تبریز

گونشین قوزئی پنجره سی دیر تبریز
اوردا هر لالادان بیر ایز
باخما دستمالچیلار بازاریندا امیر یاندی
اوندادا هر توت آغاجی
بیر شهید سازین آناسی‌یدی

هله ده قولاغی سسده دی تبریزلرین
چینقیللی داشلی بولاقدان سوزولن
کؤپوک قیزلار
چیینلرینده تاباق تاباق نرگیز
حلمه سازاندان ماهنی داشییاجاقلار
هؤروکلو ،هؤروکلو ...
اوخویاجاقلار کؤلگه سیز گونش هاواسی :
.....بالا زری خانیم
.....بالا بالا زری خانیم ...

داشیندان یانان اوجاق سؤنمز کی
اورمولار قوناق گله جک
تبریزین پییان یادداشینا
واریق دئیه جکلر بیز
آهاااااااااای
چاخیر خویلوم !
کؤمور گئنه‌تیکلی* بال تبریز.



#ویدا_حشمتی
*ژئنئتیک لی



Təbriz

Günəşin qüzey pəncərəsi dir tabriz
Orda hər laladan bir iz
Baxma dəsmalçılar bazarında əmir yandı
Ondada hər tut ağacı
Bir şəhid sazın anasıydı

Hələ də qulağı səsdədi təbrizlərin
Çınqıllı daşlı bulaqdan süzülən
Köpük qızlar
Çiyinlərində tabaq-tabaq nərgiz
Həlmə sazandan mahnı daşıyacaqlar ,
Hörüklü-hörüklü...
Oxuyacaqlar kölgəsiz günəş havası:
....... Bala zəri xanım
........ Bala-bala zəri xanım...

Daşından yanan ocaq sönməz ki
Urmular qonaq gələcək
Təbrizin pıyan yaddaşına
Varıq deyəcəklər biz
Ahaaaaaaaay
Çaxır xuylym!
Kömür genətikli bal təbrizim .


Vida heşməti

@dedekatib

#بایاتی
کاتب اوغلوندان هر گون بیر بایاتی
من عاشیغام گوز ائلر ...

@dedekatib

🌷 نئیلیرم 🌷

دئدیم اوغول یارالاما کؤنلومو
یارالادین یاغلاماغی نئیلیرم؟
ایندی حؤرمت ائیله ، اؤلندن سونرا
قیرخ گون ساققال ساخلاماغی نئیلیرم ؟

🌷🌷

اوغول اولدون بیر اوزومه گولمه دین
خسته دوشدوم باشیم اوسته گولمه دین
ساغلیغیمدا بیر قدریمی بیلمه دین
قبریم اوسته آغلاماغی نئیلیرم ؟

🌷🌷

دورمادیم چالیشدیم صوبحدن آخشاما
سن تازا دون گئیدین من ییرتیق یاما
من اؤلدوم بورویون بئش آرشین خاما
اوچ آی قارا باغلاماغی نئیلیرم ؟

🌷🌷

دده کاتیب اؤزون یورما هاوادیر
عملین جزاسین چکمه ک روادیر
گؤزل سؤزدور داغ سونونجو دوادیر
داغ اوستوندن داغلاماغی نئیلیرم ؟

🌷🌷
#دده_کاتب

@dedekatib

یازیق گؤزوم! نه باخارسان یولا؟! او یار گلمز.
سنی بولودلار ایچینده یاغار قویار گلمز

بو یولدا گؤر نه قده ر گول- چیچک لئشی قالانیب!!
گلن,سولوق چیچه یین عطرینی دویار گلمز.

اورک قوشون اوچورا بیلمرم دنیز ساری دان,
اوزن بالیقلارا,آزادلیغا, اویار گلمز.

یاریم یوزایل آرامیزدان آخان سو سئللشمیش!
اوجالمیش آیریلیق ایمدی دووار-دووار. گلمز.

اؤلنمدیم گئجه نین جایناغیندا, دان چیخدی!
منه, ایشیق گؤزو جان وئرمه یی قییار گلمز.

اتک-اتک یئنه یازلیق چیچک چیخار یولونا
سازاق گلر. ساری نرگیز گؤزون اویار. گلمز.

