🚩 Տեղի կունենա ադրբեջանա-հունգարական ռազմավարական երկխոսության երկրորդ հանդիպումը

Այսօր Ադրբեջանի արտաքին գործերի նախարար Ջեյհուն Բայրամովը պաշտոնական այցով մեկնել է Հունգարիա։
Ըստ ադրբեջանական կողմի՝ Բուդապեշտում նախատեսված են բարձր մակարդակի հանդիպումներ, այդ թվում՝ Հունգարիայի արտգործնախարար Պետեր Սիյարտոյի հետ։

Բայրամովի գլխավորությամբ տեղի կունենա ադրբեջանա-հունգարական ռազմավարական երկխոսության երկրորդ հանդիպումը, ադրբեջանցի պաշտոնյան նաև ելույթ կունենա տարբեր երկրներում Հունգարիան ներկայացնող դեսպանների համաժողովում։

⚡ Սեպտեմբերի 5-ին՝ ժամը 00:05-00:20-ն ընկած ժամանակահատվածում, Ադրբեջանի ԶՈՒ-ն հրաձգային զենքից կրակ է բացել Կութի (Գեղարքունիքի մարզ) հատվածում տեղակայված հայկական դիրքերի ուղղությամբ:

ՀՀ ՊՆ

🚩 Իսրայելն ԱՄՆ-ից ցանկանում է գնել ևս 25 «F-35» կործանիչ

Իսրայելի ռազմական հրամանատարությունը կարծում է, որ «F-35»-ն էական նշանակություն ունի Սիրիայում իրանամետ ուժերին արդյունավետ հարվածելու համար։ Բացի դրանից՝ ենթադրվում է, որ «F-35»-ն անհրաժեշտ է Իսրայելի հակաօդային պաշտպանության համակարգերը շրջանցելու համար, եթե նա որոշի հարվածել Իրանի միջուկային օբյեկտներին:

🚩 Չնայած այն հանգամանքին, որ սեպտեմբերյան առաջին օրերին ադրբեջանական հիմնական ագրեսիան Սոթքի ուղղությամբ էր դրսևորվում, սակայն դա չի խանգարում Ադրբեջանին որոշակի ակտիվություն մտցնել նաև Նախիջևանի ուղղությունից: Այս մասին «Ֆեյսբուքի» իր էջում գրել է ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը:

«Ընդ որում` այդ ակտիվությունը դրսևորվում է միանգամից մի քանի ուղղություններով:

Ադրբեջանի ագրեսիվ պահվածքը տարբեր պատճառներ ունի` Թուրքիայի հրահրումից մինչև բանակցային գործընթացում ստեղծված իրավիճակ, ինչը նշանակում է, որ իրադրային փոփոխությունները կարող են տարածաշրջանում անկանխատեսելի հետևանքների հանգեցնել»,- նշել է նա:

🚩 Իլհամ Ալիևն ընդունել է Ադրբեջանի և Հայաստանի միջև հարաբերությունների կարգավորման հարցերով ՌԴ ԱԳ նախարարության հատուկ ներկայացուցիչ Իգոր Խովաևին։

▫️Հանդիպմանը քննարկվել են տարածաշրջանում տիրող իրավիճակը, Ակնա-Ստեփանակերտ և Բերձոր-Ստեփանակերտ ճանապարհների բացումը։

Ինչի՞ է պատրաստվում Ադրբեջանը. ռազմական ուղեբեռով թռիչքների աճ է նկատվում. Տաթև Հայրապետյան

Ադրբեջանի ՊՆ–ի հետ էլ առնչվող կայքերը գրում են, որ պետք է լայնամասշտաբ զորավարժություններ սկսել ՀՀ տարածքների երկայնքով ու դա վերափոխել գործողությունների:

Այս ամենը կարող է արվել երկու նպատակով՝

1) Ադրբեջանն իրոք գործողությունների է պատրաստվում ՀՀ–ի դեմ և շատ ակնհայտորեն խոսում է դրա մասին:

2) Սա տեղեկատվական քարոզչական գիծ է, որի նպատակը հայ հանրության ներսում խուճապ առաջացնելն է, իսկ ՀՀ իշխանությունների հանդեպ կիրառվում է ուժի սպառնալիքի գործոնը: Երկու դեպքում էլ գործ ունենք ուժի ու ուժի սպառնալիքի կիրառման քաղաքականության հետ:

Մանրամասն՝ https://detq.info/web/arm/node/3502?fbclid=IwAR0kuHhArCRMwADB8xxqi0_HtD6fwMzRsD1r59Qk77WgMqIQxG9vwFDD7W4

