💊 دواء اليوم: ألفينتانيل (Alfentanil)
📖 التصنيف: مشتق صناعي من الفينيل بيبيريدين (Synthetic phenylpiperidine derivative)
. يُصنف كأحد الأفيونات (Opioids)
.
💉 الاستخدامات الأساسية:
1. توفير مُكون التسكين (Analgesic component) في التخدير العام
.
2. التهدئة (Sedation) في وحدات العناية المركزة
.
3. إخماد الاستجابات القلبية الوعائية للتنظير الحنجري (laryngoscopy)
.
⚙️ آلية العمل الرئيسية والتأثيرات: هو ناهض انتقائي للغاية لمستقبلات ميو-الأفيونية (mu-opioid - MoP)
. يعمل على فرط استقطاب غشاء الخلية (hyperpolarization) عبر زيادة توصيل البوتاسيوم (potassium conductance)، مما يؤدي إلى التسكين
.
• الخصائص: يتميز بكونه مركب غير مُتأين بنسبة 89% عند درجة حموضة 7.4 (pH)
. على الرغم من قابليته المنخفضة نسبياً للذوبان في الدهون، فإن انخفاض قيمة الـ (pKa) الخاصة به يجعله ذو مفعول أسرع من الفنتانيل
.
• آلية النشر: يتميز بالتسكين وكبت التنفس
.
🔢 الجرعات وطرق الإعطاء (Routes/Doses): يُعطى عن طريق الوريد فقط
.
• الحقن الدفعي (Boluses): 5–50 ميكروغرام/كغ
.
• التسريب المستمر (Infusion): 0.5–1 ميكروغرام/كغ/دقيقة

📋 التأثيرات الفسيولوجية البارزة

1) القلبي الوعائي (CVS):
يسبب تباطؤًا في القلب (Bradycardia) من منشأ مبهمي (vagal origin). لا يؤثر على النتاج القلبي أو الضغط الشرياني المتوسط (MAP). يخمد الاستجابات القلبية للتنبيب.

2) التنفسي (RS):
مثبط قوي للتنفس (Respiratory depressant)، يقلل من معدل وحجم التنفس. قد يسبب تصلبًا في جدار الصدر (ظاهرة “الصدر الخشبي”).

3) الجهاز العصبي (CNS):
مسكن أقوى بـ 10–20 مرة من المورفين. له نشاط منوم أو مهدئ ضئيل. يقلل الضغط داخل العين بحوالي 45%.

4) الجهاز الهضمي (AS):
يقلل حركية الجهاز الهضمي وإفراز حمض المعدة. يضاعف ضغط القناة الصفراوية المشتركة (تشنج مصرة أودي).

5) الاستقلاب (Metabolic):
الجرعات العالية تخمد “استجابة الإجهاد” (Stress response) للعملية الجراحية، وقد يكون أكثر فعالية من الفنتانيل في هذا الصدد.

🧮 مثال رياضي (حساب الجرعة الكلية للتنبيب):
الحالة: مريض بالغ وزنه 65 كغ، يتم إعطاؤه جرعة دفعية عالية من ألفينتانيل لتخدير سريع قبل التنبيب. الجرعة المقررة: نستخدم الجرعة القصوى للتحريض وهي 50 ميكروغرام/كغ
. التركيز المستخدم: ألفينتانيل بتركيز 5 ملغ/مل (وهو ما يعادل 5000 ميكروغرام/مل)
.
الخطوات:
1. حساب الجرعة الكلية المطلوبة (بالميكروغرام):
50 ميكروغرام/كغ×65 كغ=3250 ميكروغرام
2. تحويل الجرعة إلى حجم (مل):
5000 ميكروغرام/مل3250 ميكروغرام​=0.65 مل
النتيجة: يجب سحب 0.65 مل من المحلول بتركيز 5 ملغ/مل وإعطاؤه للمريض وريدياً ببطء.

🩺 حالة سريرية (Clinical Scenario)

المريضة:

مريضة مسنة

الوزن: 75 كغ

تعاني من قصور كبدي (Hepatic impairment)

تحتاج إلى تخدير عام (General anesthesia)

الخطة التخديرية:

تم التخطيط لاستخدام ألفينتانيل (Alfentanil) كجزء من التخدير.