" دؤزوم!" دئیه, بولاغین بؤیرونه چینار تیکدیم.
فیریق- فیریق اوچیناردان قابیق سویار گلمز.

قیریق- قیریق سؤزه سورگونلدیم آیاقلاریمی.
آیاقدا سؤزلره بیر گون دویار.او یار گلمز.


#عقیل_مردای_ائلدار
🍃🍃🍃
@dedekatib
🍃🍃🍃

اونون یانیندا گونش، دونیانین سؤنوک یئری‌دى
ثریا ساچ‌لاری‌نا باغلانا هؤروک، یئری‌دى

نه‌جور کمر بئلی‌نه باغلاسا بؤیوک گله‌جک
بیر آز او أل-بو أل إتسه، او بئل اوزوک یئری‌دى

گئدیب اونون کوچه‌سینده اوتورما باش‌دا اور‌ک
بیر آز قیراق‌دا اوتور کى اورا بؤیوک یئری‌دى

قمین تیکان دؤشه‌یین هئى سالیب ییغیشدیریرام
جانیم خرابه بیر إودیر، سینه‌م‌ده یوک یئری‌دى

داشا چیخان قویو‌ تک، آخ…گؤزوم دوشوب چوخورا
ایچینده هرنه دامار واردى، بئل-کولوک یئری‌دى

اونا گوو‌نمیش‌ایدیم، آرخامى بوشالتدى داها
فلک منیم بئلیمى بوکسن ایندى بوک، یئری‌دى!


#رحیم_اصغرزاده_تکین
🍃🍃🍃
@dedekatib
🍃🍃🍃

....دورماز....
🌸🌸

کونول عومور بیر کرواندی.
گئجه گوندوز گئدر دورماز.
اوزون اینجه یولو واردی .
داغی داشی بیچر دورماز
🌸🌸

عاقل اولان دوغرو یولدا .
فایدا یؤخدی ساغدا سولدا.
یاتمیش آییق هرنه حالدا.
اجل جامین ایچر دورماز.
🌸🌸

آیاق اویدور بو کاروانا .
وارما غافل بیابانا.
فرصت آزدی هر اینسانا.
دونیا گوزدن ایتر دورماز.

🌸🌸
کاتب اوغلو باشیم داردا.
قیسسا عومور اوزون یولدا.
اویوب قالسان اوردا بوردا.
فلک سنی گئچر دورماز.
🌸🌸
#کاتب_اوغلو

@dedekatib

#بایاتی
کاتب اوغلوندان هر گون بیر بایاتی
عزیزیم آدی قالا ....

@dedekatib

« دئمه‌رم»
🌸🌸

اولیندن عادتیم دیر سؤزده یالان دئمه‌رم
من توركجه دانیشارام دیله زبان دئمه رم
آنام منی اوشاقلیقدان تورك دیلی دانیشدیریب
آتام منه چؤره ك وئریب چؤره گه نان دئمه رم

🌸🌸

من آنامین امجگیندن توركجه سود اممیشم
ایندی‌ده امجك دئییرم داهی پستان دئمه رم
سو ایچنده ذوق ائده‌رم داد وئرمز آغزیمدا آب
سرین‌له‌سم كؤلگه‌لیكده دا سایبان دئمه رم
🌸🌸

دریالاردا گمی‌لری گزدیرر گمیچی لر
چوخ گؤزل دیر گمیچی‌لیك دا كشتیبان دئمه رم
ائو ـ ائشیگیم ایشیقلانار قوناقلاری گؤرنده
من قوناغی چوخ سئورم آمما مهمان دئمه رم
🌸🌸

آنام منه دون تیكردی سیریق ـ سیریق آرخالیق
كؤینگیمین اتگینه داهی دامان دئمه رم
اول ائوده اوشاقلارا تورك دیلینی اؤیره‌درم
آنا یا آنا دئیه‌رم دا مادرجان دئمه رم

🌸🌸

بیر گؤزه‌لی تعریف ائتسم توركوجه سؤز قوشارام
كیپریگین اوخ قاشلارین یای، ابرو كمان دئمه رم
بئشیگه گهواره دئمم او منی ییرقالاییب
صوبحه كیمی گودوكچویه من نگهبان دئمه رم
🌸🌸

