❇ قصائد استشهاد السيدة الصديقة الزهراء عليها السلام



صاحت املاك السمه ** فاطمه يا فاطمه
-------------
سيد الأكــوان ودّع دنيِتـه
وعگب عينه اعليه انقلبت امته
وانتي أول جرح دامي بمهجته
من هِجَم طاغوت الامه وزمرته
مَقدَم الشر مَقدَمَه ** فاطمه يا فاطمه
--------------
اتقدّم الطاغوت واعوانه بغضب
والاملاك البالسمه تشوفه بعجب
لَملَم احقاده وشعل بيهه الحطب
اوعلى الباب تصاعد لسان اللهب
وناره ظلت مضرمه ** فاطمه يا فاطمه
-------------
دِفع باب الدار واشتـدّ الأنيـن
من كَسِرْ ضلعچ على سگط الجنين
والملايك ناحت بصوتٍ حزيــن
واعتلت آهات جبريـل الأميــن
وناده والمدمع همه ** فاطمه يا فاطمه
-----------------
انرِسَم جرح مصابچ بوجه الزمان
اوشجرة التفاح ناحت بالجنان
المنهه كـوّن معدنچ رب الاكوان
يوم أسرى بوالِـدچ لاقدس مكان
و بل معارج كرّمه ** فاطمه يا فاطمه
----------------
شجـرة التفاح  تنعاچ  بدمــع
وغصن من عدهه انكسر ويّه الضلع
والحـزن عــمّ السماوات السبِـع
بس جنـان الخلد فرحانـه وتشع
لجيّتچ متبسّمه ** فاطمه يا فاطمه
------------
انعصر گلب الدين وي عصرة الباب
وزلزل اركان العرش هذا المصاب
وناحت بهل يـوم آيات الكتاب
وگلب سيد الكـون بالآهـات ذاب
ونصب باسمچ مأتمه ** فاطمه يا فاطمه
--------------
ناح لمصابـچ اميـر المؤمنيـن
وللحسن لاحت سهـام الظالميــن
وعلى المحسن هلّت دموع الحسين
وعرف نار الباب تاخذهه السنين
وتنتقل لمخيّمه ** فاطمه يا فاطمه
---------------
عقيل الكاظمي / بغداد

نعي شهادة الزهراء ع ودخول الحسنين على امهم فاطمه ع




يخويه حسين من عدنه أُمنه راحت
و من كســـر الضّلع چنها استراحت
      زينب ســـمعته و للگــــــــاع طاحت   
وعله بچاها الشّداد السّــــبعه ناحت
****
راحت والأجل غمّض  جفـــــــــــــها
وأخذها الموت منّه وگطـــــــع ونها
چــــــنها ما ترد للــــــــدّار چــــــنها
أُمــــــــنّه الماشـــــــبعنه وداع منها
****
بظهر مكسور أهوى اعليها الحسين
يحاچيها ويقـــــــــــبل أجدامها بلين
 
شلون بســـــاع من عدنه تروحين
وتخلّينه يتامــــه ياضــــــوه العين
****
بعـــــــــدنه ازغار وبعازت حنانچ
يراحتنه المشت و نريد أمـــــــانچ
بعـــــد بالــــدّار ما نســــمع أذانچ
تروحـــــــين ويظل خالـــي مكانچ
****
من أعمارنه ريت اعلـــــه عُمرچ
و تگومين بسلامه و نشم عطرچ
يشـــــــــمعة بيتنه ويطيب كسرچ 
ولا عــــــــنّه يظمّـــــچ لحد گبرچ
الشّاعر // أبو سجّاد الجعفري 10 جمادى الأولى 1446هـ

ابيات ابوذيه لاستشهاد مولاتي الزهراء ع

اره البسمار بعيوني وره الباب
وره المحسن سگط منهه وره الباب
وشوف الباب مذوهله وره الباب
لمصاب الزهره بت سيد البريه
==========================

حـزينه ارواحنه ومـا مر نعشهه
فــرح وايـامـنه بـحسره نعشهه
لــئن   بـليل  يــشيع   نعشهه
وگبرهه علينه ظل مخفي الزجيه
==========================

