مصطلح دائمًا نسمعه بنطاقات مواقع الويب.. » redirect «
الـredirect هو بإختصار عمل موقع لإعادة توجيه المستخدم لموقع ثاني

مثلًا، إذا دخلت لرابط » FB.com « راح يعيد توجيهك لموقع Facebook.com ، هذي الفكرة منها عدة اغراض

الغرض الأول تعدد النطاقات لموقع واحد مثل Facebook.com و FB.com

الغرض الثاني تجديد الإسم، مثلاً X اسمه القديم Twitter ورابطه Twitter.com ، عالجديد غيروه وصار x.com ، واكيد رابط Twitter.com من المُمكن استعماله فَـ يسوي redirect لـX.com .. نفس الحالة ويّ Bard و Gimini

الغرض الثالث تجديد النطاق، مثل Google موقعهم الاساسي چان Google.net صار Google.com

وبس.. شكرًا ^_-

بكون انو صارلنا فترة طويلة ساحبين ع القناة فَـ حبيت ارجع بسلسلة بسيطة :)
حدث عبارة عن 30 يوم كل يوم نشتغل مشروع..
المشاريع بلغات HTML & CSS & Javascript وهيّ بشكل اساسي بـJavascript

🔴 كل مشروع يتضمن 3 ملفات لا اكثر ولا اقل index.js , styles.css , index.html

🔴 كل يوم مشروع لمدة 30 يوم، نبدي يوم 1 Aug. وننتهي 30 Aug.

🔴 اليوم الي ما اگدر اسوي بيه مشروع اليوم الي بعده اسوي مشروعين -_-

وغالبًا ذني اهم المشاريع الي مفكر اشتغلهن وراح افكر ببعد وان شاء الله يصير 30

◼️ برنامج طقس
◼️ برنامج To-Do List
◼️ برنامج اختبارات
◼️ برنامج Random Password Generator
◼️ برنامج QR Code Generator
◼️ برنامج ملاحظات
◼️ برنامج Age Calculator

وإن شاء الله نجمع افكار بالمستقبل
كل مشروع اشتغله انشره هنا وانشر شرح بسيط عن طريقة شغله
وبس.. شكرًا ^_-

استشارة مشروعك التخرج مجاناً 💯 لا تتردد بالانضمام => @JalalTech

#اليوم الأول :) » برنامج طقس «

بديت اشتغل على الـHTML واشتغلت وراها CSS وكلشي تمام، وصلنا للـJavascript -_-
مبدأيًا عدنا موقع OpenWeather نجيب منه الطقس، فَـ الي نسويه لازم نسوي حساب بالموقع وهذا الحساب راح يكون اله API Key، فَـ نستخدم هذا الـAPI Key حتى نعرف الطقس
الموقع بيه رابط ثابت وكود الحساب واسم المدينة، فَـ نحتاج بـjavascript نكتب الرابط ونخلي اسم المدينة كَـ متغير ونخليه يدخل بالرابط.

وعلى الرغم من أنو آني مو زين بالجافا سكربت بس حبيت اكتب كود بنفسي وكتبت وكملت وطلعت كم مشكلة، حليتهن وكلشي تمام على عكس ما توقعت
حسيت التصميم العام كئيب ومو حلو فـَ عدت اكواد HTML و CSS ونشرت الموقع على Github وبس خلصنا :)

طوّلت بيه 3 ساعات و 49 دقيقة، وما راضي عن النتيجة لأن ما بيه اي فكرة مجرد تنطيه اسم المدينة ينطيك الطقس 😐
مع ذلك فرحت بالنتيجة ووو الحمدلله :)

الي يحب يشوف المشروع » rfgcn.github.io/A1 «

وبس.. شكرًا ^_-

#اليوم الثاني :) » To Do List «

الوقت چان عندي ضيق فَـ استخدمت قالب HTML و CSS مشتغله بأيدي مسبقًا وعدلت عليه حسب المشروع، ورحت مباشرةً عالجافا سكربت

الفكرة نگدر نوصل بيها للنتيجة بأكثر من طريقة، الطريقة الي استخدمتها
يكتب المستخدم بالـInput1، ومن يضغط Button1 نتيجة Input1 تكون قيمة لمتغير Var(X)
الـ(X) قيمتها تعتمد على عدد المهام الي انتَ مسويهن +1، يعني اذا انتَ مسوي سبع مهام فهاي المهمة الثامنة...

