اسمر جميل عاجبني لونه
وكحل سواد الليل عيونه
تعال يا أسمر
فريد يا أسمر

عالي النخيل ما ضقنا تمره
اسمر جميل ما حن عمره
جسمي العليل استحلى جمره
شرع الغرام طائع لأمره

تعال يا اسمر
حبيب يا أسمر

أسمر جميل فوق في سماه
كل الخلوق ترقب ضياه
سهم اللحاظ ساعة رماه
صاب القليب سالت دماه

تعال يا اسمر
فريد يا اسمر

أسمر جميل فتان بريده
كل الخلوق تتمنى ريده
فن الدلال يا ناس بجيده
عقد القلوب منظوم في جيده

أسمر جميل بادي الوسامة
كل الجمال وجهو ابتسامة
فوق الخديد عاجباني شامة
من العيون الله السلامة
سلامة يا أسمر
تعال يا أسمر
حبيب يا أسمر
أسمر جميل عاجبني لونو
كحل السواد الليل عيونو

خلينى اشوفك ثانيه
قبال ماتزول الفانيه
وعيونى تكون بيك هانيه
انا لى شوفتك غاليه
جنه وقطوفك دانيه
وسيوف الحاظك رانيه
تهزم اعداك فى ثانيه
مابتطفى دموعى الهاميه
من قلبى النار الحاميه
اسهام عينيك متراميه
فوق جوفى جروحآ داميه
بروق الغيم المتباريه
ك بسيمك لى متواريه
آسد الغابات الضاريه
من سيف عينيك متضاره
فى خديدك بسمه وباديه
وزهوات ايامنا الناديه
وطريه مشيتك عاديه
وقامتك بتميل متهاديه
حمامة الايك الشاديه
بزكرتك متناديه
هوتنى الروح الهاديه
السايده حضور والباديه
لو شافتك عينى الشاهيه
متطبق وفادع الباهيه
ايامى بتصبح زاهيه
والعازل يغورفى داهيه

أنا ما بقطف زهورك
بس بعاين بعيوني
يا الغصن في نهورك
يا البدر في خدورك
مترقب ظهورك
أتأمل في محاسنك
واتمتع بي مناظرك
وأتوسع في فنوني
أعايني تفسيرك
وما بشكي لي غيرك
أضناني تفكيرك

يا الرمز حيرني
وهواكا صيرني
أتحدا العزلوني
لازلت مأسورك
ما قادر أزورك
ملأ العيون نورك
كشف الظلام بسمك
وتجلا لي رسمك
شخصك ملا عيوني

لعبت بي دورك
وسبحت في بحورك
أصبحت مسحورك
عرفت أوزانك
وعزفت ألحانك
آهات تواليني
يا العالي موهوبك
يا الراقي اسلوبك
الناس ينسوبك
يا العالي تعليمك
أنا من مظاليمك
إيه ذنبي وريني
يا حبيبي

زوولة جميلة من شافا القلب حباها
ملكت زاتي واحتلت دواخلي معاها
صحيح هي العزبتني وضوقتني شقاها
الا هي برضو ما بتكمل سعادي براها

ساكنة دواخلي لاكن دار سكونها بعيدا
كيف انساها والبال كل دقيقة يعيدة
الشالت من غزال القوز عيونة وجيدة
كل مناي بس ايدي تشابك ايدا

طير القمري ما قالو الخبر بجيبو
ما عندك خبر زولا مخاصمو حبيبو
هاك دي رسالة لي زول في الصلاة بلاهيبو
اما الكاتمو رب القدرة هو الداريبو


ضيف جديد

بتمناكي لو كان التمني بجيبك
تبقي نصيبي في الدنيا واكون في نصيبك
لو سأت طروفي ورودتني اسيبك
حالف كان ابيع ممنوع اجيبك اجيبك

ريدي انا ليك يا ست الخمار المعني
ريد افضلي موت لو ما لقيتك يعني
من ما شفتا رمشك من بعيد لوعني
البعي ساكت يلبعني البلا الليلبعني

الازمنتا محكوم بي التابد اسيبا
كان بسمت مجاملة اخير كتير من غيرا
الفي الدولة خانت ابوها رتبة كبيرة
دي حراسا ناس الدعم السريع وابو طيرة
✨✨

