" بُني ، قتلَ الله قومٍ قَتلوك ، ما أجرَأهُم عَلىٰ الرَحمٰن وعَلىٰ أنتِّهاكِ حُرّمةِ الرّسول ( ص )
وَلدي عَلي ، عَلىٰ الدُنيا بعدَكَ العَفَا " .

💔💔.

زيارة علي الاكبر (عليه السلام)
باسم الله الرحمن الرحيم
اَلسَّلامُ عَلَيْكَ يَا بْنَ رَسُولِ اللهِ ، اَلسَّلامُ عَلَيْكَ يَا بْنَ نَبِيِّ اللهِ ، اَلسَّلامُ عَلَيْكَ يَا بْنَ أَميرِ الْمُؤْمِنينَ ، اَلسَّلامُ عَلَيْكَ يَا بْنَ الْحُسَيْنِ الشَّهيدِ ، اَلسَّلامُ عَلَيْكَ أَيُّهَا الشَّهيدُ ، اَلسَّلامُ عَلَيْكَ أَيُّهَا الْمَظْلُومُ وَابْنُ الْمَظْلُومِ ، لَعَنَ اللهُ اُمَّةً قَتَلَتْكَ ، وَلَعَنَ اللهُ اُمَّةً ظَلَمَتْكَ ، وَلَعَنَ اللهُ اُمَّةً سَمِعَتْ بِذلِكَ فَرَضَيِتْ بِهِ ، اَلسَّلامُ عَلَيْكَ يا وَلِيَّ اللهِ وَابْنَ وَلِيِّهِ ، لَقَدْ عَظُمَتِ الْمُصيبَةُ وَجَلَّتِ الرَّزِيَّةُ بِكَ عَلَيْنا وَعَلى جَميعِ الْمُسْلِمينَ ، فَلَعَنَ اللهُ اُمَّةً قَتَلَتْكَ ، وَاَبْرَأُ إِلَى اللهِ وَإلَيْكَ مِنْهُمْ.

عِبْء على قلب صاحِب الزَمان "عجّل الله فَرَجه"، كُلّ شاب و شابّة، لا يحفظون حُرمَة عاشوراء.. كُلّ زِينَة، و كلّ اختلاط، و كلّ عين غير مصونة، و كلّ وَجه باسِم، و كُل نيّة شائِنة، هي صخرة تضعها على قلب مولاك الغائِب. ترفّق به، و استقم!.

-هالة الجبوري

بَعدك على الدِنيا العَفا ، فَرگاك شَيبني ..💔

اويليي الكلامم اوييليي

عندي حجي وخاف باجر نلتهي وما الحك اكولة ..فــــ ردت اعرف الموجودين !

باجر ليلة العاشر ..
المتعارف علية .. بالحَّجة عند النساء والرجال بغض النظر عن المكان .. هذا مو موضوعنة .. الموضوع هو الي يصير بالحجة .. انا عن نفسي حاضرة قبل سنوات .. لكن ولا مرة حضرت عزاء من صدك !! اغلب .. ركزو كلت أغلب الي يصير هو تجمع وناس تعزم ناس وبداية الحجة يمكن يصير عزاء ولطم اما باقي الوقت هو سوالف وغيبة وضحك وعرض عبالك منو لابس ملابس أحلى !! وأرجع واكول هالشي اني اتكلم علية لانو شفته بعيني ما اعممَ على الكل .. لكن ما شايفة

هو مو المفروض بالعاشر تكثر الحسرة والدمعة ، واللطمة تكون ع الراس مو ع الجسم !! بعزاء اقاربكم تستحي تضحك! لكن عزاء الحسين الي تكون فاطمة الزهراء حاضرة ما تستحي! لازم نربط حياتنا وتصرفاتنا وكلشي نسوي للحسين .. كـــ أرتباطنا بشخص عزيز .. مو اي شخص!!

انا أتكلم عن نفسي سنوات احضر حجة سنوااات ولا مرة حسيتها وصلت !! سنة من السنوات كلت ما اطلع .. حضرت الأعمال المتعارفة .. شغلت التلفزيون .. يمي مفاتيح الجنان والقرآن وسجادتي .. واسمع لنعي اشوف واقعة كربلاء ومواقع التواصل ما مقصرة تعيشك أجواء كـــأنو حاضر بكربلاء انت .. تستشعر بالدمعة .. تنسى الضحكة ، بهاليوم اني حتى انقطع عن وسائل التواصل الاجتماعي.. الميت ابوية ، واخوية ، وامامي ، ومنقذي ، وشفيعي ، مو شخص عادي
بعزاء القريب اني ما اكعد على الموبايل !!

بهيج يوم .. الي يضحك عاتبة ، الي همة اكل عوفة ، عيش أجوائك انت ، سافر ل طف الحسين بدمعتك ، ودعائك ، وخشوعك ، منو مثلك والزهراء حاضرة وياك بهيج دمعة خالصة .. سيدتي مولاتي تكول انا احضر عزاء ولدي الحُسين اينما وجد !! يعني يمك ح تكون ..!!

الشغلة الثانية ..
اكو بنات متعودات انو يحضرن حجة او يكون ببيتهم .. اني مدا أعمم بس انتي هالمرة خلي خدمتج غير !! الي تضحك او تسولف ، او ما جاية تعزي .. بكل احترام طلبي منها انو يابة احنة بعزاء عذراً عندج سالفة لا تخربطين المجلس .. بكل أحتررررام ... الي مخلية مكياج طلبي منها تمسحة بس بكلام راقي ما احب التهجم والأسلوب الي يخلي مقابل يعاند .. احنة دينا مو إكراه .. بأحترام .. شفتي النساء يسولفن .. شغلي زيارة عاشوراء بالسماعة وعلي الصوت .. منعي اي شي يخل بالمجلس .

من نكول أحنة حسينيون.. ما نريد نرددها بس كلام خلي لو كلمة تشفع النا عنده .. واسي زينب هالسنة .. نكثف أعمالنا بهاليوم ننقطع عن شغلاتنا الروتينية.. اذا كنا ساعة نكعد ع السجادة خلوها باجر ساعتين .. ونصحوا .. شجعوا الاهل .. شغلوا قصيدة وخل الاهل تجتمع .. اي شي يجمعنا للحُسين..
وان شاء الله الصبح ح انشر الأعمال من وقت ..علمود الكل يلحك ينظم وقتة .. وصباح العاشر ...انا ما انزل شي من جدولنا اليومي ..هاليوم اني كلشي ما اسوي أريدكم بس هاليوم تعذروني..
واسفة على الأطالة ..

بنفس الوقت أنوه على شغلة .. اني ما امنع حضور المجالس بالعكس !! هنيالة الي يحضر عزاء ابا عبدلله .. بس كون تروح وضامن دمعتك وتعبك يوصل .. مو تروح تحصل ذنب وترجع .. ما اريد اتعمق بسوالف البنات من المكياج وهالامور .. ولا سوالف الولد وكعدتهم بالشارع .. وهم ارجع واكرر الاغلبية وليس الكل .. اكو مجالس شرف اذا تكون حاضرة بيهاا ...
فكروا بيها وكأنو المقتول .. من اهلكم 💔