بكون انو محد اكو فراح نكمل بعدين ان شاء الله 😘🥰🗿.

الشاشات
الشاشات بيها هواي أنواع وهواي أسماء أن شاء الله اليوم نشرحها كلها
1- LCD : Liquid Crystal Display
نوع الشاشة هذا بيه مميزات وعيوب 🗿
من مميزاته يكون سطوعه قوي واستهلاكه للطاقة عالي بحيث يسحب طاقة قليلة , ووضوح الالوان خصوصاَ الابيض !
من عيوبها اللون الاسود بيها سيء حيل , وهمين مو واضحة بيها نغمشة هيج بحيث ما تحس بنقاء بالشاشة 🗿, وهمين أستجابتها بطيئة حيل فَـ متفيد أذا تريد مثلاً لقطة سريعة بمباراة أو فلم , وعمرها الأفتراضي قصير 🤏🏼

2-LED : Light Emitting Diodes
همين بيها مميزات وعيوب أكيد !
من مميزاتها نقاء الشاشة وقوة ألوانها وسطوعها العالي وسريعة حيل وهمين نحيفة حيل ووزنها قليل 🗿
من عيوبها اللون الاسود همين شوية بيه شلون الضباب وتسرب اضاءة الخلفية , (ما اعرف شلون تسرب اضاءة الخلفية بس همّ هيج قالوا بالموقع 🗿)

3-OLED : Organic Light Emitting Diodes
نفس القبلها 🗿

أكو هواي تصنيفات بعد وهواي أشكال للشاشات , أن شاء الله نشرحها بدروس أخرى
دمتم بأمان الله ...🥀

CPU ,
وحدة المعالجة المركزية
تقريباً أهم قطعة بالحاسوب
بس هاي القطعة الصغيرة تتكون من هواي أجزاء 😳
1- ALU : arithmetic logic unit , هو الجزء المسؤول عن تحويل البيانات إلى معلومات (عملية المعالجة )
2- MMU : memory management unit مسؤول عن إدارة وتنظيم البيانات وتشغيل الرام

وبس 🌚🌚.

نعلن وفاة القناة 😔!
القناة من بدت لهسة ما جابت تفاعل , كل الي بيها آني ومسلم وياسر ومنتهي
آني مشرف بقناة أسمها حاسوبيات وهذا رابطها : https://t.me/hasobeate , للي يحب يشوف معلوماتي هناك , أما هنا فَـ راح أمسح القناة 🌚
وإن شاء الله ما نتخذ قرارات حماسية ثانية لأن آني ما عندي القدرة أصلاً على النشر 🌚, فَـ بس إن شاء الله نكون عند حسن ظنكم 🌚🌚

أي أخوان فكرت ويعني القناة بيها مجال 🌚,فراح أبقيها وأحاول أنشرها أكثر , وأن شاء الله تنجح 🤲🏼

شركة blackberry , من أهم شركات الموبايلات القديمة 📱, أيامها كانت المنافسة بس بين بلاكبيري ونوكيا , بس هسة شركة بلاك بيري وين ؟
الشركة من بداية واضح أهتمامها للحماية , وكانت كل أجهزتها شديدة الحماية 🔐, لدرجة أنو رؤساء الدول كلهم كانت أجهزتهم بلاك بيري ,
اليوم , الشركة صارت شركة حماية , وبطلت أنتاج التلفونات 🌚, وأكو نظام تشغيل للموبايلات بأسمها الي هو blackberry OS ,
تفاصيل أكثر عن الشركة , موقع الشركة الرسمي : https://www.blackberry.com
وبس 🌚🌚.

الـRAM
مختصر لـrandom access memory
البيانات , تحتاج تتعالج وتتحول لمعلومات ياله تنعرض للمستخدم , فَـ المعالج مسؤول عن تحويل البيانات لمعلومات .بس أكيد البيانات الي يريد يحولها لمعلومات , لازم يخزنها مؤقتاً حتى مجرد يحولها معلومات ويعرضها وبعدين خل تولي , ما دام المستخدم شافها ,
بس هاي التخزين المؤقت , أكيد ما يصير بالهارد لأن الهارد مخصص للتخزين الدائم , فَـ والله لهذا السبب وُجد الرام , حتى يخزن البيانات , يتعالجن , ينعرضن , وينمسحن من الرام , بعدين يخزن بيانات جديدة , ويعالجهن المعالج , فَـ ينمسحن من الرام , فَـ يجنة بيانات جديدة , وصلت الفكرة 🌚
وبس 🌚🌚.

