Operative

هل في الـ selective etch بنعمل etching للـ dentin عشان نخاف من الـ overdryness؟
لأ! ده غير أساسًا إن الـ self-etch bond بيكون الـ solvent بتاعه water-based، يعني حتى لو عملت overdryness، هو هيعمل rewetting عشان كده التكنيك ده more friendly ومفيش فيه collapse للـ collagen mesh ووجع دماغ ده.

إنما في تكنيك الـ total etch بخاف من الـ overdryness، بنشف الكافيتي من بعيد، وأشفط المية بـ high suction، وأسِيب الـ cavity في الآخر slightly wet، لأنني مش هقدر أنشف الـ enamel وأسيب الـ dentin wet. فبسيب كله wet غصب عني وخلاص. وكمان الـ solvent بتاع البوند في حالة الـ total etch بيكون ethanol-based، يعني هيذهب لشوية المية التبقية ويسحبهم ويطيرهم ويخلي الدنيا أكتر جفافًا، عشان كده بنخلي الـ tooth تبقى slightly wet في الـ total etch technique.

تعالوا نختصر الدنيا في الـ selective etch technique:

هنحط الـ etch بتاعي 15 ثانية على الـ enamel بس، هنغسل 15 ثانية زيهم بمية وهو، وننشف. وزود في الـ dryness عادي، يا بشمهندس طارق، ميهمكش!

🍄 2.الـ Bond
مهم أوي تعمل كل حاجة هنقولها في الخطوة دي.
هتحط نقطة على الكافيتي وتقعد تعملها rubbing وتدخلها في كل الـ corners سواء بـ bond brush مقاس أصغر أو probe. أهم حاجة تقعد تعمله rubbing وactivation كده وتسيبه في الكافيتي لمدة 15 ثانية.

أيوة، 15 ثانية 😊
وبعد كده تشيل الزيادة.
مش بالهوا! لأ.
الهوا هيخليه يعمل pooling في الـ corners. هتشيله بـ bond brushes تانية نضيفة أو بـ سفنجة اللي بتيجي مع مقاسات الـ gutta percha الصغيرة، هتقصقصها وتحتفظ بيها في المواقف اللي زي دي.
وبعد كده تشيل بالهوا.

أنا بشيل بالهوا بالراحة 😴 لغاية ما البوند يبطل يتحرك قدامي، وما يكونش في غير طبقة واحدة رفيعة ولامعة 💫.

تمام، نعمل curing بقى 🤔
لا!
حط كمان نقطة من البوند.

طب ليه التبذير ده؟ 😏
عشان وإنت بتعمل air drying ممكن تكون زودتها حبتين، أو ممكن النقطة الأولانية ما وصلتش لكل الأماكن.

لأي سبب، كل الـ papers حاليًا بتنصح إن أقل حاجة تحطها طبقتين. عايز تزود؟ زود، لكن متحطش طبقة واحدة دي خالص.

الطبقة التانية دي برضو هتعملها activation وتسيبها 15 ثانية، وتشيل الزيادة بـ سفنجة أو بـ bond brush وتعمل air drying بالراحة لغاية ما أوصل إن السطح يكون لامع ومفرود على كل الأجزاء بالتساوي. مفيش حاجة سميكة لسة بتتحرك.
نعمل بقى light curing .. ماشي، نعمل!

بردو اتوصي بطبقة الـ bond في الـ light curing.
طب في ناس تقولك لا، التزم بتعليمات الشركة المصنعة وبلاش overcuring.

الفكرة هنا إن الشركة المصنعة بتنزل تعليماتها بناءً على zero distance، يعني الـ light cure tip لازقة في السطح اللي بعمله curing. وده مبيحصلش في بؤ البيشنت. كده كده هيكون في مسافة وـ various depth في الـ cavity.

من الآخر، تعليمات الشركة المصنعة هتكون في حدود غالبًا 20 ثانية بس، مثلاً المفروض أي cavity أكبر من 2 ل 3 ملي، بتزود الـ light curing، وبيقولك كمان في الـ deep proximal box، زود الـ light curing لـ 60 ثانية.

مفيش مشكلة من التزويد ده، حلو جدًا كمان.
بس المشكلة بتيجي في الـ heat generation الناتج عن الـ overcuring.

عشان كده بيقولك بعد كل cycle افصل شوية أو هوي على السنة بالـ tip syringe.
الحمد لله، كده خلصنا الـ bonding 🎉

عايزة أقول بس حاجة بسيطة عن الكومبوزت.
هنقول بس حاجتين:

• طبعًا عارفين إن الـ layer بتاعتي متزدش عن 2 مم.

• ثانيًا، النقطة دي مهمة جدًا:
بلاش نملي الـ cavity بالعرض بحيث الـ layer اللي هحطها تكون ماسكة في كل الـ walls. لأ، نحط الكومبوزت بتاعتنا oblique بحيث ميبقاش ماسك في كل الـ walls. ده عشان نقلل الـ effect بتاع الـ polymerization shrinkage.

نختم بالمعلومة دي.
وكده معانا خلفية قوية وـ base حلوة أوي عن الكومبوزت.

140 views19:38