تعالي نحتفل بمناسبة استمرار وجودك على هذا الكوكب الكئيب🤎.

حتى الإحساس بخليك تبعد مش بس الأفعال .

عيد ميلاد العظيم زياد 💛...
65 سنة من الحب والعطاء ..

جَد ؟!
بعد هالقد . .
رايحة عنجَد ؟
مِستكترة تودعيني ؟
جَد ؟!
بعد هالوقت . .
رايحة عنجد ؟
ولا كأنك عيني ؟
- @devil_side0

ما صابني سهمك بس شطبني و غير طريقو على حدا تاني.
شو بدي يرجعلي، اغرسو بقلبي، اعمل منو صاحبي بلكي ترجعيلو. 💛🕊️
آخر زفير - باليه.
@devil_side0

آخر زفير || باليه .
- @devil_side0

شكراً لـ SoundCloud🎧:
درُوب لا مُتناهيَّة، مدينة ذات متاهات
أخَّاذة، وعالم صَديق💛.

يداكَ ملجأي الأخير ❤️.

لنتعمّق شويّة بالموسيقى البديلة ..

بوسط الكمّ الهائل من الأغاني المُتكررة ، عديمة اللون باهتة اللحن و مسلوبة الفكرة ، الأغاني يلّي هدفها الوحيد هوّه المصاري والشهرة لاغير ..

خلقت الموسيقى البديلة أو ما يُعرف بال " Alternative music " لتسلّط الضو ع شويّة قضايا وظواهر اجتماعية وأفكار مهم إنو نهتم فيها .

شو هيّه الموسيقى البديلة ؟

نمط من الأغاني تركيزها ع المعاني والكلمات أكتر بكتير من تركيزها ع ياترا قدّي رح تجيب مصاري و قدي صار عدد المشاهدين ع اليوتيوب ؟

بتتميز بلغتها الشفّافة والصريحة والساخطة أوقات بحكم إنها مانها تحت الرقابة الأخلاقية ، لهيك كتير ممكن تتضمن شتائم وكلمات أعجمية ..
بتتجرد من القافية أحياناً لتصير سلسة أكتر للمتلقي

بتطرح افكار مُهمة لتوصّل رسالة لفئة من المجتمع أو بتتناول قضايا معينة سواء سياسية ، اجتماعية أو غيرها ..

الكل بيعرف أم كلثوم ، الستّ العظيمة يّلي لهلق أغانيها معبّقة بكلّ ليلة ، بس ياترا بو كلثوم حدا سمعان فيه ؟

هوّه من جيش البديل ، فنان سوري هاجر لأوروبا بسبب الأزمة السورية ..

بأحد أغاني بو كلثوم " زمّلوا " سلّط الضو ع فكرة مهمة بواقعنا يلّي هيّه اضطهاد المرأة ، والخوف من تمكُّنها بالمجتمع ، خوف الرجال من الحب العَلني برغم وجوده بوسط الحروب من أول ما بيخلق لحدّ ما يموت ..
بمقطع من الغنية بقول : " مابخافوا الدمّ ما بهابوا الموت بس بخافوا اللّي يحب يطلعلوا صوت ف بخوفُن فيكي " .

طارق أبو كويك المشهور باسم " الفرعي " أو " فرع المداخل " ..

فنان أردني فلسطيني ، بلّش مشواره الموسيقي بعازف أيقاع لحتى أهتم ودخل بموسيقى الراب والهيب هوب ..
بيتناول بأغانيه الجانب السياسي بنقد واقع البلاد العربية يلي واقعة تحت ظلم واستبداد وتجزئة وتدخلات أجنبية ..
بمقطع من غنية " ناشف " بقول : " بتمنى أيّ عربي ماشي بالإمارات يتذكر الصومال، بلبنان تعبت من الأراء المتفارقة، الانقسام بالسودان خسرنا إخواتنا الأفارقة، خجلان أقول لأي حدا في مصر يتحلى بالصبر ".

لنجي نضوّي ل فرقة مشروع ليلى !

من أشهر النجوم اللامعة بفضاء البديل ، فرقة لبنانية بتتكون من خمس أفراد ، بتتميز بطريقة تلاعبها بالألفاظ يلي أوقات مابتقدر تفهم المعنى لحتّى تشوف الكلمات " لهيك نصيحة مني لما بدّك رفيقك يسمع بديل بعد عن مشروع ليلى بالاول "

بأحد أغاني مشروع ليلى " وطن " بيحكوا فيها عن الوضع السياسي وعن تسلّط السياسين ضمن المجتمع و المحاولات اللامتناهية منهم للقمع الفكري :

" وبس تتجرأ بسؤال عن تدهور الأحوال بسكتوك بشعارات عن كل المؤامرات "، وبترجع بالبيت التالت : " علّموك النشيد قالوا صراعك مفيد للوطن، خدّروك بالوريد قالوا خُمولك مفيد للوطن ".

أما الجانب اللطيف والحزين من الحُبّ بتمثّله " فرقة أدونيس "فرقة لبنانية لطيفة بتصوّرلك الحب بعفويته ، وبتمر ع كل مراحله أي شعور بتحسّه ضمن الحُب بتلاقيه بسما أدونيس ..

منرجع بالضوّ لعند " عزيز مرقة " فنان من رحم الأردن ، بيهتم بالمرأة بشكل خاص منقدر نحسّ بهالشي من خلال أغانيه " هيّه ، مين قلك ، مافي منك ..
وصولاً لآخر غنية نزّلها " داليا " يلّي بتدعم المرأة بكل كلمة فيها ، بتحارب فكرة الزواج المُبكر للقاصرات والعادات والتقاليد التافهة يلّي بتخدش كيان كلّ بنت وكلّ إمرأة بتبلّش الغنية :

" قالوا بنتكم صارت كبيرة وعلينا غاليا
قطفوها بنت صغيرة تلولحي ياداليا "
لتنتهي بالأخير ب :

" والله البنت لساتها صغيرة

خلّوها تعيش هالحياة

من أولها للنهاية هالقصة قصة داليا

بتكتبها بإيدها هي ... حِلّوْا عن داليا !"

لسا فضاء البديل كبير كتير ،
ونجومه كتار ولامعين ..

بس الأغاني بالنهاية مو بس شوية كلمات ولحن موزون ..

الأغاني فكرة و الفكرة ما بتموت! 🪐.

الأخرس || خلينا صحاب
❤️❤️❤️❤️❤️❤️❤️

- @devil_side0

بلال شبيب - نفس المشاكل.
@devil_side0

جسمي صيدلية بطني مليان بأفاعي
شبعت أبلع حبوب ولا دوا فيهم دوائي 💉💊
- @devil_side0

صراع❤️.
- @devil_side0

إذا لَمستك بحلاوة رقصك قرّبي عليي شوي ♥️🍷
كلام || مشروع ليلى

حتى العيوب يمكن تحوليها لفن 💛.

من تحت الركام لعند النجوم،، احكيلي حلمك و انا قاعد بذوب.
سينابتيك - صراع.
@devil_side0