استخدمت خط يدعم بس انگليزي وتقريبًا الخلفية صارت مو مناسبة وية الموقع بس هاي مشاكل بالتصميم وكلها بسيطة اذا صار عندي وكت اعدلها في وقت لاحق ☺️

طوّلت بيه 6 ساعات و 25 دقيقة وغالبًا تأخرت بسبب كثرة الافكار، گلنا النتيجة نگدر نوصللها بأكثر من طريقة وآني استخدمت اكثر من طريقة وكل شوية استخدم وحدة وامسحها واستخدم غيرها على أمل تطلع اسهل، وبالنهاية اختاريت اصعب طريقة 😅، بس المهم اشتغل تمام ووو الحمدلله :)

الي يحب يشوف المشروع » rfgcn.github.io/A2 «

وبس.. شكرًا ^_-

#اليوم الثالث :) » Random Password Generator «

مبدأيًا حبيت اشتغل على المشروع بسرعة واخلصه بأقل من ساعة، فَـ اشتغلت HTML و CSS بسيط جدًا ورحت للجافا سكربت، والفكرة الي چانت ببالي معقدة شوية

عنصر1 / Lowercase Charecters الحروف الـSmall
عنصر2 / UpperCase Charecters الحروف الـCapital
عنصر3 / Numbers الأرقام 0-9
عنصر4 / Special Charecters الرموز الخاصة !@#$%^&*

إذا ضِغَط المستخدم الزر1 ، رتّب العناصر بالنِسَب » مثلاً اذا المستخدم مختار كل العناصر فَـ راح تصير 25% لكل عنصر «
وبعدها احسب مجموع كل عنصر » الارقام 10 والحروف الصغيرة 26 والكبيرة 26 والرموز 8 «
بعدها اطبع كل عنصر على جنب ومن ثمّ ادمجهن بشكل عشوائي

الفكرة اعقد شوية بس صعب اشرحها، اذا تردون شرح اضافي بالتعليقات او تگدرون تفهموه من كود Javascript
والمشروع بصورة عامة أساسه Javascript بدون HTML و CSS معقد

طوّلت بيه 51 دقيقة » وقت قياسي ☺️ «، وفرحان بالنتيجة واحس روحي بديت اتطور بشكل رهيب بـJavascript، ورة ما كملت المشروع بحثت وما لگيت نفس الفكرة الي آني مسويها ولگيت افكار ابسط واسرع صح بس فكرتي مميزة ☺️

الي يحب يشوف المشروع » rfgcn.github.io/A3 «

وبس.. شكرًا ^_-

#اليوم الرابع :) » آلة حاسبة «

فكرة المشروع قديمة ومطروقة فَـ حبيت اطرحها بشكل مختلف، فَـ اهتميت للتصميم اكثر من الكود بكونه اختصاصي يعني 😏

فكرة اكواد Javascript الي جبتها من شرح لأن بصراحة ما دبرتها اسويها لوحدي، تگول انو كل رقم ينضغط ينحفظ كمتغير مؤقت وكل عملية تنضغط بعد رقم تحدد نوع العملية الي راح تتم بين المتغير الأول والثاني، فكرة بسيطة بس كتابتها بالكود شوية معقدة (( شوية هواي ))

أما بالنسبة للتصميم فَـ كلش فرحان بيه مع ذلك الآلة الحاسبة نفسها عريضة فَـ بشاشة الموبايل تصير شوية متكدسة..

