لطمية لوفاة السيدة زينب عليها السلام (( تون بهداي ))


تون بهداي ... زينب ياعلي شبيهه
اجاها الموت لو حنت الواليهه


اجاها الموت لو حنت لبو اليمه
تون بسكوت گلهه شبيچ ياعمه
شوغات بگلبهه اهواي متلمه
افراگ اخوانهه گضيان گاضيهه
تون بهداي زينب ياعلي شبيهه


فرگاهم كلف وبزينب شسوه
گوه اليوم تجهر بالنفس گوه
تريد اهل المحنه واهل المروه
عنهه ابعاد ماواحد حضر ليهه
تون بهداي زينب ياعلي شبيهه


عنهه ابعاد مايدرون خوتهه
زينب بالدرب ضلت اجنازتهه
تهل عيونهه وتسيل دمعتهه
تصد الكربله وياهو اليوديهه
تون بهداي زينب ياعلي شبيهه


تصد الكربله وبضلوعهه الونه
درب الشام گالت ماريدنه
عمه ياعلي ياضيم اذكرنه
شفت الروس گدامي امسطريهه
تون بهداي زينب ياعلي شبيهه


شفت الروس گدامك وگدامي
وگلبي امن المصايب والحزن دامي
هاذه الموت اجاني وطاح بعظامي
روحي اتداركت واليوم تاليهه
تون بهداي زينب ياعلي شبيهه


روحي اتداركت والموت اجاني الموت
عمه ياعلي وضليت اون بسكوت
عمك مادره ولاجابلي التابوت
اشلون يگوم وامتونه امگطعيهه
تون بهداي زينب ياعلي شبيهه


اشلون يگوم والچفين مگطوعه
وابوك امطشره بالمعركه اضلوعه
من يوم الگضو لليوم مفجوعه
نار امصابهم حمره شيطفيهه
تون بهداي زينب ياعلي شبيهه


من ديوان سفرة العطاء الجزء العاشر خاص بالسيدة زينب عليها السلام

✍شاعرة اهل البيت
الملة ام ريام دخيل الركابي

نعي بحق السيدة فاطمة الزهراء ((ع))


يشمعة بــيـت حيدر مظلم البـــيــت

              وحسين وحسن ضــــلـــــوا ينحبون

وزينب فــارشــه اهدومچ يـــزهــراء

              وتنگعن دمـــــــــع من فيض الچفون

والجندل زلــــم والقـــــالــــع البـــاب

               مـــــا يگدر يشيلچ هدله المــــتـــون

چــــان النور شاع ومزهره الــــــــدار

            اليـــــــوم النــــــور شيعوه اليشيعون

عطر ورد الحـــــدايـــــق بالحزن ذاب

             ومحنيه بقت يــــالــــزهــــره الغصون

تهل ضلت  دمـــه  عين المـــــجـــرات

            وعلى امصابچ يفاطم ينحب الكــــون

عجيبه شـــلـــون جرئوا دفعوا البــاب

            واصحـــاب الجهل گدروا يــــــدفعون

الماشافوا ضيـــــــــائچ تـــارس البيت

             اشك يم الحسن مــــــــــاعدهم عيون

أكسروا خــــــاطر علي مثلچ بالمصاب

             باچـــــــر  للنبي  مــــــدري اشيكولون

الهشم صدرچ يزهره بچف الاحــقـــاد

             يلعنه الله ورسولــــــــه ويبقى ملعون

            *---------------------*--------------------*

✍  خادم الزهراء ع
الشاعر رعــد الچريخي

#الناشر_الحاج_فلاح_حسن_الليال_الفاطميه

قصيدة بحق صاحبة الضلع المكسور


بالنار     بيتي ودليلي اتلاهبـن
بالنار     اذوني وآنه ام الحسن

عذبوا بضعت نبيهم   *   الله لا يرضى عليهم
.--------------------------------------------..
والله ما چني الوديعه وبضعت احمـــد
خنكوا بصدري عبرتي وسطرة بالخد
بابي دفعوهه عليّه وربــــي يشهـــد
تجاسروا حيل الصحابه وعبروا الحــد