⚠️ تنبيه خاص بالدواء: تعديل الجرعة بحذر

يذكر المصدر أن العمر النصفي للإطراح (Elimination half-life) يطول لدى:

المرضى المسنين

المرضى الذين يعانون من قصور كبدي شديد

المرضى الذين يعانون من قصور كلوي كبير

يتم استقلاب ألفينتانيل بشكل كبير في الكبد عبر نظام إنزيم السيتوكروم:
CYP3A4/3A3

لذلك، فإن إعطاء أدوية مثبطة لإنزيم CYP3A4/3A3 بالتزامن قد يؤدي إلى إطالة تأثير الألفينتانيل بشكل ملحوظ، مثل:

ميدازولام (Midazolam)

إريثروميسين (Erythromycin)

سيميتيدين (Cimetidine)

فلوكونازول (Fluconazole)

ديلتيازيم (Diltiazem)

شلونكم
اجيتكم اليوم بسالفة 🤭
شايفين اكو فئة من الناس مخنوكين باليل دائماً تدرون هاي شبيهم ؟
هذا مايعرف بـ obstructive sleep apnea 😯💤
شنو هذا شلون يصير !تعالوا نسولف
تدرون احنا عدنا المجرى الهوائي العلوي المفروض يبقى مفتوح حتى يبقى تدفق الهواء خوش ؟خوش
منو الي يخلي مفتوح؟اكو عضلات عزيزي تشد الجدار وتمنع الcollaps فـ اثناء النوم 💤هاي العضلات راح يصيرلها ارتخاء بالتالي يصير انسداد جزئي او كلي للمجرى مال هواء يعني مشكلتي لا بالرئة ولا بمراكز التنفس بالدماغ
يعني المريض هنا عنده effort بس الهواء ميكدر يفوت لان المجرى مسدود 🚪بالمحصلة راح يزيد عندي co2 ويقل عندي الo2
هنا الجسم شراح يسوي ؟راح يخلي الشخص يحس يعني يكعد ☀️كعدة خفيفة وهيچ يرجع النفس طبيعي لان رجعت العضلات فالشخص يرجع يكمل نومته ويرجع يختنگ وتنعاد السالفة كومةةة لحد ما يكعد لشغله الصبح🥲😂
ليش ديصير لفئة من الناس مو للكل ؟بسبب انه عدهم سُمنة او تضخم باللوزتين او عدهم وراثة بالعائلة او مدخنين خصوصاً الذكور تكثر عدهم هاي الحالة الطبية
ومن اعراضه الشائعة :شخير واستيقاظ متكرر بالليل وتعب ونعاس وصداع بالنهار😔🥱

وطبعاً ماكلتلكم ليش يصير ارتخاء لهايه العضلات اثناء النوم 🛌
شوفوا احنا وكاعدين الدماغ يبقى يرسل اشارات عصبية للعضلات 💪🏻
بس اثناء النوم راح يقل عدنا النشاط العصبي يعني ال hypoglossal nerve المسؤول عن العضلة الي تبقي اللسان للامام مراح ينطي اشارات وبذلك اللسان يرحع للخلف ويسد المجرى 😬ويعني شنو بعد يعني بعد ماكو نظام يقظة يعني لا serotonin ولا norepinephrine شنو هذني😳
عزيزي هاي نواقل عصبية بدورها تكون مسؤولة عن الmuscle tone الي هوة يعني العضلة تكون مشدودة شد خفيف حتى بوضع الراحة بفعل الإشارات العصبية 🧠✨
ف هذني النواقل من يقلن احنا ونايمين العضلات راح ترتخي وبالتالي يصير انسداد لمجرى الهواء
وبس

هسه يعني عرفنا بس شلون نتخلص منه 🤔
العلاج عزيزي يكون حسب شدّة المرض😔🤝🏻
طبعاً التشخيص الادق يكون بإختبار Polysomnography الي هو sleep study احصل من هذا الاختبار على الـ AHI الي تمثل شگد ديتوقف ويضعف النفس بالساعة 🕔
الطبيعي لازم يكون اقل من 5
اذا القيمة عبرت ال 30 معناها الحالة شديدة
نرجع للعلاج گلنا انه حسب شدة المرض
اغيرّ اللايف ستايل مالتي يعني اذا اكو سُمنة نسوي انقاص للوزن ونتجنب الكحول
وحتى امنع الانسداد استخدام جهاز CPAP
هذا الجهاز يطبق ضغط موجب مستمر ثابت على المجرى الهوائي حتى يبقي مفتوح
وهيچ تعلمنا بس شوية عن هاي الحالة الطبية الشائعة ومستقبلاً راح نفهم اكثر شنو هاي الاجهزة ومبدأ عملها🤝🏻🤍

