#دئییملر

▪️اوزو یولا = سؤزه باخان آدام

▪️ الی سولو = باجاریقلی آدام- ایش باشاران

▪️باش قاندا = قورخماز و جسور آدام

▪️باشی اوجا = موفق و آنلی آچیق آدام

▪️باشی سویوق = اٶز ایشلرین چوخ جدی توتمایان آدام(سهل‌انگار)

▪️ بالدیری آچیق = حیاسیز آدام

▪️ بیر دری بیر سوموک = چوخ آریق آدام

▪️ پیچاق سوموگه دایاندی = جانا گلمک

▪️دووشان چومماغا توش گلدی = ایسته‌مه‌دن بیر ایشه راست گلمک

▪️دمیر قیناق آدام = اَل ایاقلی و زرنگ آدام

▪️ دری سینه سامان تَپمک = بیری‌نی چوخ اذیت و ایشکنجه ائتمک

▪️حیانی بئله باغلاماق = حیاسیز اولماق

▪️صاندیق تولاسی= آتا - آنادان ال چکمه‌ین اوشاق

▪️پَل؟پر؟ وورماق = ایکی نفرین معامیله‌‌سین‌پوزماق

▪️میرزه قلمدان = مداح و یالتاق شاعیر و یازار
🔹توپلایان: ش. بابایی


داشلی بولاق↙️

@dashlibulaq

‍ #چیل_یاسین

چیل یاسین کلمه‌سینی چوخلاری چهل یاسین (قیرخ یاسین) یازیرلار. منیم نظریمجه بیر آز تورکلر یاشایان ماحاللاردا و اٶلکه‌لرده ایشله‌نن سٶزلره دقت ائدیلیرسه ،گٶره‌جَگیک چیل کلمه‌سی چهل کلمه‌سیندن یوخ ، بلکه "چیله‌مک" کلمه‌سیندن اولمالی‌دیر،(چیله‌مک=سَپمک)و حتی چیلله‌ده هامان کلمه‌دن آلینیبدیر . مثلا اگر چیلله قیرخا دئسه‌یدیلر ،پس نییه ۲۰ گونه‌ده چیلله‌ دئییلیر؟!(بٶیوک چیلله = قیرخ گون. کیچیک چیلله اییرمی گون)
ایندی ایسه آذربایجان دیلی‌نین ایضاحالی لوغتی (دکتر بهزاد بهزادی) ٨۹۶و ٨۹۷نجی صحیفه‌لرینه توجه ائیله‌یک؛
"چیل= صفت(لی = اک :پسوند)
۱. چیله‌مک : (فعل): سیچرانتی حالیندا ، دامجی -دامجی تٶکمک ، سَپمک ، باشینا ، اوستونه سیچراتماق ، چٶره‌گین اوستونه سو چیله‌مک.
آز- آز ، سئیرک- سئیرک یاغماق ، سپه‌له‌مک(یاغیش حاققیندا)
او چیلله‌ده همن چیله سٶزوندن‌دیر و یاغیشین چیله‌مه‌سیندن و سپمه‌سیندن آلینیبدیر، صفت‌دیر اسم اولوبدور

"چیل یاسین" سویو

یایرام گونو ایل تحویل اولمادان قاباق ،کیشی‌لر تمیز یویونوب و تَزه پالتار گئیندن سورا کندین یا محله‌نین بٶیوک مسجیدینه ییغیشارلار ، بیر یا نئچه بٶیوک تشت یا قازان قاباقلارینا قویوب و اونلارین ایچینه تمیز و دورو سو دولدورارلار و اونون چئوره‌سینه(اطرافینا)ییغیشارلار ، بیر نفر عالیم قرآنین یاسین سوره‌سین اوجادان سایلی-سایلی اوخویارکن ، نئچه نفرده اوردا اوسالار اونونلا سسله‌شرلر او عالیم اوخودوغو یاسینی اوخویارلار و او قازاندا اولان سویا پوفله‌یرلر (حقیقتا دوعانی و یاسینی او سولارین اوستونه چیله‌یرلر - سپرلر) بئله‌لیکله او سویو پاک و مقدس‌لشدیررلر . جماعات تبروک اوچون او سودان تَزه کوزه‌لره دولدورارلار و ائولرینه آپارارلار . او سودان اٶنجه اٶز- اٶزلرینه ،اوتاغین دٶرد بیر بوجاغینا ،بوغدایا و یئمه‌لی‌لرین اوستونه نئچه دامجی چیله‌ییب ، سپرلر کی برکتلی و داواملی اولسون.
اعتقادلاری واریدی کی ایل تحویل اولاندا بالیقلار بیر دفعه آرخاسی اوسته چٶنر یا دٶنر و بو فیرلانمالاری او چیل یاسین اوخویانلار و تئشتین دٶره‌سینده اوتورانلار گٶررلر .بعضی کتابلار؟دا یازیلییلیب بالیقلاری او چیل یاسین تشتینین ایچینه سالارمیشلار ، منیم نظریمجه بالیقلار آیری قابدا اولمالییلار چونکو او سویو ایچردیلر لیکن ایچینده بالیق اولان سویو ایچمک اولماز ، بو سٶزو قدیم آداملاردا بیلیردیلر.

