الحيرني ماشي معاها سالت مني
حياها حماها هو الخلاها ما تسالني
حفيقة بريدا ما بكذب عليها بغني
بس والله في التلفون بتخجل مني

أقـــــدار
كلمات الشاعر / الصـادق اليـاس
غناء الفنان / مجذوب أونسة

أقـدار يانـور عينيّ
أنا كنت فاكرك ليّ
ماكنت متصــور
يوم أجيك مغلـوب
شايل جــرح دنياى
من زول أكان محبـوب
الدنيـا ياما توري
والدهـر ياما يقري
لمن تفــوت إنت
حبيبي يا إنت
فى الدنيا بس شن ليّ ؟
أنا كنت فاكرك لى
ناسى الزمن وأحكامو
هم البريد فى يوم
مابدور يشوف قدامـو
تاريهو الزمن بيفرقني
منك بعيد يحرمني
يظلم سنينا السمحة
تنسى العذاب البى
صبر السنين الكان
حاضننو فى الأعماق
كم بغرو منو الناس
بقى للعزول حـراق
أكان خـلاص مليتو
قلبى الحنين خليتو
مجبور أسامحك أنـا
وأمسح دمـوع عينيى
أنا ما بلومك إنت
ما بعاتبك إنت
مهما الدمـوع تتحـدّر
تغلبنى غصباً عنى
البينا أكبر وأكبر
من قلبى ليك بتمنى
تسـعد دوام تتهنى
باكر تبـارك ليّ
الحنة فى إيديّا
أقدار يانور عينيى
يالكنت فاكرك لي

رسائل
الشاعر : الصادق إلياس

من طرف الحبيب جات أغرب رسائل
يحكي عتابو فيها وقال ناسنو قايل
ياما قال حكاوي ما خطرت ببالي
قال في كل كلمة إني جفيت وسالي
ما ناسيك والله ذكراك شاغلا بالي
لو في كل لحظة لو تعلم بحالي
لو أنسا ك إنت
اكون غدار وخنت
أسأل عني غيري
واحكم في مصيري
ياما تشوف دلايل
ياما قال كلام ما لي دخل بيه
إني بروح لى غيرو بهوى وبصطفيه
لالا والف لالا ده حبك عشت بيه
ان شاء الله حياتي تفنى لو فكرت فيه
بدل أشواق ومحنه ترسل لي مظنة
كلام يجرح شعوري وما يريح ضميري
من زول عنه سائل

هدي بي ياشوق هدي
كلمات : الاستاذ الصادق الياس
الحان وغناء الفنان صلاح ابن الباديه
...............................................
هدى بى ياشوقى هدى
هدى بى قبال تعدي
انت ماملزمنى حدى
بس تشيل فوقى وتودي
ماكفايه الغيبه دى
الفيها كملت الخطاوى
ولا الدروب الطايله ديك
اصلى عاد ماكنت ناوي
ده المقدر مابيديه
اصلو كان مكتوب على
نمشي خلفك يا اراده
بس مكان ماتودي ودي
شوف عجايب الدنيا
كيف وكيف بقيت بتحملا
بى اوامر الشوق رضينا
واصلو لازم نقبلا
سوقي ياحنيه سوقي
سوي زى ماتسوي فوقي
يلا ياسكتنا عدى اصلو
مابي الشوق يعدي
نحن شانك يامحنه
نرضى مجبورين نطاوعك
ونفرش الازهار دروبك
والمصير رضيان يبايعك
اى سكه نواصلا لم بكرة نحصلا
يلا روح ياشوقنا عدى
روح مكان ماتودي ودي

سمير العواطف
محمد بشير عتيق

يا جميل بي صراحه غيرك مافي راحه
انت سمير عواطفي وانت طبيب جراحه

غيرك مافي راحه يا منقذ حياتي ويا راحه وصراحه
ان اوفيت ميعادي او رمت ابتعادي
كل جميل خلافك صرت اشوفه عادي
وفي داخل فؤادي
ليك قاعه براحا وليك غرفه عياده
مكتب واستراحه
******
انواع المحاسن يا رمز الملاحه
فيك لاقت نجاحا
في روحك لطافه وفي ادبك ثقافه
وفي عقلك رجاحا
(سماعتك) في ايدك
يشتاق ليها جيدك
واترابك تريدك
بقدومك فراحا
ياكوكب مساها يا زينه صباحا

