✍️ Karyera rivoji uchun qanday sertifikatlar kerak?

📈 Bugungi kunda IT sohasida muvaffaqiyatga erishish uchun nafaqat amaliy ko‘nikmalar, balki xalqaro darajada e’tirof etilgan sertifikatlarga ega bo‘lish ham muhim. Bu Sizga ishga qabul qilinish imkoniyatini yaratibgina qolmay, balki doimiy rivojlanishga bo’lgan qiziqish va harakatingizni namoyon qiladi.

⬇️ Quyida IT mutaxassislari uchun karyera rivojida foydali bo‘ladigan sertifikatlar haqida qisqacha ma’lumotni taqdim etamiz:

⌛ AWS Certified Solutions Architect - bulutli tizimlarni loyihalash va boshqarishda yuqori malakaga ega ekanligingizni isbotlab beruvchi vositadir.

⌛ Google Certified Professional Data Engineer: Ushbu sertifikat ma’lumotlar tahlili, boshqaruvi va sun’iy intellekt sohalarida ishonchli mutaxassis ekanligingizni tasdiqlaydi.

⌛ Coursera Professional Certificates: “Meta Front-End Developer” yoki “Google IT Support” kabi sertifikatlar orqali sohaning turli yo‘nalishlarini masofadan o‘rganishingiz mumkin. Dunyo bo‘ylab tan olingan yirik kompaniyalar tomonidan akkreditatsiyadan o‘tgan.

⌛ CompTIA Security+ - kibertahdidlarni aniqlash va ularni bartaraf etish bo‘yicha malakangizni tasdiqlovchi eng muhim sertifikatlardan biri.

⌛ Scrum Master Certification (CSM) - IT loyihalar va jamoani samarali boshqarish hamda tezkor dasturlash jarayonlarini mukammallashtirish imkonini bera oladi.

⚠️ Bilarmidingiz? Xalqaro IT sertifikatlar uchun sarflagan xarajatlaringizni qisman yoki to'liq kompensatsiya olish imkoniyati mavjud!

Oramizda xalqaro IT sertifikat olganlar yoki reja qilayotganlar bormi? Kompensatsiya qilganlar-chi?

@digitalitvacancy

O‘z bilimingizni xalqaro darajada tasdiqlang va xarajatlarni unuting!

🔗 Xalqaro IT sertifikatlari Sizga qanday imkoniyatlar yaratadi?
✅ Texnik bilim va ko‘nikmalaringizni xalqaro miqyosda tanitadi.
✅ Karyera yo‘nalishingizni aniq belgilash va rivojlantirishga ko‘maklashadi.
✅ Ish beruvchilar orasida raqobatbardoshligingizni oshiradi.
✅ Global IT hamjamiyatining faol a’zosi bo‘lish imkoniyatini beradi.

🛡 Xalqaro sertifikatlar uchun xarajatlarni qoplash imkoniyati!
Vazirlar Mahkamasining 2024-yil 17-fevraldagi 95-son qaroriga ko‘ra, 2024-yil 1-martdan boshlab, yoshlar uchun xalqaro IT-sertifikat olish xarajatlarini qoplash dasturi yo'lga qo'yilgan. Agar Siz 14-30 yosh oralig'idagi O'zbekiston fuqarosi bo'lsangiz, “IT Iste’dod” dasturi doirasida:
🔹 Xalqaro IT-sertifikat va o‘qish xarajatlarining 60 foizigacha qoplash imkoniyatiga ega bo‘lasiz.
🔹 Ingliz tilidan B2 yoki undan yuqori darajadagi sertifikatga ega bo‘lsangiz esa xalqaro professional IT-sertifikatlar uchun xarajatlarni 100% kompensatsiya asosida qaytarib olishingiz mumkin.

⌛ Kompensatsiya olish tartibi bilan ushbu havola orqali tanishishingiz mumkin.

@digitalitvacancy

📁 Ishga kirish uchun mukammal portfolio tayyorlash bo‘yicha maslahatlar

🔖 Portfolio strukturasi
Loyihalaringizni tartib bilan joylashtiring: Muhim va e’tiborga molik ishlaringizni birinchi o‘ringa qo‘ying. Har bir loyihaga qisqacha ta’rif yozing: loyiha maqsadi, texnologiyalar va Sizning rolingiz.

