مقطوعه نعي لسان حال ام الشهيد


يا   عملة    زماني    اشسوه  وياي
اجه    وكت   الغروب  والك حنيت
اندك   الباب  صدفه    بهبة  الريح
واشم ريحة عطر خاف انته  رديت
بطاريك   اتنفس   واترس    العين
دمع واجفي الدمع من عيني ضليت
شفت    بيدك   كبل   ماتندفن لون
صدك    كالولي   من  دمك تحنيت
انجويت  بنار   هجرانك   والفراك
ارجع  خل  اطش   الدرب جكليت

عبدالامير السعيدي

تجليبه تراث
للخدمه
.
.
.

ويــه احســين بالــك واحذر اتــدور
الخــدمه اوداعتــك عــلويه وتـشور

---------

علويه واهلــها الخــدمه اشرف ناس
ومـن تتــدنه الها ايسطــرك العــباس
وي راس ابــو فاضـل لاتحـط الراس
تــره العـباس احــذرك سطرته اتعور

----------

لاصــارف فلـــس لاذابـــلـك ديــــنار
تحچي اشبيك انته وبالحچي منهار
ابـو الموكب ابكيـفه لـو صرف مليار
رجـــاءاً لاتـــدوخ روســـــنـه وخـــر

----------

مرجع من يجـي عاشور انته اتصير
بـَطــل كــافي لاتحچـــلي بالتــنظير
الطــبخ لحسين ياهو الـگالـك تبذير
واليــطبــخ لبــو الســـجـاد مـيــــبذر

----------

الفقــره اتصـيح صارو بالــبلد كثره
وخطـيه انته عليهم همــك اشكبره
بيــتك يالله بــيعه اوَزعــه عالفقره
عـميــت اعيـــونه دخـــانك امـــگبر

----------

العنده زود خـَلي يحـچي عن زوده
ولو هسه الحچي صاير على الموده
خل انشوف ياهو الصــفحته سوده
وخل انشــوف ياهـو بـيــنه اليقـصر

---------

شنو رايك اســئلك بالحچي الگلته
يــم احســين ياهــو التــعله منزلته
انــته لــو الــوزع قــوت عـــايـــلته
التجــاره وي ابــو السـجاد متخَسر

---------

ابراسك لو ايعيش احسين ابو الاكبر
الملــح الــي اكلــته ابـــزاده چــا غزر
اعلــه ابو السجاد بالـك انــته تتبـطر
بخـت احسين ثــق وصـــدگ ايـعـَثر

----------

الطبخ انــته تگــلي واللطــم بدعه
وصلاة الصبح ماتــعرفها چم ركعه
هــذا الـدين ماتعـــرف ربــع ربــعه
موســهله القــضيه خــاف مـتصور
--------------------
حيدر تركي الكربلائي

🗓️للزياره  ١٤٤٦ ه
◾️ بين الحرمين
..

عمري ريته دمعتين ..
تجري بين الحرمين
كون ادگ صدري وانوح.. وسعى بين القبتين

  ……………… 1
يا وقت اگصد طفوفك والمدامع هامله
وانظر بعيني المناره وشارع السدره ادخله
ضايع وبس كربلائك يا حسين البوصله
البعد ذوّب دليلي  وحايرك مشتاگ إله

حلم ونازل بالجفون،،
ويا زوارك اكون
احضن ابواب المقام،، صوره رسمتها العيون
………………2
بس الك تحله البواچي وتحله رايات العشگ
مرقدك صوره إعله بالي اذكره ونبضي يدگ
ريحة السباچ اشمها كل ما عيني تنطبگ
واليحبك عن عقيده شوقه ينبض من صدگ

انته لو ما بالحياه،،
ما ادل درب النجاه
يا حبيبي ياحسين،، خذني خادم للممات
………………3
من يمر طاري الزياره  يعتصر گلبي عصر
ولله ابيع الدنيا وشري الوقفه عد باب الگبر
ضاعت سنيني بغيابك ضيعة ايتام الخدر
يكتب الله لي زياره اه يمخسوف الصدر

