🐟🌐🆕🆕
據中央社報導，兩名臺灣人因爲涉嫌接受中國个指示搭收受中國个銅鈿製作總統大選个假民調㑭台灣檢方起訴。兩個人㑭指控受中共福建省委底下个福建日報高層邀請，到廈門旅遊，後首在臺灣發布假民調8屆，營造藍綠兩黨選情緊繃，暗示泛藍選民棄柯保侯；兩人還㑭指控收取銅鈿人民幣13萬多。

英國《金融時報》報導，2月7號美國參議院共和黨人又一屆阻攔包括援助烏克蘭扗裏丄个撥款計劃。箇隻計劃從舊年12月拖到現在，裏丄還包括對臺灣个財政援助搭加強邊境安全个條款。共和黨議員要求用更嚴格个邊境管制來換取佢拉對法案个支持。

據《華爾街日報》報導，中國大陸2024年1月份消費者物價指數（CPI）个下跌幅度達到着14年以來个頂高水平，反映經濟弗景氣搭仔通貨緊縮加劇。報導援引中國統計局个數據，話24年1月份中國居民个消費價鈿同比下降着0.8%，佢背後个原因作興是缺乏購買力，商家進一步降低價鈿。

據歐盟「哥貝尼氣候變化服務」个最新監測報告，剛巧過去个2024年1月份是有記錄以來頂熱个1月份。
#新聞

一週🐟🌐🆕🆕 #新聞
OpenAI 宣布發布頭一隻視頻生成模型 Sora，好根據文字个提示來生成視頻。衛報報導話，OpenAI 扗 X（Twitter）丄發個演示裏向好看見「交關細膩个場景、複雜个攝像機動作咾情緒飽滿个多隻角色」。

《澎湃新聞》報導，中國人民銀行在扗2月20號大幅度下調中國个貸款市場報價利率（LPR）。箇趟是2024年中國央行頭一埭降息，報導也話箇是歷史丄頂大幅度个單次降息。

中國黑客外包商「安洵信息」信息扗網絡高頭㑭公開，包括中國政府買黑客服務搭監控國內居民服務个事體，還包括滲透外國通信商、政府、航空數據个事體。

在扗2022年底「白紙」抗議活動裏向拍上海街頭紀錄片《烏魯木齊中路》、傳到外國網站个導演陳品霖（pluto），㑭當局擔涉嫌尋釁滋事罪起訴，羈押扗寶山區看守所。

德國化工巨頭巴斯夫（BASF）9號講會剝離扗居新疆考爾拉（Korla）个兩爿合資企業个股份，因爲合資伙伴涉嫌侵犯人權。德國《商報》扗》2023年11月發表報告曝光巴斯夫美克在新疆个股東涉嫌強迫勞動。


據臺灣中央社報導，2月14號下晝，一艘中國大陸个快艇帶4個人開進金門海域，㑭臺灣海巡署人員追緝，居艘船逃个辰光翻脫，4家頭落扗海裏向，當中2個人朆救轉來。其餘兩人扗20號已經遣返。

據中央社報導，2月22號臺灣行政院會通過「全國性公民投票不在籍投票法」草案。

社運人士古思堯2023年12月預告抗議區議會選舉制度弗公，但弗過出發前被捕，古思堯否認「企圖作出或準備作出一項具煽動意圖个行爲」罪，受審後2月16日扗西九龍裁判法院㑭裁定罪成，判囚9個月。《明報》話，警方場發現佢準備扗居抗議个辰光用个黑顏色棺材，上丄寫「一國兩制送殯儀館 愛港愛國分個議員」。

香港政府統計處公佈2023年年底人口統計數據，有4萬多人從中國內地移民到香港。

香港擴大「赴港個人旅遊計劃」（「自由行」）到西安搭青島。

烏克蘭總統澤連斯基2月8日宣布，陸軍司令瑟爾斯基（Oleksandr Syrskyi）接替柴盧示尼（Valerii Zaluzhnyi）當總司令。

2月16號，羅宋反對派政治家納伐尼（Alexei Navalny）扗監牢裏向過輩，終年47歲。美國提出制裁計劃。21號，歐盟同意對羅宋个第十三輪制裁，頭一屆包括中國个實體。

以色列總理內塔尼亞胡（Benjamin Netanyahu）話以色列軍隊要望加沙頂南部城市拉法（Rafah）推進，引發多個國家个反對，箇裏向包括，法國、獨國、澳洲、加拿大、新漵蘭。美國少有个在許擬一份聯合國安理會提議來阻止進攻。歐盟裏向26個成員國發出聯合聲明。

土爾堅安全部門扗伊斯坦布爾捉着6名嫌疑人，指控佢拉幫中國情報部門收集在土爾堅个回鶻人个信息。

2月19號，米國阿拉排馬州最高法院扗兩宗案件裏向裁定，冷凍胚胎算是兒童。因爲法律風險，有星診所醫院停止輔助生育治療。

2月14號，韓國搭古巴正式建立大使級外交關係。

因韓國醫生發起集體罷工影響，韓國醫療資源嚴重空缺。法新社報導指出，韓國計畫醫學院擴招來應對人口老齡化，但增加名額會影響現有醫生个收入。