HTML
هي مختصر لـHyper Text Markup language
لغة هي الأشهر لتصميم واجهات المواقع
بس الشي الصادم أنو هيّ مو لغة برمجة !😳
لغة البرمجة تستعمل لبرمجة شيء معين
مثلاً عند ضغط هذا الزر أعمل كذا وكذا
بس بـHMTL ماكو هيج شي ؟!
لأن لغة HTML هي markup language , تستخدم لترميز وتحديد عناصر معينة على الشاشة , وعلمود تبرمج بالمواقع تحتاج تستخدم لغة Javascript , وحتى تغيير الألوان للمواقع تستخدم لغة css , وHTML للترميز وبس !!
وبس 🌚🌚.

Unity
من أكبر شركات تطوير الألعاب
الشركة عدها محرك الالعاب Unity , الي هو واحد من أشهر محركات الالعاب بالعالم ,وأكيد سمعتوا "يونتي دمّر نفسه بنفسه" أو شي من هالقبيل , شنو القصة ؟
بأختصار , كل محركات الالعاب تشتغل عن طريق أنو تصمم وتبرمج اللعبة وتنشر اللعبة وبس , والمحركات الي تستخدم فلوس 🤑,تدفعلها من تخلص اللعبة وتريد تنشرها , فيصير الدفع مقابل النشر
يونتي , قرارهم الجديد أنو الدفع يصير مقابل كل تنزيل , يعني , أنتَ من تكمل اللعبة تنشرها ما ياخذون منك فلوس 🌛, بس إذا واحد نزلها راح ياخذون منك فلوس , وهيج ياخذون فلوس على كل واحد ينزل لعبتك ,
المشاكل هنا هواي , أتخيل المبرمج يقوم يخاف لعبته تنجح ؟
أتخيل اللعبة تجيب 20 مليون مستخدم وتدفع عليهم 4 مليون دولار , وأنت ما كاسب شي من اللعبة ؟
المبلغ 0.2 دولار لكل تحميل , يعني كل خمسة ينزلون لعبتك أنتَ تدفع دولار !💸
مبرمجين لعبة among us يستخدمون يونتي , بعد هذا القرار طلعوا بتغريدة وقالوا أنو همّ ينتقلون من أستعمال يونتي إلى godot 🌜
وبس 🌛🌜.

متصفح , طريقة لربط المستخدم بالأنترنت , وهو برنامج نقدر نقول الأهم بأي جهاز
أول متصفحين بالعالم نزلن هنّ internet explorer للوندوز وبعدها safari نزل لأجهزة أبل ,
شنو أفضل متصفح ؟🌝
برأيي , edge عنده كل ميزات كروم وأكثر 🥰, وهو الأفضل برأيي

محرك بحث , طريقة لأيجاد نتائج لأي بحث 🥰, وهو أهم شيء بكل متصفح
أول محرك بحث نزل هو google طبعاً
شنو أفضل محرك بحث ؟🌝
برأيي bing عنده نفس نتائج google وأكثر , خصوصاً أنو هو همين يطلع نتائج بالذكاء الأصطناعي 🥰

زين إذا bing و edge أحسن , ليش google و chrome هنّ الأشهر ؟🤔
وزارات الأتصالات الأمريكية 🤙, أكتشفت أنو شركة google تدفع 10 مليار دولار كل سنة لشركة apple وكم شركة بعد حتى تبقى الأشهر بمحركات البحث والمتصفحات 😳,
بس يبقى bing > google و edge > chrome 🥰