الآلة الحاسبة هاي بيها هواي ميزات من ضمنها تگدر تدزلها ريلزات 😅، طوّلت بالمشروع 7 ساعات و 48 دقيقة وشوية غشيت واشتغلت البارحة 😁

الي يحب يشوف المشروع » rfgcn.github.io/A4 «

وبس.. شكرًا ^_-

#اليوم الخامس :) » Age Calculator «

فكرة المشروع تنطي المواليد وينطيك عمرك الدقيق، فكرة بسيطة واختاريتها بسبب ضيق الوقت..
اشتغلت عالتصميم من مصدر وكذلك اكواد الـJavascript وواجهت مشكلة بسيطة الي هيّ بالـResponsivity
بحيث الموقع ما يشتغل لشاشات الموبايل، وآني اعرف انو اغلب الي يجربون الموقع من الموبايل فَـ حاولت احل المشكلة..

الـContainer الي يتضمن كتابة التاريخ والزر، ماخذ جزء چبير من عرض الموقع نوعًا ما وچنت مخليهن كلهن واحد بصف اللاخ
نزلت الزر تحت مدخلات التاريخ، ونتيجة التاريخ خليتها تنعرض بالطول للشاشات الضيقة، وانحلت :)
راح ارسل صور بالگروب للموقع قبل حل المشكلة وبعد حلها..

كلش عجبتني النتيجة خصوصًا آني ما تعبت بيه تقريبًا، وخلصته بـ46 دقيقة و13 ثانية وچنت اگدر اكمله اسرع -_-

الي يحب يشوف المشروع » rfgcn.github.io/A5 «

وبس.. شكرًا ^_-

#اليوم السادس :) » Stop Watch «

فكرة مشروع بسيطة وشغلها أبسط، واجهت كم مشكلة بالتصميم وحليتهن عالسريع وخلصت التصميم واتوجهت عالجافا سكربت
يمكن هاي أبسط فكرة اشتغلتها لحد الآن، ملف الـCSS وصل 96 كود والجافاسكربت 38 والـHTML 42 😐

بس بالنهاية النتيجة حلوة تقريبًا والفكرة بسيطة وحلوة، طولت بالمشروع ساعة وست دقايق :)

الي يحب يشوف المشروع » rfgcn.github.io/A6 «

وبس.. شكرًأ ^_-

#اليوم السابع :) » TextEditor «

هيّ تقريبًا فكرة معقدة بس طرحتها بالموقع بشكل مبسط حتى اشتغلها بأسهل ما يمكن
اهم الميزات الي خليتها الـText Format ( Bold italic underline ) و Create link وتغيير الخط وتغيير اللون وتغيير الحجم والـText-Direction وبعد چم شغلة تگدرون تشوفوهن بالموقع :)

الفكرة چبيرة وحبيت اتوسع بيها بس للأسف الوكت ميساعد، وبنهاية الشغل حاولت اخليه يشتغل عالموبايل وتقريبًا صارت چم مشكلة صغيرونة هيچ وتعاجزت احلها :)

بالنهاية شفت المشروع شوية تصميمه العام مو حلو بس شغله بـJS مرتب وشغال 100% وهذا الهدف الأساسي، اشتغلته بـ3 ساعات و 12 دقيقة :)

الي يحب يشوف المشروع » rfgcn.github.io/A7 « ☺️

وبس.. شكرًا ^_-

حاب اوضح انو كل المشاريع الي نشرناها ما چانت ممكن تفيدكم لأن اغلبها مقتبسة من برامج مجانية مشهورة، ومجرد اشتغلتها كمحتوى وحتى اتطور بـJS 😐

كل المشاريع تگدرون تلگوها على حسابي بگتهب github.com/rfgcn .. وكذلك راح ادزها كملفات بالتعليقات

مشروع اليوم چان آخر مشروع » غالبًا لأن السالفة صعبة وهواي تاخذ وقت وبدون فائدة واضحة « وشغل المشاريع الچبيرة والمرتبة مفيد اكثر، ان شاء الله راح نستمر بنشر المحتوى على القناة بشكل مختلف

شكرًا لكل شخص تفاعل بالسلسلة بصورة عامة وجرب البرامج وطِرَح رايه بيهن، ان شاء الله نشوفكم بمشاريع أكبر ☺️

🔴 سبع نقاط مختصرة تخليك تستعمل Microsoft Edge بدال Google Chrome ☺️

◼️ السرعة // edge يستعمل نسبة اقل من الـMemory & المعالج.

