МАОШИМДАН ЭҲСОН ҚИЛСАМ ЭРИМДАН РУХСАТ СЎРАШИМ КЕРАКМИ?
#қисқа_савол_жавоблар

❓CАВОЛ: Ўқитувчи бўлиб ишлайман. Маошимдан кимгадир эҳсон қилмоқчи бўлсам хўжайинимдан рухсат сўрашим керакми?

💬 ЖАВОБ: Бисмиллаҳир Роҳманир Роҳим.
Эр-хотин маблағларини умумий тарзда жамғарма қилиб йиққан бўлсалар, жамғармани бир-бирларидан сўрамасдан ишлатишга ҳақлари йўқ.

Лекин ҳар кимнинг ишлаб топган маблағи унинг шахсий мулки ҳисобланади ва ундан ўзи истаганча эҳсон қилиши мумкин. Бировдан рухсат олиши шарт эмас.

Одатда бу каби оилавий масалаларни эр-хотин ўзаро маслаҳатлашиб иш қилишгани мақсадга мувофиқдир. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

#намоз

Қазо намозларининг тугаганига шубҳа бўлса...

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

КАНАЛДА ШУНДАЙ ЧЎМИЛИШИМИЗ ТЎҒРИМИ?
#қисқа_савол_жавоблар

❓CАВОЛ: Биз қишлоқда яшаймиз, каналга чўмилгани борганда ҳамма тиззадан баланд турсикда чўмилади, болаларни ҳаммаси балоғатга етган. Шундай чўмилишимиз тўғрими?

💬 ЖАВОБ: Бисмиллаҳир Роҳманир Роҳим.
Бундай кўринишда чўмилишингиз шариатимиз томонидан талаб қилинган қоидаларга тўғри келмайди. Сабаби, балоғатга етган эркак кишининг аврати киндик тугаган жойдан бошлаб, тиззагача, тизза ҳам аврат ҳисобланади. Бу жойларни киши ўзини никоҳидаги хотинидан бошқа инсонларнинг олдида очиб юриши ва бошқалар ҳам шу жойларга қараши ҳаромдир. Фақат тиббий муолажа пайтида шифокорлар ушбу аврат аъзоларига зарурат миқдорича қарашларига рухсат берилган.

Шундай экан, чўмилиш ҳавзаларида мана шу шариатимизнинг қоидасига амал қилиш ҳар бир эркакнинг зиммасидаги мажбуриятидир. Акс ҳолда, катта гуноҳ бўлади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ПАЙҒАМБАР ЁШИГА ЕТГАНДА ХУДОЙИ ҚИЛИШ ТЎҒРИМИ?
#қисқа_савол_жавоблар

❓CАВОЛ: Бизда пайғамбар ёшларига етганига ош қилиб худойи килиб бериш одатга айланяпти. Бу қанчалик тўғри?

💬 ЖАВОБ: Бисмиллаҳир Роҳманир Роҳим.
Динимизда айнан Пайғамбар ёшига етса эҳсон, худойи қилиш шарт, деган гап йўқ. Аммо хоҳласа, шукрона сифатида эҳсон қилиши жоиз. Бу мажбурият эмас ва буни динимизга бир муҳим амал сифатида киритиш мутлақо тўғримас. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ҚУЁШДА ИСИГАН СУВДАН ФОЙДАЛАНИШ МУМКИНМИ?
#таҳорат

❓682-CАВОЛ: Қуёшда исиган сув билан таҳорат ёки ғусл қилиш мумкинми? Баъзилар қуёшда исиган сувни ишлатиш баданга оқлик тушушига сабаб бўлади деяпти. Шу тўғрими?

💬 ЖАВОБ: Бисмиллаҳир Роҳманир Роҳим.
Қуёшда исиган сувни ишлатиш борасида уламоларимиз турли хил фикр билдирганлар. Баъзилари бу сувни ишлатиш макруҳ деган бўлсалар, баъзилари макруҳ эмас деганлар. Жумладан, "Баҳрур роиқ" китобида бундай дейилган:

وَيُكْرَهُ بِالْمَاءِ الْمُشْمِسِ

яъни: "Қуёшда исиган сув билан таҳорат қилиш макруҳдир".

Мана шу маънодаги гап "Фатҳул қодир", "Меърожуд дироя", "Қуня" ва бошқа фиқҳий китобларимизда ҳам келган.
Бу борада машҳур ҳанафий мазҳабимиздаги аллома Муҳаммад Амин Ибн Обидийн раҳматуллоҳи алайҳ шундай деганлар:

وَالظَّاهِرُ أَنَّهَا تَنْزِيهِيَّةٌ عِنْدَنَا

яъни: "Тўғрироғи шуки, қуёшда исиган сув билан таҳорат қилиш бизни мазҳабимизда макруҳи танзиҳи (енгил макруҳ)дир".

Бу масалада "Эълоус сунан" соҳиблари Зафар Аҳмад Усмоний раҳматуллоҳи алайҳ бундай деганлар:

الصحيح عندي أن هذه الكراهة طبية لا شرعية

яъни: "Қуёшда исиган сувдан фойдаланиш макруҳлиги мени наздимда тиббий томондан, шариат нуқтаи назаридан эмасдир".

Мазҳабимиздаги машҳур, муҳаққиқ аллома Мулла Али Қори раҳматуллоҳи алайҳ эса, "Мирқотул мақотиҳ" китобларида қуёшда исиган сув ишлатилса, баданга оқлик тушади мазмунидаги ривоятларни далилликка ярамаслигини таъкидлаб, шундай хулоса қиладилар:

أنه لا أصل لكراهته

яъни: "Қуёшда исиган сувни макруҳ дейишга асос йўқ".

Қуёшда исиган сувни ишлатиш борасида уламоларимизнинг ўрталарида турли хил гаплар мавжудлиги сабабли, имкон қадар қуёшда исиган сувдан фойдаланмасликка ҳаракат қилинади, бордию зарурат бўлиб, бошқа сув топилмаганда ундан фойдаланиш мумкин бўлади. Чунки уламолар бир масалада турли хил фикрларни айтган бўлсалар, масала енгиллашади. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Сўраган_эдингиз

Ҳозирги кунда фиқҳий мазҳабларга эргашиш шартми?

Саволларингизни қуйидаги манзилга юборинг ⬇️
🌐 http://savollar.muslim.uz
📲 @SavollarMuslimUzBot

YouTube | Instagram | Facebook | Tiktok

🔗 Улашинг: @diniysavollar

ҚУРЪОН ТИЛОВАТИ, ТАСБЕҲ ВА САЛОВАТ ҲАҚИДА
#тиловат #салавот

❓683-CАВОЛ: Ҳаммамизга маълумки 3 вақтда намоз ўқиб бўлмайди: кун чиқаётганда, қиём пайтида ва кун ботаётганда. Менинг саволим шуки бу ҳукм фақат намоз учунми ёки намоздан кейин ўқиладиган тасбеҳ, салавот, Қуръон тиловати кабилар ҳам мумкин эмасми?

💬 ЖАВОБ: Бисмиллаҳир Роҳманир Роҳим.
Бу пайтларда намоз ўқиш, Қуръони Каримдан сажда ояти ўқилганда сажда қилиш, жаноза намозини шу вақтга тўғрилаб ўқиш мумкин эмас. Аммо шу кунги аср намози кун ботаётган бўлса ҳам адо этилаверади.

Бу ҳукм намоз, тиловати сажда ва жаноза намозига хос бўлиб, бу вақтларда тасбеҳ, саловат айтиш ва Қуръон тиловат қилиш мумкин.