100 مشترك , شكراً 🥰🌼

adobe
شركة مخصصة لبرامج المونتاج وتعديل الصور والفيديوهات
من برامجها :
aadobe photoshop
الأشهر والأكثر أستعمالاً , يستخدم لتعديل الصور بشكل أحترافي 😎
adobe priemere
يستعمل لتعديل الفيديوهات ودمج الصور والخـ...
adobe lightroom
نفس photoshop بس أخف منه وأبسط , 🥰
adobe illustrator
يستخدم للصور الـvector , تفاصيل أكثر
الشركة كل برامجها بـ💵 , وغالية همين , وكل سنة تتحدث , فَـ أكيد أكو بدائل وcrack 🥰
بدائل photoshop هواي أبسطها canva , بديل premeir عدنا clipchamp و lightroom عدنا Microsoft designer الجديد مال مايكروسوفت 🔥, وعدنا illustrator بداله نستخدم image vectorizer 🔥🥰

الـupdate , طريقة يستخدمها كل نظام لتحديث النظام وأزالة المشاكل والثغرات وتصليح العطلات ,
بس , كلنا نعرف أنو الـupdate بالـwindows وبكل الأنظمة يطلع Please don't turn off your computer, ليش ؟🤔,
بأختصار , صفحة التحديث تعتبر خارج النظام , وهي وصل بين نسختين من النظام , عند restart الجهاز راح يعتبر نظام الجهاز بين النظام القديم والجديد , فَـ راح تبقى على هاي الصفحة وما يقدر يروح لا عالنظام القديم ولا عالجديد !!

شركة Microsoft هيّ الي سوت نظام windwos وهيّ المسؤولة عنه , وما تعرف تحل هالمشكلة , بس شركة Google هي الي مسوية نظام android وحالة هاي المشكلة بيه 🌚, شركة Google هي نفسها مسوية نظام تشغيل للحاسبات أسمه chromeOS , هذا النظام همين محلولة بيه هالمشكلة ,
وبس 🌝🌚.

كلُ لُغةِ برمجة لها مميزاتٌ وإستعمالاتٌ مختلفةٌ عن غيرِها، فَـمثلاً لدينا لغةُ HTML المخصصة لتصميم واجهات المواقع الألكترونية بينما لغةُ C# للألعاب و kotlin لتطبيقات نظامِ Android و swift لتطبيقات نظام IOS والخ...
لغة python من اللغات الرائعة وعديدة الأستعمالات والتي تتميز بسرعتها وسهولة أستعمالها
لغة C محبوبة ومشهورة أيضاً وبها مميزات كثيرة تميزها عن python لكنها بطيئة العمل حيث تحتاج أجهزة قوية لتشغيلها
وهنا تأتي لغة Mojo، التي تجمع بين python و C بحيث تكون سهلة وسريعة وبها كل مميزات C بل وأكثر
تُستعمل في الذكاء الأصطناعي والروبوتات عادةً
ومن موقع Mojo الرسمي mojolang.com : باستخدام Mojo ، يمكنك كتابة رمز محمول أسرع من C والتفاعل بسلاسة مع نظام Python البيئي. (تمت الترجمة من اللغة الأنكليزية)
وبهذا تكون لغة Mojo أفضل بدائل python و C.
وشكراً ..🥀

Microsoft office
هو حزمة برامج تتضمن برامج تصميم نص، وpresentations، وجداول وإلى آخره...،أول إصدارات البرنامج هو Microsoft office 2010، واليوم تم إصدار 5 نسخ منه آخرها office 2021 .
Microsoft 365
هو حزمة برامج تتضمن (نفس ما سبق 👆)..، وليس لهُ أكثر من إصدار أي إصدار واحد على تحديثات دائمة ويتضمن برامج أكثر بقليل من برامج الـoffice وسعره أغلى .
نقارن بين office و 365 🆚

1- في Microsoft office عند تحديث البرنامج تحتاج لإعادة تثبيته أو البقاء على النسخة القديمة
1- 365 البرنامج يتحدث بنفس التطبيق تلقائياً .

2- 365 يوفر تخزين بـMicrosoft cloud يقدر بـ1TB 😳، إذ تخزن بياناتك لكن خارج جهازك 🙃، على عكس الـoffice الذي لا يوفر هذه الميزة

3- 365 يوفر برامج أكثر من office مثل OneNote و ToDo، أما في الـoffice فَـسَتحتاج لتنزيلها مفردةَ وحدها خارج الـoffice .

مختصر مفيد : الـoffice يستخدم كـسلعة للبيع والـ365 يستخدم كخدمة للبيع وهذا ما يفرق بينهما، ومن المحتمل إن Microsoft office 2021 سيكون الأخير ثم نكمل على الـ365 🙃.

كلُ نسخة windows تتضمن أصدارات عديدة، مثلاً لدينا windows 11 11H1 و windows 11 22H2، هذا الشهر وبالأيام القليلة القادمة إن شاء الله، ننتظر نزول windows11 23H2 والذي يتميز بالآتي :
أولاً : صور الـGallary موجودة بالـfile explorer 🔥، وأيضاً تعديلات ملحوظة بمستكشف الملفات غيرت من شكله وحسنت من أدائه 🥰.
ثانياً: دعم الـRGB للأجهزة المتصلة إذ يتغير من الأعدادات بدلاً من برامج طرف ثالث.
ثالثاً: تغييرات بخلفيت النظام لسطح المكتب وإضافة خلفية "windows spotlight" التي تتضمن مناظر طبيعية عديدة تتغير الصورة كل ساعة.
وغيرها ...
التحديث من المحتمل نزوله قريباً جداً لذا أنتظراْ، مع ذلك النسخة التجريبية منها نزلت لكن بأخطاء كثيرة من الممكن تجربتها تسبب مشاكل فَـ ننتظر للنسخة الرسمية إن شاء الله ... 🥰🌚

واللهِ دوام وملتهي بالدراسة وما دا أنشر بالقناة 🙃
إن شاء الله نكمل نشر عن قريب بس خلي أرتب وقتي وأخلص من الدراسة لأن الدراسة عدنا حيل صعبة وما دام الحاسبة يمي ما تفيد الدراسة لازم أطفيها حتى أدرس بتركيز 🧠

الـtouch typing هي من أساليب الكتابة السريعة على لوحة المفاتيح، مبدأيًا هي تكتب بتسع أصابع أحدهم على المسافة وثمان على a s d f j k l ; وتستطيع من خلالها السيطرة على اللوحة كاملاً، وبعض الشروط التي تساعد على الكتابة الأسرع سنتناولها اليوم :

1- أستخدم "حرف B " لكتابة "لا" باللغة العربية بدلاً من اللام ثم الألف ..

2- أستخدم الـshift المعاكسة لإتجاه الحرف، مثلاً تود كتابة ال" : " أستخدم الـshift اليسار لأن الـ" : " في اليمين !!

3- لا تنظر للوحة المفاتيح بل أنظر للشاشة دائماً !!

4- تدرب على مواقع وبرامج مثل tybaa.com ، 10fastfingers.com ..

وشكراً..🥀

في مثل هذا اليوم، قبل 14 عامًا، نزل نظام التشغيل المميز من شرِكة مايكروسوفت والأعظم والذي لن ينساه التاريخ، هوّ windows 7 🫡💻
@develop_arabs

أشهر الكذبات، بعالم البرمجة 🔥

🔺 المبرمجين يحتاجون يكونون أقوياء بالرياضيات ➕🟰، أغلب مجالات البرمجة لا تستوجب قوة بالرياضيات وإذا أستوجبت تحتاج جمع، طرح والأساسيات الي ندرسها بالأبتدائية 🔥
🔺الذكاء الأصطناعي البديل المستقبلي للمبرمجين 👨🏼‍💻، الذكاء الأصطناعي يساعد على عمل المبرجين، لكن على العكس هوّ يوفر مبرمجين أكثر ووظائف أكثر 🔥
🔺المبرمج يكتب بعشر أصابع، ويشرب قهوة ويشتغل 8 ساعات باليوم 😁
@develop_arabs

من أكبر مجازر الإبادة الجماعية على مر العالم 🔥
طوفان الأقصى، 7 أكتوبر 2023 - ....
ليلة 28 أكتوبر، الجيش الأسرائيلي : القوات البرية توسع قواتها اليوم في غزة 😥
هجوم قوي جوي وبري وبحري اليوم على غزة، أكثر من 100 صاروخ أطلق عليها مع قطع الأنترنت هناك، مساجد وجوامع العراق تكبر تضامنًا مع غزة للدلالة على هَول الأحداث 🔥
ونتذكر، {صَبْرٌ جَمِيْلٌ وَاللهَ المًسْتَعْانْ✨}
الله يعينهم 🤲🏼
@develop_arabs