⚠️ Экзема хавфидан огохлантирамиз! 

Экзема — тери касалликлари орасида энг кўп тарқалган, сурункали, яллиғланиш ва аллергик механизмлар билан кечадиган хасталиклардан бири. У кўп ҳолларда қайталаниб туради, тўғри даволанмаса ёки парвариш қилинмаса, инсон ҳаёти сифатига жиддий таъсир кўрсатади. Экземанинг хавфли томонлари қуйидагича:

1️⃣Сурункалик ва рецидивлар
Экзема бир марта чиқиб, йўқ бўлиб кетмайди. У доимий назорат ва даволашни талаб қилади. Даво чоралари тўхтатилса, беморда қайталаниш (рецидив) жуда тез содир бўлади.
2️⃣Инфекция қўшилиши
Қичишиш туфайли беморлар кўпинча теридаги тошмаларни тиранади. Бу эса микроблар киришига йўл очиб, пиодермия, импетиго, абсцесс каби иловий инфекциялар келтириб чиқаради. Инфекция қонга ўтиб кетса, ҳатто сепсис хавфи ҳам юзага келиши мумкин.
3️⃣Теридаги қайтармас ўзгаришлар
Экзема узоқ йиллар давом этса, тери қувватини йўқотиб, қалинлашиб, лихенификация (тери қотиши) ривожланади. Бу ҳолат беморнинг ташқи кўринишига, шунингдек қўл, оёқ ва юзда доимий из қолишига олиб келади.
4️⃣ Иммунитетга таъсир
Экзема — аллергик ва аутоиммун жараёнлар билан боғлиқ. У узоқ вақт давом этса, иммун тизим издан чиқиши мумкин. Натижада организм инфекцияларга, вирусларга ва бошқа касалликларга тезроқ чалинувчи бўлиб қолади.
5️⃣Психологик ва ижтимоий таъсир
Терида доимий тошмалар, қичишиш, кўзга ташланадиган яралар инсоннинг ўз-ўзига ишончини пасайтиради, стресс, депрессия ва ижтимоий изоляцияга олиб келиши мумкин.
6️⃣ Қўшимча касалликлар билан боғлиқ хавф
Экзема кўп ҳолларда астма, аллергик ринит, атопия билан бирга кечади. Бу ҳолатлар биргаликда организмга янада кўпроқ зарар етказиши мумкин.

⚠️ Хулоса:
Экземани “фақат ташқи тери муаммоси” деб қараш катта хато. Унинг хавфли томонлари инфекция қўшилиши, сурункалик, иммунитетнинг бузилиши ва ҳаёт сифатига таъсир кўрсатишидир. Шунинг учун ҳар бир бемор тўғри парҳез, шахсий гигиена, стрессдан ҳимоя ва мутахассис кўрсатмасига амал қилиш орқали касалликни назоратда ушлаб туриши керак.

🍀“Dermolife Complex”- сизга фақат самарали усулларни таклиф қиламиз!

⚠️ Азелит (маиший тозалаш воситалари)нинг инсон терига таъсири хақида илмий мақола!

‼️ Ушбу мақолада маиший тозалаш воситалари, хусусан Азелит туркумига мансуб кимёвий моддаларнинг инсон тери тўқималарига таъсири илмий нуқтаи назардан ёритилади. Азелит таркибидаги ишқорий ва детергент моддаларнинг эпидермисга таъсир механизми, уларнинг контакт дерматит, кимёвий куйиш ва тери барьер функциясини бузишдаги роли таҳлил қилинади. Шунингдек, профилактика чоралари ва хавф гуруҳлари кўриб чиқилади.

‼️Азелит таркибининг кимёвий хусусиятлари
Азелит туркумига кирувчи тозалаш воситалари одатда қуйидаги моддаларни ўз ичига олади:

кучли ишқорий компонентлар (натрий гидроксиди, калий гидроксиди);
анион ва нонион детергентлар;
ёрдамчи эритувчилар ва ароматик қўшимчалар.
Ушбу моддалар ёғни парчалашда самарали бўлса-да, тери учун физиологик жиҳатдан мос эмас.

‼️Терининг ҳимоя механизми ва унинг бузилиши

Инсон териси ташқи муҳитдан ҳимоя қилувчи табиий барьер ҳисобланади. Эпидермиснинг ташқи қатлами — липид мантия — намликни сақлайди ва микроорганизмлардан ҳимоя қилади.

Азелит таркибидаги ишқорий моддалар:

липид қатламини эритади;

терининг pH мувозанатини бузади;

ҳужайралар ораси боғланишини заифлаштиради.

Натижада тери ташқи таъсирларга нисбатан ҳимоясиз қолади.

‼️Азелитнинг терига таъсири қуйидаги клиник ҳолатлар билан намоён бўлиши мумкин:

1. Кимёвий куйиш

Қисқа вақтли, аммо юқори концентрацияли контакт натижасида қизариш, ачишиш ва оғриқ кузатилади. Оғир ҳолатларда пуфакчалар ва эрозиялар пайдо бўлиши мумкин.

2. Контакт дерматит

Узоқ муддатли ёки такрорий таъсир натижасида:

қичишиш;

қуруқлик;

тери ёрилиши;

гиперкератоз ривожланади.

3. Аллергик реакциялар

Айрим шахсларда иммун тизимнинг индивидуал сезувчанлиги туфайли шиш, тошма ва яллиғланиш реакциялари кузатилади.

Хавф гуруҳлари

уй бекалари ва ошхона ходимлари;

тозалаш ишлари билан шуғулланувчи шахслар;

аллергияга мойил одамлар;

болалар ва қариялар.

Профилактика ва ҳимоя чоралари

Азелит билан ишлашда қуйидаги профилактика чораларига риоя қилиш тавсия этилади:

резина қўлқоплардан фойдаланиш;

ишдан кейин қўлларни нейтрал pH ли воситалар билан ювиш;

терида яра ёки ёриқ бўлса, кимёвий воситалар билан ишламаслик.

🍀"Dermolife Complex"-яширин хавфдан сизни огохлантиради!