عَنْ مُعَاذِ بْنِ أَنَسٍ الْجُهَنِيِّ: أَنَّ رَسُولَ اللهِ صلى الله عليه وسلم قَالَ: «مَنْ قَعَدَ فِى مُصَلَّاهُ حِينَ يَنْصَرِفُ مِنْ صَلَاةِ الصُّبْحِ حَتَّى يُسَبِّحَ رَكْعَتَيِ الضُّحَى، لَاَ يَقُولُ إِلَّا خَيْرًا، غُفِرَ لَهُ خَطَايَاهُ وَإِنْ كَانَتْ أَكْثَرَ مِنْ زَبَدِ الْبَحْرِ». رَوَاهُ أَبُو دَاوُدَ وَالتِّرْمِذِيُّ.

Муъоз ибн Анас ал-Жуҳаний розияллоҳу анҳудан ривоят қилинади:

Расулуллоҳ соллаллоҳу алайҳи васаллам:
“Ким бомдод намозини ўқиб бўлганидан кейин намоз ўқиган жойида то чошгоҳ намозини ўқигунча ўтирса, фақат яхшиликдан бошқани гапирмаган бўлса, унинг хатолари агар денгиз кўпигидан кўп бўлса ҳам мағфират қилинади”, дедилар. Абу Довуд ва Термизий ривоят қилган.

Бу ҳадисдан кўриниб турибдики, Пайғамбаримиз соллаллоҳу алайҳи васаллам киши бомдод намозини ўқигандан сўнг то чошгоҳ намозини ўқигунча яхшиликдан бошқасини яъни зикр, тасбеҳ, истиғфор ва Қуръон тиловатидан бошқасини гапирмаса гуноҳлари денгиз кўпигича бўлса ҳам кечирилишини хабарини бермоқдалар. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Видеолавҳа

23. Истинжо қила олмаган кишининг ҳукми

YouTube | Instagram | Facebook | Tiktok

🔗 Улашинг: @diniysavollar

Ижтимоий тармоқлар орқали эркак ва аёлнинг бир-бирларига мактуб ёзиши жоизми?

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

СИРКА ҲАҚИДА ДИНИМИЗДА НИМА ДЕЙИЛГАН?

❓684-CАВОЛ: Бир одам менга сирка ичиб туриш яхши деб айтди. Айтингчи, сирка ҳақида динимизда нима дейилган?

💬 ЖАВОБ: Бисмиллаҳир Роҳманир Роҳим.
Одатда сирка узум, олма ва бошқа мевалардан тайёрланадиган ичимлик бўлиб, истеъмоли ҳалол нарсадир. Сирка ҳақида Набий соллаллоҳу алайҳи васалламдан бир қанча ҳадислар ворид бўлган. Шулардан бири Имом Термизийнинг “Шамоил”ларида Оиша розияллоҳу анҳодан ривоят қилинган ҳадисдир. Унда Набий соллаллоҳу алайҳи васаллам:

نعم الادام الخل

“Сирка қандаям яхши нонхуруш (нонга қўшиб ейиладиган нарса)дир” деганлар.

(شمائل ترمذي باب ما جاء في صفة ادام رسول الله صلي الله عليه و سلم)

Шунинг учун сирка ичиб туриш бир томондан еган таомимизни ҳазм бўлишида ёрдам берса, иккинчи тарафдан у билан Набий соллаллоҳу алайҳи васалламнинг суннатларини бажарган бўлар эканмиз. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

НИМА УЧУН БОМДОД НАМОЗИНИНГ СУННАТИНИ ҲАМ ҚАЗОСИ ЎҚИЛАДИ?
#намоз

❓685-CАВОЛ: Нима учун Бомдод намозининг суннатини ҳам қазоси ўқилади?

