بت الكفو مصدر للهلاك العاجل
سمحة عيونها كتالة ورموشها مناجل
من عفتها والشرف القديم والاجل
بتلبس توبا كان ف الرادي سمعت راجل

قال أحمد أمين
يا الظالماني قلبك من قساك ماتاب
اراك فاتحالي من نيران خدودك باب
بدعي عليكي والمظلوم دعاه مجاب
تزيدي سماحة وازداد في هواك عذاب
😍😍😍

جمالها الباهي جل البارئ في تشكيلو..
وقدر ما يبقى ميزان الجمال بتكيلو..
دا الخلانّي أسالم في الشدَر و أشكيلو..
عندها وَجنة تِنشاف من مسافة كيلو.

ست الشامه يا الرضا والحشا المبروم وااحده ولسه متلها مافي في الحروم عندها قدله.. ..مين الفيها مو مغروم ! يقيفلها كسرى ذات نفسو وملوك الروم

يالنغمك متل نغم البليبل الغنا
عاشقك صابو ماصاب المحلق جنا
يالفرعك بحاكى الخيدران اتنا
قودنى على جحيمك ياخ جحيمك جنه

عندك وجنه بتخلي البشر ملخومه
وفيكي الرقه والبسمه المعاها نعومه
خبرا" جاني بي روشتتو المختومة
قالو العطسه عندك خاليه من جرثومه🌹

إن نضمت کل الخلق تصنف وراها
وإن سکتت وا حلات شفايف فاها
نادرات.... محاسن الدنيا چت لاماها
ملاک في الخلقه واااا تعب الوقع في هواها

النسيم هبالي..

وقصده ينهب بالي..

وأصلي جافي النوم..

=

يا فؤادي البالي..

كم ودر قبالي..

في الغرام مظلوم..

دمعي ليش غبالي..

إندفق لا تبالي..

إن كان مبلبل عوم..

=

قلبي كيف يخلا لي..

جوز حواجبو هلالي..

والبريع مردوم..

الفويطره بلالي..

عام صديرو علا لي..

وجور نهيده "الدوم"..

=

خلي زاد إنحالي..

والعيون جارحالي..

وبالشليخ مغروم..

إيش مغير حالي..

غير وريدو الحالي..

الزي قزاز الروم..

=

جافيه ماشافعالي..

وحكمه مانافعالي..

طبي مالو لزوم..

البزيد إشعالي..

جوز "نهيدا العالي"..

والضمير محزوم..

=

مال ضميرك جالي..

وقصدو يترجالي..

لي هلاكي يحوم..

قال لي لا ترجالي..

الردف رقالي..

وبالوضيب مزحوم..

=

قت له إنت الوالي..

إصطنت أقوالي..

وإنتظر باليوم..

أروي ليك أحوالي..

إن هو ما داوالي..

إنت ماك مليوم...

كلام ملطوش من صفحة ياسر مهدى

لبتوحي الناس العيون ياحبايب .. هن أساس الريد والفتون

العيون البيض لو صفن .. يجرحنك ويتلاصفن

مرة نظرن لي وقفن .. شالوا نومي وما أنصفن

العيون السود كاحلات .. في دلالهن متهاملات

يجرحنك ما سائلات .. يتركنك متجاهلات

العيون الفيهن نعاس .. هن أساس معنى الجناس

هن بثيرن في الناس حماس .. هن بقودوا الزول للجنون

جنني يااخي العيون ياحبايب .. هن أساس الريد والفتون

أغنية نسيم الروض زورنى في الماسية من اغانى سنة 1936 ولقد قالها /عمر البنا وهو فى بيروت يعانى البعد والغربة .. .. ولقد أجرى فيها عمر البنا حوارا مع النسيم ويدعوه إلى زيارته بعد أن يتعطر النسيم بطيب المحبوبه لينعش بهذه النفحات روحه التي تعبت وأنهكت من الم الفراق والبين... ولكن هذه النفحات كانت عطرة وقوية لتغمر كل أرجاء البلد باديته وحاضرته وظن الشاعر إن النسيم قد عانق المحبوبه فأطفت عليه هذه الرائحة الذكية ...وعندما جاءت إليه النسمات وجدت عيونه تجرى فيها الدموع ولكن النسيم طمأنه وقال له إن محبوبته تعلم بحاله من الحب والوجد ودائما في ذاكرته