ﻗﺼﺔ ﺍﻟﺮﻳﺪ ﺍﻟﻘﺪﻳﻤﻪ
ﻛﻠﻤﺎﺕ ﺍﻟﺸﺎﻋﺮﺓ ﺍﻣﻨﺔ ﺧﻴﺮﻱ
ﻏﻨﺎﺀ ﺍﻟﻤﺒﺪﻉ : ﻣﺤﻤﻮﺩ ﻋﻠﻲ ﺍﻟﺤﺎﺝ
ﻗﺼﺔ .. ﺍﻟﺮﻳﺪ .. ﺍﻟﻘﺪﻳﻤﻪ
ﺑﺴﺄﻟﻮﻧﻲ ﻋﻠﻴﻬﺎ .. ﺩﻳﻤﻪ
ﻭ ﻛﻞ ﻣﺎ ﺣﺎﻭﻟﺖ ﺃﻧﺴﻰ
ﺻﺤﻮﺍ ﺫﻛﺮﺍﻫﺎ ﺍﻷﻟﻴﻤﻪ
>< >< >< >< ><
ﺇﻳﻪ ﺗﻘﻮﻝ .. ﺑﺎﻟﻠﻪ ﻓﻜﺮ
ﺣﺒﻴﺒﻲ ﻟﻮ ﺳﺄﻟﻮﻙ ﺇﻧﺖ
ﻛﻴﻒ ﺑﻌﺪ .. ﻗﻤﺔ ﻫﻨﺎﻧﺎ
ﻫﺎﻥ ﻋﻠﻴﻚ ﺍﻟﺮﻳﺪ ﻭ ﻫﻨﺖ
ﻣﺎ ﻏﺮﻳﺒﺔ .. ﺣﺘﻘﻮﻝ ﻋﻠﻲ
ﺇﻧﻲ ﻏﺪﺍﺭ ... ﻭﺇﻧﻲ ﺧﻨﺖ
ﻭ ﺑﺮﺿﻮ ﻣﺎ ﺑﺘﻘﺪﺭ ﺗﺼﺪﻕ
ﺇﻧﺖ ﻓﻲ ... ﺃﻋﻤﺎﻗﻲ ﻛﻨﺖ
ﺳﻴﺒﻬﺎ ... ﻗﺼﺔ ﺭﻳﺪ ﻭﻟﺖ
ﻭ ﺍﻷﻳﺎﻡ .. ﻳﺎ ﻧﺎﺱ ﻛﻔﻴﻠﻪ
>< >< >< >< ><
ﻟﻮ ﺑﻔﻴﺪ .. ﺍﻟﻤﺎﺿﻲ ﺣﺴﺮﺓ
ﻛﻨﺖ .. ﺃﻧﺪﻡ ... ﻛﻞ ﻟﻴﻠﺔ
ﻳﺎﻣﺎ ﻧﺎﺱ .. ﻛﺎﻳﺴﻴﻦ ﻭﻓﺎﻳﺎ
ﺳﺎﻣﻴﻪ ﺃﻏﺮﺍﺿﻬﻢ .... ﻧﺒﻴﻠﻪ
ﻭ ﻟﺴﻪ ﻓﻲ ﺣﺪﻗﺎﺕ ﻋﻴﻮﻧﻲ
ﺃﺣﻀﻦ .. ﺍﻵﻣﺎﻝ .. ﻭ ﺃﺷﻴﻼ
>< >< >< >< >< ><
ﻛﻨﺖ ﻣﺎ .. ﺳﺎﺋﻞ .... ﻭﺭﺍﻙ
ﻋﻦ ﺷﺒﺎﺑﻲ .. ﻭﻋﻦ ﻣﺼﻴﺮﻱ
ﻣﺎ ﺑﻘﻴﺖ ..... ﺯﻱ ﺍﻟﻔﺮﺍﺷﻪ
ﻭ ﺇﻫﺘﺪﻳﺖ .. ﻟﻲ ﺯﻫﺮﻩ ﻏﻴﺮﻱ
ﻳﺎ ﺧﺴﺎﺭﺓ ..... ﻛﺴﺮﺕ ﻗﻠﺒﻲ
ﺷﻔﺖ ﻓﻴﻚ ..ﺃﻣﻠﻲ ﻭﻣﺼﻴﺮﻱ
ﺇﻧﺖ .. ﺣﺒﻴﺖ ... ﺍﻟﻤﻈﺎﻫﺮ
ﻭ ﺣﺒﻲ .. ﻣﻦ ﺁﺧﺮ .. ﺿﻤﻴﺮﻱ
.

