#آذربایجان_تاپماجالاری3 ( چیستان ترکی )

🔸تانری دا قوخماز ، اوچماقدان دویماز
( اوشاق )

🔸تانری دان آشاغی ، کیشی دن اوجا
( بورک ، پاپاق )

🔸تاخجادان توشدو ، تاپ ایله دی ،
چیچک اونو هاپ ایله دی
( سیچان ، پیشیک )

🔸تاختا دمیر ، گاه اییلیر ، گاه دوزه لیر
(پیچاق )

🔸تولوق ایچینده آیران
( گوز )

🔸توت آغاجی اوزو پرده ، بارماق گزر پرده پرده ، گاه درینده گاه زیلینده ، آغلار آه آه دیلینده
( تار )

🔸اوجا داغدان آلچاق داما اون النر
( قارین یاغماسی)

🔸آلچاق دام دان قار یاغیر
( الک و اون اله مک )

🔸ایکی گوزو وار ، ایکی دیشی ، دائم یئمک دیر ایشی
( قیچی )

✍ معصومه یکانی 🌹🌹

#آذربایجان_تاپماجالاری
#فولکلور_آذربایجان


@dedekatib

سلام دوستلار

گونلرییز گؤزل 🌺🍃

شنلیک لر له دولو 🌺🍃

سئوگیلی ، سئوینج لی ، دادلی اولسون 🌺🍃


@dedekatib

بویوک عارف دده کاتیبدن بیر قوشما :

.... تاماشا .....
☘

بئش گون یاز باهارا آلدانان اینسان
یازین گتسه قیشیندادیر تاماشا
مغرور اولوب قورولوقدا آت قووان
باتلاقلارا دوشنده دیر تاماشا
☘

زامان دؤنر هر واخت بوگون اولانماز
قوجالیقا لقمان چاره بولانماز
سیندین کئچر قان داماردا دولانماز
آیاقلارین شیشنده دیر تاماشا
☘

گوونمه گوجونه بوکولر بئلین
توکنر آیلارین قورتولار ایلین
تؤکولر دیشلرین دوز دئمز دیلین
پلتک ووروب چاشاندادیر تاماشا
☘

دده کاتیب گولوستانین سولاندا
حق صاحیبی امانتی آلاندا
جانسیز جسد تورپاق آلتدا قالاندا
یئر قوردلاری دئشنده دیر تاماشا
🍀
#دده_کاتب

@dedekatib

📖قیسا حیکایه


بیر گون کندین آداملاری ییغیشیب موللانصرالدینه دئدیلر:
-آی موللا گل بیزیم اوچون دانیش.
موللا دئدی:
-آداما بئش قیران آلیب، سیزه دانیشارام.
کندین جماعاتی ماراقلانیب، بیر-بیرینه دئدیلر:
-گؤره‌سن، موللا نه دئیه جک کی هره‌دن بئش قیران ایسته‌دی؟! یقین، دیرلی بیر سؤز دئیه‌جک.
بئله دوشونوب، نفره بئش قیران موللایا وئردیلر.
قرار گونو چاتدی. موللا پوللاری جیبینده جینگیلدده-جینگیلدده کندین کوچه‌لریندن کئچیب، مسجیده چاتدی. جاماعات دا آرخاسی‌جا زیم به زیم مسجیده دولدولار.
موللا مینبره چیخیب، جاماعاتا گؤزلجه دانیشدی. هامی دا سس‌سیز-سمیرسیز اوتوروب، دینله‌دیلر. آخیردا موللا جیبیندن پوللاری چیخاردیب، جاماعاتا ساری اوزالتدی کی:
-گلین بالا، گلین پوللاریزی آلین.
کندین آداملاری چاشیب، موللادان سوروشدولار:
- آی موللا سنین مورادین بو ایشدن نه‌دیر قارداش؟ پوللاریمیزی نه‌دن قایتاریرسان به؟!
موللا جاواب وئردی:
- منیم سیزین پولوزا احتیاجیم یوخدو، آی جاماعات! بو پولو آلماغیمین ایکی عیلّتی وار ایدی. بیرینجی‌سی، سیز پول وئردیگینیزه گؤره منیم سؤزلریمی یاخشی دینله‌دیز، ایکینجی‌سی منیم جیبیم پوللا دولونجا یاخشی دانیشدیم.
قدیمدن دئییبلر، موفته سؤزه قولاق آسان اولماز.


#موللا نصرالدینین دوزلو-مزه‌لی گولمه‌جه‌‌لری :) 🌷
حاضیرلایان : وطن‌دیلی قوروپو

بیزی پایلاشین📲👇👇👇
Instagram.com/dastanca2
@dastanca

#بایاتی
بایاتی ها از نظر قالب شعری ، از انواع دیگر ادبیات منظوم شفاهی متمایز می گردند. وزن بایاتی ها مانند انواع اصیل دیگر ادبیات منظوم شفاهی آذربایجان بر اساس وزن هجائی (سیلابیک) استوار است.
بایاتی از چهار مصرع ترکیب می شود که در آن ، مانند رباعی سه مصرع 1و2و4 هم قافیه و مصرع سوم آزاد است.
از نظر افاده معنی و منظور ، مصرع های اول و دوم درآمد دو مصرع سوم و چهارم محسوب میشود و منظور اصلی نیز عموما در دو مصرع آخر مطرح میگردد .
در اینجا چند نمونه بایاتی از کتاب " آذربایجان خلق ادبیاتیندان ، بایاتیلار" به کوشش محمدعلی فرزانه از نویسندگان بنام آذربایجان مطرح می نماییم.
🌼🌼🌼
عزیزیه م ، گول اللر
آغ بیلکلر ، گول اللر
دریاجا عقلین اولسا
یوخسول اولسان گولرلر
🌼🌼🌼
آپاردی چایلار منی
هفته لر ، آیلار منی
یوکوم قورقوشوم یوکو
یوردو بو تایلار منی
🌼🌼🌼
من عاشیغام هر آیلار
هر اولدوزلار ، هر آیلار
بوردا بیر گول بیتیبدی
سوسوزوندان هارایلار
🌼🌼🌼
من عاشیغام هر آیلار
هر اولدوزلار ، هر آیلار
باشیم جلاد الینده
دیلیم سنی هارایلار
🌼🌼🌼
قاشلارین قیبله گاهدی
قیبله دئسم گوناهدی
داغلارا دومان چوکسه
او دا من چکن آهدی
🌼🌼🌼
عاشق سوزون گیزله در
سوزون دوزون گیزله در
سن چمنه چیخاندا
لاله اوزون گیزله در
🌼🌼🌼
بایاتی باشا یئتدی
اوخودوم باشا یئتدی
گوزلرین آیدین اولسون
قارداش قارداشا یئتدی
🌼🌼🌼
#بایاتی
#محمدعلی_فرزانه
#فولکلور_آذربایجان

@dedekatib
1

سلاملار

گون آیدین

اوره ک لرینیز کدردن ایراق

حیاتینیز سئوینجله دولو

برکتلی ، گؤزل و شاد بیر

گونویوز اولسون

@dedekatib

بیزیم دگیل...
🍃🌼🍃
🍃
قادر آللاه بو نه شوردور زاماندا
باخچا بیزیمکی دیر گول بیزیم دگیل
سن بؤلن بؤلگولر قبول اولمادی
پتک بیزیمکی دیر گول بیزیم دگیل

باهار چاغی گؤی گئیینیر صحرالار
ذوقا گلیب دالغا وورار دریالار
یاغمور یاغار یاشیل لانار دریالار
یایلا بیزیمکی دیر ائل بیزیم دگیل

قوردا یول وئردیلر خائین چوبانلار
خارا یولداش اولدو ناشی باغبانلار
اود آلیب معدن لر آلیشدی کانلار
معدن بیزیمکی دیر لعل بیزیم دگیل

نه طوفان دیر نه غوغادیر نه دومان
آتش آلیب خرمنیمیز یان ها یان
دده کاتیب دیلین ساخلا ، دور ، دایان
اوره ک بیزیمکی دیر دیل بیزیم دگیل...
🍃
🍃🌼🍃
#دده_کاتب

@dedekatib

🍉 #چیللـه_گئجه_سی در اورمیه

(شب یلدا)

🍉 آخرین شب پاییز که طولانی ترین شب سال است ، در منطقه #آذربایجان به #چیلله_گئجه_سی معروف می باشد.

🍉 آداب و رسوم مخصوص این شب بر گرفته از فرهنگ غنی #آذربایجان است.
که این رسومات بهانه ای برای دور هم بودن و صله رحم است.

🍉 رسم بر این است که در این شب کوچکترهای فامیل در خانه ی بزرگ خاندان جمع می شوند و به جشن و شادی می پردازند.

🍉 در #اورمیه معمولا برای این شب #کوفته_شوربا آماده می کنند. و بعد از شام هم خوراکی های مخصوص خود را دارد که از آن جمله می توان به #باسلوق ، #حلوای_گردو ، #حلوای_هویج ، کشمش ، گردو ، بادام و #میلاق (تلفظ عامیانه: میلاخ)اشاره کرد که البته در این میان هندوانه در صدر خوراکی ها و میوه ها قرار دارد.

🍉 در زمانهای قدیم از چند ماه قبل هندوانه را تهیه می کردند و آن را در انباری یا یک جای خنک داخل کاه نگه می داشتند و در شب یلدا و یا در ترکی، چیللـه گئجه سی همه دور کرسی جمع می شدند و بزرگ خانواده هندوانه را بریده و بین همه ی میهمانها تقسیم می کرد.

🍉 یکی دیگر از رسمهای این شب خواندن اشعار شاعران نامی #آذربایجان و یا خواندن #بایاتی می باشد که هر یک از اعضای خانواده در دل نیت کرده و یک نفر #بایاتی می خواند. یا بزرگتر ها #تاپماجا می گویند و بچه ها برای پیدا کردن جوابها رقابت می کنند.

🍉 در #آذربایجان یکی دیگر از رسم هایی که هنوز پابرجاست بردن #چیللـه_پایی برای دختران نامزد فامیل می باشد. که همه فامیل و خانواده داماد برای عروس خود لباس و کادوهایی تهیه می کنند و خوراکی های مخصوص این شب را آماده کرده و آنها را داخل سینی های بزرگ چیده و هندوانه را هم با گل و روبان تزئین کرده و به خانه ی عروس می برند.

🍉 علت نامگذاری شب یلدا در آذربایجان به #چیللـه_گئجه_سی این است که در آذربایجان فصل زمستان را به سه قسمت تقسیم می کنند ، قسمت اول که بعد از تمام شدن پاییز شروع می شود چهل روز است و چله ی بزرگ #بویوک_چیلله نامیده میشود و قسمت دوم که بیست روز است چله ی کوچک #کیچیک_چیلله و سی روز آخر ماه عید نوروز #بایرام_آیی نامیده می شود.

✍ معصومه یکانی


#چیللـه_گئجه_سی
#چیللـه_پایی
#ایلین_لاپ_اوزون_گئجه_سی
#دبلریمیز

@dedekatib
https://telegram.me/dedekatib

....چیلله.....
🍉
گئچدی آیلار باهار دوندو قیش اولدو
 یاغدی قارلار توپراق دؤندو داش اولدو
گلدی گئنه  چیلله بیزه توش اولدو
اوزون گئجه کورسو قوران یاخچیدی
دؤره سینه ائلی ییغان یاخچیدی .
🍉

گتیرین مانقالی دولو کؤز اولسون .
قورولسون کورسولر ایشلر دوز اولسون
باجالاردان چیخان توسسو توز اولسون
ائودن چیخسا توستو دومان یاخچیدی
چیلله گونو  کورسو  یامان یاخچیدی

🍉
چاغیر گلسین بیزه ائلی اوبانی
جننته  بنزه دین  ائوی  ایوانی
آچین کورسو اوسته گوللو یورغانی
چیلله  پایین اول آلان  یاخچیدی
سؤز صؤحبته سونا قالان یاخچیدی
🍉

دوزولسون سوفرایا شیرین یئمیشلر
آلمالار هئیوالار  بیرده کیشمیشلر
قدیمدن کیشیلر  دوغرو دئمیشلر
محببتی سؤزه قاتان یاخچیدی
کوسنلری باریشدیران یاخچیدی

🍉
گوندوز بوزدا قاردا  قالان اوشاغی
بوزلو سویا دوشموش سئرچه سایاغی
قیزدیرار جانینی  کورسو آیاغی
قیشدا سویوق هاوا بوران یاخچیدی
کورسو اوسته یئییب یاتان یاخچیدی

🍉
گؤزل آنام ماغیل ماغیل بیزلره
گئچمیشلردن دئییب ناغیل بیزلره
ناغیللاردا وئریب عاغیل بیزلره
ناغیللاردان عیبرت آلان یاخچیدی
عیبرتلری یادا سالان یاخچیدی
🍉

کاتیب اوغلو دیلده سؤز اولمایینجا
آشیغین  الینده ساز اولمایینجا
چیلله بیتمز کورسو کؤز اولمایینجا
شاعیر دئسه قوشما دیوان یاخچیدی
آشیق چالسا قوپوز کامان یاخچیدی

🌺🌺🌺🌺🌺🌺
#کاتب_اوغلو
#کؤنولدن_دیله
#فارص_طیار_قولونجو
#اسماعیل_مددی_اولکر
#اورمیه_تورک #اورمیه_قلب_آذربایجان_است
#اورمیه_را_باید_دید
#اورمولو_شاعیرلر
#تورکجه_شعر #تورکجه_ماهنیلار
#چیلله_گئجه_سی

حاضیرلایان : حسن عباسی
@hasan_abasi1367

@kuluncu_cty
@anayurdumquluncu
@quluncu_sasi
@urmiakhabarlary_ir
@ismail.ulker.m
@fuadteyyar1
@karanlik84dunya
@javad_menafoglu
@kral.1369
https://www.instagram.com/tv/CI-Bw11pbNL/?igshid=1b2qjwcf8n6u3

گون آیدین آزربایجانیم

انشالله بو گون سیزه خئیرلی و برکت لی اولسون

گولوشلی و انرژلی ایشلریمیزی باشلییاق


@dedekatib

#کؤلگه_سیز
🍃🌺🍃
🍃

ده لی کؤنول نئچه جمله ائیله بیان کؤلگه سیز

یارادان امانت وئریب جسدده جان کؤلگه سیز

کایناتی او یارادمیش معنویدن-ماددیدن

ایشیغین وئرمیش جهانا شمس تابان کؤلگه سیز

عقل یئتمز حکمتینه سن بیر علم اللهه باخ

کؤلگه نوردان ایجاد اولار بوتون خلق اللهه باخ

منصور حلاج نه دئدی فناء فی اللهه باخ

نور حق ظاهر اولاندا اولار هریان کؤلگه سیز

ملائکه نوردان یارانیب جیسمه خلاف بیل یقین

عین عیان ، نطق بیان ، آب شفاف همچنین

مومن لرین کؤنلو آیدین آینه ی صاف همین

دریالاردا موج روان ، باد- طوفان کؤلگه سیز

#دده_کاتیب گز جهانی دققته آل هر یانی

ارض و سما ، کهکشانلار فکره سالیر انسانی

جبراییلا گه تدی رسولا حق یانیندان فرمانی

اوخونور اینسانلیق درسی حکم قرآن کؤلگه سیز
🍃
🍃🌺🍃
#دده_کاتب

@dedekatib

زهرا سیدی اورمولو(نازلو) گؤزل بالامیز چیلله شعرین اوخویور
چیلله گئجه نیز قوتلو و شانلیک له دولو اولسون
🍉🍉🍉
@dedekatib

#خایالیندا

آیلاردی کی من قالمیشام حیران خیالیندا
مندن کسیر الفت بو یتیم جان خایالیندا

باخجاق سنی گوررم کوچه ده ائوده ائشیکده
پایلار منه سنسیز سنی هر یان خایالیندا

بوی آتمادی سندن قیراغا منده دوشونجه
سانکی ابدی باتمشام عوممان خایالیندا

سن سئومه‌یه سن ده خایالین وورغونوم اولموش
بیر جان شهید اولموش سنه هر آن خایالیندا

چئورمده ییغیب هر نقدر نازلی مارال وار
کسدیم دونن آخشام سنه قوربان خایالیندا

اینصاف ائله سن‌ده بو یازیق "ثاقب"ی یوخلا
سورگوندور آخی آی دلی جیران خایالیندا

#ثاقب

🌺 @dedekatib 🌺

چیلله گئجه سی
شعر و دیکلمه:حسن رحمانی

@dedekatib

#بیر_چیلله_اکه‌سن

بیر آشیق اَکه‌سن، بیر ساز گؤیَره
بیر شاعیر اَکه‌سن، بیر نانا حسرت

بیر پاییز اکه‌سن، بیر یاز گؤیَره
من بونا حسرتم، آی آناحسرت

بیر #چیلله اکه‌سن، بایرام اولمامیش
گؤیَره ، ره_به_ره بایراملیق‌لاری
آلنی ترله‌مه‌میش گؤزو دولمامیش
آتالار دره‌لر اوشاق پالتاری

محبت اکه‌سن، موراد دره‌سن
بونه، هاوا دئییل، نه هوس دئییل
چوخ نیفرت اکمیشیک، گولوم گؤره‌سن
توفنگ دردی‌ییمیز داها بس دئییل!؟

حسرت سینه‌میزه مین بیرداغ چکیب
مله، آ جئیرانیم آ قوزوم مله
هاچانسا بیر نامرد بیر اووچو اکیب
قفس قوشدان دولو گؤیریر هله

#نادر_الهی

🌺 @dedekatib 🌺

گون آیدین دوستلار
دده کاتیب کانالیندا بیزیمله یولبیر اولدوغونوزا سیزه میننتدارلیغیمیزی بیلدیریریک . تمنامیز وار کی باشقا دوستلاری و ادبیات سئورلری کانالا دعوت بویورون


@dedekatib

ارتباط با ادمین

@masuma00

https://telegram.me/dedekatib

.....اولار....
🌿

دلی کؤنلوم فلک چرخی دولانیر .
حسرت گونوم آرتیر سال-با-سال اولور.
بیر زامان آییلیر باشیم دوماندان .
بیر زامان باشیمدا قال-ما-قال اولور.
🌿

بیر زامان وار الیم دولو کئفیم ساز.
بیر گون چوخ تاپیرام بیر زامان دا آز.
بیر گونوم قیش اولار بیر گونوم ده یاز .
دییشیر احوالیم حال-با-حال اولور .
🌿

بیر زامان عابیدم خالیقه بنده .
بیر زامان جاییرام یولو گئدنده
هردن کی یادیما اؤلوم دوشنده.
قووزانیر قیامت چال-ها-چال اولور .
🌿

کاتیب اوغلو گئدیر کاروان دایانماز
عارف اینسان دونیا نارینا یانماز .
قوجالیق چاغیندان کیمسه قاچانماز.
یاز ایله زمستان دال-با-دال اولور .
🌿
#کاتب_اوغلو
#کؤنولدن_دیله

@dedekatib