افكارى تايهه من أوصاف عديدة
ظهرت بى قوافي وفنون جديدة
*****
تطربني القمارى في غصنك نشيده
يا الحزت المحاسن يا المنية الوحيده
أنا يا نور عيوني محبتي ليك أكيده
يا الصاين جمالك حسادك تكيده
****
قربك لي سعادة وشوفتك لي مفيده
بشكي ليك حظوظي وظروفي العنيده
يا الناعسات عيونك لي عينا سهيده
بى حالي وسهادي نجوم الليل شهيده
*****
يا حبيب انت جافى نيراني بتزيده
شايل قلبي عندك والروح انت سيده
يا عقد الجواهر يا معنى القصيده
تضرب بى سهامك أرواحنا وتصيده
****
حبك يا حبيبي أصبح لي فريضه
في وصفك مكمل في ذاتك فريده
انت سلبت روحي وأنا روحك بريده
شفنا الصيده عارت من جيدك وريده
****
الروح تهوى ذاتك يا حبيب وأنت عيده
البدرين تهابك من حسنك بعيده
نظراتك دواى وما منظور تعيده
لو طيفك يزورني دى الليلة السعيده

مشاهدة "التومات = الفنان صديق احمد = الفنان عبد الرحمن عبد الله" على YouTube
https://youtu.be/RVwZTTwXUXM

النص الأصلي للقصيدة كما نشره صديقي محمد الحسين الحسن
"إننى أعتذر"
النسخة الكاملة

حبيبة عمرى تفشى الخبر وذاع وعم القرى والحضر
وكنت أقمت عليه الحصون وخبأته من فضول البشر
صنعت له من فؤادى المهاد ووسدته كبدى المنفطر
ومن نور عينى نسجت الدثار ووشيته بنفيس الدرر
وغطيته وحرقت البخور حواليه حتى هدا واستقر
ورقيته من عيون الحسود ووقيته من سهام القدر
ومن حوله قد شبكت الضلوع فنام عزيزاً شديد الخفر
وقد كنت أعلم أن العيون تقول الكثير المثير الخطر
فعلمتها كيف تخفى الحنين تواريه خلف ستار الحذر
فما همسته لأذن النسيم ولا وشوشته لضوء القمر
وما كان يا أخت حتى لعينيك أن تعرفا سره المستتر
ولكن برغمى تفشى الخبر وذاع وعمّ القرى والحضر
تجمع حتى أزاح السدود وأعمل فى القيد حتى انكسر
حبيبة قلبى وهل كان ذنبى إذا كنت يوماً نسيت الحذر
انا شاعر لا أجيد السكوت وقلبى ضعيف رهيف الجدر
إذا داعبته العيون تداعى وإن دغدغته الشجون انفجر
تجرع من صمته الكأس مراً وذاق من الكبرياء الأمر
ففى ذات يوم شحيح النسيم كثير الغيوم طويل العمر
ذكرت مكاناً عزيزاً علىّ وانت به - وأنا - والأخر
ووجهك يحكى جمال الحياة وطهر السمات وسحر القمر
ذكرتك يا أخت بين الدموع ونار الضلوع وخوف السفر
ذكرت عيونك ذات البريق الذى يتلألأ مثل الدرر
ذكرت حديثك ذاك الخجول وصوتك ينساب منه الخفر
تقولين؟...ماذا تقولين؟ ويحى وهل كنت أفهم حرفاً يمر
فصوتك كان يهدهد روحى ويحملنى بجناح أغر
يحلق بى حيث لا أمنيات تخيب ولا كائنات تمر
ذكرت أصابعك العابثات بلاشىء إلّا قلوب البشر
وهوّمت حتى تبدّى أمامى ظلام كئيب كثيف الستر
وقفت عليه أدق الجدار فما لان هوناً ولم ينشطر
وعدت تذكرت أن هواك حرام على قلبى المنكسر
فهاجت شجونى وفاضت عيونى وسحّت بدمع يحاكى المطر
ودمع الرجال إذا تعرفين يهد الجبال إذا ما انهمر
وما كان لى غير شعرى مواس يخفف من ألمى المستعر
بثثت به بعض ما قد عرانى وحمّلته حبى المستتر
سكبت عليه فيوض هيامى وأودعته سرى المدّخر
وما كنت أنوى أقول الكثير ولكن تسرب حتى انتشر
وعمّ القصيدة ما كنت أخفى وضمخها بشذاك العطر
حياتى برغمى تفشى الخبر وذاع وعمّ القرى والحضر
تجمع حتى أزاح السدود وأعمل فى القيد حتى انكسر
وكنت أقمت عليه الحصون وخباته من فضول البشر
حبيبة قلبى وهل كان ذنبى إذا كنت يوماً نسيت الحذر
أنا شاعر لا أجيد السكوت وقلبى ضعيف رهيف الجدر
إذا داعبته العيون تداعى وإن دغدغته الشجون انفجر

