سيد خليفة " أغنية ربيع الحب"
كلمات الشاعر: ادريس جماع

فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة

اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة

غيرة ..
كلمات الشاعر: ادريس جماع


أعلى الجمال تغار منّا
ماذا علينا إذا نظرنا
هى نظرة تنسى الوقار
وتسعد الروح المعنّى
دنياى أنت وفرحتى
ومنى الفؤاد إذا تمنّى
أنت السماء بدت لنا
واستعصمت بالبعد عنا
هلا رحمت متيّما
عصفت به الأشواق وهنا
وهفت به الذكرى فطاف
مع الدجى مغنى فمغنى
هزته منك محاسن
غنّى بها لمّا تغنّى
يا شعلة طافت خواطرنا
حواليها ... وطفنا
آنست فيك قداسة
ولمست إشراقا وفنّا
ونظرت فى عينيك
آفاقا وأسرارا ومعنى
كلّم عهودا فى الصبا
و أسأل عهودا كيف كنّا
كم باللّقاء سمحت لنا
كم بالطهارة ظللتنا
ذهب الصبا بعهوده
ليت الطفولة عاودتنا

سيد خليفة " أغنية آلمني حنان"


يوم قسموك يا هم * كتبوا عليك اسمي

لو كان رووك بالدم * يا هم رووك دمي

انا لو رضيت بالهم * مابرضى بي همي

***

حباني يا أهلي * يا من تعزوني

في الدنيا خاب أملي * في حظي عزوني

أنا لو يحين أجلي * ما تبكوا هنوني

***

يوم السعادة تفوت * يا ناس تخليني

بين الحياة والموت * يا السعادة زوريني

لو أمروها بالجبروت *** السعادة ما بتجيني

سيد خليفة " أغنية أحلى غرام"

احلى غرام...واجمل هوى
لا عمرو فات ..ولا لحظه مات....ولا انتصر

احلى غرام ...واجمل هوى ...غرامــــــــــــــى
احلى غرام يا منيتى...كان لى امل كان دنيتى
انا من سنين راجيك تجى ... تملى حياتى ووحدتى

قلبى اتولد يحمل هواك
خطا هنا خفقات معـــاك
لا يوم سلاك لا قال نساك
ولا لاجأ فى الاحلام سواك
هدهدتو بى حبك سنـــيـــن
ورويتو بالشوق والحنين
سلمتو ليك وانت الامـــين
على عهد حبى وعشرتى


فى ليله ضاويه تفسض هنأ...توجنا ريدنا وحبنا
يا فرحنا...يا بهجنا..بعش السعاده تضمنـــــــــــا

سيد خليفة " انا قلبي بدق "

أنا قلبي بدق

تظلمني لي يا جميل ما ليك حق

والله ماليك حق والله ماليك حق

حن يا جميل كلم أحبابك

أنا من زمان واقف على بابك

قول لينا كلمة وأدينا نظرة

أهلك يا حبيبي أسباب غيابك

هل هم أهلك أسباب غيابك

ولا التقاليد حجبت شبابك

أهلي وأصحابي يا نور عينيا

راحو لي أهلك خطبوك ليا

أهلك يا حبيبي صعبين شوية

قالو ليهم لالا مهرك شوية

انتي زنبك ايه وأنا زنبي ايه

وجنو عليك وجنو عليا

ودا الحب لوعرفو أجمل هدية

ومهما قالو ومهما عادو

أنا أصلي ليك وانت أصلك لي

أنا قلبي بدق أنا أنا قلبي

اسالوه
اسالوه قايل الناس نسوه....

يوم سافر قطاري ....
يوم لهلبت ناري ....
يوم ودعت حبي ...
يا ناس انا دمعي جاري....


كيف قاعد مطمن ...
سحر الريم يجنن .....
ومن تاثير عيونك ....
لحياتي مامن ......