◼️ التبويبات العمودية // هاي الميزة عملية ومفيدة اذا تفتح هواي تبويبات.

◼️ الحماية // Edge يستخدم وسائل وإعدادات حماية اقوى من Google Chrome.

◼️ المجاميع - Collections // ميزة تگدر من خلالها تجمع اكثر من موقع او فِقرات من موقع بگروب.

◼️ التوافق // Microsoft Edge متوافق اكثر مع مواقع منتجات Microsoft مثل office او Outlook او OneDrive.

◼️ الـPDF Reader // قارئ الـPDF المبني داخل Microsoft Edge من اكثر قارئات الـPDF استعمالاً » بسبب سرعته / بساطته «.

◼️ وضع القراءة // وضع القراءة immersive reader يغير الوان الخلفية الى الوان ابسط بالقراءة ويحذف كل الاعلانات والصور لتجربة قراءة افضل.

وبس.. شكرًا ^_-

https://alwaely.netlify.app/
https://rpgiq.github.io/V2/
موقعي للي يريد يجربة
هذا الإصدار راح اشارك بي يمسابقة بالتربية 😇.
1-سهل الإستعمال
2-سريع الإجابة
أشكر المبدع علي سعد على مساعدته إلي.

عاشت ايدك وان شاء الله نشوف ابداعات اكبر منك بالمستقبل 👏☺️

+ قناته ممكن تستفادون منها » @KadoIQ «
+ النسخة المُعدلة من الموقع » ... «

🔴 مقارنة بين جهاز Apple » الـMacBook AIr M3 « وجهاز Microsoft » الـMicrosoft Surface Pro 11 « :)

◼️ السعر :: الـMacbook Air يجي بـ3 نسخ ارخصهن بـ1099$، اما الـMicrosoft Surface يجي بنسختين ثنينهن بسعر 999$

◼️ المعالج :: جهاز Microsoft يستعمل معالج SnapDragon X Elite، جهاز Apple يستعمل معالج الـM3، ومعالج SnapDragon اقوى بحوالي 33% من معالج Apple.

◼️ الـRAM :: جهاز Microsoft يستعمل 16GB رام وقابلة للتوسيع إلى 64GB، بينما جهاز Apple يستعمل فقط 8GB وقابلة للتوسيع الى 24GB فقط.

◼️ التخزين :: الجهازين يستعملن 256GB SSD.

◼️ التصميم :: جهاز Microsoft يجي بتصميمين، إما اللابتوب الإعتيادي او الـPro الي يكون عبارة عن تابلت وكيبورد وقلم وتگدر تربطهن، أما الماك يجي بتصميم اللابتوب التقليدي فقط.

◼️ الشاشة :: جهاز Microsoft يجي بشاشة OLED!!!!!، بدقة 2880x1920px يعني اكثر من 2K بشويه، اما الـMac تجي شاشته بدقة 2560x1664px يعني دقتها اقل من الـSurface، بالنسبة لإضاءة الشاشة فَـإضاءة الـMac اعلى.

الجهازين راقيات بس Microsoft دائمًا تتغلب على Apple من هاي الناحية، الاجهزة ثنينهن متوفرات بالعراق ببغداد عند النبع.
وبس.. شكرًا ^_-

🔴 شنو الفرق بين C و C++؟ 🤔

◼️ لغة C، طُوِّرَت بسبيعينيات القرن الماضي، تُستخدم لنمط » البرمجة الإجرائية Procedural Programming « بدون نمط الكائنات وبالتالي تكون اسرع من C++ وبسيطة الاكواد وتستخدم لأنظمة التشغيل والبرامج منخفضة المستوى.

◼️ لغة C++، طُوِّرَت بثمانينيات القرن الماضي، تستخدم لنمط » البرمجة الكائنية object-oriented programming « بالاضافة لنمط البرمجة الاجرائية لذلك تكون بطيئة ومعقدة وتستخدم للبرامج الكبيرة والقابلة لإعادة الاستعمال.


