ماذا بعد الفرض الإلكتروني؟
شاهد الفيديو: https://youtu.be/G2Z-XEAnDlc
#مرافقكم_صهيب👨‍🎓

مرحبا خاوتي راسلوني بزاف اخوة واخوات على جال باش نساعدهم يوم الامتحان 🙂
حبيت نقلكم انو يوم الامتحان منخدمش لأنو حابكم تعتمدو على انفسكم وتخدموا وحدكم لأنو الامتحان هو الصح وبيه يظهر مستواك لهذا رجاءا مكانش ليحرجني ويقلي ساعدني
ومن جهة اخرى سقساوني على بعض من يدعون انهم اساتذة ويقولو انهم يخدمو يوم الامتحان البعض قالهم نرسلكم الاجابة قبل نصف ساعة من بداية الامتحان والبعض الاخر منعرف عليه🥴
حبيت نقول من هذا المنبر انو هذ الشي خرطي وكذب في كذب ونهار الامتحان يبانلكم وش راني نقول
وهذا لعدة اسباب منها انو مواضيع الامتحان تفتح وقت بداية الامتحان فقط ومن جهة اخرى كل مركز ولائي ومواضيعه الخاصة وكل مستوى ومواضيعه الخاصة
يعني لوكان تخممو شوية برك بميزان العقل تعرفو انو هذ الناس استغلالية ومكانش لراح يفيدكم يوم الامتحان
ومن هذ المنبر كل من تعرض للنصب والاحتيال من طرف اي شخص لا تتردد في تقديم شكوى للأمن الوطني هاك باش ينقصو النصابين...
#مرافقكم_صهيب👨‍🎓

خاوتي اغلبكم اطلع على مقال"مواد امتحان اثبات المستوى 2024" لنشرتو على موقعي الإلكتروني نتمنى من الاشخاص لخرجوا الاستدعاء يتأكدولنا من المواد لفي الاستدعاء نتاعهم مع المواد لفي الموقع واذا كاين غلطة يتواصلو معايا باش نصححها هاك باش تكون المعلومات صحيحة 100% ومنغلطوش المتعلمين...
رابط المقال: https://dirasam.blogspot.com/2024/03/blog-post_28.html?m=1
#مرافقكم_صهيب👨‍🎓

تم نشر ملخصات للسنة الاولى متوسط على موقعنا الإلكتروني
وش حابين المستوى القادم لننشرولو🤔
رابط الملخصات: https://dirasam.blogspot.com/p/blog-page_85.html?m=1
#مرافقكم_صهيب👨‍🎓

كما ذكرت سابقا👌
#مرافقكم_صهيب🧑‍🎓

رابط الموقع: https://dirasam.blogspot.com/?m=1

نشرنا اليوم ملخصات على مستوى موقعنا الإلكتروني لمستوى ثانية متوسط + ثالثة متوسط
يعني كاين في الموقع الملخصات الخاصة بـ:
• اولى متوسط
• ثانية متوسط
• ثالثة متوسط
• ثالثة ثانوي
ورح نزيدو في قادم الايام ملخصات للمستويات المتبقية
كل هذا مجانا منا لكم❤️
#مرافقكم_صهيب🧑‍🎓

رابط موقعنا الإلكتروني
https://dirasam.blogspot.com

طريقة إستخراج إستدعاء التربية البدنية والرياضية للبيام الباك لسنة 2024
https://youtu.be/pxSJhspJfoc
#مرافقكم_صهيب👨‍🎓

تم وضع حل فرض المراقبة الذاتية رقم 02 بالمعلام
يعتبر هذا اخر شيئ ملزمين به متعلمي المراسلة قبل اجراء امتحان اثبات المستوى يوم 07 ماي بالتوفيق للجميع 🥰
#مرافقكم_صهيب🧑‍🎓

24 افريل اخر اجل لتحميل اجابات فروض المراقبة الذاتية رقم 02
25 افريل اخر اجل لإجراء الفرض الالكتروني بالنسبة لمستوى ثانية ثانوي تقني رياضي
#مرافقكم_صهيب🧑‍🎓

شكل ورقة إمتحان إثبات المستوى
شاهد الفيديو: https://youtu.be/32lecEcxvIc
#مرافقكم_صهيب👨‍🎓

من لم يشترك بعد بالقناة أدعوه للإشتراك بها وذلك دعما لقناتكم الدراسة بالمراسلة الأولى في الجزائر في مجال المراسلة...
الهدف هو توثيق القناة ولن يتحقق ذلك إلا بعد الوصول لـ 100k أعلم أن هذا صعب قليلا ولكن بدعمكم لن يصعب علينا أي شيئ💪
رابط القناة: https://youtube.com/@dirasa_m
#مرافقكم_صهيب👨‍🎓