يا السمرة الحبيبة ...
يا النادية الرطيبة ....
ادوب في القصر العيني .....
وتنغزني الطبيبة .....

مهلا لا تغيري ....
انا اتقرر مصيري ......
سجنك لي يا ساحرة ....
اه لو ضاقو غيري ......

يا مسافر براك .....
كيف تنسى هواك .....
انا قلبي حباك .....
وبسافر معاك ........

شاء الهوى
كلمات ادريس جماع
لحن وأداء: سيد خليفة

شاء الهوى أم شئت أنت فمضيت في صمت مضيت
أم هز غصنك طائر غيري فطرت إليه طرت
وتركتني شبحاً أمد إليك حبي أين رحت
وغدوت كالمحموم لا أهذي بغير هواك أنت
أجر .. أفر .. أتوه .. أهرب في الزحام يضيع صوت
واضيعتي أأنا تركتك تذهبين بكل صمت
هذا أوانك يا دموعي فاظهري أين اختبأت
فإذا غفوت لكي أراك فربما في الحلم جئت
في دمعتي في آهتي في كل شيء عشت أنت
رجع الربيع وفيه شوق للحياة وما رجعت
كوني كنجم الصبح قد صدق الوعود وما صدقت
أنا في انتظارك كل يوم ها هنا في كل وقت

سيد خليفة,, اغنية,, يامسافر وناسي هواك


يا مسافر وناسي هواك

ارواحنا وقلوبنا معاك

اضناني الغرام والبين

ياروحي الفراق لمتين

قضيت عمري كلو حزين

وعايش على ذكراك

عديت انا نجوم الليل

وفي خدودي الدموع بتسيل

ويا الفارقت ارض النيل

يرعاك الاله يرعاك

طاريك للهوى وعهدو

حظي للشرود وعدو

العاشق يدوم سعدو

يوم جاك ياحبيبي

يوم داك

مهرك الجماح

شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
*
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
*
بابك ما انقفل ونارك تجيب اللم
وما بتحلف تقول غير استريح حرم
*
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
*
عينيك يالصقر في الحارة ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغة ما بتحوم
ود ناسا عزاز جمعوا المكارم كوم
تفخر بيك بنات البادية والخرطوم

سيد خليفة " أغنية النهاية"
كلمات الشاعر: هاشم صديق

يوم في يوم غريب فيهو الشمس
لمت غروبها وسافرت
بانت نجوم متفرقات زي الدموع
فى خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت
شفتا الفريق ضامي الفرح
فى دار حبيب ضميتو في قلبي الحنين
ماتت خطاي ضاع الأمل
واحترتا في خوفي الدفين
عاينتا لقيت الحبيب في عرشوا
في تاجو الحزين
حولوا العيون فيها الفرح
بس الفرح في عيونوا ماقادر يبين
والدمعة في عينيك تودع طيف حبيب
خليتو لي قدر السنين

اشتقتا لي طيف الحبيب
ومشيت طريق اسمو المصير
ودعتا زهرات الأماني
ورجعتا لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سارت خطاهو علي الدرب
خاف الأمل كره المسير
ياحبي عيش كلمات خطاب
من الحبيب كان النهاية
حرفوا الدموع صدروا النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية
وابكييييي وابكيييي النهاية القاربت

سيد خليفة " أغنية زنوبة"


زنوبة بت النيل
زنوبة يا بت النيل
يا قمر بوبة عليك تقيل

امها الزايدة محنتها
في ليلة القدر اتمنتها
جاتها على حسب ما ظنتها
في عيد رمضان ولدتها
القمرة بت السما
سمتها زنوبة

ربوها في عز وبطر
ما سافرت ما ركبت قطر
الريد في خدودها وفطر
وان ضحكت كب المطر
وان عاينت في عيونها الخطر

زنوبة نوارة الفريق
عجوة التمر والشريق
بعوم ليكي البحر الغريق
وعلى ايدك باخد الطريق
القمر بوبة عليك تقيل

