يا نغم جوف الربابه
يا صدى الصوت الحنين
يا حنان حرف الكتابه
وبهجة القلب الحزين

ممــا تتطلـي فـي قــــدلـة بشــاش الكسـبـو
بحس بي حاجة في قلبـي بتدور تخفسبـو
ريـدك نحـن. فـي حـياة تانـــية بنأســسـبو
وبــكاد اجزملـك انــي. بعـــيشـا متنفـسبــو

محــتاج انـي اكــون. متضـاري من العيـــــن
ومحتاج انســا. جرحي ودشدشات البيــــــن
محتاج اعـرف الناس وانو قاعــــد ويــــــــن
ومحتاج شان اعيش بينن سعيد قلبـيـــــــن


محـتاج امـشـي واتونــس مسافة طويـلـــة
ومحــتـاج الهمـوم الفــوقي كــلهـا ازيــلــــة
محـتاج بيـت أســسو بـــي مبادي نبيــلـــة
ومحــتاج زوجــة اخلاقـا وصفاتا جميـلــة


محتاج امشـي بيـت الله الحرام بي حجـة
ومحتاج في فرحـي وافراح المعاي انزجـة
محتـــاج لي قمم ذاتي وحروفي الوجة
ومـحتاج فوق ميــامي وسنغفـورة الهجـة


محتـاج. من بواطن الظلمة اقوم وانشب
ومــحتاج العــراقل الفينــي يـــقعـن رب
محــتاج فـــــوقي فالا من كريــم يــنكـب
ومحتاج برضـو ذي الناس احب واتحــب

من روائع ود عبشبيش الكبير .... المصدر اخوي المبدع حمدالنيل ابوشولة

{{1}}
من جبل الدبيب وسقتهن بالطافر
وختيت فوق سراديبن صليب الكافر
ابراس وأمو والمخصوله بت النافر
ديل في إبلي إغفرلي الكريم الغافر

{{2}}
كسبنا وسيقنا من بيلا وجبال المتنى
والدرب كلو زعزعناهو بي دهمتنا
الفزع البلم فينا وبدور هزمتنا
مو عارفنا شيل فال الكتال قسمتنا

{{3}}
أمسى الليله داخل الحد وقاطع النقره
كايس كل ممنوعآ بزيل الفقرة
لقي مقصودو في الدايرو وسلم من زقره
بقي فوق زندو ودتركة جمال أب عقره

{{4}}
ياطراد هنون وحش البطانه الدشر
دومك ساح وخرزك من خبيرتك كشر
علي الجراحو من ساير الحديث بتنشر
رف يامقدر العقبه النقيب أتوشر

{{5}}

الليل بوبا وانقطعن طناطن ناسو
وزري المولي والقرد البصك ضراسو
بكار القرقف السيدن متفف راسو
بنجيبن نقود للوجوجن خراسو

{{6}}

لي بكار البداويب المنقي نسلهن
جبال سراي شرفناها وخبرنا عدلهن
الصارعنا فوق هبر اللزره فحلهن
تنشل ايدنا كان عيل الفزع قبلهن

{{7}}

عقبن بيلا والجبل آب قرود في قفيهن
الليل بوبا والكرت حررنو مشيهن
سايقن خبير بمشي وبدابر فيهن
صناع لي قلايلا ديك بيوت مابسيهن

{{8}}

البرناوي أيس للنجيع وأطقم
أزرق حوفو من كونتيل فرنسا ملقم
كسب الشوح وقام بعد المساهر فقم
نجع الخفو دبكر وعن مناسمو مدقم

{{9}}
يالقرد التدرمس سيبو مابراوحنا
أرح ودينا لي الفيهن كتير صالحنا
إن أزيبقن مابنبقى ليهن محنا
وأن أتكدرن فوكن صقورآ طحنا

{{10}}

الليل بوبا والكرت الخبيب والنو
ركزن فوق جرانهن والهويد قدنو
الراجينا ما ظنيت نخيب ظنو
الموت لينا عزة ولومنا ما برضنو

{{11}}

واحدين كربجو فوق الطرابة ونون
وأنا قاعد بعاين في الشهور شن سون
باخد الختره دي عقب الكريم إن هون
بنطح بندر السني أبكهاربن ضون

{{12}}

ﺑﻌﺪ ﻣﺎ ﻛﻨﺎ ﻓﻲﺍﻟﻤﺴﺎﺀ ﻭﺍﻟﺼﺒﺎﺡ ﺑﻨﺸﻮﻓﻬﻦ
ﻋﺎﺩ ﻛﻴﻔﻦ ﺑﺮﺍﺭﻳﺐ ﺍﻟﻬﻮﻳﺪ ﻣﺼﺮﻭﻓﻬﻦ
ﻇﻨﻴﺖ ﺍﻟﻘﻠﻮﺏ ﺯﻳﻦ ﺇﺗﻤﻠﻦ ﺑﻲ ﺧﻮﻓﻬﻦ
ﻧﺴﻦ ﻟﻔﺨﺔ ﺍﻟﺪﺷﺮ ﺍﻟﻤﺮﺍﻗﺪﺓ ﺭﺩﻭﻓﻬﻦ

{{13}}

الليله الشهور أتواتحا بي حيلهن
عقبان جاهن الشاتي البطول ليلهن
الجنا البطرا إخياتو وبقول يا حليلهن
ما بتبع النيب السيكرن بي شيلهن

{{14}}

يالقرد التدرمس سيبو مابراوحنا
أرح ودينا للفيهن كتير صالحنا
أن أزيبقن مابنبقى ليهن محنه
وإن أتكدرآ فوقن صقورآ طحنا

{{15}}
ياعبدالرحيم ريحة الهشيب جاتنا
مابنبطل الصنعه البسوها ابواتنا
فوق البل تملي محننات درقاتنا
واليوم أب عقال بنفكوا بي ضرعاتنا

{{16}}
ماتنترني ياقبطي السجن موحاجه
يوم سايقنهن من سنجه شايلات كاجه
يوم نجلس مع السمحه المزند عاجه
شن برضيها غير البل جدية الباجه