شلونكم
هم عندي سالفة بعد 😂✨

اليوم راح اسولفلكم على شغلة وهي ضعف العضلات التنفسية وفشلها الي حيصير بسبب تفاقم نوع من الامراض العصبية الي هوة✨ Amyotrophic lateral Sclerosis
المرض هذا يصيب الخلايا العصبية بالدماغ والحبل الشوكي الupper وlower motor neurons يعني هاي الخلايا بعد متكدر توصل اشارة للعضلة 💪🏻لذلك يصير ضمور او شلل

زين تعالو خلي نعرف شلون العضلة بعد متشتغل 🏃🏻‍♀️

الاشارة توصل من الاعصاب بس الاعصاب دتموت شوية شوية لان تعبت
احنا عدنا مادة تنبه العصب يشتغل اسمها Glutamate 👍🏼
وعدنا خلايا مكناسة 🧹تنظف هاي المادة من تزيد ف بهذا المرض يا عزيزي الخلايا هاي تضعف كلش ومتنظف بعد ويتراكم Glutamate ويسوي حرب 🔥😂المهم راح يصير تنبيه هوايه فالعصب يتعب ويموت وميدز اي شي للعضلة فالعضلة هم بعد متشتغل

هسه ندمجها وية التنفس
عضلة الحجاب الحاجز وعضلات بين الأضلاع راح تتأثر وتضعف وهيج راح يصير تدفق هواء قليل وتراكم co2 وكلشي يكون تدريجي لحد مايوصل للفشل التنفسي 😔

يلا هسه نكمل ونحجي على الاعراض مالته 🤝🏻
تعتمد الاعراض على الخلية العصبية المتأثرة بس بدايته يكون ضعف عام بكل العضلات 💪🏻🥲
وراها تبدي صعوبة بالمشي صعوبة بالبلع وتلعثم بالكلام
تفكير زايد 💭 وبچي 😭وضحك وتثاؤب بأوقات غير مبررة
وطبعاً شنو المرضى حيعانون من صعوبة بإتخاذ القرارت وباللغة هم ف بعضهم يُشخص بنوع من الخرف اسمه ✨الخرف الجبهي الصدغي ✨
طبعاً اسباب حدوثه غير معروفة ولا واضحة بس الباحثون يكولون سببه يرجع الى تفاعل بين الجينات والبيئة 🧬🏡

زين من يتفاقم ويسوي ضعف بالتنفس شلون نعالجه ؟طبعاً هو ما اله علاج صريح بس ينطون مواد تقلل الglutamate يعني بس يقللون سرعة تفاقم المرض
او العلاج بالدعم التنفسي واكيد يكون بالبداية non invasive ventilation والأكثر شيوعاً هو جهازBIPAP (من المواضيع الي حنتعلمها بورشتنا🤭🩶)
ايي ف بهذا الجهاز راح نسوي ضغط اعلى للشهيق وضغط اقل للزفير
اذا المرض تفاقم اكثر والجهاز فشل انه يساعدنا فـ راح ننتقل لحل آخر وهو Invasive ventilation الي تكون عن طريق الtracheostomy وبس 🤝🏻

موضوعنا اليوم على "ادوية الضغط"
اكدر اصنف ادويه الضغط الى اربع مجاميع
1.Beta Blockers
2.Calcium Channel Blockers
3.Diuretics        المدررات
4.بيها نوعين
A:Angiotensin-Converting Enzyme (ACE) Inhibitors
B:ARB = Angiotensin II Receptor Blockers

اولاً :(Beta blockers)
عندي نوعين من مستقبلات بيتا يهمنا واحد منهن وهو :
🫀 β₁ receptor
إذا اشتغل β₁ يسوي:
●يزيد النبض (HR↑) 
●↑ قوة الانقباض (Inotropy +)
●↑ الناتج القلبي (CO)

هنا ادوية البيتا بلوكر راح تسد مستقبل β₁
تسويله block  وعليه:
●يقل HR
●تقل قوة الانقباض
●ويقل Cardic output
وبالتالي "يقل الضغط"
مثل ادويه
●Metoprolol
●Atenolol
●Bisoprolol
●Nebivolol

ثانياً : Calcium Channel Blockers
اكو قنوات موجود على جدار خلية عضلة القلب اسميها (calcium channe) يدخل من خلالها الكالسيوم وهذا الكلسيوم مهم حتى العضلة تنقبض.
وبدون الكالسيوم مستحيل العضلة تنقبض واذا زاد دخول الكالسيوم زادت قوة الانقباضة
واذا قل الكالسيوم تقل قوة الانقباضة

هنا هاي الادويه راح "تمنع دخول الكالسيوم الى داخل الخليه"
🔹 عندما تمنع هذه الأدوية دخول الكالسيوم  تقل قوة الانقباض وترخى الأوعية الدموية.
والبتالي "يقل الضغط"

مثل ادوية
●Verapamil
●Diltiazem

💧 المدرّات (Diuretics)
المدرّات تخلّي الجسم يطرح الصوديوم والماء عن طريق البول.
النتيجة انخفاض حجم الدم وبالتالي انخفاض الضغط الدموي.