منعرف علاش كاين لتبانلهم المراسلة حاجة طايحة في المستوى ومتعلمي المراسلة معندهمش المستوى؟!
ولكن العكس كاين العديد من الاطارات والدكاترة قراو وتخرجو بالمراسلة...
مراناش نقولو كامل ليقراو بالمراسلة عندهم مستوى تعليمي عالي لأنو هذي في الثانويات والجامعات مراحش تلقاها مع انهم يقراو يوميا ولكن رانا نقولو المراسلة كيفها كيف المدارس العادية كاين لعندو مستوى تعليمي وكاين لا...
لذا ليس من الغريب انك تشوف واحد قرا بالمراسلة وصل لمستوى مليح لأنو هذا شيئ طبيعي ونتيجة لتعبه وصل لما هو عليه...
انت كمتعلم مراسلة متحقرش روحك واقرا وتأكد انك اذا تجتهد وتتعب رح توصل👌
والناس لعندهم نظرة مش مليحة على المراسلة نقولهم الغش لراكم تشوفو فيه في مواقع التواصل الاجتماعي هو عينة صغيرة جدا عن متعلمي المراسلة ولا تمثل الشريحة الكبرى لراهم يقراو ويجتهدو بأنفسهم ومتأكد انو العديد من لراهم يقراو في هذ المنشور يقراو ويجتهدو بأنفسهم❤️
#مرافقكم_صهيب👨‍🎓

عندي اربع سنوات في مجال المراسلة طيل فترة متابعتي لهذا المجال عرفت انو متعلمي المراسلة ناس ناجحين وعندهم امكانيات باش يقراو ولكن عندهم مشكل واحد...
وهذ المشكل متمثل في المصدر ليقراو منو الدروس... والله العظيم لوكان يلقاو مصدر للدروس يكون المستوى افضل بكثير من هذ الشي...
رح نحاول نحسن من هذ المجال تلقيت بزاف دعوات ومبادرات للتحسين في مجال المراسلة متأكد احد هذه المبادرات رح تتجسد على ارض الواقع ويكون لنا بصمة في تحسين الدراسة بالمراسلة 👌
بدعمكم نحقق الافضل❤️
#مرافقكم_صهيب👨‍🎓

اذا قدرت بعد صلاة العشاء نديرلكم لايف في اليوتيوب للإجابة على استفساراتكم
#مرافقكم_صهيب👨‍🎓

رانا لايف على اليوتيوب ❤️
https://www.youtube.com/live/VVAAcpUWKno?si=0fmFq4lxpoWR-6-S
#مرافقكم_صهيب👨‍🎓

المراسلة تجمع العديد من المتعلمين من مختلف شرائح المجتمع فيهم الموظف والبطال والمتقاعد فيهم الاب والام وحتى الجد والجدة تلقاهم يقراو بالمراسلة فيهم المقيم بالجزائر وحتى خارج الجزائر ويقرا بالمراسلة...
المراسلة تجمع الجميع تحت هدف ومبدأ واحد لهو التعليم والتحسين من المستوى الدراسي الكثير انطلقوا من نقطة 0 حتى وصلو اساتذة جامعيين ولو يسعني الوقت نحكيلكم على العديد من الامثلة...
يوم الامتحان رح تلقى كل الشرائح لحكيتلك عليهم يفوتو معاك رح تلقى لصغير عليك وتلقى لقدك وتلقى لأكبر منك و التعليم عمرو ولا كان بالسن ممكن تشوف روحك كبير وتحشم بيها بصح نهار الامتحان رح تلقى روحك انت الصغير وفي المقابل ممكن تلقى الاستاذ اصغر منك وهذا مش عيب لأنو في التعليم مكانش حاجة عيب ومتخليش هذ الشي يوقف في طريقك وفي مسارك التعليمي...
حادثة صرات معايا في الجامعة كاين طالب معايا هو اكبر من جل الاساتذة ليقرو فينا ويقرا عادي بدون احراج "مع ان هذ الطالب هو معلم في الابتدائي" ممكن هاك راه يقرا عند احد تلاميذه لقراهم سابقا ولكن هذ الشي مخلاهش يحرج راه يقرا عادي...
انت ثاني متخليش عامل السن يكون سبب في تخليك مرة ثانية على الدراسة ومتخممش في هذ الشي من الاساس
لا تنسى أنت لها❤️
ربي يوفقكم كامل خاوتي🫡
#مرافقكم_صهيب👨‍🎓

كتكون تقرا بالمراسلة تقدر تستفيد من منحة البطالة بشكل عادي وقانوني اذا كنت مستوفي الشروط...
يعني الدراسة بالمراسلة لا تلغي الاستفادة من منحة البطالة
#مرافقكم_صهيب🧑‍🎓

نتمنى من اي شخص عندو تجربة في الدراسة بالمراسلة يشاركها معانا في التعليقات باش المتعلمين الجدد يتحفزو...
#مرافقكم_صهيب🧑‍🎓