✍عبدالعلی مجازی ، ائل بیلیمی‌درگی‌سی

✅ داشلی بولاق کاغازکونان فولکولورو

@dashlibulaq

وارلی اوغلان- کاسیب اوغلان
#ائل_ناغیلی

گونه گون دولانيب بير اوغلان كه دونيا مالين دان هئچ زادى يوخدور،آما آللاهين بيلن و سايغيلى اينسان اولاراق بير قيزين ائلچى ليينه گئدير.
قيزين آتاسى دئيير:
سن يوخسول سان و هئچ زادين يوخ و قيزيم چتين‌ليك و آجليق چئكه بيلمز آنجاق قيزيمى سنه وئرميرم.

نئچه گوندن سونرا باشقا بير اوغلان كی چوخ دؤولتدى و وارلی- كارلى آمما فيريلداق و يالانچى آدام اولاراق بو قيزين ائلچى‌لييينه گلير .

او اوغلان قيزين آتاسيندان هه‌يين آليير.

قيز گئجه آتاسينا دئيير:

آتا اوغلان دوز اوغلان دئيل يالانچى دير و هامى اونون حارام مال يئمه‌يين بيلير.

قيزين آتاسى حيرصلى دئيير:

آللاه اونو هيدايت ائدر و يولا گتيرر، قورخما قيزيم.

قيز دئيير:

- آتا جان، مَیه‌ او آللاه كه هيدايت ائدر
و او آللاه كى روزى وئرر فرقيلى دير؟؟!!

#حسرت_زنگانلی

داشلی بولاق↙️
🆔 @DASHLIBULAQ

"خدیجه قاری" یوخسا "سیزده بدر"

دئییشلره گؤره آذربایجاندا بیر ایل قیش تئز گلدیگی و هاوا چوخ سویوق اولماسینا باخمایاراق هامان ایل قیش فصلی چیخمادان بایرام قاباغی هاوالار ایسینه‌رک طبیعت آییلماغا باشلار.
بو آرادا "خدیجه خاتین" آدلی مال و حئیوان ساخمالاقلا اوغراشان و مشغول اولان وارلی کارلی بیر قادین وار ایمیش. خدیجه خاتین کئچن یایدا ییغدیقلاری اوت و علفلری حئیوانلارینا یئدیردیگی و داها یئدیرمگه اوت و علفی قالمادیغی اوچون حئیولانلارینی طبیعت اوتلاغیندا دویورماق اوچون گون سایارمیش.
یازدان یئددی گون (بیر هفته) گئتدیکدن سونرا آرتیق هر یئری اوت و علف باسماغا و انسانلار یایین گلیشی خیالینا قاپیلماغا باشلارلار. بئله‌لیکله خدیجه خاتین یازین سون آیی گلمیش، یایلاق واقی اولموش دئیه آتینی مینه‌رک یایلاغا گئدر و یایلاغین نئجه اولدوغونو یئرینده اؤیرنمک ایستر.
خدیجه خاتین یایلاغین دوروم و وضعیتی‌نی دوغرودان‌دا یایا اویقون گوللو، چیچکلی، اوتلو و علفلی گؤرر.
بئله لیکله تئزلیک و عجله‌ایله قیشلاغا دؤنه‌رک کؤچونو چاتماغا و یایلاغا چیخماغا قرار وئرر. خدیجه خاتین یازین اون ایکیسینده یایلاغا چاتار. خدیجه خاتین یایلاقدا بیرینجی گئجه‌نی گئجه‌لرکن گئجه قار یاغماغا باشلار. خدیجه خاتین صاباح یوخودان قالخاراق هر یئری قارلی و مال حئیوانلارینی اؤلموش گؤررکن قاباقکی گول، چیچکدن هر هانکی بیر ایز و اثر گؤرمز. بئله‌لیکله خدیجه خاتین جانی‌نی گؤتوره‌رک سویو سوزولموش بیر داها تلم- تلسیک قیشلاغا گئری دؤنر.

