محمد سليمان بحر

جَمَالِك في الجَمَـــال أروع وأعزَّ وأنْدَر
جَمَالِك أصالة البـــاديه وملامــح البَنْدَر
جَمَالِك روضة الأزهـــــار وغابة السَّنْدَر
جَمَالِك كَنْزْ سُلَيْماني وخزينة أسكَنْدَر

اريت لو عندي ياخ قلبين/ ابراهيم جابر
اريت لو عندي ياخ قلبين
يدقن بي حنان وحنين
وامرق من حزن فيني
واريدكن انتن الاتنين
سمار.. اسمر
يشاغل الطين
يضحكو رغمن انو حزين
يسوقو علي الفرح يلاك
نسوي غنانا في الياسمين
وانا القاعد علي الهبشه
اباريهن.. ولي ضلين
اذا ضلي الوراي طشه
اطش يا الريده منك وين..
واريت لو عندي ياخ قلبين
بياض.. زي نية الوالدين
لبن حالبنو من شمسين
شروق يشرق... وكت يشرق
ولا بروينا شوف العين
جمالا يعلمك تسرق
ولا تشحد ولا حاجتين
تخش في عيونا شان تمرق
ودغري علي العديل والزين
انا اتورطتا في السمره
اسيبك يعني بس لي مين!!
وانا الشابيت علي القمره
بريدك يا قمر دورين
وانا البتنفس الريده
عشان خلقوني بي رئتين
جنيت يعني.. وغلطتا خلاص
عشان حبيت فرد زولين..!
اريت لو عندي ياخ قلبين
يدقن بي حنان وحنين
وامرق من حزن فيني
واريدكن .. انتن الاتنين

انا ما جاييك/ ليلى المغربي
أنا ما جاييك شايل أفراح
تملا الدنيا..
أجمل منية
عطر الريحان.. شوق الحبان
واجمل غنية
جاييك فرحان..
الخطوة... تسابق في الخطوة
والبسمة... تغازل في النسمة
والكلمة... تناغم في الكلمة
والدنيا قمر.. نوّر دنيا
ما الريد بقى عمقي ووجداني
حدّثو تاني..
ما العمق العاشر بيباشر
ناير وجدانو على الآخر
حدّثو تاني..
ما بهم المدّلّي ولا السادر
عشنا صبابة..
محنة حبابا..
كمان و ربابة
قول للعاشقين.. نحن الأحلى
نبض الشريان نحلف صادقين
عندنا أعلى..
وارواحنا طيور
يا دوبا خدور
الكون تملا
رغبة.. وعشرة
هزّ الوجدان.. وافرح كلك
نادي الحبان.. وانشر ضلك
واهدي الياسمين..
عطرك.. و فلك

عينيك يا اعز الناس/ عبدالمنعم أبو رنات
عينيك يا اعز الناس..عينيك فيها أخطر ماس
عينيك قوة ما بتنقاس.. عينيك روعه يا حساس‌‎
عينيك قاصدن عيني.. خلني أبكي مني ولي
بقيت بين الممات والحي.. أصبح جته غير إحساس‌‎
عينيك حارقه جوه الجوف.. عينيك فيها أحد سيوف
عينيك ما بتعرف الخوف.. عينيك ترهب الفراس‌‎
عينيك‎ فيها علم الطب.. عينيك علمني أحب
عينيك من حنانا شرب.. والشوق زادني ليها حماس‌‎
عينيك منية للمحتاج.. عينيك للسجين إفراج
عينيك سمحة غير مكياج.. حارساها الرموش حراس‌‎
عينيك دنيا للولهان.. عينيك تمسح الاحزان
عينيك فيها ألف حنان.. فيها بشوف مصاير الناس

ودبـــله المـلك قال:
بعد الليل برد والـجـــو قَلَـب دهرابو
طـرّا فؤآدي زولي الفي الكـبد كوكابو
علي الرحلوبو فوق عاتياً بسوك انيابو
نازفه جروحي ياالليل يارفيق ما طابو
ودالمُـــــــر
بعــد هبه النسيم والليل بـرد. يادابو
زكّــر قلبي جاهلا غـزه فيهو أهـدابو
علي القاموبو مقرات واب شراع عدابو
نـازله دموعي يا الليل يا رفيق إدابو

وين خافيه الظهور ليه مابتسألي مني.
لا بطوف ليك خيالي ولاعلي بتحــنـي
ياالمذروعه في قلبي وعليكي بغــنــي
ماهماكي البي وإنتي أسباب جــــنــي
........

