالخير واليمن والبركات

ﻳﺎ ﻣﻮﻻﻱ ﺁﻩ ﻣﻦ ﻏﻠﺒﻲ
ﻣﻦ ﺍﻟﻨﺎﺭ ﻭﺣﺮﻗﺖ ﻗﻠﺒﻲ
ﻳﺎ ﻣﻮﻻﻱ ﺑﺸﻜﻴﻠﻚ ﺷﻘﺎﻱ
ﻭﻏﻠﺒﻲ
ﺣﻈﻲ ﺍﻟﺪﻳﻤﺔ ﻣﻦ غيبة
ﺍﻷﻧﻴﺲ ﺟﺎﻓﻠﺒﻲ
ﻃﺎﻟﺖ ﺍﻟﺴﻔﺮﻩ ﻭانحﻔّﺖ
ﻣﻨﺎﺳﻢ ﺗِلبي
ﻫﺐ ﺍﻟﺮﻳﻢ ﻭﻋﺎﻭﺩﻙ ﺍﻟﺤﻨﻴﻦ
ﻳﺎ ﻗﻠﺒﻲ
ﻣﺎﻟﻚ ﻧﻔﺴﻲ ﻣﻄﻌﻮﻧﺔ
ﺗﻤﻠّﻲ ﺗﻨﻴﻨﻲ
ﻣﺎﻟﻚ ﻋﻴﻨﻲ ﻟﻠﻐﻤﻴﺪ ﺃﺑﻴﺘﻲ
ﺗﻠﻴﻨﻲ
ﻋﻄﺸﺎﻥ ﺩﻳﻤﺔ ﻛﻔﺢ ﺍﻟﻤﻮﻳﺔ
ﻣﺎ ﺑﺮﻭﻳﻨﻲ
ﻛﺎﺗﻼﻧﻲ ﺍﻟﻄﺮﻳﻔﻴﻪ ﺍﻟﺒﺮﻳﺪﺍ
ﻗﺮﻳﻨﻲ
ﺍﻟﻨﺎﺱ ﻋﻴّﺪﺕ ﻣﺮﻗﺖ ﻋﻠﻰ
ﺃﺻﺤﺎﺑﺎ
ﻭﺃﻧﺎ ﻓﺮﻳﺖ ﻋﻠﻰ ﺍﻟﺠﺎﻫﻠﺔ
ﺍﻟﺴﻤﺢ ﺗﺮﺣﺎﺑﺎ
ﻓﺎﻃﺮﺍً يحكي ﺑﺮّﺍقا
ﺍﻟﺒﺪﻭﺩﻱ ﺳﺤﺎﺑﺎ
ﻟﻔﺖ ﻗﻠﺒﻲ ﺯﻱ ﻟﻒ ﻃﺮﺣﺘﻪ
ﺍﻟﻼﻓﺤﺎﺑﺎ
ﺧﺘّﺖ ﺃﻳﺪﺍ ﻓﻮﻕ ﺇﻳﺪﻱ
ﺇﻧﺠﺬﺑﺖ ﺧِﺪﺭﺗﺎ
ﺣﺒﻴﺖ ﺃﻣﺸﻲ ﻣﻦ ﻛُﺘﺮ
ﺍﻟﻄﺮﺏ ﻣﺎ ﻗِﺪِﺭﺗﺎ
ﺑﻘﺖ ﺍﻟﺤِﻨﻪ ﺑﻴﻦ ﺇﻳﺪﻱ
ﻭﺇﻳﺪﻳﻬﺎ ﺇﻧﺪِﺭﺗﺎ
ﻟﻮﻻ ﺍﻟﺤِﻨﻪ ﺑﻴﻨﻲ ﻭﺑﻴﻨﻬﺎ ﻛﻨﺘﺎ
ﻭﺩِﺭﺗﺎ
ﺃﺧﺪﺭ ﻟﻴﻬﻮ ﺿُﻞ ﻓﻮﻗﻮ
ﺍﻟﻤﺤﺎﺳﻦ ﺷﺮّﻥ
ﻭﺃﻓﻠﺞ ﻓﺎﻃﺮﻭ ﺯﻱ ﺑﺮﻕ
ﺍﻟﺴﻮﺍﺭﻱ ﺇنكرن
ﺇﺗﻘﺴّﻢ ﻣﻘﺎﻃِﻊ ﻓﻲ
ﺍﻟﻤﺸﻲ ﻭﺇﺗﺤﺮّﻥ
ﺯﻱ ﻓﺮﺥ ﺍﻟﻘﻄﺎ ﺍﻷُﻣﺎﺗﻮ
ﺭﻛّﻦ ﻭﻓﺮّﻥ
ﺇﺗﻤﻨﻰ ﺍﻟﺪﻫﺐ ﻟﻮ ﻟﻮﻧﻮ
ﻳﺸﺒﻪ ﻟﻮﻧِﻚ
ﺇﺷﺘﻬﺖ ﺍﻟﺪُﺭﺭ ﻟﻮ ﻫﻲ ﺗﺒﻘﻰ
ﺳﻨﻮﻧﻚ
ﻣﺠﻨﻮﻥ ﻟﻴﻠﻰ ﺣﺎﻟﺘﻮ ﺃﻗﻞّ
ﻣﻦ ﻣﺠﻨﻮﻧِﻚ
ﻣﺎ ﺩﺍﻡ ﻟﻴﻠﻰ ﻛﺎﻧﺖ ﻓﻲ
ﺍﻟﻤﺤﺎﺳﻦ ﺩﻭﻧِﻚ
ﻋﻦ ﻣﻦ ﺃﺣﺒﻮ ﺃﻧﺎ ﻏﻴﺮ
ﺧﺎﻃﺮﻱ ﻓُﺮِﻗﺘﺎ
ﻫﺎﻳﺞ ﺑﻲ ﻏﺮﺍﻡ ﻋﻦ ﺣﺎﻟﺘﻲ
ﻛُﻠﻲ ﺳُﺮِﻗﺘﺎ
ﻟﻮﻻ ﺃﺩﻣُﻌﻲ ﻣﻦ ﻧﺎﺭﻱ ﻛﻨﺖ
ﺣِﺮﻗﺘﺎ
ﻭﻟﻮﻻ ﻧﺎﺭﻱ ﻣﻦ ﻛﺘﺮﺕ
ﺩﻣﻮﻋﻲ ﻏِﺮﻗﺘﺎ

