أغلب البنات الحاله عندهم مختفيهه بس هذا ماله دخل بالقبول والله أعلم🌸

بالنسبة ل وزارة الدفاع
وتغير لون الحالة


ماتتغير للازرق الان - اول شئ تحت الاجراء بالبرتقالي ثم تم ترشيحك اوليا وعليك اكمال بياناتك وطباعتها بعدها المقابلة والفحص ثم تتغيرر الى نعتذر او تحت الاجراء ازرق ويتم القبول اخر شئ اللي تحت الاجراء ازرق



منقول🌸

زي ماشرحت لك مركز التجنيد الموحد هو عبارة عن منصة للقطاعات العسكرية فيما يخص توفير الكوادر العسكرية لهم حسب شواغرهم، فطبيعي جداً يتم الاستدعاء حسب الاحتياج والشاغر في الفترة الحالية، وكل جهة تستكمل اجراءاتها من ارسال ارقام الشواغر والارتباطات المالية والوصف الوظيفي و و و... الخ، بيتم الاستدعاء على ضوء ذلك وهكذا


كل بينات المتقدمات متاحة لديهم ويتم الترشيح منها حسب حاجتهم، والباقي راح تبقى عند الحاجة راح يتم التواصل < مشابه لنظام جداره




كلام منقول من شخص بوزارة الدفاع والله أعلم🌸

اذا حضرتي المقابله بعد رساله القبول المبدئي
١-غرفه قياس الطول والوزن اذا جتزتي تمام واذا لا تطلعين
٢-غرفه المطابقه تجيبي الاصول والصور ويطابقونها ويتاكدون انك مسجله بياناتك صح مثل ماهي اجتزتي
٣-الى غرفه المقابله تقابلين وتطلعين تنتظرين رساله بموعد الفحص

السلام عليكم فيه بنات جاهم قبول كل وحده تشيك ع الموقع وتشوف حالتها بالتوفيق للي جاهم قبول عقبال البقيه🌸

الي يسألؤ حالة الطلب فاضيه القبول ع دفعات ب التوفيق لنا جميعاً وربي يكتب لنا مافيه الخير 🌸

انا جاني قبول رقيب كاتب مشغل نهاية طرفية تخصصي انقلش معدلي ممتاز مع مرتبة الشرف الاولى
موعد مقابلتي الاربعاء باذن الله/ الاداره العامه للقبول والتجنيد بالرياض
بالنسبه للاجراءات انا :
طبعت الوثائق كلها المؤهلات وصور لها
وطالبين ١٢ صوره شخصيه ٤*٦
كمان في بالموقع خطاب من وزارة الدفاع طبعته ووديته للاحوال وختموه ووقعو لي .
كمان نموذج تعهد ونموذج بيانات المتقدم ونموذج الاصل والمنشأ طبعها ولازم تكون مختمه من الشرطه اوالعمده لكن مع تصديق الشرطه او شيخ القبيله او محافظ المنطقه .

هذا كلام وحده من الي جاهم قبول بالتوفيق🌸

وَزارَة الـدِّفاع السُّـعُوديَّة هي إحدى الوزارات السيادية في المملكة العربية السعودية المكلفة بالتنظيم الإداري، العملياتي، واللوجستي المتعلق مباشرة بالأمن القومي والقوات المسلحة. تضم الوزارة اربعة أفرع رئيسية للقوات المسلحة وهي القوات البرية الملكية السعودية، والقوات البحرية الملكية السعودية، والقوات الجوية الملكية السعودية، والدفاع الجوي الملكي السعودي، كما تضم عدة هيئات تابعة منها رئاسة هيئة الأركان المشتركة، هيئة الاستخبارات العسكرية بالجيش، ومركز الدفاع الوطني.

اول شي يوم وصلت للمبنى حقهم فيه عسكري معه ورقه فيها اسماء قال ل ابوي اسمها ايش وقال له قال خلاص خلها تجي عشان ندخلها اسمها موجود وم دخلو ابوي معي المهم دخلت واخذو بياناتي وبصموني وبعدين اخذو السيفي لان بالمقابله بيسالونك كل شي بالسيفي المهم قبل المقابله فيه فلبينيتين يقيسون الطول والوزن بعدين دخلت للمقابله اللي يسسون المقابله حرمه واربع ضباط كل واحد يسالك سوال اهم شي خليك واثقه بجوابك كل شي كاتبته بالسيفي سالوني عنه الدورات الشهاده دراستي تخصصي واحد قال عندك دورت صيانه جوالات يعني لو حوالي خرب تصلحينه قلت اي وسالتني الحرمه عندك اسلوب الاقناع اقنعيني ب شي بعدين قالو الوظيفه بالرياض حاليا انتي من سكانها بعدين قال الزي لسه م تحدد بس اذا تحدد عادي تلبسينه؟ واهمشي الاحتشام لان الوظيفه اختلاط وغطى الوجه والقبول م قبلو الا قليل جدا جدا يعني نسبه الوظايف والقبول 5٪ والثنتين اللي معي رفضو لانهم مب بالرياض لان الوظيفه فيها.

واعطوني الفحص الخميس اروح اسويه

والاوراق طابقوها اول شي

للي يعيدون الاسئله
هذي معلوماتها


خربجه دبلوم شبكات
رتبتها وكيل رقيب
وما عندها اختبار كفايات
والمقابله كانت بهيئه الاركان
وطولها ١٦٤ ووزنها ٤٥

زي ما قالوا البنات اول شيء يقيسوا الطول والوزن وبعد غرفة المقابله ثلاث ضباط وحرمه والاسئله >> عرفي عن نفسك ،، ولما قلت لهم تخرجت ٢٠١٨ قالو ايش سويتي بالسنه اللي فاتت ،، وقالت ايش عندك دورات وقالوا تكلمي عنها بالانجليزي ،، وسألوني ايش تعرفي عن وزارة الدفاع ،، وكمان قالوا ترا الوظايف بالرياض عادي ؟؟ وعادي الزي العسكري ؟؟ وسألوني ايش مشروع تخرجك وتكلمي عنه ؟؟ وقالوا ايش لغات البرمجه المتمكنه منهاا وبسس

الله يوفق المقبولات يارب ويسعدهم زي ماذكرو تجاربهمم