رابعاً : النوع الرابع حتى نفهمه لازم نفهم فد سالفة 
من ينزل الضغط. هنا الكلية راح تتحسس هذا النقصان بالضغط وراح اطلع شي اسمه Renin
1.هذا الرنن راح يروح لبروتين يصنع من قبل الكبد اسمه Angiotensinogen
2.هذا الررنن سيقوم بتحويل الAngiotensinogen الى بروتين ثاني اسمه(Angiotensin I)
3.هذا Angiotensin I راح يظل يفتر بالجسم لحد ما يروح للرئة هنا راح يلاقي انزيم اسمه Angiotensin Convertineg enzyme هذا الانزيم راح يحول  (Angiotensin I) الى(Angiotensin II)
هذا ال Angiotensin II راح يسوي شغلتين  مهمات :
1️⃣ يضيق الأوعية → يرفع الضغط فوراً
2️⃣ يكول للغدة الكظرية: طلعي الدوسترون الالدوسترون يخلي الكليه تحبص صوديوم وبالتالي تحبس الماء والبتالي يزيد حجم الدم
النتيجة: يرتفع الضغط

هنا دواء الضغط شنو راح يسوي بهيج حاله
A:Angiotensin-Converting Enzyme (ACE) Inhibitors
هاي الادوية راح تمنع وظيفة الانزيم المحول للانجيوتنسين يعني الانجيوتنسن الاول مراح يتحول للثاني يعني ماكو انجوتنسن2
فما راح يصعد الضغط

* الرينن يطلع
أنجيوتنسن 1 يتكوّن
❌ بس ما يتحوّل إلى أنجيوتنسن 2
B:ARB = Angiotensin II Receptor Blockers
هنا الانجوتنسن1 راح يتحول الى انجيوتنسن2  بس ما راح يلكه Receptor يشتغل علية لان الرسبتر مسدود
والانتيجه:
الاوعية ماراح تتضيق
وبالتالي الضغط ينزل

#Sajad

لوّن لوحتك وردي الحياة الوان✨
خلص عمرك لوحتك ملت الداكن

و لا ترسم جبل ..ارسم نهر بي روح
وارسم ريح بلكي تحرك الساكن

بلكي امن النهر يطفح ركاد الغيض
ويطك زود ويهدم سدة اللاكن

وعلك عالوجه ضحكة وامل بالروح
بجدار العين كافي شجم حزن راكن

و فك باب القفص خلي الاحلام تطير
و انت امن الطفولة شجم حلم ساجن

وخرها الستارة الشمس خلي تفوت
و لتخلي الجروح تبين الباطن

كلها تموت صفرة الموت هم بي لون
عاجبني الكطن للموت ميهادن✨🫐

ولتضم فرحتك طلعها مامرخوص
ولو هذا الزمان الفرحتك فاطن

وسرك لا تودعه البير مايخفيه
الدلو لو مر عليه يطلع شدافن

اشتري وبيع بحياتك اخسر ولتخاف
المهم سوي التريده جازف وراهن

كلها تموت صفرة الموت هم بي لون🖤
عاجبني الكطن للموت ميهادن🔥✨

يوم الاثنين اول يوم لورش صفر تخدير🫐

شنو هوة الأوكسجين بالنسبة لجسمك؟
الاوكسجين هو الغاز الي يحتاجه جسمك حتى يشتغل بشكل صحيح لان الخلايا مال جسمك تحتاج الاوكسجين حتى تنتج طاقة
الرئة مالتك راح تمتص الاوكسجين من الهواء الي تتنفسه وراها يفوت لمجرى الدم ويتوزع للاعضاء وانسجة الجسم