ﻣﺤﺒﻮﺑﻲ ﻭﻛﺘﻴﻦ ﻳﺒﺘﺴﻢ
ﺍﻟﺪﻧﻴﺎ ﻳﺎ ﻧﺎﺱ ﺗﻨﻘﺴﻢ
ﻭﺍﻟﻔﺮﺣﻪ ﺗﻤﻼﻫﺎ ﻭﺗﺰﻏﺮﺩﻓﻴﻬﻮ
ﻭﺍﻟﺸﻮﻕ ﻳﺮﺗﺴﻢ
ﻣﺮﺍﺕ ﺍﻗﻮﻝ ﺍﺩﻳﻬﻮ ﻛﻠﻤﻪ ﺗﺰﻋﻠﻮ
ﺣﺒﺔ ﻋﺬﺍﺏ ﻭﻛﻼﻡ ﻋﺘﺎﺏ
ﺍﻧﺎ ﻋﺎﺭﻓﻮ ﻣﺎ ﺑﺘﺤﻤﻠﻮ
ﻋﻠﺸﺎﻥ ﺍﺷﻮﻑ ﺧﺪﻭ ﺍﻟﺤﺮﻳﺮ
ﺍﻟﺪﻣﻌﻪ ﺟﺎﺭﻳﻪ ﺗﺒﻠﻠﻮ
ﻟﻜﻨﻲ ﻗﺒﺎﻝ ﺍﺑﺪﺍ ﺑﻲ ﻟﺤﻈﺎﺕ
ﺍﻗﻴﻒ ﺍﺗﺎﻣﻠﻮ
ﻭﺍﻟﻀﺤﻜﻪ ﻭﺍﻟﻨﻈﺮﻩ ﺍﻟﻮﺩﻳﻌﻪ
ﻭﺩﻟﻮ ﻭﺍﺷﺮﺍﻗﻮ ﺍﻟﺤﻠﻮ
ﺍﻧﺴﻰ ﺍﻟﻌﺘﺎﺏ ﺍﻟﻜﻨﺘﻪ ﻧﺎﻭﻱ ﺍﻗﻮﻟﻮ
ﻭﺭﺟﻊ ﻣﻨﻬﺰﻡ
ﺍﻟﺪﻧﻴﺎ ﻳﺎ ﻧﺎﺱ ﺗﻨﻘﺴﻢ
ﻭﺍﻟﻔﺮﺣﻪ ﺗﻤﻼﻫﺎ ﻭﺗﺰﻏﺮﺩ ﻓﻴﻬﺎ
ﻭﺍﻟﺸﻮﻕ ﻳﺮﺗﺴﻢ
ﺍﻧﺎ ﻓﻲ ﺍﻟﻌﻴﻮﻥ ﺑﺒﻨﻴﻠﻮ ﺩﺍﺭﻳﻦ
ﻣﻦ ﻣﻮﺩﻩ ﻭﻣﻦ ﻣﻨﻰ
ﻭﺑﻀﻤﻮ ﻓﻲ ﻗﻠﻴﺒﻲ ﺍﻧﺒﺴﺎﻁ
ﻭﻣﺤﺒﻪ ﻓﻴﺎﺿﻪ ﻭﻫﻨﺎ
ﻣﺎﺭﺩﺗﻪ ﻏﻴﺮﻭ ﻭﻻ ﻫﻮ ﺭﺍﺩ
ﺯﻭﻻ ﺳﻮﺍﻱ ﺍﺑﺪﺍ ﺍﻧﺎ
ﻧﻈﺮﺍﺗﻮ ﻛﻴﻔﻦ ﺍﻭﺻﻔﻪ
ﺩﻱ ﺍﻟﻔﻲ ﻋﻴﻮﻧﻲ ﻣﺪﻭﻧﻪ
ﻫﻤﺴﺎﺗﻮ ﺗﺤﻨﺎﻥ ﺍﻟﻘﻤﺎﺭﻱ
ﺍﻟﺮﺍﺟﻌﻪ ﻟﻠﻌﺶ ﻟﻠﺠﻨﺎ