💬 ЖАВОБ: Бисмиллаҳир Роҳманир Роҳим.
Фиқҳий китобларимизда баён қилинишича қазо бўлган намозларнинг суннатлари ўқилмайди. Фақат бугунги бомдод намозининг қазосини қуёш тиккага келгунгача ўқиган киши суннатини ҳам фарзи билан бирга қазо қилиб ўқийди. Аммо қуёш тиккага келгунча бугунги бомдоднинг қазоси ўқилмаса, бомдодни ҳам фақат фарзи қазо қилинади. Чунки Пайғамбаримиз алайҳиссалом шундай қилганлар. Бу ҳақда Абу Ҳурайра разияллоҳу анҳудан қуйидаги ҳадис ривоят қилинган:

عَرَّسْنَا مع نَبِيِّ اللهِ صَلَّى اللَّهُ عليه وسلَّمَ، فَلَمْ نَسْتَيْقِظْ حتَّى طَلَعَتِ الشَّمْسُ، فَقالَ النبيُّ صَلَّى اللَّهُ عليه وسلَّمَ: لِيَأْخُذْ كُلُّ رَجُلٍ برَأْسِ رَاحِلَتِهِ، فإنَّ هذا مَنْزِلٌ حَضَرَنَا فيه الشَّيْطَانُ، قالَ: فَفَعَلْنَا، ثُمَّ دَعَا بالمَاءِ فَتَوَضَّأَ، ثُمَّ سَجَدَ سَجْدَتَيْنِ، ثُمَّ أُقِيمَتِ الصَّلَاةُ فَصَلَّى الغَدَاةَ ( رواه الإمام مسلم)

яъни: "(Сафарда) Расулуллоҳ саллаллоҳу алайҳи васаллам билан кечанинг охирида бир жойга дам олиш учун тушдик. (Қаттиқ чарчаганимиздан) Қуёш чиққан пайтда уйғондик. Шунда Расулуллоҳ алайҳиссалом: "Ҳамма бу жойдан бошқа жойга кўчсин! Чунки бу ерда шайтон ҳозир бўлди" дедилар. Биз шундай қилдик. Кейин Расулуллоҳ алайҳиссалом сув сўрадилар ва таҳорат қилдилар. Сўнгра икки ракат намоз ўқидилар. Кейин такбир айтилди ва Бомдод намозининг фарзини ўқидилар" (Имом Муслим ривоятлари).

Уламолар ушбу ривоятдаги "Сўнгра икки ракат намоз ўқидилар" жумласини бомдоднинг суннатини қазо қилиб ўқилишига далил қилганлар. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

#Видеолавҳа

24. Саждада кўзни юмиш мумкинми?

YouTube | Instagram | Facebook | Tiktok

🔗 Улашинг: @diniysavollar

БИТТА ҚУРБОНЛИККА ҲАР-ХИЛ ИБОДАТЛАР НИЯТИДА ШЕРИК БЎЛСА ЖОИЗМИ?
#қисқа_савол_жавоблар

❓CАВОЛ: Туя ва сигирга бир киши қурбонлик, яна бири назр, яна бири ақиқа, яна бири нафл ниятида қўшилса бўладими?

💬 ЖАВОБ: Бисмиллаҳир Роҳманир Роҳим.
Шерикчиликда қурбонлик қилинган ҳайвонга ҳамманинг бир хил ниятда қўшилиши шарт эмас. Шерикларнинг ҳар бири ибодат (қурбат) ниятида қўшилиши шарти билан, кимдир қурбонлик, кимдир ақиқа, яна кимдир назр ёки нафл қурбонликни ният қилиши жоиз. (Аллома Алоуддин Косоний, “Бадоиъус-саноиъ” китоби).

Лекин шериклар орасига бирортаси ибодат учун эмас, фақат гўшт учун қўшилса, ҳеч бирининг қурбонлиги дуруст бўлмайди. (Шайх Ашраф Али Таҳонавий, “Ал-Мухтасар фил-фиқҳил-ҳанафий” китоби, Қурбонлик боби).
Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ЧИГИРТКА ҲАЛОЛМИ?
#қисқа_савол_жавоблар

❓CАВОЛ: Ҳозирки кунда юртимизда истеъмол учун чигиртка боқилаётганмиш. Шу тўғрими ва уни ейиш жоизми?

