🚩 Իրանի ԱԳՆ-ն կրկին հերքել է Ռուսաստանին անօդաչուներ մատակարարելու մեղադրանքները

Պաշտոնական Թեհրանը հերթական անգամ հերքել է Ռուսաստանի Դաշնությանը անօդաչու թռչող սարքեր մատակարարելու վերաբերյալ մեղադրանքները։

#Դետքի_հետագծով

Իրանը և Ռուսաստանը բազմիցս հերքել են այն մեղադրանքները, թե իրանական կողմը Ռուսաստանին անօդաչու թռչող սարքեր է մատակարարում՝ Ուկրաինայում կիրառելու համար: Պաշտոնական Թեհրանը պնդում է, որ դեմ է պատերազմի շարունակմանը, ուստի հակամարտող կողմերից որևէ մեկին սպառազինություն չի մատակարարում։

🚩 Ֆրանսիայի նախագահը զանգահարել է Իլհամ Ալիևին

Նրանք քննարկել են տարածաշրջանում տիրող իրավիճակը, ինչպես նաև Ակնա-Ստեփանակերտ և Բերձոր-Ստեփանակերտ ճանապարհների բացման հարցը։ Ալիևը նշել է, որ Հայաստանի կողմից Ակնա-Ստեփանակերտ ճանապարհին արհեստական խոչընդոտներ են ստեղծվում, և դա օգտագործվում է քաղաքական շահարկումների համար։

Ադրբեջանի նախագահը նշել է, որ Երևանը ԿԽՄԿ-ի միջնորդությամբ հրաժարվել է Ակնա-Ստեփանակերտ ճանապարհով բեռնափոխադրումների վերաբերյալ նախնական պայմանավորվածություններից: Նա նաև հավելել է, որ Արցախի բնակիչներին հրավիրել են Բաքու՝ քննարկելու վերաինտեգրման հարցերը, սակայն վերջիններս մերժել են:

🚩Փարիզի քաղաքապետ Անն Իդալգոն «X»-ի իր էջում Հայաստանում արված լուսանկար է հրապարակել` կից գրելով.

«Հայաստանում եմ` Փարիզի և այլ համայնքների ընտրված պաշտոնատար անձանց հետ: Արցախի 120 000 հայեր, այդ թվում` 30 000 երեխաներ, 9 ամիս շարունակ մեկուսացված են, մատնված են սովի և զրկված են ամեն ինչից: Այս հումանիտար աղետի հետ կապված` մենք նրանց հումանիտար օգնություն ենք մատակարարում: Հաշված ժամանակ է մնացել»:

Հիշեցնենք` Հայաստանի կառավարությունը 361 տոննա հումանիտար օգնություն է ուղարկել Արցախ, սակայն բեռնատարների շարասյունը հուլիսի 26-ից կանգնած է Բերձորի միջանցքի մուտքի մոտ, քանի որ Ադրբեջանն արգելում է դրանց մուտքը Արցախ։

Ֆրանսիայի հումանիտար օգնությամբ առաջին բեռնատարը Հայաստանի ուղարկած օգնությամբ բեռնատարների շարասյանն էր միացել օգոստոսի 9-ին։

Այսօր Հայաստան է ժամանում Փարիզի քաղաքապետ Անն Իդալգոն՝ Բերձորի միջանցքի սկզբնամաս այցելելու, ֆրանսիական կողմի մարդասիրական բեռով շարասյանն ուղեկցելու նպատակով:

🚩Մարդու իրավունքների եվրոպական դատարանը մերժել է Հայաստանի՝ Ադրբեջանի դեմ Վագիֆ Խաչատրյանի վերաբերյալ նոր ժամանակավոր միջանկյալ միջոց կիրառելու պահանջը, հայտնում է միջազգային իրավական հարցերով ՀՀ ներկայացուցիչը:

🚩 Ակնա-Ստեփանակերտ ճանապարհը փակ պահելու հստակ որոշում կա. Արցախի ԱԺ նախագահ

Ակնա-Ստեփանակերտ ճանապարհը փակ պահելու և այն չօգտագործելու հստակ որոշում կա։ Այս մասին օգոստոսի 30-ին լրագրողների հետ հանդիպման ժամանակ ասել է Արցախի խորհրդարանի նախագահ Դավիթ Իշխանյանը։

