#በሀኪሞች ላይ የሚደርስ ግድያ ይቁም!
#ፍትህ ለተገደለው ወንድማችን ዶ/ር ገ/ሚካኤል #ያልተኖረ_ህይወት

"ልጅሽ ይድረስልሽ እንጂ አልጋ ላይ አድርጎ #ይጦርሻል።" በዶ/ር የሻምበል

ይህ ቃል ለእናቴ ወደ ህክምና ትምህርት ስገባ የቀምበር በሬዋን ሽጣ ወደ ዩኒቨርሲቲ ስትልከኝ ጎሬቤቶቿ ውሳነዋ ልክ እንደሆነ ለመግለፅ ለእናቴ የነገሯት ቃል ነው። እኔም በሰዓቱ በኩራት እማ! በቃ የምንቸገሪው ይህችን #ሰባት(7) ዓመት ብቻ ነው: እኔ ልጅሽ  አላሳፍርሽም በርትቸ ተምሬ ሀኪም ስሆን መቆፈርና ለሰዓታት በጀርባሽ ውኅ ለመቅዳት መጓዝ አይኖርም! የስራ ቦታየ ጋ አብረን ነው የምንኖረው እሺ እማ። አዎ አልጠራጠርም የኔ ልጅ ታደርገዋለህ ብቻ እድሜ ይስጠኛ እንጂ ይሄን ህይወታችንን እንደምትቀይረው ምንም ጥርጥር የለኝም። ፈገግታና ተስፋ በተሞላ አንደበት።

ይህን ተስፋ ከተሰነቀ ድፋን አስር አመት ሞላው። ነገር ግን እኔም፣እናቴም፣ ጎረቤቶቻችንም እንዳሉት በሰባት(7) አመት ሳይሆን በኮሮና ወረርሽኝና በነበረው ጦርነት ምክንያት ከብዙ ውጣውረድ ጋር  #ከዘጠኝ(9) አመት በኅላ ሀኪም ሆንሁ። ከአራት ወራትን ጠብቄ በአንድ የመጀመሪያ ደረጃ ሆስፒታል ጠቅላይ ሐኪም ሆኘ ከተቀጠርሁ ዘጠኝ ወር ሆነኝ።

እሚያሳዝነው ግን ጎረቤት እንደተናገረው፣ እናቴ ተስፋ እንዳደረገችው፣ እኔም ቃል እንደገባሁት እናቴን ከችግር ላወጣትና ልጦራት ቀርቶ፤ እኔ የወር ወጪየን መሸፈን አቅቶኝ እናቴ ቆፍራ ከምታገኘው በርበሬ፣ ሽሮና ጤፍ ዱቄት ተቀባይ ሁኜ እርፍ።

እንደዛ በኩራት አስተምሪው አልጋላይ አድርጎ ይጦርሻል ያሉ ጎረቤቶቻችን የሆነውን ሲያዩ ማስተማር ለማን በጀ የቀምበር በሬዋን ሽጣ አስተምራም አልጠቀማት ይሉ ጀመር። እናቴም የእናት አንጀት ሆኖባት ልጀ አይዞህ ስንቱ እዚህ ጫቱን ሲቅምና ሲጠጣ አይደል የሚውለው አንተ አላሳፈርከኝም፤ ከአንተ የሚጠበቀውን አድርገሀል ሌላው እዳው ገብስ ነው እያለች ልታፅናናኝ ትሞክራለች እኔስ ምን ምርጫ አለኝ ከመፅናናት ውጭ......ሰሞኑን አንድ ጎረቤታችን ጋር ሂዳ አስደወለችና "ልጄ እንዴት ሰነበትህ? እንዲያው ለበዓሉ(ትንሳዔን ማለቷ ነው) ፈቃድ የለህም ብትመጣና አብረኸኝ ብትውል፤ እንዲያው እንደዋዛ ወጠህኮ ቀረህኮ ልጄ። እንግዲህ ወደ ዘጠኝ ወር ሞላህ አይደል ካየውህ።" እንዲህ ስትለኝ አይኖቿ እንባ አቀረሩ። አቤት ያሁሉ ተስፋ...... መጨረሻው ይሄ ይሁን አልሁ። እንዴት ብዩ ወደሰፈሬ ልሂድ ለእናቴ እንኳንስ ከቁፋሮና ጀርባዋ እስኪጎብጥ ውኃ ከመሸከም ላድናት ቀርቶ አንዲት ልብስ አልገዛሁላት። ወገኛ ልብስ አልገዛሁላት ትላለህ እስኪ መጀመሪያ እርዳታ መቀበሉን ተዋት አልሁ ለራሴ በውስጤ የፌዝ ሳቅ እየሳቅሁ።