Բավական մեծ է հավանականությունը, որ առաջիկա օրերին Ադրբեջանը և Թուրքիան լայնածավալ պատերազմ կսկսեն Հայաստանի Հանրապետության դեմ․ Վարուժան Գեղամյան

Մանրամասն՝ https://detq.info/web/arm/node/3499?fbclid=IwAR3zj0qMo5Et2f_vKRPApxSYRZ-GFM1HNG7px1-I3R3Xva9ijGfMwvWBLg4

🚩 Հայաստանի ռազմական բժիշկները Գերմանիայում բազմազգ զորավարժության են մասնակցում
ՀՀ ԶՈՒ ռազմաբժշկական վարչության շարժական դաշտային հոսպիտալի անձնակազմն օգոստոսի 28-ից սեպտեմբերի 23-ը մասնակցում է Գերմանիայի Դաշնային Հանրապետության Հոհենֆելս քաղաքում տեղակայված ռազմաբազայում անցկացվող «Միաձուլված սուր-2023» բազմազգ զորավարժությանը։

Պաշտպանության նախարարությունից հայտնում են, որ զորավարժությանը մասնակցում են 17 երկրներ:

ՀՀ ԶՈՒ բժիշկները և բուժակները մասնակցում են ԱՄՆ ցամաքային զորքերի բժշկական ծառայության կողմից անցկացվող վարժանքին։

Վարժանքի նպատակն է իրական պայմաններում կազմակերպել վիրավորների արագ և անվտանգ տարհանումն ուղղաթիռով։

🚩 Ռուս-ուկրաինական պատերազմի մեկնարկից ի վեր Հայաստանն առաջին անգամ հումանիտար օգնություն է ուղարկել Ուկրաինա

Թե ինչ չափի ու ինչպիսի օգնության մասին է խոսքը, դեռ հայտնի չէ։

Ըստ «Ազատության» աղբյուրի՝ դրա մասին Երևանը շուտով կհայտնի։

🚩 Անցած մի քանի օրերին անհանգստությամբ հետևում ենք սահմանամերձ շրջաններում լարվածության աճին և խաչաձև կրակոցներին Հայաստանի և Ադրբեջանի միջև: Իրավիճակի մասին զեկուցել ենք Բրյուսելին:

ՀՀ-ում ԵՄ դիտորդական առաքելություն

🚩 Վիկտոր Բիյագովը հետ է կանչվել ՀԱԿՊ-ում ՀՀ ներկայացուցչի պաշտոնից

Վարչապետ Նիկոլ Փաշինյանի առաջարկով և նախագահ Վահագն Խաչատուրյանի հրամանագրով Վիկտոր Բիյագովը հետ է կանչվել Հավաքական անվտանգության պայմանագրի կազմակերպությունում Հայաստանի մշտական և լիազոր ներկայացուցչի պաշտոնից։

Նախագահը մեկ այլ հրամանագրով ու վարչապետ Նիկոլ Փաշինյանի առաջարկով Վիկտոր Բիյագովին նշանակել է Քիմիական զենքի արգելման կազմակերպությունում Հայաստանի Հանրապետության մշտական ներկայացուցիչ (նստավայրը՝ Հաագա)։

🚩Իսրայելի պաշտպանության բանակը (ԻՊԲ) վերջին երկու ամսվա ընթացքում առաջին անգամ լայնածավալ գործողություն է իրականացրել պաղեստինյան Ջենինում։ Կողմերի միջև բախումներ են տեղի ունեցել, որոնց հետևանքով 5 մարդ է վիրավորվել։

🚩 Ղազախստանի նախագահը հետևում է Ալմաթիի շրջանում տեղի ունեցող զորավարժություններին

Ղազախստանի նախագահ և զինված ուժերի գերագույն գլխավոր հրամանատար Կասիմ-Ժոմարտ Տոկաևը սեպտեմբերի 5-ին այցելել է Ալմաթիի շրջան՝ հետևելու «Batyl Toytarys (Bold Rebuff) 2023» զորավարժություններին, հայտնում է Աքորդայի մամուլի ծառայությունը։
Տոկաևը վարժանքներին հետևել է դիտաշտարակից։ Մինչ զորավարժությունների մեկնարկը գեներալ-մայորներ Բոլատ Ժուրաբաևը և Ալմազ Ջումակեևը նախագահին տեղեկացրել են պաշտպանական գործողության մեջ հատուկ ուժերի և օդային հարձակման զորքերի տեղակայման մասին։

🚩 Մոսկվան կողմ է հայ-ադրբեջանական սահմանին ՀԱՊԿ առաքելության տեղակայմանը․ Զախարովա