سمر جميل
كلمات : عبيد عبد الرحمن
غناء : ابراهيم الكاشف
ﺃﺳﻤﺮ ﺟﻤﻴﻞ ﻋﺎﺟﺒﻨﻲ ﻟﻮﻧﻮ
ﻛﺤّﻞ ﺳﻮﺍﺩ ﺍﻟﻠﻴﻞ ﻋﻴﻮﻧﻮ
***
ﻋﺎﻟﻲ ﺍﻟﻨﺨﻴﻞ ﻣﺎ ﺿﻘﻨﺎ ﺗﻤﺮﻭ
ﺃﺳﻤﺮ ﺟﻤﻴﻞ ﻣﺎ ﺣﻨّﺎ ﻋﻤﺮﻭ
ﺟﺴﻤﻲ ﺍﻟﻌﻠﻴﻞ ﺇﺳﺘﺤﻠﻰ ﺟﺒﺮﻭ
ﺷﺮْﻉ ﺍﻟﻐﺮﺍﻡ ﺣﺎﻳﺮ ﻷﻣﺮﻭ
***
ﺃﺳﻤﺮ ﺟﻤﻴﻞ ﻓﺘّﺎﻥ ﺑﺮﻳﺪﻭ
ﻛﻞ ﺍﻟﺨﻠﻮق ﺗﺘﻤﻨﻰ ﺭﻳﺪﻭ
ﻋﻘﺪ ﺍﻟﺠﻼﻝ ﻳﺎ ﻧﺎﺱ ﻳﺰﻳﺪﻭ
ﻋﻘﺪ ﺍﻟﻘﻠﻮﺏ ﻣﻨﺼﻮﺏ ﺑﺠﻴﺪﻭ
***
ﺃﺳﻤﺮ ﺟﻤﻴﻞ ﻓﻮﻕ ﻓﻲ ﺳﻤﺎﻫﻮ
ﻛﻞ ﺍﻟﺨﻠﻮق ﺗﺮﻏﺐ ﺿﻴﺎﻫﻮ
ﺳﻬﻢ ﺍﻟﻠﺤﺎﻑ ﺳﺎﻋﺔ ﺭﻣﺎﻫﻮ
ﺻﺎﺏ ﺍﻟﻘﻠﻴﺐ ﺳﺎﻟﺖ ﺩﻣﺎﻫﻮ
***
ﺃﺳﻤﺮ ﺟﻤﻴﻞ ﻓﺎﻕ ﻓﻲ ﺍﻟﻮﺳﺎﻣﻪ
ﺻﻔﻮﺓ ﺟﻤﺎﻝ ﻭﺟﻬﻮ ﺇﺑﺘﺴﺎﻣﻪ
ﻓﻮﻕ ﺍﻟﺨﺪﻳﺪ ﻋﺎﺟﺒﺎﻧﻲ ﺷﺎﻣﻪ
ﻭﻣﻦ ﺍﻟﻌﻴﻮﻥ ﻳﺎﺍﻟﻠﻪ ﺍﻟﺴﻼﻣﻪ
***
ﺃﺳﻤﺮ ﺟﻤﻴﻞ ﻋﺎﺟﺒﻨﻲ ﻟﻮﻧﻮ
ﻛﺤّﻞ ﺳﻮﺍﺩ ﺍﻟﻠﻴﻞ ﻋﻴﻮﻧﻮ

ضامر هاف ومكحلات اهدابو
لمحتو كان قاصد زياره احبابو
شارع الفريق يوم الغزال مرابو
حريم ورجال يبوسو تراابو

ا سليم الذوق
عبيد عبد الرحمن
يا سليم الذوق الجمالك صار
زينة الايام و متعة الابصار
سامى حسنك جل عن حصى و احصار
و كل جميل لجمالك دونه و الاقصار
حسنك انت يدوم و الليالى قصار
هو فى العصور اثار لمفاخر الامصار
نور جمال متسلسل من خيار اخيار
نظم الكواكب سلسل كوكبو السيار
فى الفرقدين والزهرة حبيبى ليه ديار
ما فى سماء الدنيا ده بعيد على الطيار
من اشعة محيك شعشع الاقمار
و الشموس و الشمس الفى سماء الاعمار
لدن المعاطف لون دانت قطوفها ثمار
و لماه لمى الدر على خمرة الخمار
ياكنوز الدنيا الضامر الاسرار
انا غير ازمة وجدى ما بى من اضرار
غرة عيونى جمالك و قلبى ليك قرار
وانت حاكم ظالم و حر من الاحرار
لكل شىء برهان رغما عن الانكار
مهما ادارى هواك يهزنى التذكار
انشد قوافى سناك واتعمد الابكار
من كل معنى طريف فى جواهر الافكار
فوران عواطفى يمثل كل شىء فوار
استنشد المستنجد وانشد الغوار
و اذا عزولى بدالى و قصده يبدى حوار
اتناسى اسمك عمدااقوله دا الفوار

