⚡ ՌԴ ԱԳ փոխնախարար Գալուզինը և Հայաստանի դեսպանը քննարկել են իրավիճակը Լաչինի (խմբ. Բերձորի) միջանցքի և ԼՂ-ի վերաբերյալ:

ՌԴ ԱԳՆ

🚩 Տարատեսակ և հաճախ կասկածելի մշակութային բովանդակությամբ համերգները, փառատոները և հրավառությունները մեզանում խիստ վտանգավոր պատրանք են ստեղծում առ այն, թե Հայաստանի և Արցախի Հանրապետությունների անվտանգության կենսական խնդիրը, իբր, լուծված է, և կարելի է զբաղվել խրախճանքով։ Այս մասին «Տելեգրամի» իր ալիքում գրել է իրանագետ Վարդան Ոսկանյանը:

«Հանրային լայն մակարդակում սա բթացնում է ազգային դիմադրողականությունը, քանզի ստեղծում է իրականությունը մոռացնելուն և այն հօգուտ մեզ փոխելու մտայնությունը կասեցնելուն միտված անիրական մեկ այլ «իրականություն», որը թշնամու անհագ ծավալապաշտության խորապատկերին մեզ էլ ավելի խոցելի է դարձնում։ Չեմ դադարելու պնդել, որ, ըստ իս, Հայաստանի հզորացման և բարբարոսների ջախջախման միակ գրավականը պետություն-ամրոցի կառուցումն է, իսկ ամրոցում պետք է լինեն ռազմականին մոտ կազմակերպվածություն և կարգուկանոն, այլ ոչ թե մշտնջենական բթացնող խրախճանք»։

⚡️Ադրբեջանական լրատվամիջոցները շարունակում են տարածել կեղծ տեսանյութեր։
Օգոստոսի 14-ին ադրբեջանական էլեկտրոնային ԶԼՄ-ները հրապարակել են երկրորդ կեղծ տեսագրությունը, որտեղ այս անգամ պատկերված են ՊԲ ստորաբաժանումների կողմից իբր թե իրականացվող ամրաշինական աշխատանքները։
Վերջին շրջանում Ադրբեջանի ՊՆ մամուլի ծառայության և այդ կառույցի հետ սերտորեն համագործակցող լրատվամիջոցների զգալիորեն ավելացած ակտիվությունը, պաշտոնական և ոչ պաշտոնական խողովակներով պարբերաբար տարածվող ապատեղեկատվությունը, հրադադարի խախտումների և քաղաքացիական օդանավերը ՌԷՊ միջոցներով թիրախավորելու Արցախի ՊԲ-ին հասցեագրված բացարձակապես սուտ մեղադրանքները, ինչպես արդեն նշել ենք նախկինում, նպատակ ունեն շեղել միջազգային ուշադրությունը Ադրբեջանի գործողությունների հետևանքով Արցախում առաջացած հումանիտար աղետից, հիմնավորել Արցախի Հանրապետության օկուպացված տարածքներում տեղակայված ադրբեջանական ստորաբաժանումների կողմից հրադադարի ռեժիմի խախտումները և տեղեկատվական հենք ստեղծել ապագա սադրանքների համար։
ԱՀ ՊՆ մամուլի ծառայություն

🚩 Հարավային Կորեան և ԱՄՆ-ն «իրատեսական, կոշտ» զորավարժություն կանցկացնեն Հյուսիսային Կորեայի սպառնալիքների դեմ

Հարավային Կորեան և Միացյալ Նահանգները պատրաստվում են անցկացնել «կոշտ», բայց պաշտպանական ուղղվածություն ունեցող զորավարժություններ՝ նպատակ ունենալով ամրապնդելու դաշինքի պաշտպանական դիրքը և Հյուսիսային Կորեայի կողմից բխող հրթիռային ու միջուկային սպառնալիքներին արձագանքելու կարողությունը:
Համակարգչային մոդելավորվող «Ulchi Freedom Shield» զորավարժություններն անցկացվելու են օգոստոսի 21-31-ը, ներառյալ հանգստյան օրերի դադարը՝ օգոստոսի 25-ին և 26-ին, երկուշաբթի համատեղ հայտարարել են Հարավային Կորեայի շտաբի պետերը և Կորեայի ամերիկյան զորքերը:

🚩 Ադրբեջանի ապատեղեկատվական արշավի նպատակը ԼՂ-ում էթնիկ զտումներ իրականացնելու քայլերից միջազգային հանրության ուշադրությունը շեղելն է. ՀՀ ԱԳՆ

Վերջին օրերին Ադրբեջանը կտրուկ ուժգնացրել է Հայաստանի Հանրապետությանն առնչվող թյուր և իրականությանը չհամապատասխանող տեղեկությունների տարածումը: Այս մասին հայտարարություն է տարածել ՀՀ արտաքին գործերի նախարարությունը։

«Նման ամենաթարմ օրինակը ՀՀ զինված ուժերի կողմից Հայաստան-Ադրբեջան պետական սահմանի երկայնքով զորքերի և ռազմամթերքի կուտակման մասին ապատեղեկատվությունն է: Այդ ստահոդ տեղեկությունների տարածումը վկայում է տարածաշրջանումիրադրությունը լարելու Ադրբեջանի մտադրության մասին:

Ի հեճուկս Հայաստանի Հանրապետության կողմից բազմիցս իրականացված հերքումների՝ Ադրբեջանը շարունակում է տարածել Լեռնային Ղարաբաղում ՀՀ բանակի ներկայության մասին պնդումը, որը բացարձակապես չի համապատասխանում իրականությանը:

Մանրամասն` https://detq.info/arm/node/3217

⚡️Օգոստոսի 14-ին` ժամը 19։50-ի սահմաններում, Ադրբեջանի ԶՈՒ ստորաբաժանումները հրաձգային զենքերից կրակ են բացել Վերին Շորժայի հատվածում տեղակայված հայկական դիրքերի ուղղությամբ, որի հետևանքով վիրավորվել է զինծառայող Ս. Դ.-ն։

Զինծառայողի առողջական վիճակը գնահատվում է ծանր։

ՀՀ ՊՆ

⚡ Օգոստոսի 16-ին ՀՀ ԱԳ նախարար Արարատ Միրզոյանը կգտնվի Նյու Յորքում՝ մասնակցելու ՀՀ պահանջով հրավիրված ՄԱԿ ԱԽ հրատապ նիստին։

ՀՀ ԱԳՆ խոսնակ

⚡🚩 Պահանջում ենք ՌԴ խաղաղապահ զորակազմից զսպել Ադրբեջանի հնարավոր սադրիչ գործողությունները. Արցախի ԱԳՆ

«Արցախի Հանրապետության արտաքին գործերի նախարարությունը կտրականապես հերքում և խստիվ դատապարտում է ադրբեջանական լրատվամիջոցների կողմից տարածվող ստահոդ լուրերն այն մասին, թե իբր Արցախի ՊԲ-ն տարատեսակ ռազմական տեխնիկա է տեղաշարժում և կենտրոնացնում շփման գծի տարբեր ուղղություններում:

Տեղեկատվական դաշտը նման կեղծ լուրերով լցնելով, ինչպես արդեն բազմիցս առիթ ենք ունեցել համոզվելու, Ադրբեջանը հող է նախապատրաստում հետագա սադրանքների իրականացման համար:

Միջազգային դերակատարների և հատկապես ՄԱԿ-ի Անվտանգության խորհրդի ուշադրությունն ենք հրավիրում այն փաստի վրա, որ Ադրբեջանն իրադրության լարման է գնում Արցախի խաղաղ բնակչությանը պարտադրված լիակատար շրջափակման հետևանքով հումանիտար իրավիճակի վատթարացման առնչությամբ ՄԱԿ-ի ԱԽ արտակարգ նիստ գումարելու Հայաստանի Հանրապետության պահանջից ընդամենը երկու օր անց: Սա ոչ այլ ինչ է, քան Ադրբեջանի կողմից Լաչինի միջանցքի ապօրինի արգելափակման հետևանքով Արցախի Հանրապետությունում առաջացած հումանիտար աղետից միջազգային կառույցների ուշադրությունը շեղելու փորձ:

Վերստին նշում ենք, որ 2022 թ. դեկտեմբերի 12-ից Արցախի Հանրապետությունը Ադրբեջանի անօրինական գործողությունների հետևանքով հայտնվել է լիակատար շրջափակման մեջ: Ավելին, 2023 թ. հունիսի 15-ից Արցախի ժողովուրդը զրկված է Լաչինի միջանցքով նույնիսկ Կարմիր խաչի միջազգային կոմիտեի և ՌԴ խաղաղապահ զորակազմի միջոցով սննդամթերքի, դեղորայքի և կենսական նշանակության մնացած բոլոր ապրանքների անգամ նվազագույն քանակի ներկրման հնարավորությունից։

Այսպիսով միջազգային հանրության կողմից գործուն քայլերի բացակայության պայմաններում Ադրբեջանը շարունակում է խախտել 2020 թվականի նոյեմբերի 9-ի Եռակողմ հայտարարության դրույթները, միջազգային համընդհանուր իրավական նորմերը, ինչպես նաև Լաչինի միջանցքի վերաբերյալ ընդունված կոնկրետ միջազգային իրավական ակտերը, որոնց թվում են ՄԱԿ-ի արդարադատության միջազգային դատարանի և Մարդու իրավունքների եվրոպական դատարանի իրավաբանորեն պարտադիր որոշումները Լաչինի միջանցքի ապարգելափակման վերաբերյալ։

Պահանջում ենք միջազգային բոլոր դերակատարներից և, մասնավորապես, ՌԴ խաղաղապահ զորակազմից անհապաղ ձեռնարկել համապատասխան քայլեր՝ զսպելու Ադրբեջանի հնարավոր սադրիչ գործողությունները:

Ստեղծված իրավիճակում հրամայական ենք համարում հնարավորինս հրատապ ՄԱԿ-ի ԱԽ արտակարգ նիստի գումարումը՝ Լաչինի միջանցքի ամբողջական և անվերապահ ապարգելափակմանն ուղղված անհրաժեշտ և արդյունավետ միջոցների իրականացման վերաբերյալ որոշում կայացնելու նպատակով»։

🚩 Միացյալ Նահանգները 200 միլիոն դոլարի ռազմական օգնության նոր փաթեթ է տրամադրել Ուկրաինային: 

Ուկրաինական զորքերը կստանան հակաօդային պաշտպանության համակարգերի զինամթերք, հրետանային արկեր, հակատանկային միջոցներ և ականազերծման սարքավորումներ։

Բաքուն մեղադրել է Իսպանիային Արցախից Հայաստան տեղահանված մարդկանց օգնության ձեռք մեկնելու համար

Իսպանիայի միջազգային զարգացման համագործակցության կազմակերպությունը կաջակցի Արցախից Հայաստան տեղահանված հազար մարդու: Այս մասին հայերեն գրառում էր հրապարակվել Ռուսաստանի Դաշնությունում Իսպանիայի դեսպանատան X սոցցանցի պաշտոնական էջում:
«Իսպանիայի միջազգային զարգացման համագործակցության կազմակերպությունն (AECID) ակտիվացնում է իր՝ «Մենք՝ հանուն սովի դեմ պայքարի» (Acontraelhambre) մարդասիրական ակցիան՝ օգնելու 1000 մարդու, որոնք տեղահանվել են Հայաստան Լեռնային Ղարաբաղի հակամարտության պատճառով»,- ասվում է հաղորդագրության մեջ:
Ադրբեջանի ԱԳՆ մամուլի քարտուղար Այխան Հաջիզադեն դատապարտել է Իսպանիայի «հակաադրբեջանական» քայլը։

«Տարօրինակ է տեսնել, թե ինչպես է մի երկիր պայքարում անջատողականության դեմ սեփական տարածքում, մինչդեռ միաժամանակ աջակցում է անջատողականությանն այլ երկրներում:

🚩 Քանաանին հայտնել է, որ Իրանն ԱՄՆ-ից իրանական ակտիվների ապասառեցման հարցում երաշխիքներ է ստացել

«Բանտարկյալների փոխանակման գործընթացը շարունակվում է մոտ երկու տարի։ Իրանի արտաքին քաղաքական գերատեսչությունը հետևում է երկրի ակտիվների ապասառեցմանը, որոնք սառեցվել են այլ երկրներում ԱՄՆ միակողմանի պատժամիջոցների պատճառով»,- իր ամենշաբաթյա մամուլի ասուլիսի ժամանակ ասել է Իրանի ԱԳՆ մամուլի խոսնակ Նասեր Քանաանին։

⚡ Օգոստոսի 15-ին՝ ժամը 12:20-ի սահմաններում, Ադրբեջանի ԶՈՒ ստորաբաժանումները հրաձգային զենքից կրակ են բացել Վերին Շորժայի ուղղությամբ պարեկություն իրականացնող ԵՄ դիտորդների և նրանց պատկանող ավտոմեքենայի ուղղությամբ:

Տուժածներ չկան:

ՀՀ ՊՆ

Թուրքիան Ադրբեջանին օգնում և աջակցում է կրտսեր եղբոր օկուպացիոն քաղաքականությունում, օգնությունը ոչ միայն զուտ ռազմական, այլև քարոզչական բնույթի է։

Այս նպատակով թուրքական ԶԼՄ-ների ներկայացուցիչների խումբն այցելել է 44-օրյա պատերազմի արդյունքներով օկուպացված Արցախի տարածք։

ԶԼՄ-ների տեղեկացմամբ՝ այցելություն կկատարվի նաև հին հայկական Շուշի քաղաք։
Թուրքերին ներկայացվել է, որ Լաչին քաղաքում մշտական բնակության է տեղափոխվել 23 ընտանիք։ Զեկուցվել է, որ ներկայումս Լաչինում բնակվում է 203 ընտանիք՝ ընդհանուր 793 հոգի, իսկ վերաբնակեցված ընտանիքների համար ստեղծված են ենթակառուցվածքային բոլոր պայմանները։

🚩Օգոստոսի 15-ին Ադրբեջանի ՊՆ և հատուկ ծառայությունների համակարգմամբ գործող մի շարք էլեկտրոնային լրատվամիջոցներ շարունակել են հրապարակել կեղծ տեսանյութեր, որտեղ իբր թե պատկերված են ՊԲ նոր մարտական դիրքերն ու սպառազինության և ռազմական տեխնիկայի փոխադրումը դեպի շփման գիծ։

Ադրբեջանական կողմը, շարունակաբար խախտելով 2020 թ. նոյեմբերի 9-ի եռակողմ փաստաթղթից բխող իր պարտավորությունները, ինչի հետևանքով Արցախի Հանրապետությունը գտնվում է հումանիտար աղետի վիճակում, կեղծ տեղեկությունների ակտիվ տարածման միջոցով փորձում է իրադրության վատթարացման մեղքը բարդել արցախյան կողմի և ռուս խաղաղապահների վրա, ձգտում է միջազգային ուշադրությունը շեղել իր ագրեսիվ, Արցախում էթնիկ զտում իրագործելուն միտված գործողություններից և իրականացնում է հետագա սադրանքների տեղեկատվական նախապատրաստություն։

ԱՀ ՊՆ մամուլի ծառայություն

⚡️Ադրբեջանը մի քանի օր է ակնհայտորեն լարում է իրավիճակը տեղեկատվական հարթակում, և ի լրումն դրա, վերջին մեկ ժամում հետաքրքիր դեպքեր են տեղի ունենում, մասնավորապես.

1) ՀՀ ՊՆ-ն հայտնում է, որ Վերին Շորժայում ադրբեջանցիները կրակել են Եվրոպական միության առաքելության վրա,
2) Հայտարարությանն ի պատասխան ԵՄ առաքելությունը տարածում է հերքում ասելով, որ կրակոցներ չեն եղել,
3) «Տելեգրամ» ալիքներում տարածվում է տեսանյութ, որտեղ ԵՄ առաքելության դիտորդներից մեկը պատմում է, թե ինչպես են կրակել իրենց վրա,
4) ԵՄ առաքելությունը հեռացնում է իր հերքումը,
5) ԵՄ առաքելությունը րոպեներ անց տարածում է հայտարարությունը նշելով, որ իրենց պատասխանատվության հատվածում են եղել կրակոցները (in our area of responsibility)։

Դավիթ Թորոսյան

⚡ Օգոստոսի 15-ին հեռախոսազրույց է տեղի ունեցել ՌԴ և Ադրբեջանի ԱԳՆ Սերգեյ Լավրովի և Ջեյհուն Բայրամովի միջև։

▫️Շեշտադրվել է ԼՂ իրավիճակի արագ դեէսկալացմանն ուղղված նախապես սկզբունքորեն համաձայնեցված քայլերի իրականացման անհրաժեշտությունը, այդ թվում՝ հումանիտար ուղիների ապաշրջափակումը՝ ներառյալ Լաչինի միջանցքը։

ՌԴ ՊՆ

🚩«Խաղաղության պայմանագրի շուրջ հայ-ադրբեջանական նոր հանդիպումներ սպասվում են, կարծում եմ, սեպտեմբերին»,- Հանրային հեռուստաընկերության եթերում ասել է ՀՀ հատուկ հանձնարարություններով դեսպան Էդմոն Մարուքյանը։

«Ադրբեջանի գործողությունները խաթարում են խաղաղության գործընթացը։ Հայաստանը դուրս չի գալիս գործընթացից՝ հավատարիմ մնալով դրան, սակայն հակառակ կողմ է պետք։ Ադրբեջանը պարտավոր է իր զորքերը դուրս հանել Հայաստանի ինքնիշխան տարածքից»,- ասել է նա։

🚩Այսօր ՀՀ վարչական դատարանի Երևանի նստավայրում տեղի ունեցավ «Ազատազէն» ՌՀԿ-ի հայցի քննությունն ընդդեմ ՀՀ ՆԳՆ ոստիկանության։

Մանրամասն

🚩Արդյո՞ք Ադրբեջանի` վերջին օրերի հայտարարությունները հերթական սադրիչ ապատեղեկատվություններն են: Ի՞նչ սպասել այս հայտարարություններից հետո:

Ի՞նչ նպատակ է հետապնդում պաշտոնական Բաքվի նման հռետորաբանությունը:

Որքանո՞վ է Հայաստանը պատրաստ դիմագրավելու բռնապետական Ադրբեջանի լայնածավալ ռազմական ագրեսիային:

Այս հարցերի շուրջ «Դետքի» լրագրողը զրուցել է ռազմական փորձագետ, պահեստազորի գնդապետ Հայկ Նահապետյանի հետ:

https://youtu.be/v5WYo8I8Qis

🚩 Կիևը հայտնել է Բախմուտի ուղղությամբ 3 քառակուսի կմ տարածք գրավելու մասին

Ուկրաինայի պաշտպանության փոխնախարար Աննա Մալյարը հայտարարել է, որ ուկրաինացի զինվորականները Բախմուտի ուղղությամբ 3 քառակուսի կմ տարածք են ազատագրել։ Ըստ «Դետք»-ի՝ այս մասին տեղեկացնում է «Украинская правда» լրատվական գործակալությունը։

#Դետքի_հետագծով

Չնայած ուկրաինացի պաշտոնյաները երկար ժամանակ հայտնում էին հակահարձակում իրականացնելու մասին, այնուամենայնիվ ուկրաինական ուժերին չի հաջողվել այդ հակահարձակման ընթացքում նշանակալի հաջողություններ արձանագրել։ Ինչ վերաբերում է Բախմուտի ուղղությամբ առաջխաղացմանը, ապա սա ռազմավարական կարևոր նշանակություն ունեցող քաղաք է, որը ռուսական ուժերին հաջողվեց գրավել ամիսներ տևած կատաղի պայքարի արդյունքում, իսկ այժմ ուկրաինացիները ձգտում են ամեն գնով վերականգնել վերահսկողությունը։

🚩 Այսպես կոչված «Արևմտյան Ադրբեջանի համայնքը» դատապարտել է Իսպանիայի դիրքորոշումը՝ կապված Արցախից Հայաստան տեղահանված հազար մարդու օգնելու պատրաստակամության հետ։

«Իսպանիայի դիրքորոշումն Ադրբեջանի տարածքային ամբողջականության և ինքնիշխանության դեմ է, խրախուսում է անջատողականությունը, ուստի մենք պաշտոնական Մադրիդից պահանջում ենք դադարեցնել երկակի ստանդարտների քաղաքականությունը և չմիջամտել Ադրբեջանի ներքին գործերին»,- ասված է համայնքի տարածած հաղորդագրության մեջ։

Հիշեցնենք, որ Ռուսաստանի Դաշնությունում Իսպանիայի դեսպանատունը X սոցցանցի պաշտոնական էջում գրել էր, որ Իսպանիայի միջազգային զարգացման համագործակցության կազմակերպությունը կաջակցի Արցախից Հայաստան տեղահանված հազար մարդու: Հայտարարության մասին նաև բացասաբար էր արտահայտվել Ադրբեջանի ԱԳՆ ներկայացուցիչ Հաջիզադեն։