سمحه سماحت الخيل والدهب والماس
راقيه وزوق حشيمه ومرهفت أحساس
وصفها فى البنات ماشفته ليهو قياس
فاهن زاكى معسول منتقى اوناس

حبيبي الروح بالروح....
السر دوليب
الفنان / عثمان حسين
***
لو قلتو حبيبي سلانى .... ودع حبه ونسانى
ما بصدقكم .......!! دا حبيبى الروح بالروح
انا عارف حبه إلى ..... دارى بعطفه على
نسانى غرامى البيا .... قاسمنى الليالى الهنيا
ضم الفؤاد ذكراها ..... أزكى الخيال معناها
ولو قلتو حبيبى سلانى .......... ما بصدقكم !!
**
غرامنا اسمى غرام ..... ما بطوله أى حسو
زايد مع الايام ....... وتصونه أغلى عهود
حبيبى العهود راعيها ... مهما الزمن طال بيها
لو قلتو لى ناسيها ............... ما بصدقكم !!
***
خلاص اتجمعوا القلبين ... خلاص اتوحدو الأملين

وأصبحنا رغم البين ...... روح واحدة في جسدين
مهما تقولو ظلمنى ...... مهما تقولوا هجرني
لو باع لحبى خدعنى ........... ما بصدقكم !!
دا حبيبى الروح بالروح

نسمة في الروح

يا أيها الانسان سلامتك: فينا لا زالت بخير ... عافيَتك كيف؟! "عافية ليك الابتسامة" -سامع الناس المطايبين- قالوا: وزعت السلامة ... على المسافرين ياهو بالصِّح؟! وللا كان الممشى أعوج ... -و انت خابْر الاستقامة- ... عَدَلتو باللين؟! . .... ... علة .. بتْروح (ما اندفق حنّ منّك .. إلا كناية عن حب وللا دمعة .. سقاية للطين) نسمة في الروح رايحة في النوح زي عرفتها .. جاية مرسال زي .. خبر ضالّ التقول حافظلك القول جيت أردّلو .. راح كلامي .. .. -أتمّو بعدين- هسه كيفن؟! فرحتك في السجدة كيف إن؟ شايف آذان في جبينك قالّلي: .. "صلّى الفجْر حاضر" حدّثك لَيّ؟! -داير أنَظِّر -... قلت ليهم .. حادْثَتَك شوق في الصباح اليشبه الليل كنت رامي الخطوة لــ فوق إلا لكن المسافة ... قرّبت ليك الوصول و بعّدت درب المقابر قالّلي: .. "-وصّف! .. يبقى ما هو! - زي حنين في جيب .. مسافر؟!" .. قلت ليهم : .. "•يشبه الكون .. حبّو مطلوق و قلبو مطبوق في الدفاتر •'أسمح' اللون .. 'فاقع' الذوق .. سرّو في الغيب .. (ما لفح خبر الدكاكين اليَوَنِّسبو البنابر) •أنسو في "سفرو" و "إذا في" وصلو محفوظ لو يجافي سالمو .. يفردلك جناحو السلام: في كفو "طاير" وللا راكّي على كلامو وادعو .. تتذكّر سلامو بسيط .. إذا قال .. و انت تسمع صمتو 'ملفوظ' خفيف .. ولو زادت رياحو (حنينو .. كأنو مقطوع في التذاكر) " قاللي: .. ياااااا هو انتهى القول.. جاتنا سيرتك دعوة للحب قلنا : آميييييين ..

معاذ عوض ❤

فدَّعِ الصِّبا فلقدْ عداكَ زمانُهُ
وازهَدْ فعُمرُكَ مرَّ منهُ الأطيَـبُ

ذهبَ الشبابُ فما له منْ عودةٍ
وأتَى المشيبُ فأينَ منهُ المَهربُ

دَعْ عنكَ ما قد كانَ في زمنِ الصِّبا
واذكُر ذنوبَكَ وابِكها يـا مُذنـبُ

واذكرْ مناقشةَ الحسابِ فإنه
لابَـدَّ يُحصي ما جنيتَ ويَكتُبُ

لم ينسَـهُ الملَكـانِ حيـنَ نسيتَـهُ
بـل أثبتـاهُ وأنـتَ لاهٍ تلعـبُ

والرُّوحُ فيكَ وديعـةٌ أودعتَهـا
ستَردُّها بالرغمِ منكَ وتُسلَـبُ

وغرورُ دنيـاكَ التي تسعى لها
دارٌ حقيقتُهـا متـاعٌ يذهـبُ

والليلُ فاعلـمْ والنهـارُ كلاهمـا
أنفاسُنـا فيهـا تُعـدُّ وتُحسـبُ

وجميعُ مـا خلَّفتَـهُ وجمعتَـهُ
حقاً يَقيناً بعـدَ موتِـكَ يُنهـبُ

تَبَّـاً لـدارٍ لا يـدومُ نعيمُهـا
ومَشيدُها عمّا قليـلٍ يَـخـربُ

فاسمعْ هُديـتَ نصيحةً أولاكَها
بَـرٌّ نَصـوحٌ للأنـامِ مُجـرِّبُ

صَحِبَ الزَّمانَ وأهلَه مُستبصراً
ورأى الأمورَ بما تؤوبُ وتَعقُبُ

لا تأمَنِ الدَّهـرَ فإنـهُ
مـا زالَ قِدْمـاً للرِّجـالِ يُـؤدِّبُ

وعواقِبُ الأيامِ في غَصَّاتِهـا
مَضَضٌ يُـذَلُّ لهُ الأعزُّ الأنْجَـبْ

فعليكَ تقوى اللهِ فالزمْهـا تفـزْ
إنّّ التَّقـيَّ هـوَ البَهـيُّ الأهيَـبُ

واعملْ بطاعتِهِ تنلْ منـهُ الرِّضـا
إن المطيـعَ لـهُ لديـهِ مُقـرَّبُ

واقنعْ ففي بعضِ القناعةِ راحةٌ
واليأسُ ممّا فاتَ فهوَ المَطْلـبُ

فإذا طَمِعتَ كُسيتَ ثوبَ مذلَّةٍ
فلقدْ كُسيَ ثوبَ المَذلَّةِ أشعبُ

وابـدأْ عَـدوَّكَ بالتحيّـةِ ولتَكُـنْ
منـهُ زمانَـكَ خائفـاً تتـرقَّـبُ

واحـذرهُ إن لاقيتَـهُ مُتَبَسِّمـاً
فالليثُ يبدو نابُـهُ إذْ يغْـضَـبُ

إنَّ العدوُّ وإنْ تقادَمَ عهـدُهُ
فالحقدُ باقٍ في الصُّدورِ مُغَّيبُ

وإذا الصَّديـقٌ لقيتَـهُ مُتملِّقـاً
فهـوَ العـدوُّ وحـقُّـهُ يُتجـنَّـبُ

لا خيرَ في ودِّ امـريءٍ مُتملِّـقٍ
حُلـوِ اللسـانِ وقلبـهُ يتلهَّـبُ

يلقاكَ يحلفُ أنـه بـكَ واثـقٌ