يـدنيا الـفرح مــامـرنه  نعش بيج
وعسانه نموت مالحظه نعش بيج
لان لام الحسن شالوا نعشج بيج 
كـسير اضـلوع ودمــوعه جـريه
===========================

الــچ يـلزهره ولـحيدر ولانه
ولـيه الــحزن بـغيابج ولانه
لاواحد وصـل  گبرج ولا نه
اشوفنه وتـرد  الروح  الـيه
==========================

شوكت يلزهره ناخذ يوم ثاراج
ونـصل گبرج ونشتم طـيب ثاراج
نـعشج مـو بـگاع انـدفن ثاراج
ابگلب كل شيعي يلزهره الزجيه
============================

كسر ضلع امنه يدي ودوم ماطاب
وعگبهه  كل طـعم للــزاد ما طاب
امن الصد علدار ودي الدار ماطب
لان مظلم غده دون الزجيه


دموع الساكبه

🎙️🎙️🎙️🎙️🎙️🎙️🎙️🎙️🎙️🎙️🎙️

القصيده 🗞️آه يا طف كربلا شسويتي
الرادود 🎤سيد محمد الحسيني
الشاعر ✏️ناصر البوعبيد

🎙️🎙️🎙️🎙️🎙️🎙️🎙️🎙️🎙️🎙️🎙️

آه يا طف كربله اشسويتي
لا عشيره و لا اهل خلّيتي

*💔*💔*💔*💔*              

وياچ يا طف كربله عندي عتاب
آنه زينب بت زچیه ام الکتاب
لیش ذوّقتیني كل هذا العذاب

ليش طفّيتيهه شمعة بيتي
« آه يا طف كربله اشسويتي »       

*💔*💔*💔*💔*              

زينب آنه الما رئوا مني خيال
من عگب جاهي و عگب ذاک الدلال
اَنسبي تاليتي و اَنشد بالحبال

ويلي و امشي ويه الغرب تاليتي
« آه يا طف كربله اشسويتي »       

*💔*💔*💔*💔*              

وياچ یا طف کربله عندي حچي
ليش گطّعتي نياطي من البچي
من عگب عباس بیمن انتچي

اَنَا الّي أخت الگمر تسميتي
« آه يا طف كربله اشسويتي »       

*💔*💔*💔*💔*              

شفته واگع عالنهر و بلا زنود
منهشم راسه اویلي بالعمود
جوده ما بي ماي بس مليان جود

من طفو جوده انطفت عافيتي
« آه يا طف كربله اشسويتي »       

*💔*💔*💔*💔*              

آه من طفوا ابگلبي العافيه
عالجمر صرت اركض اعثر حافيه
اشّرت لي الزلم زينب ها هيه

ريت ميته امن الزغر امنيتي
« آه يا طف كربله اشسويتي »       

*💔*💔*💔*💔*              

ریت میته و لا شفت شمر اللعین
شلون متربع عله صدر الحسین
بیده خنجر یگطع اوداج الوتین

و انتي من دم منحره اتحنّيتي
« آه يا طف كربله اشسويتي »       

*💔*💔*💔*💔*              

آه يوم الرضرضت صدره الخيول 
تنعي يم نعشه شفت أمي البتول
رافع ايده للسمه جدي الرسول

و الملائك نزلن التعزيتي
« آه يا طف كربله اشسويتي »       

*💔*💔*💔*💔*              

صرت انادي ابحرقه يا جدي اسطبي
شلون ذو القربه ولوهه و تنسبي
عالجمر تركض رقيه اتصيح أبي

آخ ذاني. سلّبوا. ترچیتي
« آه يا طف كربله اشسويتي »       

اه ياطف كربلا شسويتي

*💔*💔*💔*💔*
              
ألـــــ🖋️ـــكاتبه👇
*أزهـــــ✒️ـــــــار التميمي*
👆#غير #مبري #الذمه #من #يحذف #اسم #الكاتبه #من #القصيده*
🌸نســألــڪــم الــدعــاء🌸