سيد خليفة " يا صديق مالك مشغول بالك"


شعر مبارك حسن الخليفة


يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال

رأيك بالقناة

مة نجمة الليل نعدو - اسحاق الحلنقي
نجمة نجمة الليل نعدو
والسنين ياحليلنا عدو
وانت ماعارف عيونك
لما تسرح وين بودو
الريدة الكتيرة ياحنين شقاوة
كلما نزيد حنان انت تزيد غلاوة
الزهرة الجميلة بتشيلك نداوة
الغريبة الفات ديارو انت لي اهلو بتردو
للسمحين معاك ماخليت سماحة
شتلات الاماني انت عقود صباحا
دايرين نحكي ليك وين نلقي الصراحة
الصراح كيف يبقي بينا قبل مالايام يعدو

امير الحسن/ الصاوي عبد الكافي
يا امير الحسن لو تسمح ظروفك..
كل ساعة.. كل لحظة.. كل يوم مشتاق اشوفك
يا أمير
من صحابك.. ومن قرايبك
يا حبيبى بغير عليك
كل من قال يا حبيبى..
افتكرتو يشير إليك
وأى عاشق لو تغنى
قلت لازم شاف عينيك
يا أمير
كنت تايه فى بحور الشوق .. وامواج الحنان
قلبك انت .. وحبك انت
جابنى لشاطي الامان
والمحبه يا حبيبى اقوي من غدر الزمان
يحسدونى الناس فى حبى
كم عزول روج اشاعة
انت يا رب المحاسن والبراءة... والوداعة
باشارة من جفونك قلبى قال سمعا وطاعة
يا امير الحسن لو تسمح ظروفك
كل ساعة.. كل لحظة.. كل يوم مشتاق أشوفك..
يا أمير

الشيخ سيروه/ حواء حسب النبي (ام برعة)
يقال ان زواج الشيخ مصطفى الامين كان زواجا اسطوريا مما جعل الشاعرة (الحكامة) حواء حسب النبي ان تتغنى به و بما تم فيه من بذل للغالي و النفيس.. و تخليده بواحدة من اجمل اغاني السيرة في السودان
النصيحة دي انا بريدو
والبريد الشيخ .. انا يا ناس بريدو
الشيخ سيروه
سبعة قدور محلبية
سبعة قدور صندلية
سبعة قدور ريحة نية
نسيبتو قالت شويه
حرمان ما بدخلن عليا
الشيخ سيروه
غنت ليك أم ضمير
قالت الشيخ وارث كثير
تلات ألاف صنف البقير
تلات ألاف صنف البعير
تلات ألاف درجن صغير
تلات ألاف وردن حفير
تلات ألاف فوق في المقيل
تلات ألاف شايلات حرير
لاك عمدة و لاك مدير
دا الفتح المن الكبير
الشيخ سيروه
تلاته ارادب غدا
تلاته ارادب عشا
ده الشيخ ود مصطفى
الولادة من بعدو كفى
الشيخ سيرو

‏( 1 ‏)
ﻧﻮﻣﻲ ﺍﻟﻠﻴﻠﺔ ﻳﺎ ﺃﺑﻮ ﺟﻨﺢ ﺇﺷﺎﺭﺍﺕ ﻋﺪﻣﻮ
ﺃﻣﺴﻮ ﺭﺑﻴﻄﺔ ﻋُﺮﺑﺎﻥ ﺃﻡ ﺧﺪﻭﺩ ﺍﻟﻬﺪﻣﻮ
ﻣﺎﺧﺪ ﺍﻟﺒﻠﺠﺔ ﺣﺎﻟﻲ ﺍﻟﻔِﻄﺮﺓ ﻣﺒﺘﻮﺭ ﻗﺪﻣﻮ
ﺟﺎﻫﻼً ﺳﺪﺭﻭ ﺑﻲ ﻋﻘﻮﺩ ﺍﻟﻔﻼﻳﺖ ﺭﺩﻣﻮ
‏( 2 ‏)
ﻗﻠﺒﻲ ﺍﻟﻜﺎﻥ ﺗﺎﻳﺐ ﻭﺧﺎﺷﻌﺎً ﻣﺘـﻄﻮِّﻉ
ﺃﻣﺴﻰ ﺍﻟﻠﻴﻠﺔ ﺩﺍﻓﺮ ﻣﺮﻛﺒﻮ ﻭﻣــﺘﻨﻮﻉ
ﺍﻟﺨﻼﻧﻲ ﻓﺎﻗﺪ ﺍﻟﻔﻮﻕ ﻭﺳﺎﺩﺗﻮ ﻣﻜﻮِّﻉ
ﺗﺎﺗﺎﻱ ﺍﻟﻔﻠﻮ ﻭﻗﺪﻡ ﺍﻟﺤﻤﺎﻡ ﻣـــﺎ ﺑﺒﻮِّﻉ
‏( 3 ‏)
ﻳﺎ ﺑﺪﻭﻱ ﺍﻟﺒﻨﻮﺡ ﻋﺪﺩ ﺍﻟﻠﻴﺎﻟﻲ ﻣـــــــــــﺮﻳﻀﻮ
ﺃﺳﻤﻊ ﻣﻦ ﺟﻨﺎ ﺍﻟﺼﻴﺪ ﻭﺍﻟﺼﻬﻞ ﻋﻨــــــﺪ ﺳﻴﺪﻭ
ﻋﺎﺷﻖ ﺍﻟﺒﻲ ﺍﻟﺤﺒﻮﺏ ﺍﻟﻐﺎﻟﻴﺔ ﻣﺮﺻﻮﺹ ﺟﻴﺪﻭ
ﺩﻫﺒﻮ ﺍﻟﻼﺑﺴﻮ ﻣﺎ ﺧﻼ َّﻟﻮ ﻓﺠﺔ ﻳﺰﻳـــــــــــــــﺪﻭ
‏( 4 ‏)
ﺃﻧﺎ ﻳﺎ ﺃﺏ ‏( ﺗِﻠﺔ ‏) ﺳﺎﺟﻌﺔ ﺍﻟﻌﺸﺎ ﺍﻟﺒﺘﻘﻮﻗــــــــﻲ
ﻗـُﺘﻠﻬﺎ ﺃﻛـُﺮﺳﻲ ﻧﻮﻣﻲ ﻭﺿِﻴﻔﻲ ﺳﻬﺮﻙ ﻓﻮﻗﻲ
ﻣﻦ ﺑُﺮﻳّﺐ ﻭﺃﺭﻳﻞ ﻭﺃﺏ ﻃﻌﻢ ﻣﻌﺸﻮﻗــــــــﻲ
ﺻﺪﻳﺖ ﺗﺎﻧﻲ ﻟﻲ ﻣﻀﻎ ﺍﻟﻐـُﻨﺎ ﻭﺣﻴﺮﻭﻗـــــﻲ
‏( 5 ‏)
ﺷﺒﻪ ﺍﻟﻔﻮﻕ ﻛﺮﺍﻳﺪ ﺍﻟﺮﻳﻞ ﻋِﻠﻦ ﺷﺎﺭﻓﺎﺕ
ﺷﻔﺘﻮ ﺍﻟﻠﻴﻠﺔ ﻓﻲ ﺍﻟﻌﻨﺪ ﺍﻟﻈﻬﻮﺭ ﻋﺎﻃﻔﺎﺕ
ﺍﻟﺴﺎﺩﺓ ﺍﻟﻤﺴﺮَّﺡ ﺷﺎﻝ ﻗﻠﻮﺑﻨﺎ ﻭﻓــــــــﺎﺕ
ﺃﺏ ﺗﻮﺑﺎً ﻣﻨﻮَّﻉ ﺯﻭﻟﻮ ﺃﺿﻤﻦ ﻣـــــــــﺎﺕ