وإذا تـوارَى عنكَ فهوَ العقرَبُ

يُعطيكَ من طَرَفِ اللِّسانِ حلاوةً
ويَروغُ منكَ كمـا يـروغُ الثّعلـبُ

وَصِلِ الكرامَ وإنْ رموكَ بجفوةٍ
فالصفحُ عنهمْ بالتَّجاوزِ أصـوَبُ

واخترْ قرينَكَ واصطنعهُ تفاخراً
إنَّ القريـنَ إلى المُقارنِ يُنسبُ

واخفضْ جناحَكَ للأقاربِ كُلِّهـمْ
بتذلُّـلٍ واسمـحْ لهـمْ إن أذنبوا

ودعِ الكَذوبَ فلا يكُنْ لكَ صاحباً
إنَّ الكذوبَ يشيـنُ حُـراً يَصحبُ

وزنِ الكلامَ إذا نطقـتَ ولا تكـنْ
ثرثـارةً فـي كـلِّ نـادٍ تخطُـبُ

واحفظْ لسانَكَ واحترزْ من لفظِهِ
فالمرءُ يَسلَـمُ باللسانِ ويُعطَبُ

والسِّرُّ فاكتمهُ ولا تنطُـقْ بـهِ
إنَّ الزجاجةَ كسرُها لا يُشعَبُ

وكذاكَ سرُّ المرءِ إنْ لـمْ يُطوهِ
نشرتْـهُ ألسنـةٌ تزيـدُ وتكـذِبُ

لا تحرِصَنْ فالحِرصُ ليسَ بزائدٍ
في الرِّزقِ
بل يشقى الحريصُ ويتعبُ

ويظلُّ ملهوفـاً يـرومُ تحيّـلاً
والـرِّزقُ ليسَ بحيلةٍ يُستجلَبُ

كم عاجزٍ في الناسِ يأتي رزقُهُ
رغَـداً ويُحـرَمُ كَيِّـسٌ ويُخيَّـبُ

وارعَ الأمانةَ * والخيانةَ فاجتنبْ
واعدِلْ ولاتظلمْ يَطبْ لكَ مكسبُ

وإذا أصابكَ نكبةٌ فاصبـرْ لهـا
مـن ذا رأيـتَ مسلَّماً لا يُنْكبُ

وإذا رُميتَ من الزمانِ بريبـةٍ
أو نالكَ الأمـرُ الأشقُّ الأصعبُ

فاضرعْ لربّك إنه أدنى لمنْ
يدعوهُ من حبلِ الوريدِ وأقربُ

كُنْ ما استطعتَ عن الأنامِ بمعزِلٍ
إنَّ الكثيرَ من الوَرَى لا يُصحبُ

واحذرْ مُصاحبةَ اللئيم فإنّهُ
يُعدي كما يُعدي الصحيحَ الأجربُ

واحذرْ من المظلومِ سَهماً صائباً
واعلـمْ بـأنَّ دعـاءَهُ لا يُحجَـبُ

وإذا رأيتَ الرِّزقَ عَزَّ ببلـدةٍ
وخشيتَ فيها أن يضيقَ المذهبُ

فارحلْ فأرضُ اللهِ واسعةَ الفَضَا
طولاً وعَرضاً شرقُهـا والمغرِبُ

فلقدْ نصحتُكَ إنْ قبلتَ نصيحتي
فالنُّصحُ أغلى ما يُباعُ ويُوهَـبُ ؛؛؛؛

صالح عبدالقدوس

منـــاحـــة (الواعي ما بوصـوه)
شــاعرتها (بت مسيمس)
الفنان / بادي محمد الطيب.

