አንዳንድ ወንድሞች "ስዋፕ-ፍሪ (Swap-free) ወይም ኢስላሚክ አካውንት" በመጠቀም ችግሩን መፍታት ይቻላል ይላሉ። ይህ ትልቅ ስህተት ነው። "ስዋፕ" ማለት ሌሊት ክፍት ለሚቆይ ግብይት (overnight position) የሚከፈል አንድ የወለድ አይነት ብቻ ነው። "ስዋፕ-ፍሪ" አካውንት ይህንን ክፍያ ብቻ ያስቀራል እንጂ ዋናውን የሌቨሬጅ ችግር ፈጽሞ አይፈታውም። ዋናው ችግር ከብድሩ ጋር የተቆራኘው ጥቅም ነው።

3. እርግጠኛ አለመሆን (ጘረር - الغرر) እና ከቁማር ጋር መመሳሰል:
የፎሬክስ ገበያ እጅግ በጣም ተለዋዋጭና አብዛኛው እንቅስቃሴው በፖለቲካዊና ኢኮኖሚያዊ ክስተቶች ግምት ላይ የተመሰረተ ነው። ለአንድ ተራ ሰው የገንዘቦችን ዋጋ መውጣትና መውረድ በትክክል አውቆ መነገድ ፈጽሞ የማይቻል ነው። ይህ ከፍተኛ የሆነ እርግጠኛ አለመሆን፣ በግምት ላይ ብቻ ተመስርቶ በአጭር ጊዜ ውስጥ ትርፍ የማግኘት ሂደት ከቁማር ጋር በጣም ያመሳስለዋል። በሸሪዓችን ደግሞ ከፍተኛ "ጘረር" እና ቁማር በጥብቅ የተከለከሉ ናቸው። ይህ አይነቱ ግብይት ለህብረተሰቡ ምንም አይነት እውነተኛ ኢኮኖሚያዊ ጥቅም ሳያስገኝ፣ የሰዎችን ገንዘብ በህገ-ወጥ መንገድ ለመውሰድ ያለመ በመሆኑ ኢስላም ይቃወመዋል።

4. የሌለውን መሸጥ (بيع ما لا يملك)
በብዙ የፎሬክስ አሠራሮች ውስጥ፣ በተለይ ምንዛሬን "ሾርት" (short) ስናደርግ ወይም ስንሸጥ፣ በእጃችን የሌለንንና ያልተረከብነውን ነገር ነው የምንሸጠው። ነብዩ ﷺ በሐኪም ኢብኑ ሒዛም ሐዲሥ ላይ «የሌለህን ነገር አትሽጥ!» በማለት በጥብቅ ከልክለዋል።


ሳጠቃልለው፦
ከላይ ባየናቸው ነጥቦች መሠረት፣ በአሁኑ ሰዓት ያለው የችርቻሮ ፎሬክስ ትሬዲንግ (Retail Forex Trading) በሚከተሉት ዋና ዋና እና ከባድ የሸሪዓህ ጥሰቶች ምክንያት ክልክል (ሐራም) ነው፦