يا نسيم الروض زورنى في الماسيه

وجــيب لي الطيب من جناين آســيا

وأنعــــش روحي زيل الـــم البين

نسيم الروض نفــحاتك بــاديه

غمرت أرجاء الحضر والباديه

أظنك مريت في ساعة هاديه

وعانقت غصين الزهره الناديه

جاتنى النسمات بطيبك ساريه

وجدت عيني دموعن جاريه

قالت ياعشوق محبوبتك داريه

بحـــالك وليك دائمــا طاريه

شكرا يا نســيم أخبارك وافيه

لكن رياك لشــفاى ما كافيه

ما اظنى أطيب وأضوق العافيه

غير ما أنظر الجميلة وجافيه

زوري في الطيف ياغانيه

انا روحي للمـــوت دانيه

لو أشوف ناعساتك رانيه

الامــــى تضيع في ثـــانيه

ياخـــلاصة الدرر الغــاليه

غير فصدة خدودك حــاليه

ليك حق لو لعاشقك ســـاليه

مادام فاتنه من حب خــاليه

نيران هجرك لاعضاى كاسيه ما تصبح قاسيه

والنجوم قصرت لعلاك ما مواسيه

تعرض الشاعر محمد عبدالله الامى لوشاية من احدهم اتبعها ذلك الشخص بشهادة زور في حقه فحزّت هذه الحادثة في نفسه وأثرت في معنوياته وأكسبته حزنا وآلما لكنها لم تفقده ثقته في نفسه ...فنظم قصيدته المشهورة ما بخاف من شئ والتي تحدث فيها عن نفسه وعن صفاته من شجاعة وكرم وشهامة وصبر وعزيمة وإيمان وتوكل على الله وإيمان بالقضاء والقدر..وانه قد سلح نفسه بالصبر إذا زحفت نحوه جيوش الهم والغم محاولة النيل من ثباته وقوته وعزمه ....كما تحدث عن أخلاقه الفاضلة وانه لا يبادر بالعداء ولا يخون الجار ولا يضمر الحقد ويظهر تواضع الشاعر في قوله ( مابقول للناس مثلى نادر ...بل بقول للخالق شئون ).....ذكر أيضا عفته وعدم فجوره وانه لم يرتكب المعاصي ولم يتاجر بالمبادئ ولم ينافق احد وان نفسه فيها من القيم والأخلاق ما يردعها عن فعل ذلك...ويرسل الحكم في بعض أبيات القصيدة ( قول لأهل الجور والمساخر....ما في أول وما ليه آخر... مابدوم العز والمفاخر....وما بدوم الظل والحصون ) لحنها الفنان سرور ولكنه لم يسجلها للاذاعه و سجلها المبدع بادي محمد الطيب مع الاحتفاظ بلحن الفنان سرور ...والى هذه القصيدة

ما بخاف من شئ برضي خابر......المقدر لا بد يكون

إن اتانى الهم جيشه دافر....يلقى يا خلاي صبري وافر
يلقى عزمي التام ليه خافر....يلقى قلبي شجاع ما جبان

بالعدا معروف ما ببادر .......ما بخون الجار مانى غادر
ما بقول للناس مثلى نادر......بل بقول للخالق..... شئون

ما عصيت مولاي مانى فاجر.......لا... ولا بالعالم بتاجر
نفسي يا أحباب ليها زاجر........لم أكون كل يوم لي لون

الثبات معروف لي معاصر ......لو بقيت في داخل معاصر
و الإله غير شك ليا ناصر........رغم انف الواشي الخؤن

قول لشاهد الزور فيما ثائر.......هدى روعك قبل الخسائر
يا ما قبلك عميت بصائر........من لساني ...وقولي الهتون

قول لأهل الجور والمساخر .....مافى أول ما ليهو آخر
مابدوم العز والمفاخر.......وما بدوم الظل والحصون

عن لسان الحق مانى نافر....وما جحدت الخير مانى كافر
ما ضمرت السوء مانى حافر......للصديق هاويات السجون

