Байзу́к - здаровы, дужы.

Прыклад ужывання: такі байзу́к малады, хлопіц Манькін, вы б зацівалі работу, а ён гуляя.

#НароднаяЛексіка #Чачэрск #Залессе

Дзядзька Апана́с пастукаўся - калі хтосьці захварэў на панос.

Прыклад ужывання: чаго ты ўвесь час на двор лятаеш, хіба да цібе дзядзька Апана́с пастукаўся?

#ТрапныВыраз #Масты

Прапануем да вашай увагі 2️⃣1️⃣-ы выпуск літаратуры па дыялекталогіі!

Песні вёскі Каўняцін Пінскага раёну

У кнізе апублікаваныя песні, прыпеўкі, выслоўі і прыказкі, загадкі і нават адна народная паэма, запісаныя аўтарам у вёсцы Каўняцін Пінскага раёну. Таксама прадстаўлены слоўнік говару вёскі з прыкладамі выкарыстання слоў.
Мэта кнігі - захаваць скарбы палескай гаворкі і фальклору канкрэтнай вёскі для нашага і будучых пакаленняў.

#літаратура #Пінск #фальклор #Каўняцін

Мы стварылі свой уласны Мастадон🐘

📲 Далучайся!

Корэ́ц - кубак.

Прыклад ужывання: налі с’ято́е воды ў корэ́ц і по чуць-чуць порозлівай по вёдрах, ў коло́дзесь тожэ не забудзь, коб вода сьята́я была круго́м.

#СловоДняПолісскою #Лунінец #Дварэц

За́гарада - сенажаць за хатамі.

#НароднаяЛексіка #Шчучын #Шынкаўцы

Зару́пыты - захвалявацца.

Прыклад ужывання: бач якій, сыдів, сыдів, а тут зару́пыло.

#СловоДняПолісскою #Бяроза #Здзітава

Пава́ра - вялікая лыжка, якой наліваюць страву.

Прыклад ужывання: была ўчора на базары ў Венцы́, купіла сабе пава́ру.

#НароднаяЛексіка #Валожын #Камень

Кулэмэ́ня - дрывотня; агульная назва крытага неацяпляльнага памяшкання для захавання дроў.

Прыклад ужывання: брат складував нарубляны чуркы в кулэмэ́ню.

#СловоДняПолісскою #Маларыта #Лукава

Пінцяле́й - няўдалы чалавек.

Прыклад ужывання: які яе мужык? Пінцяле́й, ніпаваротлівы, мару́да. Такі-сякі пінцяле́й, а жыць на сьве́ці вісяле́й (прымаўка).

#НароднаяЛексіка #Вушачы #Арэхаўна #Судзілавічы

За капейку вош у Баранавічы загоніць - вельмі дробязны ў сваёй скупасці, прагнасці і сквапнасці чалавек.

Прыклад ужывання: што ў яго прасіць - сёроўна ні дасьць, ён за капейку вош у Баранавічы загоніць!

#ТрапныВыраз #Слонім #Шылавічы

Блінскі вожык! Гэта вам не абы што і збоку вушы а 2️⃣2️⃣-гі выпуск літаратуры па дыялекталогіі на нашым канале!

Слоўнік прыкольнага слэнгу ад Праўнага Перакладу

Што тут расказваць - лепш самі ўласнавоч зазірніце і пачарпніце для сябе нешта цікавенькае з гэтага зборнічка. Пагонзалі!

#літаратура #слэнг

Навігацыя на канале 🧭

📍 Хэштэгі па месцах (каб патрапіць на ўсе пасты па вашым горадзе/вёсцы націсніце на хэштэг, які вас цікавіць):

🏫 Гарады і мястэчкі:

#Пінск #Слонім #Масты #Маларыта #Бяроза #Лунінец #Столін #Драгічын #Рагачоў #Вушачы #Валожын #Шчучын #Чачэрск #Любань #Мядзел #Старыя_Дарогі #Гродна #Ганцавічы #Сянно #Расоны #Дзісна #Янаў

🏡 Вёскі:

#Каўняцін #Шылавічы #Лукава #Здзітава #Дварэц #Жолкіна #Фядоры #Вялікі_Лес #Сіманавічы #Лучын #Судзілавічы #Арэхаўна #Камень #Шынкаўцы #Залессе #Замошша #Камарова #Дайнава #Заазёрная #Баляненты #Палессе #Вялікія_Кругавічы #Торбінка #Якубава #Псышчава #Нямержа #Акропнае #Галоўчыцы

ℹ️ Хэштэгі па тэмах:

#ТрапныВыраз #СловоДняПолісскою #НароднаяЛексіка #слэнг #фальклор #беларускі_тэлеграм

Спіс будзе дапаўняцца і аптымізавацца!

Солонэ́чнык - купальнік горны.

NB! Падобная форма слова ёсць у іншых славянскіх мовах, але азначае яна іншую расліну.

#СловоДняПолісскою #Драгічын #Сіманавічы

Выстанча́ць - зберагаць нешта праз эканомію.

#НароднаяЛексіка #Рагачоў #Лучын

Абэ́лтус - неразумны, някемлівы чалавек.

Прыклад ужывання: о дзе ўжэ абэ́лтус, сваім ро́зумом ні да чо́го ні до́йдзе, усе трэба, кап паказалі, расказалі і ў рот уклалі!

#НароднаяЛексіка #Старыя_Дарогі #Рухава

Шпар - шыба; кавалак шкла, устаўлены ў аконную раму.

#СловоДняПолісскою #Пінск #Марочна

Даць хлусца́ - адлупцаваць, набіць.

Прыклад ужывання: дай хлусца́ добрага, хай не лезе.

#НароднаяЛексіка #Чачэрск #Палессе

Ланту́х - гультай, абібок.

Прыклад ужывання: твій батько настояшчы ланту́х.

#СловоДняПолісскою #Камянец #Каленкавічы