طبعًا عندي SSD من حاسبتي القديمة (قبل 3 سنين)
الـSSD هذا بيه كمية ضخمة من الملفات الي بغاية الأهمية
بيه كمية كلش چبيرة من الصور والذكريات الحلوة الي موجودة بس بهذا الـSSD
بيه كمية كلش چبيرة من المشاريع المميزة غير المكتملة
وبيه كلش هواييي شغلاتت
الـSSD طلعته من حاسبتي القديمة من عطلت وظليت محتفظ بيه حتى ما يتعرض لضرر
وصارله سنين بغرفتي
قبل شهر تقريبًا قررت أحطه بحاسبتي الجديدة
حطيته بالحاسبة بس چان أكو خلل يخلي الهارد ما يطلع بوحدات التخزين بالحاسبة
توقعت الخلل مادّي والهارد ما يشتغل أو ما مركب عدل فعفت السالفة
بس قبل كم يوم اكتشفت أنو الخلل تقني وينحل بشويه اعدادات
فنعم بعد الكثير من المحاولات گدرت أطلع الهارد ضمن قائمة الهاردات بحاسبتي
وواجهتني مشكلة ثانية الي هي أنو الهارد مشفر وبيه باسوورد من 48 رقم!! وآني مستحيل أتذكر الباسوورد 🥰
فهمين أيست وچنت أريد أفرمت الهارد بس حبيت أتأكد من الموضوع فشويه بحثت وسألت الـAI واكتشفت أنو الباسوورد هذا موجود بالـHotmail المربوط بالحاسبة الي چان بيها الهارد
وطبعًا وصلت للhotmail بصعوبة كلششش بس وصلتله ولگيت الباسوورد ودخلت الباسوورد وفتح الهارد أخيرًا 🙂‍↔️
غالبًا راح أگضي الأسابيع القادمة بس أبحوش بالهارد وأباوع بالملفات والصور
+ راح أطور بعض المشاريع وأنشرهن وإذا ما لحگت أطورهن أنطيهن لأي شخص يطورهن ويستفاد منهم
وبس :)

أخيرًاااااااااااااااااااااااااااا

رسميًا خلصت كورس React وهسه راح أبدي أدرس Next.js 🫠

ولله الحمد، بعد رحلة طويلة من التعب والمهام الصعبة، خلصت كورس cs50x الخاص لجامعة هارفرد الامريكية.
جانت رحلة جميلة جدا استكشفت بيها اهواي امور وتعرفت على طرق جديدة للتفكير وحل المشكلات، والامور اللي جنت اتعامل وياها بسطر كود واحد، اكتشفت هسه التعقيد اللي وراها.
هسه خلصنا اول خطوات الاحتراف بالويب، بقيت الخطوات اللي ممكن تكون شوية اصعب 🤏🏽.

ألففف مبروكككككككك
قناتنا صارت بس شهايد 🤣🤣

ويو
إحصائيات May 👇🏻

◼️ حصلت خمس شهايد (وحدة قوية ووثنين وسط وثنين كلاوات) 🥰

◼️ الأيام الي گعدت بيها من وكت: 13 يوم (من أصل 31)

◼️ الأيام الي رحت بيها للجم: 5 🙏

◼️ الأيام الي شربت بيها أكثر من لتر ونص مي: 9

◼️ الأيام الي برمجت بيها: 28 😍

◼️ صفحات القرآن الي حفظتها: 8 (ثمانية مو قليل يعني)

◼️ أكواب الگهوة الي شربتها: 44 (كوبي ثلث لتر)

◼️ أحلى يوم بالشهر: يوم 6

◼️ أسوء يوم بالشهر: ما أدري كلهن

أحداث مميزة بالشهر:

دخلت فريق اسمه MesoSTEM وفريق اسمه اقره ومرر وحيل متونس بالشغل وياهم 🥰

طلعنا آني وياسين ومحمد طلعة أيقونية ونشرنا بوست يخبل

بداية الشهر رحت للمدرسة واستلمنا شهايد وبيومها بقينا بمعهد القرآن وره المدرسة وبعدين رحنا لغير معهد بعدين رجعت وطلعت ويه غير جماعة (نفسه يوم 6 أحلى يوم بالشهر)