او گوندن باشلایاراق آذربایجان تورکلوگو آراسیندا یازین بیرینجی آیی‌نین اون اوچونجو گونونه قوشقو و شک‌ایله یاناشار. بئله‌لیک‌له هر ایل بیر سیرا انسانلار بایرام قاباغیندا ائولرینده گؤی گؤیه‌رنتی بسله‌مک، سمنی پیشیرمک و گؤی گؤیه‌رنتی‌نی ده اؤزلری ایله گؤتوره‌رک یازین بیرینجی‌ آیی‌نین اون اوچونده طبیعته چیخار، طبیعتی گزیب و سئیر ائتدیکدن و شادلیق ائتدیکدن سونرا آپاردیقلاری گؤیرتیلری طبیعته آتماقلا یاز فصلی ایله باریشمیش اولار.

ایشیق سؤنمز، 20.03.2017
@el_bilimi

گوزل بیر دیکلمه : فرشاد یالقیز

تورک بالاسی فارس دانیشیر قیرجانیر....

داشلی بولاق↙️
@DASHLIBULAQ💕💕💕💕

‌باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره
عماد الدین سید علی نسیمی

@dashlibulaq🌺🌺🌺🌺

#دئییملر

دانیشقلاردا ، بعضا اینسانلارین نئجه داوراندیقلاری‌نین اوزَرینده، سٶزو یاخچی ایفا ائتمک اوچون حیوانلارین شخصیت‌لریندن استفاده اولونور ⬇️

🔹 اَفی ایلان :تهلوکه‌لی اینسان

🔹تولکو :چوخ بیلمیش، حیله‌لی اینسان

🔹قوزو : یوموشاق باش، سٶزه باخان، اٶز ایشینده اولان

🔹 اٶکوز:چوخ قودرتلی

🔹 آیی:سوموگی ایری، هیکللی

🔹 دَله : هرایشه باش اوزادان

🔹اینَک : چوخ ییه‌ن آدام

🔹 ائششک: آز دوشونن ،چوخ ایشله‌یَن آدام

🔹 دَوه:کٶنَز ،کینلی آدام

🔹 ایت : اخلاق‌سیز، اخلاقدان ایتی

🔹که‌نه‌(کنه) :اوندان بوندان آسلانان یاپیشیب بوشلامییان

🔹قورد-جاناوار : چوخ زیرنگ، هوشلو باشلی، باجاریقلی

حاضیرلایان: ش - بابایی

داشلی بولاق↙️
@dashlibulaq

#بایاتی:
باخدیم قیزیل گوللره
دوشدوم قارا گونلره
یاریم وفاسیز چیخدی
منی سالدی چوللره

یار منه گولدی گئتدی
دردیمی بیلدی گئتدی
عکسین چکدیم بالینجا
گوز یاشیم سیلدی گئتدی

@DASHLIBULAQ

کاغازکونانین "له‌له‌لی" کندینده ، یئرَل گئییم (لباس محلی)

داشلی بولاق↙️
@dashlibulaq

کاغازکونانین آستانئیین کندینده یئرَل گئییم (لباس محلی)

داشلی بولاق↙️
@dashlibulaq

#دوست

آختار دولان دونیانی
دوستدان شیرین زاد هانی
دوستو یاخشی گونده یؤخ
چتین گونونده تانی

بئل باغلاما سن یادا
دار گونده وئرر بادا
یاخشی دوستلار قالاجاق
بیزه آنجاق دونیادا

دوست مین آرزی دیله‌ک دیر
دوست دویونن اوره‌ک دیر
دوستو اؤلمویان اینسان
آخی نه‌یه گرک دیر ـ

یئنی ایلینیز موبارک یاخشی دوسلار🌺🌺🌹🌹

@dashlibulaq
🌸🌷🌷🌷🌸

#آتالار_سٶزو

◻️ اَلدن قالان ،اَللی ایل قالار.

◻️ اَلدن یاپیشمیر ، ایاقدان چکیر.

◻️ دوز یولو قویوب ، شوخومدا شیللاغ آتیر.

◻️ دوز ، اَیرینی کسَر.

◻️ دَلی‌یه هول وئر ، اَلینه بئل وئر

◻️ دالدان آتیلان داش توپوغا دَیَر.

◻️داغ ، داغا قوووشماز ، آدام- آداما قوووشار.

داشلی بولاق↙️
@dashlibulaq

💠آشیق حسین ساراشلی

🌐 کاغذکنان فولکلورو

#داشلے_بولاق
@dashlibulaq

یئرلی دئییملر(اصطلاحات محلی)

* سئیرَک : هر شئیین تک-تک اولماسینا سئیرک دئییلَر، (زمی‌ده بوغدا سئیرک گٶیَریب ) گاهدان عاقلی یاخچی ایشله‌میین آدامادا دییرلر: عاغلی سئیرکدی

سیرینسَه‌مَک: بیر شئیی بیشیرنده گاهدان گٶرونور بو غذا بیر دورومدا قالیر نه قدر قاینادیرسان بیشمیر (یاری بیشمیش، یاری چی قالان غذا)

٭ سَکمک : بعضی قوشلارین یئریشینه دئییلیر مثلا کهلیک ، بیلدیرچین...

