كل ما ندخل Google بمناسبة مهمة.. كلمة Google تكون مكتوبة بصورة مُميزة على حسب المُناسبة مثل الي بالصورة ✨
هذا اسمه Google Doodles، وعادةً اكو فريق خاص مسؤول عن اعداد مثل هيچ صور 😊..
يوم غد إن شاء الله، گوگل راح تفتح المجال لأي شخص بتصميم الـGoogle Doodles والمشاركة بيها ضمن قواعد معينة 😇..
واهم شي بيها جوائز 💰🤑
هذا موقعهم لتفاصيل اكثر :
https://doodles.google.com/d4g/
وبس... شكرًا 😇

واجهت هذا المثال البرمجي الحلو
0 > null (( False ))
0 >= null (( True ))
0 == null (( False ))
يعني Null هيّ أصغر أو تساوي صغر، بس مو أصغر من صفر ولا تساوي صفر 😊
لأن الـNull هيَ 0 وأصغر من 0 وأكبر من 0 بنفس الوقت 🙃
وهذي الطريقة الي يستعملوها بالـQuantumComputers، بحيث نگدر ندمج أكثر من خطوة بخطوة وحدة 🌚

وبس... شكرًا 😇

على الرغم من أنو أي موقع على المتصفح غير قابل للفتح بدون انترنت
الميزة الجديدة من يوتيوب، تگدر تفتح الموقع Youtube.com بدون انترنت ☠️
الفكرة بإختصار 👇🏻

🔺 تنزيل واجهة الموقع ( Basic HTML & CSS Codes ) إلى جهاز المُستخدم
🔺 إذا فتح المُستخدم الموقع راح يفتح الجهاز if statement
⚫️ إذا كان الجهاز متصل بالإنترنت، أفتح Youtube.com
⚫️ إذا كان الجهاز غير متصل بالإنترنت، أفتح ملفات واجهة الموقع الي نزلناهن لجهاز المُستخدم بأول خطوة

وكذلك إضافة تحميل الفيديوهات الي چانت بإشتراك Youtube Premium وچنّا نستخدم برامج طرف ثالث علمود هاي الخدمة، صارت موجودة باليوتيوب نفسه بدون إشتراك بحدوديّات لجودة الفيديو
هاي الميزة اليوم موجودة بهواي مواقع غير Youtube، وراح تغيّر بالمستقبل فكرة تصفحنا للمواقع على الانترنت :)

نفترض أنو الحرف الواحد ياخذ مساحة 0.25 Byte ، إذا تاخذ الحرف Copy من الذكاء الإصطناعي راح يصير حجمه 0.3 Byte ، شنو السبب 🧐
كأنما انتَ كتبت نص وسويتله Create Link راح يصير حجمه اكبر لأنّه يحمل قيمة النص المكتوب وقيمة الرابط الي يحمله النص المكتوب
نفس الشي، الذكاء الإصطناعي يحمل قيمة النص المكتوب والـDetectibility الي هيّ بيانات خفية يحملها النص تثبث انّو النص مقتبس من الذكاء الإصطناعي
النص الي يحمل هاي البيانات الخفية بيه سلبيتين
⚫️ حجم النص يكون أكبر وياخذ مساحة اكثر
⚫️ الجهات المُختصة تگدر تعرف أنّو النص مقتبس من الذكاء الإصطناعي لأنّه Detectable AI Text
تگدر تحوّل النص إلى UnDetectable AI Text وتتجنب السلبيتين عن طريق خدمة StealthGPT
هذا رابط الموقع > stealthgpt.ai < :)

مصطلح دائمًا نسمعه بنطاقات مواقع الويب.. » redirect «
الـredirect هو بإختصار عمل موقع لإعادة توجيه المستخدم لموقع ثاني

مثلًا، إذا دخلت لرابط » FB.com « راح يعيد توجيهك لموقع Facebook.com ، هذي الفكرة منها عدة اغراض

الغرض الأول تعدد النطاقات لموقع واحد مثل Facebook.com و FB.com

الغرض الثاني تجديد الإسم، مثلاً X اسمه القديم Twitter ورابطه Twitter.com ، عالجديد غيروه وصار x.com ، واكيد رابط Twitter.com من المُمكن استعماله فَـ يسوي redirect لـX.com .. نفس الحالة ويّ Bard و Gimini

الغرض الثالث تجديد النطاق، مثل Google موقعهم الاساسي چان Google.net صار Google.com

وبس.. شكرًا ^_-

بكون انو صارلنا فترة طويلة ساحبين ع القناة فَـ حبيت ارجع بسلسلة بسيطة :)
حدث عبارة عن 30 يوم كل يوم نشتغل مشروع..
المشاريع بلغات HTML & CSS & Javascript وهيّ بشكل اساسي بـJavascript

🔴 كل مشروع يتضمن 3 ملفات لا اكثر ولا اقل index.js , styles.css , index.html

🔴 كل يوم مشروع لمدة 30 يوم، نبدي يوم 1 Aug. وننتهي 30 Aug.