قونشویا همسایه دئمم من یولداشا دا همراه
اوغولا اوغول دئیه رم هئچ پسر جان دئمه رم
اكینچی‌یم یوخ كشاورز، تورپاغا خاك سؤیله‌مم
اولدوزا ستاره دئمم گؤیه آسمان دئمه رم

🌸🌸

گؤی گورولدار یاغمور یاغار یاشیل‌لانار یایلالار
هر نه قدر یاغیش یاغسا اونا باران دئمه رم
دگرلی‌یه دگر وئررره‌م ارزشدن چیخماز باشیم
اوجوزا اوجوز دئیه رم داحی ارزان دئمه رم
🌸🌸

آتا ـ بابام تورك دور منیم توركوجه دانیشارام
فارسی دا خوش شیرین دیلدیر خوشا یامان دئمه رم
دده كاتیب تورك اوغلویام چوخ دادلی دیر دیلیمیز
ماهی یه بالیق دئیه‌رم سونا پایان دئمه رم.
🌸🌸

#دده_کاتب

@dedekatib

🔹 #آذربایجان_تاپماجالاری

تاپ بو نه دی تاپماجا

🔸 آنا بیر قیز دوغدو، نه آیاغی وار نه باشی، قیز بیر آنا دوغدو هم آیاغی وار هم باشی
(یومورتا - تویوق)

🔸ات‌دن شیش‌، دمیردن کاباب
(بارماق ایله اوزوک)

🔸آغ سارای‌دا‌، ساری سولطان اوتورور
( یومورتا)

🔸حئیوان سویوندو، اینسان گئیندی
(دَری)

🔸یئددی دلیک‌لی توخماق، بونو بیلمه‌ین باخ-باخ

(باش)

🔸 ال‌سیز، آیاق‌سیز، قاپی آچار
(یئل)

🔸 اوزون اوخ، کؤلگه‌سی یوخ
(سَس)

🔸 آللاه‌دان قورخماز، جنت‌دن چیخماز
(اوشاق)

🔸بیر قیزیم وار، بیر گؤزو وار
(ایینه)

🔸 ال‌سیز آیاق‌سیز، آغاجا چیخار
(دولاشیق، سارماشیق)

✍ معصومه یکانی


#آذربایجان_تاپماجالاری

@dedekatib

داغلار
🌷
بینه لری چادیر- چادیر
چوخ گزمیشم اؤزوم داغلار
قدرتینی سیزدن آلدی
منیم سازیم، سؤزوم داغلار
🌷
مارال گزر آستا- آستا
ائنیب گلر چشمه اوسته
گؤزوم یولدا، کؤنلوم سسده
دئیین،نئجه دؤزوم داغلار
🌷
هراوبانین بیر یایلاغی
هرطرلانین اؤز اویلاغی
دولایلاردا باهار چاغی
بیردویونجا گزیم داغلار
🌷
قایالاری باش- باشادیر
گونئیلری تاماشادیر
گؤدک عؤمرو چوخ یاشادیر
جانیم داغلار، گؤزوم داغلار
🌷
بیرقوناغام بو دونیادا
بیرگون عؤمروم گئدر بادا
وورغونو دا سالار یادا
دوز ایلقارلی بیزیم داغلار
🌷
#صمد_وورغون

@dedekatib

کوسمک نه دیر بیلیرمی سن؟

کوسمک دوروستلوک دور...
اوشاقجادیر و اوندان دولایی صاف دیر..
یالانسیزدیر
کوسمک؛
سنی سئویرم دیر..
واز کئچمه مک دیر..