قبال ما أعرفك
شعوري إليك يميل
و فؤادي معاك ذليل
حازم ما أطرفك
و باسم ما أظرفك
و ساحر منظرك
حيرت البنظرك
مع قدسية حياك تتألقك
في حياك مغري
و ما ليك مثيل
يا ذو المجد الاثيل
سبحان من صورك
في العالم نورك
أهدالك توب جمال
و أحاطك بالكمال
أنا مهما أوصفك
لا يمكن أنصفك
يا فاتن يا جميل

كلمات محمد بشير عتيق
غناء خضر بشير

هكذا الاشواق تسمو بالعشاق :-
حكي عبد الرحمن الريح ان الشاعر الفحل ابراهيم العبادي في اواسط الثلاتينيات كان يلعب الضمنة مع اقرانه في مقهي يوسف ود الفكي عندما جاء الشاعر الكبير عبيد عبد الرحمن وجلس جواره قائلا للعبادي ( الليلة سمعت قصيدة لي ود صاحبك الريح ود احمد عجبتني جدا لدرجة حفظتها انتبه العبادي وبصوته الرخيم( قال شنو) فردد عبيد كلمات هات لينا صباح وعندما انتهي من القصيدة ردد العبادي ( قالو اهل الحب في الزمان الراح نشوة الاشواق احلي من الراح) التفت لعبيد بعد ان ساط الضمنة بيديه ( عارف ياعبيد ود اخوي دة بعد عشرة سنوات حينتهي ليكم من غناكم دة كلو ويجوطو ليكم زي جوطتي للضمنة دي )🌹🌷
وصدقت نبوءة عراب ادب الغناء في السودان ففي اواخر الاربعينيات نقل ود الريح الغناء في السودان الي سماوات ارحب ولغة ارفع وفلسفة لاتجاري ونقل كلمات الاغاني والالحان لتصبح الاغنيات من شاكلة ( هكذا الاشواق تسمو بالعشاق من ثري الاشباح لي سماء الارواح حيث تروي هناك للنجوم معناك )٠🌹🌷🌷💚 اتساءل تساؤل مشروع ( ود الريح دة كان براهو ولا مخالط بي جن لمن قال ( هومت روحي خيال في معبدك طواف ) 💚💚 ايااربي دة زول طبيعي البقول كدة ولا لمن قال ( كلما انظرك بشاهد من جمالك جديد مشاهد نور جمالك عليك شاهد ) لكن ياود الريح نحن بنقدر علي كدة ؟💚💚
حكي الطيب الرضي ان والده محمد ود الرضي سألو عمك ود الريح يقصد شنو بالزهور صاحية وانت نايم ..غلبتو الاجابة فأجاب ود الرضي عمك يقصد بالزهور صاحية الخدود وانت نايم العيون نعسانة ..معقولة لكن ياعبد الرحمن ياخي .. ود الريح شاعر فلسفي يمتزج شعره بالرقةالمنسابة في الكلمات والرقي الزائد 💚💚
في اوائل التسعينيات ( تقريبا ٩١) زرته في منزله في امبدة برفقة الشاعر والملحن مامون الحبر الف رحمة ونور تغشي قبره وكنت اتوقع ان اجد رجلا ملئ بالانفة والجبروت رجلا تغني له الجابري و ابوخليل ورمضان حسن وود المقرن ووردي وسبقهم كرومة ولم يغير في الحانه رغم اننا حتي الان لم نفلت من قبضة كرومة اللحنية وتغني له الشمباتة والفاضل احمد الاسطوري دخلت متوجسا من انه لابد ان يكون مفتريا شايف نفسه ومعتز بأشعاره والحانه فكانت الدهشة انني وجدت انسان بسيط حيي يذوب رقة ولاينظر اليك في وجهك عندما يحادثك ساعتها ايقنت انه ليس للعبقرية دلائل في شخصية الانسان ولكنها هبة ومنحة من رب العرش العظيم

من صفحة الاستاذ ياسر الحادو( ابويامن)

