AQSH sobiq prezidenti Reyganning doʻstlari — soʻl qarashdagi er-xotin — mehmonga keladi. Ular bilan birga ularning qizi ham keladi. Soʻrab qolishadi:
— Katta boʻlsang, kim boʻlmoqchisan?
— AQSH Prezidenti, — deydi qizaloq.
— Prezident boʻlsang, birinchi nima qilasan?
Qizaloq javob beradi:
— Uysiz va och odamlarga uy va ovqat beraman.
Ota-onasi faxrlanib turishibdi: “Qara, bolamiz qanday mehribon, qanday sotsial adolatparvar!”
Reygan esa boshqacha yoʻl tutdi:
— Juda yaxshi niyat, — deydi. — Lekin bu ishni Prezident boʻlguncha kutmasdan ham qilib qoʻyish mumkin. Masalan, ertaga mening uyimga kelasan: gazonni oʻrasan, oʻt-oʻlanlarni tozalaysan, yoʻlakni supurasan. Men senga 50 dollar toʻlayman. Keyin oʻsha uysiz odam turgan doʻkon oldiga boramiz, va sen shu 50 dollarni unga berib, uy va ovqatga yordam qilasan.
Qiz biroz oʻylab turadi-da, savol beradi:
— Nega oʻsha uysiz odamning oʻzi kelib, oʻsha ishlarni qilmaydi? Unga toʻgʻridan-toʻgʻri 50 dollar bersangiz boʻlmaydimi?
Shunda Reygan kulganicha deydi:
— Respublikachilar partiyasiga xush kelibsan, qizaloq!
Shundan keyin qizaloqning soʻl qarashdagi ota-onasi Reygan bilan gaplashmay qoʻyishgan, deyishadi.

@diaryexpert

— Kuyov nima ish qiladi?
— Shu, toza havoga direktor.
— Biz rozi:)

@diaryexpert

Olmanglar, olmanglar...

@diaryexpert

Ahvolimiz...

@diaryexpert

Robotlar shu darajaga chiqib ketdimi?

@diaryexpert

ILTIMOSNOMA

Tafakkur sohibi mana bu odam,
U aslo sinmaydi, qancha egmagin.
Biroq banda u ham, insondir u ham,
Hurmatli xudbinjon, unga tegmagin.

Mana bu odamda qalb bordir goʻzal,
Hislari oʻxshaydi yoyilgan kunga.
Iltimos qilaman, rahm aylagil sal,
Azizim dilozor, tegmagin unga.

Bunda-chi porlaydi yorqin isteʼdod,
Aql-u his birlashib, unda boʻlmish jam.
Xudo haqqi, uni qilmagil barbod,
Qadrli hasadgoʻy, tegma unga ham.

Yaxshisi, barchangiz marhamat aylab,
Keling huzurimga, mehmon qilgayman.
Axir ayon menga sizdagi talab,
Har nechuk, men sizni koʻpdan bilgayman.

✍️ Abdulla Oripov

@diaryexpert

Sheʼr til tanlamaydi, koʻngil tanlaydi.

@diaryexpert

“Yangi asr avlodi” nashriyoti jamoasi kamina tarjimasi ostidagi britaniyalik yozuvchi, Nobel mukofoti sovrindori Kazuo Ishiguroning “Koʻmilgan dev” romanini chop etdi. Shu munosabat bilan, avvalo, nashriyotga alohida rahmatimni aytmoqchiman.

Umuman olganda, kitob haqiqatan ham juda sermazmun yozilgan. Buni uni tarjima qilganim uchun emas, balki asarning badiiy gʻoyasi, ichki falsafiy qatlamlari va inson xotirasiga doir teran mulohazalari yuqori darajada ifodalangani uchun aytyapman. Albatta, mendek tarjima bobida “uquvsiz” odam uchun asar tarjimasida ayrim kamchiliklar kuzatilishi mumkin. Buni esa oʻquvchilarning xolis hukmiga havola qilaman.

Ishiguro hali oʻzbek kitobxonlari uchun toʻliq oʻrganilmagan adabiy olam. Abdulla Qahhor taʼbiri bilan aytganda, qazini qancha koʻp chaynasang, mazasi shuncha koʻp chiqadi. Yaxshi kitob ham xuddi qaziga oʻxshaydi. Xuddi shunday, “Koʻmilgan dev”ni oʻqiganingiz sayin yangi “maza”larni his qila boshlaysiz.

Demoqchi boʻlganim, Kazuo Ishigurodek yozuvchini oʻzbek tilida “gapirtirish” mening chekimga tushganidan, shunday baxt nasib qilganidan chin dildan xursandman. Albatta, izohlarda, adabiy davralarda asar haqidagi fikr-mulohazalaringizni kutib qolaman. Umid qilamanki, Ishiguro ham oʻzbek kitobxonlari orasida oʻz muxlislarini topadi.

@diaryexpert