🔴 الفروقات الرئيسية:

◼️ لغة C اسرع من لغة C++ بسبب توفيرها مميزات اقل وبالتالي سرعة اكبر بالمعالجة.

◼️ لغة C++ استعمالاتها اكثر من لغة C بسبب توفيرها مميزات اكثر وبالتالي استعمالات اكبر.

◼️ نظام تشغيل Unix وقاعدة بيانات MySQL ونظام تشغيل Linux-Kernal من اشهر استعمالات لغة C.

◼️ متصفح Google Chrome ومُحرك الألعاب Unreal Engine وبرنامج Adobe Priemere من أشهر استعمالات لغة C++.

◼️ فروقات بسيطة بالـSyntax تتمثل بالـ(( الكائنات والفئات Classes & Objects - الإدخال والإخراج input & ouput - الوراثة inheritance - التهيئة Constructors ))


🔴 منو الأفضل للاستعمال بـ2024؟

◼️ اذا چان شغلك خالي من البرمجة الكائنية الافضل تختار لغة C لأنها اسهل بالبرمجة واسرع بالاداء وراح تقدم افضل تجربة للمستخدم واسهل طريق الك.

◼️ اذا چان شغلك يحتوي على برمجة كائنية ما عندك خيار غير لغة C++.


🔴 امثلة من كل لغة

int main() {
    printf("Hello, World!\n");
    return 0;
}

int main() {
    std::cout << "Hello, World!";
    return 0;
}

اللغتين قويات وكل وحدة بيهن الها ميزات خاصة حسب طبيعة شغلك، إذا چنت مُبتدئ، لغة C ممكن تكون أسهل وأسرع تتعلمها وتساعدك تفهم أساسيات البرمجة، أما إذا چنت تدوّر على إمكانيات اقوى وتطوير برامج مُعقدة، فَـ ماكو غير C++ توفرلك هالإمكانيات
وبس.. شكرًا ^_-

🔴 معلومات عن الذكاء الإصطناعي DeepSeekAI.

◼️ نزل قبل 10 أيام تمامًا ((January 20ᵗʰ 2025)) وانتشر بصورة واسعة لأنه "أفضل من ChatGPT"

◼️ مثل كُل ذكاء اصطناعي صيني، الذكاء الاصطناعي هذا مُدرب حتى يتجنب أي موضوع سياسي.

◼️ بالنسبة للمواضيع الرياضية والفيزيائية وقدرة الذكاء الاصطناعي على مُعالجة المشاكل وحلها، DeepSeek مُقارب لأداء ChatGPT 1O الي نِزَل نهاية العام الماضي.

◼️ الذكاء الاصطناعي هذا عنده القدرة على التبنؤ بنتائج التحاليل والتجارب العلمية، وهيّ ميزة جديدة ما موجودة بـ أي ذكاء اصطناعي سابق.

◼️ عنده القدرة على تحليل الاشعة السينية واكتشاف الأمراض بشكل أسرع وأدق من الأنظمة المُنافسة الخاصة بهالمجال.

◼️ يعتمد DeepSeekAI على خوارزميات تعلم ذاتي، بالتالي أدائه يتحسن باستمرار بسبب البيانات الجديدة الي يكتسبها.

◼️ أهم سلبية بالذكاء الاصطناعي هذا: مو سهل الاستعمال مثل ChatGPT او Bard..، يحتاج خبرة تقنية حتى تعرف تتعامل وياه وتاخذ منه افضل نتيجة.

◼️ كتابة الأكواد: الذكاء الاصطناعي هذا افضل بـ1.8 - 3.7 مرات من ChatGPT بكتابة الاكواد، بحيث يگدر ينطي كود يشتغل بصورة أسرع وبسطور أقل، قوي بلغة Javascript وضعيف بـC عكس ChatGPT.