አይ #እማ ብመጣ ደስ ባለኝ ነበር ግን ስራ አይፈቀድልኝም አልኳት፤ ግንኮ በዓል መሄድ ከፈለክ ሂድ ብሎኛል አለቃዬ። እኔ ግን እንዴት ብዬ ልሂድ ለበዓል በጉን፣ ዘይቱን ወይንም ዶሮውን ገዝቼ አልሄድ በምናባቴ እገዛለሁና። ጥሩ የሆነች ምክንያት የማታስኖር ስራ እያለች ስራ አለኝ ብዬ ቅሪት። እናቴም እንደፈረደባት ብቻዋን ዋለች እኔም እንደዛው። እና መማሬ ልክ ነበር? የእናቴን በሬ ማሸጤስ? እናቴን ተስፋ ማሳጣቴስ? ብቻ ብዙ ብዙ....

#ፍትህ ብዙ ደክሞ መኖር ላቃተው የጤና ባለሙያ!

#ፍትህ ለተገደለው ወንድማችን
We save lives, It's time to save ours too!!!

       Dr. Yeshambel.G(MD)
1⃣8⃣⏬⏰

#በሀኪሞች ላይ የሚደርስ ግድያ ይቁም!
#ፍትህ_ለተገደለው ወንድማችን ዶ/ር ገ/ሚካኤል #ያልተኖረ_ህይወት

<< ለእኛ ብቻ ሳይሆን ለቀጣይ ትውልድ ሲባል ጩኹ !!!  >>ዶ/ር አስተዋለ ተስፌ
......

ያነ በጉብዝናው ሲቀናበት የነበረው ፡ በትምህርት አመቱ መጨረሻ በወላጆች በዓል ሺዎች በተሰበሰቡበት  በሽብሻቦ ሲሸለም የሚቀናበት ፡ ደረጃውን እና ጉብዝናውን ለማስጠበቅ እንዲሁም ህልሙን ለማሳካት ቀን እና ሌሊት አይኑ እስኪጠፋ   የሚያጠናው ፡ ቤተሰቦቹ እና ዘመዶቹ የሚኮሩበት ጀግና ተማሪ ፡ 12ኛ ክፍል ከፍተኛ ውጤት አምጥቶ የህክምና ትምህርት ውስጥ ገብቶ እነዛን  7 እንቅልፍ አልባ አመታት አሳልፎ ሲመረቅ ስራ አፈላልጎ ካገኘ  ደመወዙ ከታክስ በፊት 10600 ብር  ነው።
እስኪ ለእኔም ህይወቴ ይሻሻል እንድሆን ፡ ለወገኔም የተሻለ አገልግሎት እንድሰጥ ብሎ ተጨማሪ 4 እና 5 እንቅልፍ እና ረፍት አልባ ዓመታት ተምሮ ስፔሻላይዝ ሲያደርግ ፡ ደመወዙ ከታክስ በፊት 12765 ብር ነው። የማታውቁ ካላችሁ እውነታው  ይህ ነው።
...
በጤና ሙያ ጀረጃ  ከፍተኛ ማዕረግ የደረሱት ባለሙያዎች ደመወዛቸው ይህ ከሆነ ነርሶች ፡ ሚድዋይፎች ፡ ላብራቶሪ ባለሙያዎች ፡ ፋርማሲስቶች ፡ ጤና መኮንኖች ....በምን ሁኔታ ህይወታቸውን እየገፋ እንዳሉ መቼም ግልፅ ነው።

...ጎበዝ የእኛ ህይወት መጎሳቆል ብቻ ሳይሆን የቀጣይ ትውልድ ራዕይም እየተቀበረ ነው።

ዶ/ር አስተዋለ ተስፌ - ACCPM Final year Resident

1⃣8⃣⏬⏰

The Power of Unity: Why Strikes—Even if Illegal—Can Reshape the Health System

In many parts of the world, including Ethiopia, health professionals are burdened by poor working conditions, low wages, and a lack of respect despite being the backbone of society. Yet when they attempt to demand their rights, they are often told that striking is illegal—that it goes against the law. But history and reality teach us something else: laws often serve power, not justice.

Strikes, even if considered illegal, have the potential to bring about positive change—not only for health workers but for the entire health system. Why? Because when health professionals are united and powerful, they become a force that cannot be ignored. In a system where “right lies in force,” the collective power of health workers becomes more effective than any courtroom or legal appeal.

Legality does not always mean justice. In fact, legal systems often protect the status quo and punish the weak. But when professionals stand together and refuse to be silent, they shift the balance of power. If a government chooses to arrest or suppress these professionals, it risks collapsing the very system it depends on—the healthcare system.

We must remember: laws are not carved in stone—they are written and rewritten by those in power. They are shaped by struggle, by unity, and by action. Academic discussions don’t change laws—force and organization do. If we are united, determined, and powerful, we can change the laws that oppress us. We can force a transformation in how the health system functions and how it values its workers.

In this world, power shapes laws—not the other way around. So let us not be intimidated by legality when it serves injustice. Instead, let us become the power that writes a new chapter for health professionals—a chapter of dignity, fairness, and strength.

Dr. Muhammed (MD, year 1 resident)

#በሀኪሞች ላይ የሚደርስ ግድያ ይቁም!
#ፍትህ_ለተገደለው ወንድማችን ዶ/ር ገ/ሚካኤል #ያልተኖረ_ህይወት

1⃣8⃣⏬⏰

"ስራ ያቆማሉ ብለን አንጠብቅም" ጤና ሚኒስተር ለ DW በ 16-8-17

ደካማ ጎናችንን እንደ ድክመት መጠቀም፣ በምድር ወንጀል በሰማይ ኃጢአት ይሁን!

አንድ መሐንዲስ የጀመረውን መንገድ ዛሬ ባይጨርሰው፣ አማራጭ መንገድ በመጠቀም፣ በሰማይ በመሄድ፣ በስልክና በሌላ ቴክኖሎጂ ጉዳይን ማከናወን እንደ አማራጭ ይወሰዳል።
ያው መሐንዲስ፣ የጀመረውን ሕንጻ፣ አሁን ባይጨርሰው፣ ለመኖሪያ ቢሆን፣ ሸራ ተጥሎ፣ ድንኳን ተደኩኖ ይታለፋል። የጤና ባለሙያ ስትሆን ግን፣ መድኃኒት የሚያስፈልገው ታማሚ ይዘህ፣ ያቀባበልከውን መርፌ ጥለህ አትሄድም፤ ምክንቱም "እጅህ ላይ ያለው የሰው ሕይወት ነው" የሚል ኅሊናዊ ጥንካሬ ስለ አለህ።
  ይህንን ኅሊናዊ ጥንካሬ እንደ ድክመት መጠቀም፣ በምድር ወንጀል በሰማይ ኃጢአት ይሁን!