فَــــ يب إن شاء الله هالشهر يكون أحلى (:

عندي Meeting مال الـTKS بالتسعة

كلش خايف وأحس راح أچفص وأنرفض

ااااااااااا راح أحچي بهاي الرسالة كلشي يخص الـTKS والتقديم الها

مبدئيًا قبل عدة أسابيع سمعت عنها بأحد مواقع التواصل الاجتماعي وحبيت أقدم عليها
قبل ما أحچي عن التقديم لازم تعرفون شنوو TKS (للي ميعرف)

الـTKS هو برنامج Human accelerator موجه للمراهقين (13-17)
يعلمك مهارات كلش مهمة ومفيدة الك إذا تريد تصير إنسان ناجح بحياتك
مثل الـBusiness (أهم شي)، الـBiotech، الخطابة، ذكاء اصطناعي طبعًا، وبرمجة وهواي أشياء بعد
مدة البرنامج عشر أشهر من الشهر التاسع للسابع 26/27
طبعًا البرنامج مُصمم للطلاب فالمفروض ما يأثر على الدراسة

أول ما قدمت بالتقديم الأولي طلبواْ مني 3 مقالات بالإضافة إلى المعلومات الشخصية
السؤال الأول: تجربة غيرت نظرتك للعالم
السؤال الثاني: شي سويته وفخور بيه
السؤال الثالث: شي يميزك عن غيرك
طبعًا الأسئلة تگدر تطلع بيهن بكمية أجوبة مو طبيعية

قدمت وكتبت المقالات ووره اسبوع تقريبًا دزولي ايميل گلولي أنو أنت انقبلت بالـstage الاولى
تبقى الـstage الثانية الي هي الـinterview
اختاريت موعد الـinterivew وأجه يوم المقابلة

بالبداية لبست قميص ورباط حتى يحسوني شخصية ويقبلوني 🥸🥸🥸
بالمقابلة أكو مُدرِّسة من TKS تسألنا وأحنه خمس طلاب نجاوب
بالبداية گعدنا نتعرف على بعض ونسولف سوالف عامة (حتى يخف التوتر هاي سوالف المنظمات مال المراهقين)


وبعدين سؤال الـinterview چان:
إذا چنت CEO أبل، وعندك مبلغ ضخم حتى تخترع إختراع جديد للبشرية شنو راح يكون الإختراع
سألت المُدرّسة السؤال والكل صفن فقررت آني أجاوب أول واحد
جوابي چان: (smart glove - كف ذكي)
سألتني المدرسة عن فكرة هذا الاختراع گتلها works like smart band or smart watch with more functions، وووگلت بالنهاية (قياس دقات القلب من الاصبع أدق من قياسه من المعصم) لازم أچفص يعني 🥰
المهم بعدين بدواْ باقي الطلاب ويايه بالمقابلة يجاوبون وأمانةً ما چانت اجاباتهم منطقية ولغتهم چانت ركيكة
يعني آني همين جوابي مو كلش حلو ولغتي مو مضبوطة بس أحسن منهم چنت
بنهاية الـinterview گعدنا نسولف عن كلشي يخص الـTKS ومستقبلنا اذا انقبلنا واذا انرفضنا وخلص الـinterview

اليوم چنت بالجم أتمرن رجل
فتحت التلفون لگيت واصلني ايميل من الـTKS
رحت غسلت والتمينا آني وجماعتي عالتلفون حتى نشوف الايميل وچنت كلش متوتر وخايف ومتحمس ووووووطلعت مقبول
كلش كلش كلش فرحت ونشرت ستوري وعفت التمرين ورجعت للبيت

وورسميًا صرت طالب TKS 🥰 راح نبدي ناخذ محاضرات بالشهر التاسع وان شاء الله أستفاد من البرنامج