اسفااااي 🍇
~~~~~~
احدي روائع الشاعر اسماعيل حسن
~~~~~~~~~~~~~~~~~~
وا اسفاي
وحاتكم انتو وا اسفاي
ارادة المولي
رادتني وبقيت غناي
اسوي شنو مع المكتوب
اسوي شنو؟
براهو الواهب العطاي
منو..
البدور يساهر الليل
واسافر
فوق جناح الشوق
اكوس نحماً بعيد ضواي
منو..
اذا وصفولو ارض الحور
تلاقي قوافلو طول الليل
تشق التيه
تجر النم
مع الحاردلو في الدوباي
واااا اسفاي
ببيع الدنيا
كل الدنيا وااا اسفاي
عشان خاطر عيون حلوين
وا اسفاي
منابع الطيبه متجاورين
وا اسفاي
ومتسامحين في السمحين
واسافر فوق صُبي العين
معاك سلامة
يادنياي
بتمدد وبتوسد
وسادة شوووق
وانوم مرتاح وخالي البال
واقالد تاني ..تاني عهد صباي
عشان ماتبكي
ببكي انا
واحاكي الطرفه في
نص الخريف بكاي
حمولي تهد جمال الشيل
وفايت في العتامير ليل
ومتوكل عليك يا الله
دافر الليل
بريق البسمه ان لاح لي
بتتفتح مشاتل الريد
واحسك جوه
جو الجوه زغر فيها صوت الناي
واااا اسفاااااي
وحاتكم انتو وا اسفاي
اسفاي
اذا ماشفت ناس سمحين
يتاتوا
ذي قدلة جني الوزين
يتاتو
تلاقي قليبي ارمح جاي
لما اتاتو
حليل الكان بهدي الغير
صبح محتار
يكوس هداي
من ناس ديلا وااا اسفاااااي
من ذي ديلا وااا اسفااااااي
ارادة المولي رادتني
وبقيت غناي
اسفااااي ..

دمعة الشوق
الشاعر مصطفى بطران
دمعـة الشـوق كـبي
حكم حـبي ..أرعى نجم الليل
نسمة السحار
ليلى طال هبي
أنا مساهر
ونومـي متخبى
انتحـل جسـمي
والمحـال طبي
مصدره الزهرة
الفى نواحي سهيل
انشغال فكـرى وانفقـاد لبى
وشحـوب لونى..
كلو من حبي
انسـلب بالـى وانتزع قلبي
أما امـالى طوحـت بالميل
صدري مزمـاري
والدمـوع شربي
أنطـرب كل ما ذكره يخطر بى
ماله جافى نفور ما بدور قـربى
وأنا مالي دوام لي خياله أمـيل
حين قوامـه يميل للعقول يسبى
وازدهار محيه للبدور يخـبى
في جبينه تشوف حكمة الـرب
زى سـواد حظي
جوز دواعجه كحيل
يا بديـع الزى وأزهـر اللون
يا خفيف الروح يا سـما الصون
خلقـك مولاك زينة للكـون
وحبب الأرواح في هواك ياجمـيل
عهدي بيك يا جميل دأبك الحـلم
وارى هجـرك لي نير الظـلم
وأنت عـارف نوع حبي
ليك سلمى
شوقي مهما ازداد
برضي شايفه قليل