الواعي ما بوصوه من أمس الضحى
تورى أب قرون ساقوه يا مقنع ولياتو
الواعي ما بوصوه الفتح الدرب خلى العريب يمشوه
************
غنيت بجيب مسدار
المكنه بتكاكى جنك مدافع النار
يا قصر الرجال اللي الفقر عصار
يا قصر الفراسه اللي الضلع كسار
يا نار الزبل الما بندركلك حال
يا رحل الكحل لا بتنزاح ولا بتندار
عوج الطنضبه الما بتعدلو النار
درعولو أم خريز العسكر الزنهار
مأمن بالقماحه اتقدلت ليك برجال
***********
الليله عليك غنيت
بلع الألف كلو قال ولا استكفيت
يوم جوك للحرب لا سخيت ولا ضليت
صامت بالقماحه أتفرشت واتغطيت
دا تور الجواميس العليهو الرك
دا عقد الحديد لى الحلبى ما بنفك
دا سم الغدور الفى الحلق عشرق
منو غيرك دق فى الحراجه مدافع الحق
***********
الليله عليك غنيت يا مطرق الجراح
قلت ليهم عشارى مسكو يفوح
ما ختف البدينقا وما جفل مجروح
بلع الألف كلو درب الجبين مطروح
جابوك بى أم خريز الزدخانه تفوح
سيفك بشيل الفقر ومعاها ملاح المخ
***********
من كوجه وكجيج لي عند بلاد العين
جابونا الضحى في مركز الكامنين
الأهبل يقول أدوه عشره سنين
والعاقل يقول حكموا عليهو بسنتين
وكتا جانا الجنا الطبق الجنيه في أتنين
كملت العمد والمشايخه وحلانين
********
ابشر يا صقر ما تكتر الحلقان
تأكل ليك مطايبا ما لحم سخلان
تأكل في المطايب ما لحم عيران
تأكل في المطايب فوق ضهر سلطان
تتغدى وتفوت كبده وكلا ومصران
شن منك نقول لامات عقيد مرجان
********
تكلم يا لساني تكلم المنطوق
عن مدافع الحق الفى مشيها بروق
قال قاسم اليمين كان اليمين مطلوق
زى كاسر الأسود ما بشنقوه في السوق

شـــرح للكلمــات :
يا نار الزبل الما بندركلك حال:
نار الزبالة حيث أنها لاتنطفئ بسهولة وتكون متقدة لفترة طويلة ...
يا رحل الكحل لا بتنزاح ولا بتندار :
الرحل هو ما يحمل على ظهر البعير من قفاف وغيرها أو هو مكيال حمل جمل ....
والكحل وزنه ثقيل جد ويصعب رفعه عل ظهر البعير إذا امتلا به الرحل
قالت الشاعرة ...
الليلة الأسد الجاي من جبال الفيل ...... بشمشم بيكوس بيسأل من العنتيل
يا رحل الكحل الديمه وزنو تقيل ...... يا جدري الشمومه الزول تشقو عديل
عوج الطُنضبه الما بتعدلو النار :
طنضب هو الطندب وهو شجر أعواده قوية .... ودائما تعرض الأعواد المعوجه إلى
النار لتعديلها حتى تكون مستوية ولكن عوج الطندب لا تؤثر فيه النار ......
درعولو أم خريز بأم عسكرا زنهار :
أم خريز هى حبل المشنقة وزنهار اى منتبه وواقف زنهار اى واقف انتباه ... قال المغنى ... واقف زنهار ياعلى ... فارس حار يا على
وتقصد بت مسيمس إن من نصب المشنقة هم العسكر المنظمين ...
يا جدري النزيله الفرزولو البيت :
جدري النزيلة : النزيلة هي التي تنزل بالناس قال احدهم ... يا جدري النزيله اللي جلود رشاح ..
الفرزولو البيت : قديما كان كل من يصاب بالجدري يعزل في بيت بعيد عن
القرية حتى لا تنتقل منه العدوى للآخرين .. ولقد وصف الرحالة لويس
بوركهارت عزل المصابين بالجدري في بيوت بعيدة عن قرى النيل في شمال
السودان وكان ذلك إبان زيارته سنة 1812 م....
الحراجه : سوق الحراج أو سوق المزاد والدلالة قال الشكرى ... الما اتلتلت
في سوق الحراج مجلوبه ... الجدير بالذكر إن ود حبوبه شنق في السوق ....
قلت ليهم عشارى مسكو يفوح
ما ختف البدينقا وما جفل مجروح
العشارى : هو التمساح
بدينقه : نوع من حراب الصيد يستعمله صائدو التماسيح يربط طرفه بحبل أو خيط
قوى قال احدهم ( نفسك مسك الخطف البدينقه وفات ) والخطف البدينقه كناية عن
التمساح .. وتقول بت مسيمس إن ود حبوبه أقوى من التمساح حيث انه لم يخطف
البدينقه ويهرب .