ووو راح أخلي كم صورة بالتعليقات للي مهتم يعني
وبس شكرًا 🫡

تجربتي ويه Fedora Linux بعد أسبوع استعمال 👇

🟥 الإيجابيات:
1- الجهاز صار كلش سريع ونادرًا ما تشتغل المروحة وتطلع صوت مزعج
2- استهلاك البطارية أقل بهواي وتستمر فترة أطول
3- شكل النظام بشكل عام غالبًا أحلى ومريح أكثر

🟧 السلبيات
1- الـfont الافتراضي مال النظام سيء كلش وماكو طريقة لتغييره بسهولة
2- سرعة الـscroll بالـTouchpad كلش عالية وماكو طريقة حتى تقللها
3- ما تكدر تنزل نوشن (كتطبيق)... وآني ما أكدر أستغني عن هذا التطبيق

طبعًا جربت KDE Plasma بس جان أسوء من GNOME بألف مرة فرجعت على GNOME

حاليًا راح أنزل ubuntu وأجربه وإن شاء الله أبقى وياه فد أسبوع وأشوفلي غير توزيعة
ووبس (:

ويو
إحصائيات June 👇

◼️ حصلت شهادتين بس 🙏

◼️ الأيام الي كعدت بيها من وكت: 19 (من أصل 30)

◼️ الأيام الي رحت بيها للجم: 23

◼️ صفحات القرآن الي حفظتها: 1 🥰🥰🥰
هذا الشهر تركت الحفظ ولحد يسأل ليش (بدون سبب)

◼️ أحلى يوم بالشهر: يوم 15

◼️ أسوء يوم بالشهر: يوم 30

أحداث مميزة بالشهر:

انقبلت بالـTKS 🥰🥰🥰

حضرت 3 اجتماعات (كلهن جانن مفيدات استفاديت منهن)

جربت 3 توزيعات لنكس (Fedora, Ubuntu, Arch) وغالبًا راح أستقر على Arch with KDE Plasma

سويت Notion Workspace جديدة 🤩
ووبس (:

it's my birthdayyy 🥰

أبشركم وصلت 🙂‍↔️🙂‍↔️🙂‍↔️

😇😇

قبل 3 سنين تقريبًا خلصت تعلم Python وچنت محتار أتعلم برمجة تطبيقات آندرويد أو برمجة مواقع
بس اختاريت برمجة المواقع لأن جهازي چان ضعيف (برمجة الآندرويد تحتاج جهاز قوي شويه) وبنفس الوقت كورسات برمجة المواقع متوفرة أكثر

ففعلاً بلشت أتعلم برمجة مواقع ودرست HTML وCSS ووصلت مرحلة متقدمة بيهن
وراها بلشت أدرس JavaScript بس بذاك الوقت فقدت الشغف ببرمجة الويب وجبرت نفسي عليها لذلك مستواي بـJavaScript چان كلش ضعيف
وراها رحت أدرس React بس React تحتاج تكون كلش قوي بـJavaScript حتى تدرسها لذلك شگد تعّبت نفسي بيها بس ما گدرت أوصل للمستوى المطلوب
وكذلك Next.js ما گدرت أوصل بيها مستوى قوي وبالتالي مستواي بالمجال كله چان ضعيف
قبل سنة تقريبًا قررت أعيد النظر بالموضوع وأرجع أدرس الأمور الي ما مضبطها لأن حرامات أضيع سنتين من عمري وأعوف المجال
فدرست JavaScript من جديد وطولت بيها 7 أشهر بس وصلت مستوى كلش زين وحصلت شهادة قوية
بعدها درست React وNext.js وLaravel ووصلت للمستوى المطلوب

فهسه أجه الوقت لأنو أترك برمجة المواقع وأبدي أتعلم بمجالي المفضل Native Android Apps Development (Kotlin) 🎉

كلش متحمس أبلش دراسة Android وكلش فرحان لأن خلصت من الويب وإن شاء الله أخلص دراستي بأسرع وقت ممكن وما أكرر الأخطاء الي سويتها بالويب
وبس (: :)

وبهاي المناسبة حبيت أنشر هذا الكُتيّب البسيط 🙃
طبعًا هذا الكُتيّب مشتغله من زمان واليوم سويت عليه شويه تعديلات
أتمنى تستفادون منه 🙂‍↔️