#ناظیم_حیکمت

@dedekatib

نه دییم؟
🍁🍁
قارا طالیعیمدن قارا بختیمدن.
دوستا نه آنلادیم ائله نه دییم؟
چکدیغیم چیله لر آغلادیر منی
گوزوم یاشی دونسه سئله نه دییم
🍁🍁
حسرتلی سئوگیدن قالان ایزلره
یاشی قانا قانان آغلار گوزلره
بوغازیمدا قالان دردلی سوزلره
آغزیمدا لال اولان دیله نه دییم؟
🍁🍁
نئجه بیاض اولدو باشیمین توکو
ویصال خیال اولدو قازیلدی کوکو
سیرتیما یوکلنمیش محنتین یوکو
آلتیندا بوکولن بئله نه دییم
🍁🍁
کاتب اوغلو یامان مات اولدو شاهیم
عومرو هئچه وئریر فغانیم آهیم
بو منیم خطامدی منیم گوناهیم
یازیق گونه آیا ایله نه دییم
🍁🍁

#کاتب_اوغلو

@dedekatib

سنه ناز - ناز توخونوب من سنه ناز - ناز ... بری گل !!
یاز تک آچمیش قوجاغین منده سارالماز بری گل !!

بو غزلباز دلی کونلومده بو یئرلر ، بورالار
وطن ادلی سنیمی مندن آلانماز ، بری گل!!

سئوه رم بیرده آلام خان گؤزونون قان - قاداسین
آینا قوینوندا ایشیق هئچ یولون آزماز ، بری گل !!

دور دولان دول جانیما ای یولون آزمیش مارالیم!!
شبهه سیز سیره چیخیب گؤزلرینه یاز ، بری گل !!

اللرین سیوری اوراق دیر سا تنیم یانقین دیر
بوغدا - بوغدا تنیمی بیر داها در - یاز ، بری گل !!

آغیر ائللر قیزیام ، گرمیج اودوندان اوره ییم ،
اود آراز باغرینا دوشموشسه ده یانماز ، بری گل !!

چیت - چیچک لر گولو اینیمده آزارلانمادا دیر
تنی شالموزلوغوم ای دوشلوگو آطلاز ، بری گل !!

قودوز اغزیندا مله ر قالمیش او اورکک جویورم ،
اللرین بیرده دؤنوب کونلومو الماز !؟ بری گل!!

عشق بیر دریا ، اوزاقلاردا شافاق لا اوپوشن
بوینو چیگنیمده قولئی لیمدیر اویانماز ، بری گل !!

#آیسو_مختاری

🍃🍃🍃
@dedekatib
🍃🍃🍃

#بایاتی
کاتب اوغلوندان هر گون بیر بایاتی
عزیزیم یامان گئتدی ...

@dedekatib

یازیب یارادان خالقیمیزین بویوک عاریف و ده یرلی شاعیری رحمتلیک اوستاد " دده کاتب "

یوردوم ...

ایسترم قیساجا تعریف ائیله یم
شهرتین یاییلیب هر یانا یوردوم
من سنین اوغلونام سن منیم آنام
آنانی دگیشمم جهانا یوردوم
 
شهرتین اوجالیب توتوب هر یانی
سولارین یئتیریر در مرجانی
داغلارین داشلارین زبرجد کانی
دوز گن لرین بنزر رضوانا یوردوم
 
شیرین سولارین وار کیمیا توپراغین
یئر آلتی قیناقلار دالدا بوجاغین
ایستی دیر سویوماز قیزغین اوجاغین
اود وورار خایینا، دوشمانا یوردوم
 
خلقلر ایچینده اوجادیر باشین
پارلاق اولدوزلارین باتماز گونشین
کول آلتدا کوکره ییر سؤنمز آتشین
شعله چکیب قالخار آسمانا یوردوم
 
تاریخدن سیلینمز، گئتمز آدیم وار
هئچ اسگیکین یوخدور هر بیر زادین وار
چوخ کامل بیر دیلین،آغیز دادین وار
دیل عاجیزدیر چکسین بیانا یوردوم
 
قوینوندا بسلنیب چوخ قهرمانلار
طوفان سارسیتمایان قورخماز اوغلانلار
گوجلو قوللار ایله ارکک اسلانلار
هایقیریب گیرنده میدانا یوردوم
 
تاریخ لر ثبت ائدیب افتیخارلارین
باغیر خان ، ستارخان ، شهریارلارین
دونیا بویو قالان یادیگارلارین
نه حسابا گلیر نه سانا یوردوم
 