♡ﻧﻔﺴﻲ ﻓﻴﻬﺎ♡
●كلمات:حسام كبلي●
ﻧﻔﺴﻲ ﻓﻲ ﻣﺤﺒﻮﺑﺔ ﺗﻌﺮﻑ
ﻛﻴﻒ ﺗﻌﺎﻣﻞ ﻟﻲ ﺣﺒﻴﺒﺔ
ﻭﻟﻲ ﺑﻨﻴﺔ ﺗﺴﺪ ﻣﺴﺎﻣﻲ
ﻭﻓﻴﻨﻲ ﺗﻮﻗﺪ ﻧﺎﺭ ﻟﻬﻴﺒﺔ
ﻭﺗﻤﺮﻕ ﺍﻟﻀﻮ ﻣﻦ ﺿﻼﻣﻲ
ﻭﺗﻤﺴﺢ ﺍﻟﻠﻤﺤﺔ ﺍﻟﻜﺌﻴﺒﺔ
ﻭﺑﻴﻬﺎ ﺃﻓﺎﺧﺮ ﺃﺃﺃﺃﻱ ﻋﺎﺷﻖ
ﻭﻣﻨﻲ ﺗﺼﺒﺢ ﻟﻲ ﻗﺮﻳﺒﺔ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺤﺒﻴﺒﺔ ﺍﻟﺒﻲ ﺑﺘﺸﻌﺮ
ﻗﺒﻞ ﻣﺎ ﻳﻄﻠﻊ ﻛﻼﻣﻲ
ﻭﺍﻟﺒﺘﺮﺳﻢ ﻟﻲ ﻣﺴﺎﺭﻱ
ﻭﻳﻮﻣﻲ ﺑﺘﻐﻴﺮ ﻧﻈﺎﻣﻲ
ﻭﻟﻲ ﺗﺼﺒﺢ ﺃﺣﻠﻲ ﻗﻤﺮﻩ
ﻟﻤﺎ ﻳﺘﻌﺎﻇﻢ ﻇﻼﻣﻲ
ﻭﺃﻱ ﺣﺎﺟﻪ ﻋﺸﺎﻧﻲ ﺗﺒﻘﻲ
ﺷﺎﻥ ﺗﺜﻴﺮ ﻟﻲ ﺇﻫﺘﻤﺎﻣﻲ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺒﻨﻴﺔ ﺍﻟﺘﺒﻘﻲ ﻳﺎﻧﻲ
ﻭﻟﻴﺎ ﻣﻦ ﺍﻟﺤﻦ ﺃﺣﻦ
ﻭﺍﻟﺘﻌﻤﺮ ﻟﻲ ﻭﻫﺎﺩﻱ
ﻭﻣﻦ ﺻﺤﺎﺭﻱ ﺗﺒﻨﻲ ﺟﻨﻪ
ﺍﻟﺒﺘﺪﺧﻞ ﻓﻲ ﻣﺸﺎﻋﺮﻱ
ﺗﻤﺮﻕ ﺍﻟﺸﻚ ﻭﺍﻟﻤﻈﻨﻪ
ﺗﺒﻘﻲ ﻳﺎﻫﺎ ﺍﻟﺒﺸﺘﻬﻴﻬﺎ
ﻭﺷﺎﻥ ﻋﻴﻮﻧﺎ ﺇﺣﺴﺎﺳﻲ ﻏﻨﺎ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺤﺒﻴﺒﺔ ﺍﻟﻤﺎ ﺑﺘﻈﻠﻢ
ﻣﻬﻤﺎ ﻳﺤﺼﻞ ﻟﻠﺒﺮﻳﺪﺍ
ﻭﺍﻟﺘﻀﺤﻲ ﻋﺸﺎﻧﻲ ﺩﺍﻳﻤﺎ
ﺷﺎﻥ ﻧﻌﻴﺶ ﺳﻮﺍ ﻓﻲ ﻭﺭﻳﺪﺍ
ﻭﻓﻴﻨﻲ ﺗﺼﺒﺢ ﺃﺣﻠﻲ ﺁﻳﻪ
ﻭﺗﺒﻘﻲ ﻓﻲ ﺍﻟﺒﻨﻮﺕ ﻓﺮﻳﺪﺍ
ﻭﺑﺲ ﻋﺸﺎﻥ ﺧﺎﻃﺮ ﻋﻴﻮﻧﺎ
ﻳﻮﻣﻲ ﺃﺭﺩﺩ ﻟﻲ ﻧﺸﻴﺪﺍ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺤﺒﻴﺒﺔ ﺍﻟﻠﻤﺎ ﺃﺑﻜﻲ
ﻫﻲ ﺍﻟﺘﺠﻔﻒ ﻟﻲ ﺩﻣﻮﻋﻲ
ﻭﺍﻟﺘﺸﻴﻞ ﺍﻟﺤﻤﻞ ﻣﻨﻲ
ﻟﻤﺎ ﺗﺘﺤﻄﻢ ﺿﻠﻮﻋﻲ
ﺍﻟﺤﺒﻴﺒﺔ ﺍﻟﺘﺒﻘﻲ ﺩﺍﺍﺍﺍﻳﻤﺎ
ﺑﻴﻦ ﺇﻳﺪﻳﺎ ﻭﺗﺤﺖ ﻃﻮﻋﻲ