والله    يرضالي وانه فاطمــه
والله    يدري الضلوع مهشمه

تبّت الصحبه إديهم   *  الله لا يرضى عليهم
-----------------------------------------
يفسر الصم الصخر نوحي وونينــــي
شنهو ذنبي وعالترب يوكع جنينـــي
وتركت السطره اثرهه وحمره عيني
وآنه چان المصطفى يْقبّل جبينـــي

يدرون     هيبة مقامي ورفعتـه
يدرون     بيّه أم أبوهه وبضعته

جرّحوا گلبي بحچيهم   *   الله لا يرضى عليهم
-------------------------------------------

دفعوا الباب بحقد وضلوعي هشّـــم
مدري شيسوون بعدي ربي يعلــــــم
من فعلهم ما اظن اولادي تسلـــــم
جرّحوا روحي ودليلي وحزني خيّم

مليت     إلمن أبثّن شكوتــــي
مليت     زادوا مصابي وعلّتي

لعنة الخالق تجيهم   *   الله لا يرضى عليهم
-----------------------------------------
حركوا البيت وشفت نيرانـــــه تلهــب
وصدت عيوني بحسرتي لبنتي زينب
اعرفت نفس الوجوه اخيمهـــه تنهـب
اليوم انـــــا وهيه باچر لتُعـــــــذب

اوغاد     هجموا بغيهم واجونـي
اوغاد     كسروا ضلوعي ونهوني

دعوتي مقبوله بيهم   *   الله لا يرضى عليه
.....................................................
قصة العاشر اجت كلهه بخيــالــــي
عنهه ابوي المصطفى يا ما حچالي
شفت الوجوه وصحت زينب تعالـي
همه اليسلبون خدرچ ذوله تالــــي

دمعات     تجري بجفوني وحايره
دمعات     خلصت حياتي وصابره

باچر لربي اشتكيهم   *   الله لا يرضى عليهم
-------------------------------
الخلوا بصدري كسر وبخدي سطره
باچر حسين بحقدهم مثلي صـــدره
وهم يحركون الخيم والبــاري ادره
وفعل الانذال يْتجدّد مــــره اخـــره

ياريت    يكفي اليصير بمنزلي
ياريت    زينب بعد ما تنولـــي

حدّه يم داري سبيهم   ***   الله لا يرضى عليهم


✍ بقلم خادم الحسين ع
   الشاعر رعد الجريخي

إن تكلمت كل الجروح ..فأن للزهراءِ جرحٌ لم يتكلم
((الفائزي))
.