_____


هات لينا صباح
يـخجـل البدر ويخمـد المـصباح
هات ياليل يـالـيل هـات لـيـنـا صباح
💜
نحنا كل صباح
نبني في الآمال ما وجدنا رباح
سـرنـا المكـتوم بـالـدمـوع انـباح
والسهـاد اصبح لـينا امـره مـباح
💜
القلوب ترتاح
للكمال التام في الكمال نرتاح
اصلو زول لكن صورو الفتاح
من سلاف الروح محنة للملتاح
💜
الجمال شراح
للصدور لكن للقلوب جراح
قالوا اهل الحب في الزمان الراح
نشوة الاشواق احلي من الراح
💜
النسيم لو فاح
يمتزج بزلال دمعنا السفاح
كم عشوق مهجور مضي بالاصفاح
عينه في الورد و نفسه في التفاح
💜
ياهوي الارواح
انت للعشاق كالشذي الفواح
عطر الدنيا واملأ الاسواح
يزهو بيك الكون في غدو و رواح
💜

ﻣﻨﻚ ﺑﺪﻳﺖ ﻣﺸﻮﺍﺭ ﻫﻮﺍﻱ
ﻭﻣﺸﻴﺖ ﻣﻌﺎﻙ ﻓﻲ ﺍﻟﺮﻳﺪ ﺧﻄﺎﻱ
ﻳﺎﻏﻴﻤﺔ ﺟﺎﺕ ﻣﻦ ﻏﻴﺮ ﺇﺫﻥ
ﻇﻠﻠﺖ ﺃﺣﺰﺍﻧﻲ ﺷﻘﺎﻱ
ﺭﺷﻴﺖ ﻣﺴﺎﻣﺎﺕ ﺍﻟﺒﻌﺎﺩ
ﺍﻧﻌﺸﺖ ﺍﻣﻠﻲ ﻭ ﻣﻨﺎﻱ
ﻳﺎﺻﻮﺕ ﻧﻐﻢ ﺩﻭﺑﻴﺖ ﻭﻧﻢ
ﻭﻛﻤﺎﻥ ﻭﻧﺎﻱ
ﻣﺮﺳﻮﻣﻪ ﻓﻴﻚ ﻟﻮﺣﺔ ﻋﻤﺮ
ﺷﺎﻳﻔﺎﻙ ﻋﻠﻲ ﺍﺣﺮﻑ ﻏﻨﺎﻱ
ﺗﻤﺮﻕ ﻣﻦ ﺍﺣﺴﺎﺱ ﺍﻟﻌﺪﻡ
ﺗﺪﺧﻞ ﻋﻠﻲ ﺫﺭﺍﺕ ﻫﻮﺍﻱ
ﺑﺘﻮﻧﺴﻚ ﻣﻦ ﻏﻴﺮ ﻛﻼﻡ
ﻭﺃﻧﺪﻩ ﻋﻠﻴﻚ ﺍﺳﻤﻊ ﻧﺪﺍﻱ
ﺷﺎﻳﻔﺎﻙ ﻋﻠﻲ ﺿﻮ ﺍﻟﻘﻤﺮ
ﻭﻛﻞ ﺍﻟﻨﺠﻮﻡ ﺷﺎﻫﺪﻳﻦ ﻣﻌﺎﻱ
ﺳﺎﻓﺮ ﺧﻴﺎﻟﻲ ﻋﻠﻴﻚ ﻣﺸﻲ
ﺧﻼﻧﻲ ﻋﺰ ﺍﻟﺸﻮﻕ ﺑﺮﺍﻱ

