🚩 Ադրբեջանի և Թուրքիայի պաշտպանության նախարարները քննարկել են ռազմական համագործակցությունը

Ինչպես տեղեկացրել էինք, օգոստոսի 26-ին Թուրքիայի պաշտպանության նախարարը պաշտոնական այցով Բաքու է մեկնել։

Նշելով, որ Ադրբեջանի և Թուրքիայի միջև ռազմական համագործակցությունը գտնվում է բարձր մակարդակի վրա, Ադրբեջանի պաշտպանության նախարար Զաքիր Հասանովը կարևորել է այդ ուղղությամբ տարվող աշխատանքները շարունակելը։

Գոհունակություն հայտնելով իր առաջին պաշտոնական այցի կապակցությամբ՝ Գյուլերը շնորհակալություն է հայտնել հյուրընկալության համար և նշել, որ երկրների ռազմավարական դաշինքը հիմնված է բարեկամության ու եղբայրական հարաբերությունների վրա։

Հանդիպմանը քննարկվել են երկրների միջև ռազմական, ռազմատեխնիկական, ռազմակրթական և այլ ոլորտներում համագործակցության զարգացման հեռանկարները, ինչպես նաև տարածաշրջանային անվտանգության ու փոխադարձ հետաքրքրություն ներկայացնող մի շարք հարցեր։

🚩 «Ադրբեջանի ու Թուրքիայի միջև բարեկամական և եղբայրական հարաբերությունները կշարունակեն հաջողությամբ զարգանալ բոլոր ոլորտներում»․ Ալիև

Ադրբեջանի նախագահ Իլհամ Ալիևն օգոստոսի 27-ին ընդունել է Թուրքիայի ազգային պաշտպանության նախարար Յաշար Գյուլերին, այս մասին, «Դետք»-ի հաղորդմամբ, հայտնում է ադրբեջանական APA գործակալությունը։
Կողմերը քննարկել են պաշտպանական համակարգին վերաբերող մի շարք թեմաներ։ Ալիևն ընդգծել է, որ Ադրբեջանի ու Թուրքիայի զինված ուժերի համագործակցությունը գտնվում է շատ լավ մակարդակի վրա։

«Ադրբեջանի ու Թուրքիայի միջև բարեկամական և եղբայրական հարաբերությունները կշարունակեն հաջողությամբ զարգանալ բոլոր ոլորտներում, այդ թվում՝ ռազմական»,- շեշտել են կողմերը։

🚩 Թուրքիայի ազգային պաշտպանության նախարարությունը X սոցիալական ցանցում հայտնել է, որ թուրքական և ամերիկյան ինքնաթիռներով օդային աջակցության դասընթացներ են անցկացվել։

Ազգային պաշտպանության նախարարության հայտարարության մեջ ասվում է․ «Մոտ օդային աջակցության դասընթացները հաջողությամբ անցկացվել են մեր ռազմաօդային ուժերի հրամանատարությանը պատկանող «F-16» ինքնաթիռների, ԱՄՆ ռազմածովային ուժերին պատկանող «F-18» ինքնաթիռների և առաջադեմ օդային վերահսկիչի/առաջադիմական կապի վերահսկիչի անձնակազմի մասնակցությամբ (İHK/IMC)»:

⚡ Օգոստոսի 28-ին ժամը 03:05-ին Ստեփանակերտ քաղաքի Փետրվարի 20 փողոցում՝ ԱՀ նախագահի նստավայրի ուղղությամբ զինված հարձակում է տեղի ունեցել, ոչ ոք չի տուժել:

Արցախի ոստիկանություն

⚡ Ստեփանակերտն` այս գիշեր
Անհայտ անձիք կրակ են բացել ԱՀ նախագահի նստավայրի ուղղությամբ

Հոլովակը` https://t.me/archiuja

⚡ Ադրբեջանական կողմը Լաչինի միջանցքում գտնվող ապօրինի անցակետում առևանգել է ռուս խաղաղապահների ուղեկցությամբ Արցախից Հայաստան գնացող Ալեն Նելսոնի Սարգսյանին՝ ծնված 2001թ.:

Արցախի տեղեկատվական շտաբ

«Առևանգման պատճառների մասին որևէ հավաստի տեղեկություն դեռևս հայտնի չէ: Ալեն Սարգսյանն ուսանող է, ով մեկնում էր Երևան՝ իր ուսումը շարունակելու նպատակով:

Ադրբեջանը շարունակում է Արցախի ժողովրդի հանդեպ ցեղասպանական քաղաքականությունը՝ հերթական անգամ խախտելով միջազգային մարդասիրական իրավունքի նորմերը:

Դեպքի վերաբերյալ մանրամասները կհայտնվեն ավելի ուշ»,- հայտնում են տեղեկատվական շտաբից:

Օգոստոսի 28-ին ադրբեջանական կողմն ապօրինի անցակետից առևանգել է 3 հայ ուսանողի:

Ադրբեջանական կողմը նշել է, որ 2021 թվականին որոշ լրատվամիջոցներ և սոցիալական տարբեր էջեր հրապարակել էին տեսանյութեր, որտեղ երևում էր, որ հայ ֆուտբոլիստներն իբրև վիրավորական գործողություններ են կատարում Ադրբեջանի պետական ​​դրոշի հանդեպ։

Այն ժամանակ Քրեական օրենսգրքի 283.2.3 (կազմակերպված խմբի կողմից ազգային, ռասայական, սոցիալական կամ կրոնական ատելություն և թշնամություն հրահրելը) և 324 (Ադրբեջանի պետական ​​դրոշը կամ Ադրբեջանի պետական ​​զինանշանը վիրավորելը) հոդվածների հիման վրա քրեական գործ հարուցելով` Ադրբեջանի գլխավոր դատախազը վերջինիս հետաքննությունը վստահել է Գլխավոր դատախազության քննչական վարչությանը։

#Դետքի_հետագծով

Ադրբեջանն առևանգել է հայ քաղաքացիներին այն ապօրինի անցակետից, որն առաջին հերթին խաղաղության որևէ երաշխիքի հույս չի ներշնչում: Ադրբեջանցի պաշտոնյաները շարունակում են բարձրաձայնել այս անցակետի օրինական լինելու մասին, բայց ակնհայտ է, որ դրա տեղադրման նպատակն Արցախի քաղաքացիներին հաշվառելն է, վախի մթնոլորտ ստեղծելը և պարբերաբար սպառնալիքների միջոցով մարդկանց առևանգելը:

Հիշեցնենք, որ այդ ապօրինի անցակետից առևանգվել են Արցախի 68-ամյա բնակիչ Վագիֆ Խաչատրյանը և Ռաշիդ Բեգլարյանը:

Ադրբեջանը բացահայտ գործողություններով ցույց է տալիս, որ խաղաղության ձգտելու միտում չունի: Թշնամի երկրի ղեկավարությունն այսպես է պատկերացնում «խաղաղությունը» և ​​​​​​«խաղաղության» կեղծ օրակարգի ներքո ռազմական ճանապարհով հասնելու է իր նպատակներին, իսկ նման սադրանքները պարբերական բնույթ են կրելու:

🚩 Օգոստոսի 28-ին Ադրբեջանի նախագահ Իլհամ Ալիևն ընդունել է Թուրքիայի զինված ուժերի գլխավոր շտաբի պետ Մեթին Գյուրաքին։

Նշվել է, որ Ադրբեջան-Թուրքիա բարեկամական և եղբայրական հարաբերությունները հաջողությամբ զարգանում են ինչպես ռազմական, այնպես էլ բոլոր ոլորտներում։ Ընդգծվել է, որ արդյունավետ համագործակցություն է իրականացվել Ադրբեջանի և Թուրքիայի ռազմական կառույցների միջև։

🚩 Տեղի է ունեցել բանակային խաղերի փակման արարողությունը

Օգոստոսի 27-ին Մ. Մելքոնյանի անվան ռազմամարզական վարժարանում տեղի է ունեցել ՀՀ վարչապետի հովանու ներքո ուժային կառույցների միջև առաջին անգամ անցկացված բանակային խաղերի փակման արարողությունը, հայտնում է ՀՀ ՊՆ-ն։

Բանակային խաղերի ընթացքում մասնակիցները դրսևորել են կամային որակներ, արհեստավարժություն, հմտություններ՝ փորձելով լավագույնս ներկայացնել իրենց կառույցները։

Թիմերի ղեկավարները պաշտպանության նախարար Սուրեն Պապիկյանի հրամանով պարգևատրվել են «Ռազմական համագործակցության համար» մեդալներով, որոնք հանձնեց նախարարի տեղակալ Արման Սարգսյանը։

⚡ Ալեն Սարգսյանն ադրբեջանցիների կողմից ուժի և հարկադրանքի կիրառմամբ առևանգվել և տարվել է անհայտ ուղղությամբ։ Եվս 5 հոգու ադրբեջանցիները տարել են հարցաքննելու։ 2 հոգի՝ Վահե Հովսեփյանը և Լևոն Գրիգորյանը, չեն հատել անօրինական անցակետը, սակայն չի հաջողվում նրանց հետ կապ հաստատել։

Արցախի ՄԻՊ

🚩Օգոստոսի 25-27-ը Ադրբեջանը 60-ից ավելի կրակոց է արձակել Երասխի գործարանի ուղղությամբ. «GTB Steel LLC»

«GTB Steel LLC» ընկերությունը հայտարարություն է տարածել՝ տեղեկացնելով, որ ադրբեջանական կողմը վերջին օրերին ինտենսիվորեն կրակել է Երասխում կառուցվող գործարանի ուղղությամբ:

«Հայտնում ենք ձեզ, որ վերջին օրերին՝ օգոստոսի 25-27-ն ընկած ժամանակահատվածում, ադրբեջանական զինված ուժերը բարձր ինտենսիվությամբ աննախադեպ քանակի կրակոցներ են արձակել Երասխում կառուցվող գործարանի ուղղությամբ՝ թիրախավորելով նաև բանվորների կացարանը:

Արձակվել է ավելի քան 60 կրակոց»,- նշված է հայտարարությունում:

⚡ ԼՂ Ասկերանի շրջանում արձանագրվել է հրադադարի ռեժիմի խախտման դեպք, տուժածներ չկան։

ՌԴ ՊՆ

🚩Թե Հայաստանի ներսում անօրինական զինված ի՞նչ կազմավորումներ կան, փորձել ենք ճշտել ռազմական փորձագետ Սամվել Մովսիսյանից:

Մոռացության է մատնված, որ Հայաստանի ներսում կան ադրբեջանական անօրինական զինված կազմավորումներ, որոնք հանցավոր արարքներով ու իրենց հանցավոր ներկայությամբ խաթարել են մեր երկրի անվտանգությունը, անհնարինության են վերածել Գեղարքունիքում, Վայոց ձորում ու Սյունիքում շատ մարդկանց կյանքը: Այս մասին «Ֆեյսբուքի» իր էջում գրել էր ՀՀ նախկին ՄԻՊ Արման Թաթոյանը:

Թե Հայաստանի ներսում անօրինական զինված ի՞նչ կազմավորումներ կան, փորձել ենք ճշտել ռազմական փորձագետ Սամվել Մովսիսյանից:

Փորձագետը, գրվածի համատեքստից ելնելով, կարծում է, որ Թաթոյանն ի նկատի ունի Հայաստանի տարածքում գտնվող ադրբեջանական ստորաբաժանումները` դրանք անվանելով ապօրինի զինված խմբեր:

Սակայն Մովսիսյանը հարցին մոտեցավ նաև իր դիտանկյունից։

Մանրամասն տեսանյութում https://youtu.be/3_U1AoTKhrE?si=6RpmFAG8K7LncV43

⚡ Ադրբեջանի ՊՆ հաղորդագրությունը, թե ՊԲ-ն օգոստոսի 28-ին` ժամը 19:20-ից 20։55֊ը կրակ է բացել Ասկերանի և Մարտակերտի օկուպացված տարածքներում տեղակայված ադրբեջանական դիրքերի ուղղությամբ, ապատեղեկատվություն է։

Արցախի ՊՆ

🇦🇲 Արցախում ավարտվել է երեկ երեկոյան 21:00-ին սկսված ԱԺ նիստը:

Նախագահ Արայիկ Հարությունյանը դուրս է եկել ցույցի ելած ժողովրդի մոտ և խոստացել, որ ապօրինի անցակետից գերեվարված հայ տղաները շուտով տուն կվերադառնան:

🚩 Ադրբեջանի և Թուրքիայի միջև ռազմական համագործակցությունը զարգանում է. Թուրքիայի ԶՈՒ ԳՇ պետ

Օգոստոսի 28-ին Ադրբեջանի պաշտպանության նախարար Զաքիր Հասանովը հանդիպել է պաշտոնական այցով Ադրբեջանում գտնվող Թուրքիայի զինված ուժերի շտաբի պետ Մեթին Գյուրաքի գլխավորած պատվիրակությանը։

Հասանովը խոսել է բանակը թուրքական մոդելին հարմարեցնելու ուղղությամբ կատարված հաջող աշխատանքի մասին և իր երախտագիտությունը հայտնել ցուցաբերած աջակցության համար։

Գյուրաքն ընդգծել է, որ Ադրբեջանի և Թուրքիայի միջև ռազմական համագործակցությունը զարգանում է։ Նա նշել է, որ փոխադարձ ռազմական համագործակցությունն ամրապնդում է երկրների միջև միասնությունը և նոր հնարավորություններ բացում ապագայի համար։

🚩 Ադրբեջանի ՊՆ հաղորդագրությունն այն մասին, թե իբր ՊԲ-ն, օգոստոսի 28-ին, ժամը 23։50-ի սահմաններում կրակ է բացել ԱՀ Մարտունու շրջանի օկուպացված տարածքների ադրբեջանական դիրքերի ուղղությամբ հերթական ապատեղեկատվությունն է :

Արցախի ՊՆ

🚩 Ադրբեջանը և Թուրքիան համատեղ զորավարժություններ կանցկացնեն 2024թ-ին

Զորավարժություններ անցկացնելու հարցը քննարկվել է Ադրբեջանի պաշտպանության նախարարի առաջին տեղակալ Քերիմ Վելիևի և Թուրքիայի զինված ուժերի գլխավոր շտաբի պետ Մեթին Գյուրաքի հանդիպման ընթացքում:

Հատուկ ընդգծվել է, որ եղբայրական երկրի հետ համատեղ անցկացվող երկկողմ և բազմազգ դասընթացները դրական ազդեցություն են ունեցել զինծառայողների մասնագիտական գիտելիքների բարձրացման վրա։

🚩 Ինչպե՞ս ճիշտ պատրաստվել խաղաղությանը. ուղեցույց

1976-ին, երբ Էդուարդ Բագրատի Աղայանը կազմում էր «Արդի հայերենի բացատրական բառարան»-ը, «խաղաղություն» բառն իր 8 իմաստներով ավելի միանշանակ էր։ Այսօր այն հավակնում է դառնալ մեր բառապաշարի ամենակիրառելի և տարընթերցվող բառը։ Քաղաքական կատեգորիա դարձած երևույթին այսօր պատրաստվում են, ընդառաջ են գնում՝ խիստ հակասական ճանապարհներով

Մանրամասն