🔤 በሌቨሬጅ አማካኝነት የሚፈጸመው ግልጽ ወለድ (ሪባ)።

🔤 የእጅ በእጅ የመረካከብ (ተቃቡድ) መስፈርት መጥፋት እና ግብይቱ በውል (CFD) ላይ መሆኑ።

🔤 ከፍተኛ የሆነ ግምትና እርግጠኛ አለመሆን (ጝረር) እንዲሁም ከቁማር ጋር መመሳሰሉ።

🔤የሌለንን ነገር መሸጥ።


ታዲያ ሸይኽ አል-ረሽዳን ለምን "ይፈቀዳል" አሉ?
የሸይኹ ፈትዋ የሚናገረው ስለ መሰረታዊ የምንዛሬ ልውውጥ መርህ ነው። ይህ መርህ ትክክል ነው። ነገር ግን የሸይኹ ፈትዋ የዘመናዊውን ፎሬክስ ውስብስብ አሰራር (ሌቨሬጅ፣ CFD ወዘተ) ያላካተተ አጠቃላይ መልስ ነው። የሸሪዓ መርህ "አንድ ነገር ሲፈቀድ ከመስፈርቶቹ ጋር ነው" ይላል። ዘመናዊው ፎሬክስ እነዚያን መስፈርቶች አያሟላም። ስለዚህ አጠቃላይ ፈትዋን ለየት ያለና ውስብስብ ለሆነ ጉዳይ መጠቀም ስህተት ነው።

ውድ ወንድሞቼ እና እህቶቼ፣
የገንዘብ ፍላጎት ተፈጥሯዊ ነው። ነገር ግን የምንፈልገውን ገንዘብ የምናገኝበት መንገድ ሐላል መሆኑ ከሁሉም ነገር በላይ ሊያስጨንቀን ይገባል። ሐራም በሆነ መንገድ የተገኘ ገንዘብ በረከት የለውም፣ የአዕምሮ ሰላምን ይነጥቃል፣ የዱንያና የአኺራ ኪሳራንም ያስከትላል። ለጊዜው ከሰዎች ተደብቀን እየሠራነው ይሆናል፤ ከአላህ ግን ፈፅሞ አንደበቅም። ለጊዜው አካውንታችን ላይ ሳንቲም ሊጠራቀም ይችላል። በቢሊዮኖች የሚቆጠር! ሐራም ከሆነ አላህ በቀላሉ ይበታትነዋል፣ ሌላው ቢቀር አይበለውና ያላሰባችሁት በሽታ ቢጥልባችሁ በሕክምና ይወጣል። ከምንም በላይ ደግሞ አኺራህ ላይ ያለን ነገር አስቡት። ከሚያጠራጥረን ነገርም እንራቅ። ላብ በምናወጣባቸው ሐላል ከስቦች ብቻ እንጠመድ። አላህ በረከቱን ያደረገው በትዕግስትና ጥረት በሐላል ሥራ ውስጥ ነው።

በፎሬክስ ስም የሚፈጸመውን ይህንን አደገኛና ክልክል የገቢ ምንጭ መራቅ የአላህን ትዕዛዝ ማክበርና ለነፍሳችን መራራት ነው። ከአላህ ዘንድ ያለው መልካም ነገር እርሱን በመታዘዝ እንጂ በአመጽ አይገኝም። ይህንን ግልጽ ማስረጃ ካየን በኋላም "አይ! እኔ እሠራለሁ" ማለት እራስን ለአላህ ቁጣ ማጋለጥ ነው።
በምትኩ፣ አላህ የፈቀዳቸውን ስፍር ቁጥር የሌላቸው የንግድ፣ የግብርና፣ የቴክኖሎጂ፣ የአገልግሎትና የኢንቨስትመንት መንገዶችን እንፈልግ። በትክክለኛው መንገድ ስንጓዝ አላህ ይረዳናል፣ በገንዘባችንም በረከት ያደርግልናል።
አላህ ሁላችንንም ከሐራም ይጠብቀን፤ ሐላልና በረከት ያለው ሪዝቅ ይስጠን። አሚን።


N.B: በዚህ ርዕስ ግልፅ ያልሆነለት ሰው ካለ ወይም የመከራከሪያ ነጥብ አለኝ የሚል ካለ ሐቁን ለማሳወቅ ኮመንት ላይም ሆነ በውስጥ ያስፍርልኝ። በግልፅ መወያየት እችላለሁ።


መረጃው ይጠቅማል ካላችሁ ለሌሎችም አጋሯቸው።

♠
ወንድማችሁ፦ ሙራድ ታደሰ
========
ሰኔ 01, 2017 E.C.
ዙል ሒጃ 12, 14446 H.C.
June 08, 2025 G.C.