اوستون شاعیرلرین سؤزلری آشکار
وزن-قافیه ده ، معنادا پربار
ایتمز اثرلری قالار پایدار
اومودوم وار حقه قورآنا یوردوم
 
آدلیم اوزانلارین خوش آوازلاری
گؤزل بارماقلاری چالیر سازلاری
گؤللرده یایخانیر قوبا قازلاری
قایالار سئوینیر ترلانا یوردوم
 
دده قورقوت آدی دیللرده ازبر
واحد،فضولی لر،آشیق علعسگر
سؤزه دؤزوم وئرن دوللو آباذر
صؤحبتی روح وئریر اینسانا یوردوم
 
خسته قاسم نباتی دن یاد اولسون
قول هارتون دا اؤز دینینده شاد اولسون
بالوولو مسکیندن خوشجا آد اولسون
دوغرو یول آچیبلار عورفانا یوردوم
 
دوللو مصطفی نین چکک آدینی
عورفان مکتبینین قول قانادینی
بالدان شیرین سؤزلرینین دادینی
ابسم الله او شهد شانا یوردوم
 
چاغداش شاعیرلرین همت ائتسین لر
آتا-بابالارین یولون گئت سین لر
سؤز خنجرین ووروب دشمن دیدسین لر
گورولتو سالسینلار دؤرد یانا یوردوم
 
دوشمنه آلدانماز تورکلرین سویو
بوکولسون خاینین قامتی، بویو
چوخلارینین آخیر آزینین سویو
گؤز قویوبلار آذربایجانا یوردوم
 
آذربایجان دوغرولوغو بگنر
یوردون سئور اولوسونا گووه نر
بیری ساغا بیری سولار سئوینر
من ده فخر ائیلرم عورفانا یوردوم
 
یوزلر درده درمان دوزلو گؤللرین
درین دره لرین گئنیش چؤللرین
دوغرولوق سمتینه آچیق یوللارین
شانلی آذربایجان، ای آنا یوردوم
 
سنین اسگی آدین آتیرپاتان دیر
سونرا آذربایگان،آذربایجان دیر
هر اوچو معنادا اود قورویان دیر
آتشی یاندیردیم جهانا یوردوم
 
مئیوه لی باغچالار، گؤزل باغلارین
یاشیل یایلاقلارین، اوجا داغلارین
جانسیزی دیریلدیر باهار چاغلارین
دردلری چاتدیریر درمانا یوردوم
 
بابک تک ار ییخان بایندیرخانلار
اوردولار داغیدان ، آلای پوزانلار
نبی ایله کرم تک قوچاق اوغلانلار
قالیق آد قویوبلار جهانا یوردوم
 
قورخماز ایگیدلریم مرد مردانا
اون ایگیده برابردیر بیر دانا
هایقیریب گیرنده هردن میدانا
بنزه ییر بیر قیزمیش قاپلانا یوردوم
 
قناری لر اوچا قونار چمنه
قومرولار ذوق ائدر سونبول سمنه
بولبول گوله عاشیق من ده وطنه
شور-غوغا سالارم گولشانا یوردوم
 
دده کاتیب حقی دئیه ر دایانماز
یوردو سئور اؤلنه تک اوسانماز
 ابراهیم عاشیقی آتشه یانماز
بیر قوچام گلمیشم قوربانا یوردوم .


#دده_کاتب

@dedekatib

اورمو حاققیندا بیر گوزل شعر

🌸🌸

گیزلیجه یازیرام تاریخین سایاق
یازیلیب یوخ اولان هئی واراق واراق
عؤمور یوللاریندا منیمله آیاق
آی اولدوزلو گئجه‌م،گونشلی گونلوم
آی گؤزل شه‌هریم آی گؤزل اورموم

🌸🌸

یازیرام دینله سین تک منی آنام
دانیشسین دردینی من ایسه قانام
«درویش»لی« فرهاد»لی آی دلی سونام
اوزان دونیاسیندا، آرخالی اؤنلوم
آی گؤزل شه‌هریم آی گؤزل اورموم

🌸🌸

ال قالدیراجاقدیر سؤکولن سون ،دان
شافاق چالاجاقدیر سنه شؤهرت، شان
سازی «صفی الدین» ،سسی «کاظیم خان »
سوفره‌سی «قطرانلی»، «شامی» لی خونلوم
آی گؤزل شه‌هریم آی گؤزل اورموم