{{17}}
يوم قالبين شديد فوق الكزازي أب دومه
يوم سايقنهن من سنجه شايلات روما
الروح مابتفارف الجته من غير يوما
ياريت كلو نسلم من فلانه ولومه

{{18}}
يوم راقدين خلا ويومآ عشانا دقيق
يومآ نكتح القنجاري فوق الريق
البنسى البنات عند الفزع والضيق
بعدين شن بقوليهن بعد مايفيق

{{19}}

الدرب أنشحط واللوس جبالو أتناطن
والبندر فوانيسو البيوقدن ماتن
يافروج هضاليم الخلا اللنجاطن
أسرع قودع أمسيت المواعيد فاتن

{{20}}
الليل بوبا والضي بالضلام أتكنت
النوم هج بعد جالسة قتيت ماغنت
ياقارح متايسة الروينه القنت
أهجم الفوق متانيها العقيق أتبنت

{{21}}

قام دود بيلا من دندر شمال واتناطه
رما شروكو غادي وكضب الختاته
وزري اب فرعه في العقبات نقايبو تلاته
عنا لي جريعة العسل اللزيزه حلاته

{{22}}

البرناوي أيس للنجيع وأتطقم
أزرق حوفو من كونتيل فرنسا ملقم
كسب الشوح وقام بعد المساهر فقم
نجع الخفو دبكر وعن مناسمو مدقم

{{23}}
قول لي ودبشير كل الحديد فارقنا
نعمن المديريه أملت في ورقنا
بعد الشمط وخمط مادللوهو درقنا
كان نثبت وأكان ننكر بقولو سرقنا

{{24}}

أخير لي رقدة في الوعرة البنتر دوده
مالا القعده في الحله الكتير مروضه
البرطمها بشبه كبدة المغدوده
عنى لي هجومها قرد بيلا المصع بالفوده

{{25}}

مالا القعدة في الحله ونسيلنا نبيشه
أخير لي رقدة الوعرة أم أسوده وهيشه
دود كيدة أب قهارتآ في البلد مافيشه
وزرو المولى وإتنين من جنين الريشه

{{26}}

ديدان كولي مابنجفل من الدهام
صناديدآ جمالنا بكسبن القدام
مابنسوق سعية جارنا بالاسهام
بلا التحت الحراسه وبردن الجمااام

{{27}}
ﺳﺮﺟﻚ ﺩﻟﻠﻮ ﻭﻣﻠﺼﻮ ﺍﻟﻘﻼﻳﺪ ﻣﻨﻚ
ﻭﺳﻴﺪﻙ ﻗﻴﺪﻭ ﺷﻚ ﻭﺇﺕ ﻓﻲ ﺍﻟﻤﺰﺍﺩ ﻣﺎﺭﻗﻨﻚ
ﺍﻟﺨﻼﻛﺎ ﺑﻲ ﺍﻟﻬﺎﺭﻱ ﺍﻟﺴﻨﻴﻦ ﺳﺎﻗﺪﻧﻚ
ﻃﺎﻝ ﺷﻮﻗﻚ ﻋﻠﻲ ﺍﻟﻌﺒﻜﻦ ﺟﻼﺩﻥ ﻭﺟﻨﻚ

{{28}}

ديدان كولي مابنسوق جمال القيد
بنسوق البتسدر في الشواقي أب صيد
الضاربه الحدود دايمآ بترعى الفيض
مابجيبوها ناس أغبش كليب البيض

{{29}}

أم أخفاف تصابحك والزمن وراك
حكم السيد مطاع ياأب رشمه وين ماساك
ياود العنانيف البيندى قفاك
وأسفاي علي شقة فريقي بلاك

دي بعد مسكوهو الانجليز وصادرو الجمل

{{30}}

ماني التندل الوسط البيوت نوام
بعنالهن صعيد بعد السحب ماقام
كان بردن بسيهن شازلي وهدام
وكان حرن بخت الشكره ما بلام

{{31}}
ﺍﺫﻛﺮ ﺟﻨﻴﻨﺎ ﺻﻢ ﻭﻋ

ﻘﺪﻭ ﺍﻟﺮﺍﻯ
ﻭﻓﻮﻕ ﺍﻟﺪﻭﻣﻮ ﻛﺐ ﺑﻜﺮﻳﺔ ﺍﻟﻘﻼﻯ
ﺍﻥ ﺑﺮﺩﻥ ﻧﺴﻴﻬﻦ ﺷﺎﺩﻟﻰ ﻭﺷﻮﺍﻯ
ﻭﺍﻥ ﺣﺮﻥ ﻧﺸﻮﻑ ﻳﺎﺗﻮ ﺍﻟﺒﻴﻌﺪﻡ ﺭﺍﻯ

{{32}}

ﻣﺎ ﻻ ﻧﻜﺒﺲ ﺍﻟﺴﺎﺣﺔ ﻭﻧﺴﻴﻨﺎ ﻣﻼﻣــﺔ
ﺃﺧﻴﺮ ﺍﻟﺨﺘﺮﺓ ﺑﺎﻟﺒﻴﺮﻕ ﺩﺭﻛﻨﺎ ﺳﻼﻣﺔ
ﺳﻮﻕ ﺃﻡ ﻗﺠﺔ ﻣﻮ ﻫﺮﻓﻰ ﻭﻛﻀﺐ ﺧﺸﺎﻣﺔ
ﺍﻧﺎ ﺃﺧﻮ ﺍﻟﺴﻤﺤﺔ ﻳﻮﻡ ﺿﺮﺏ ﺍﻟﺴﻼﺡ ﻓﻰ ﺍﻟﻬﺎﻣﺔ

{{33}}

ﺟﺎﻣﻮﺱ ﻟﺠﺔ ﺍﻟﻮﻋﺮ ﺍﻟﻐﺰﻳﺮﻩ ﻭﺷﻮﺷﻪ
ﺗﻴﺘﻞ ﻭﺍﻧﺘﻨﺐ ﻣﻨﻊ ﺍﻟﻈﻤﺎﻳﺎ ﺍﻟﺤﻮﺷﻪ
ﻳﻮﻡ ﺍﻟﻜﺮﻧﻪ ﻭﺍﻟﺨﻴﻞ ﺍﻟﺒﻘﻴﻔﻦ ﺩﻭﺷﻪ
ﻛﻢ ﻛﺴﺮ ﺳﻴﻮﻑ ﻧﻤﺮ ﺍﻟﻔﺮﻭﻉ ﺑﻲ ﻫﻮﺷﻪ

