بداية الدراسة ان شاء الله السبت ٩ اكتوبر
هيكون في سيشن طب اسرة على الميكروسفت تيمز لكل الدفعه
الاحد عندنا جلسه طب صناعات على التيمز
ابتداء من الاثنين حضور ال الروندات اطفال ونساء واحتساب الغياب
بالتوفيق ان شاء الله

مفيش وحدات بكره يا شباب عشان لسا في ناس فاكرة ان فيه وحدات

بسم الله الرحمن الرحيم

بسم الله
هكتب كل شابتر مشيت فيه في الأطفال ازاي
بس قبل ده نصيحتي أو حاجة انا عملتها غلط ، ممكن اكون كنت فعلا بذاكر بس ناسية ان فيه ليلة امتحان مكلفة فيها بأني اجيب 13 شابتر ، فاللي قدرت اجيبه ليلة الامتحان شابتر و كام موضوع و ده كان سبب إن حاجات كتير تقع بس الحمد لله ، الاطفال مش صعبة علي قد ما هي طويلة و مين اللي عنده مقدرة يجيب كل ده في ليلة امتحان ، فهو فيه حاجات كتير اتذاكرت بس الإحباط إن بيكون صعبان عليك حاجات تعبت فيها و محتاج بس وقت تتراجع ، فنصيحة بعد ما يخلص الموضوع اعملوا لنفسكم تلخيص ميتجاوزش نص صفحة تحطوا فيه العناوين الكبيرة ، اساسيات تفتكروها ليلة امتحان مش تقعدوا لسة هتقروا كتاب 500 صفحة تقريبا 🙂 نصيحة كمان حاولوا تبصوا ع المحاضرات و تكتبوا منها النقط اللي مش مكتوبة في الكتاب .
اولا النظري :
بشكل عام كنت بسمع القزاز ، ميزته إنه بيلخص الموضوع بشكل يخلي دماغك مترتبة لدرجة انك ممكن تحفظ بعده بس ساعات كان فيه حاجات بتقع منه أو شايفة إن دكتور تاني أفضل فيه
1- Cardio :
الشابتر كله القزاز جميل جدا فيه بس ال rheumatic fever كان تفريغ ابو الاسرار كان شارحه افضل بكتير
2 - Hematology :
القزاز جميل بس كان فيه حاجات كتير واقعة ، اللي عايز يسمعه تمام بس بجد تفريغات محمد اسماعيل في الشابتر ده كانت بجد جميله جدا و منظمة و شارحة الشابتر بطريقة كويسة ، اللي هو ازاي تثبت أنها anemia اصلا بعد كدة ازاي تثبت أنها hemolytic و هكذا ، و نصيحة شابتر ال hematology يتذاكر فيه ال anemia و ال bleeding disorders كاملين لأن في امتحان الكلينيكال بتتسألوا فيهم كلهم
ال leukemia مشروحة في 10 دقايق و مش حلوة خالص و ال lmphoma مش مشروحة اصلا ،
اسمعوهم من medicosis روعة جدا جدا ، ده اللينك بتاع القناة https://youtube.com/c/MedicosisPerfectionalis
3 - Nephro :
القزاز + تفريغات ابو الاسرار
ابو الاسرار شارح ال renal failure بطريقة مظنش حد ممكن يشرحها بجد كان روعة و كاتب كل تفصيلة ايه سببها ، حاجات كتير الكتاب ماكنش كاتبها
و متنسوش إن فيه UTI و enuresis مطالبين بيه
4 - Endo :
القزاز ( thyroid & diabetes ) و متنسوش انكم مطالبين بال hyperthyroidism مش ال hypo بس ، و ال diabetes مكتوب ال management في المحاضرة بطريقة حلوة جدا
القزاز + تفريغ ابو الاسرار ( puberty ) و تذاكروا المحاضرة عشان مستفيضة في الموضوع جدا محاضرات( Obesity & Ca disorders ) و ال obesity محاضرة لذيذة و سهلة مش تضيعوها عشان جه منها أسئلة
5 - Chest :
تفريغات ابو الاسرار جميلة جدا و شارح اساسيات هتمشي عليها في الشابتر حلوة جدا ، حسيت القزاز فيه مش منظم
6 - Neuro :
اتقل شابتر ، القزاز فيه كويس بس اللي يقدر يجيب معاه تفريغات ابو الاسرار يبقي كتر خيره ، و للاسف مضطرين تجيبوا المحاضرات في الشابتر ده بالذات عشان فيها حاجات كتير
7 - GIT
اهم مواضيع فيه ال diarrhea و gastroenteritis و dehydration و ال GERD و دول محمد اسماعيل شارحهم حلو جدا ، جودة الصوت في القزاز مش حلوة خالص
و viral hepatitis اسمعوه للقزاز
باقي المواضيع رأيي تشوفوها محاضرات مع كتاب الدفرنشيال
8 - Genetics
رأيي تقروا فيها تفريغ ابو الاسرار لو متوفر وقت ، متوفرش اقروا محاضراتها
9 - Neonate , Feeding , Nutrition , Infection , Growth
دي شباتر لذيذة جدا و مش هتحتاجوا غير انكم تسمعوا القزاز بتركيز و تذاكروا وراه من الكتاب علي طول
ثانيا العملي :
نصيحة بردو في العملي ، الستاتيك الدنيا إن شاء الله متبقاش فيه صعبة ، بس علشان كنت أثبت اني مذاكرة و كدة كنت بقعد اكتب شوية شرح قبل الإجابة و وقت الستيشن كان بيعدي قبل ما اكتب الكلمة اللي سأل عليها اصلا ، فكام حاجة وقعت بسبب الأسلوب ده ، فجماعة نصيحة هما 3 دقايق ، اكتبوا الاجابة فعلا ممكن تكون كلمة اكتبوها و بعدين اشرحوا زي ما انتوا عايزين .
المواضيع كلها في امكانكم إن شاء الله تلموها بس فيه موضوعين صعبين شوية
1 - ECG و ده ريم السمان الله يكرمها قالت علي دكتور كويس اسمه محمود علام شارحه كويس ، و لو لا قدر الله ملحقتوش ، السؤال اللي بييجي فيه بسيط جدا إن شاء الله
2 - X ray
https://youtu.be/K63ZnPopknI
الفيديو ده تحفة شارح فيه ال x ray حلو جدا نصيحة تشوفوه
ثالثا البورتفوليو :
نصيحة حاولوا تنجزوا نفسكم من الاول عشان يتوفر وقت في الاخر
هما 6 شيتات ( 4 شورت في الساعتين بتوع ال clinical teaching و 2 لونج مع دكتور البورتفوليو )
https://youtu.be/0sMxzAW2pkw ده فيديو تقدروا تعرفوا منه ازاي تاخدوا هيستوري