አንድ አስተማሪ፣ ዛሬ ማስተማር ያልቻለውን የት/ት አይነት፣ በሌላ አማራጭ ክፍለ-ጊዜ ያካክሳል። የጤና ባለሙያ ስትሆን ግን፣ የአስተኛኸውን stroke ታማሚ ጥለህ ለመሄድ የሞራል አማራጭ የለህም፤ ምክንያቱም "እጅህ ላይ ያለው ከሁሉም ጉዳዮችህ የሚልቅ ክቡር የሰው ሕይወት ነው" የሚል ኅሊናዊ ጥንካሬ ስለ አለህ።
  ይህንን ኅሊናዊ ጥንካሬ እንደ ድክመት መጠቀም፣ በምድር ወንጀል በሰማይ ኃጢአት ይሁን!

የሀገር መሪ ብትሆን፣ ለሀገርህ ጥቅም ወጥረህ ትደራደራለህ፤ ትከራከራለህ። ድርድሩ ዛሬ ባይፈታ፣ በቀጠሮ ነገ አሊያም በሌላ ትውልድ ይፈታል። የጤና ባለሙያ ስትሆን ግን፣ ከፊትህ ልጇ ታፍኖባት እያመጣች ያለች፣ እርዳታህን የምትፈልግን ወላድ እናት ቀጠሮ የሚያሰጥ ተፈጥሯዊም ሆነ ኅሊናዊ ሂደት ስለሌለ፣ ጥለህ አትሄድም።
   ይህንን ኅሊናዊ ጥንካሬ እንደ ድክመት መጠቀም፣ በምድር ወንጀል በሰማይ ኃጢአት ይሁን!

አንድ ገበሬ፣ ሰኛ ያላረሰውን መሬት ማግሰኞ ማረስ ይችላል። ዛሬ ያላጨደውን ጤፍ፣ በሚቀጥለው ሳምንት ያጭዳል። የጤና ባለሙያ ስትሆን ግን፣ የጀመርከውን ቀዶ ጥገና፣ ቢያምህ፣ ቢርብህ፣ ቢጠማህ፣ የቤተሰብ ጉዳይ ቢኖርህ ትተህ አትሄድም፤ ምክንያቱም "ቀጠሮ የማይሰጥ የሰው ሕይወት እያዳንክ ነው" የሚል ኅሊናዊ ጥንካሬ ስለ አለህ።
   ይህንን ኅሊናዊ ጥንካሬ እንደ ድክመት መጠቀም፣ በምድር ወንጀል በሰማይ ኃጢአት ይሁን!

እኛ የጤና ባለሙያዎች፣ ልክ እንደምናክማቸው ታካሚዎች፣ ያመናል፤ መታከም ያምረናል፤ ግን መታከሚያ የለንም፤ ስለዚህ ተገደን እንሞታለን።

እኛ የጤና ባለሙያዎች፣ እንደ ባልሥልጣናቱ፣ እንደ ሚኒስቴሮቹ ሰው ነን፣ የምንኖርበት መጠለያ ያስፈልገናል። የቤት ኪራይ መክፈል አቅቶን፣ ከጓደኞቻችን ጋር ተዳብሎ ማደር ሰልችቶናል፤ ማደሪያ ስለሌለን፣ የሌሎችን duty በነጻ ወይም ለምነን ማደር ሰልችቶናል።

እኛ የጤና ባለሙያዎች፣ ይርበናል፤ ይጠማናል። "በቀን ሦስቴ ይበላል" ሲባል፣ አገጫችንን በመዳፋችን ደግፈን በአግራሞት መስማት ጀምረናል፤ ምክንያቱም እኛ በቀን ሦስቴ የምንጠቀመው ውሃ ነውና። ምሳ ስዓት ቤተ-እምነት ማሳለፍና በቀን አንዴ መብላት ደክሞናል።

እኛ የጤና ባለሙያዎች፣ ተፈጥሯዊ ሕግም ነውና መልበስ ያምረናል። በአንድ ካልሲ፣ በአንድ የውስጥ ልብስ፣ በአንድ ሱሪና ሸሚዝ 2 ስምንትና ወር መቆየት አስነውሮናል። የተቀደደ ወይም የተጣፈ ሱሪያችንን በጋወን መደበቅ አሸማቆናል።

TB(ኬኩ)-Public Health