جماعة دعولي معاكم 💔صرالي بروبلام كبير ليومة ضيعولي ورقتي تاع biochimie ودايروني abs ولازملي نقطتها باش نطلع عساكم اقرب مني الى الله

Nhdro chwiya ela 2ème année👀?

🔴 المووهيم انا طالبة طب في وهران طلعت سنة ثالثة جيت نحكيلكم شوي على سنة ثانية شا فيها وكفاش تقراوها ، الاخطاء لي تتجنبوها ..الخ وأي سؤال ولا سقسوني نجاوبكم

🟥 نبداو سنة ثانية بزاف يقلك اسهل عام ومنا بصح لوكان ما تعرفش كفاش تقرالها والله تبانلك صعيبة على بروميار هي انا من وجهة نظري هوما كي يبداو طب سنة اولى ما يكونو عارفين والو كلش جديد عليهم لغة فرنسية صوالح جدد لي كور طوال الخ سما تبانلهم حاجة مشي نورمال وبزاف ما يقدروش يقراو في اول عام دروك كي يطلعو سنة ثانية ويكونو صاي والفو اللغة والفو الريتم تع القرايا وزيد صوالح لي يقراوهم في دوزيام عندهم علاقة بالميدسين مشي كيما بروميار فيها صوالح زيادة وخاطيين لا علاقة في هادي راني معاك دوزيام غادي تجيك اسهل من بروميار بصح ماشي ساهلة🙂 دوزيام لوكان ما تكونش اجور وتقرا كل كور في وقته وتقسم وقتك ودير بروقرام تمشي عليه والله ما طلعها وبالاكو تقولو نديرو كيما بروميار نظلعو بليالي الرعد بسك غادي تشلقموها كيما يقولو😂 دوزيام تسحق تبدا من لول وحاجة ما تراطيها وتبدا بكري وتقرا كلش واذا دخلتو بعقلية تع دوزيام ساهلة غادي تتساهلو معاها فوق الحد لي تخلو قرايا حتى تالي مبعد تحصلو كيما صرالي انا في كارديو👀 المهم حاجة الزاوجة سنة ثانية شا تقراو فيها
عندكم تقراو 5 وحدات و 2 موديل

📌 Cardio-respiratoire :
هادي اول وحدة تبداو بيها في وهران معلباليش الكليات لخرين كفاش بسك كل كلية و باش يبداو ، غادي تقراو فيها على القلب كفاش يمشي ، دورة دموية ، جهاز تنفسي الخ هاد الاينيتي شابة بزاف مالقري كاين لي تجيهم واعرة شوي مي انا مالقري ما قريتلهاش بزاف كنا في فترة تع اضراب وراكم عارفين واحد ما كان لاهي للقراية ما تعمقتش فيها مي هكا وعجبتني بزاف خاصة الفيزيو تاعها حلوة سكر مهم غادي تقراو فيها فيزيو ، اناطومي، ايستو و بيوفيزيك ( في الوحدات لخرين في بلاصة البيوفيزيك تقرو بيوشيمي ما عدا وحدة نورو وكارديو فيهم بيوفيزيك) كارديو فيها 4 اسابيع واسبوع تع مراجعة ما تقراو فيه والو يخلوهلكم باه تقراو للامتحان صاي تعرفوه هذا علبالي🙂😂 المهم الامتحان تاعها في وهران فيه 70 سؤال
Endkm histo w anato yjo fihm 5 qst lkol whda t3 tp mchi t3 cour sema 5qsts tp t3 histo w 5 qsts tp t3 anato ( tp yrsloholkm fe bdya t3 unites wthfdoh beyna w examen les shemas yjo ela hseb tp li rsloh ma ytbdel walo )
Endkm 1h30min w9t t3 examen
Mohim 70 qsts kol khtra kifch y9smoha mais généralement module li fih bzf les cours yhoto elih bzf qcms kima cardio anato yhoto eliha hiya ktr tji moraha histo apre physio apre biophysique
W hna kmlna ela unité lwla .

#Savannah #doctors

اذا عجبتكم طريقة الشرح تاعي ( باينة تعجبكم ) قولولي نكملو الوحدات الباقيين☺️❤️

أومبعد العلامة على 20 ؟
كيفاه لحساب تاع المعدل وكذا

La moyenne ta3 unités
Kima kona nhsbo ta3 embryo wl histo
Cour ×4+ tp w kolchi 3la 5
Les unités coefficient ta3hom 4
Les modules coefficient ta3hom 2
W la moyenne générale bayna
La. Moyenne d'unité wl Modules × coefficient ta3ha w jm3 w kolchi /24