🎙️🎙️🎙️🎙️🎙️🎙️🎙️🎙️🎙️🎙️🎙️

بصوت. مسلم المطيري

آه ياطف كربله اشسويتي
لاعشيرة ولا اهل خليتي



كلمات الشاعر
ناصر البوعبيد

❇️ قصائد استشهاد السيدة الزهراء عليها السلام



من يوم ضلع أمك يمهدينه تكسّر
لليوم وجروحك نَزِفهه ما تخثر
--------------
ما شفت بعيونك يغايب ذاك المصاب
ولا غيِرَت أنوار وجهك حرگة الباب
لكن عشتهه من گبل عالم الأصلاب
هل جَرِح عاش بمهجتك من عالم الذر
-------------
انعرضت صور هذا الجرح والباري راواك
من عالم  الذّر سيدي ما فارگ احشاك
منك اخذ عهد الصبر يل مهدي ونطاك
ميعاد تاخذ بيه ثـــارك يوم تظهر
-------------
بهاي الصور شفت الهجوم الصار عل دار
وظلت بصدرك يا بو صالح كل الاسرار
اسمعنه بضلعهه وبل جنين ولهبة النار
يل مهدي لاچن ما لفتنه اخبار اكثر
--------------
هل نار يمكن نثرت اعلى امك جمرهه
ومو بس ضلع يمكن تهشم كل صدرهه
ولهل سبب ماتت وهي بزهرة عمرهه
وجمره بگلبهه اعلى الجنين الطاح تسعر
--------------
ما گول ريتك حاضر بهاي الفجيعة
جدّك علي هو الأمين اعلى الوديعة
شاهَد خريف الفاجعه  ذبَّل ربيعه
لاچن وصية المصطفى گيدت حيدر
--------------
جدّك تگيّد بل وصيّة وتدمع العين
وما من وصية اتگيّدك يبن الميامين
يوم اللي تظهر يا غيور لنصرة الدين
ما غيرك لكسر الضلع يل مهدي يثأر
-------------
عقيل الكاظمي

قصیده

یوسف الزهراء 💔

بـ ضـــــــيم الأيــام.. اتگبعيتي
وبـ اه الأخوان.. مــن نحنيتي

هاية افعال الدهر وكافلج يم النهر
         اخ.. يـ ام عون 
༺༺༻༻
شلون متونيـن وانتِ بـ هل الفراق
كـون گبرچ بين اخـوتج بالعراق
وحنه ندري الشام غربة وما يطاق
دموم مـن العيـن مـو دمعـه تُــراق
༺༻
غربتــچ هـــالغربتنه
وبالمدامع شيبتنه

ندري وازاج القهر وكافلج يم النهر
       اخ.. يـ ام عون
༺༺༺༻༻༻
گلبـــي جـمره وفركتج يمه الهــوه
ودنيتـي ضلمه تره وكبتج ضـــوه
من كثر هل شوك الج كلبي انچوه
وكطع  انياط البعـد كلهـــن ســوه

يا حسافه عالجرالج
وجنتي ما يطلع خيالج

شابح يضل النضر.. وكافلچ يم النهر
              اخ.. يـ ام عون
༺༺༺༻༻༻
المحتـرك كلبه عليـج يــروح ويـن
ماكو اي حل نمشي كلنه للحسيـن
وانــتِ ابو السجاد تدرينه حنيـــن
نشكي يمه الحال يم گلب الحزين

اشكي هاي الغربة كلهه
وحال التفارك اهلهه

غربتج تكسر ضهر وكافلج يم النهر
           اخ.. يـ ام عون
༺༺༺༻༻༻
جنة يمج نشعل بقبرج  شمــوع
ومو هوه يطفي الشمع تطفي الدموع
هــاي ذكـره الخلـت اليخفــگ يـ لوع
ونذكر امج فاطمة وكسر الضلوع

ربي احلفك بالزجية 
ارزقني دمعة علة السبية
گلبي بشوگه چهـر.. وكافلج يم النهر
              اخ.. يـ ام عون
༺༺༺༻༻༻
هل سنه محتـاره يمه ادري بيـــج
ماكو اي فرصه بعـد خاطر نجيـچ
ارد اكلج كلمـه بس خايـف عليـج
ثقــــي بلـ عبــاس مشتاقين اليج

يمه زينب ..  اعذرينـه
هلـ سنـــه..  جي ما أجينه

وراح يكتلنه السهر.. وكافلج يم النهر
              اخ.. يـ ام عون
༺༺༺༻༻༻
أســـم القصيدة.. غربة الشام
          عبد ال محمد
    منتظر خالد المنصوري
#اللهم_عجل_لوليك_الفرج
#یوسف الزهراء 💔