قدلت كاحلة العين المحن وصافا
سدرة منتهاي تعجب جميع من طافا
الزّود وحيحي وطاق عليّ شحتافا
شميت العبق من فر كليتا وشافا

قمر السبعتين التما فايتة مسافة
عاجزات الحروف قصرن علي انصافا
غير الحشمة والذوق الاجل ولطافا
برضو عليها خفة روح ونور وظرافة

انا يا السر سواد الليل علي اتكافا
حسب بصري للنجم البعيد اتخافا
مهرة ود مرين اللي السبيب نسافا
غير عينيها ماظنيت اطيب واتعافا

عيني السهر يا صاحبي زاد إتلافا
ديمة الشوق موالف ذكرتا واطيافا
كان بلقي الاشم الفوقو قلبو الطافا
بهجم دكة المالك الحسوس واتلافا

غمض عيني كان ليهو الغميد اتلافا
علا أجفاني يا السر التغمد عافا
العين شوفا بطفش او يجيبلو شنافا
لكن القلب بي الريدة هسع شافا

مهرة ود علي الفي الحلبة كلو بخافا
فارع طولا ليلاً فوق قفاها إتكافا
غير الحشمة والذوق الأجل وقيافة
فايتة الدر تلمع وسر نقوش ولصافا

مرو عليا فوق الشوق ليالي عجافا
الا الطيف بصبّر لي الحنين ونشافا
ان قال القدير النون تلاصق كافا
بتجرع اكيد بقة عسل بي كنافة

عيني السهر يا خلي زاد إضعافا
من السعرو فاق اللؤلؤة واصدافا
الليها العشوق شان القرب اتنافا
عندها اصلو ممنوع الحلول انصافا

بت عز الرجال اهل البلد واشرافا
ست واجبات مغرّق في الكرم مغرافا
عيون أماتا لي الود والحنان مزرافة
من جودا الكتير شاكين كتار اسرافا

أوعة تقـولي يا المبروك مضمـر هافة
والا تقول وهيطة وفارعة مالية اردافا
قول لي بت بلد وارثة العهود واعرافا
راسية اديبة فاهمة وللضيوف مضيافة

ياالجاهلة المتل فرع الآراك بتميسي
منك كلو طول سهري وكتر حسيسي
شفتك واقفة عند ترزي البنات بتقيسي
كفلك بي المتر الا الخصر فد سيسي

عينك فيها سحرأ حير الشايفنو
جهجه لي البعاد والقربولك جنو
في عالم هواك الزيي مابتهنو
قاعدين فوق جمر مابذحو ابدأ منو

دقات قلبى على خطوتك موزونه
ادعج فمو داكن والشلع في سنونه
اطعنت بى سهام ريدك المسنونه
حياتي وموتي بوصالك بقت مرهونه

مجادعات شعريه

محمد احمد بابكر طه قال:-
رقابت المتيرب وارضو فود مو جفاف
وهوابت البطارد بالعلو ابقفاف
ديفت الجدد النزله وبيتو خفاف
دورها مقنع الريف والمعاها عفاف

عبدالله حمد الٓ كجامه قال:-

جمالك ك المشارق والجسم شفاف
لهجك حالي والدم في الوريد بنشاف
من لحظات كواحلو ومن خيالو الطاف
قول للعمده جهز لي سميك ازعاف

العمده حمد محمد حامد قال:-

وجهك ك القمر شق النجوم لصاف
فواطرك ك البروق وجاجه خلقه نضاف
بسهر للصباح يا كاملة الاوصاف
بصطاد في ما لقيت زيك ماف