💬 ЖАВОБ: Бисмиллаҳир Роҳманир Роҳим.
Боқилаётганидан хабаримиз йўқ, лекин чигиртка ҳалол. Ҳаттоки уни ўлиги ҳам балиқ каби ҳалол эканлиги ҳадисда таъкидланган. Эҳтиёж бўлса ёки тиббий мақсадларда ейиши жоиз. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

Таҳажжуд намози қандай ўқилади?

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

НИКОҲ МАЖЛИСИДА ТАН МАҲРАМЛИККА ОЛИШГА РОЗИМИСИЗ ДЕЙИШ
#қисқа_савол_жавоблар

❓CАВОЛ: Ўткан йил рамазон ойи суҳбатларида никоҳ ўқилаётганда куёв болага тан маҳрамликка олишга розимисиз деб айтилар экан ва буни бир Имом нотўғри деди. Шунга аниқлиқ киритиб берсангиз.

💬 ЖАВОБ: Бисмиллаҳир Роҳманир Роҳим.
Умуман олганда никоҳ мажлисида "Тан маҳрамликка олишга розимисиз" дейиш нотўғри эмас. Чунки бизни урфимизда тан маҳрам деганда хотин, турмуш ўртоқ тушунилади. Аммо шаръий истилоҳларда маҳрам, тан маҳрам иборалари нафақат турмуш ўртоқ, балки, бошқа маҳрамларни ҳам ўз ичига олади. Шунинг учун юртимиздаги баъзи олимлар "тан маҳрамликка" деган иборани янада аниқлаштириб "хотинликка" деб қайдлаб қўйишни тавсия қилишмоқда.

Демак, никоҳ мажлисида тан маҳрамликка деб розилик сўраб, шу кунга қадар ўқилган никоҳлар саҳиҳ, тўғри никоҳ деб эътиборга олинади. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ФОЛБИНДАН ФОТИҲА ОЛСА БЎЛАДИМИ?
#ақида

❓686-CАВОЛ: Мени бир ҳолам бор у кўп йилдан буён касал. Уни ҳар хил жойларда даволатдик. Аммо муолажалар самара бермади. Кейин ҳолам фолбинни олдига борган эди, ҳолам фолбиндан фотиҳа олиб, у ҳам фолбин бўлиши кераклигини айтибди. Аммо ҳолам Аллоҳдан қўрқиб буни рад қилди. Саволим шуки, ҳолам соғлиги учун фолбиндан фотиҳа олса бўладими?

💬 ЖАВОБ: Бисмиллаҳир Роҳманир Роҳим.
Фолбинлар фирибгар ва каззоб шахслардир. Мусулмон киши уларнинг олдига бориши, маслаҳатини олиши мутлақо жоиз эмас. Фолбинликни қабул қилиш эса, кишини Охиратини куйдирувчи амалдир. Пайғамбаримиз алайҳиссалом: "Кимда-ким фолбинга борса ва фолбиннинг айтган гапларига ишонса, демак у Муҳаммадга нозил қилинган нарсага куфр келтирибди", — деганлар (Имом Бухорий ривояти).

Сизнинг ҳолангиз, фолбиннинг олдига борганларига тавба-тазарру қилсинлар ва қайтиб бундай иш қилмасинлар. Зеро, ҳар бир яхшилик ҳам, ёмонлик ҳам ёлғиз Аллоҳ таолодандир. Мусулмон киши бу синовли дунёда Аллоҳ қайтарган ишларни қилмасдан, фақат Аллоҳ таолонинг Ўзидан ёрдам сўраши, Ислом шариати буюрганидек тиббий муомалажа қилиб, натижани Роббисидан умид қилиши даркор.

Шу билан бирга, ишончли ва илмли кишиларга бориб Қуръони каримдан дам солдириш, Зам-зам сувидан ичиб юриш, садақалар қилиш ҳам касалликдан фориғ бўлишнинг йўлларидандир. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok

Жума айёмингиз муборак бўлсин!

Улашинг: @diniysavollar

АЁЛ КИШИ МУШК-АНБАР ИШЛАТСА БЎЛАДИМИ?
#қисқа_савол_жавоблар

❓CАВОЛ: Аёл киши атир ишлатмасдан мушк-анбар ишлатса бўладими?