بابكر محمد بابكر العبادي‏·
مره قلت لى محمد سليمان بحر ;
الناس في إبتهاج العيد وآخر فرحه
وانا فى الدابو لبس التوب وجدع الطرحه
شاغل فكرى كل مااطراهو آخد سرحه
قاسم قلبى نصين والكبد منسرحه ;
محمد سليمان ;

بالعيد السعيد كل النفوس منشرحه
إلا قلوبنا نحنا البى الحزن منجرحه
فرق القلبى من طرواتو ياخد مرحه
شتت فكرى ضاقت بى الوطه المنطرحه
;
انا قلت ;

الناس جت بشوفن فرحو يوم العيد
حزنان فيهو لكن بي ظواهرى سعيد
سببى الفرقو شاسع من ندايدو بعيد
مابنساهو لامن إختو راسي صعيد ;
محمد سليمان
;
الطبع ذكراهو داخل قلبى بي التخليد
بينى وبينو رايدآ طارفن وتليد
معشوقى اب جمالآ اصلى مو تقليد
مابنساهو لامن إوسدونى الليد

آلشـآعر/محمد بشير عتيق الامان ... الامان
🌷🌷🌷
الامان الامان
ويشغل قلبي حبك علي مر الزمان
سلطانه استقر
وفي جوره استمر
كيف القى الضمان
يا ما انت ظالم
وانا طائع اوامرك
ولي شخصك مسالم
الامان الامان
الامان الامان
ياحبيبي الامان
واسمح لي كمان
اقبل يديك
من نور وجنتيك
أنور مقلتي
الامان الامان
من فتكات عيونك
ارحم مهجتي
الامان الامان
فيك صور المحاسن
ظهرت لي عيان
موسيقى حديثك
مع سحر البيان
واذا مال قوامك
يازينة الحسان
روحي تسيل عواطف
وقلبي يذوب حنان
وانا كيف ما أخافك
من ما طرفي شافك
وما حبيت خلافك
حبك منيتي
وفرضي وسنتي
وناري وجنتي
الامان الامان
ومن يوم نشأتي
تقديسك شعاري وحبك نشوتي
يا سامي العروض أرسل ليك أغاني
من أرقى المعاني
عنوان خبرتي ابداع فكرتي
تخليد ذكرتي