Նրա խոսքով՝ այնտեղ կա և՛ ռուս խաղաղապահների, և՛ Արցախի ՆԳՆ ուժերի անցակետ։

«Մենք ունենք մեկ ճանապարհ՝ Լաչինի միջանցքը։ Արցախից Հայաստան և հակառակ ճանապարհով պետք է վերականգնվի և ապահովվի անխափան երթևեկությունը։ Սա ամրագրված է 2020 թվականի նոյեմբերի 9-ի հայտարարության մեջ։ Մենք ունենք միայն մեկ ճանապարհ՝ միջանցքի կարգավիճակով հասկացությունը, և երկրորդ միջանցքի հասկացություն չպետք է ամրագրենք»,- ասել է Իշխանյանը։

Նա նշել է, որ վերջին երեք շաբաթվա ընթացքում Արցախում քննարկումներ են եղել, որոնց արդյունքում իշխանությունները հանգել են այն եզրակացության, որ Ակնա-Ստեփանակերտ ճանապարհի շահագործումը մի շարք պատճառներով անընդունելի է։

🚩 Ռուս խաղաղապահներն առաջարկել են հնարավորություն տալ ադրբեջանական բեռնատարներին մտնել Արցախ. Արցախի ԱԺ նախագահ

«Ռուս խաղաղապահների հրամանատարի փոխարինողը նոր է ժամանել Արցախ և դեռևս քաջածանոթ չէ ներքին կացությանը: Կան որոշ դրվագներ, տարրեր, որ անհրաժեշտ է, որ ռուսական կողմն ավելի մանրամասն տեղեկացված լինի, բայց նրանք, որոնք այստեղ են, զորակազմի համապատասխան պատասխանատուներն ու պաշտոնյաները, վստահ եմ՝ շատ լավ տեղեկացված են մեր և ադրբեջանական կողմի մոտեցումներին»,- ասել է Դավիթ Իշխանյանը:

🚩 Ինչո՞ւ հենց հիմա հանկարծ «հումանիստ» դարձաք, երբ շաբաթներ շարունակ մարդիկ տառապում են. Արտակ Բեգլարյան

Ալիևյան ցեղասպան ռեժիմը, 261 օր շրջափակելով և 77 օր լիակատար պաշարման պայմաններում պահելով Արցախի ժողովրդին, որոշել է հերթական էժանագին քարոզչական քայլը կատարել:

Նրանք սպասել են մինչև իրենց ցեղասպանական քաղաքականության հետևանքով Արցախում ալյուրի սղությունը հասնի կրիտիկական մակարդակի և հազարավոր ընտանիքներ ընդհանրապես հաց չունենան, որից հետո Կարմիր մահիկի բեռնատարներով ալյուր ուղարկեն Ակնա (Աղդամ)՝ իբր Արցախի ժողովրդին «օգնության» նպատակով: Նրանց թատերական ու սադրիչ մեքենաները գտնվում են իրենց վերահսկողության տարածքում և չեն կարող անցնել արցախյան անցակետը: Այս մասին «Ֆեյսբուքի» իր էջում գրել է ԱՀ նախագաի խորհրդական Արտակ Բեգլարյանը:

«Մի քանի հարց այս «սուպեր հումանիստական» մտքի հեղինակներին...

Մանրամասն՝ https://detq.info/web/arm/node/3415?fbclid=IwAR1tedzK4ISpdVrj1CKACCdBedAzJ3c7D7CNpOnnp4nATEMKS-MyWzW5g5g

🚩Թուրքիայի նախագահ Ռեջեփ Թայիփ Էրդողանն իր ռուս պաշտոնակից Վլադիմիր Պուտինի հետ կարող է հանդիպել սեպտեմբերի 8-ին Ռուսաստանում։

🚩 Ստեփանակերտը հանդիպումների մասին առաջարկներ է փոխանցում, բայց Բաքուն չի պատասխանում. Արցախի ԱԳ նախարար

Ակնայի ճանապարհը բացելու Ադրբեջանի տարբերակն ընդունելի չէ: Այս մասին այսօր՝ օգոստոսի 30-ին, ասել է Արցախի ԱԳ նախարար Սերգեյ Ղազարյանը լրագրողների հետ զրույցում:

«Այն, ինչն Ադրբեջանը վերջնագրի տեսքով ներկայացնում է, մեր հայրենակիցները դրա վերաբերյալ դիրքորոշումը հայտնել են: Բայց այս տարբերակում, երբ ադրբեջանական կողմը փորձում է պարտադրել, ընդունելի չէ, և տեսնում եք, թե մեր հայրենակիցներն ինչպես են արձագանքել նմանատիպ առաջարկին»,- նշել է նա:

Անդրադառնալով դիտարկմանը, թե ԱՀ իշխանությունները կարծես դեմ չեն Ադրբեջանի առաջարկին, նախարարը պատասխանել է, որ իշխանության պարտավորությունն է քննարկել բոլոր տեսակի առաջարկությունները, որոնք գալիս են թե՛ միջնորդների, թե՛ ադրբեջանական կողմից. «Բայց այս առաջարկները պետք է լինեն ողջամիտ»:

Մանրամասն` https://detq.info/arm/node/3423

🚩 Իսրայելական ուժերը հրթիռակոծել են Հալեպի օդանավակայանը

Իսրայելի ռազմաօդային ուժերը հրթիռային հարված են հասցրել Հալեպի միջազգային օդանավակայանին։

Հաղորդվում է, որ հարվածի հետևանքով օդանավակայանը շարքից դուրս է եկել։

«Իսրայելցի հակառակորդը Սիրիայի դեմ նոր ագրեսիվ գործողություն է իրականացրել և ժամը 04։30-ին հրթիռային հարված հասցրել Հալեպի միջազգային օդանավակայանին։ Արդյունքում վնասվել է թռիչքուղին, և նյութական վնաս է պատճառվել»,- ասվում է հայտարարության մեջ։

Սիրիայի պաշտպանության գերատեսչությունը հայտնել է, որ հարվածը հասցվել է Միջերկրական ծովի կողմից։

Ըստ պաշտոնական Դամասկոսի՝ սա այս տարվա սկզբից ի վեր Իսրայելի 22-րդ հարվածն է սիրիական տարածքին։

#Դետքի_հետագծով

Իսրայելի իշխանությունները, օգտվելով Սիրիայում տիրող իրավիճակից, պարբերաբար հարվածներ են հասցնում երկրի տարածքին։ Պաշտոնական Դամասկոսը դատապարտում է նման հարձակումները՝ դրանք որակելով որպես իր ինքնիշխանության խախտում։

🚩 Թուրքիան սպառնում է վերացնել ՄԱԿ-ի զորքերը Կիպրոսում, նաև հավակնում է ողջ Միջերկրական ծովին

Թուրքիայի նախագահի անվտանգության և արտաքին քաղաքականության հարցերով խորհրդական Մեսութ Հաքը Քաշընը անուղղակիորեն ակնարկել է Կիպրոսում ՄԱԿ-ի զորքերին վնաս հասցնելու հնարավորության մասին, եթե նրանք խախտեն Թուրքիայից անկախացած Կիպրոսի ինքնիշխանությունը: Նա նաև պնդել է, որ ողջ Միջերկրական ծովը պատկանում է թուրքերին։

Օգոստոսի 19-ին, ելույթ ունենալով կառավարամետ «CNN Turk» հեռուստաալիքով, նախկին զինվորական, Անվտանգության և արտաքին քաղաքականության նախագահական խորհրդի անդամ Ջաշընը հայտարարել է. «Թուրք ազգն ամուր կանգնած է կիպրոսցի թուրքերի կողքին: Միջերկրական ծովը մեզ է պատկանում, և ոչ ոք չպետք է մտածի այնտեղ մեր դեմ սուր բարձրացնելու մասին։ Նրանք [Հունաստանը, Կիպրոսը և նրանց դաշնակիցները] ավելի լավ է միշտ հիշեն սա»:

🚩Արդյո՞ք հնարավոր է բեռների մուտքը Արցախ և´ Բերձորի միջանցքով, և´ Ակնայով: Ի՞նչ ռիսկեր ունի Ակնայով հումանիտար բեռների մուտքը:

Մանրամասն` տեսանյութում:
https://youtu.be/GKtkjZOiy6A?si=mm9c3pMP56f78dsC

🚩 Լաչինի միջանցքում ստեղծված իրավիճակը ՀՀ-ի կողմից Ադրբեջանի տարածքային ամբողջականության ճանաչման հետևանք է․ Զախարովա