جابر حران امير الباديه قال:-

اسمح من عيونك في الوجود ما انشاف
قوامك معتدل هيبه وضمير وارداف
التبري البوج خلف القزاز لصاف
بشبه لي خدودن نشفني نشاف

ربيع احمد (ربيع الدنيا) قال:-

جمالك جنن العاشقك واصبح جاف
وعارف انو زي جيدك معدم وماف
وحات اسم الله يا المقسومه من الهاف
من ما شفت شخصك قلبي غيرك عاف

والي الدين الدود قال:-

حرة نسب اهلك عزاز اشراف
ايدك عينه دونها المراعي جفاف
دوفك عالي متل رماية المقداف
ديسك ضلو هضلل رامي في الاكتاف

مجادعات شعريه

الامير جابر حران قال:

سماحك مو متل باقي البنات تلفيق
وصيطك مو نقل كمره وغني وتصفيق
يا بريريبت الحمر ام سوادق وزيق
ريدك سوا في الشراين ضيق

الهندي خيرالله قال:

من فرق ام غرامن في حشاي بعيق
حالتي تحنن العدو والعليا شفيق
اقيم الليل مساهر وجسمي باقي حريق
بقيت للسقده والقمري البقوقي رفيق

عبدالله حمد ود كجامه قال:

غرام الكشمو نور في الاماسي بريق
سهد عيني والقوقاي بقالي رفيق
زولآ جمالو طبيعه وحاشه مو تلفيق
بقيت من حُبو متل النمله ساعة الضيق

و طه النور قال:

مريوتي ام حسارن خلي ريقي دقيق
الغنا والنميم فوق غيرها تب ما بليق
عوك يا ود بساطي الاسمك الصديق
علي حال المكتف ودخلو التحقيق

عندها بسمه بتنور ظلام الليل
وعندها لجنه اطعم من عجو القنديل
عندها هاف و حزة جيد و موج النيل
ضميرأ رق وعندها برضو ردف الخيل
..

الي عناية الخالة حليمة
ست الشاي
يجدك بخير
ست الشاي الخالة حليمة
كيف اصبحتي ؟
وكيفنك ؟
ياشقيانا وقلبك صافي
يا العلمتي اجيال .العزة
يا البتعولي الشافع الحافي
ياااا ضكرانة
المولي يساعدك
سيد الرزق المابقول مافي
ست البيت ....يا مرق البيت
ياااا دغرية
سلام
وعوااافي
امس المغرب
قالوا تعبتي
كرعيك ماتن وراسك لفة
وات بتلملمي في عدودك
دايرة تحصلي ..بص ..اللفة
اتزكرتي رسوم الجامعة
قلم الطيب
جزمة طه
ولبس الشفا
ملاح البيت الراجلو .اتوفي
وكرعيك
ماااااتن
هم العيشة الهدد حيلك
هم الشافعة البتناديلك
هم البلد المو راتيلك
ياعطشانة وتحتك نيلك
يا عريانة منو البكسيلك ؟
يا ضلمانة ومات قنديلك
يا عدمانة المولي وكيلك
وريك قاااااااااااااعد
أكدي ربك ماناسيلك .ومايجيني شيوعي في الخاص
انا بكره ماركس ابوكم زاتو
الجنيات ياخالة زباينك
كتر خيرن شالوك يمة
لقطوا
لموا وتموا الناقصة
صحيتي لقيتي
درب فيك جاري
ودمعك جاري
وعقلك جاري
المستشفي ااخالة تجاري
المستشفي الدفع اجباري
وجاء الدكتور مقطوع الطاري
ما متعلم لكن قارئ
مااظن ضاق المشي كداري
ومااظنيت اندقة وحاتك
فوق السمحة اللونا سماري
ولا اظن جرب شقل المونة
ومااظن غنا مع الطمباري
ولا اظن شدة اب زبدا قاطع
ومااظن صوقر في الجراري
ناس .........وجامعة داعش
ود البيت الحرسوا سواري
نوع اللين ماهو الاخششن
ود الحوش اب عيشة بااااسطة
نوع الماسح راسو ووشو
وال بيسالمك كيف .يااارسطة ؟
نوع البنسي الشاش في بطنك
نوع الخشة الطب بالواسطة
شافك وفحصك
وصنقع ودنقر
ولم اتاكد دافعة رسموك ؟
قال الخالة دي عندها حمي
تعبت ساي والنفس انخمي
قال ترتاحي ولازمك جمة
الا المتلك كيف بنجمي ؟؟؟؟
وكيف برتاحوا النارن حية ؟؟؟
وكيف يرتاحوا الراحو ضحية ؟؟؟
ضحية .......ضحية ....ضحية
بين تجار السوق الاسود ؟
وبين عرمان .والمصلحجية
السكنوا فنادق لندن وموسكو
الربوا ......كروش
السرقوا ........قروش
الاكلوا عرقنا .مرايس وجن
وبيرة
وويسكي
وماكنتوش
الداسوا الناس تحت البرطوش
ديل الخلوا بلدنا .يدوووووش
وهسي ااخالة سلام وعوافي
وبكرة صباح .ان ما لاقيتك ؟؟
يافي الحوش
ولا كمان بنكون في الحوش