ﺍﻧﺖ ﻟﻮ ﺩﺍﻳـــﺮ ﺍﻟﺴﻌـــﺎﺩﻩ
ﻻ ﺗﺨﺎﺻـــﻢ ﻻ ﺗﺠــﺎﻓﻲ
ﻋﻴﺶ ﻛﺄﻧـﻚ ﺭﺍﺣﻞ ﺍﺳـﻪ
ﺑﻲ ﺿﻤﻴﺮ ﻣﺮﺗﺎﺡ ﻭﺻﺎﻓﻲ
ﻟﻤﺎ ﺗﺰﻋﻞ ﻣﻦ ﺣﺒﺎﻳـﺒﻚ
ﺑﻴﻘﺪﺭ ﺍﻟﺸﻴﻄﺎﻥ ﻳﻐُـﺸﻚ
ﺑﻠﻘﻲ ﺑﺎﺏ ﺍﻟﺠﻔـﻮﻩ ﻓﺎﺗﺢ
ﻳﺼﺤﺐ ﺃﻓﻮﺍﺟﻮ ﻭﻳﺨُﺸﻚ
ﺃﺻـﻠﻮ ﻣﺎ ﺗﺪﻳﻬﻮ ﻓﺮﺻـﻪ
ﺑﻲ ﻟﻬﻴﺒﻮ ﻳﺠﻲ ﻭ ﻳﺘُﺸﻚ
ﻧـــﺰّﻝ ﺍﻟـﻮﺭﻕ ﺍﻟﻜُـﺒـــﺎﺭ
ﻗﺒﻞ ﻳﻜـﺘﻞ ﻟﻴﻜـﺎ ﺩُﺷـﻚ
ﺍﻟﺒﺼــﻴﺒﻚ ﺑﻲ ﺷـــﺮﺍﺭﻩ
ﺃﻭﻋﻲ ﺗﺠﻔﺎﻫﻮ ﻭ ﺗﺤﻈﺮﻭ
ﺣﺎﻭﻝ ﺍﺳﻤﻊ ﻛﻞ ﻛـﻼﻣــﻮ
ﺍﻣﻜﻦ ﺇﻧﺖ ﺑــﺮﺍﻙ ﺗﻌـﺰﺭﻭ
ﻭﺍﻣﻜﻦ ﺍﻟﻤﻮﺿﻮﻉ ﺗﻌﺎﻟﺠـﻮ
ﺗﻠﻘﻲ ﻟﻴﻬﻮ ﺍﻟﺤﻞ ﻭ ﺟﺬﺭﻭ
ﻭﻟﻮ ﻧﻮﻳﺖ ﺗﻨﺄﻱ ﻭ ﺗﺨﺎﺻﻢ
ﺑﺒﻘﻲ ﺇﺑﻠﻴﺲ ﺃﻭﻓﻲ ﻧـﺬﺭﻭ
ﺍﻟﻌﺘـﺐ ﻣﺮﻓـﻮﻉ ﺑﻘــﻮﻟﻮ
ﻭ ﺍﻟﺰﻋﻞ ﺑﻌﻤﻲ ﺍﻟﺒﺼﻴﺮﻩ
ﻭﺍﻟﻨﻔﻮﺱ ﺍﻟﻤﺎ ﺑﺘﺴــﺎﻣﺢ
ﺍﻟﻨﻜــﺪ ﺑﻴﺼﺒﺢ ﻣﺼـﻴﺮﺍ
ﺣﻘﻮ ﻛﻞ ﺍﻟﻨﺎﺱ ﺗﺼــﺎﻓﻲ
ﻭﺑﺎﻟﻤﺤﺒـﻪ ﺗﻜﻮﻥ ﻧﺼﻴﺮﻩ
ﺷﺎﻥ ﺗﻜـﻮﻥ ﺍﻟﺪﻧـﻴﺎ ﺣﻠﻮﻩ
ﻣﺎ ﺍﻟﻌﻤﺮ ﺃﻳﺎﺍﺍﻡ ﻗﺼﻴﺮﺓ