ﺍﻟﺘﺸﻴﻞ ﺇﺳﻤﻲ ﻭﺗﺤﻔﻈﻮ
ﻭﺗﻨﺸﺮ ﺍﻟﺮﻳﺪ ﻓﻲ ﺭﺑﻮﻋﻲ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺒﻨﻴﺔ ﺍﻟﺘﺒﻘﻲ ﻣﻠﺠﺄ
ﻟﻤﺎ ﺗﺠﺘﺎﺣﻨﻲ ﺍﻟﻤﺼﺎﻳﺐ
ﻭﺍﻟﺘﺴﺪ ﻛﻞ ﺍﻟﺸﻮﺍﻏﺮ
ﺗﺒﻘﻲ ﻭﻃﻨﻲ ﻭﻟﻠﻘﺮﺍﻳﺐ
ﺍﻟﺘﻮﺯﻉ ﻟﻲ ﺣﻨﺎﻧﺎ
ﻻ ﻓﻮﺍﺋﺪ ﻻ ﺿﺮﺍﻳﺐ
ﻭﻟﻴﻬﺎ ﺗﺒﻘﻲ ﺍﻟﺪﻧﻴﺎ ﺿﻴﻴﻴﻴﻘﺔ
ﻳﻮﻡ ﺗﺤﺲ ﺑﻲ ﺷﻮﻗﻲ ﻏﺎﻳﺐ
ﻭﻧﻔﺴﻲ ﻓﻴﻬﺎ !!!
ﻓﻲ ﺑﻨﻴﺔ ﺣﺪﻳﺜﺎ ﺑﻠﺪﻱ
ﻭﻣﺎﺍﺍﺍ ﺑﺘﻌﻮﺝ ﻟﻲ ﻟﺴﺎﻧﺎ
ﻓﻴﻬﺎ ﻟﻮﻥ ﺃﻫﻠﻲ ﺍﻟﻐﻼﺑﺎ
ﺗﺒﻬﺮ ﺍﻟﻨﺎﺱ ﺑﻲ ﺑﻴﺎﻧﺎ
ﺗﻜﺮﻡ ﺍﻟﺰﺍﻳﺮ ﺩﻳﺎﺭﻱ
ﻣﺎ ﺑﺘﺨﻮﻥ ﻳﻮﻡ ﺍﻻﻣﺎﻧﻪ
ﻭﻟﻤﺎ ﺃﺣﺘﺎﺝ ﻟﻴﻬﺎ ﺟﺪﺍﺍﺍﺍ
ﻣﺎ ﺑﺘﻀﻦ ﻳﻮﻡ ﺑﻲ ﺣﻨﺎﻧﺎ
ﻭﻧﻔﺴﻲ ﻓﻴﻬﺎ !!!
ﻓﻲ ﺑﻨﻴﺔ ﺗﻌﺰ ﻛﻼﻣﻲ
ﻭﺍﻱ ﺧﻄﻮﺓ ﻫﻲ ﻟﻲ ﺗﺸﺎﻭﺭ
ﻭﺍﻟﺒﺘﻠﺒﺲ ﺇﻫﺘﻤﺎﻣﻲ
ﻗﺒﻞ ﺗﻠﺒﺲ ﻟﻸﺳﺎﻭﺭ
ﺍﻟﺒﺘﺒﻘﻲ ﺳﺒﺐ ﺳﻌﺎﺩﺗﻲ
ﻟﻤﻦ ﺍﻷﺣﺰﺍﻥ ﺗﺘﺎﻭﺭ
ﻭﺗﺒﻘﻲ ﻛﻞ ﺛﻘﺘﻲ ﻭﺭﺿﺎﻳﺎ
ﻻ ﺑﻴﺰﻭﺭ ﺷﻚ ﻻ ﺑﻴﺴﺎﻭﺭ
ﻭﻧﻔﺴﻲ ﻓﻴﻬﺎ !!!
ﻓﻲ ﺍﻟﺒﺘﻜﺘﺐ ﺍﺳﻤﻲ ﺟﻮﺓ
ﻭﺑﻌﺪﻭ ﺗﻜﺘﺐ ﻣﺎﻓﻲ ﺣﺎﺟﺔ
ﻭﻓﻲ ﺍﻟﺘﻮﺻﻞ ﻟﻲ ﺭﻳﺪﺍ
ﻭﺑﻌﺪﻱ ﺗﻘﻔﻞ ﻟﻲ ﺳﻴﺎﺟﺔ
ﻭﺗﻌﻠﻦ ﺇﻧﻲ ﺑﻘﻴﺖ ﺃﻣﻴﺮﺍ
ﻭﺗﻤﻼ ﺩﻧﻴﺎﻱ ﺍﺣﺘﺠﺎﺟﻬﺎ
ﻭﺍﻟﺒﺘﺸﺮﻕ ﻟﻴﻬﺎ ﺷﻤﺴﻲ
ﻗﺒﻞ ﺗﻌﻠﻦ ﺇﻧﺒﻼﺟﻪ
ﻭﻧﻔﺴﻲ ﻓﻴﻬﺎ !!!
ﺍﻟﺠﺎﺗﻨﻲ ﻓﺠﺄﺓ
ﻭﺑﻬﺪﻟﺖ ﻋﻘﻠﻲ ﻭﻛﻴﺎﻧﻲ
ﻭﺃﺩﺕ ﺍﻟﺮﻳﺪ ﻭﺍﻟﻤﺸﺎﻋﺮ
ﻓﻲ ﺍﻟﻘﻮﺍﻣﻴﺲ ﻣﻌﻨﻰ ﺗﺎﻧﻲ
ﻭﻗﺼﺮﺕ ﻃﻮﺍﻝ ﺍﻟﻤﺴﺎﻓﺔ
ﻭﺟﺎﺑﻬﺖ ﺯﻣﻨﻲ ﺍﻷﻧﺎﻧﻲ
ﻭﺭﺟﻌﺖ ﻓﺮﺣﻲ ﺍﻟﻤﺴﺎﻓﺮ
ﺭﻏﻢ ﺇﻧﻮ ﺯﻣﺎﻥ ﻧﺴﺎﻧﻲ
ﻭﻳﺎﺍﺍﺍﺍﺧﻲ ﺑﺎﻟﺠﺪ
ﻧﻔﺴﻲ ﻓﻴﻬﺎ !!...