وهواي عندي حالات تخلي مستوى الاوكسجين بالدم يقل ومن يقل راح تحس بالتعب والنفس قصير وهيج مثل الواحد الدايخ
بهالحالة شلون تنحل المشكلة ؟ بالاوكسجين العلاجي oxygen therapy
شنو هذا ؟ يعني ننطيك اوكسجين مباشر تتنفسه كـعلاج وهم نسمي الاوكسجين الداعم وطبعاً ممتوفر وميصير تاخذه اله بوصفه وممكن تتلقى هذا الاوكسجين العلاجي بالمستشفى او بالبيت بالاعتماد على الفترة طبعاً

اكو أنواع مختلفة من الاجهزة الي تكدر تاخذ الاوكسجين من خلالها ويتم عن طريق تيوب انفي اسمه nasal cannula او عن طريق الماسك
منو الناس الي تحتاج الoxygen therapy
مثل ماحجينا قبل شوية الي عدهم مستوى الاوكسجين بالدم قليل مثل COPD,Pneumonia,COVID-19,last stage heart failure,cystic fibrosis,sleep apnea
طبعاً لازم تنتبه لانه الاوكسجين قابل للاشتعال ف ممنوع التدخين ،واذا اخذت اوكسجين اكثر من اللازم راح يصير عندك تسمم

اكو نوع ثاني الي هو hyperbaric oxygen therapy يختلف عن الاوكسجين العادي هنا المريض يفوت غرفة محكمة الاغلاق يكون بيها الضغط اعلى من الضغط الجوي الطبيعي هيچ الرئة راح تكدر تمتص اوكسجين اكثر بمرتين الى ٣ من الطبيعي ويستخدم هذا النوع بحالات معينة مثل
serious wounds,burns,infections,embolism,carbon monoxide poisoning

تتقسم على اساس انظمة التدفق
السستم الي يكون بتدفق قليل عن طريق nasal cannula هسه اشوفكم شكلها
تستخدم للفترات القصيرة او الطويلة من العلاج لمرضى COPD وتنطيني 24الى40% من الاوكسجين
طبعاً تكون سهلة الاستخدام وكلفتها قليلة
تنطي اوكسجين من 1 الى 6 لتر بالدقيقة

السستم الي يكون بتدفق قليل هم بي بعد الsimple face mask
ماسك يتخلى على الفم والانف يحتوي فتحات للزفير على جانب الماسك حتى يطلع من خلالها ثنائي اوكسيد الكاربون
ينطيني تدفق 40الى 60% ومن 6 الى 10 لتر بالدقيقة بس بي عيوب انه صعب البيشنت يتناول طعام وبعضهم يخافون من الماسك يكون خانق

وهم بعد عندي بهذا السستم face tent
يغطي الانف والفم بس مَيحكم اغلاق الانف ويوفرلي اوكسجين بنسبة 28 الى 100% بمعدل 15 لتر بالدقيقة نستخدمها للمرضى الي عدهم حروق بالوجه او كسور بالانف او عدهم فوبيا من الماسك

هسه السستم الي يكون بتدفق عالي
يضم الnon re -breathing mask هذا يتكون من ماسك سمبل وية كيس صغير يخزن بي الاوكسجين متصل بأنبوب الاوكسجين الي متصل بالفلوميتر
هنا هواء الزفير لايتم اعادة استنشاقه فـ نشوف اكو صمامات احادية الاتجاه بين القناع والكيس
ويوفر اوكسجين بين 60 و80% ومن 10 الى 15 لتر بالدقيقة
بس الكيس الصغير لازم ميفرغ تماماً لان تشكل خطر الاختناق اذا انقطع تدفق الغاز وهم تعيق الكلام وتكون حارة وضيقة

بعد يضم الpartial re-breathing mask
يعني هنا الكيس تبقى منفوخة جزئياً ويوفر 10الى 12لتر بالدقيقة بتركيز 80الى 90% ويستخدم لفترة قصيرة للمرضى الي يحتاجون مستويات عالية من الاوكسجين
بس شنو مابي صمامات احادية لذلك هواء الزفير يختلط وية هواء الشهيق وهم يعيق الكلام وحار وخانق مثل الي قبله

بعد يضم venturi mask
نظام عالي التدفق يتكون من زجاجة ماء معقم طبعاً وانابيب متعرجة وكيس تصريف وجهاز رذاذي مال استنشاق وماسك مرتبط وية التيوب المتعرج
الفكرة من هذا النوع انه تدفق الاوكسجين يتجاوز معدل ذروة معدل الشهيق مال مريض
يوفر تركيز للاوكسجين بين 24و60%بمعدل تدفق من 4 الى 12 لتر بالدقيقة بس بي عيوب انه يكون حار ومو مريح ضيق لبعض المرضى ويعيق الكلام والاكل