🟨 هل DeepSeekAI افضل من ChatGPT ونگدر نستعمله كَـ بديل اليوم؟
الجواب باختصار: لا، الذكاء الاصطناعي يحتاج تدريب وتحديثات اكثر ياله يصير مُناسب للاستعمال، وبالوقت الحالي ChatGPT كافي وزيادة لكل الأعمال، عدى كتابة الأكواد بلغة Javascript تگدر تستعمل DeepSeek

🟥 خوادم الذكاء الاصطناعي DeepSeek تواجه مشاكل هالفترة بمعالجة البيانات واستقبال المُستخدمين، لذلك الموقع الرسمي للذكاء الاصطناعي ما يشتغل بشكل مضبوط هالفترة.

🟦 الموقع الرسمي للذكاء الاصطناعي » www.deepseek.com «

وبس.. شكرًا ^_-

🔴 لُغة برمجيّة عظيمة نادرًا ما نسمع عنها.. "Rust"

لغة Rust هيَ لُغة برمجية مفتوحةُ المصدر، طورتها شركة Mozilla الشهيرة » مُطورة مُتصفح Firefox « عام 2010، صُممت لتكون سريعة وآمنة..

من أهم مُميّزاتِها:

◼️ الأمان - Safety: توفر هذهِ اللغة الأمان من خلال منع الأخطاء المرتبطة بالذاكرة، مثل تجاوز المُؤشر Buffer Overflows أو أخطاء استخدام المُؤشر Null، وذلك باستخدام نظام إدارة الذاكرة الخاص بها.

◼️ الأداء - Perfomance: تُنافس اللغة لُغات برمجة مُنخفضة الأداء مثل C, C++ في الأداء.

◼️ التزامن - Concurrency: تصميم اللغة يدعم البرمجة المُتزامنة من دون القلق من مشاكل السباق Race Conditions

◼️ المُجتمع والأدوات: تتميز لغة Rust بمجتمع قوي يساهم بتطوير اللغة ومكتباتها، بالإضافة إلى أدوات مثل Cargo لإدارة المشاريع.

أبرز استعمالات اللغة:

▫️ أنظمة التشغيل: تُعد هذهِ اللغة من أبرز اللغات المُستعملة في إنشاء أنظمة تشغيل، تم أستعمالُها في إنشاء أنظمة تشغيل مثل Redox الذي يُعد بديلاً لـUnix.

▫️ مُحرّكات الألعاب: بسبب أدائها القوي وسرعتها العالية، تُستعمل لإنشاء مُحركات الألعاب

▫️ الويب: تستخدم Rust للـBackend من المواقع، باستعمال أُطُر عمل مثل Rocket وActix.

▫️ التطبيقات المُدمجة - embedded Systems: تُعدُّ خيارًا قويًّا لتطوير الأنظمة ذات الموارد المحدودة.

التحديات التي تواجه Rust

◽️ قلة الموارد: مُقارنة باللغات الأُخرى كَـ C++ و Python، فإنّ عدد الموارد التعليمية أقل.

◽️ مُنحنى التعلم: تعلم Rust قد يكونُ صعبًا لِلمبتدئين، خاصةً لِمَن لم يتعاملوا مع إدارة الذاكرة بشكل يدوي.



حصلت لغة Rust على المركز الأول في استطلاعات StackOverFlow كَـأكثر لُغة محبوبة لعدّة سنوات مُتتالية، بفضل تجربتها المُمتعة للمطورين وتوفيرها أدوات مُتقدمة تساعد على الكتابة الآمنة للبرمجيات.

وبس.. شكرًا ^_-

🔴 شنو الي يصير بلابتوبات الوندوز حاليًّا؟ 🤔
مبدأيًا، اللابتوبات الها معماريتين، معمارية x86 ((تُسمى ARM)) & معمارية x64

▫️ معمارية x64 هي المعمارية الكلاسيكية والطبيعية لجميع أجهزة الحاسوب من 2007.
▫️ معمارية x86 معماريّة قديمة، تستعمل بالتابلتات، الموبايلات وحديثًا بدأواْ يستعملوها باللابتوبات.