🔴 اليوم الي ما اگدر اسوي بيه مشروع اليوم الي بعده اسوي مشروعين -_-

وغالبًا ذني اهم المشاريع الي مفكر اشتغلهن وراح افكر ببعد وان شاء الله يصير 30

◼️ برنامج طقس
◼️ برنامج To-Do List
◼️ برنامج اختبارات
◼️ برنامج Random Password Generator
◼️ برنامج QR Code Generator
◼️ برنامج ملاحظات
◼️ برنامج Age Calculator

وإن شاء الله نجمع افكار بالمستقبل
كل مشروع اشتغله انشره هنا وانشر شرح بسيط عن طريقة شغله
وبس.. شكرًا ^_-

استشارة مشروعك التخرج مجاناً 💯 لا تتردد بالانضمام => @JalalTech

#اليوم الأول :) » برنامج طقس «

بديت اشتغل على الـHTML واشتغلت وراها CSS وكلشي تمام، وصلنا للـJavascript -_-
مبدأيًا عدنا موقع OpenWeather نجيب منه الطقس، فَـ الي نسويه لازم نسوي حساب بالموقع وهذا الحساب راح يكون اله API Key، فَـ نستخدم هذا الـAPI Key حتى نعرف الطقس
الموقع بيه رابط ثابت وكود الحساب واسم المدينة، فَـ نحتاج بـjavascript نكتب الرابط ونخلي اسم المدينة كَـ متغير ونخليه يدخل بالرابط.

وعلى الرغم من أنو آني مو زين بالجافا سكربت بس حبيت اكتب كود بنفسي وكتبت وكملت وطلعت كم مشكلة، حليتهن وكلشي تمام على عكس ما توقعت
حسيت التصميم العام كئيب ومو حلو فـَ عدت اكواد HTML و CSS ونشرت الموقع على Github وبس خلصنا :)

طوّلت بيه 3 ساعات و 49 دقيقة، وما راضي عن النتيجة لأن ما بيه اي فكرة مجرد تنطيه اسم المدينة ينطيك الطقس 😐
مع ذلك فرحت بالنتيجة ووو الحمدلله :)

الي يحب يشوف المشروع » rfgcn.github.io/A1 «

وبس.. شكرًا ^_-

#اليوم الثاني :) » To Do List «

الوقت چان عندي ضيق فَـ استخدمت قالب HTML و CSS مشتغله بأيدي مسبقًا وعدلت عليه حسب المشروع، ورحت مباشرةً عالجافا سكربت

الفكرة نگدر نوصل بيها للنتيجة بأكثر من طريقة، الطريقة الي استخدمتها
يكتب المستخدم بالـInput1، ومن يضغط Button1 نتيجة Input1 تكون قيمة لمتغير Var(X)
الـ(X) قيمتها تعتمد على عدد المهام الي انتَ مسويهن +1، يعني اذا انتَ مسوي سبع مهام فهاي المهمة الثامنة...

استخدمت خط يدعم بس انگليزي وتقريبًا الخلفية صارت مو مناسبة وية الموقع بس هاي مشاكل بالتصميم وكلها بسيطة اذا صار عندي وكت اعدلها في وقت لاحق ☺️

طوّلت بيه 6 ساعات و 25 دقيقة وغالبًا تأخرت بسبب كثرة الافكار، گلنا النتيجة نگدر نوصللها بأكثر من طريقة وآني استخدمت اكثر من طريقة وكل شوية استخدم وحدة وامسحها واستخدم غيرها على أمل تطلع اسهل، وبالنهاية اختاريت اصعب طريقة 😅، بس المهم اشتغل تمام ووو الحمدلله :)

الي يحب يشوف المشروع » rfgcn.github.io/A2 «

وبس.. شكرًا ^_-

#اليوم الثالث :) » Random Password Generator «

مبدأيًا حبيت اشتغل على المشروع بسرعة واخلصه بأقل من ساعة، فَـ اشتغلت HTML و CSS بسيط جدًا ورحت للجافا سكربت، والفكرة الي چانت ببالي معقدة شوية