لوما ظهوري من الله أنتظرة
چـا قاتلچ طَلعتــه مِن كَبــرة
*
المهدي آنـــه المــا طفـت نـــاره
إلعاالشيعة يُمَـه انكَطعت أخبــاره
لازم يجيــچ بعيسـى وأنصـــاره
يوميــه سيفـــي ينتظـــرثـــــاره
ولوما ((تَأني)) كَلبـي وصبـــره
*
مـو بيـدي يالزهـــرة أعذرينــي
آنـي علمودچ تبچــي دم عينــي
خلــي الكِســر ظلعــچ يتـانينـي؟
راح أطلعلـــهم وآخــــذ بدِيَنـــي
أَخَــر ظهوري الله وطِعت أمـــره
*
يالزهـرة حــركَ البــاب شيبنـــي
ادريبــچ تكَوليـــن ويــن ابنــــي
آني الصبـــر يــا يمــــه تعبنــــي
بكَبرچ منـــارة يمــه يمتــه ابنــي
يوميــة اَهَدي جروحي بالحسـرة
*
آنـــه الــي هامة جــده مضروبة
آني الــي روحــه حيــل متعوبــة
قاتــلچ مــا أغفــــرهـن ذنوبــــه
لـــو ألف مـــرة كَالـــي التوبـــة
منهــــم هذولــــه الديــن يتبـــرة
*
بِيـــهَ غَضَب يهــدم دول عُظمـه
آنـــه الـــي كســـروله ظلع أمــه
آنـه الــي كون يمــوت من همـه
بطف كربله سابيلي چــم حُرمـه
لـوما يقينـي؟ تكَضي هالفتـرة؟؟
*
اِبن الــي بالطف مـا إلــه ناصــر
بيــن الجيــوش وعِيلتــه حـــايـر
اليركض بصدره مدري چم حافـر
أتمنــه اطلـــع يمـــه مــن باچـــر
وألعن الظلمـــو فاطمـة الزهـــرة
*
آنــه الــي عمـــه عينـــه مطفية
آنــه الِـــذي عمــــاته مسبيـــــة
الثــــار ثــــآري والقهــــر بيـــه
آنـــه الأتـــــاني الفَــرج يوميـــه
من انتظــاري كَلبي أحس جمرة
*
آنــه الوسـط كَلبـــي ألف لـوعة
أطلــب شكَد نحـــور مكَطــــوعة
آنـــي الــي دم ونــار بدمــــوعة
اِبــن الحســين الهشمو ظلــوعة
لـو بيدي أَرَجِع مِن؟ كَطَع نحـرة
*
هســـه عرفتي يمــه ما نــاســي
مثلــچ زماني ويـاي هَــم قاسـي
آنـي المصــايب شَيـــبت راســي
طـايــح بـلا چفيـــن عباســـــــي
لو الله جيشي مهيئـة ومحضـرة
*
إلــــه أبَــــرد كَلبـــچ من أطلــع
كَدامي اخلــي شكَــد دوَل تركــع
إِلخــاين أسحـكَ راســه؟والطَبَع
ثـــارچ يفاطـــم آخـــذه مرَبَــــع
مِـــن آخـــذ بكـل ثــــار للعتـــرة
*
حيدر حسين الكَرعاوي

نعي عن لسان السيده زينب بعد استشهاد الزهراء ع

ييمه اليل لو چلچل ضلامه
اخلصنه بواچــي وما انامه
رف گلبي الـچ رف الحمامه
ييمه انعيش من بعدج يتامه

ييمه اخلاف عينج ماغفينه
تگابلنه سـوه ابدراچ بچينه
انفجـعنه ابموتــچ وتعذبينه
عالمكتــوب يا يمه اشبدينه

امنصد للباب اتذكــر وگعــتچ
وذكــر لوعتــچ يمه وصطرتچ
ييمه جاوبيــني ورحمي بنتچ
بعدني ازغيره وبگبرچ دفنتچ

احن اعليـــچ وكـت المغــربيه
وصيح ابصوت وينچ يالزچيه
ييـــمه اتعـودت نگعـد ســويه
اشمن بيـــچ وتشمــين بيــــه

✍كامل السعيدي