وكيف امسيتي يا الانا قلبي فيكي مكسر ؟؟
اليوم عدي كيفن ؟ ما يكون اتعسر !!
انا بعدك يمين فوقي الخلق تتحسر ..
(الجاي) و (المفارق) بيهو ما بتأثر ..

يا سرب الحمام ودي السلام للوالده
قولها عيني لحساب النجيمات جارده
نـار أشواقي تـلسع مـا بتـهجد بارده
غير ما اشوفك أأ بتتلم جفوني الشارده
....
وياوالده العلي مابنشكي بنزيد همك
قاسيه السكه للبعشق سلامك وضمك
أمي الاغلى من الروح و بنعش شمك
تاعسه حظوظي لكن إن حيينا بلمك

ﻛــﻞ ﻟﺤــــﻈﻪ ﺑـــﺪﻭﻧﻚ ﺍﻧــﺖ
ﺗﺒﻘــﻲ ﺍﺻــــﻶ ﻣــــﺎﺳﻌــﻴﺪﺓ
ﻛــﻞ ﺛــﺎﻧﻴﺔ ﺑـــﺪﻭﻥ ﻋﻴـــﻮﻧـﻚ
ﺣــﺎﻟﻒ ﺍﺑـــــﺪﺁ ﻣـــﺎﺍﻋـــﻴﺸﻪ
ﻛﻞ ﺩﻗﻴــﻘﻪ ﺑــﺪﻭﻥ ﻭﺟــﻮﺩﻙ
ﻟﺴﻪ ﺭﺍﺟﻴــــﻚ ﺷــــﺎﻥ ﺗﻌﻴـﺪﻩ
ﻭﻛﻞ ﻳﻮﻡ ﺍﻧـﺎ ﺷﻮﻗــﻲ ﺑﻜﺒـــﺮ
ﻭﺯﻛﺮﻳــﺎﺗﻲ ﻣﻌــﺎﻙ ﺟـــﺪﻳـﺪﻩ
ﺍﻧﺖ ﺣـــﺎﻭﻝ ﻣــــﺮﻩ ﺍﺭﺣــــﻞ
ﻭﺷﻮﻓﻨﻲ ﻛﻴﻒ ﺍﺷﻘﻲ ﻭﺍﻋﺎﻧﻲ
ﻭﺩﻧﻴــــﺎ ﻟــﻮ ﻣـــﺎﻓﻴﻬﺎ ﺍﻧـــــﺖ
ﺗﺒــــﻘﻲ ﻋﺪﻣــﺎﻧﺔ ﺍﻟﻤﻌــــﺎﻧﻲ
ﻭﻗـﻠﺒﻲ ﻣـﻦ ﺩﻭﻥ ﻣﺎﻳﺸــﻮﻓـﻚ
ﺍﻓــــﺘﻘﺪ ﻃـــﻌﻢ ﺍﻻﻣـــــــﺎﻧﻲ
ﻟﻮ ﺗﻐﻴـﺐ ﺍﻧـــﺎ ﻗﻠﺒــﻲ ﺑﺤـــﺰﻥ
ﻣــﺎﺑﺤــﺲ ﺑﺎﺍﻟﻔﺮﺣــﻪ ﺗـــﺎﻧﻲ
ﺍﻭﻉ ﻳﻐـــــﺮﻧﻚ ﻋــــﻮﺍﻃﻔــﻚ
ﻟﻲ ﻫـﻮﺍﻱ ﻣﺎﺗﺴﻴﺐ ﻣﺴـــﺎﺣﻪ
ﻭﻻ ﻳــــﻐـــﺮﻭﻙ ﺍﻟﻌــــــﻮﺍﺯﻝ
ﻳـﺎﺣـﺒﻴﺐ ﺧــــﺎﻳﻒ ﺻــــﺮﺍﺣـﻪ
ﻣﻦ ﻓﺮﺍﻗـــﻚ ﺣﺎﻟﺘـــﻲ ﺻﻌﺒـﺖ
ﻣﺎﻟﻘﻴﺖ ﻓـــﻲ ﺍﻟﺪﻧﻴـــﺎ ﺭﺍﺣــــﻪ
ﺍﺻــﻠﻲ ﺟـﺪ ﻣﺸﺘﺎﻕ ﺍﺷـﻮﻓــﻚ
ﻳــــﺎﻏﻠـﻂ ﺩﻧﻴـــﺎﻱ ﻭﺻــــﺎﺣﻪ
____________________