عنصر1 / Lowercase Charecters الحروف الـSmall
عنصر2 / UpperCase Charecters الحروف الـCapital
عنصر3 / Numbers الأرقام 0-9
عنصر4 / Special Charecters الرموز الخاصة !@#$%^&*

إذا ضِغَط المستخدم الزر1 ، رتّب العناصر بالنِسَب » مثلاً اذا المستخدم مختار كل العناصر فَـ راح تصير 25% لكل عنصر «
وبعدها احسب مجموع كل عنصر » الارقام 10 والحروف الصغيرة 26 والكبيرة 26 والرموز 8 «
بعدها اطبع كل عنصر على جنب ومن ثمّ ادمجهن بشكل عشوائي

الفكرة اعقد شوية بس صعب اشرحها، اذا تردون شرح اضافي بالتعليقات او تگدرون تفهموه من كود Javascript
والمشروع بصورة عامة أساسه Javascript بدون HTML و CSS معقد

طوّلت بيه 51 دقيقة » وقت قياسي ☺️ «، وفرحان بالنتيجة واحس روحي بديت اتطور بشكل رهيب بـJavascript، ورة ما كملت المشروع بحثت وما لگيت نفس الفكرة الي آني مسويها ولگيت افكار ابسط واسرع صح بس فكرتي مميزة ☺️

الي يحب يشوف المشروع » rfgcn.github.io/A3 «

وبس.. شكرًا ^_-

#اليوم الرابع :) » آلة حاسبة «

فكرة المشروع قديمة ومطروقة فَـ حبيت اطرحها بشكل مختلف، فَـ اهتميت للتصميم اكثر من الكود بكونه اختصاصي يعني 😏

فكرة اكواد Javascript الي جبتها من شرح لأن بصراحة ما دبرتها اسويها لوحدي، تگول انو كل رقم ينضغط ينحفظ كمتغير مؤقت وكل عملية تنضغط بعد رقم تحدد نوع العملية الي راح تتم بين المتغير الأول والثاني، فكرة بسيطة بس كتابتها بالكود شوية معقدة (( شوية هواي ))

أما بالنسبة للتصميم فَـ كلش فرحان بيه مع ذلك الآلة الحاسبة نفسها عريضة فَـ بشاشة الموبايل تصير شوية متكدسة..

الآلة الحاسبة هاي بيها هواي ميزات من ضمنها تگدر تدزلها ريلزات 😅، طوّلت بالمشروع 7 ساعات و 48 دقيقة وشوية غشيت واشتغلت البارحة 😁

الي يحب يشوف المشروع » rfgcn.github.io/A4 «

وبس.. شكرًا ^_-

#اليوم الخامس :) » Age Calculator «

فكرة المشروع تنطي المواليد وينطيك عمرك الدقيق، فكرة بسيطة واختاريتها بسبب ضيق الوقت..
اشتغلت عالتصميم من مصدر وكذلك اكواد الـJavascript وواجهت مشكلة بسيطة الي هيّ بالـResponsivity
بحيث الموقع ما يشتغل لشاشات الموبايل، وآني اعرف انو اغلب الي يجربون الموقع من الموبايل فَـ حاولت احل المشكلة..

الـContainer الي يتضمن كتابة التاريخ والزر، ماخذ جزء چبير من عرض الموقع نوعًا ما وچنت مخليهن كلهن واحد بصف اللاخ
نزلت الزر تحت مدخلات التاريخ، ونتيجة التاريخ خليتها تنعرض بالطول للشاشات الضيقة، وانحلت :)
راح ارسل صور بالگروب للموقع قبل حل المشكلة وبعد حلها..

كلش عجبتني النتيجة خصوصًا آني ما تعبت بيه تقريبًا، وخلصته بـ46 دقيقة و13 ثانية وچنت اگدر اكمله اسرع -_-

الي يحب يشوف المشروع » rfgcn.github.io/A5 «

وبس.. شكرًا ^_-

#اليوم السادس :) » Stop Watch «

فكرة مشروع بسيطة وشغلها أبسط، واجهت كم مشكلة بالتصميم وحليتهن عالسريع وخلصت التصميم واتوجهت عالجافا سكربت
يمكن هاي أبسط فكرة اشتغلتها لحد الآن، ملف الـCSS وصل 96 كود والجافاسكربت 38 والـHTML 42 😐

بس بالنهاية النتيجة حلوة تقريبًا والفكرة بسيطة وحلوة، طولت بالمشروع ساعة وست دقايق :)

الي يحب يشوف المشروع » rfgcn.github.io/A6 «

وبس.. شكرًأ ^_-