{{34}}

ﺭﺑﻴﻂ ﺍﻟﺠﻨﺎﺯﻳﺮ ﻭﺍﻟﺤﺪﻳﺪ ﻓﻲ ﺍﻳﺪﻳﻨﺎ
ﻣﺎ ﺑﺠﻴﺐ ﺭﺍﺳﻨﺎ ﻳﺎ (ﺗﻴﺮﻧﻮ) إن ﻃﺒﻘﺘﻮ ﻋﻠﻴﻨﺎ
ﺻﻨﺎﺩﻳﺪﺍ ﻧﻀﺮ وكت ﻧﻤﺪ ﺍﻳﺪﻳﻨﺎ
ﺑﺎﻟﺮﻳﻔﻲ ﺍﻟﺒﺨﻠﺺ ماهو طبره ونيه

{{35}}

ﺟﺎﻣﻮﺱ ﻟﺠﺔ ﺍﻟﻮﻋﺮ ﺍﻟﻐﺰﻳﺮﻩ ﻭﺷﻮﺷﻪ
ﺗﻴﺘﻞ ﻭﺍﻧﺘﻨﺐ ﻣﻨﻊ ﺍﻟﻈﻤﺎﻳﺎ ﺍﻟﺤﻮﺷﻪ
ﻳﻮﻡ ﺍﻟﻜﺮﻧﻪ ﻭﺍﻟﺨﻴﻞ ﺍﻟﺒﻘﻴﻔﻦ ﺩﻭﺷﻪ
ﻛﻢ ﻛﺴﺮ ﺳﻴﻮﻑ ﻧﻤﺮ ﺍﻟﻔﺮﻭﻉ ﺑﻲ ﻫﻮﺷﻪ

{{36}}
ﺭﺑﻴﻂ ﺍﻟﺠﻨﺎﺯﻳﺮ ﻭﺍﻟﺤﺪﻳﺪ ﻓﻲ ﺍﻳﺪﻳﻨﺎ
ﻣﺎ ﺑﺠﻴﺐ ﺭﺍﺳﻨﺎ ﻳﺎ (ﺗﻴﺮﻧﻮ) إن ﻃﺒﻘﺘﻮ ﻋﻠﻴﻨﺎ
ﺻﻨﺎﺩﻳﺪﺍ ﻧﻀﺮ وكت ﻧﻤﺪ ﺍﻳﺪﻳﻨﺎ
ﺑﺎﻟﺮﻳﻔﻲ ﺍﻟﺒﺨﻠﺺ ﺯﻱ ﺣﺪﻳﺪ ﺍﻟﻨﻴﻨﺔ

{{37}}

هبار الشروك الليله مابتشاور
شنحيبآ مفاسح وخبو ماهو معاور
علي نسل الهبارم ونزرة مابتتداور
رف يامقدر العقبه النهار أصاور

{{38}}
أبوك تيس قنة الوحش الهوالو مهيوي
سامع ضجة القناص وتابعو كتيوي
علي ركفة عطور شامي المشوقو خديوي
فارط باديه في كراعو العقال مو مليوي

{{39}}
قول للزاكي تفاح قنطرو العاجبنا
بنعود ردو ألمولى أن حيانا وطبنا
لي مصروفه أركز يالكزازي تعبنا
مابتتخلى عاد بعد أنهشمنا وشبنا

{{40}}
امك من نياق صالح وابوك فرنيبه
خالتك قالو غادي منسله وشنحيبه
فوسيبة جزو الوادي أب أب قفارآ سيبه
بتدانيها إيديك ياب علوقآ ويبه

{{41}}
امك في النسب تحسب مع شايبه
شنقا وتشبه ام قنفه ورقيق نايبه
الدرعا العقب كسر العهد تايبه
جبرتك علي محنن قبيل هايبه

{{42}}
قول لي أب عشه صيدآ بي القويزات شاتن
لحنو المسالسن محل ماباتن
علي النيرانو موقدات في الضمير ماماتن
امسى أب رشمه طربانآ جرايدو أتواتن

لو تعرف الشوق
انت يا المريود
كنت ما بتروح وتنساني
شلت ليك الشوق الشوق
لو بي ايديك كانت الاحلام
ما بنساها
نهجر الريده
يا حبيبي
تعال ليه بتنساني
دي اصلها الريده
في القلوب بتدوب
تفعل الجميل
قالو اهل الريد
اصلها الريده
في القلوب بدوب