3 طوارئ و 3 حضانة ( من الاول كدة حاولوا تمضوهم )
نصيحة : لو دكتور عبد المنعم نزل بجد استغلوه و لما يقول مين عايز يناقش و مين عايز يعمل اكزامينشن ارفعوا ايديكم من غير كسوف ، كله في الأول مبيكونش عارف يعمل حاجة فمتخافوش إن حد يتريق ، مش هتنسوا كل تعليق هيقوله علي كل غلطة بتتعمل

*كتب الأطفال*
كتاب د.ناصر جمال examination
كتاب baby Nelson
كتاب النجار differential diagnosis

دي تجربة احد زمايلنا الاكبر منناما شاء الله

طب بالنسبه لخلاف الكتب
القصر مختصر بالنسبة ل baby Nelson
هتعرف تلم منه المنهج بإذن الله

بس كتاب baby Nelson أحسن ودكاترة الكلية هم اللي بيقولوا لنا نجيبه ونذاكر منه مع المحاضرات ما عدا دكتور واحد بس
وفيه اتفاق بردو ما بين طلبة الجامعات على إن كتاب baby nelson هو الأفضل كمعلومات

أنا كنت بذاكر من baby Nelson
بس لخص وأنت بتذاكر منه
لأنه كبير ومش هتلحق تبص فيه كله ليلة الامتحان

طب كل دكتور بيشرح منين؟

د.أبو الأسرار ود.علي القزاز بيشرحوا من مذكراتهم
د.ابو الأسرار ده من جامعة عين شمس
ود.علي القزاز في القصر العيني
كتاب baby Nelson اللي كاتبه د.محمد الكوني من جامعة الزقازيق وليه تسجيلات على يوتيوب بردو .. أنا مسمعتش إلا جزء منها في الآخر بس كانت حلوة صراحة

بس دكاترة الكلية عندنا قالوا لنا نقرأ تفريغات أبو الأسرار .. هم بيحبوها
وفعلا أسئلة الامتحان بتيجي من اللي هو بيقوله
حتى فى الشفوي

طب أفضل. حل اي ؟؟؟

أفضل حل إن الواحد يحاول ينجز مذاكرة المنهج بدري
الترم ١٦ أسبوع عندكم
قسم المنهج على ١٢ أسبوع مثلا مذاكرة أول مرة مع د.أبو الأسرار لأن الدكاترة وصونا نقرأ له وكمان طلبة الجامعات التانية بيقرءوا تفريغاته والمعظم متفق عليها
وبعدين راجعه في أسبوعين وبعدين في أسبوع وهكذا مع د.علي القزاز لأنه بيساعدك تحفظ وتثبت

بس الطريقة دي عاوزة التزام جدا من الأول
: جمع في كشكولك ولخص من المحاضرات وبيبي نيلسون وشرح د.أبو الأسرار

الحل دا محتاج مجهود كبير

طب اي فايدة كل كتاب؟؟؟؟؟
أول كتاب هتذاكر منه ال examination اللي هتاخده في الداخلي مع الدكاترة
نفس ال skill lab بس مطالب بمعلومات وفهم لكل حاجة بتعملها ليه
كتاب baby Nelson ده بيشرح كل المواضيع في المنهج
يعني مثلا بيشرح ال pneumonia وال congenital heart diseases وال nephritic وال nephrotic وهكذا

لكن كتاب النجار ده بيقول لك إزاي توصل للتشخيص من خلال شكوى العيان
وده مهم تاخده معاك من أول يوم
مثلا عيان جاي بيكح
هتفتح chapter ال respiratory وتفتح جزء ال cough وهتلاقيه كاتب لك مفروض تسأل على إيه وإيه الأمراض اللي العيان بييجي يشتكي فيها من الكحة وهكذا

دي كدا اظن ان شاء الله أغلب الأسالة اللي بتدور في ذهن كل واحد وإجاباتها
شكرا لزميلتنا اللي فادتنا ربنا يجعله في ميزان حسناتها
وإن شاء الله سنه موفقة

الناس اللي عندها نسا الترم دا ان شاء الله

‏صورة من A.K

شباب المدينه السكن بكرة ان شاء الله علي حسب التقدير