Պաշտոնյայի խոսքով՝ Ռուսաստանի Դաշնությունը պահանջված է համարում «հայ-ադրբեջանական սահմանի սահմանազատման և սահմանագծման ուղղությամբ կանոնավոր, ռիթմիկ աշխատանքը՝ Ռուսաստանի խորհրդատվական աջակցությամբ, վստահության ամրապնդման միջոցառումների զուգահեռ կազմակերպմամբ»:

«Մենք նաև կողմ ենք հանդես գալիս սահմանային գոտում ՀԱՊԿ առաքելության տեղակայմանը: Այստեղ գնդակը Երևանի դաշտում է: Կազմակերպության մյուս անդամ երկրներն իրենց պատրաստակամությունն են հայտնել այդ քայլին», - ասել է Զախարովան:

🚩 Ադրբեջանը հայտնվել է յուրահատուկ ծուղակում. փորձելու են խնդիրը լուծել մինչև հոկտեմբեր. Վարդան Բալյան

«Դետք»-ի զրուցակիցն է քաղաքական վերլուծաբան Վարդան Բալյանը

- Վերջին օրերին Ադրբեջանի կողմից իրականացվող ռազմական և քարոզչական սադրանքների ֆոնին Հայաստանի վերլուծական դաշտում սկսեցին շրջանառվել լուրեր, թե թշնամի պետությունը պատրաստվում է լայնածավալ գործողությունների: Ըստ Ձեզ՝ այս փուլում Ադրբեջանը կդիմի՞ ռազմական էսկալացիայի, թե՞ շարունակելու է օջախային սադրանքների միջոցով լարված պահել հայկական կողմին:

- Ամիսներ առաջ կանխատեսել էի այս փուլում, հենց այս ամիսներին սպասվող սրումը: Առնվազն ապրիլից այդ նախապատրաստությունները տարվում էին, զորավարժություններ էին տեղի ունենում: Խոշոր հաշվով, զորքերի կուտակումները, որ Ադրբեջանն ունի մեր սահմանային գծի երկայնքով, նոր չեն, գուցե հիմա մի քիչ ավելին են:

Մանրամասն

🚩 Ռազմական փորձագետ Հայկ Նահապետյանն անդրադարձել է Հակարի կամրջի ապօրինի անցակետից 3 երիտասարդի ձերբակալմանը, Ֆրանսիայի մարդասիրական օգնությանը և Ադրբեջանի պատրաստած ռազմական բախմանը

https://youtu.be/tpbL1T7NxGQ?si=4gVefZQXASL4Gilp

🚩 Հայաստանի հետ սահմանային շրջաններում սկսել են նկատվել ադրբեջանական բանակին պատկանող մեծ թվով զրահատեխնիկա և տանկեր։ Հայաստանի հետ սահմանի վրայով թռչում են նաև Ադրբեջանի ռազմաօդային ուժերին պատկանող մեծ թվով ուղղաթիռներ։ Տարածաշրջանում նկատվում է ակտիվություն:

Ադրբեջանական բանակի ուղղաթիռները թռիչքներ են կատարել Հայաստանի հետ սահմանի վրայով:

«Բացառություն չէ, որ այս տարվա սեպտեմբերին նման միջադեպի ու սադրանքի են դիմում... Ադրբեջանին կարելի է ստիպել գնալ նման քայլի, և այդ սցենարով բոլոր իրադարձությունների զարգացման պատասխանատվությունն ընկնում է Հայաստանի քաղաքական և ռազմական ղեկավարության վրա»,- նշել է Ադրբեջանցի պատգամավոր Էլման Նեսիրովը։

⚡ Սեպտեմբերի 11-20-ը Հայաստանում՝ ՊՆ խաղաղապահ բրիգադի «Զառ» ուսումնական կենտրոնում և ՊՆ N ուսումնական կենտրոնում, կանցկացվի «Արծիվ գործընկեր-2023» հայ-ամերիկյան համատեղ զորավարժություն։

ՀՀ ՊՆ

🚩 Ադրբեջանը շարունակում է ապօրինաբար պահել բազմաթիվ հայ ռազմագերիների․ Ադամ Շիֆ

«Մինչ օրս Ադրբեջանը շարունակում է ապօրինաբար պահել բազմաթիվ հայ ռազմագերիների, իսկ անհետ կորած շատերի ճակատագիրը դեռ անհայտ է մնում։ Իմ մտքերն այն ընտանիքների հետ են, որոնք Հայաստանում և Արցախում դեռ չեն գտնում իրենց հարազատներին։ Ես աղոթում եմ նրանց անվտանգ վերադարձի համար, ինչպես որ աղոթում եմ դաժան շրջափակման ավարտի համար»,- Facebook-ի իր էջում գրել է նա: