قساوة بعض الأهالي، وخاصّةً في موضوع الدراسة؛ كان سببه إنّهم يهلعون من فكرة أن يشبههم أولادهم، أن يعانون ذات المصير وذات العوز.. لكنّهم يعبّرون عن ذلك بطرق خاطئة، بالضغط واللوم والمقارنة؛ صدّقني هم ليسوا أشرارًا، فقط الدّنيا قد سلبت منهم الكثير من صحّة التفكير.. مهما حصل عمومًا، لا تجعل ذلك يكسرك، أنت تقوم بما تستطيع، والله يرىٰ، وهذا يكفي لأن يجلب رزقك.

يالله ...
بسم الله .. بسم رب الحُسين..

عندي كلام وياكم كل سنة اعيدة قبل محرم هم تذكير الي .. وهم تَنـبيه 📣

الموضوع ..
اني وغيري وهواي من الناس عدنا محرم شهر ننتظرة حالة حال شهر الله (رمضان) زين ؟!
لازم هم نحضر الة مو بس سالفة ألبس أسود والطم وأزور ووو .. والخ .
لا !! هالشهر نريد نشتغل على اعمالنا ، جوهرنا ، ووعبادتنا نكثرها حتى لو نعود نفسنا هالشهر ونستمر عليها باقي السنة .. مجرد التعويد ح يخلينا نحس بالراحة الي تصير اثناء عباداتنا وتصرفاتنا .

مثلاً .. نقرة قرأن ونهدي للإمام الحُسين أو ل الإمام القريب من قلبك .. كلنا عدنا امام قريب منا ونحجي ويا أيام ضوجتنا .. زين
نعرف انو أول عشر أيام كل يوم لاحد أصحاب الحُسين (ع) او ل أولاده سلام الله عليهم .. نعود نفسنا انو هاليوم يوم العباس نصلي ركعتين نقرة الزيارة ، نسمع قصيدة ونسوي مجلس ، حتى لو ساعة باليوم..
نلتزم بوقت صلاتنا ، اسمع لشيخ او السيد الي تحب تسمع الة ، لانو سادتنا وشيوخنا ما يقصرون بمواضيع وسلسلة يسون لشرح أيات تكون جميلة جداً ، أنظم يومي ، اسمع القصيدة القريبة الي واعيشها .. وكلة للحُسين يكون ..

نجي لتصرفاتنا ... وهالشي لازم هواي نشتغل علية
بالسنوات الأخيرة كثر موديل محرم بس لحد العاشر! برأيكم هالشي صح؟ ليش هو الحسين يا يوم نقتل ؟؟ بالعاشر يعني احنا عزائنا بالعاشر وبعد هاليوم بالعكس بعد عاشوراء يزيد العزاء ، وتزيد الأعمال أول عشر أيام الأمام عايش يكون فأحنة مو حُسينيون أول عشرة بس !! احنة نعود نفسنة وندعي الله بحق الحُسين نَستمر على هالشي طول السنة لانو هذا هم توفيق...
تصرفاتنا .. انت شخص تسمع اغاني ، لا تكول الحسين ما يريدني بالعكس .. يجوز انت اكثر شخص يريدك .. اتركها لخاطر الحسين وشوف التوفيق الي ح يصير الك ...
انت شخص عصبي ؟ تصيح على أمك ، أبوك ، تعصب ؟ فد مرة قبل لا تعصب اصفن وكول (واكعة هالمرة لخاطر أبو علي ) وأبتسم
خلو كل تصرف هالشهر للحُسين وهو ح يأخذ بأيدك

قدم الحُسين بكل شغلة تسويها وكول لخاطرة .. وهو ح يقدم الك الخير وما يعوفك حاشاه يترك ايد انمدت اله!!!
نغذي عقولنا ب فكر محمد والهِ .. وكتب كثيرة والافضل الي تروي واقعة الطف وكثيرر موجودة من الكتب والروايات الي تخلينا نسافر عبر التاريخ والخيال لطف الحُسين .. خلونا نعيش واقع الطف مع الحُسين .. خلونا نطبق (يا ليتنا كُنا معك ) بأيامنة الجاية ونعيشها .

خلي أجواء مُحرم تبين عليك .. خل الناس تعرف انت فاقد عزيز !!
خلي هالشي يبين بأفعالك واقوالك .. خلي شهر الحُسين يأدبنة .. يربينة.. خلي الدمعة ع الحُسين تغسلنة وتطهرنة .. خليها خالصة بس اله .. ترا هو يشوف وحضَّـر سجله من هسة .. انت بس النيه مالتك منظورة عندة .. ابد مراح يحس ظهره خالي مثل ظهرية عاشوراء.. خلي حزنك صح علمود الي يشوفك يكول هنياله الحُسين بيكم .. لانو انتو الخُلص من خدامهُ خلي الي عندة خلل بحزنه وايمانه وفهمه لمحرم ياخذك مثال ويكول اصير مثل فلان !

رافق الي حتى كلامك سوة هو عزاء ل ابو علي ! وهنيال الي عندة هيج رفيق .. اختارو الكتاب الي يكون رفيقك اذا ما موجود شخص .. اختار الشيخ او السيد الي ينقلك تعاليم الطف بالصورة الصحيحة .. وهنا اني والبنات إن شـــاء الــلّٰــــه ما نقصر بنشر الاعمال ان وجدت واسماء الكتب الي هسة وقتها 🤍..
نـسالكم الدعاء كثيراً وبراءة الذمة لي ..

ثُمَّ قَالَ ( عليه السَّلام ) : كَانَ أَبِي إِذَا دَخَلَ شَهْرُ الْمُحَرَّمِ لَا يُرَى ضَاحِكًا، وَ كَانَتِ الْكَآبَةُ تَغْلِبُ عَلَيْهِ حَتَّى يَمْضِيَ مِنْهُ عَشَرَةُ أَيَّامٍ، فَإِذَا كَانَ يَوْمُ الْعَاشِرِ كَانَ ذَلِكَ الْيَوْمُ يَوْمَ مُصِيبَتِهِ وَ حُزْنِهِ وَ بُكَائِهِ، وَ يَقُولُ هُوَ الْيَوْمُ الَّذِي قُتِلَ فِيهِ الْحُسَيْنُ صَلَّى اللَّهُ عَلَيْهِ "

من هسة اني حضرت جدولي ..
وحضرت كتابي
ومحضراتي الي اريد اشوفهم ..
كل حواسك لازم تُجند لخدمة الحُسين والعزاء مع الزهراء على أبنها ..

ترافقنا * ✨✨

راح انزل الكم اسماء كتب مفيدة للقراءة هالفترة 📚

اسم الكتاب : الأمام الحسين ثورة لا تنتهي 📚
المؤلف : هادي المدرسي ✍
عدد الصفحات : 31 صفحة 📑
#سيرة