Հավելվածը հայտարարել է, որ թեստավորման շրջանակներում թույլատրելու է որոշ յուզերներին ավելացնել էլեկտրոնային առևտրի լինքերը իրենց ըքաունթում, ինչպես նաև տեսանյութի մեջ: Այս նոր փորձարկումը հնարավորություն է ընձեռում ինֆլուենսերներին իրենց հետևորդներին ուղղորդել գնումների կայք: Այդպիսով, TikTok-ը դառնում է ավելի կոմերցիոն ու հետաքրքիր՝ տարբեր բրենդների համար:

Թվիթեր-ի գործադիր տնօրենը հրապարակել է պաշտոնական հայտարարություն՝ նշելով, որ Թվիթերը արգելելու է քաղաքական բնույթի բոլոր գովազդային նյութերը: Դրանց թվում են բոլոր այն նյութերը, որոնք կապ կունենան քաղաքական կուսակցության, պաշտոնյաների ու դատական գործեր պաշտպանող կամ մեղադրող կողմերի հետ: Հարկ է նշել, որ այս օրենքը գործելու է բոլոր երկրների համար Նոյեմբերի 22-ից: 😊

Սնապչատը հայտարարել է, որ իր հավելվածում գովազդները կարող են լինել արդեն 3 րոպե 🙈Սակայն 6 վայրկյան դիտելուց հետո դուք առաջվա պես կարող եք գովազդը skip անել ✅ Այս ֆունկցիան ավելացնելով հավելվածը գովազդատուների ուշադրությունն իր վրա է հրավիրում՝ միաժամանակ չստիպելով յուզերներին դիտել դրանք:

Փինթրեստը ավելի է ընդլայնել իր հոգեբանական օգնություն ցուցաբերող նյութերի շարքը, որոնք առաջին անգամ գործածվել են Հուլիսին: Այս նյութերը հատուկ ստեղծվել են այն յուզերների համար, ովքեր որոնում են հոգեբանական խնդիրներին վերաբերող տերմիններ, օրինակ` դեպրեսիա, ինքնավնասում, ինքնասպանություն և այլն: Ստեղծելով օգնության այսպիսի միջոցներ, պլատֆորմը ցանկանում է օգնել իր յուզերներին ցանկացած հոգեբանական իրավիճակում և տալ նրանց ավելին քան ուղղակի դրական խոսքեր և գեղեցիկ նկարներ ❤

🆕️ Ֆեյսբուքը շարունակում է մեմերի մշակույթը և թողարկում է նոր մեմ պատրաստող Whale կոչվող հավելված, որը թիրախավորված է ավելի երիտասարդ յուզերների համար: Whale-ը այս պահին դեռ փորձարկման շրջանում է և միայն հասանելի է Կանադական App Store-ում: Հավելվածը նաև թույլ է տալիս ավելացնել տեքստեր, էմոջիներ և այլ վիզուալ պատկերներ: Պաշտոնապես նշվել է, որ ծրագիրը մշակված է Ֆեյսբուքի նոր NPE ընկերության թիմի կողմից, որը ստեղծվել է մի քանի ամիս առաջ հատուկ նոր հավելվածներ և ծրագրեր ստեղծելու համար:

Ինստագրամը պատրաստվում է փոփոխություններ կատարել IGTV նյուզֆիդի և որոնման դաշտում՝ դարձնելով այն ավելի հետաքրքիր յուզերների համար: Ենթադրվում է, որ IGTV-ն շուտով ունենալու է նոր` ուղղահայաց թերթելու հնարավորություն: Այս նոր դասավորությունը շատ նման է լինելու TikTok-ի այժմյան վիդեո ֆորմատին: Բացի այդ, լուրեր են տարածվում, որ որոնման դաշտը շուտով դասակարգվելու է ըստ տարբեր բաժինների, օրինակ, «ոճ», «հումոր» և այլն:

Ֆեսյբուքը հաստատել է «Թրենդային/հայտնի/սիրված նկարներ» կոչվող նոր բաժնի մշակման լուրերը: Այս նոր ֆիչըրը շատ նման է լինելու Ինստագրամի նյուզֆիդի առանձնահատկությանը, որտեղ յուզերներին առաջարկում են տեսնել հարթակի թրենդային նկարները: Այսպիսով, ֆեյսբուքյան յուզերները կարող են անվերջ թերթել նյուզֆիդը և տեսնել Ֆեսյբուքի կողմից առաջարկվող լուսանկարներ:

Dark mode-ի սիրահարներ կա՞ն։ Լավ լուր ունենք։ WhatApp-ը մի քանի նոր փոփոխություններ է ավելացնելու իր ապագա ափդեյթների մեջ: Ըստ Android Police-ի գրառման, հավելվածի նոր ափդեյթում հայտվելու է երկար սպասված մութ ռեժիմի ֆիչըրը, որն ունենալու է մուգ կապույտ և մոխրագույն երանգավորում։ Բացի դրանից, ենթադրություններ կան, որ հավելվածը աշխատում է նաև անվտանգության վրա, որը թույլ կտա ստանալ հատուկ կոդ և մուտք գործել ձեր հաշիվ մի քանի սարքերից: Նախկինում, եթե ինչ-որ մեկը փորձեր մուտք գործել ձեր հաշիվ այլ հեռախոսից, դուք միանգամից չէիք իմանա այդ մասին։ Իսկ այժմ WhatsApp- ը ձեզ մուտք գործելու ծանուցումներ կուղարկի ✅

Մի քանի ամիս շարունակ փորձարկումներ կատարելուց հետո Թվիթերը այժմ հայտարարել է հարթակի նոր հնարավորթության մասին, որը թույլ կտա յուզերներին ցանկության դեպքում գրառումների պատասխանները թաքցնել: Ինչպես ցույց է տրված GIF-ում, այժմ յուզերները հնարավորություն կունենան հեռացնել թվիթերի ցանկացած պատասխան և ավելի լավ վերահսկել իրենց ըքաունթը 😎

Իսկ դուք նկատե՞լ եք, որ ինստագրամում հայտնվել է երաժշտություն ավելացնելու ֆիչըր։ Instagram Music-ը այնքան էլ նոր չէ։ Այն արդեն մեկ տարի գործում է տարբեր երկրներում և միայն վերջերս է հայտվել Հայաստանում: Այս նոր ֆիչըրը հնարավորություն է տալիս յուզերներին երաժշտություն ավելացնել իրենց սթորիներում և ավելի հեշտ արտահայտել այդ պահի հուզումներն ու իրադարձությունները: Այս ֆիչըրը կարող եք գտնել Ինստագրամի սթորիների բաժնում։ Սեղմելով բաժնի վրա կարող եք ընտրել ինչ֊որ երգ ըստ տրամադրության և ավելացնել այն ձեր սթորիում:

Ֆեյսբուքը ստեղծում է Ինստագրամի «Մոտիկ ընկերներ» ֆիչըրի իր տարբերակը, որը թույլ կտա յուզերներին տեղադրել սթորիներ ընտրված ընկերների համար: «Favorites» ֆիչըրը շատ օգտակար է լինելու հատկապես այն յուզերների համար, ովքեր շատ հաճախ խուսափում են իրենց սթորիները կիսել Ֆեյսբուքում, քանի որ ունեն հարյուրավոր ընկերներ։

Դե ինչ, մինչ Ֆեյսբուքը կթողարկի այս նոր ֆիչըրը, դուք կարող եք արդեն կազմել ձեր մոտիկ ընկերների ցուցակը ❤

Եթե դուք ակտիվորեն օգտվում եք Gmail-ի Smart Compose ֆիչըրից, ապա շտապենք տեղեկացնել, որ շատ շուտով Gmail-ի այս հարմար առանձնահատկությունը հայտվելու է նաև G Suite's-ի Docs-ում։ Այս Smart Compose ֆիչըրը հեշտացնում և արագացնում է մեյլ գրելու պրոցեսը մի քանի անգամ։ Այն հիմնված է արհեստական բանականության (AI) մեխանիզմի վրա, որը մեյլ գրելու ընթացքում առաջարկում է օգտագործել բառեր և բառակապակցություններ, որոնք հնարավոր է շարունակեն ձեր կազմած միտքը։ Այս ֆիչըրը իրականում շատ օգտակար է և ժամանակի հետ գնալով միայն ավելի է լավանում։ Այդ իսկ պատճառով շատ կհեշտացնի Docsի ակտիվ յուզերիների աշխատանքը։

Ուրախալի լուր սlSnapChat սիրողների համար: Ձեր Բիթմոջիները արդեն կարող են հագնվել այնպես ինչպես դուք 😎 Այս շաբաթ Սնափչատում ավելացել է նոր Mix and Match կոչվող ֆիչըրը, որը թույլ է տալիս յուզերներին իրենց ավատարի համար ընտրել առօրյա հագուստ հարյուրավոր տարբերակներից: Սա դարձնում է Բիթմոջիներին ավելի իրական և յուրահատուկ, իսկ սնափչատին` ավելի հետաքրքիր ✅

Ֆեյսբուքը ստեղծել է շուկայի հետազոտության ևս մեկ հավելված՝ Ֆեյսբուք Viewpoints։ Այն վճարում է յուզերներին տարատեսակ հարցումների և առաջադրանքների մասնակցելու համար: Միանալով Viewpoints-ին, յուզերները լրացնում են անձնական ինֆորմացիա և ամեն կատարած առաջադրանքի համար հավաքում միավորներ և դրանց կուտակումից ստանում են գումարային պարգևատրում իրենց PayPal հաշիվներին: Հավելվածը հասանելի է դեռ միայն ԱՄՆ-ում` 18-ից բարձր տարիքային խմբի համար։ Սակայն ծրագրեր կան ապագայում հասանելի դարձնելու այլ երկրների համար:

Փինթերեստը թողարկում է նոր (Pinterest Shop) Փինթերեստ Շոփ կոմերցիոն հարթակը, որը ստեղծվել է ի աջակցություն Ամերիկայում հայտնի ամենամյա Փոքր Բիզնեսներին նվիրված շաբաթ օրվան, որը տեղի է ունենալու այս շաբաթ օրը։ Pinterest Shop-ի համար ընտրվելու են 17 պլատֆորմի հաջողակ փոքր բիզնեսներ, որոնք կկարողանան ցուցադրել իրենց ապրանքները հարթակում, իսկ յուզերները կկարողանան կատարել գնումներ անմիջապես այնտեղից։

Սոց․ կայքերի անվտանգություն հետազոտողները հայտնաբերել են, որ այս շաբաթ Ֆեյսբուքի և Թվիթերի հարյուրավոր յուզերների անձնական ինֆորմացիաները, այդ թվում նրանց ամբողջական անունները և էլ․հասցեները, հայտնվել են անհայտ ծրագրավորողների մոտ` մի քանի վտանգավոր հավելվածի միջոցով։ Հետազոտողներն արդեն տեղեկացրել են այդ միջադեպի մասին Ֆեսյբուքին և Թվիթերին։ Վերջիններս իրենց հերթին հաղորդել են Google-ին և Apple-ին, որպեսզի նրանք համապատասխան քայլեր ձեռնարկեն նմանատիպ խնդիրների կանխարգելան համար։

Երբևէ մտածե՞լ եք, թե ինչի վրա հիմնվելով է աշխատում Instagram Explore-ը։ Այն աշխատում է արհեստական բանականության միջոցով, որը հիմնվում է յուզերների այցելած ըքաունթների վրա: Եթե դուք երկար ժամանակ եք անցկացնում որևէ ըքաունթում, միարժամանակ հավանելով մի քանի նկար, հավանական է, որ ապագայում ձեր Explore-ում տեսնեք նմանատիպ նյութեր: Մեկ այլ ազդեցիկ գործոն է, նկարի թրենդային լինելը, դրա ներգրավվածությունը, ինչպես նաև, թե քանի անգամ են այլ յուզերներ նկարը save արել: Այս և այլ տեխնիկական գործոններով է առաջնորդվում Ինստագրամ Explore-ը:

Ֆեսյբուքի մութ/ գիշերային ռեժիմը նկատվել է որոշ Android սարքերում: Մութ ռեժիմը կարծես թե այս տարվա թրենդն է դարձել և, իհարկե, հետ չմնալով մնացած հարթակներից, Ֆեյսբուքն արդեն սկսել է իր գիշերային ռեժիմի մշակումը 🌚Մի քանի օր առաջ համացանցում հայտվել են մի քանի Android յուզերների սքրինշոթեր, որոնք ցույց են տալիս, թե ինչ տեսք է ունենալու Ֆեյսբուքի մոբայլ տարբերակի մութ ռեժիմը: Ինչպես երևում է սքրինշոթում, այն հիմնականում լինելու է մուգ մոխրագույն՝ սպիտակ պատկերակների (icons) համադրությամբ 🖇 Իրենց գրառման մեջ յուզերները նշել են, որ այս ֆիչըրը եղել է ընդհամենը ծրագրային անսարքություն կամ ուղակի թեստավորում, քանի որ այն հայտնվել է ընդհամենը մի քանի վարկյանով և հետո անհետացել: Անսարքություն կամ թեստավորում, ամեն դեպքում, այն մեզ մոտավոր պատկերացում է տալիս, թե ինչպես է լինելու վերջնական պրոդուկտը 📱

Այս տարվա սև ուրբաթի օնլայն գնումների գումարը կազմել է 7.4 միլիարդ ԱՄՆ դոլար: Adobe Analytics-ը կանխատեսել է, որ այս գումարը դառնալու է 9.4 բիլիոն կիբեր երկուշաբթից հետոգերազանցելով բոլոր օնլայն գնումների ռեկորդները: Ըստ Adobe Analytics-ի, սպառողների պատվերի միջին գումարը եղել է 168 դոլար, որը նախորդ տարվա համեմատ աճել է մոտ 6% -ով սահմանելով նոր ռեկորդ 🆕️
Ընկերությունը պարզել է, որ այս տարվա Սև ուրբաթի պատվերների 60 տոկոսը կատարվել է բջջային հեռախոսներով, որը ևս մեկ անգամ ապացուցում է, որ բրենդները գնալով ավելի են ադապտացնում իրենց մարքեթինգային ռազմավարությունները ըստ սպառողների առցանց գնումներ կատարելու նախընտրությամբ 💻