🔖 Amaliy loyihalar
Portfolioingizga real loyihalarni qo‘shing: Freelancer platformalaridagi ishlaringiz yoki shunchaki mashq uchun bajargan loyihalaringizni ham kiritishingiz mumkin.

🔖 Dizayn va ko‘rinish
Portfolioingiz ko'rinishi tiniq, oson tushuniladigan va professional ko‘rinishga ega bo‘lishiga e’tibor qarating. Agar dasturlash bilan shug‘ullansangiz, GitHub havolalarini qo‘shishni unutmang.

🔖 Mutaxassislikka moslik
Portfolioingiz ishga kirishga mo‘ljallangan sohangiz bilan bog‘liq bo‘lishi kerak. Misol uchun, veb-dizayner bo‘lsangiz, faqat shu yo‘nalishdagi ishlaringizni joylashtiring.

🔖 O‘z brendingizni yarating
O‘z ismingiz yoki logotipingiz bilan maxsus shaxsiy veb-sayt yarating. Kontakt ma’lumotlari va ishga oid ijtimoiy tarmoqlaringizni ko‘rsating (LinkedIn kabi).

🔗 Qo‘shimcha maslahat: Portfolioingizni doimiy ravishda yangilang va kerak bo‘lsa, tajribali mutaxassislardan fikr oling.

💡 Eslatma: Portfolio bu Sizning ish beruvchi uchun bera oladigan birinchi taassurotingiz. Uni sifatli va e’tiborli tayyorlash o‘z kelajagingizga sarmoya bo‘ladi!

@digitalitvacancy

💼5-daqiqada ajoyib portfolio yasashingiz mumkin bo‘lgan 4 ta eng yaxshi veb-sayt:

🌐 Carbonmade - Ishlaringizni zamonaviy va professional dizaynlar bilan namoyish eting.

📝 Journo Portfolio - Yozuvchilar va jurnalistlar uchun maqolalari va hikoyalarini taqdim etish uchun ideal.

🎨 Coroflot - Dizaynerlar o‘zlarining ijodiy loyihalarini namoyish qilish va e’tibor qozonish uchun mukammal platforma.

📦 Portfoliobox - Shaxsiylashtirilgan portfel yaratish uchun qulay va ko‘p funksiyali platforma.

Portfolio yasamoqchi bo‘lgan do‘stingizga yuborib qo‘ying🛫

🎮 EAST Games "Start" loyihasini taqdim etadi!

🎮 EAST Games, geymdev olamida taniqli kompaniya, 2D boshlang‘ich rassomlar uchun "Start" dasturini ishga tushirdi. Ushbu loyiha o‘z mahoratini oshirishni xohlagan va o‘zini o‘yin grafikasi sohasida sinab ko‘rishni istaganlar uchun ajoyib imkoniyatdir.

Ushbu loyiha notijorat loyiha bo‘lib, ishtirokchilar tanlov asosida qabul qilinadi!

👤 Kimlar uchun mo‘ljallangan?
- Badiiy ma'lumotga ega bo‘lganlar (maktab, kollej yoki universitet darajasida)
- Adobe Photoshop’ni bilish va 3D bilan ishlash tamoyillarini tushunish
- Portfolioda atrof-muhit va predmetlar tasvirlangan ishlari bor ijodkorlar
- O‘zining ijodkorlik qobiliyatini o‘yin dizaynida rivojlantirishni xohlovchilar

🔗 Nima taklif qilinadi?
- Dastur davomida professional bilim va ko‘nikmalarni oshirish imkoniyati
- Eng yaxshi bitiruvchilarga EAST Games jamoasidan ish taklifi

📊 Hadeb o'yin o'ynash bilan kifoyalanmay, endi o'z o'yinlaringizni yarating!

➡️ Bog'lanish uchun: @nargiza_gamedev

@digitalitvacancy

🟦🟦🟦

Kompensatsiya qilinadigan xalqaro IT-sertifikatlar ro'yxatiga qaysi sertifikatlar qoʻshilishini xohlaysiz?

❗️Soʻrovnomada ishtirok eting, oʻz takliflaringizni yuboring va biz ularni koʻrib chiqamiz.

➡️Quyidagi havola orqali soʻrovnomada qatnashish mumkin: https://forms.gle/JnpP457ssNug2bxR7

🌐Sayt 🚀Telegram 🔵Facebook
📷 Instagram 🎬YouTube 🎰Linkedin