ودخلنا عام 2020 سنه سعيد علي الجميع

ﺣﺼﻞ ﺟﺮﺑﺘﺎ ﻭﺟﻊ ﺍﻟﺮﻭﺡ ؟
ﺣﺼﻞ ﻫﺒﺸﺘﺎ ﺫﺍﺗﻚ ﻳﻮﻡ
ﻟﻘﻴﺖ ﻓﻲ ﻛﻞ ﺣﺘﺎ ﺟﺮﻭﺡ ؟
ﺣﺼﻞ ﻏﻠﺒﻚ ﺗﻮﺍﺻﻞ ﺍﻟﺴﻴﺮ
ﻣﻊ ﺍﻧﻮ ﺍﻟﻄﺮﻳﻖ ﻣﻔﺘﻮﺡ؟ !!
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺣﺼﻞ ﺳﺎﻗﺖ ﺩﺭﻭﺑﻨﺎ ﺧﻄﺎﻙ
ﺣﺼﻞ ﺟﺮﺑﺖ ﺳﻬﺮ ﺍﻟﻠﻴﻞ
ﻋﺸﺎﻥ ﺧﺎﻃﺮ ﺣﺒﻴﺐ ﺣﺒﺎﻙ
ﺣﺼﻞ ﺟﺮﺑﺖ ﺗﻤﺸﻲ ﻋﺪﻳﻞ
ﺣﺼﻞ ﻛﻠﻤﺖ ﻣﻮﺝ ﺍﻟﻨﻴﻞ
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺑﺪﻭﻥ ﺗﻬﺪﻱ ﺍﻟﻠﻴﺎﻟﻲ ﺩﻟﻴﻞ
ﺣﺼﻞ ﺳﺎﻫﺮﺗﺔ ﺍﻧﺖ ﺑﺮﺍﻙ
ﺗﻌﺎﻳﻦ ﻟﻲ ﺧﻴﺎﻝ ﺟﻮﺍﻙ
ﻭﻟﻤﺎ ﺗﺴﺎﻣﺮﻭ ﻳﻀﺤﻚ ﻟﻴﻚ
ﻭﺗﺒﻜﻲ ﺗﻼﻗﻲ ﻳﺒﻜﻲ ﻣﻌﺎﻙ
ﺣﺼﻞ ﻋﺎﻳﻨﺘﻪ ﻝ ﺫﺍﺗﻚ
ﺣﺼﻞ ﺣﺴﺖ ﻣﺮﺍﻓﺊ ﺍﻟﺸﻮﻕ
ﻭﻟﻮ ﻟﻲ ﻟﺤﻈﺔ ﻭﺟﻌﺎﺗﻚ
ﺣﺼﻞ ﻋﻀﻴﺖ ﺃﻧﺎﻣﻞ ﺍﻟﺒﻮﺡ
ﻋﺸﺎﻥ ﺧﺎﻃﺮ ﺣﻨﻴﻦ ﻓﺎﺗﻚ
ﺣﺼﻞ ﺟﺮﺑﺖ ﻟﺤﺲ ﺍﻟﻜﻮﻉ
ﺣﺼﻞ ﺿﻐﻀﻐﺖ ﺍﻫﺎﺗﻚ
ﻟﻘﻴﺖ ﻣﻦ ﻛﻞ ﺁﻫﺔ ﺩﻣﻮﻉ
ﺣﺼﻞ ﺷﺪﻳﺖ ﺧﻴﺎﻟﻚ ﻳﻮﻡ
ﻋﻠﻰ ﺿﻲ ﺍﻷﻣﺎﻧﻲ ﺷﻤﻮﻉ

الزول إن أبــــاك من غير سبب جليهو
أمسح إسمو من قلبك و ما تأسف تاني عليهو
شتتو في الخلا وخللي الهبوب تزريهو
جامل اليجاملك و ذيد في الحنان أديهو

