🚀 AI va dasturlash: vebinardan asosiy qaydlar

29-mart kuni Senior Software Engineer Atabekov Farrux bilan bo‘lib o‘tgan AI dasturchilarning o‘rni va kelajagi mavzusidagi vebinarda, sun’iy intellekt dasturlash jarayonini qanday o‘zgartirishi va dasturchilarga qanday imkoniyatlar yaratishi haqida muloqot o'tkazildi.

Vebinarda quyidagi fikrlar muhokama qilindi:
✅ AI dasturchilarni o‘zgartiradimi yoki ularning o‘rnini egallay oladimi?
✅ Dasturlash jarayonida AI'ning qanday vositalari samaraliroq?
✅ O'zbekistonda frilanserlik

✍️ Bu va boshqa qiziqarli fikrlarni vebinar yozuvidan bilib olishingiz mumkin: YouTube havola

💡 Siz AI dasturlash kelajagi haqida qanday fikrdasiz? Fikrlaringizni bo‘lishing!

@digitalitvacancy

📁 CV va Rezyume – Qaysi biri kerak?

Ishga kirish jarayonida CV va Resume tushunchalari ko‘p uchraydi. Ko‘pchilik ularni bir-biridan farqlamaydi, lekin ular o‘ziga xos jihatlarga ega.

🔼 CV (Curriculum Vitae) – batafsil ta’lim, ish tajribasi, ilmiy maqolalar, sertifikatlar va boshqa ma’lumotlarni o‘z ichiga oladi. Odatda akademik va ilmiy sohalarda ishlatiladi. Hajmi cheklanmagan.
🔼 Rezyume – ish beruvchi uchun eng muhim ma’lumotlarni qisqa va lo‘nda ifodalovchi hujjat. 1-2 betdan iborat bo‘lib, faqat tegishli tajriba va ko‘nikmalarni qamrab oladi. Ishga kirish uchun keng tarqalgan format.

❓ Qaysi biri kerak?
Agar akademik lavozim, grant yoki ilmiy faoliyatga ariza topshirsangiz – CV
Agar ishga kirish uchun hujjat tayyorlayotgan bo‘lsangiz – Rezyume

🔗 Maslahat: Ish beruvchi Sizdan aynan CV yoki Rezyume talab qilayotganini aniqlashtiring va shunga mos ravishda tayyorlang! Agar ishga hujjat topshirish jarayonida qiyinchiliklarga duch kelayotgan bo‘lsangiz, ushbu havolani ko'zdan kechiring: Keling, ishga hujjat topshiramiz!

✅ Tez orada Job & Edu Fest tashkillashtirilishi kutilmoqda, nima deb o'ylaysiz yarmarkada Sizga qaysi biri kerak bo'ladi?

@digitalitvacancy

✔️ IT sohasida muvaffaqiyatga erishish uchun "Must-have" platformalar

🔵 IT sohasida yangi boshlovchi yoki tajribali mutaxassis bo'lishingizdan qat'iy nazar, bilishingiz kerak bo'lgan va faoliyatingizda qo'l keladigan bir qancha muhim platformalar mavjud.

GitHub – Kodni boshqarish va jamoada ishlash uchun eng yaxshi platforma. Boshqa dasturchilar bilan hamkorlik qilish va ochiq manba loyihalarida qatnashish uchun ideal.
Stack Overflow – Dasturchilar uchun savol-javob platformasi. Dasturlashdagi muammolarni hal qilishda yordam beradi.
GitLab – Git repozitoriylarini boshqarish va CI/CD jarayonlarini avtomatlashtirish uchun zarur.
AWS (Amazon Web Services) – Bulutli hisoblash xizmatlari. Dastur yaratish, saqlash va ma'lumotlarni tahlil qilish uchun muhim.
Docker – Ilovalarni konteynerlashtirish uchun kerakli platforma. Ishlab chiqish, testlash va tarqatish jarayonlarini soddalashtiradi.
Notion – Belgilangan vazifalarni va ta'lim materiallarini tashkil etishda yordam beradi.

❗️ Sizningcha, eng samarali IT platformalari qaysilari va qaysi biridan doimiy foydalanib kelmoqdasiz?

@digitalitvacancy

🔖 Portfolio yaratish uchun 5 foydali yo‘l

IT sohasida muvaffaqiyatli ish topish uchun portfolio muhim vositalardan biridir. Agar Sizda hali rasmiy ish tajribasi bo‘lmasa ham, quyidagi usullar orqali mustahkam va professional portfolioni shakllantirish mumkin:

➡️ O‘quv loyihalarni portfolioga aylantiring
Ta’lim kurslari yoki bootcamplar davomida bajargan amaliy topshiriqlaringizni yakunlangan, sifatli ko‘rinishda taqdim eting.