لـو عـارف عـيـونـك
كلمات : يوسف محمد يوسف
ألحان : عمر الشاعر
غناء : حمد الريح
لو عارف عيونك توهت العيون
ورقصت المشاعر وغنا معاها كون
غنا وراها كون …..
*******
شفنا الدنيا حلوة وفي رموشها وسرحنا
صابحنا الاماني واتمدد فرحنا
والحنية هلت في دنيانا طلت
بامر العيون ….
*******
موال برضو غنوة
بس من نظرة حلوة
عاشت في خيالنا في وجدانا سلوى
واترسمت سنين في قليبنا الحنين
واتناست شجون ….
******
لما معاها نسرح ونتوه في الغناوي
ويداعب خيالنا مشوار الحكاوي
تتلاقى امنياتنا ونقول اغنياتنا
في اجمل عيون ….
*******
لو عارف عيونك توهت العيون
ورقصت المشاعر غنا معاها كون
غنا وراها كون

لشوق التبلو الشـــوفه ليك شـاويني
شنشن كبدي بي اشفة فراق كاويني
اقولك حاجه يالماواك في ودعــيني
فـري ذراع مــودتنا و عليــك لميـني

نظم الشاعر محمد علي أبوقطاطي الشعر الغنائي باللهجة السودانية العربية ويمتاز شعره بالبساطة في مفردات قصائده ، وأسهم أبو قطاطي في ترقية الغناء السوداني بكلماته منذ بداية الخمسينيات وكتب قصائد غنائية نالت اعجاب الجمهور السوداني ومن ابرزها أغنية « الأماني العذبة» التي تغنى بها الفنان خليل إسماعيل وقصيدة «نبع الحنان» للفنان زيدان إبراهيم. وقد تغنى عددا كبيراً من المغنيين السودانيين بقصائده منذ خمسينيات القرن الماضي، من قصائده الشهيرة (سوات العاصفة) التي اعتبرها البعض من عيون الشعر العامي السوداني حيث فيها من البلاغة ما فيها .. شاركونا بالقصائد العالقة في ذاكرتكم للشاعر أبوقطاطي ..