ﻳﺎﺯﻭﻝ ﻳﺎﻛﻴﻒ ..
ﻳﺎﻣﻄﺮﻩ ﺗﺮﺵ
ﻓﻰ ﻋﺰ ﺍﻟﺼﻴﻒ
ﻳﺎﺭﻭﺡ ﺑﺘﻘﺶ
ﺟﻮّﺍﻯ ﺍﻟﺰﻳﻒ
ﻃﻤﻨِّﻰ ﻋﻠﻴﻚ
ﻭﺭﻳﻨﻰ ﻭﺣﺎﺗﻚ
ﻋﺎﻣﻞ ﻛﻴﻒ .. ؟
ﻓﺎﻗﺪﺍﻙ ﺍﻟﺮﻭﺡ
ﻟﻰ ﻭﻳﻦ ﻣﺎﺗﺮﻭﺡ
ﺍﻟﻘﻠﺐ ﻳﻨﻮﺡ
ﻳﺒﺮﺍﻙَ ﻣﺤﻞ ﻣﺎﺗﺮﺳﻰ ﺧﻄﺎﻙ
ﺑﻰ ﺷﻮﻕ ﻣﻔﺘﻮﺡ !!..
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ ؟؟
ﻭﺍﻧﺎ ﻣﺎﻧﺴَّﺎﻯ ..
ﺃﻧﺎ ﻛﺎﻥ ﻻﻗﻴﺘﻚ ﺁﺧﺮ ﺍﻟﻠﻴﻞ
ﺟﻮّﺍﺕ ﺍﻟﻜﺎﺱ
ﻳﻮﻡ ﻛﻨﺖ ﺑﺮﺍﻯ !!!..
ﺷﺮّﻳﺘﻮ ﻏﻨﺎﻯ
ﻗﺪّﺍﻡ ﺍﻟﺮﻳﺢ
ﺳﺎﻣﺮﻧﻰ ﺻﺪﺍﻯ
ﺑﻰ ﻋﺸﻖ ﺟﺮﻳﺢ
ﻭﺍﻟﻨﺎﺱ ﺑﺘﺼﻴﺢ
ﻓﻰ ﻳﻮﻡ ﺑﻜَّﺎﻯ !!!..
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻳﻮﻡ ﻛﺎﻥ ﺑﻴﻨﺎﺗﻨﺎ
ﺍﻟﺪﻧﻴﺎ ﺧﺮﻳﻒ
ﻭﻛﺎﻥ ﻧُﻘَّﺎﻁ ﺍﻟﻤﻄﺮﻩ
ﺧﻔﻴﻒ ..
ﻭﻛﺎﻥ ﺇﺣﺴﺎﺱ ﺍﻟﻘﻌﺪﻩ
ﻟﻄﻴﻒ ..
ﺑﺲ ﻛﺎﻥ ﻳﻮﻡ ﺑﺎﻛﺮ
ﺷﻜﻠﻮ ﻣﺨﻴﻒ ..
ﻳﺎﺯﻭﻝ ﻳﺎ ﻣﺎﺩِّﻯ ﺍﻟﺪﻧﻴﺎ ﻧﻀﺎﺭ
ﺑﻰ ﺣُﺰﻥ ﺷﻔﻴﻒ !!!..
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻭﺍﻧﺎ ﻣﺎﻧﺴَّﺎﻯ ..
ﻳﺎ ﺃﺟﻤﻞ ﻣﺎ ﻏﻨّﺎﻫﻮ ﻏﻨﺎﻯ
ﻳﺎ ﻭﻋﺪ ﺟﻤﻴﻞ
ﺇﺗﻔﻀَّﻞ ﺟﺎﻯ
ﺃﻧﺎ ﻋﺎﺯﻣﻚ ﻓﻰ ﺟﻮّﺍﻳﺎ
ﻣﻘﻴﻞ ..
ﻳﺎ ﺯﻭﻝ ﻳﺎ ﻧﻴﻞ

وهووووي يا جاهله وطيبك عبق..
سنك براقه يسوي بق..
ترنع تشبه مهر السبق..
فوق اردافه صدير إنطبق.

فرع البانه البرنع يقود..
نظم افكاري ولبسن عقود..
=
فوقك عهود..
برا، وطه، ويس، وهود..
لي شلاخك وقفن شهود..
واثمر فرعك جوز النهود..
=
جدي الخدور..
بخلاف شوفتك انا شن بدور؟..
وسطك رق وقلع الصدر..
شعرك ظلمه ومحيك بدر..
=
جدي السراح..
عقلي وفكري ونوم عيني راح..
من نغماتك ريحان وراح..
مرهم عرقك يبري الجراح..
=
عقلي انفقد..
طلق اشواقي وللنوم عقد..
خدك يلمع شلخك وقد..
فوق اردافك خصرك رقد..
=
طيبك عبق..
سنك براقه يسوي بق..
ترنع تشبه مهر السبق..
فوق اردافه صدير إنطبق..
=
حاجبك وتر.
لسهام نشاب عينك نتر..
من اردافك خصرك فتر..
ولي اقدامك شعرك ستر..
=
منع الوسان..
أفرز رمشك نشابو سان..
كيف لا اغلب زملاي لسان..
وانت تفوقي الحور الحسان..

ليه تقول ايامنا راحت وانتهينا

يا حبيبى والله كانت ديك سحابة

لوحصل فى العمر مرة وافترقنا

هى غلطة ونحن نتحمل عذابها

كنت عايش كل ايامك محنة

وانا بحرق كل عمرى فى الصبابة

يا حبيبى ليه ماتبقى حياتنا جنة

ننسى ظلم الدنيا ناخد من شبابها

نبعد الشك من قلوبنا والمظنة

ونمشى فى دروب الامانى المستطابة

لست ادرى هل عذابى ام عذابك كان اكثر

حين شق الدهر بينا والفراق المر اجبر

غير انى كنت ادرى حبى كان اكبر

فلماذا كنت تخشى انت ماضى المسير

كل واحد ليه فى تاريخه ماضى اى ماضى

ليهو ذكرى حب قديمة

وانت عارف لما اخترتك حبيبى

كان فى قلبى جرح يندى بالهزيمة

لكن انت صرت اغلى حب عندى

وكنت راضى معاى بظروفى الاليمة

وكنت راضى بالشقا البتبع خطاى

والماسى المرة فى طفولتى اليتيمة

ليه ما نتحمل ونصبر يا حبيبى

بكرة نلقى الدنيا بى خيرها ونعيمة

بلداً هيلي نا ..
دموعها .. دموعي نا ..
أساها ... أساي أنا ..
ضميرها .. ضميري نا ..
كل آمالي نا ..
السلام يملاها .. يطلع من هنا ..
والحَمَام يتشابى


 

تقدل طفلة حلوة و بين إيديها كتابا
و الحبوبة تمسح بالحنين أكوابا
و القمرية تصدح .. تستريح دبابة
و القطر القبيل يمشي و يشق الغابة
البالمبو يفتح للقلوب أبوابا
و النـُقارة ديك أم كيكي و الربٌابة


 

البلد الحنين الدرتو يمة ويابا
بين العالمين عزة وجمال ومهابة
الحزن القديم تمطر تزيلوا سحابة
لي أطفال حزاني ونازحين وغلابة


 