الخلت جهنم في القلب....... مشتعله
‎واحد في السماحه ان رايقه وان منفعله
‎خلاف الحيره والدهشه وسماحة الزعله
‎عندها ضحكه ....منها والرفيق اﻻعلي

رسائل ست الدار بت احمد جابر

للزين ودحامد

محمد الحسن حسن سالم (حميد )



( جواب أول )



باسم الحاضر والمستقبل

ست الدار بت أحمد قالت :

ليك يا الزين ود حامد شوقنا

أما بعد ،

المبعوتة المنك .. وصلت

ورُح فكيت الطلب الفوقنا

باقي الدين يا الزين خلصتو

قدر الفاضل .. مصروف راشد والتومات

والجايات من جاي .. لا جاي

زي ما قت لك قبال ده

شهر إتنين حا نطهر راشد

شهر إتنين المدرسة تأجز

الله يبعد العارضي تجينا

وراشد حالف ما يطهر

إلا أبوهو وعمتو تحضر

وإلا يجيبو الغنايين

شان الشوق بت سرنا ترقص

قلنا نجيب المداحين

طنطن .. أنا جاي من الحج

وعارف راشد لما يطنطن

كل الدنيا الفيي تطنطن

غايتو بشر .. بس ربو يهون

ما كلمتك بالتومات

أول البارح جني يرطنن

قالن نحنا الخواجات

بسم الله .. مرق حصلت

لقيت لك جعفر زارد البيت بالخواجات

يبقى حداشر وخواجية

ناس البلد الكسرو عليهن

صدو يقلبو في إيديهن

عدمانين من إسم حكيم

ولا خبيراً للمشروع

علماء آثار .. فضلت في آثار

ما خموها الجونا قبلكن

شن خلولنا بلا حجار

الله يصرف الخواجات

بينات جعفر والمحجوب

والمحجوب والخواجات

طقت حجي .. العمدة طفاها

باقي الناس الجات للفرجي

قنبو قيلو شبعو لحوم ..

والخواجة يصور ساكت

ستة خرفن وتيس ما كفن

ستة خرفن في فد يوم

المعدوم أشكال وألوان

أي خدار في اليوم داك في

كملن رف كمين دكان

أول كفو الخواجات

بعدو العمدة وصمد الساقية

ناس المجلس والمشروع

بعدو الطلبة وباقي الناس

حتى الشفع والحروم

ستة خرفن وتيس إنصفن

ستة خرفن في فد يوم

جات من صالح بت كلتوم

تسكت تخبز طول اليوم

لمن حرقت الدولاب

قنبت المسكينة تدعي

الله يصرف الخواجات

غاية الليلة السقا يشولق

واطات الله دي ست رشاها

ما في غنوتاً ما غناها

ما في مدحتاً ما سواها

حمارو صبح لحق أمات طه

سب الدين والأمريكان

جنس بدع

زولك ده يحير

عند الجد كان أده ينقنق

عند الفارغة يشيل ويبعزق

إذكرت كلامك ليا ..