بي زيارتك
الفنان الذري/ ابراهيم عوض

ﺑﻰ ﺯﻳﺎﺭﺗﻚ ﺑﻴﺘﻨﺎ ﻧﻮّﺭ
ﻭﺍﻟﻠﻪ ﻧﻮّﺭ
ﻛﻠﻪ ﺯﻳﻨﻪ
ﺟﺎﺗﻨﺎ ﺑﺴﻤﻪ ﻓﺎﻳﺤﻪ ﻧﺴﻤﻪ
ﻫﻤﺴﻪ ﺣﻠﻮﻩ ﻓﻰ ﻋﻨﻴﻨﺎ
ﻭﺍﻟﻠﻪ ﺳﻤﺤﻪ
ﻟﻮﻧﺎ ﻗﻤﺤﻪ
ﻋﺎﺩ ﺧﺪﻭﺩﻩ ﻳﺎ ﺣﻼﺗﻦ ﺑﻰ ﺣﻨﻴﻨﺎ
ﻳﺎ ﺣﻼﺗﻪ ﺧﺼﻠﻪ ﺗﺎﻳﻪ
ﻭﻣﺮﻩ ﺳﺎﺭﺣﻪ
ﻭﻣﺮﻩ ﻧﺎﺯﻟﻪ ﻓﻮﻕ ﺟﺒﻴﻨﺎ
ﺑﻴﺘﻨﺎ ﻧﻮّﺭ .. .ﺑﻴﺘﻨﺎ ﻧﻮّﺭ
ﺩﺍﺭﻧﺎ ﺃﺻﺒﺢ ﻟﻴﻜﻰ ﺩﺍﺭ
ﻓﻰ ﺑﻌﺎﺩﻙ ﻛﻢ ﺗﻌﺒﻨﺎ ﻭﻛﻢ ﺷﻘﻴﻨﺎ
ﺷﻮﻓﻰ ﻛﻴﻒ ﻟﻬﻔﺘﻨﺎ ﺑﺎﻳﻨﻪ
ﻳﺎ ﺣﻼﺗﻚ ﺑﻰ ﻣﺸﺎﻋﺮﻙ ﺗﺤﺘﻮﻳﻨﺎ
ﺗﺴﻌﺪﻳﻨﺎ
ﺗﺤﻜﻰ ﻟﻴﻨﺎ
ﻛﻴﻒ ﺑﺪﻳﻨﺎ ﻭﻛﻴﻒ ﻣﺸﻴﻨﺎ
ﺧﻄﻮﻩ ﺧﻄﻮﻩ
ﺃﺣﻠﻰ ﻏﻨﻮﻩ
ﻗﺼﻪ ﻳﺮﻭﻯ ﺍﻟﺸﻮﻕ ﺳﻨﻴﻨﺎ
ﺑﻴﺘﻨﺎ ﻧﻮّﺭ .. .ﺑﻴﺘﻨﺎ ﻧﻮّﺭ
ﺇﻧﺘﻰ ﺭﺳﻤﻚ ﻓﻰ ﻗﻠﻴﺒﻨﺎ
ﺣﺎﺷﺎ ﻏﻴﺮﻙ ﻣﺎ ﻋﺮﻓﻨﺎ ﻭﻣﺎ ﻫﻮﻳﻨﺎ
ﺳﻴﺒﻰ ﻗﻠﺒﻚ ﺑﺲ ﻣﻌﺎﻧﺎ
ﻭﺃﻋﺰﺭﻳﻨﺎ ﺇﺣﻨﺎ ﻟﺴﺎ ﻣﺎ ﺭﻭﻳﻨﺎ
ﻧﻈﺮﺍﺕ ﻋﻴﻮﻧﻚ
ﻓﻴﻬﺎ ﻧﺴﺮﺡ
ﻭﻟﻴﻬﺎ ﻧﺸﺮﺡ
ﻛﻞ ﻫﻮﺍﻧﺎ ﻭﻣﺎ ﻋﻠﻴﻨﺎ
ﻛﻢ ﺣﻠﻔﻨﺎ ﻧﻌﻴﺶ ﻧﺤﺒﻚ
ﻳﺎﻣﺎ ﺣﺒﻚ ﺯﺍﺩ ﻋﻤﺮﻧﺎ ﺍﻟﺒﺎﻗﻰ ﻟﻴﻨﺎ
ﺑﻴﺘﻨﺎ ﻧﻮّﺭ

بخاف
حسن السر

بخاف أسال عليك الناس

وسر الريده بينا يذيع

بخاف أكثر كمان ياغالي

من إيديّ إنت تضيع

وأعيش بعدك حياتي جفاف

آه مواسم ريده بينا مافي ربيع

بخاف يا إنت لوجيتك

ألملم في خطاوي الشوق

وأزور بيتك

يقولو عليّ حبيتك

بخاف لوبرضي غبت عليك

تقول نسيت وجافيتك

بَهـِم لو صدفه لاقيتك

درب حِـِلـِّتنا جابك يوم

تشيل ياروحي ترمي اللوم

عليّ وتزيد همومي هموم

تقول جافيك وأنا نسيتك ؟؟؟

أريت تعرف

حنيني إليك ياريتك

كمان تعرف

لحد وين بعزك

وفي أعماقي حسيتك

ياريت انت تعرف

ياريت انت تعرف

وبس خايف إذا جيتك

حكاية الريده تمشي تذيع

ومن إيديَّ إنت تضيع

وأعيش بعدك آه حياتي جفاف

مواسم ريده مافي ربيع