في العصرية شفع جارية لي العابا
والشاي في المغارب ذكريات وصبابة
أشجار التبلدي العامرا بي ترحابا
وأشجار النخيل أم خدرة خلابة


 

ناس من كل لون ..إتعمٌرت أنسابا
و النيل في الهجير ... دوٌزن وتر أعصابا
سمحة الدنيا بينا و بين إيدينا حبابا
يانا أهل بلدنا القدرتم غلابة

ضانه بيك الدنيا مالا؟
والله أصلو ياهو حال
الدنيا حالا
تبعد الناس الحبايب
ويشكو من تبريح
فعالا
ويشقو بتبريح فعالا
العمر عدت سنينو
وفي الوجوه أرخت
ظلالا
وإنتي لسه في
جمالك آاااااااااااه
رايعة
رايعة
رايعة
رايعة
رااايعة تقدلي زي
غزاله
الضفاير ليل محنه
والبسيم برقا"تلألأ
والعيون وسنااااان
رموشااااااااااااااااا
يا حليلك وإنتي مننا
ويا حليل أيام نزالا
القلوب الما بتهوم
بهواااااااااك قاصر
خيالا
والبشوف عينيك و
ويقاوم
يبقى زول مليان
بساله
إنتي قمما" لموسيقا
ما في وترا" أصلو
طالا
وإنتي مقطع في
قصيدة
مافي شاعرا" أصلو
قالا
الفراشات والأزاهر
أصلو مااااا بطول
وصالا
والهوى العشناهو
وصلو
يا جميل كان إستحاله
بعدنا الكلمه الرقيقه
النسيم في حضنو
شالا
بعدنا الريدة الأصيله
ساااااااااااااااااافرت
سافرت لمت عزالا

لوكنت ناكر للهوي

لو كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم أترجي فيك
ورينى كيف أغفر وإنت شقاى سببته بيديك
حاولت أخدع نفسي يا ظالم وأهجر حبى ليك
حاولت أمنع نفسى منك وتانى ما أمشى وأجيك
ورحلت عنك وعن ديارى وهدمت كل أمل لديك
وبرضى ماقادر لما أسيبك لما أنساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة وأشقى لما تهاتى بيك
ورينى كيف أغفر وإنت هدمت كل آمالى فيك
ما كنت قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك أجيبو
إنت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو

بدون عينيك تشيخ اوطان
وتتكاثر خلايا الهم
بدون عينيك يضيع عمري
ادوبي حزن حنيني نغم
تراني بغني وسط الناس
يشد ساعد القوافي النم
أضحك ومن وراي ممكون
وليلي بلاكِ حسرة وغم
عفاف أرجيني كان أقدر
أحلق في براحي عشم
وكيف أقدر ولا عارف
دموع عينيا هطلن كم
وكت إنهدّ صرحي وراك
جفّت في الخلايا الدم
ولسة بغني ما مليت
زادي الطيف وبينا حلم
بتسألي عن ملامحي وراك
أقولك وشن أقول تاني؟
بقيت في لجة الأشواق
براي والله وحداني
تسوقني الذكرى والكلمات
أخاف يهتزّ إيماني
أسرح بين خطوط الخوف
تبكّي رويحتي ألحاني
وأنادي عليك أقيفي شوي
عشان ماتقسى اوطاني
وتسألي إنتي عن ذاتي
وعن عمراً بلاك فاني
وسر الحزن في القسمات
رحيلك إنتِ هدّاني
كم جفت بحوري كمان
فراق النسمة بكاني
وانا القايل ح تبقي معاي
وتوهبي لي عمر تاني
بتسألوا عن مشيب الرأس؟
وخاوي بلاها وجداني !!

-

مسـكـين أنـا

فؤاد عبد الرحيم أب سير


تـغـنـى بـجـزء بـسـيـط من هـذا النص الكبير والرائـع الفنان : مصطفى مضـوى فصـار أغـنية من الأغـنيات التى عـمَّـت القـرى والحـضـر



إنسان عَـقـيـم سـتين سـنه000 إتمنى يـوم يلـد الجَّـنا
وتــم المُـنى ...
جـاب الولـد وفـرهـد كِـبـر وعُـمـرو حَـصَّــل كـم ســنه
وفـجــــــأه فـى لحـظــــة هَــنـــــا 000 مـــات الـجَّــنا
مـا أهْــــوَنـا 000 مـا أصـلـــــو غـــايـــة الحَــىْ فـَــنا
لكن أنا مأساتى أكبر بى كتيـر مِن إنو زول يفقـد ضنا
مأساتى تـكـمـن فى حـبيب مـاشـفـتـه إيــدو مـحَـنـَّنـه
والـدِبـلـه فـى إيـــدو اليـمـيـن ذهـبـيــه نايـره تـزيــنـه
ياحـليـلـو مـشـوار السـنين 000 حـليـله قـصـة حُـبـنا

بالـلــه كــيــف تـــــــانـى الـصِّــلــــــه ...
لـو فـى الـقـمـر ســاهـل عـلىَّ أنــزِّلـه ...
لـو دُرَّه فى أعـمــاق بحـر كـنــا بنغـــوص ونحـصِّـلـه
ولــــو قـــــوانـيـن كـنـــا بــنـصُــــــوغــه نـعـــــــدِّلـه
لكن حـرام000 والـحـرام مـنـو البـِحَـلـلـو غـيـر ربَّـنا
ياحـليـلـو مـشـوار الســنين000 حـليـله قـصـة حُـبـنا

