❗️Ўз тизимидаги камчиликлар ва сусткашлик учун Инвестициялар ва ташқи савдо вазири ўринбосари Б.Абидов ва Техник тартибга солиш агентлиги раҳбари Д.Саттаров лавозимидан озод қилинди.

Бош вазир ўринбосари Ж.Ходжаев чорак якунигача ўзгариш қилмаса, лавозимига лойиқлиги кўриб чиқилиши тўғрисида огоҳлантирилди.

Адлия вазири икки ойда соҳани тартибга солмаса бошқа ишга ўтади

Президент айрим корхоналаримизда халқаро сертификат йўқлиги учун глобал логистика занжирларига қўшила олмаётгани, ушбу соҳадаги барча ҳуқуқий жараёнларни талаб даражасига етказиш учун адлия вазири А.Тошқулов масъул этиб белгилади. Икки ойда соҳани тартибга солмаса, лавозимидан озод этилиб, ушбу Техник тартибга солиш агентлигига раҳбар этиб тайинланиши ҳақида огоҳлантирилди.

“Чирчиқ” дарёси реабилитация қилинади

Президент имзолаган Фармонга кўра:

➖ 2024 йил 1 апрелга қадар тоғ
ва тоғ олди ҳудудларида муқобил норуда фойдали қазилма конлари ва кичик саноат зоналарини ташкил қилиш бўйича 2030 йилгача мўлжалланган чора-тадбирлар дастурини ишлаб чиқилади;

➖ 2024 йил 1 июнга қадар халқаро ва маҳаллий олимларни жалб қилган ҳолда, “Чирчиқ” дарёсини реабилитация қилиш лойиҳаси ишлаб чиқилади;

➖ мораторий даврида дарё ўзанлари, соҳил бўйи минтақалари ва сув муҳофаза зоналаридан қум-шағал материалларини ноқонуний қазиб олиш натижасида табиатга етказилган зарар учун ундириш суммалари 10 бараварга оширилган ҳолда қўлланилади.

Маълумот учун: Фармон билан Чирчиқ, Сангзор, Зарафшон, Норин, Қашқадарё ва Сурхондарё дарёлари ўзанларидаги норуда материаларини қазиб олишга муддатсиз мораторий жорий қилинди.

👉 @r_kusherbayev

"Артел" компанияси Kun.uz дан минбар сўрамоқда

Артел компанияси Kun.uz нинг Youtube каналидаги «Maishiy texnika narxlari oshadimi?» номли видеолавҳасига Ўзбекистондаги маиший техника ишлаб чиқарувчи етакчи компаниялари номидан мурожаат билан чиқмоқда.

"Биз таҳририятдан иқтисодчи Отабек Бакиров (Bakiroo) ва Kun.uz таҳририяти ўзи истаган мутахасис ҳамда соҳадаги ишлаб чиқарувчи компаниялар вакиллари иштирокида очиқ суҳбат қуриш учун минбар сўраймиз", дейилади хабарда.

Бахс янги паллага чиқмоқда.
Агар Kun.uz томонлар иштирокида давра суҳбати ташкил этса бу кўпчилик учун қизиқарли бўлса керак.

Кўрамиз...

👉 @r_kusherbayev

Жамоатчилик томонидан билдирилган фикрларни ўрганган ҳолда, Давлат активларини бошқариш агентлиги томонидан «Пахтакор футбол клуби» МЧЖнинг 100 фоиз давлат улуши бўйича оммавий савдо жараёнлари вақтинчалик тўхтатилибди.

👉 @r_kusherbayev

Автомототранспорт воситасини нотариал идорага бормасдан сотиш мумкин

Бунинг учун дастлаб сотувчи "E-notarius.uz" ахборот порталида «Нотариал ҳаракатни расмийлаштириш»ни танлайди, ўзининг шахсига оид маълумотларни киритади ва нотариал ҳаракатни яратади.

➡️ Сўнг сотувчи сотилаётган автомототранспорт воситасини танлайди ва нархини киритади;

➡️ сотувчи сотиб олувчининг  ЖШШИРни, шахсини тасдиқловчи ҳужжат серияси ва рақамини ва телефон рақамини киритади;

➡️ сотиб олувчининг телефонига СМС хабарнома юборилади. Сотиб олувчи ҳаволага кириб Face-Id орқали верификациядан ўтади ва розилигини тасдиқлайди;

➡️ автоматик тарзда ёки ихтиёрий  нотариус танланади;

➡️ нотариус нотариал ҳаракатни расмийлаштиришга қабул қилиб, вақтни белгилайди ва  тарафларнинг мобил телефонига СМС хабарнома юборилади;

➡️ белгиланган вақтда нотариус тарафлар иштирокида видеоконференцалоқа орқали нотариал ҳаракатни расмийлаштиради.

Битимнинг асл нусхалари эса тарафларга курьерлик (почта) хизмати орқали юборилади.

☝️Ажойиб. Тизим қандай ишлашини бир синаб кўриш керак экан!

👉 @r_kusherbayev

Судъяликдан партия раислигига

Олий суд раисининг биринчи ўринбосари Робахон Маҳмудова лавозимидан озод этилди.

Газета.uz’нинг ёзишича, Робахон Маҳмудова “Адолат” СДП раиси этиб сайланиши мумкин.

Бунинг учун партиянинг ваколатли органи томонидан партия фаоллари уни раис сифатида сайлашлари керак бўлади.

❗️Р. Маҳмудованинг ушбу партиядан президентликка номзод этиб кўрсатилгани ҳам қонунийлик нуқтаи назаридан сўроқ остига олинганди. Энди ҳаммаси "текис" кетса керак.

👉 @r_kusherbayev

❗️2024 йил 1 мартдан бошлаб қишлоқ хўжалигига мўлжалланган ер участкаларини ижарага беришда очиқ электрон танлов ўрнига электрон онлайн аукцион савдолари жорий этилади.

Президент Фармони

Чирчиқ, Сангзор, Зарафшон, Норин, Қашқадарё ва Сурхондарё дарёлари ўзанларида норуда(қум шағал) материалларини қазиб олишга муддатсиз мораторий жорий қилишга доир Президент Фармони.

Энди дарё ўзанлари, соҳил бўйи минтақалари ва сувни мухофаза қилиш ўзанларида жойлашган норуда (қум, шағал) материалларни қайта ишловчи корхоналар белгиланган тоғ ва тоғ олди ҳудудларига ёки ушбу ҳудуд яқинида жойлашган саноат зоналарига кўчирилади.

👉 @r_kusherbayev

Дарёлардан қум шағал қазиб олишни чеклаш бўйича ушбу Фармон ниҳоят бетартиб қазиб олишлар сабабли табиий қиёфасини йўқотиб бораётган Чирчиқ, Сангзор, Зарафшон каби дарёларни реабилитация қилишга, дарё сифатида атрофидаги флора ва фаунани ҳам сақлаб қолишга ёрдам беради.

Кеч бўлса-да бу борада муҳим қадам қўйилди. Мораторий жорий қилинган дарё ўзанлари бир йил давомида Экология вазири ташаббуси билан ҳар томонлама, шу жумладан вертолёт орқали кузатиш билан ҳам ўрганилиб, унинг ҳақиқий аҳволига баҳо берилди.

Махсус гуруҳ томонидан тоғ ва тоғ олди ҳудудларидан норуда материаллари қазиб олиш ва қайта ишловчи тадбиркорлар учун 109 та участкалар тайёрланди. Ушбу участкалар электрон аукцион савдолари орқали тадбиркорларга берилади.

☝️Аммо битта ҳужжат қабул қилиш билан иш битмайди. "Шағал мафияси"нинг қандай катта кучлар ҳимоясида эканлигини кўриб, ундан жабр тортган инсон сифатида айтишим мумкинки, бу ишда экологларни кенг жамоатчилик ҳам қўлиб қувватлаши керак.

Акс ҳолда кўп меҳнат ва ўрганишлар орқали қабул қилинган бу Фармон талабларини турли бахоналарни важ қилиб бажармасликка, босим қилишга уринишлар бўлиши мумкин. Бу эса дарёларни сақлаб қолиш учун бор кучини сарфлаётган ҳозирги вазирлик жамоасини ҳам, бонг ураётган жамоатчиликни ҳам натижасиз қолишга олиб келади.

Умид қиламизки, бу борада барчамизнинг мақсадимиз бир➖она табиатимизни сақлаб қолиш.

👉 @r_kusherbayev

Уникал ҳолат: "Адолат" СДПга янги раис сайланди

"Адолат" социал демократик партияси Сиёсий Кенгашининг Пленуми бўлиб ўтди.

Пленумда ташкилий масала кўрилиб, партия раиси Баҳром Абдуҳалимов ўз аризасига кўра, лавозимидан озод этилган ва Махмудова Робахон Анваровна Сиёсий Кенгаш аъзолари томонидан очиқ овоз бериш йўли билан раисликка сайланган.

Р. Махмудова яқин вақтга қадар судъя сифатида Олий суд раисининг биринчи ўринбосари бўлиб ишлаган.

☝️Қонунга мувофиқ, судъяга сиёсий партияларга аъзо бўлиш, партия тадбирларида иштирок этиш, сиёсий фаолият билан шуғулланиш таъқиқланган бўлишига қарамай Р. Махмудова ўтган даврда "Адолат" социал-демократик партияси аъзолари ҳамда хайриҳохлари ичида ишонч қозона олишга эришгани ва судъяликдан сўнг тезда партия раислигига сайланиши партиялар тарихидаги уникал ҳолат бўлиб қолса керак.

👉 @r_kusherbayev

Мигрантларни таҳқирлаш давом этмоқда

Видеода Россиянинг Екатеринбург прокуратураси, ФСБ ва Ички ишлар вазирлиги ходимлари қурилиш майдончасида рейд ўтказгани тасвирланган.

Текширилган 150 нафар муҳожирдан саккиз нафари иммиграция қонунчилигини бузгани учун депортация қилиниб, тўрт нафарига ҳарбий рўйхатга олиш ва ҳарбий хизматга чақирув қоғози берилган.

Шу билан бирга, рейд ташкилотчилари мигрант қурувчиларни саф тортиб ғоз бўлиб юришга мажбурлаган.

☝️Россия расмий идоралари вакилларининг Ўрта Осиёлик мигрантларга нисбатан таҳқирловчи муносабати Кремлнинг шовинистик рухдаги сиёсатига мос кучайиб бормоқда.

Ўз ўрнида Ўрта Осиёдаги бирорта мамлакат Россия фуқароларига нисбатан бундай таҳқирловчи муносабат қилмаган ва қилмаяпти.

👉 @r_kusherbayev