‏فيديو من ﺃﻛﺘﺐ ﻟﻲ ﻳﺎ ﻏﺎﻟﻲ ﺍﻟﺤﺮﻭﻑ

‏فيديو من ﺃﻛﺘﺐ ﻟﻲ ﻳﺎ ﻏﺎﻟﻲ ﺍﻟﺤﺮﻭﻑ

مسكين أنـا
إنسان عقيم ستين سنة أتمنى يوم يلد ا لجنى
أتتمنى المنى..فرهد كبر وعمره حصل كم سنة
فجاءة انتهى..ماأهونا ما أصل غاية ا لحي أفنى
لكن أنا مأساتي أكبر بي كثير..ما شفت أيده محننة
والدبلة في إيده اليمين ذهبية ثايرة تزينها
ياحليلو ياناس حبنـا
بالله كيفن تاني الصلة لوفي القمر ساهـل علي أنـزلا
لو در في أعماق بحر كان نغوص ونحصلة
لو كان بـعـيد أقصى الأقـاصي بـنـوصلـة
لو قوا نـين كنـا بـنـصـوغها نـعـدلا
لكن حرام ومين الحرام بـيـحـللو غيـر ربـنا
وحليلة قصة حبنا
شفتوا الحبيب ماظن يوم شفتوا الجمال
وشفتوا العيون ما اظنه مرواد كحـلا
ماشال قلم قصر حواجبو وطولا
مرسومة زي شكل الهلال شفتوا الشفاه
ما حلوة أحلى من ا لحـلى
شفتوا الخصل لما النسيم يحسد جمالة يبهدلة
شفتوا الصور ياربي ألهمني الصبر
قــويـة عـيـونـة مـنـزلـة
شفتوا الخصر خايف عليهو أنا ينكسر
زي السويس رابط بحور وموصلة
لوشفتوا القدم ياناس وحات الله العظيم
زي إيد عروس ممكن تـشيـله تــقبلـه
ياحليلو مشوا را لسنين حليلو ياناس حبنا
لوحة جمال فنان بديع يتأمله أحتار وقف قال الصلاة
ريحة دعاش زمن الرشاش عم البنادر والخلا
ورقة جمال من الجدود متسـلسـلة
ماسـيد بـلد ما روعـة جـد
ماتـقولوا قل هو الله أحد والنازعات والبسملة
حاأعيش كدا وزمن حروفو اردده
حاأعيش غريب وأكتم عواطفي وأقيده
ما صورتك أنت يا سـت هواي
نـاميـة في ضلوعي مـفـرهـدة
بـسـقيـها بـدمـي العـزيـزوأغني ليها أمجده
ماروحي كان ملكـك سنـيـن وحديثي الكان بترددي
الليلة عاد ميـن يـسـمع نداه
وياحليلو مشوار السنين..حليلا قصة حـبـنا