شُــفـتـو الحَــبـيـب ... ؟
مـا أظـــن فـى يـــوم شُــفـتــــو الجَّـمــــال
والــــلا العـــيــون ... !
مـــا أظـــنــــــو مُــــــــرواد كـحَّـلـــــــــــه
وما شـال قـلـم لــوَّن حـواجـبـو وجـمَّـلـــه
شُــفـتــو الشــفـاه ... ؟
ما أجْـملا ... ما حِـلوه أحْـلى مِن الحَــلا
شُـفـتــو الخـُصــل لـمـا الـنسـيــم يحْـسِـــد جَـمــــالا يـبـهْـدِلـه
شُـفـتــو الصَّـدُر ياربى ألهمنى الصَّـبُـر مـوية عـيـونا منـزِّلـه
شُـفـتــو الخِـصِــر000 خــايـــف عـليـهــو أنـا يـنـكَـسِــر
زى الــســــويـس000 رابـــــط بـُـحـُـــــــور ومَــــوصِّـلــــــه
شُـفـتــو الـقِــدِيــم ... ؟
ياناس وحاة اللـه العـظيم زى إيـد عـروس ممكن تشيله تقبله
أمــا الـجَـبـيـن ...
زى القـمـر بين السِّحـاب لمن يبين ما عـقـولـنـا ياناس جَـنـنا
ياحـلـيـــلـو مـشــوار الســـنين000 حــلـيــلـه قــصـــة حُـبـنا

لـوحـــة جَـمــال فـنـان بـديــع إتـأمَّـــــلا
إحْــتـار وقـَــف000 قـــــــال الـصَّـــــلا
ألــــوان فـــرح000 مـنـظــر صــبـــاح
ما فيهــا لـكــن000 ولا حــتـى000 لا
ريحـة دعـاش زمـن الـرشـاش عَـمَّ البنادر والخـَــلا
زهـــرة قــُرُنـفــُــل000 روعــــه قـطـعـــة صـنـْـدَله
ولـو زول سأل من الأصِـل ورثة جَـمال من الجُّـدود متسلسله
ما سِـيـد بـلـد00 ماروعـه جَـد00 ماتقولو قـل هـو الـلـه حَـد
وبـعـد الـصـلاه والـنازعات والـبَـسْـمله
مــــن كُـــلْ بـَـــلا000 تـحــمِــيــهـــا يــــســــن وتـحَـصِّـنـــه
ياحـلـيــلـو مـشــوار الســـنين000 حـلـيــلـه قــصـــة حُـــبـنا

مـسـكــيـن أنـــا ...
ما رقــصَــــن أخــــواتـى الـتـقـيــــــل000 مــــا زغــْـــــرَدن
ما ربـطـوا فـى جـبـيـنى الهــلال مـا مَــسَـكَــن إيـِـدَىْ حَـــنـَّـن
ما بـشَّــروا الـشِّــبــان عَـلىْ وسْــــط الـبـنـــات الـبـرقــُصَـــن
ما جَــنْ بنــات حِـلَّـتـنا000 ما سَــوَّن دلال000 ما سَــرَّحـن
ما ضِـحْـكـَـــــن الحـلــــــــوات مـعـَــــــــاىْ وإتـْـمـَــــــايـَــلـَـن
ما جَـلـَسَـن جــــدَّاتى فـى آخــــــر الصُّـفــُـوف وإتــْـبـَــلـَّـمَــن
ما قــامــوا جُــــو يـبـاركــوا لـيـــكْ ولـى خـُــــدودِك يـقـبـِّـلـَن
ما قـالــــوا لـىْ أنـا بـيـت عِـيــال مـبــروك عـلـيــك وودَّعَـــن
ولـو أصـلــو قِـيــس مَـيِّـت كـَـمَـد والـلـهِ حـقـــو أمُــــوت أنـا
ياحـلـيــلـو مـشـوار الســـنين000 حـلـيـلـه قـصــــة حُـــبـنـا

حــا أعـيـش كـِــــــده000 إسْــمِــــــــــكْ حـــروفـــــــو أردده
حــا أعـيـش غــريب000 وأكـْـتــُـــم عـــــــواطـفـى أقـيـِّــــده
ما صـورتِكْ إنتى يا سِـت هـواى ناميه بين ضلوعى مفـرهـده
بـسـقـيـهـا من ســــايـل الـنـخـــــاع وأغــنـى لـيهــا أمَـجـِّـــده
ما روحـــى مِـلْـكَــكْ مـن ســـــنـيـن الـلـيـلـه ويـن يا سَـيــِّــده
ما حــديـثى كــان بـِتــرُد عـلـيـه الـلـيـلـه مـيـن يـسْـمَـع نـِـــدا
يـسْـرَح حـــديـثى بـعـيـد بـعـيـد يـفـتُـر يـعُــود ويـرجَــع صَــدا
لـيــه بــس نكــون كـَـبْــش الـفِـدا ...
ونـِجْـتـرَّ أحلى الذكـريات ونـعـيـده تانى نـردده000 إيـه ذنبنا
ياحـلـيــلـو مـشـوار الـســـنـيـن000 حـلـيــلـه قـصــــة حُـبـنا

يا حـلـيـلـو قـلبى الحَـطـَّمو000 أنا خـايفـو يـتـعـثـَّر يـقـيـــف
تـنــــزف دمـاهــــــو000 ياحـلـيـــلـو هـَــدَّاهـُــــــو الـنـزيـف
حـلـيــلـو أصـبــح زى يـتـيـــم قــدامـــو مـسـتـقـبــل مـخـيــف
وحْــدَه وألـَــمْ000 ولـيــالى هـَــمْ000 مـسـكــــيـن ضـعـيـف
حـلـيـلـو زى فـــلاَّح تـِعِـب ومحـصـولـــو بعــد الحُــــول تِـلِف
حـلـيــل ربـيـع أيـامـى كان000 أنـا مـا بـِقـَتْ أيــامـى صـيف
وطـلَّ الفــُـراق والفــُـراق مـا أقـْبـَحـُـو حـلـيـلـه أيـام الـولـِـف
مـا الـدنـيــا أصـلــو مَـــدَوِّره ودايــره فـى يــــوم ما بـتـقـيـف
لازم تَـلِـــف ...!!
يـَحـِـل شـِــتــَـا000 ويــَــرُوح ربـيــــع ويـجــــيـنـا صـيــــف
وتـَـزل ألـُـوف وتـَعِــز ألـُـوف مـا الـدنـيـا مابْـتـَــدِّى الحَـريـف
مـــــالـــــيــــــهــــــا لــُــــــون000 مُــــتــْــلــَــــــوِّنــَــــــــــه
ياحـلـيــلـو مـشـوار الـســنـيـن000 حـلـيــلـه قـصـــة حُــبـنـا