‏( 6 ‏)
ﺑﻴﻦ ﺍﻟﺤﻠﺔ ﻭﺍﻟﺨﻠﻮﺓ ﻭﺑﻨٍﻴْﺔ ﺍﻟﺸﻴﺦ
ﺷﺎﻫﺪ ﻇﺒﻴﺔ ﺍﻟﺮَّﺩﻥ ﻣﺎﻟﻖ ﺍﻟﻔــﻴﺦ
ﺍﻟﻬﺴﺮﺭﻭﺍ ﻧﺤﻴِّﺮ ﻛﺒﺪﻩ ﻣﻮ ﺭﺩِّﻳﺦ
ﺍﻟﺤﺮﻛﺔ ﺍﻟﻘﻠﻴﻠﺔ ﺗﺠﺒﻠﻬﺎ ﺍﻟﻤـــﻠﻴـَِّﺦ
‏( 7 ‏)
ﺗﻴﻼﺩ ﺍﻟﻮﻟﻲ ﺍﻟﻔﺎﺯ ﺑﺎﻟﻜﺮﻡ ﺗﺎﺭﻳﺨـــــــــــﻮ
ﻏﻔـَّﺮﻧﻲ ﺍﻟﻨﺠﻢ ﻇﺎﻫﺮﻭ ﻭﺧﻔـّﻲ ﻭﻣــﺮﻳﺨﻮ
ﻣﻨﻬﺎ ﻗﺎﻡ ﺑﻨﺎ ﺍﻟﺒﻲ ﺍﻟﺒﻮﻫﻴﺔ ﻣﻀﺮﻭﺏ ﺳﻴﺨﻮ
ﻋﻨﺪﻫﺎ ﺷﺎﺭﺩ ﺍﻟﻜﻴﻌﺎﻥ ﺑﺨﻴﻞ ﺗﻨﻮﻳﺨـــــــــﻮ
‏( 8 ‏)
ﺟﺎﻫﻞ ﻇﺮﻓﻲ ﻟﻜﻦ ﺑﺮﺿﻲ ﻋﺎﺭﻑ ﻇﺮﻓﻮ
ﻭﻗﻠﺒﻲ ﻭﻗﻠﺒﻮ ﻣﺎ ﺑﻴﻦ ﺍﻟﺤﺼﻞ ﻳﻌﺘﺮﻓـــــــﻮ
ﺭﻳﺪﻱ ﺃﻧﺎ ﻟﻴﻬﻮ ﻟﻮ ﺩَﺭَﺳﻮ ﻭﻗﺮﺍﻫﻮ ﻭﻋﺮﻓﻮ
ﺯﻱ ﺷﻴﻚ ﺍﻟﺒﻨﻮﻙ ﻓﻲ ﺃﻱ ﻟﺤﻈﺔ ﻳﺼـُﺮﻓـﻮ
‏( 9 ‏)
ﺍﻟﺮﻳﺪ ﺇﻥ ﻛِﺘﺮ ﻻ ﺑﺪ ﻳﻀﻴِّﻊ ﺳﻴــــــــﺪﻭ
ﻭﺇﻥ ﻧﺼﺤﻮﻩ ﻣﺎ ﺍﻇﻦ ﺍﻟﻨﺼﻴﺤﺔ ﺗﻔﻴﺪﻭ
ﺍﻟﺰﻭﻝ ﺍﻟﺘﺮﻳﺪﻭ ﻟﻮ ﺳﺎﻟَﻤَﻚ ﺑﻲ ﺇﻳــــــﺪﻭ
ﺗﺒﻘﻰ ﺷﺮﺑﺖ ﻣﻦ ﻟﺒﻦ ﺍﻟﺤﻠﻴﺐ ﻣــﻮ ﻧﻴﺪﻭ
‏( 10 ‏)
ﺩﻳﺴﻚ ﺭﻳﺶ ﻧﻌﺎﻡ ﻛﺎﺟﺎ ﺍﻟﺠﻔﻞ ﺑﻲ ﺷﺮﻭﻗــﻮ
ﻭﻭﺟﻬﻚ ﺧﺪﻭ ﻣﺎ ﺍﺳﻤﺢ ﺟﺮﺕ ﺍﻟﻤﻮﺱ ﻓـﻮﻗﻮ
ﺭﻳﻘﻚ ﺟﺮﻋﺔ ﺍﻟﻌﺴﻞ ﺍﻟﺒﻴﺸﺮﻕ ﺿﻮﻗــــــــــﻮ
ﺑﻬﺪﻟﺘﻴﻨﻲ ﻣﺨﺘﺎﺭ ﺍﻟﻠﻪ ﻓﻲ ﻣﺨﻠﻮﻗــــــــــــــــــﻮ

