🚩 Հայաստանի ռազմական բժիշկները Գերմանիայում բազմազգ զորավարժության են մասնակցում
ՀՀ ԶՈՒ ռազմաբժշկական վարչության շարժական դաշտային հոսպիտալի անձնակազմն օգոստոսի 28-ից սեպտեմբերի 23-ը մասնակցում է Գերմանիայի Դաշնային Հանրապետության Հոհենֆելս քաղաքում տեղակայված ռազմաբազայում անցկացվող «Միաձուլված սուր-2023» բազմազգ զորավարժությանը։

Պաշտպանության նախարարությունից հայտնում են, որ զորավարժությանը մասնակցում են 17 երկրներ:

ՀՀ ԶՈՒ բժիշկները և բուժակները մասնակցում են ԱՄՆ ցամաքային զորքերի բժշկական ծառայության կողմից անցկացվող վարժանքին։

Վարժանքի նպատակն է իրական պայմաններում կազմակերպել վիրավորների արագ և անվտանգ տարհանումն ուղղաթիռով։

🚩 Ռուս-ուկրաինական պատերազմի մեկնարկից ի վեր Հայաստանն առաջին անգամ հումանիտար օգնություն է ուղարկել Ուկրաինա

Թե ինչ չափի ու ինչպիսի օգնության մասին է խոսքը, դեռ հայտնի չէ։

Ըստ «Ազատության» աղբյուրի՝ դրա մասին Երևանը շուտով կհայտնի։

🚩 Անցած մի քանի օրերին անհանգստությամբ հետևում ենք սահմանամերձ շրջաններում լարվածության աճին և խաչաձև կրակոցներին Հայաստանի և Ադրբեջանի միջև: Իրավիճակի մասին զեկուցել ենք Բրյուսելին:

ՀՀ-ում ԵՄ դիտորդական առաքելություն

🚩 Վիկտոր Բիյագովը հետ է կանչվել ՀԱԿՊ-ում ՀՀ ներկայացուցչի պաշտոնից

Վարչապետ Նիկոլ Փաշինյանի առաջարկով և նախագահ Վահագն Խաչատուրյանի հրամանագրով Վիկտոր Բիյագովը հետ է կանչվել Հավաքական անվտանգության պայմանագրի կազմակերպությունում Հայաստանի մշտական և լիազոր ներկայացուցչի պաշտոնից։

Նախագահը մեկ այլ հրամանագրով ու վարչապետ Նիկոլ Փաշինյանի առաջարկով Վիկտոր Բիյագովին նշանակել է Քիմիական զենքի արգելման կազմակերպությունում Հայաստանի Հանրապետության մշտական ներկայացուցիչ (նստավայրը՝ Հաագա)։

🚩Իսրայելի պաշտպանության բանակը (ԻՊԲ) վերջին երկու ամսվա ընթացքում առաջին անգամ լայնածավալ գործողություն է իրականացրել պաղեստինյան Ջենինում։ Կողմերի միջև բախումներ են տեղի ունեցել, որոնց հետևանքով 5 մարդ է վիրավորվել։

🚩 Ղազախստանի նախագահը հետևում է Ալմաթիի շրջանում տեղի ունեցող զորավարժություններին

Ղազախստանի նախագահ և զինված ուժերի գերագույն գլխավոր հրամանատար Կասիմ-Ժոմարտ Տոկաևը սեպտեմբերի 5-ին այցելել է Ալմաթիի շրջան՝ հետևելու «Batyl Toytarys (Bold Rebuff) 2023» զորավարժություններին, հայտնում է Աքորդայի մամուլի ծառայությունը։
Տոկաևը վարժանքներին հետևել է դիտաշտարակից։ Մինչ զորավարժությունների մեկնարկը գեներալ-մայորներ Բոլատ Ժուրաբաևը և Ալմազ Ջումակեևը նախագահին տեղեկացրել են պաշտպանական գործողության մեջ հատուկ ուժերի և օդային հարձակման զորքերի տեղակայման մասին։

🚩 Մոսկվան կողմ է հայ-ադրբեջանական սահմանին ՀԱՊԿ առաքելության տեղակայմանը․ Զախարովա