السبب الي يخلي الشركات تتوجه لهاي المعمارية بلابتوبات العمل (Business Laptops):
1️⃣ القطع المستعملة بلابتوبات الـARM تؤدي إلى تخفيف وزن الجهاز.
2️⃣ تبريد أقل: لابتوبات الـARM تحتاج لنظام تبريد بسيط وببعض الأحيان بدون تبريد.
3️⃣ كفاءة الطاقة: لابتوبات الـARM مُصممة لتوفير البطارية، تُقلل الأداء بشكل بسيط مقابل عمر بطارية أطول
4️⃣ تكلفة أقل

🔴 شركة Apple بدأت تستعمل نظام الـARM بلابتوبات الـMacbook Air & Pro من 2020، وبوقتها أغلب التطبيقات على نظام الـMacOS توقفت أو واجهت مشاكل بسبب مشكلة التوافق مع نظام الـARM، والمشكلة احتاجت أكثر من سنة حتى تنحل
⚫️ نفس الموضوع يصير حاليًّا بلابتوبات الوندوز، التطبيقات تحتاج فترة حتى تتوافق مع نظام الـARM، وبكون انو هذا النظام جديد على لابتوبات الوندوز، الشركات تواجه مشاكل بالتوافق، وبالتالي تحتاج عدة أشهر حتى تكون لابتوبات الوندوز جاهزة للأستعمال

أبرز اللابتوبات الحديثة بهذا النظام:

1- Asus Zenbook A14
◽️يتميز بوزنه الخفيف، 984غ وهو أخف لابتوب على الإطلاق
◾️ عمر بطاريته المُرعب، 33 ساعة وهو أطول عمر بطارية بلابتوب على الإطلاق
◽️ شكله الجميل، وأداءه المُمتاز، وسعره المناسب
◾️ سعره الرسمي 1099$، حوالي 1,850,000 بالعراق.

2- Microsoft Surface 7
▫️ يتميز بشكله الجميل، حجمه (13.6")، وعمر بطاريته

كل لابتوبات الوندوز الموجهة لأصحاب الاعمال تتوجه بإتجاه نظام الـARM، وهذا الي يخلي لابتوبات الوندوز خيار ممتاز مُستقبلاً وتناسب الجميع.
أما بالوقت الحالي، فلابتوبات الوندوز خيار غير مناسب لأنها تمر بمرحلة عدم إستقرار، ولابتوبات Apple الخيار الأفضل كونها تعمل على نفس المعمارية (ARM) وبأسعار مُمتازة خصوصًا الإصدار الأخير (MBA M4 = 999$).

وبس.. شكرًا ^_-

🔴 شركة Lenovo من أشهر الشركات الي تسوي لابتوبات Gaming & Business
موضوعنا اليوم عن جميع السلاسل الأساسية والفرعية الي تصدّرها هاي الشركة (:

🟨 أولاً: Lenovo IdeaPad: لابتوبات إقتصادية بأسعار رخيصة، تقدم المواصفات الموجهة للاستعمال الطبيعي، بوزن متوسط، بشكل لطيف.

🟪 ثانيًا: Lenovo ThinkBook: لابتوبات مشابهة للـIdeaPad بسعر أعلى وبجودة أعلى ومواصفات أعلى وكرت شاشة مُدمج أفضل.

🟥 ثالثًا: Lenovo ThinkPad: أشهر سلسلة لابتوبات Business بالعالم، بالأساس كانت مملوكة لشركة IBM الامريكية واشترتها شركة Lenovo عام 2005 (صاحب المعلومة)، بيها هواي سلاسل فرعية
◾️ أ. ThinkPad E الأرخص، الأثقل، موجهة للـBusinesses الصغيرة.
◾️ ب. ThinkPad L النسخة المُحسّنة من الـE بحماية أفضل وجودة أعلى.
◾️ ج. ThinkPad T الـHigh End Business Laptops الموجهة للأعمال الكبيرة.
◾️ د. ThinkPad X1 الأشهر، وتحتوي على سلاسل فرعية كثيرة:
▫️ -أ- ThinkPad X1 Yoga .. يتحول تابلت _2in1_
▫️-ب- ThinkPad X1 Carbon .. وزن خفيف وبطارية قوية وأداء رهيب.
▫️ -ج- ThinkPad X1 Nano .. الأخف وزنًا
▫️ -د- ThinkPad X1 Extreme .. الأقوى من ناحية المعالج.
◾️ هـ. ThinkPad P موجهة للأعمال الضخمة، برامات ضخمة ومواصفات قويّة.