🌸🌸

بوشلا آوروپانی بوشلا حلبی
اولما یابانجی‌نین لهو و لعبی
آی قوینوندا مسکن سالان« چلبی»
«حمید »تک اوغوللو« مهدی» تک سونلوم
آی گؤزل شه‌هریم آی گؤزل اورموم

🌸🌸

چاغیر آلسین «دده کاتیب» قلمین
یاتیرسین قلبینده قوپان المین
بوغدالانسین یئنه قوروموش زمین
تورپاغی خئییرلی،کندیسی اونلوم
آی گؤزل شه‌هریم آی گؤزل اورموم

🌸🌸

یاز «قاییب»«جوانمرد» کیمی آلمازدان
فضولی آخاری شاعیر« سینمازدان»
خزان تئل‌لرینه لکه سالمازدان
آچیلسین باهارین،ای یاشیل دونلوم
آی گؤزل شه‌هریم آی گؤزل اورموم

🌸🌸
#علی_رشتبر_قاییب

@dedekatib

استاد عاشیق ذکریا ملکی🌷🌹

سوزلر #دده_کاتب🌺🌸

#عیدغدیر_خم🌺🌼

کانال عاشیق ذکریا ملکی🌼🌻

@zakryaamaleki

@zakryaamaleki

بو آخشام گنه.
یاغمور توپراقی ایسلاتیر.
سانکی بولوتلاردا
منیم درد اورتاقیمدی
قالمیشام حیران.
دردی من چکیرم.
ندنسه بولوتلار ....
آغلیر
یوخسا گویده کی .
بولاتلاردا دا
آیریلیق هاواسی وار؟؟؟

#کاتب_اوغلو

@dedekatib

.

بئله باخیش گؤرمه ميشم
بو نه گؤزدور آلله _ آلله
قار أللرين حرارتي
اوددور ، كؤزدور آلله _ آلله


قاش آلتيندا سؤكولور دان
دوشوب ملك قاناديندان
بو گؤزَلي ايناديندان
اؤزون بئزدیر آلله _ آلله


گئتدی قالدیم باخا - باخا
اغيار قويار مني لاغا
داش اوره ييم آيريليغا
نئجه دؤزدو آلله _ آلله


بو خبري آپار قانلي
موژده قانلي، چاپار قانلي
اولدوم عابباس توفارقانلي
او گولگزدي آلله _ آلله.

#انور_ريضا

🍃🍃🍃
@dedekatib
🍃🍃🍃

#بایاتی
کاتب اوغلوندان هر گون بیر بایاتی
عزیزیم قالا یاخشی ...

@dedekatib

#دیلیم_منیم

ایستیرم سوی تانیدیرام
تورکی جه دیر منیم دیلیم
موسلمانام ایمانلیام
آذربایجان ائلیم منیم.

اورمولویام انزل لی یم
دوشمن لرین انگلی یم
حلق لرین چنگلی یم
چوخودو فـند-فئلیم منیم.

صفالی اوجا داغـلاریم
گؤزل میوه لی باغلاریم
مخصوصا باهار چاغلاریم
آچار غونچه گولوم منیم.

ایگیدلره آرخالانیم
نهنگ تک چالخالانـیم
سـولاریندا یایخالانیم
گؤزل اورمو گؤلوم منیم.

شاعـیرلریم ، اوزانلاریم
سـؤنمز قاینار قازانلاریم
ووروب دوشمن پوزانلاریم
سارسلمایان قولوم منیم.

اساس سویوم اوغوز نسلی
دده قورقوت تک هـوسلی
آشیقلارین خوش نفسلی
میضراب چالیر تئلیم منیم.

اورمیه لی ارسلانلار
تبریزلی تک قهرمانلار
گئری دؤنمز قوچ اوغلانلار
دولوب ساغیم-سولوم منیم.

دده کاتیب ائله قوربان
خوش دانیشان دیله قوربان
یئره گلمز بئله قوربان
حقه باغـلی بئلیم منیم.

#دده_کاتب

@dedekatib