Պաշտոնյայի խոսքով՝ Ռուսաստանի Դաշնությունը պահանջված է համարում «հայ-ադրբեջանական սահմանի սահմանազատման և սահմանագծման ուղղությամբ կանոնավոր, ռիթմիկ աշխատանքը՝ Ռուսաստանի խորհրդատվական աջակցությամբ, վստահության ամրապնդման միջոցառումների զուգահեռ կազմակերպմամբ»:

«Մենք նաև կողմ ենք հանդես գալիս սահմանային գոտում ՀԱՊԿ առաքելության տեղակայմանը: Այստեղ գնդակը Երևանի դաշտում է: Կազմակերպության մյուս անդամ երկրներն իրենց պատրաստակամությունն են հայտնել այդ քայլին», - ասել է Զախարովան:

🚩 Ադրբեջանը հայտնվել է յուրահատուկ ծուղակում. փորձելու են խնդիրը լուծել մինչև հոկտեմբեր. Վարդան Բալյան

«Դետք»-ի զրուցակիցն է քաղաքական վերլուծաբան Վարդան Բալյանը

- Վերջին օրերին Ադրբեջանի կողմից իրականացվող ռազմական և քարոզչական սադրանքների ֆոնին Հայաստանի վերլուծական դաշտում սկսեցին շրջանառվել լուրեր, թե թշնամի պետությունը պատրաստվում է լայնածավալ գործողությունների: Ըստ Ձեզ՝ այս փուլում Ադրբեջանը կդիմի՞ ռազմական էսկալացիայի, թե՞ շարունակելու է օջախային սադրանքների միջոցով լարված պահել հայկական կողմին:

- Ամիսներ առաջ կանխատեսել էի այս փուլում, հենց այս ամիսներին սպասվող սրումը: Առնվազն ապրիլից այդ նախապատրաստությունները տարվում էին, զորավարժություններ էին տեղի ունենում: Խոշոր հաշվով, զորքերի կուտակումները, որ Ադրբեջանն ունի մեր սահմանային գծի երկայնքով, նոր չեն, գուցե հիմա մի քիչ ավելին են:

Մանրամասն

🚩 Ռազմական փորձագետ Հայկ Նահապետյանն անդրադարձել է Հակարի կամրջի ապօրինի անցակետից 3 երիտասարդի ձերբակալմանը, Ֆրանսիայի մարդասիրական օգնությանը և Ադրբեջանի պատրաստած ռազմական բախմանը

https://youtu.be/tpbL1T7NxGQ?si=4gVefZQXASL4Gilp

🚩 Հայաստանի հետ սահմանային շրջաններում սկսել են նկատվել ադրբեջանական բանակին պատկանող մեծ թվով զրահատեխնիկա և տանկեր։ Հայաստանի հետ սահմանի վրայով թռչում են նաև Ադրբեջանի ռազմաօդային ուժերին պատկանող մեծ թվով ուղղաթիռներ։ Տարածաշրջանում նկատվում է ակտիվություն:

Ադրբեջանական բանակի ուղղաթիռները թռիչքներ են կատարել Հայաստանի հետ սահմանի վրայով:

«Բացառություն չէ, որ այս տարվա սեպտեմբերին նման միջադեպի ու սադրանքի են դիմում... Ադրբեջանին կարելի է ստիպել գնալ նման քայլի, և այդ սցենարով բոլոր իրադարձությունների զարգացման պատասխանատվությունն ընկնում է Հայաստանի քաղաքական և ռազմական ղեկավարության վրա»,- նշել է Ադրբեջանցի պատգամավոր Էլման Նեսիրովը։

⚡ Սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, կանցկացվի «Արծիվ գործընկեր-2023» հայ-ամերիկյան համատեղ զորավարժություն։

ՀՀ ՊՆ

🚩 Ադրբեջանը շարունակում է ապօրինաբար պահել բազմաթիվ հայ ռազմագերիների․ Ադամ Շիֆ

«Մինչ օրս Ադրբեջանը շարունակում է ապօրինաբար պահել բազմաթիվ հայ ռազմագերիների, իսկ անհետ կորած շատերի ճակատագիրը դեռ անհայտ է մնում։ Իմ մտքերն այն ընտանիքների հետ են, որոնք Հայաստանում և Արցախում դեռ չեն գտնում իրենց հարազատներին։ Ես աղոթում եմ նրանց անվտանգ վերադարձի համար, ինչպես որ աղոթում եմ դաժան շրջափակման ավարտի համար»,- Facebook-ի իր էջում գրել է նա:

Արցախի Հանրապետության Պաշտպանության բանակը տեսանյութ է հրապարակել ադրբեջանական զինուժի տեղաշարժի մասին

🚩 ՊՆ-ում օտարերկրյա ռազմական կցորդներին և ներկայացուցիչներին ներկայացրել են սահմանային իրավիճակը

Սեպտեմբերի 6-ին ՊՆ վարչական համալիրում տեղի է ունեցել ճեպազրույց Հայաստանի Հանրապետությունում հավատարմագրված օտարերկրյա ռազմական կցորդների և ներկայացուցիչների հետ։ Այս մասին տեղեկանում ենք ՊՆ հաղորդագրությունից:

Ճեպազրույցի ընթացքում ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանը ռազմական կցորդներին է ներկայացրել վերջին օրերի ընթացքում հայ-ադրբեջանական սահմանին ստեղծված օպերատիվ իրավիճակը, պատասխանել է հետաքրքրող հարցերին։

⚡ Ադրբեջանի ՊՆ հաղորդագրությունն, թե իբր ՊԲ-ն սեպտեմբերի 6֊ին ամրաշինական աշխատանքներ է կատարել Բերձորի ուղղությամբ, ինչն իբր թե կանխվել է ադրբեջանական ԶՈւ գործողությունների արդյունքում, ապատեղեկատվությունն է։

Արցախի ՊԲ

🚩 «Ադրբեջանն ու Հայաստանն իսկապես թևակոխում են շատ վտանգավոր փուլ: Ռազմական էսկալացիայի սպառնալիքն օրեցօր ավելանում է: Դա կարող է տեղի ունենալ այս տարվա սեպտեմբեր-հոկտեմբեր ամիսներին և լինել զգայուն, բայց սահմանափակ ծավալով»,- այս մասին X սոցիալական ցանցում գրել է Էլդար Նամազովը:

🚩 Պեսկով․ «ԱՄՆ հետ զորավարժություններ անցկացնելու ՀՀ մտադրությունը մտահոգիչ է»

«Նման լուրերը մտահոգության տեղիք են տալիս՝ հատկապես ներկա իրավիճակում։ Մենք խորությամբ կվերլուծենք այդ տեղեկությունները», - հայտարարել է Կրեմլի պաշտոնական ներկայացուցիչ Դմիտրի Պեսկովը։

🚩 4.Ռուսաստան-Հայաստան լարվածության աճը միանշնակորեն նպաստում է տարածաշրջանում նոր պատերազմի հնարավորությունը նաև Հայաստանի ներսում ներքաղաքական լարվածության հավանականությունը։

👉 Տարածաշրջանի ակնհայտ և չերևացող մյուս զարգացումների մասին կարդացեք այստեղ։

🚩 Ալիևը դեպի Լաչին տանող նոր ճանապարհ կառուցելու հրաման է տվել

Ադրբեջանական լրատվամիջոցները հայտնում են, որ Իլհամ Ալիևը կարգադրություն է ստորագրել Որոտան (Կուբաթլու) տանող ավտոմոբիլային ճանապարհի նախագծման և կառուցման մասին: Դեռևս 2021-ին հայտնի էր դարձել, որ Ադրբեջանը ճանապարհ է կառուցում դեպի Բերձոր։ Խուդաֆերին-Որոտան-Բերձոր մայրուղին կանցնի Կովսականի, Որոտանի և Քաշաթաղի շրջանների տարածքով: Այն կընդգրկի 30 բնակավայր: Ավելին՝ նույն տարում Ալիևը հայտարարել էր, որ Քարվաճառի և Քաշաթաղի շրջաններում ռազմական ճանապարհների շինարարություն է իրականացվում, ճանապարհների ընդհանուր երկարությունը՝ մինչև 700 կմ:

«Ռազմավարական տեսանկյունից և մեր սահմանների ամրապնդման տեսանկյունից այդ ճանապարհները շատ կարևոր են»,- նշել էր Բաքվի բռնապետը: