🚩 Իրանի պաշտպանության նախարարը հաստատել է, որ Ռուսաստանից «Սուխոյ Սու-35» կործանիչների երկար սպասված գնումը տապալվել է։

Մոհամմադ Ռեզա Գրեյ Աշտիանիին հարցրել են գործարքի կարգավիճակի մասին, որը, իբր, կնքվել է անցյալ տարի: Նա պատասխանել է, որ երկիրն ունի սեփական կործանիչներ արտադրելու հնարավորություն, ինչը վկայում է երկրի ծրագրերի հնարավոր փոփոխության մասին:

🚩Իրանի Իսլամական հեղափոխության պահապանների կորպուսը (ԻՀՊԿ) ներկայացրել է արդիականացված «Shahed-149 Gaza» անօդաչու թռչող սարքը։

Բարձր տոկունության անօդաչու ինքնաթիռի (HALE) արդիականացումը ներառում է կասեցման նոր կետ և բարելավված վայրէջքի սարք:

🚩Հայաստանի Հանրապետությունը պաշտոնապես դիմել է ՄԱԿ-ին Անվտանգության խորհրդին՝ խնդրելով հրատապ նիստ գումարել՝ կապված Ադրբեջանի կողմից Բերձորի միջանցքի շրջափակման և դրա հետևանքով Արցախում հումանիտար իրավիճակի վատթարացման հետ։

🚩ԱՄՆ կոնգրեսական Ադամ Շիֆը պատրաստվում է նամակով դիմել այդ երկրի նախագահ Ջո Բայդենին՝ Արցախում օրեցօր ավելացող հումանիտար ճգնաժամը լուծելու հարցով։

🚩 Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության նախագահ Վլադիմիր Պուտինի հանդիպումը կկայանա օգոստոսի վերջին կամ սեպտեմբերի սկզբին։

Թուրքական հեռուստաալիքն ուշադրություն է հրավիրում այն բանին, որ Էրդողանը դեռևս սպասում է Ռուսաստանի նախագահին Թուրքիայում, սակայն չի բացառվում, որ Էրդողանն անձամբ կմեկնի, եթե Վլադիմիր Պուտինը հրաժարվի Ռուսաստանը լքելուց։ «Թուրքիայի իշխանությունները մտադիր են հանդիպում անցկացնել օգոստոսի վերջին կամ սեպտեմբերի սկզբին։ Հանդիպման ստույգ օրը հայտնի չէ»,- ասվում է հրապարակման մեջ։

🚩Ռազմարդյունաբերության ռուս փորձագետն ասել է, որ Ալժիրը կլինի առաջին երկրներից մեկը, որը կստանա նորագույն ռուսական կործանիչներ։

Զենքերի փորձագետ Սամուել Բենդետը «Breaking Defence»-ին ասել է, որ թե՛ Ռուսաստանը, թե՛ Ալժիրը պատրաստ կլինեն կնքել նոր «Su-75 Checkmate» կործանիչների գործարքը, հենց որ արտահանման առաջին խմբաքանակները պատրաստ լինեն։

⚡ Ադրբեջանի ՊՆ հաղորդագրությունն այն մասին, թե իբր օգոստոսի 13-ին՝ ժամը 16:20-ի սահմաններում, ՀՀ ԶՈՒ-ն կրակ է բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է:

ՀՀ ՊՆ

🚩 Օնիկ Գասպարյանի նախկին խորհրդական Վլադիմիր Պողոսյանն անդրադարձել է Թուրքիայի մասնակցությանը 44-օրյա պատերազմին, ՊՆ նոր նշանակմանը և պատերազմի վերսկսման վտանգին

https://youtu.be/L0EFWGJmisQ

⚡ Օգոստոսի 13-ին՝ ժամը 20:30-20:50-ն ընկած ժամանակահատվածում, Ադրբեջանի ԶՈՒ ստորաբաժանումները հրաձգային զենքերից կրակ են բացել Վերին Շորժայի հատվածում տեղակայված հայկական դիրքերի ուղղությամբ:

ՀՀ ՊՆ

⚡ Ադրբեջանի ՊՆ հաղորդագրությունն այն մասին, թե իբր օգոստոսի 13-ի 22։45-ից օգոստոսի 14-ի ժամը 07:05-ը ՀՀ ԶՈՒ ստորաբաժանումները կրակ են բացել ադրբեջանական դիրքերի ուղղությամբ, չի համապատասխանում իրականությանը:

ՀՀ ՊՆ

🚩 «Հայերը տապալել են Աղդամի ճանապարհով Կարմիր խաչի միջազգային կոմիտեի հովանու ներքո բեռներ տեղափոխելու, դրանից 24 ժամ հետո էլ Լաչինի ճանապարհով, նույն Կարմիր խաչի հովանավորությամբ, փոխադրումներն ակտիվացնելու մասին պայմանավորվածությունները»,- այս մասին հայտարարել է Ադրբեջանի ԱԳՆ պաշտոնական ներկայացուցիչ Այխան Հաջիզադեն։

Դրա համաձայն` Ռուսաստանի ԱԳ նախարար Սերգեյ Լավրովն առաջարկել է բացել Աղդամ-Ստեփանակերտ ճանապարհը, դրանից 24 ժամ անց էլ ապաշրջափակել Լաչինի միջանցքը։

«Դրա հետ մեկտեղ, Ադրբեջանի առաջարկությամբ համաձայնեցվել էր Եվլախում Ղարաբաղի տնտեսական շրջանի հայկական բնակչության ներկայացուցիչների և ադրբեջանական կողմի հանդիպումը, բոլոր նախապատրաստական և լոգիստիկ միջոցառումները կատարվել էին»,- հայտարարել է Ադրբեջանի արտաքին քաղաքական գերատեսչության խոսնակը՝ պնդելով, որ այս հանդիպումը ևս տապալվել է։

«Չնայած թվարկված քայլերին` Ադրբեջանի Ղարաբաղի տնտեսական գոտու հայկական բնակչության ներկայացուցիչները վերջին պահին խախտել են բոլոր պայմանավորվածությունները»,- պնդել է Հաջիզադեն։

🚩Չինաստանի պետական խորհրդական և պաշտպանության նախարար Լի Շանգֆուն օգոստոսի 14-ից 19-ը կմասնակցի Ռուսաստանում կայանալիք միջազգային անվտանգության մոսկովյան 11-րդ համաժողովին։

🚩Օգոստոսի 7-ից 14-ն ընկած ժամանակահատվածում ադրբեջանական կողմը 2 անգամ կոպտորեն խախտել է հրադադարի պահպանման ռեժիմը, թիրախավորել և կրակել է բացել դաշտերում բերքահավաք իրականացնող քաղաքացիական անձանց ուղղությամբ: Ոչ ոք չի տուժել:

Արցախի ՆԳ նախարարություն

⚡ Ադրբեջանի ԱԳՆ տարածած հաղորդագրությունն այն մասին, թե իբր ՀՀ ԶՈՒ-ն մեծ քանակությամբ զենք, ռազմական տեխնիկա և անձնակազմ է կենտրոնացրել հայ-ադրբեջանական սահմանին, և թե ՀՀ-ն ԼՂ-ում բանակ ունի չի համապատասխանում իրականությանը:

ՀՀ ՊՆ

🚩 ՄԱԿ-ի ԱԽ-ն պետք է միջոցներ ձեռնարկի ԼՂ-ում զանգվածային վայրագությունները կանխելու համար․ ՄԱԿ-ում ՀՀ մշտական ներկայացուցիչ

https://www.youtube.com/watch?v=qBjqp2N07VA&embeds_referring_euri=https%3A%2F%2Fdetq.info%2F&source_ve_path=MjM4NTE&feature=emb_title

🚩 Ադրբեջանական լրատվամիջոցները կեղծ տեսանյութեր և սուտ տեղեկություններ են տարածում այն մասին, թե իբր ՊԲ-ն տարատեսակ ռազմական տեխնիկա է տեղաշարժում և կենտրոնացնում շփման գծի տարբեր ուղղություններում:

▫️Այդօրինակ ապատեղեկատվության տարածմամբ, Ադրբեջանը տեղեկատվական հող է նախապատրաստում հերթական սադրանքի համար:

Արցախի ՊՆ

⚡ ՌԴ ԱԳ փոխնախարար Գալուզինը և Հայաստանի դեսպանը քննարկել են իրավիճակը Լաչինի (խմբ. Բերձորի) միջանցքի և ԼՂ-ի վերաբերյալ:

ՌԴ ԱԳՆ

🚩 Տարատեսակ և հաճախ կասկածելի մշակութային բովանդակությամբ համերգները, փառատոները և հրավառությունները մեզանում խիստ վտանգավոր պատրանք են ստեղծում առ այն, թե Հայաստանի և Արցախի Հանրապետությունների անվտանգության կենսական խնդիրը, իբր, լուծված է, և կարելի է զբաղվել խրախճանքով։ Այս մասին «Տելեգրամի» իր ալիքում գրել է իրանագետ Վարդան Ոսկանյանը:

«Հանրային լայն մակարդակում սա բթացնում է ազգային դիմադրողականությունը, քանզի ստեղծում է իրականությունը մոռացնելուն և այն հօգուտ մեզ փոխելու մտայնությունը կասեցնելուն միտված անիրական մեկ այլ «իրականություն», որը թշնամու անհագ ծավալապաշտության խորապատկերին մեզ էլ ավելի խոցելի է դարձնում։ Չեմ դադարելու պնդել, որ, ըստ իս, Հայաստանի հզորացման և բարբարոսների ջախջախման միակ գրավականը պետություն-ամրոցի կառուցումն է, իսկ ամրոցում պետք է լինեն ռազմականին մոտ կազմակերպվածություն և կարգուկանոն, այլ ոչ թե մշտնջենական բթացնող խրախճանք»։

⚡️Ադրբեջանական լրատվամիջոցները շարունակում են տարածել կեղծ տեսանյութեր։
Օգոստոսի 14-ին ադրբեջանական էլեկտրոնային ԶԼՄ-ները հրապարակել են երկրորդ կեղծ տեսագրությունը, որտեղ այս անգամ պատկերված են ՊԲ ստորաբաժանումների կողմից իբր թե իրականացվող ամրաշինական աշխատանքները։
Վերջին շրջանում Ադրբեջանի ՊՆ մամուլի ծառայության և այդ կառույցի հետ սերտորեն համագործակցող լրատվամիջոցների զգալիորեն ավելացած ակտիվությունը, պաշտոնական և ոչ պաշտոնական խողովակներով պարբերաբար տարածվող ապատեղեկատվությունը, հրադադարի խախտումների և քաղաքացիական օդանավերը ՌԷՊ միջոցներով թիրախավորելու Արցախի ՊԲ-ին հասցեագրված բացարձակապես սուտ մեղադրանքները, ինչպես արդեն նշել ենք նախկինում, նպատակ ունեն շեղել միջազգային ուշադրությունը Ադրբեջանի գործողությունների հետևանքով Արցախում առաջացած հումանիտար աղետից, հիմնավորել Արցախի Հանրապետության օկուպացված տարածքներում տեղակայված ադրբեջանական ստորաբաժանումների կողմից հրադադարի ռեժիմի խախտումները և տեղեկատվական հենք ստեղծել ապագա սադրանքների համար։
ԱՀ ՊՆ մամուլի ծառայություն

🚩 Հարավային Կորեան և ԱՄՆ-ն «իրատեսական, կոշտ» զորավարժություն կանցկացնեն Հյուսիսային Կորեայի սպառնալիքների դեմ

Հարավային Կորեան և Միացյալ Նահանգները պատրաստվում են անցկացնել «կոշտ», բայց պաշտպանական ուղղվածություն ունեցող զորավարժություններ՝ նպատակ ունենալով ամրապնդելու դաշինքի պաշտպանական դիրքը և Հյուսիսային Կորեայի կողմից բխող հրթիռային ու միջուկային սպառնալիքներին արձագանքելու կարողությունը:
Համակարգչային մոդելավորվող «Ulchi Freedom Shield» զորավարժություններն անցկացվելու են օգոստոսի 21-31-ը, ներառյալ հանգստյան օրերի դադարը՝ օգոստոսի 25-ին և 26-ին, երկուշաբթի համատեղ հայտարարել են Հարավային Կորեայի շտաբի պետերը և Կորեայի ամերիկյան զորքերը:

🚩 Ադրբեջանի ապատեղեկատվական արշավի նպատակը ԼՂ-ում էթնիկ զտումներ իրականացնելու քայլերից միջազգային հանրության ուշադրությունը շեղելն է. ՀՀ ԱԳՆ

Վերջին օրերին Ադրբեջանը կտրուկ ուժգնացրել է Հայաստանի Հանրապետությանն առնչվող թյուր և իրականությանը չհամապատասխանող տեղեկությունների տարածումը: Այս մասին հայտարարություն է տարածել ՀՀ արտաքին գործերի նախարարությունը։

«Նման ամենաթարմ օրինակը ՀՀ զինված ուժերի կողմից Հայաստան-Ադրբեջան պետական սահմանի երկայնքով զորքերի և ռազմամթերքի կուտակման մասին ապատեղեկատվությունն է: Այդ ստահոդ տեղեկությունների տարածումը վկայում է տարածաշրջանումիրադրությունը լարելու Ադրբեջանի մտադրության մասին:

Ի հեճուկս Հայաստանի Հանրապետության կողմից բազմիցս իրականացված հերքումների՝ Ադրբեջանը շարունակում է տարածել Լեռնային Ղարաբաղում ՀՀ բանակի ներկայության մասին պնդումը, որը բացարձակապես չի համապատասխանում իրականությանը:

Մանրամասն` https://detq.info/arm/node/3217