هاشم صديق

يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار

وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلاك نور بِسْطَع
ولا فرحاً يسوقنى يطوف

الحيرني ماشي معاها سالت مني
حياها حماها هو الخلاها ما تسالني
حفيقة بريدا ما بكذب عليها بغني
بس والله في التلفون بتخجل مني

أقـــــدار
كلمات الشاعر / الصـادق اليـاس
غناء الفنان / مجذوب أونسة

أقـدار يانـور عينيّ
أنا كنت فاكرك ليّ
ماكنت متصــور
يوم أجيك مغلـوب
شايل جــرح دنياى
من زول أكان محبـوب
الدنيـا ياما توري
والدهـر ياما يقري
لمن تفــوت إنت
حبيبي يا إنت
فى الدنيا بس شن ليّ ؟
أنا كنت فاكرك لى
ناسى الزمن وأحكامو
هم البريد فى يوم
مابدور يشوف قدامـو
تاريهو الزمن بيفرقني
منك بعيد يحرمني
يظلم سنينا السمحة
تنسى العذاب البى
صبر السنين الكان
حاضننو فى الأعماق
كم بغرو منو الناس
بقى للعزول حـراق
أكان خـلاص مليتو
قلبى الحنين خليتو
مجبور أسامحك أنـا
وأمسح دمـوع عينيى
أنا ما بلومك إنت
ما بعاتبك إنت
مهما الدمـوع تتحـدّر
تغلبنى غصباً عنى
البينا أكبر وأكبر
من قلبى ليك بتمنى
تسـعد دوام تتهنى
باكر تبـارك ليّ
الحنة فى إيديّا
أقدار يانور عينيى
يالكنت فاكرك لي

رسائل
الشاعر : الصادق إلياس

من طرف الحبيب جات أغرب رسائل
يحكي عتابو فيها وقال ناسنو قايل
ياما قال حكاوي ما خطرت ببالي
قال في كل كلمة إني جفيت وسالي
ما ناسيك والله ذكراك شاغلا بالي
لو في كل لحظة لو تعلم بحالي
لو أنسا ك إنت
اكون غدار وخنت
أسأل عني غيري
واحكم في مصيري
ياما تشوف دلايل
ياما قال كلام ما لي دخل بيه
إني بروح لى غيرو بهوى وبصطفيه
لالا والف لالا ده حبك عشت بيه
ان شاء الله حياتي تفنى لو فكرت فيه
بدل أشواق ومحنه ترسل لي مظنة
كلام يجرح شعوري وما يريح ضميري
من زول عنه سائل

هدي بي ياشوق هدي
كلمات : الاستاذ الصادق الياس
الحان وغناء الفنان صلاح ابن الباديه
...............................................
هدى بى ياشوقى هدى
هدى بى قبال تعدي
انت ماملزمنى حدى
بس تشيل فوقى وتودي
ماكفايه الغيبه دى
الفيها كملت الخطاوى
ولا الدروب الطايله ديك
اصلى عاد ماكنت ناوي
ده المقدر مابيديه
اصلو كان مكتوب على
نمشي خلفك يا اراده
بس مكان ماتودي ودي
شوف عجايب الدنيا
كيف وكيف بقيت بتحملا
بى اوامر الشوق رضينا
واصلو لازم نقبلا
سوقي ياحنيه سوقي
سوي زى ماتسوي فوقي
يلا ياسكتنا عدى اصلو
مابي الشوق يعدي
نحن شانك يامحنه
نرضى مجبورين نطاوعك
ونفرش الازهار دروبك
والمصير رضيان يبايعك
اى سكه نواصلا لم بكرة نحصلا
يلا روح ياشوقنا عدى
روح مكان ماتودي ودي

سمير العواطف
محمد بشير عتيق

يا جميل بي صراحه غيرك مافي راحه
انت سمير عواطفي وانت طبيب جراحه

غيرك مافي راحه يا منقذ حياتي ويا راحه وصراحه
ان اوفيت ميعادي او رمت ابتعادي
كل جميل خلافك صرت اشوفه عادي
وفي داخل فؤادي
ليك قاعه براحا وليك غرفه عياده
مكتب واستراحه
******
انواع المحاسن يا رمز الملاحه
فيك لاقت نجاحا
في روحك لطافه وفي ادبك ثقافه
وفي عقلك رجاحا
(سماعتك) في ايدك
يشتاق ليها جيدك
واترابك تريدك
بقدومك فراحا
ياكوكب مساها يا زينه صباحا