نـِحْـنــَــــا مـا سِــبْــنـــا الـهَـــــوى وراكَ خـَـــلـِّـيـنـا الـغــرام
الـدنـيـا مـا مِــسْـخـَـت عـلـيـنـا وكـيـف بـِتـَحْـلى مـع الألـــــم
كـُـــــلْ مـا حـــــاولـنـا نـبــــدأ نـجْــنـِى مَـحْـصُــــول الـنــــدم
وكُـلْ جـمـيـل قـِــدام عـيـــونا مَـسِـيـخ وخـَــالى مـن الطـعــم
مـا بْـنـَصَـــدِّق غِـيــر جَـمـَـالـَـك والجَّـمـــال غـيـرَك وهَــــــم
والـلـيـــــالـى بـِقــَــن طـُــــوال والـنهـــــار أصْـبـــح سَـــــأم
والـدمُـــوع بـتـسـيـل غـزيـره000 والعـيـون شِـبـْعـَـت ورَم
والـقــلـــوب لـســـــــع بـتـنـــــزف فـى أعَـــــزَّ وأغـلـــى دم
والـمـكـــــان أظـلـَــم عـلـيـنـــا000 والحُــــزن مـــلأ حَــيَّـنا
ياحـلـيــلـو مـشـوار الســــنين000 حـلـيــلـه قـصــة حُــبـنا

لـوحــــة حُـــزن رسَـمَــه القـَـدَر تـمَّـاهــا فـى يــــوم لــوَّنه
كـلـمــات أسـى صــاغـه الـزمــان غـنـَّـاهــــا قـبـــل يـلحِّـنه
غـيـمـــــــة سَـــواد تـعـلـن حَـــداد ظـلـت سـمــانــا وأرضنا
طـوفـان جَـرَاد وقـت الحَـصـاد أفـْـنى وأباد محـصـول سـنه
وقـلـبى إنـجـرح بـعــد الفـــرح ونـزيـف غــزيـر مـن دمَّــنا
مـا ده القــَـدر الـلـيـلـه إسْـتـأسَـــد ... زأر
نـسَـــــــف الـمَـضـَى وجـــــــاب الـمِـحـَـــــن والـبـشــتـنـه
ما الـدنـيـا ما بترحـم صغــيـر والـدنـيـا ما بـتـعـرف جـــنـا
ما الـدنيا كـم هـدَّت عُـروش وخـلعـت مُـلـوك من سلـطـنـه
ياحـلـيــلـو مـشـوار الســنـين000 حـلـيــله قــصـة حُـبـنا

ياحـلـيـله أيـــــام زيــارتـَــك لـمـا تـنــْــوى تـهـِـل عـلـيـنـا
وياحـلـيـلـو أجـمــــل حـــــديـث مـا حـــديـثـَــك إشـتهـيـنـا
ياحـلـيـله ضـحـكـاتـنا ديـك مـا السـنين ضِـحْـكـَت عـلـيـنـا
نـِحْــنَ ضـلـيـنـا الطــــريـق بــس طـــريـقـَـك مـا نـسـيـنـا
أصلـو كـيـف بَعـدَك نـسـيـر وإنـت كـنـتَ ســبـب مـشـيـنـا
صــدِّقـنـا جــربـنـا وفـتــــرنا وزى ســـيـادتَـك مـا لـقـيـنـا
وكـُــــلْ مـا نـَـلِــم رفـيـــــق نـبـــدأ نـنــــــدم لـيــه بــديـنـا
وكـُــــلْ زول لـمـيـنـــا راح طـبـعــــاً أشـقــــانـا وشِــقـِـيـنا
نَضـوِّى شمعـه ونطفى شمعـه وكـم وكـم شمعـات طـفـيــنا
وإيـه يـعـنى شـمـعـــه تـَضــوِّى لـيـنـا
ونـحـن كـــــان نـــــوَّرنـا الـرتـيـنــــه ...
يـاهــو حـــال الـدنيــا حــالـه كـان رضِـيـنــا وكـان أبـيـــنا
يـاهــا قـِسـمـتــنـا وقـَــدرنـا والضـيــاع مكـتـــوب عـلـيــنا
مـا خــــلاص رُبـَـانـا ضَــــلَّ كـــم وكـــم تـاهــــت سـفـيـنه
حـَــذارى تـبـكى ولــو يـفـيـــد زى بُكَــــاكَ كـتـيــر بـكـيــنا
سـيـبـنـا خـَـلـِّيـنـا فـى كُـؤوســنا عَـنـُّـو بَعـَــدك مـا وعِــينا
نـِحْــــنَ مـا أول ضـحـيــَّـــه كُـتـــــــار ضـحـــايـا عَـصْـرنا
ياحـلـيــلـو مـشـوار الســـنين000 حـلـيـله قـصــة حُــبـنا

أهـِى دى الحــيـاه .... وعـَـــزاى فـى إنهـــا دى الحــيـاه
فـَرَّقـتْـنـا فى لحظـة هَـنا.... وما كُـنا عـارفـين الظـروف
ونـعـيـش نـشـــوف ... أهـِى دى الحـيـاه
يـغــْــــــــرَق الـيـعَـــــــــــرف يَــعـُـــــــــوم
ويـرسُــــــــــب الحــاضـــــن الـكِـتــــــــاب
ويـنـجـح الـطـُـول الـسَّــنـه عــدَّاهـا نــــوم
فـى أقـفـــــاص حــــديـد أحـلى الطـيــــــور
والحُــرَّه طــــايره بــلا شُـــروط ... غـُـــربـان وبــُـــوم
وعـلى الـعُـمــــوم ... أهـِى دى الـحـــيـاه
عــــدة فـــــــروع ...
أيـــام فــــــرح 000 وأيـــام ألـَــــمْ جــــــــوَّه الضـلــوع
وأيــــام ظـــــــلام وأيـــــام مـضــيـئــــه بــــــلا شـمــوع
مـوسـم خــريـف ومحـصــول وفـــيـر وســنـيـن نـُجــوع
وبـِقـدْر مـا الإنـسـان ضِـحِـك لابـُـد يـجـى يـــوم الـدمـوع
أهِى دى الحـيـاه000 أمـانه وخِـداع000 صـدق وكـذب
نـاس بـتـفـتـكـِـر..... الـعَــتْـرَه شُــــــــــــــــوم .....
ونـاس تـقـــــول000 الـعَــتْـرَه بـتـعَـــــــدل الــــــــدَّرب
ومهما الشمس سطعـت وضـوت بالغـت برضـو بتغـيب
أصـلــــو الـريـــــاح عـكــــــس الـســفــــن لازم تهـِــب
متناقضات والـلـهِ ياسـت البنـات تغـيـيره ماهــو بيــدنا
ياحـلـيـلو مشـوار الســنين000 حـلـيـله قـصــة حُـبـنا