Ռուսաստանի Դաշնության արտաքին գործերի նախարարության մամուլի խոսնակ Մարիա Զախարովան հայտարարել է՝ Լաչինի միջանցքում ստեղծված իրավիճակը հետևանք է Հայաստանի կողմից Ադրբեջանի տարածքային ամբողջականության ճանաչման։

«Այդ համատեքստում ՌԴ խաղաղապահների վրա պատասխանատվություն դնելը համարում ենք անտեղի, սխալ և անարդարացի։ Իսկ խաղաղապահների առաքելությունը նոր պայմաններում, որ կրկնեմ ստեղծվել են Երևանի կողմից Ղարաբաղը Ադրբեջանի մաս ճանաչելուց հետո, տեղում Ղարաբաղի հայերի իրավունքներին և անվտանգությանը աջակցելն է, այդ թվում՝ Բաքու-Ստեփանակերտ ուղիղ երկխոսության կոնտեքստում», - եզրափակել է նա։

#Դետքի_հետագծով

Իսկապես Հայաստանը 2022 թվականի հոկտեմբերի 6-ին ճանաչել է Ադրբեջանի տարածքային ամբողջականությունը՝ այդ թվում նաև Արցախը։ Չնայած սա որոշակիորոն լեգիտիմացնում է Ադրբեջանի կողմից միջանցքի շրջափակումը, սակայն ռուս խաղաղապահները դեռևս գտնվում են Արցախում և պարտավոր են կատարել իրենց գործառույթները, որոնք սահմանված են 2020 թվականի նոյեմբերի 9-ի եռակողմ հայտարարությամբ։

Ստեփանակերտ–Ակնա ճանապարհն այս պահին

https://t.me/infoteka24

🚩 Էրդողանը «Մեծ քսանյակի» ղեկավարներին կփոխանցի Ուկրաինայի վերաբերյալ Պուտինի պայմանները. «Milliyet»

Թուրքիայի նախագահ Ռեջեփ Թայիփ Էրդողանը «Մեծ քսանյակի» երկրների ղեկավարներին կծանոթացնի ռուս գործընկեր Վլադիմիր Պուտինի՝ Ուկրաինայում հակամարտությունը դադարեցնելու մտադրություններին։ Այս մասին գրում է Milliyet թերթը։ Հրատարակությունը նշում է, որ «Մեծ քսանյակի» գագաթնաժողովի նախօրեին երկու երկրների ղեկավարների բանակցությունները «Թուրքիային դարձնում են հանդիպման աստղ»։ Թերթի հոդվածագիրը նշել է, որ Թուրքիայի նախագահն արևմտյան միակ առաջնորդն է, որը կարող է հանդիպել Պուտինի հետ։

«Բոլորը կլսեն Պուտինի պայմանները և զինված բախումը դադարեցնելու Էրդողանի մտադրությունները»,- գրում է թերթը։ Թերթի քաղաքական վերլուծաբանը մանրամասնել է, որ հացահատիկի գործարքը պատրաստվում են քննարկել նաև Թուրքիայի և Ռուսաստանի ղեկավարները։ Նրա կարծիքով՝ եթե Էրդողանին հաջողվի համոզել Պուտինին վերադառնալ «հացահատիկային միջանցքի» հարցին, ապա նա «մեծ բան կանի ողջ աշխարհի համար»։

🚩 Ադրբեջանն օգտագործում է «ինտեգրում» եզրույթը՝ քողարկելու Արցախի ժողովրդի՝ պատմական հայրենիքից վտարման քաղաքականությունը․ ԱՀ արտգործնախարար

Արցախի Հանրապետության արտաքին գործերի նախարար Սերգեյ Ղազարյանը հարցազրույց է տվել ռուսական «The Moscow Times» առցանց պարբերականին։

Այն ներկայացնում ենք ստորև․

- Հնարավոր համարում եք, որ դիվանագիտական հարթակում Ստեփանակերտի և Երևանի ջանքերը կարող են ստիպել Բաքվին հեռացնել Լաչինի շրջանում տեղադրված հսկիչ անցակետը։ Ի՞նչ գործիքներ կան դրա համար։ Արդյոք հավատում եք, որ Բաքուն կենթարկվի որևէ պահանջի՝ առանց ուժային պարտադրանքի։