ان وقفت عديلة وان مشت مبرومه
وان قدلت معجنة في الوسط مقسومه
ان قعدت موهطة وآآآ قساوة القومه
مبرومة حشا عجوة محس قدومه

انا الزول الصحي بريدك

كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك
بريدك

حكاية الريدا بيناتنا
حنينة بجيبا ليكي غناي
زي ما قالو ليك رياد
حكايتي بطالبا الهداي


وحاتك وانت بي جنبي
بحسك انتي في جواي
جمال ماخد شموخ بلدي
وسحاب ليهوا الزرع رجاي

بريدك
ويوم بي صدفة نتقابل
ويبادرك من عيوني سؤال
تعملي انتي زي ناسيا
ويداعب خاطري حسن الفال
تمد إيديها يارب لي
تفوت تنساني لا لا محال
تهمس ليكي كلام الريد
غناوي تفرح الأطفال

أنا بريدك
كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك ...

كلمات والحان وآداء الفنان : عبدالكريم الكابلى

تانى.. تاني ريده كمان جديده..
ياقلبي مالك في دروب دلالك..
تحكم عليّ بعُيون سعيده..
كأنه ماضقت الغرام..
كأنه ماعرفت الحقيقه..
كأنه مادرته المنام..
كان طيفه يتعطف دقيقه..
رغم المواعيد الكلام..
التهت في لمعان بريقها..
تخلق معاذير للحبيب..
وتقول كمان كلمات رقيقه..
في بسمته..
في لفتته..
في ضحكته..
في ضيِّ مواهبه وحسنه..
تتمنى الحديقه..
انا وسهادك وسط عنادك..
قُلال ومالاقين طريقه..
نسهِّر الليل والنجوم..
والقمره والغيمه الصديقه..
ونبني آمال في الخيال..
للغمضه والنومه العميقه..
وفجأة في وسط الاماني..
بين تاب قلبنا غنوا الاغاني..
نلقانا تاني..
في ريده كمان شديده..
تانى ريده كمان جديده..
ياقلبي مالك في دروب دلالك..
تحكم عليّ بعُيون سعيده..

مواكب الريد القُدام ياغالي..
شهُوني المنام..
وخوفي كان منك تعيدها..
مابين ظروفنا الإبتسام..
وبين خصام الريد حرام..
سهران عشان نكتب قصيده..
طالبين رضاك..
ورضاك محال..
ياالبين جفاك وصفاك حال..
بعدين معاك كان ريدنا طال..

والخوف ياغالي تسرح طوالي..
تدخل بحوراً تغرِق آمالي..
وتسلك دروباً فوق إحتمالي..
لكن بخاطرك زيد في مخاطرك..
طول ماخطايا سايره في خطاك..
اغصب وارضى لازم اشاطرك..
ياالعمري بيك حتى في خطاك..
كان اصلي فاني هاك كل حناني..
دوبني تاني في ريده..
كمان شديده..
ياقلبي مالك في دروب دلالك..
تحكم علي بعُيون سعيده..