جرح ونطق بسم الدمه
يروي مصيــــبة فاطمه
من يشـــتكي الرب السمه
.
.
.
هـا يا جـرح يـا لشـاهدت يـوم المـنيه
احلـفك بكســـر الضــــلع اتـــرد عليه
ارويـلي كـل مصـيبة الــزهره الزچيه
احچيلي جرحك يالشـفت يوم الرزيه
.
منك نزف بس دم شفت
المن يجــــرح اتحـجـــبت
بين اللـــــيالي المظـــلــمه
.
.
.
جاوبني جرح الفـاطمه واول جــوابـه
دمعة هظم منه جــرت من دم خضابه
للعتره آنــه اول جـرح يكـــتب مصابه
اول جــرح واول نـــزف لهل النجـــابه
.
جمرة دمه مني الدمع
للسطره وي كسر الضلع
دامي وضلوعي مهشمه
.
.
.
ياجرحي گالت فاطمه ظل من الاسـرار
زينب زغـيره عالهـظم ومصـيبة الـدار
هالشاهدت محسن نزف وبعتـبتي الـنـار
تلحگ تشـوف اخـوتـها مـن تتوذر وذار
.
تسـهر تون حد الصبح
لمن تشــوفك يـاجــرح
عالونه ما هي معلمه
.
.
.
ياجرحـي احبس دمعـــتك وي المـصـيـبه
يالشــوفتك ماتنــحمل وآنـــه خضــيـبه
لو شــافك يموت الحــسن من ون نحيبه
وحســيــني ما يحمل جــرح امه الحبـيبه
.
يالصدري من دمك سبح
لا تلبس اثـــياب الـذبح
كف المصـــاب ولملمه
.
.
.
ياجرحي ظم امصيبتي عن داحــي البــاب
حيدر إمامــي وما اريــد ايشـوف الصواب
من عاين الدم وجنتي ظــل دمعـــه سچــاب
حبل الـوصـيه چتــفه ومنــه الگـلب ذاب
.
چف الردي بخدي انطبع
وحامي الحمه گلبه انصدع
للباري جرحه يكظمه
.
.
.
لو عايــنوا جرحك يجـرحي مــو بعيده
تشمت فلول اهـل الـرده بولد الصـميده
وحسيـــني يـوم المــوزمـه يفگـد عضيده
وبجــرحي يشمت بي بعد شـمر ويزيــده
.
ويگـله مثـل ام الحـــسن
الا اطحن ظــلوعـك طحن
وي الهظم وي الظمى
.
.
.
غسلني حيـدر لـن اثــر وي چفه ينــدار
عــاين عليه وبالحــزن لـن دمعه مـدرار
ناداني انطق ياجـــرح شنهي الجره وصار
جاوبته فــاطم ياعلـي صـــوبها بســــمــار
.
موبس وجن منها انسطر
حتى الضـلع منها انكسر
چفك يحــيدر بلسمه
.

حسن الموالي الفاطمي

عيـــــنك اعله روحك      لجــــــمت جروحك       
يحيدر   يحيدر
ياعلــــــــي اشــــبديه       وصـــــلت المـــنيه       
يحيدر   يحيدر
***

ياحيدر ارحــــم حالتك  لاتبجي فـــدوه
ادري حزن كلبك جمر نار وتجــــــوه
يابعد روح ام الحســـن فركتنــه كَـــوه
ماطولت حيف انكضت عشرتنه حلوه

يابعــــــد حياتــــــي   كربـــت وفاتــــــي       
يحيدر   يحيدر
دمعتك جـــــــــــريه   وصـــــلت المـــنيه       
يحيدر   يحيدر
***

موهينه ياصيت الزلم ليــــث الحرايب
محني اشوفك منكسـر يغلـــى الحبايب
يالجنت شاب اشغيرك شو هسه شايب
حتى لحيتك شــــيبت مــــن المصايب

ســــــارح بخـــــيالك     حزنك اعلـــه بالك       
يحيدر   يحيدر
بجمـــــــــرة الرزيه     وصـــــلت المـــنيه       
يحيدر   يحيدر
***

كفكف دموعك ياعلــــــي شماتك اهــــــواي
محسن وضلعي فدوه الك واجروحي ودماي
شد حيلك اعله النايبـــــه ياقلعــــــة احماي
صبر اولادي لو متــــت وابنيتــــــــي هاي

عيـــــــنك اعله زينب     اعليه تبقـى تنحب       
يحيدر   يحيدر
الفركَة الزجــــــــــيه    وصـــــلت المـــنيه       
يحيدر   يحيدر
***

راح امشي واصبر يالولي حانت وفاتي
موتي بفركـــــــتك ياعلي موش بمماتي
حانت علامات الهجــــر خلصت حياتي
عينك على حسين وحسن واعلـه بناتي
حانـــــــــت المواجع    بالأجـــــــل انازع       
يحيدر   يحيدر
كربــــــــــت العزيه   وصـــــلت المـــنيه       
يحيدر   يحيدر
***
لاتكسر بكلب الحسن واحســـــين اخيه
تدريهم اعزاز اشكثر حــــــيدر عـليه
والله يعين ام الحــزن عكــــب الزجيه
زينب يتيمه وتنعصر كـــــــل مغربيه

ياعلــــــــــي هظيمه      من تظـل يتـــــيمه         
يحيدر   يحيدر
تنعـــــــى كل مسيه      وصـــــلت المـــنيه        
يحيدر   يحيدر
***

ابو علي الركابي

من بعد زهرائـــــــــــنه   اتبدلت اسمائنه
انه يامذبوح اسمي  وانتي يامسبية 
___
بعد ماصلينه وحشه للزجيه
كعدي يازينب اسولفلج رزيه
اسمي من هسه ذبيح الغاضريه
وانتي مو زينب بعد اسمج سبيه

يموت ابونه اكبالنه  ....   الحسن مايبقالنه
يغفه يوميه جرح ويفز جرح يوميه
___  
لكربله من هسه نكعد نحسب احساب
 لفاطمياتج يزينب كثري احجاب
 هناك خليها اعله بالج ماكو اي باب
 الخيمه لو طاحت تنامين اعله التراب

النار التشوفيها  ....  بجفج تطفيها
مثل امي جفوفج اتظل بالجمر مجويه
___
 من كبل ما بالضعينه لكربله انروح
 اتعلمي يختي على تضميد الجروح
 انتي اول وحده تنظر نحري مذبوح
 اتشاهدين اشلون مني تطلع الروح

بمنحري تقبليني  ....   ميت تبجيني
وبعباتج يالحبيبه اتظلليلين اعليه
___
يختي من هاليوم لازم تستعدين
من الخيم للتل تخيلتج تركضين
 انتبهي جدامج جثث بالج تطيحين
وآنه ازحفلج اذا عالتل تصيحين

بكربله اتدوريني  ....   بمصرعي تلكيني
وجهي دامي وفوك راسي اعمامتي ما هيه ___
ارد احلفج زينب برايه عضيدج
 الشمر لتحاجي اخاف يحز وريدج
 الخيل من تسحكني تبتعدين اريدج
اضلوعي من تطشر اتلميها بيدج

خنصري اتضيعينه  ....  بجفي ماتلكينه
 يختي عشره من الحوافر تظل ترفس بيه
___
الناكه من هسه اريد اتعاينيها
اشلون تمشي وهيه هودج ماعليها
كعدي يم كل فاطميه وعلميها
اشلون تحمي احجابها المجتوفه اديها

من كبل ماصايره  ....   هاشميه وحايره
السبي يصعب عله الجانت بالعرش محميه 


#كرار حسين الكربلائي

☆

/ابوذيات
شماله الدهر ويه زينب علامه
ودومه ناشر احزانه  وعلامه
وضربه بخد رقيه ضلت علامه
تضل للموت ونتج يارقيه
🏴🏴🏴🏴🏴🏴🏴
الدهر مرحم زينب وجفه
اخذ منه لعزيز وداره جفه
وعباس البطل ضحاله بجفه
وصفيت الوحدي خوان مكو
🏴🏴🏴🏴🏴🏴🏴
طبيت للدار ودمعي يهلي
  وصحت بصوت وين اليوم يهلي
اثاريهم برمل وتراب يهلي
راحو وكطعو حبل الموده
🏴🏴🏴🏴🏴🏴🏴🏴
يروحي شبيج متونين حيل
اضنج ماضال عندج حيل
من شفتي الاخيول ادوس حيل
على صدرالشفيه احسين اخيج
🏴🏴🏴🏴🏴🏴🏴
ليش الاخو على الغربه شمرنه
  حداي العدو بينه شمر/ شمرنه
   بعتو ولوكت عنكم شمرنه
  عكب عيونكم ذلت عيوني🏴
🏴🏴🏴🏴🏴🏴🏴🏴
🏴
على اخواني الدمع مني انهار
عطاشه وماتو بصفهم الانهار
بعد ماوجد لليل من النهار
مشو عني وخلاوني سبيه
🏴🏴🏴🏴🏴🏴🏴🏴

اخذ روحي لهلي يطير الصاف
جيش الطاغيه علحسين هلصاف
شكول وشحجي علشفته وصاف
مرد كلبي مصاب الغاضريه
🏴🏴🏴🏴🏴🏴🏴🏴
بقلمي الفقير ام نادين