- Լաչինի միջանցքի պարամետրերն ու շահագործման ռեժիմը սահմանված են 2020 թ․ նոյեմբերի 9-ի եռակողմ հայտարարությամբ, որի 6-րդ կետով ամրագրված է Արցախի Հանրապետության և Հայաստանի Հանրապետության միջև անխափան ցամաքային կապը։ Լաչինի միջանցքի վերահսկողությունը վերապահված է բացառապես ՌԴ խաղաղապահ զորակազմին։ Սակայն պետք է ընդգծել, որ ադրբեջանական կողմի դիրքորոշումն ու գործողությունները լիովին հակասում են վերոնշյալ եռակողմ հայտարարության թե՛ ոգուն և թե՛ տառին։ Այս առումով հրատապ խնդիր է դառնում եռակողմ հայտարարության շրջանակում ձեռք բերված բոլոր պայմանավորվածությունների, այդ թվում՝ Լաչինի միջանցքի վերաբերյալ դրույթների՝ Ադրբեջանի կողմից խստիվ և անվերապահ իրականացման ապահովումը: Այս նպատակին հասնելու համար անհրաժեշտ է միավորել ոչ միայն Ստեփանակերտի և Երևանի, այլև եռակողմ հայտարարության այն մասնակիցների ջանքերը, որոնք իսկապես շահագրգռված են կայունության ապահովման և սահմանված պարտավորությունների պահպանման հարցում։

Մանրամասն

🟥 Արցախի նախագահ Արայիկ Հարությունյանը հրաժարական է տվել:

Պատերազմում պարտությունը և դրանից հետո երկրում ստեղծված դժվարություններն էականորեն նվազեցրել են նաև իշխանությունների, հատկապես՝ Նախագահի նկատմամբ վստահությունը, ինչը լրջագույնս խոչընդոտել է պատշաճ կառավարման հետագա ընթացքին: Հետևաբար, պետք է փոփոխությունը սկսել հենց ինձնից,- ասել է Արայիկ Հարությունյանը։

🚩 Ադրբեջանի հիմնական նպատակն է Լեռնային Ղարաբաղի տարածքն ազատել հայերից․ Փաշինյան

Սյունիքի մարզի Կոռնիձորի հատվածում՝ Լաչինի միջանցքի մոտակայքում, Լեռնային Ղարաբաղ մուտքի հնարավորության սպասող հումանիտար բեռներով 22 բեռնատարներին երեկ ավելացան ևս տասը: Այս մասին այսօր՝ օգոստոսի 31-ի Կառավարության նիստին, հայտարարեց ՀՀ վարչապետ Նիկոլ Փաշինյանը:

«Փարիզի քաղաքապետի գլխավորած պատվիրակությունը Ֆրանսիայի մի շարք ռեգիոնների կողմից ուղարկված շարասյունն ուղեկցել է մինչև Կոռնիձոր, այսուհանդերձ ոչ այս, ոչ էլ հուլիսի 26-ից նույն հատվածում կանգնած շարասյանը հնարավորություն չի տրվել մուտք գործելու ԼՂ»,- ասել է նա:

Մանրամասն

Արտակ Բեգլարյանն իր դիմումի համաձայն ազատվել է պետնախարարի խորհրդականի պաշտոնից:

Կառավարությունը հավանություն է տվել ՀՀ-ում ԵՄ առաքելության կարգավիճակի մասին համաձայնագրի ստորագրմանը

Կառավարությունն այսօրվա՝ օգոստոսի 31-ի նիստին հավանություն է տվել «Հայաստանի Հանրապետության և Եվրոպական միության միջև Հայաստանում Եվրոպական միության առաքելության (ՀԵՄԱ) կարգավիճակի մասին համաձայնագրի» ստորագրման առաջարկությանը։ Այս մասին տեղեկանում ենք Կառավարության հերթական նիստի չզեկուցվող հարցերի փաթեթից։

Մանրամասն՝ https://detq.info/web/arm/node/3445?fbclid=IwAR0oniTV-Di2HaX9MzH61g34a0mkDDrzudqo084mI9vr6krEd7y9AuK5YMw

🚩 ՄԻԵԴ-ը որոշում է կայացրել Ադրբեջանին մինչև սեպտեմբերի 7-ը ժամանակ տրամադրել ս.թ. օգոստոսի 28-ին Լաչինի միջանցքից առևանգված 3 քաղաքացիական անձանց վերաբերյալ տեղեկատվություն տրամադրելու մասին:

Միջազգային իրավական հարցերով ՀՀ ներկայացուցիչ