لـ فؤاد عبدالرحيم

نـــــظرة يا السمـــــحة ام عجــــننـــــظرة يا السمـــــحة ام عجــــن

كلمات سيدعبدالعزيزكلمات سيدعبدالعزيز

نظرة يا السمحة أم عجننظرة يا السمحة أم عجن

لو كان قليل تبرى الشجنلو كان قليل تبرى الشجن

أعرف صفا الأيام أفيقنأعرف صفا الأيام أفيقن

أنظر جمال تلك الوجنأنظر جمال تلك الوجن

دولات صدودك ماوعندولات صدودك ماوعن

الامى وبى اتدرعنالامى وبى اتدرعن

ابكى واصيح متضرعاًابكى واصيح متضرعاً

يا ناس دموع عينى ترعاًيا ناس دموع عينى ترعاً

ارحمونى مارضنى الظعنارحمونى مارضنى الظعن

أمالى جور لى قاطعنأمالى جور لى قاطعن

أحشاي هديل أتقطعنأحشاي هديل أتقطعن

وبالفرقة نشابك طعنوبالفرقة نشابك طعن

يا منبع النور والفطنيا منبع النور والفطن

يا الفقتى يعرب والرطنيا الفقتى يعرب والرطن

فى جوفى من حبك قطنفى جوفى من حبك قطن

يا جاهلة مليون ألف طنيا جاهلة مليون ألف طن

كيف أسلى عينيك والوجنكيف أسلى عينيك والوجن

يالبسمتك نور الدجنيالبسمتك نور الدجن

جسمك حرير ناسجة العجنجسمك حرير ناسجة العجن

ناضر وباللون انعجنناضر وباللون انعجن

الضاوية زى خديك منالضاوية زى خديك من

فى الدنيا يا نور الزمنفى الدنيا يا نور الزمن

أرواح نسائمك لى رمنأرواح نسائمك لى رمن

نرجس مزج لى مسك اليمننرجس مزج لى مسك اليمن

ما احلاك يا الجيدك شدنما احلاك يا الجيدك شدن

يالعمرى فيك ضائع سدىًيالعمرى فيك ضائع سدىً

انا عندى شوفتك يا اللدنانا عندى شوفتك يا اللدن

أحسن من الروح فى البدنأحسن من الروح فى البدن

يا منبع الذوق آه يا منيا منبع الذوق آه يا من

حبك غرز فى الجوف كمنحبك غرز فى الجوف كمن

يا غالية قط ما ليك تمنيا غالية قط ما ليك تمن

إن هب او جار الزمنإن هب او جار الزمن

ليك السلام ما ولعنليك السلام ما ولعن

خديك بالنور يلمعنخديك بالنور يلمعن

وعدد النجوم ما يطلعنوعدد النجوم ما يطلعن

يرضيك وبيك لى يجمعنيرضيك وبيك لى يجمعن

*سامعك_من_زمان*
كلمات الشاعر / محمد أحمد الحبيب
@@@@@@@@
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

*ﺳﺎﻣﻌﻚ ﻣﻦ ﺯﻣﺎﻥ ﺷﺎﻛﻲ ﺍﻟﺸﺘﺎﺕ ﻭﺍﻟﻔﺮﻗﺔ*
*ﻣﺎﻟﻚ ﻟﻤﺎ ﺟﻴﺖ ﻃﻮﻟﺖ ﻗﺎﻃﻊ ﺍﻟﻤﺮﻗﺔ* ؟
*ﺑﻐﺮﻳﻚ ﺍﻟﺴﻼﻡ ﺭﻏﻢ ﺍﻟﺪﺭﻭﺏ ﻣﻔﺘﺮﻗﺔ*
*ﺗﺘﻠﻔﺖ ﻭﺭﺍﻙ ﺣﺘﻰ ﺍﻟﺴﻼﻡ ﺑﺎﻟﺴﺮﻗﺔ* ؟

*ﻗﻮﻝ ﻟﻰ ﺷﻦ ﺩﻫﺎﻙ ﺗﺮﺿﻰ ﺍﻟﻌﻮﺍﺯﻝ ﺗﺸﻘﻰ*
*ﻣﻴﻦ ﺍﻟﻘﺎﻝ ﺑﻼﻙ ﻏﻴﺮ ﺍﻟﻀﻴﺎﻉ ﺣﺄﻟﻘﻰ*
*ﻳﺎ ﺭﻭﺣﻰ ﺍﻟﺒﺼﻴﺢ ﻋﺼﻔﻮﺭﻯ ﻗﺒﻞ ﺍﻟﺸﺮﻗﺔ*
*ﺗﺒﻜﻴﻚ ﺍﻟﻘﻠﻮﺏ ﻗﺒﻞ ﺍﻟﻌﻴﻮﻥ ﺑي حرﻗﻪ* .