➡️ Shaxsiy loyihalar yarating
O‘z qiziqishlaringiz asosida ishlab chiqqan kichik dasturlar, veb-saytlar yoki ilovalar Sizning tashabbuskorligingiz va texnik salohiyatingizni namoyon etadi.

➡️ Bepul xizmat taklif qiling
Real mijozlar bilan ishlash tajribasi Sizning portfoliongizni amaliy jihatdan boyitadi. Masalan, tanishingiz biznesiga mini sayt, logo yoki Telegram bot. Sizga tajriba, ularga esa foyda!

➡️ GitHub profilini faol yuriting
Loyihalaringiz kodini GitHub’ga joylashtirish, ularni hujjatlashtirish va muntazam ravishda yangilab borish IT mutaxassisi sifatida Sizning rivojlanishingizni ko‘rsatadi.

➡️ Hackathon va ochiq manbali loyihalarda qatnashing
Jamoa bilan ishlash, real muammolarni yechish va keng doiradagi texnologiyalar bilan tajriba orttirish uchun ajoyib imkoniyatdir.

🔹 Xulosa: Portfolio — bu Sizning amaliy bilimlaringiz va ish uslubingizni namoyon etuvchi asosiy vosita. Uni sifatli, tizimli va natijaga yo‘naltirilgan tarzda shakllantirish bo‘lajak ish beruvchingizga kuchli taassurot qoldiradi.

@digitalitvacancy

🧠 Soft skill'lar ichida eng muhimi qaysi?

Yaqinda o‘tkazilgan so‘rovimizda ishtirokchilarning katta qismi muloqot qilish qobiliyatini eng muhim yumshoq ko‘nikma sifatida tanladi. To‘g‘ri, texnik bilimlar muhim, ammo Sizni jamoada ajratib ko‘rsatadigan narsa — bu aynan qanday muloqot qilishingiz.

👥 Muloqot faqat gapirish emas — u tinglash, fikrni aniq ifodalash, tanqidni to‘g‘ri qabul qilish va ijobiy muhit yaratish san’atidir.

📌 Nega bu ko‘nikma IT mehnat bozorida muhim?
— Masofaviy ishda jamoa bilan aloqa doimo ravshan bo‘lishi kerak
— Intervyularda o‘zingizni qanday tutishingiz hal qiluvchi rol o‘ynaydi
— Hamkorlikda ishlayotganingizda konstruktiv fikr almashish muvaffaqiyat kalitidir

✅ Shunchaki professional bo‘lish yetarli emas — o‘zingizni to‘g‘ri ifodalashni o‘rganing, va bu Sizni bir necha qadam oldinga olib chiqadi!

💬 Siz uchun muloqot ko‘nikmasini rivojlantirishda nima yordam bergan? Fikrlaringizni izohlarda kutamiz!

@digitalitvacancy

IT liderlarni izlayapsizmi? Ularni "Job & Edu Fest 2025"da toping!

🗓 14-may kuni Inha universitetida navbatdagi yirik IT mehnat va taʼlim yarmarkasi – “Job & Edu Fest 2025” bo‘lib o‘tadi.

Bu yilgi yarmarkada:

➡️ O‘zbekistonning yetakchi IT sohasidagi universitetlarining iqtidorli bitiruvchilari;
➡️ Xalqaro IT sertifikatlariga ega yosh mutaxassislar;
➡️ Dasturlash, sun’iy intellekt, kiberxavfsizlik va boshqa zamonaviy yo‘nalishlarda xorijiy tillarni biladigan yoshlar ishtiroki kutilmoqda.

Agar Sizning tashkilotingiz:

➡️ IT mutaxassislariga ehtiyoj sezayotgan bo‘lsa;
➡️ Ta’lim dasturlarini targ‘ib qilmoqchi bo‘lsa;
➡️ Yoshlar orasida brendini mustahkamlashni istasa - “Job & Edu Fest 2025” bu boradagi eng to‘g‘ri maydon!

🗺 Manzil: Inha universiteti va School 21 kampusi
⏰ Vaqt: 14-may, 15:00 - 17:00

🔗 25-aprel soat 23:59gacha havola orqali ro'yxatdan o'ting. Shoshiling, joylar soni cheklangan!

🌐Sayt 🚀Telegram 🔵Facebook
📷 Instagram 🎬YouTube 🎰Linkedin