إنو في ناس لاعبين بالدين

وناس لاعبابا الأمريكان

الله يصرف الأمريكان

الله يصرف الصرفيكان

ما خلوني نشدتك منك

كيفن حالك والخرتوم

كيف المصنع والعمال

حالم لسع نفس الحال ؟

وما رقوك سووك باشكاتب ؟

يورينا الله زيادة الراتب

كيف الناس والحالة عموم ؟

والعزابة الكحيانين

سيد البيت عل ما زكاكم

لسع تقعو تقومو براكم ؟

قلبي معاكم

ربي يخدر عود ضرعاتكم

بالي معاك يا الزين ود حامد

بالي هناك والشوق الشوق

خلى شدير الجوف محروق

راجي مطيرة الزين ود حامد

نحنا نصاحاً زي واطاتنا

نحنا نصاح إلا القراص والتجار

والحاصل البحصل كل صباح

شتلاتك قبضن

الحملان كبرن بلحيل

العضمين الروكة إنزرعن

اوعك تشفق من تالانا

ولا نبقالك مشغولية

زيك واحد مستورين

وما ناسين المسئولية

هي يا الزين زغرد

بت ام زين جابت لها بت

ستة أولاد حتان البت

المحجوب ينشد من خبرك

شافعو محسب من يومين

التومات طيبات ونصاح

إلا غباش بلحيل آ الزين

راشد كرر .. شهر اتنين

كان ما جيت أنا ما بطهر

الله يبعد العارضي تعال

كان فد دور يدوك يا تعال

كان بالخصم إن شاء الله تعال

وما تتوصى .. وداعة الله

أوعى البشغل والعربات

والحيكومة السمها فاير



أم أولادك ست الدار بت أحمد جابر



ست الدار بت أحمد كيفك

جاني جوابك مفتوح شارع

جاني جوابك

وانا بتذكر في ناس راشد والتومات

في الشتلات والحالة عموم

ناس حلتنا التحت .. الفوق

الليهم الله وعيشة السوق

جاني جوابك وانا بتصور

في المشروع وعمايل جعفر

ولما بكيت .. يا ست الدار

أيوة بكيت .. يا ست الدار

لما قريت علماء آثار

علماء إيه يا بت الناس

سواح إيه .. ما عندك راس

ست الدار تتوهدبي ليه

ديلا جماعة السي آي إيه

تعرفي إيه السي آي إيه ؟؟

امريكان في كل مكان

ديل مالين الدنيا ملي

ديل قالين الخلق قلي

باسم الدين والأمريكان

أي عوج مبدي ومختوم

صوتنا هناك وهنا مكتوم

ومافي فرق في الوقت الراهن

بين واشنطن والخرطوم

أنا مأزوم .. مأزوم .. مأزوم

يا خرطوم وينك وينك

يا خرطوم شن شبّ وقلبك وسلبك

حلبك ؟ زنجك ؟ بجتك ؟ نوبتك ؟ عربك ؟

أنا مأزوم .. مأزوم .. مأزوم

يا خرطوم أزمني الصلبك فوق الطلحة الأمريكية

يا خرطوم .. أوه خرطوم .. أوه واشنطوم

طن .. لفتك فجراً يقطع رحطك

ست الدار سامعاني

يا اخيتي ومرتي وامي وأم الكل

أنا بندهلك من شارع الله

فوقي هجير والتحتي بقل

سبي معايا الشردو راجلك

والحرمونا شوية الضل

سبي الحالة العالة علينا

حتى احكيلك بالتفصيل

حاصل الحاصل يا بت أحمد

جاني وفد في المصنع زاير

وكان الوفد ده أمريكاني

لفّ وفات اليوم التاني

جانا مدير المصنع فاير

وشو حمار العمدة العاير

نف المصنع فيهو خساير

وقالوا يخفضوا مئتين عامل

مئتي عامل في فد مرة

مائتين عامل .. مائتين عامل

يبقوا هوامل .. يبقوا هوامل ؟؟

ما يهموش .. الهم المصنع

تفّ قراروا وفات في حالو

مسئولين ونقابيين مافي العارض واللا اترجى