أم البنـيـن اقراها
سورة گمر معناها
والدمعة ياحـياها   بمجلس فاطمه
===========================
بسم الله أبدي مجلسي وبسم الوفية الحرة
أقراچ آيات العشگ يعني انتـي مثل الزهرة
ثوب الخدامه امحضره أخدم الچ بالحضرة
باچر يجينه المنتظر وگـبرچ يصـير اشكبره

سبحانه من سواها
چـنـها علي بملگاها
والدمعة ياحـيـاهـا   بمجلس فاطمه
===========================
بسمچ يرتـل خـاطـري واتـخـطـر اتعرفيني
دمعه بمجالسكم ولـو يم الـفـضـل سويـني
سر من طفوف ام الخدر يا والهه علـميـني
عبدچ وحظي اشكبره لو خادمكم اتقبليني

ربـنـا العلي خـلاها
واربع بنين انطاها
والدمعة ياحـياهـا   بمجلس فاطمه
===========================
عـايـش بنعـمة مجلسچ بيچ النَفِس مشغوفه
أقسـم بـعـباس الـوفـي هـذا النـهـج مـاعـوفه
صفّـيـت نفـسي الخاطرچ يمه ولگيتچ كوفـه
ضميتي حيدر من كتر بحضنچ تبات احروفه

بـهـذا الوفه علاها
رب العرش سماها
والدمعة ياحـياها   بمجلس فاطمه
===========================
(إِنَّ الَّذِينَ آمَنُوا) مـولاتـي شـفـتـچ بيـهـا
أربع بنينچ لام حسن من كل گلب تنطيها
(ذلِكَ دِينُ الْقَيِّمَةِ)  والـقـيـمـة اتحامـيـهـا
فضـلچ على كـل البشر والغانمه نحچـيها

هنـيـاله يالـويـاهـا
الحاجه هم يلگاها
والدمعة ياحـياهـا   بمجلس فاطمه
===========================
اتوفقينه حاضر مأتمچ والحاجه اله مگضيه
واليلطم اعليچ الصدر تنـطـي رضـا المحنيه
ما أصـعـد المنـبـر إذا مـا أقـره الـچ يـومـيـه
ألفاتحه حتى انقبل عـنـدچ يـهـل الـعـلـويـه

عـهـداً فــلا أنـسـاهـا
چي خادم الها اتباها
والدمـعة يـاحـيـاهـا   بمجلس فاطمه
===========================

الشاعرالميرزامحمد الساعدي




ليلة ١٣ /جمادي الآخره /١٤٤٧
هجري الجمعه 5\12 \2025
ليلة استشهاد مولاتي السيده
ام البنين عليها السلام
#قصائد1447

ليلة ١٣/جمادي الآخره /١٤٤٧ هجري الجمعه 5\12 \2025 بصوت خادمكم الرادود ابو هاشم الربيعي ليلة استشهاد مولاتي السيده فاطمة الزهراء عليها السلام #قصائد1447

نعي لوفاة السيدة أم البنين عليها السلام

*

گرب اجلهه   وتلتفت  وين
عباس لا  يمهه ولا  حسين

ما  صح  ولد يم  راسهه ينوح
يا حمل   محد   شاله مطروح

دمع الغريب   يطيح  بارد
لا ابن لا صح  حظن  والد

حيره اليموت ومامش  اعزاز
ياهو  اليجي  ويصير    جناز

دارت  وجهه لصوب  الطفوف
منا   لحد  ما  شيب   الشوف
الله    يعازة    ذيچ   الچفوف


من المدينه   الكربله  احلام 
ام    البنين   شلون     تنلام
رادت بحظن   اولادهه  تنام


بعيد  اليشيل  اللوحه ويصيح
بعيد الورى أمه  يگوم ويطيح


جوه  التراب  الردت  طوله
عباس ها    يبن    الحموله
بيه   الكلام الصعبه  أكوله
تمنيت تحضرني بمنيتي

علباب  اباوع   هلبت   يهل
المن  زغر  سنه چان  يكفل
بعد الولد  خلصت   اتعلعل
والهوى بدونه يأذي ريتي


يولادي    من  الموت   ردو
وفوگ المتون  النعش  زتو
ها    يلحنان  هناك    شلتو 
يحسين يمه  الموت اجاني

نتلاگه      يم   الزهره  ارواح
دم     النحر     بالضلع  ينلاح
والهامه ذيچ  وذيچ الچفوف
يبچن    على الاذنه    الرماح 

يلتم  حزن    زينب   والاطفال
وعبد الله بعده برمح    ينشال
ونسوي مجلس بأسم الحسين
يم العرش بس دمعه     تنگال


كلمات خادم أم البنين / رعد الفريجي

خدام ام البنين ع
😭💔
الناشره ريحانة المصطفى

بنية شفاء المرضى صلو على محمد وال محمد
اللهم صل على محمد وال محمد

أبوذيات :

نعشي الـ حضرةِ المحبوب .. شَيعه
او خبر مولد علي هاليوم .. شِيعه
تظل أعضاي للكرار .. شِيعه

او لحد تابوتي روحي حيدريه
&&&&&

إلْـ كِل البَشَر صاير .. علي دار
اولِسانه بالحِكَم دايِم .. علي دار
يِدور الحق إذا حيدر .. علي دار

والباطِل شِرَد من شاف ضَيَّه
&&&&&

يصاح اللّيله كِل لهموم .. إنسه
لأَنْها الكِل كلُب محزون .. أُنسه
اولأَنَّ الكون جِنَّه ابتِهَج .. وِنسه

ابولادَة حَيدره حامي الحمِيَّه
&&&&&

يحيدر ما أحَد غيرك .. وِلي لي
أوذكرَك زادي ابصُبحي .. وَليلي
ضياك ابكِل كتِر يضْوي .. اويلالي

وانته يا علي روحي اللِّي بِيَّه
&&&&&

إبراهيم الدريس

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0