لكـن عـزاى بتـذكـَّرك ...... والـذكـرى أقـوى من القـدَر
بـتـذكـَّــرك فى كُــلِّ ســاعـه وكُــلُّ يـــوم طـــول العُـمُـر
كُـلُّ ما ضــــوَّت وجَـــن سـلـبـت عـقـــــول كُــلْ البـشـر
كُـلُّ ما داعـــــــــب نـسـيــــــــــم خـُصـــــــــلات شَـعــر
كُـلُّ ما ثـغـــــر إبـتـســـــم وأفـْـــرَد عَــن أسْــــنـان دُرر
كُـلُّ ما هـبـَّت ريـــاح ســاقـت سـُحـُــــب نــزلـت مـطــر
كُـلُّ ما رحَـلـَت طـيــور شـقــَّت غِــفــار عــبـرت بـحــر
كُـلُّ ما فـنـــــان تـلاعَـــــــب بـى أنـاملــــو عـلى وتـــر
كُـلُّ ما كـــــــادح شِـقـــــا وفـَـلـــح الأرض لامـن فـتـَـر
كُـلُّ ما شــــــــــــــافـِع بَـكـَـــــى ودمـعـــــــــــو إنهـمـر
كُـلُّ ما غـافِـــــــــــــل ضِـحِـــــــــــــك نـاســــى الـقــدَر
وفى اليـقـظـه والأحـــلام ولــو نـُمـتَ خـــلانِى السـهـر
بـتـــــــــذكــــــــــــــــــــرك ..... ياسِــتهـم ويـاســتـنـا
ياحـلـيـلـو مشـوار السـنين ..... حـلـيـله قـصـة حُـبـن

خدار الشافعة
الشاعر/ فؤاد عبدالرحيم
الحان واداء/ عبود تبوري


زى خدار الشافعى يوم ماشفت اخضر
والعيون انا مهما اوصفه برضو اكبر
والحكايه على العليها الزاده سكر
الطبع ممزوج خليط من ريف وبندر

انتى يااجمل كلام غنوا ويقولو
وانتى ياندرة وجود النقبولو
انتى يابسمة جنياً تمَّ حولو
وانتى يافرحة مجيرتق هزَّ بشَّر

زى جمالو دا فى الوجود يوم مارأيتو
فى الاساطير لاحكوبو ولا قريتو
فى المداين مافى فى الريف مالقيتو
فاض جمالو ولى قيوف العظمه كسَّر

الخصل ميلان قمحنا مع النسايم
والنعاس الفى عيونو وماهو نايم
البقول شاف زى دا ياناس يبقى واهم
دا اصلو اول مره فى تاريخنا يظهر

حلم المشتاق
الشاعر/ فؤاد عبدالرحيم ابو سير
اداء/ عثمان اليمني

وآسفاي.. يا.. يمه

مناي الدايرو ما تمه
ده سفرا ما نفع ضمه
اخير نرجع تلمينا
وعليك يا يمه نتلمه
جوابك جاني يا يمه
قريتو حفظتو بالكلمة
كل الفيهو فلان عرس وانجمه
وفلان ولد الجنا وسمه
وفلان ساعي البقر مرحات
زرايبو ملاني لا خشمه
فلان سافر بعد سفرك
رجع خامي القروش حزمه
وبني وخت البيوت حيشان
وآدي الخالة والعمة
كلو قريتو كلو دا عارفو يايمه
بس دايراني اعرس كيف
انا العزيل مجنني
اهدًِم كلو يوم وابنى
في ديك ما دخلت الكتاب
وحتى رماده ما فاهمه
وديكي قرايته الجامعة
انضم ليا بى قلمه
ويقولو مرة فؤاد حاكمه
وعلي ما اظن بتتلمه
ديكى قصير طبعا فتنه ياحكمة
ديك في الطول متل طولي
ومنو البمشيلا وآسجمه
وديك فصيحي لجلاجه
زي المكرفون خشمه
وديك لاقالو لاقلنا
ومابتنضم تقول بكمه
وديكي ضعيفه اعد ضلعه
وديكى من الشحم وارمه
وانا بين ديل وديل حيران
وعاد هى كبيدتى وا ورمه
مره اقول من الخرطوم
ايوه عروس من العاصمه
هي كان شفتيها يا يمه
هي ما ذي القمر لما
يظهر بينو وبين غيمه
نوره يفوق كهاربنا وجبينا ينور الظلمة
كان شفتى الشعر يمه
سواد الليل وموج النيل
وزى البان يميل جسمه
لما اقول من الخرطوم واتذكر بنات ارقي
الطالعات والنازلات
بنات العز هن احلي بنات
ديك تقدل وراء غنمه
وديك شعراً طويل وغزير
عليها هي بالغصب لامه
وتسالمك بي ادب يغريك
وطبعا هيلن الحشمة
وانا بين ديل وديل حيران
واصلوا كبيدتي وارمه
ووكتين جيتا لي عرسي
وعاد خلق الله متلمه
بداء الطنبور مع اليمني
ولي زغردتي يا يمه
رابط في جبيني هلال
ولاوي مقلوز العمة
وجلابية سكروته ومن جلد النمر جزمه
اسالم دا واضاحك داك
من الفرحه خشمى انا غالبو ينصمه
واقوم من نومي زي الجن
افتح اتاري كانحلمه