*ﻛﺎﻥ ﻟﻠﻤﺎﺿﻰ ﻋﺎﻳﺶ ﻓﻴﻬﻮ ﻏﺼﺒﺎً ﻋﻨﻰ*
*ﻣﺠﻨﻮﻥ ﻋﺎﺑﺮﻩ ﻻﺯﻡ ﺑﻴﻬﺎ ﻳﻮﻣﻲ ﻳﻐﻨﻰ*
*ﻧﻤﺮﻩ ﻋﻠﻲ ﺍﻟﺨﺒﻴﺚ ﻣﺎﺧﻴﺒﺖ ﻳﻮﻡ ﻇﻨﻲ*
*ﺍﻣﺎ ﻣﻊ ﺍﻟﻌﻔﻴﻒ ﻣﺴﻜﻴﻨﻲ ﻃﻴﺮﺓ ﺍﻟﺠﻨﻲ*

*ﻟﻔﻴﺖ ﺍﻟﻤﺪﻥ ﻣﺎﺷﻔﺘﺎ ﻏﻴﺮﺍ ﺳﻤﺎﺣﻪ*
*ﻣﺪﻋﻮﺟﺔ ﻋﻴﻮﻥ ﺻﺎﻓﻲ ﺍﻟﻀﻤﻴﺮ ﻣﺮﺗﺎﺣﻪ*
*ﻭﺭﻳﺘﻚ ﻗﺒﻴﻞ ﺑﻜﻞ ﻭﺿﻮﺡ ﻭﺻﺮﺍﺣﺔ*
*ﻟﻜﻦ ﺍﻟﺴﻨﻴﻦ ﻗﻠﺒﺖ ﻏﻨﺎﻳﺎ ﻣﻨﺎﺣﻪ*

*ﻓﻲ ﺫﻛﺮﺍﻫﺎ ﻣﺎﻭﻗﻌﺖ ﻋﻴﻮﻥ ﻓﻲ ﺻﻮﺭﻩ*
*ﻣﺎ ﻏﻨﺖ ﻋﻠﻲ ﺻﺪﺭ ﺍﻟﺼﺒﺎﺡ ﻋﺼﻔﻮﺭﻩ*
*ﻟﻮ ﺟﺎﺭﺕ ﻋﻠﻴﻚ ﺍﻭ ﻃﻮﻟﺖ ﻣﻌﺰﻭﺭﻩ*
*ﻟﻮ ﺟﺎﺩ ﺍﻟﺰﻣﺎﻥ ﻻﺑﺪ ﺍﻣﺸﻲ ﺍﺯﻭﺭﻩ*

*ﻭﺍﺣﺪﻳﻦ ﻓﻲ ﻫﻮﺍﻙ ﻳﺎﻋـﺎﺑﺮﻩ ﻫﻢ ﻻﻣﻮﻧﻲ*
*ﻳﻨﻀﻤﻮﺍ ﺑﻲ ﻭﺭﺍﻱ ﻗﺪﺍﻣﻲ ﻣﺎﻭﺭﻭﻧﻲ*
*ﻣﻦ ﻗﻮﻟﺖ ﺍﻟﺼﺒﺮ ﺍﻟﻠﻪ ﻳﻜﻮﻥ ﻓﻲ ﻋﻮﻧﻲ*
*ﻫﻢ ﻗﺎﺻﺪﻳﻦ ﺷﻘﺎﻱ ﺩﺍﻳﺮﻳﻦ ﻳﺒﻜﻮﺍ ﻋﻴﻮﻧﻲ*

*ﻛﻞ ﻣﺎ ﺍﻗﻮﻝ ﺍﻃﻴﺐ ﺑﺎﻛﺮ ﺍﻧﻮﻡ ﺍﻧﺠﻤﻲ*
*ﺍﺳﻤﻊ ﻟﻲ ﻗﻮﻝ ﺯﻱ ﺍﻟﺴﻬـﺮ ﻭﺍﻟﺤﻤﻲ*
*ﻗﻠﺒﻲ ﺍﻧﺎ ﻓﻲ ﻟﺴﺎﻧﻜﻢ ﺻﺢ ﻭﻗﻊ ﻣﺎ ﺳﻤﻲ*
*ﺧﻠﻮﻧﻲ ﺍﻟﻠﻌﻴﺶ ﻣﺎﻟﻜﻢ ﻋﻠﻲ ﻳﺎ ﺍﻣﻪ* ؟؟

🌹🌹🌹🌹