🟧 رابعًا: Lenovo LOQ: لابتوبات ألعاب (بكرت شاشة خارجي، مواصفات مناسبة للألعاب، وزن ثقيل)، إقتصادية (بأسعار رخيصة)

🟫 خامسًا: Lenovo Legion: لابتوبات ألعاب، موجهة لفئة سعرية أعلى (بجودة أفضل)

🟩 سادسًا: Lenovo Yoga، تتميز بشكلها المميز وسُمكها القليل مقابل أدائها العالي. تحتوي على سلاسل فرعية كذلك.
◾️أ. Lenogo Yoga 2-in-1: تتحول إلى تابلت (360 Rotate) وهاي السلسلة مشهورة جدًا بسبب تفوقها على السلاسل المشابهة من باقي الشركات
◾️ب. Lenogo Yoga Slim: عادية مُجرد سُمكها قليل.
◾️ ج. Lenovo Yoga Pro: ادائها جبّار (:

المصادر: Lenovo.com - Knowledge Unfolded(YT)

وبس.. شكرًا ^_-

🔴 شركة MSI من أقوى الشركات بعالم الـGaming Laptops، وتوفر سلاسل متنوّعة تناسب كل الفئات (طلاب، مبرمجين، لاعبين، مصممين) 🌍

موضوعنا اليوم عن جميع السلاسل الأساسية والفرعية الي تصدّرها الشركة (:

🟨 أولاً: MSI Thin
لابتوبات خفيفة ورخيصة، موجهة للطلاب أو الناس الي يريدون كرت شاشة منفصل بسعر اقتصادي.

🟦 ثانيًا: MSI Katana
أشهر سلسلة ألعاب من MSI بالفئة المتوسطة، تقدم أداء قوي للألعاب بسعر معقول.

⬛️ ثالثًا: MSI Cyborg
تصميم مستقبلي شفاف، موجه للفئة الاقتصادية بالألعاب، مشابه للـThin بس شكل أرتب وبسعر أغلى (أغلى بشويه).

🟥 رابعًا: MSI Bravo / Delta
سلاسل مبنية بمعالجات AMD (معالجات + كروت Radeon)، خيار ممتاز للي يفضل AMD.

🟪 خامسًا: MSI Stealth
أنحف وأهدأ لابتوبات گيمنگ، تصميم أنيق وبطارية طويلة، ينفع للشغل الرسمي + الألعاب.

🟩 سادسًا: MSI Vector
توازن مثالي بين الأداء والإنتاجية والگيمنگ، ينفع للمهندسين والمبرمجين.

🟧 سابعًا: MSI Crosshair
نسخة خاصة بجمهور الگيمنگ مع ديزاين مميز وأداء ثابت.

🟫 ثامنًا: MSI Raider
أجهزة ألعاب قوية جداً مع تبريد ضخم، موجهة للاعبين المحترفين والـHardcore Gamers.

⬜️ تاسعًا: MSI Titan
وحش MSI وأغلى سلسلة، لابتوبات خارقة للألعاب الثقيلة والمونتاج الضخم.

🟦 عاشرًا: MSI Creator
موجهة للمصممين وصانعي المحتوى، شاشة بألوان دقيقة وأداء ممتاز للجرافيك والمونتاج.

🟨 حادي عشر: MSI Prestige / Summit / Modern
سلاسل عمل وبزنس، تصميم نحيف وبطارية طويلة، موجهة للمدراء، المبرمجين، والطلاب الي يريدون جهاز عملي.

المصادر: msi.com - مراجعات يوتيوب (Jarrod’sTech, Dave2D)

وبس.. شكرًا ^_-