💬 ЖАВОБ: Бисмиллаҳир Роҳманир Роҳим.
Аёллар номаҳрамлар учун зийнатланмасликлари керак, дегани бу уларнинг нима ишлатишлари, атирнинг номи, таркибига боғлиқ эмас, балки эридан бошқаларни эътиборини тортмасликлари, деганидир.

Демак, аёл киши атир сепадими, мушк-анбар ишлатадими бошқаларни эътиборини тортса, бошқаларга хушбўй, кўркам кўриниш мақсадида бўлса, бу ишлар ҳам жоиз эмас. Валлоҳу аълам.

Ўзбекистон мусулмонлари идораси
Фатво ҳайъати.

🔗 Улашинг: @diniysavollar

ТИЖОРАТДА АЛЛОҲНИ ШЕРИК ҚИЛИШ МУМКИНМИ?
#савдо #назр #шерикчилик

❓687-CАВОЛ: Бир киши билан тижоратда шерик бўлмоқчи эдим. У киши агар шерик бўлсак, учинчимиз Аллоҳ бўлади, яъни фойдани учдан бирини Аллоҳ учун ажратамиз, деди. Шундай деб, шерикчиликни бошлаш мумкинми?

💬 ЖАВОБ: Бисмиллаҳир Роҳманир Роҳим.
Шундай шарт билан шерикчиликни бошлаш жоиз. Лекин бу ҳолатда билиш керак бўлган нозик нуқталар бор:
- Бир киши шариатимизда ибодат ҳисобланган, лекин зиммасида бўлмаган амални ўзига вожиб қилиб олиши, назр дейилади. Назр ният ва лафз билан бўлади, фақат ниятнинг ўзи билан назр бўлмайди. Ҳанафий мазҳабига кўра, сўзда “назр” калимаси ишлатилмаса ҳам назр юзага чиқади. Масалан, “Аллоҳ учун менинг зиммамда фалон нарса бор”, дегани каби. (Имом Мавсилий, “Ал-Ихтиёр” китоби, “Кувайт фиқҳ энцеклопедияси”)

Назр қилгандан кейин унга амал қилиш вожибдир. Қуръони каримда аҳдига вафо қилиш ва сўзида туришга буюрилади ва назрларни бажариш талаб қилинади (Моида-1, Исро-34, Наҳл-91).

Кўпчилик уламолар назр қилишни зарари йўқ дейдилар. Лекин Имом Шофеъий, Имом Аҳмад ва бошқа фақиҳлар назр қилишни макруҳ, деб билганлар. (Имом Нававий, “Ал-Мажмуъ” китоби).

Демак, саволдаги кўринишда шерикчиликни бошлаган кишилар фойдани учдан бирини садақа қилишни назр қилган бўладилар ва токи шерикчилик тугагунча фойдани учдан бирини фақирларга садақа қилиб туришлари шарт. Баъзи сабаблар билан назр қилинган миқдорни чиқармасалар ёки ўзларига ишлатсалар хиёнат ва гуноҳ бўлади.

- Шерикчилик қилувчиларнинг: “Фойдамизнинг учдан бирига Аллоҳ шерик” ёки “Учинчимиз Аллоҳ бўлади”, деган гапидан мақсадлари аниқ бўлсада, бу жумлалар ўтган улуғларимизнинг сўзларида учрамайди. Бу жумлалар Аллоҳ таолога нисбатан одобсизлик ҳисобланади.

Тавсия шуки, шерикчилик қилаётганлар фойдаларидан фақирларга улуш ажратишни назр қилмасдан, масалан: “Фойдани учдан бирини фақирларга ажратамиз, иншааллоҳ”, деб ният қилсинлар. Шунда мабодо фойдадан улуш ажратолмай қолсалар ҳам гуноҳкор бўлмайдилар. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

YouTube | Instagram | Facebook | Tiktok