💐المرسال /محمد علي ابوقطاطي له الرحمة.
قصه اغنية مسكين البدأ يأمل

في لقاء إذاعي مع الشاعر المبدع أبو قطاطي الشاعر المتمكن من التعبير الجيد عن عواطفه والذي سافر إلي أحدي القرى التي يقطن فيها أهله.

وذلك بقصد المجاملة في مناسبة فرح وحضر الحفل المصاحب لهذه المناسبة وفى هذه الأمسية القروية الساحرة حيث تواجد الجمال الطبيعي.

شاهد فتاة وأعجب بها أيما إعجاب فغازلها في دواخله وحركت أوتار جنون شعره وأضطر إلي البقاء في هذه القرية ولم يجد سبيل للإلتقاء بالفتاة.
فلم يجد غير أن يستعين بأحدي بنات عمومته وأرسل معها خطاب تلو الخطاب و لم تأتي قريبته هذه بأي رد وأضطر أن يذهب وحده مصطنعا زيارة لأهل الفتاة وكان يطمح في أن يشاهدها ويلقاها حتى يري انعكاس خطاباته عليها ولكنة للأسف لم يحس بشي مطلقا من هذا القبيل وكانت تلك الفتاة الجميلة تلقب ب ( حاجه)

فكتب فيها قصيدته الشهيرة المرسال

ويعني بالمرسال قريبته الوسيط وبما إن فتاته المحبوبة تلقب ب ( حاجه) - تأملوا التورية التي أستخدمها لذكر أسم الحبيبة في تلك الرائعة الشعرية
- خطاباتي البوديها تقول مابتمشي لا حاجه -
وديت ليهو زول مرسال والمرسال مشه وماجا

وأكتمل حلو الشعر بحلو اللحن والأداء وكانت تلك من أجمل الروائع
التي تغني بها الإمبراطور محمد وردي
المرسال/محمد أبو قطاطي

مسكين البدا يأمل
أملو يغلبو تحقيقه
والعاشق الجفا المعشوق
وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك بي وراك
جارت عليهو وخانتو ظروفو
فقد صبرو شرد نومو
لهيب الشوق حرق جوفو
نحول جسمو شحوب لونو
براك أحسن تعال شوفو
مسكين .. مسكين

براي سويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وصبحو فراجه
مسكين .. مسكين

شن بتقولوا
في الفرح البعذب سيدو
و الريد البضيع زولو
في السال دمعو يبكي قتيلو
في الشايل هموم الناس
همو العندو غالبو يشيلو
في الما راضي بالحرمان
ولا راضي الحنان يمشيلو
ياما قالوا
نية الزول دليل أعمالو
والداير يفوز بحبيبو
مرات مابتتم آمالو
والبتفائل يلقى الريد
مالو الريد بعاكس حالو
في دنيانا
نحن نعيش ما همانا
لما تفوتنا لحظة جميلة
أجمل لحظة تستنانا
الحبان نشيل نديهم
أجمل ريده ما أحلاها

بُكرة يا قلبي الحنين تلقي السعادة

تبقي هاني وإبتساماتك مُعادة

والسرور يملأ حياتي ويبقي زادها

وعيني تَشبَع نوم بعد ما طال سهادا

وأنسى غُلبي

والرياحين تملأ دربي

أمسح الدمع اللي يسيل يسقي الوســادة

كم سهرت الليل وكم سـالت دموعي

والألم في قلبي أصبح شيء طبيعي

والشباب أفنيته أبحث عن وَجيعي

عشت راهــب بين تراتيلي وخشوعي

بكرة تتحقق أمــاني

والفؤاد يرتاح ويتبسم زماني

والسعادة تكون جزاء صبري وصَنيعي

حلم بُكرة وذكري أيامي الخوالي