غبره بوجه الضريح ،،
خذني يحسين استريح
تعّب جفوني الفراگ،، من اقوم ارجع اطيح
………………4
بالصبر اوصيها روحي والصبر ماينحمل
بس اذا شوفن ضريحك الصبر مني يفل
بيه حبك ساكن و ما خله بي ذرة عگل
واليحب بنيّه بيضا ليله ما يصبح سهل

ليله يِخْلَصْ بالبكاء  ،،
عايش بطعم الرجاء
يهتف ووضعه كسير،، كربلا يا كربلاء 
………………5
خادمك عاشگك وبعمري كلشي انته إلي
كل شي يتعوض من يروح الا حبك بو علي
روحي ودياري اعوفن واترك اولادي وهلي
والثم ارض الغاضريه والتراب اليعتلي

آنه ما اگدر بلاك ،،
ضمني مولاي برداك
لو على دربك اموت،، ابگه بالدنيا وراك
………………6
خلني اتعناك واسعى بينك وبين الگمر
والمنارات بضياها تعبر حدود النظر
مره بحزاني ازورك لو سطع نجم السحر
مره ازحف لبو فاضل و اقرا لوعات النحر

يا غريب ويا سليب
يا من الشوگي طبيب
للكفوف السائلات ..والنعم منك مجيب
………………
خادمة الحسين
فاطمة حبيب

ابوذيه

وحق شباچها وخفگت ــ علمها
علم المرتضى حيــــدر ــ علمها
اصيله وطـــالعه زينب ــ علمها
الكرم والعــــلم جمعتهن سويه

✍كامل السعيدي

ابوذيات في ولادة سيدتنا ومولاتنا زينب عليها السلام

نـولـدت زينـب وعالعـز.       ترابت
أبّيت المصطفى الهادي.       ترابت
هـاي ام الخــدر زينــب.       ترابت
حيدر ومها معروفة الزچيــه.    ( صلوات )
..............................................................

وجهّه تشعـشـع واشـرق.      علينه
واحنـه بحبــها عالقـمّــة.      علينه
بـولادة زينــب نبـــــارك.       علينه
ونهنّـي الزهره والعترة سـويّـــه.   ( صلوات )
.............................................................

نصبنـه المـحـفـل الليلة.      لجلها
بجلالة فاطـمــة الزهـره.     لجلها
عله اعنـــاد اليبغـضـوها.     لجلها
وهنّيـــها بولادتــها المسيّـــه.      ( صلوات )

خادم زينب عليها السلام
سيد زيد الفحام
____

أبوذية

الكلب شاجر على ابن امي وداوي
تضعضع ونـهــدم حيـلـي وداوي
لا مجــروح حته اگـعـد وداوي
ولا غايب واگـول اتعـود اليه

للمرحوم
عبد الامير الفتلاوي
#اللهم_عجل_لوليك_الفرج

أعله زينب أجمع جروحي/ولمها
سبيه   ويا گلب   يحمل /  ألمها
لا جدها  النبي وحيدر /ولا أمها
حضروا يمها من راحت سبيه...
☆☆☆☆☆
على مصابك  لظل  أكبد /بهاماي
وعيوني  عليك  ماظلت /بهاماي
شبچت العشرة يبن أمي/بهاماي
حين الگيدوا سكنه ورقية...
☆☆☆☆☆
يخوتي  زينب  الچانت / متنشاف
بفگدكم دمعت  أعيوني /متنشاف
لچن حاشه الشمر مني/متن شاف
وآنه الخدر كله يلوذ بيه...
☆☆☆☆☆
ياحرمه  الذي   مثلي /  شافت  هم
وأخوتي من العطش يبست/شفتهم
بعيوني  أعله  الثره صرعه /شفتهم
ضمايه أتذبحوا بالغاضريه...
☆☆☆☆☆☆☆☆☆☆☆☆☆
خادمكم