٭ لینتیر : اَللی آیاقلی و قیوراق گٶرسَن‌مه‌ین اینسان، ساللاق آدام

* قورجاناق : گئجه‌نین قارانلیقیندا اود یاناندا اودونون یونگول قیسملری اوتدان آیریلیب یانارکن گٶیه گئدیب ، سونرا سونوب ، کوللری یئره دوشر(اخگر فارسی)

٭ کورنش : حیوانلار توپلو حالتده بیر یئره ییغیشسالار دییَرلر :کورنش باغلاییبلار ، بو اصطلاح چوخلو داوار و ایلاندا ایشله‌نر

٭ کیلَه : بیر باتمان توتان بیر قاب

٭ کٶوزه : دییرمان یا خرمنکوب ایشله‌دن آدامین بوغدادان اولان پایی، کٶوزه معین قرارلا ایش باشلانمامیشدان قاباق دانیشیلار ، مثلا دییرمانچی دییَر من سنون بوغداوی ۱۰ باتمانین بیر باتمانا دٶیه‌رم.

٭ کٶچَل : خرمن دٶینده گاهدان بوغدا و یا هر شئی یاخچی دٶیوولوب ساماندان آیریلماسایدی اونا کٶچل دئییلر

٭ هیم- خیم : دیواری ایشله‌ینده یئردن ایشله‌نن قیسمینه هیم دئییلر

٭ چوو -چیو : میخ یا میخا بنزَر شئی‌لر - بیل یا کورَک ویا ....ساپلایاندا ، اونون ساپینین دیبینه چالاردیلا تا اونو یاخچی ساخلاسین .

٭ سومسوک : باشی بوشونا زیر-زیبیل ایچینده بیر شئی آختاران حیوان

٭ تیله‌شه : آغاجدان و یا ... آیریلان دیرناقجا ، بیر قیسم

٭ وَرَزاندان چیخارتماق : بیر شئی‌یین تنظیمین ایتیرمک

٭ یالاق : ایتین یئمک- غذا قابی ، بعضا چابلوس انسانلارا بیر صفت اولاراق ایشله‌نر
توپلایان :عیسی .پ

#داشلے_بولاق↙️
@dashlibulaq

آی منیم گویچک آنام ❤️
منیم آغ بیرچک آنام🌹

داشلی بولاق↙️

@dashlibulaq💕💕💕💕

نیيه کؤورَلميسن،نیيه آی بولاق؟

✍سؤز:علی جوادپور
🎤سس:كبري ميرحسيني
🎬حاضيرلايان:یوسف عبادیان


#داشلے_بولاق
@dashlibulaq

#مهلت_آیی

آتالار ایلین بیرینجی آیینا مهلت آیی دا دئیَرلر، بو آیدا الله مهلت وئرر هاوا ایستی و گۆنشلی اوْلا حیوانات کؤیشَنه گئدیب یئم‌دن دۆشر! و ایکینجی آییْن یاغماغین چوْخ یاخچی و فایدالی بیلرلر!

آنجاق اوْنوتمایاق آذربایجان دا قیش یئنی ایلین 26 نجی گۆنونه (ائرمنی کیفیر) قدر وار!

و بیرده آتالار دئییب‌لر: مال-داوار ساخلایان گرک یازین قیرخ بئشینه سامان و دن ساخلاسین، اوْ گۆنده اولابیلر قار یاغیب کؤیشنی تۇتسون! اوْنا گؤره آتالار سؤزۆ واریمیز :

"اوْت قیشه، سامان قیرخ بئشه"

بیزیم کندلرده دئیرلر یازین آلتمیشی دا سوْیوق و قارلی-یاغیش‌لی اوْلابیلر!
اوْندان سوْنرا ایل یارد اوْلوب داوارین بئلی قیزار و قوْیون قۇزونون یۇنون قیرخارلار!

@dasbulaq

#آتالار_سٶزو

🔹 بوستانچی قولاغی آغیر ائشیدَر.

🔹بوردا منم ، بغداد دا کور خلیفه.

🔹پیشیگی بیر بوجاغا قیسناسان ، دٶنر جیرماقلار

🔹تیکه قارین دویورماز ، محبت آرتیرار

🔹 چوخ یئمک ، آدامی آز یئمکدن‌ده قویار

🔹خئییر سٶیله‌مزه دئدیلر: خئییر سٶیله، دئدی ؛ گئتسین گلمه‌سین ، یاتسین دورماسین

🔹 دردلی هارا گئدیرسن؟ دردلی یانینا

🔹 چٶره‌گین ایت یئییر ، یاخاسین بیت

داشلی بولاق↙️
@dashlibulaq